Close Rolls, August 1230

Close Rolls, August 1230

Pro Ricardo filio Reginaldi et uxore ejus.—Mandatum est ballivis de Sandwico quod loquelam que est in curia de Sandwico inter Matildem Tancre, petentem, et Ricardum filium Reginaldi et Roesiam uxorem ejus, tenentes, de tribus acris terre et xv s. redditus in Sandwico, ponant in respectum quamdiu idem Ricardus fuerit in partibus transmarinis. Teste S. de Sedgrave, apud Norht', j die Augusti.
Eodem modo scribitur vicecomiti Cantebrigie de loquela inter Willelmum filium Radulfi petentem, et Lucam de Kenovill', tenentem, de una carucata terre in Heres', unde idem Lucas per attornatum suum vocat ad warranciam Baldewinum de Ros' qui est cum rege in partibus transmarinis, etc.

Pro Galfrido de Staverton'.—Galfridus de Staverton' apud Norht', die Sancti Petri ad Vincula reddidit R. Cycestrensi episcopo, etc. et S. de Sedgrave ad opus regis unum spervarium sorum quem regi debuit de annuo redditu pro tenemento quod de rege tenet in Staverton.' Et mandatum est baronibus de Scaccario quod ipsum inde quietum esse faciant. Teste ut supra.

De x navibus deliberandis.—Mandatum est Johanni Gubaud et Alando de Muleton' quod x naves que de Norwegia nuper venientes applicuerunt apud Grimesbi, carcate bordis sapineis, oleo et aliis mercandisis, quarum navium magistri literas regis habent de conductu; sinde (sic) inpedimento abire quo voluerint permittant. Teste apud Leic'.

[m. 3.]

De cogis deliberandis.—Mandatum est W. comiti etc. quod sex cogas que sunt de terra imperatoris et venerunt de nundinis Sancti Botulfi carcate pannis, vinis et aliis mercandisis, deliberent et quo voluerint abire permittant, non obstante etc. Omnes etiam alias naves de terra imperatoris et comitis Flandrie que simili modo venerint in portus predictos, ad partes suas sine inpedimento redire permittant. Teste S. de Sedgrave, apud Leic', iiij die Augusti.

De armis assidendis in terris ecclesie Lincolniensis.—Mandatum est Simoni de Roppel' et sociis suis assignatis ad arma assidenda in comitatu Linc' quod permittant ballivos H. Lincolniensis episcopi et capituli Lincolniensis una cum uno eorum arma assidere in terris ecclesie Lincolniensis, secundum formam in literis regis contentam quas penes se habent; ita quod rotuli inde confecti penes eos remaneant R. Cycestrensi episcopo etc. et S. de Sedgrave secundum formam mandati regis quod penes se habent. Teste S. de Sedgrave, apud Lenton', vj die Augusti.

De nave deliberanda.—Mandatum est ballivis portus de Hul quod navem del Dam de terra comitis Flandrie arestatam in portu de Hul, quam Hugo Corterehere ducit carcatam lana Walteri de Heddon' et Henrici de Heddon', libere et sine inpedimento abire permittant versus partes suas, non obstante etc. Teste S. ut supra.

Pro uxore et filiis et familia que fuit Willelmi de Colevill'.— Mandatum est Roberto Coffin' et Roberto de Dyva quod non obstante mandato regis eis facto de venditione facienda per visum et testimonium legalium hominum de aliqua parte bosci de Biham ad sustentationem uxoris que fuit ipsius Willelmi et filiorum et filiarum suarum et necessarie familie sue usque ad festum Sancti Bartholomei anno etc. xiiij., eisdem uxori et filiis et filiabus et necessarie familie sue de bladis, que sunt in terra que fuit ipsius Willelmi, rationabile estoverium suum ad victum inveniri faciant per visum eorundem legalium hominum, a festo Sancti Laurencii anno eodem usque ad idem festum Sancti Bartholomei, nullam tempore illo de predicto bosco permittentes fieri venditionem. Teste ut supra.

Pro prisone deliberando.—Radulfus Cusin qui captus est et detentus in prisona regis apud Oxoniam pro malo recto, habet literas quod deliberetur in forma plenius scripta in rotulo finium.

De navibus deliberandis.—Mandatum est G. de Lucy et sociis suis custodibus portuum in comitatu Sussex' quod non obstante etc., quatuor naves que arestate sunt in portu de Winchel' carcate rebus et mercandisis mercatorum de terra comitis Flandrie de Brug' et de Doay, sine dilatione et inpedimento permittant abire quo voluerint. Teste S. de Sedgrave, apud Noting', x die Augusti.

