Close Rolls, April 1229

Close Rolls, April 1229

H. Dei gracia rex Anglie etc. dilecto consanguineo suo et amico speciali O. duci de Brunneswic' salutem, et sincere dilectionis integritatem. Audito nuper ex relatione devoti vestri magistri G. clerici vestri, quod a carcere et vinculis, quibus detenti fuistis, prospere et sine corporis vestri dampno et dispendio soluti estis per Dei graciam et liberi, successibus vestris et honori plurimum congratulantes, Altissimo, qui in angustia vestra dignatus est vos misericorditer respicere, et ab eadem liberare, grates retulimus copiosas. Gavisi quidem et jocundi nimis effecti super predictis juxta peticionem vestram domino Pape scripsimus, regratiantes eidem pro vobis super gratiam quam vobiscum egit dum in captivitate teneremini. Necnon et personam vestram propensius duximus ei commendare, et pro vobis tanquam pro nobis ipsis affectuose supplicantes, rogare quod gratiam et favorem quem erga personam vestram gessit ex interventu nostro circa vos augere velit et continuare, honori vestro et sublimacioni vestre intendendo et principibus Allemannie specialiter pro amore nostro vos commendando. Et ut negocium istud felicius effectum manciparetur, dilectum nostrum et devotum vestrum predictum magistrum G. de cujus diligencia et fidelitate certam fiduciam optinemus quod studiosius quolibet alio pro vobis laborabit, ad curiam Romanam destinavimus, cupientes ex animo quod directa pro vobis predicta peticio nostra eo favore exaudiatur quod et vobis ad perpetuum honoris cedat incrementum et nobis exultacionis exinde detur occasio. Ut etiam peticioni vestre nobis facte pro supradicto clerico satisfaceremus, concessimus eidem quinque marcas annuas de camera nostra percipiendas, donec data opportunitate uberius divino et intuitu vestro ei providere possimus. Teste me ipso apud Merleberg', iiij°. die Aprilis.

Reverentissimo (sic) domino et patri in Christo karissimo G. Dei gracia summo pontifici H. eadem gracia rex Anglie etc. salutem et tam devotam quam debitam tanto domino et patri reverenciam. Quod vestra dignata fuit paternitas vestras misericorditer partes interponere pro deliberacione dilecti consanguinei nostri O. ducis de Bruneswic' illustris a carcere in quo detinebatur vinculis mancipatus; sanctitati vestre ad quantas possumus assurgimus graciarum actiones. Et cum non fuerit inter Christianos principes aliquis quem sedis apostolice non contingat graciam implorare; paternitati vestre pro dicto consanguineo nostro devotissime duximus supplicandum, quatinus ipsum, intuitu consanguinitatis nostre propensius habentes commendatum, graciam vestram circa eum continuare velitis, honores ejus cum tempus affuerit si placet promovendo et ipsum principibus imperii commendando. Confidenter enim credimus et in Domino speramus quod ipsum inter omnes imperii principes filium invenietis devotiorem, et mandatis sedis apostolice, cui deliberacionem suam penitus asscribit, pronius obsequentem. Teste ut supra.

Rex Thome de Ingoldestorp' et Matheo Cristien, custodibus episcopatus Elyensis, salutem. Precipimus vobis quod in fide qua nobis tenemini et per sacramentum proborum et legalium hominum qui melius sciant et velint dicere veritatem, diligentem fieri faciatis inquisitionem utrum temporibus predecessorum nostrorum regum Anglie aliquo tempore, vivente episcopo Elyensi, contingeret prioratum Elyensem interim vacare et per mortem prioris ejusdem loci episcopus ejusdem loci custodiam ejusdem prioratus de jure haberet et consuevit habere, et si temporibus predecessorum nostrorum regum Anglie, aliquo tempore vacante sede Elyensi, prioratus Elyensis vacaret et predecessores nostri custodiam ejusdem prioratus de jure haberent et consueverunt habere, ratione vacationis sedis Elyensis, sicut eam habere consueverunt episcopi ejusdem loci sede non vacante, et utrum, vacante sede Elyensi, monachi ejusdem loci consueverunt eligere sibi priorem vel expectare eligendi sibi priorem quousque episcopus ibidem preficeretur; et inquisitionem inde factam sub sigillis vestris et sigillis eorum per quos etc. nobis sine dilatione mittas et hoc breve. Permittatis etiam predictis monachis habere rationabile estoverium suum per ballivos suos et per visum alicujus de vestris interim de terris, rebus, redditibus et possessionibus ejusdem prioratus; ita quod nichil inde amoveatur per vos vel per aliquos de vestris sine speciali precepto nostro. Teste rege apud Guldef', vj die Martii.

