Close Rolls, January 1228

Close Rolls, January 1228

Hibernia. Pro Amaurico de Sancto Amando.—Mandatum est justiciario Hibernie quod, non obstante eo quod Rogerus Huscarl', dum habuit de ballio domini regis duas carucatas terre cum pertinentiis in Baliscadam, commisit quandam partem illius terre aliis tenendam de eo ad firmam, de tota terra predicta cum pertinentiis, scilicet tam illa quam ipse Rogerus retinuit in manu sua quam illa quam ad firmam commisit vel aliter alienavit, Amaurico de Sancto Amando, cui dominus rex illam commisit ad se sustentandum in servicio domini regis quamdiu domino regi placuerit, plenam saisinam habere faciat. Teste rege apud Bliam, iij die Januarii.

De mercato et feria de Kirketon'.—Dominus rex concessit H. de Burgo quod habeat unum mercatum singulis septimanis per diem Mercurii apud Kirketon' et unam feriam ibidem singulis annis duraturam in vigilia et in die (fn. 1) Sancte Trinitatis et per iiij dies sequentes; nisi etc. Et mandatum est vicecomiti Linc' etc. Teste ut supra.

De quercubus datis.—Rex vicecomiti Noting' salutem. Precipimus tibi quod habere facias fratribus leprosis hospitalis Sancti Leonardi de Cestrefeld' duas quercus in bosco nostro de Carberton de dono nostro ad reparationem capelle sue. Teste rege apud Blie, iij die Januarii.

De custodia terre et heredum Willelmi Tup'.—Rex vicecomiti Eboraci salutem. Scias quod concessimus Dionisie, que fuit uxor Johannis de Wasingel', custodiam terre et heredum et filiarum Willelmi Tup' primi viri ipsius Dionisie, quam ipsi Johannes et Dionisia habuerunt donec ipse Johannes fugit pro morte Martini Halfap' unde rectatus fuit, et quam occasione fuge ipsius Johannis cepistis in manum nostram. Et ideo tibi precipimus quod de predicta custodia cum pertinentiis ipsi Dionisie plenam saisinam habere facias, faciens habere ipsi Dionisie de dono nostro catalla que fuerunt predicti Johannis. Teste ut supra.

De quercubus datis.—Rex vicecomiti Noting' salutem. Precipimus tibi quod habere facias priori de Blie sex quercus de bosco nostro de Carleton' de dono nostro ad domos suas reparandas. Teste ut supra.

Pro episcopo Carleolensi.—Quia constat domino regi ecclesiam de Novo Castro super Tynam simul cum quibusdam aliis ecclesiis a predecessoribus domini regis ecclesie Carleolensi fuisse collatam, rogat dominus rex Eboracensem archiepiscopum quatinus, cum ipsa ecclesia vacans fuerit, quod suum est in hac parte secundum ordinationem auctoritate domini Pape (fn. 2) factam a bone memorie dominis G. tituli Sancti Martini presbitero cardinali et P. Norwicensi episcopo, apostolice sedis legatis, exequatur circa personas venerabilis patris Carleolensis episcopi. Teste
Et mandatum est vicecomiti Norhumb' quod occasione vacationis illius ecclesie manum ad eam non mittat nec in aliquo se intromittat, quia dominus rex, nolens venire contra factum predecessorum suorum, mandavit Eboracensi archiepiscopo ut supra continetur.

De coquina facienda in castro de Windles[ores].—Mandatum est constabulario Windles' quod de x m. quas vicecomes Surr' ei liberabit juxta communem ipsius et ipsius vicecomitis provisionem, cui mandatum est quod ad hoc ad eum accedat sicut competentius et levius poterit, fieri faciet in castro predicto unam coquinam, ad defectum quem de coquina dominus rex ibidem habet interim supplendum, donec dominus rex meliorem coquinam ibidem fieri fecerit. Teste ut supra.

De vinis liberandis mercatoribus.—Rex W. de Fortibus comiti Albemarlie salutem. Mandamus vobis quod, sicut alias viva voce vobis injunximus, habere faciatis Willelmo Burgelay xxj dolia vini que sua sunt de vinis, que penes vos habetis de vinis inventis in navi depredata apud Hulm', ad faciendum inde quod voluerit. Teste apud Eboracum, xxviij die Decembris.