Mandatum est eisdem quod non obstante etc., navem magistri et fratrum militie Templi de Rupella que vocatur Le Buscard' de Templo, arestatam in portu de Winchel', quam frater Johannes de Quiscy qui habet literas de conductu ducit carcatam vinis, sine inpedimento permittant abire quo voluerit. Teste ut supra.

Pro David' filio Leulini de xx libratis terre.—Mandatum est baillivis Totenes' quod habere faciat (sic) L. principi Norwallie talem saisinam ad opus David filii sui de viginti libratis terre quas Willelmus de Breos' reddidit eidem David per ballivos suos de Totenes', quando dictus David filiam ipsius Willelmi desponsavit; qualem inde habuit tempore Willelmi de Breos' predicti ante infortunium quod de eo accidit. Teste etc. apud Noting', x die Augusti, anno etc. ut supra.

De navibus deliberandis.—Mandatum est G. de Lucy etc. quod non obstante etc., duas naves vinis carcatas que de Rupella venerunt et arestate sunt in portu de Winchel', sine inpedimento abire permittant. Teste ut supra, quia magistri illarum navium habent literas H. de Trublevill' de conductu per preceptum regis.

Pro Augusto filio Willelmi de Notingham.—Quia constat regi per inquisicionem quam fieri fecit quod Swanus Passelewe qui abjuravit regnum regis pro morte Elene que fuit uxor Galfridi de Litleburg' unde rettatus fuit, tenuit unum toftum cum pertinentiis in Noting' de Augusto filio Willelmi et quod toftum illud extitit in manu regis per unum annum et unum diem; mandatum est vicecomiti Noting' quod eidem Augusto de predicto tofto cum pertinentiis plenam saisinam habere faciat. Teste ut supra.

De nave deliberanda.—Mandatum est W. comiti Warennie et sociis suis custodibus portuum in comitatibus Norf' et Suff', quod non obstante etc. navem Archebaldi de Stovere, mercatoris de terra comitis Saxonie, quam idem Archebaldus ducit, que arestata est in portu de Orewell', sine inpedimento abire permittant. Teste ut supra.

Pro Olivero de Sancto Georgio.—Mandatum est vicecomiti Linc' quod non obstante precepto regis quod ei fecit de facienda saisina P. comiti Britannie de terra in Fulebec et in Ledenham, quam Oliverus de Sancto Georgio habuit de ballio regis, eidem Olivero libere et sine inpedimento faciat habere blada et alia catalla sua que habet in eadem terra, salvis eidem comiti fenis ejusdem terre pertinentibus ad warettum. Et si quid de predictis catallis vel bladis amotum fuerit, illud eidem Olivero restitui faciat. Teste ut supra.

Mandatum est Johanni de Gatesden, constabulario castri de Sefford' quod de centum doliis vini que per litteras suas significavit venerabili patri R. Cycestrensi episcopo, cancellario regis, ipsum arestasse in quadam navi de Sefford' que venit de Rupella cum predictis vinis, de quibus l sunt Johannis Warner de Sefford' et alia l Willelmi Columbel de Rupella, retineat ad opus regis et salvo custodiat l dolia vini que sunt predicti W. donec aliud inde precipiat dominus rex, et alia l dolia vini dimittat quieta Johanni Warner de Sefford', cujus predicta navis est. Teste S. de Segrave, apud Pontem Fractum, xv die Augusti, anno regni regis xiiij. (fn. 1)

De prisone deliberando.—Rex constabulario castri de Berkamestud' salutem. Precipimus tibi quod cum Andreas de Seintfey, capellanus, invenerit vicecomiti nostro Sussex' bonos et salvos plegios pro Johanne le Curteis et Johanne le Yreis quos cepisti et captos tenes in prisona nostra apud Berkamestud' pro mala suspicione, et idem vicecomes Sussex' tibi per literas suas significaverit quod predictos plegios receperit pro eis ad standum inde recto coram justiciariis nostris ad primam assisam cum in partes Hertford' venerint; eos sine dilatione a prisona nostra deliberes, nisi capti sint sint (sic) pro morte hominis vel pro foresta nostra vel pro aliquo alio quare non sint replegiabiles. Et eidem vicecomiti per litteras tuas significes ob quam causam eos cepisti. Teste ut supra.
Et mandatum est vicecomiti Sussex' etc.

De nave deliberanda.—Mandatum est Johanni de Gatesden', constabulario de Sefford', quod non obstante mandato etc. navem Johannis Warner de Sefford' quam significavit R. Cycestrensi episcopo etc. se arestasse cum centum doliis vini, quo voluerit abire permittat cum predictis vinis, accepta ab eo securitate quod alibi non divertet ad predicta vina vendenda nisi in terra Anglie. Teste ut supra.