Norhamt'.—Adam de Curtenay attornavit Hugonem de Bernak' et Galfridum fratrem ejus contra Robertum de Gipesmere et Aliciam uxorem ejus de custodia trium virgatarum terre in Bulewic'.

Wilt'.—Willelmus de Hamme attornavit Robertum de Irpeham contra priorem Sancti Swithuni Wintonie de amensura pasture in Hamme.

Sussex'.—Hugo Saunzaver attornavit Johannem de Heiset' contra Johannem de Chesn' de una hida terre cum pertinentiis in Ragat'.

Mandatum est vicecomiti Devonie quod ponat per vadia et plegios omnes heredes Willelmi de Thorinton' exceptis illi (sic) qui homagia sua regi fecerunt de terris que fuerunt ipsius Willelmi, et que eos hereditarie contingunt, et de quibus idem vicecomes recepit literas regis de facienda eis saisina de predictis terris, quod sint coram rege a die Pasche in xv dies, facturi regi homagia sua, et responsuri quare non venerunt etc.

H. de Boun, comes Hereford', attornavit coram domino rege Herveum de Maningford' contra Petronillam de Wilton' de quodam debito quod eadem Petronilla exigit ab eodem comite.

Rex dilecto et fideli suo R. de Burgo, justiciario suo Hybernie, salutem. Ad audienciam nostram nuper pervenit quod cum David de Rupe duos haberet filios, quorum primogenitus in vita ipsius patris sui uxorem duxit, de qua duas procreavit filias, ipsum tandem decedere contigit vivente adhuc predicto patre suo. Cum igitur ipse David in fata concederet et Geroldus de la Roche, filius ipsius David junior, tanquam heres et superstes suus in terra ipsius patris sui se poneret et in ea se teneret, neptes sue filie, scilicet, Reimundi fratris sui primogeniti, tandem eum inde traxerunt in placitum per breve de recto in curia dilecti et fidelis nostri W. Marescalli, comitis Penbr', nec adhuc desistunt ipsum inplacitare. Et quia non est consuetudo vel lex in terra nostra Anglie quod filia fratris alicujus primogeniti fratrem juniorem patri suo succedentem hereditarie in casu predicto super hereditate sua possit vel debeat impetere, vobis mandamus quod predictam loquelam in curia prefati comitis ex parte nostra firmiter faciatis prohiberi, ballivis ipsius comitis districte precipientes quod in loquela illa nullatenus procedant, quia leges et consuetudines terre nostre Anglie in hoc, sicut in aliis in terra nostra Hybernie, volumus observari. Teste me ipso apud Merleb', xxv die Martii anno regni nostri xiij°.

[m. 13d.]

Willelmus de Redburn', Adam de Novo Mercato, Walterus de Soureby et Willelmus de Barton' constituti sunt justiciarii ad audiendum appella Jordani de Riton', Johannis Fatui, Godefridi de Pikering' et Willelmi le Sauvage, probatorum, qui sunt in gaiola apud Eboracum, et ad faciendum inde quod ad justiciarios pertinet secundum legem et consuetudinem etc. Et mandatum est eis quod certis die et loco quos vicecomes Eboraci per preceptum domini regis eis scire faciet, conveniant ad eadem appella audienda et ad justiciam inde faciendam, sicut predictum est; et quod provideant quod salva sint domino regi proficua de predictis appellis proveniencia.

Et mandatum est predicto vicecomiti quod certis die et loco predictis justiciariis scire faciat, assumptis secum coronatoribus comitatus sui, venire faciat coram eisdem justiciariis predictos probatores et omnes attachiatos contra eos occasione appellorum predictorum. Teste rege apud Merleberg', iij die Aprilis.