Pro Hugone de Champaign'.—Dominus rex terram, quam Hugo de Campan' habuit de ballio domini regis in Chipeham et quam vicecomes Wilt' postea cepit in manum domini regis per preceptum suum, ei reddidit usque ad clausum Pasche anno etc. xij°. Et mandatum est vicecomiti Wilt' quod de predicta terra plenam saisinam ei habere faciat usque ad terminum predictum. Teste rege apud Newerk', vij die Januarii.

Pro priore et canonicis de Novo Loco.—Dominus rex dedit et concessit priori et canonicis de Novo Loco x acras bosci cum pertinentiis juxta curiam eorum, scilicet proximas haie sue site super aquam de Lene, per perticam xviij pedum et dimidii. Et mandatur H. de Nevill' quod, assumpto cum eo vicecomite Noting', predictas x acras predictis priori et canonicis assignari et plenam saisinam eis inde habere faciat. Ita quod liceat eis eas claudere fossata et haia, ita quod fere intrare possint et exire. Teste ut supra.

Pro Ricardo de Percy.—Rex magistro S. de Lucy salutem. Significavit nobis Ricardus de Percy quod de auxilio quod cepistis de feodo ipsius Ricardi, de quo vobis dedimus in mandatis ut illud plene redderetis, non reddidistis nisi unam medietatem. Et ideo vobis mandamus quod aliam medietatem ei reddat. Teste ut supra.

De quercubus datis.—Mandatum est Hugoni de Nevill' quod habere faciat canonicis deservientibus ecclesie de Newerc' vj quercus in foresta de Shirewud' ad reparationem ecclesie predicte. Teste ut supra.
Mandatum est eidem H. quod habere faciat priori de Turgarton' iij quercus in foresta de Sirewud' ad operationem ecclesie sue de dono domini regis.

Pro Radulfo filio Reginaldi.—Mandatum est ballivo honoris de Berchamsted' quod, quamdiu Radulfus filius Reginaldi fuerit vicecomes Linc', permittat dominica sua quieta esse de secta facienda ad curiam Berchamsted'. Et si quid ceperit ab eo pro predicta secta postquam precepit quod inde quietus esset, sicut predictum est, ei sine dilatione reddi faciat. Teste rege apud Wadinton', ix die Januarii.

[m. 13.]

De denariis mittendis ad dominum regem.—Mandatum est majori et ballivis Linc' quod denarios quantum poterint ad dominum regem mittant hac die Martis tempestive usque Brueram, si quos habetis de firma ville vestre de tallagio sive aliunde, et per ipsum quem cum denariis ipsis ad dominum regem mittent, litteras domini regis de allocatione eis remittet. Teste rege apud Wadinton', x die Januarii.

Pro magistro Alberto Ingeniatore.—Dominus rex concessit magistro Alberto Ingeniatori quod habeat auxilium vicecomitis, quamdiu domino regi placuerit, de terra quam habet de ballio domini regis in Thorp', Sutton' et Bekingham. Et mandatum est vicecomiti Linc' quod predictum auxilium ei habere faciat. Teste ut supra.

Pro Rogero de Colevill'.—Rex vicecomiti Linc' salutem. Scias quod perdonavimus Rogero de Colevile j marcam, quam ab eo exigis ad opus nostrum, de amerciamento unde amerciatus fuit coram Martino de Pat[eshull] et sociis suis justiciariis nostris ultimo itinerantibus apud Lincoln'. Et ideo tibi precipimus quod ipsum Rogerum inde quietum esse facias. Teste apud Ancheth', x die Januarii, anno regni nostri xij°.

Pro abbate de Abbendon'.—Mandatum est Thome de Muleton et sociis suis justiciariis in comitatu Berk' quod querelam quam habent versus abbatem de Abbendon' de atachiamento placitorum corone de hundredo de Hornemere, que per ballivos ipsius abbatis fieri consueverunt ut dicit, et si quam aliam querelam habeant adversus eum de qua dubitari debeat, ponant in respectum donec cum domino rege locuti fuerint apud Lond'. Teste ut supra.

