Close Rolls, August 1229

Close Rolls, August 1229

[m. 5d.]

Rex rogavit senescallum Wintoniensis episcopi quod in boscis domini sui propinquioribus Suhamt' fieri permittat mille cleias, et priorem Sancti Swituni Wintonie quod totidem in bosco suo de Menes et aliis boscis suis propinquioribus Porec' fieri permittat, et abbatem de Bello Loco quod in bosco suo de Suberton' fieri permittat d cleias, et Thomam de Gimeg' quod in bosco suo propinquiori Porec' fieri permittat d cleias ad supplendum defectum trium millium cleiarum que deficiunt ad munitionem navium regis, preter ducentos pontes qui similiter deficiunt. Et mandatum est G. de Lucy quod predictos ducentos pontes fieri faciat in foresta de Bera, ad quos et cleias predictas faciendos rex liberari fecit Hereberto clerico ad partes illas remisso, rogando quod idem G. ad hoc diligentiam apponat. Teste rege apud Bukeham, xj die Augusti.

Rex abbati de Fontibus salutem. Sciatis quod de mandato quorundam amicorum nostrorum de partibus transmarinis et de consilio comitum et baronum Anglie, firmiter proposuimus auctore Domino transfretare. Ita quod a die Sancti Michaelis in xv dies erimus apud Portesm', prompti et parati naves nostras ascendere.

Rex respectum dedit Galfrido Dinant de se milite faciendo usque ad instans passagium regis, videlicet a die Sancti Michaelis in xv dies. Et mandatum est vicecomiti Devonie quod eidem Galfrido interim inde pacem habere permittat. Teste rege apud Havering', xxv die Augusti.
Eodem modo scribitur vicecomiti Sumerset' pro eodem.

Norf'.—Avicia que fuit uxor Ulfketil' Godsib attornavit Willelmum filium Rogeri contra Willelmum Godsib tenentem de tertia parte xxx acrarum terre in Fincham.

Suff'.—Avelinus filius Willelmi (fn. 1) et Alicia uxor ejus attornaverunt (fn. 2) Osbertum virum ipsius Alicie loco suo contra Willelmum de Hereford' et Margaretam uxorem ejus, tenentes de iiij acris terre in Burg', et contra Jocelinum de Burg' tenentem de iiij acris terre in eadem villa, et contra Johannem filium Margarete tenentem de sex acris terre in eadem villa, et contra Johannem le Tanur tenentem de de (sic) una acra terre et dimidia in eadem villa, et contra Sewalum de Kirkeb' et uxorem ejus tenentes de j acra terre in eadem villa, et contra Henricum de Kirkeb' tenentem de dimidia acra terre in eadem villa, et contra Nicholaum le Tanur tenentem de una acra terre in eadem villa, et contra Haconem le Parmenter tenentem de dimidia acra terre in Burg', et contra Rogerum de Gapenton' tenentem de dimidia acra terre in eadem villa, et contra Mabiliam Cocstan tenentem de una acra terre in eadem villa, et contra Eudonem clericum tenentem de duabus acris terre in eadem villa, et contra Rogerum filium Reginaldi tenentem de tribus acris marisci in eadem villa.

Norff'.—Milesanta uxor Rogeri de Geslea attornavit ipsum Rogerum virum suum contra Thomam Burd' de tercia parte lx acrarum terre in Staunford'.
Galfridus de Reynesham et Alicia uxor ejus attornaverunt Simonem filium Galfridi contra Walterum de Stratton' et Gunnildam uxorem ejus tenentes de ix acris terre in Stratton'.

Salopia.—Illarius Trussebut attornavit Robertum Trussebut et Ricardum de Clare contra Johannem de Harleg' petentem de ij partibus iij hidarum terre et dimidie in Harleg'.

Suff'.—Johannes, Willelmus, Thomas, Ricardus, Elyas, Robertus, Rogerus et Bartholomeus attornaverunt Henricum de Russebrok' et Willelmum filium Michaelis contra Johannem de Sancto Edmundo tenentem, de medietate quatuor acrarum terre in villa Sancti Edmundi.
Ricardus de Langetot attornavit Rogerum de Stowe contra Robertum de Dunmawe tenentem, de una roda prati in Stowe.

Essex'.—Hubertus de Sering et Sarra uxor ejus, Alicia et Agnes sorores ipsius Sarre, attornaverunt Petrum de Haselingberg' contra Stephanum de Bedewell' tenentem de v acris terre in Hallingberg'.

Surr'.—Thurgisius de Illegh' attornavit Adam de Garston' in loquela que est in comitatu Surr' inter ipsum Thurgisium et Ceciliam uxorem ejus petentes et Johannem abbatem de Boxle tenentem, de tercia parte ccc acrarum terre in Chissenden'.

Willelmus de Wydiworth' et Walterus Russell', inter quos recordatio assise nove disseisine summonita fuit coram domino rege, habent diem ad audiendum predictam recordationem a die Sancti Michaelis in iij septimanas; nisi rex transfretaverit, coram rege, et si transfretaverit, coram justiciariis de Banco. Et predictus Willelmus ponit loco suo Galfridum de Hethe et predictus Walterus Willelmum de Wyke.

Suthampt'. Sussex'.—Radulfus de Clere attornavit loco suo Walterum de Vitewrth' ad lucrandum vel perdendum in loquela que est inter ipsum Radulfum petentem et Jordanum de Werkervill' deforciantem, de consuetudinibus et serviciis que idem Radulfus ab eo exigit de tenemento in Suberton', et in loquela que est inter ipsum Radulfum petentem et Milesentam de Monte Fichetti de placito terre in Plumton'.