Dilecto domino et consanguineo L. Dei gracia regi Francorum illustri, H. eadem gracia rex Anglie etc. salutem. Super interceptionibus et injuriis gentibus vestris contra formam treugarum inter vos et nos captarum illatis quas eis emendari vestra postulavit serenitas, dominationi vestre significamus quod semper ad hoc fuimus et sumus parati, quod manifeste ex eo patet, quoniam interceptiones gentibus vestris factas de quibus ad nos aliqua delata est querela emendari fecimus, nec tamen alicui de nostris super interceptionibus eis irrogatis hucusque alique facte sunt emende. Rogamus igitur serenitatem vestram ut emendas secundum formam treugarum predictarum inprisiis et gentibus nostris fieri faciatis. Mittemus autem in brevi ad partes vestras nuncios nostros ad emendas gentibus vestris faciendas, et ad emendas nos et nostros contingentes recipiendas. Vos vero, si placet, ad dictarum emendarum tractatum talem ipsis nunciis nostris locum assignare velitis, qui eis merito non debeat esse suspectus, et ad quem sine periculo corporum vel rerum sibi et suis securus pateat accessus. Teste rege apud Merleberge, j die Aprilis.

Walterus de Preston', David de Esseby, Robertus de la Salcey et Johannes de Hulecot' constituti sunt justiciarii ad capiendum assisam nove disseisine quam Thomas de Atrio arramiavit versus.

Suff'.—Beatricia filia Radulfi et Aldith' filius Johannis attornaverunt Ricardum filium Ern' contra Ricardum de Haivill' et Aliciam uxorem ejus, et Ricardum de Ratlesden' et Adelunam uxorem ejus de duabus virgatis terre in Bradeleg'.

Norhamt'.—Walterus de Godarvill' attornavit Johannem Morin' contra Robertum molendinarium de Aldrinton' de arreragiis xxx s. de annuo redditu xij s. molendini ipsius Walteri in Aldrinton'.

Buk'.—Galfridus le Sauvag' attornavit Ricardum Prangenel et Simonem Straunge contra Hugonem de Castillun' petentem de duabus acris terre cum pertinentiis in Lechamsted'.

Wilt'.—Henricus prior de Farleg' attornavit Willelmum de la Bataille contra Walterum de Sumerford' tenentem de manerio de Parva Brocton' cum pertinentiis.

Hybernia.—Rex dilecto et fideli suo R. de Burg', justiciario Hybernie, salutem. Sciatis quod Ernisius de Dunheved' et Johanna uxor ejus attornaverunt coram nobis Galfridum de Blakeford' loco suo ad lucrandum vel perdendum in loquela que est coram vobis inter ipsos Ernisium et Johannam petentes et Robertum de Mandevill' tenentem de vij carucatis terre cum pertinentiis in Adtruill'. Et ideo vobis mandamus quod ipsum Galfridum loco predictorum Ernisii et Johanne ad hoc recipiatis. Teste apud Merleberg', iij die Aprilis, anno regni nostri xiij°.

Rex justiciario Hybernie salutem. Sciatis quod Johanna, uxor Ernisii de Dunheved', attornavit coram nobis Galfridum de Blakeford loco suo, ad lucrandum vel perdendum in assisa mortis antecessoris que summonita est coram vobis inter Willelmum de Fraxinis et Margaretam uxorem ejus petentes et predictos Ernisium et Johannam tenentes de tenemento in Adlumeny. Et ideo vobis mandamus quod ipsum Galfridum loco predicte Johanne ad hoc recipiatis.

Pro Sarisburiensi electo.—Rex vicecomiti Surr' salutem. Precipimus tibi quod non vexes vel vexari permittas venerabilem patrem R. Sarisburiensem electum vel dominicos homines suos in baillia tua de maneriis suis propriis, exigendo ab eis theloneum vel alias consuetudines contra libertates quas idem electus habet per cartam nostram et cartas predecessorum nostrorum regum Anglie. Teste apud Merleberg' ut supra.
Eodem modo scribitur ballivis Glouc' ballivis Wintonie, ballivis Wilton', ballivis Suhampton', ballivis Merleberg', ballivis Divisarum, et vicecomitibus Sumers' et Dorset' pro eodem electo.

Berksir'.—Gervasius persona de Neubir' attornavit Nigellum de Tatham contra Thomam de la Wyke et Katerinam uxorem ejus de sex solidis redditus in Neubir'.