Pro R. comite Cornubie de custodia terrarum et heredum Theobaldi filii Walteri.—Rex concessit R. comiti Cornubie custodiam terrarum et heredum Theobaldi filii Walteri et maritagium eorumdem heredum. Et ideo mandatum est vicecomiti Norf' et Suff' quod de omnibus terris que fuerunt ipsius Theobaldi in balliva tua de quibus fuit saisitus die quo obiit, ei plenam saisinam habere faciat sicut predictum est; salvo Roesie que fuit uxor ipsius Theobaldi rationabili dote sua que eam contingit de eisdem terris. Faciat etiam habere eidem comiti heredes ipsius Theobaldi si in balliva sua inveniantur, in cujuscunque manibus fuerint inventi. Teste S. de Sedgrave, apud Shireburn', xv die Augusti.
Eodem modo scribitur vicecomitibus Lanc' et Dors' et Sumerset' et Eboraci.
Scribitur etiam R. de Burgo, justiciario Hibernie, per literas patentes sub eadem forma. Teste ut supra per literas quas misimus venerabili patri R. Cycestrensi episcopo etc. et S. de Sedgrave.

De nave deliberanda.—Mandatum est ballivis portus de Hul quod non obstante etc. navem Willelmi Curtore del Dam de terra comitis Flandrie arestatam in portu de Hul, quam idem Willelmus ducit carcatam lana et plumbo et aliis mercandisis mercatorum de Beverle et de Iprs et del Dam, permittant libere et sine inpedimento abire versus partes suas. Teste S. de Sedgrave, apud Eboracum, xviij die Augusti.

Mandatum est ballivis portus de Hul quod non obstante etc. navem Aleini Columbel de Abbevill', carcatam rebus et mercandisis mercatorum de Eboraco et mercatorum de Abbevill' et arestatam in portu de Hul, libere et sine inpedimento permittat (sic) inde abire usque Eboracum. Teste S. de Sedgrave, apud Eboracum, xxv die Augusti.

Pro Anketillo Mallore.—Quia constat regi per inquisicionem factam per preceptum regis coram S. de Sedgrave, Willelmo Basset et sociis suis justiciariis regis ad assisam nove dissaisine capiendam apud Eboracum nuper assignatis, quod Robertus de Percy tenuit tres carucatas terre [cum] pertinentiis in Sutton' et in Catwayton' per servicium militare de Willelmo de Malethorp', qui mortuus est, cujus filie et heredis custodiam et maritagium rex concessit Anketillo Mallore; mandatum est vicecomiti Eboraci quod de predictis iij [carucatis] terre cum pertinentiis plenam saisinam habere faciat prefato Anketillo custodiendis usque ad plenam etatem filie et heredis predicti Roberti de Percy. Teste ut supra.

Pro mercatoribus Anglie et Flandrie quod libere veniant in portum de Hul et inde recedant.—Mandatum est ballivis portus de Hul quod cives Lond' et Eboraci et de aliis civitatibus, burgis et villis Anglie, libere et sine inpedimento res et mercandisas carcare et discarcare in portu de Hul permittant ad negociandum inde per [terr]am Anglie et in terra comitis Flandrie. Mercatores vero de terra et potestate comitis Flandrie, quos rex recepit in salvum conductum suum, quamdiu ei placuerit, similiter carcare et discarcare res et mercandisas in eodem portu, sine inpedimento permittant ad negociandum inde in terra Anglie vel in terra Flandrie; non obstante mandato regis de navibus arestandis. Teste S. de Sedgrave, apud Eboracum, xxviij die Augusti.

De spervario recepto ad opus regis.—Rex recepit apud Eboracum, die Jovis in festo decollationis Sancti Johannis Baptiste anno etc. xiiij° per manus R. Cycestrensis episcopi etc. et Stephani de Sedgrave, unum spervarium mutarium de Michaele filio Michaelis de redditu quem idem Michael regi debet per annum de tenemento suo quod de rege tenet in capite in Witingeham. Et mandatum est baronibus de Scaccario quod ipsum Michaelem inde quietum esse faciant. Teste ut supra.

De coronatore eligendo.—Mandatum est vicecomiti Eboraci quod loco Roberti de Plumpton', quondam coronatoris in comitatu suo qui mortuus est, et loco Willelmi de Hebbeden' et Marmeduci de Twenge coronatorum qui infirmi sunt, alios faciat eligi coronatores, sicut fieri debet et solet etc.