Pro Waltero de Kirkeham.—Rex vicecomiti Eboraci salutem. Scias quod concessimus dilecto et fideli nostro Waltero de Kirkh', persone ecclesie de Rudeby, quod ipse et successores sui persone ejusdem ecclesie habeant in perpetuum warennam in terris suis propriis ad eandem ecclesiam pertinentibus, sicut plenius continetur in carta nostra quam inde habet. Et ideo tibi precipimus quod cartam illam in pleno comitatu legi facias, et warennam illam per ballivam tuam clamari et ei habere facias sicut predictum est. Teste rege apud Vallem die, (fn. 3) xiiij die Januarii.

De terra capienda in manum domini regis.—Mandatum est vicecomiti Linc' quod capiat in manum domini regis terram quam Henricus Teutonicus tenuit in Longa Ledenham et in Fulebec de baillio domini regis de terris Normannorum, et inde plenam saisinam habere faciat Olivero de Albiniaco, cui dominus rex terram illam concessit ad se sustentandum in servicio domini regis quamdiu domino regi placuerit. Teste rege apud Stamford', xiiij die Januarii, anno xij°.

Pro abbate de Valle Dei.—Rex vicecomiti Linc' salutem. Scias quod concessimus abbati et monachis de Valle Dei quasdam libertates contentas in carta nostra, quam eis fecimus, de ovibus suis non capiendis nec occidendis vel imparcandis et aliis in eadem carta contentis. Et ideo tibi precipimus quod cartam nostram de libertatibus legi facias in pleno comitatu tuo, et libertates in predicta carta contentas eis habere permittas sicut predictum est. Teste ut supra.

Pro Gileberto de Hauvill'.—Mandatum est Hugoni de Nevill' quod habere faciat Gileberto de Havill' unam quercum in bosco de Geytinton' de dono domini regis. Teste rege apud Geytinton', xv die Januarii.

De quercubus datis.—Eodem modo scribitur eidem Hugoni pro Willelmo de Albin' de quatuor quercubus ad cheverones, ubi competentius et ad minus nocumentum capi possint extra parcum de Geytinton' et parcum de Brikeston'. Teste ut supra.

Pro priore de Castro de Hymel'.—Dominus rex intuitu Dei concessit priori et canonicis de Castro Himel' quod habeant singulis diebus imperpetuum unum equum sumericium itinerantem bis in die in foresta de Clyve extra dominicum parcum suum, ad mortuum boscum et siccum ad focum predictorum prioris et canonicorum. Et mandatum est H. de Nevill' quod eos equum predictum habere permittat sicut predictum est. Teste rege apud Norhamt', xv die Januarii.

Pro hominibus de Hukenhal'.—H. etc. vicecomiti Noting' etc. Precipimus tibi quod forestarios et homines de Hukenhal' quos capi precepimus, si adhuc capti sint, dimittas per plevinam, et, si nondum capti sint, capias ab eis salvos plegios et eos cum catallis su[is] esse in pace permittas donec aliud inde tibi preceperimus. Teste me ipso apud Norhampt', xv die Januarii, anno regni nostri xij°.

Pro Vassalo de Haffuillus.—H. etc. vicecomiti Leic' etc. Precipimus tibi quod de sectis comitatus et hundredorum et auxiliis vicecomitis que exigis de terra Vassali de Aufullus in Lulleho, deferas eidem Vassallo et hominibus suis quamdiu fuerit in servicio nostro per preceptum nostrum in Wasconia. Teste me ipso apud Norha', xv die Januarii, anno regni nostri xij°.

Pro Hugone de Chastillun'.—Dominus rex licenciam dedit Hugoni de Chastillun' quod possit essartare unam acram ad perticam domini regis de bosco suo de Lechamsted' de longo in longum bosci ipsius versus villam de Lechamsted'. Et mandatum est H. de Nevill' quod hoc fieri permittat. Teste rege apud Lechamsted', xviij die Januarii.