[m. 12d.]

Rex vicecomiti Norhamt' salutem. Summone per bonos summonitores archiepiscopos, episcopos, abbates, priores, comites, barones, milites et omnes liberetenentes de balliva tua quod sint coram dilecto et fideli nostro Hugone de Nevill', capitali justiciario foreste, Briano de Insula, et magistro Henrico de Cern', sociis suis, ab octabis clausi Pasche in tres septimanas ad placita foreste nostre, sicut solent et debent venire. Summone etiam de qualibet villa comitatus tui infra metas foreste nostre existente quatuor homines cum preposito et forestarios villarum quod tunc ibi sint. Summone etiam omnes forestarios nostros et viridarios quod ibi habeant omnia atachiamenta sua, tam de viridi quam de venatione, tam de illis atachiatis qui manent infra forestam ballive sue quam de illis atachiatis qui manent extra forestam ballive sue, post ultima placita foreste emersa et que nondum terminata sunt. Summone etiam omnes reguardatores de balliva tua quod ibi habeant omnia reguarda sua sigillis suis sigillata, et agistatores quod sint ibi cum agistamentis suis. Et habeas ibi summonitores et hoc breve. Teste rege apud Windles', xxv die Aprilis, anno etc. xiij.
Eodem modo scribitur omnibus aliis vicecomitibus Anglie, in quorum ballivis est foresta, quod faciant summoneri etc. ut supra ad dies et loca que ipsi Hugo.

Eboracum.—Abbas de Melsa attornavit fratres Nicholaum de Ridale et Michaelem de Burnes, monachos suos, contra Willelmum de Strutevill' petentem de 1 acris bosci cum pertinentiis in Ruwe.
Idem abbas attornavit eosdem contra Galfridum filium Reginaldi petentem de dimidia carucata terre et uno tofto cum pertinentiis in Quarum.

Kancia.—Johanna de Aubervill', petens, attornavit Osbertum de Weybrade contra Stephanum Harengod de xv marcis.

Essex'.—Ricardus abbas de Strafford' attornavit fratrem Willelmum de Westmonasterio, monachum suum, contra Warinum filium Fulcher' de divisis factis inter terram ipsius abbatis in Ginges et terram ipsius Warini in Tillebir', et contra Robertum de Wudeham de averiis ipsius abbatis captis etc.

Essex'.—Willelmus de Muntchenesy attornavit Radulfum de la Haye contra Radulfum Morel et Agnetem uxorem ejus de consuetudinibus et serviciis que idem Willelmus ab eis exigit de libero tenemento quod de eo tenent in Lindwude.

Norf'.—Abbas de Sibbeton' attornavit Ricardum Chancelose et Walterum cocum contra Thomam de Keres' de quadam falda levata in Croxton' ad nocumentum etc. in eadem villa.

Hertf'.—Oliverus le Moine attornavit Walterum de Gedding contra Andream le Goiz de serviciis unde idem Andreas, qui medius est inter ipsum Oliverum et Galfridum de Scalar', etc.

Oxonia.—Thomas Basset attornavit Johannem filium Willelmi contra Robertum Brun, Robertum Bolt, Willelmum Durand, Robertum Blanchef', Robertum filium Nigelli, Agnetem et Gunnildam filias Rannulfi piscatoris, Idoniam filiam Willelmi et Agnetem filiam Mathei, quos clamat esse nativos suos.

Suff'.—Nicholaus de Cundy attornavit Johannem de Beaumes contra Adam Ingulf' et Salernam uxorem ejus et Mabiliam de Fonte de iiij acris terre in Sumerleton'.
Semannus filius Odonis attornavit predictum Johannem de Beaumes contra Robertum filium Constantin' et Margaretam uxorem ejus, tenentes de uno mesuagio in parva Gernem', et contra Alanum Beghild' de uno mesuagio in eadem villa, et contra Margaretam filiam Agnetis de uno mesuagio in eadem villa, et contra Robertum Cappe de uno mesuagio in eadem villa.

Essex'.—Stephanus filius Ricardi Ricardi (sic) attornavit Petrum de la Mare contra Agatham de Middelton' tenentem de xxx acris terre in Parva Heyne.