Pro Ricardo persona de Byhamel.—Rex vicecomiti Linc' salutem. Scias quod cum Ricardus, persona ecclesie de Byhamel, aramiasset per preceptum nostrum coram Simone de Roppel', Jordano de Esseby, Johanne Coleman et Alexandro de Pointon', justiciariis ad hoc constitutis, assisam ad recognoscendum utrum unum mesagium in Byhamel sit libera elemosina pertinens ad ecclesiam ipsius Ricardi de Byhamel an laicum feodum Galfridi le Clerc, predictus Galfridus recognovit predictum mesagium esse jus ecclesie predicti Ricardi de Bihamel et illud reddidit et quietum clamavit de se et heredibus suis ipsi Ricardo et successoribus suis personis ejusdem ecclesie ut jus ipsius ecclesie imperpetuum. Et ideo tibi precipimus quod de predicto mesagio cum pertinenciis eidem Ricardo plenam saisinam habere facias. Teste rege apud Westmonasterium, xxvj die Januarii.

De hiis qui rectati sunt in comitatibus Salopie et Staff' de malo recto.— Rex vicecomiti Salopie et Staff' salutem. Precipimus tibi quod omnes illos qui rectati fuerunt de malo recto coram justiciariis nostris ultimo itinerantibus in comitatibus tuis, nec venerunt coram eisdem justiciariis ad standum inde recto, et de quibus preceptum fuit quod ter exigantur de comitatu in comitatum, et nisi venerint quod utlagentur, si invenerint tibi bonos et salvos plegios ad standum inde recto coram justiciariis nostris ad primam assisam cum in partes illas venerint, pacem habere permittas usque ad adventum predictorum justiciariorum. Et habeas ibi nomina plegiorum et hoc breve. Teste ut supra.

Pro Nicholao de Veredun'.—Rex baronibus suis de Scaccario salutem. Sciatis quod de xx^ti marcis, quas Nicholaus de Verdun' nobis debuit de amerciamento itineris dilectorum et fidelium nostrorum Stephani de Segrave et sociorum suorum in comitatu Leicestr', perdonavimus ei xv m. Et ideo vobis mandamus quod de predictis xv m. ipsum quietum esse faciatis. Teste ut supra.

Pro episcopo Elyensi.—Rex E. thesaurario et camerariis suis salutem. Sciatis quod de trescentis marcis quas G. Elyensis episcopus nobis solvisse debuit a die Sancti Hillarii in xv dies anno etc. xij°, dedimus ei respectum usque in j mensem post Pascha anno eodem; et hoc vobis significamus. Teste rege apud Westmonasterium, xviij die Januarii, anno eodem.

De perambulatione facienda inter Penierd' et feodum Herefordensis episcopi.—Rex Hugoni de Nevill' salutem. Mandamus vobis quod assumptis vobiscum forestariis, viridariis et de legalioribus et discretioribus hominibus de visneto de Ros et de Peniard', in propria persona accedatis apud forestam nostram de Peniard', et per sacramentum eorum perambulationem fieri faciatis inter feodum nostrum de Peniard' et feodum Hugonis Herefordensis episcopi de Ros; ita quod feodum nostrum in Peniard' et feodum predicti episcopi in Ros per certas divisas et metas distingantur, et perambulationem illam sic factam stare faciatis, quia tam nos ex parte nostra quam dominus episcopus ex parte sua in illam perambulationem nos posuimus. Teste rege apud Westmonasterium, xxviij die Januarii. (fn. 4)

De perdonatione pro Ricardo de Cumberwell'.—Rex baronibus suis de Scaccario salutem. Sciatis quod x m. quas exigitis per summonitionem Scaccarii nostri a Ricardo de Cumberwell' de fine xv marcarum, quem fecit cum justiciariis nostris qui ultimo itineraverunt in comitatu Wiltes' ut esset per ballium pro morte Rogeri Cobi unde rectatus fuit, ei perdonavimus; quia ipsum Rogerum, de cujus morte rectatus fuit, vivum coram nobis produxit. Et ideo vobis mandamus quod ipsum inde quietum esse faciatis. Teste rege apud Westmonasterium, xxxj die Januarii, anno regni nostri xij.