Close Rolls, June 1258

Calendar of Close Rolls, Henry III: Volume 10, 1256-1259. Originally published by His Majesty's Stationery Office, London, 1932.

This premium content was digitised by double rekeying. All rights reserved.

'Close Rolls, June 1258', in Calendar of Close Rolls, Henry III: Volume 10, 1256-1259, (London, 1932) pp. 227-243. British History Online https://www.british-history.ac.uk/cal-close-rolls/hen3/vol10/pp227-243 [accessed 27 March 2024]

Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image

Close Rolls, June 1258

De quercubus datis.—Mandatum est constabulario de Sancto Briavello quod in foresta de Den' faciat habere Willelmo de Berkel', vatletto regis, iiij. quercus ad maeremium de dono regis. Teste rege apud Merleberg' ij. die Junii.

Pro Reginaldo de Drumar'.—Rex concessit Reginaldo de Drumar quod a festo Sancti Johannis Baptiste proximo futuro usque ad finem duorum proximo sequentium habeat de gracia regis pasturam ad ducentas oves in foresta de Clarendon' ubi ad minus dampnum regis eas habere poterit, salvo jure Jordani de Laverstok' et aliorum forestariorum regis ejusdem foreste. Et mandatum est Roberto de Stopham', ballivo regis de Clarendon', quod ipsum Reginaldum dictas oves in predicta foresta, ubi ad minus dampnum regis et minus detrimentum ejusdem foreste providerit, usque ad finem dicti termini habere permittat sicut predictum est. Teste ut supra.

De roba data.—Mandatum est Ricardo de Ewell' et Hugoni de Turri quod Johanne de Bures, relicte Michaelis de Bures, quondam servientis ad arma, faciant habere unam robam pro Deo hac vice de dono regis. Teste ut supra.

Pro hospitali Sancti Johannis Baptiste extra portam orientalem Oxonie.—Quia rex concessit per cartam suam magistro et fratribus hospitalis regis extra portam orientalem Oxonie quod habeant amerciamenta hominum suorum coram quibuscunque justiciariis vel ballivis regis fuerint amerciati, mandatum est vicecomiti Warr' quod demandam quam facit hominibus dicti hospitalis in balliva sua pro amerciamentis ad que nuper amerciati fuerunt coram custodibus mercati regis pro transgressione, quando rex fuit in partibus illis in eundo versus Walliam, omnino remittat; et districcionem si quam ea occasione fecerit penitus relaxet. Teste rege apud Merleberg' iij. die Junii.

Pro priore de Chartuse.—Rex de gracia sua speciali remisit priori de Nova Chartusa de Henton' defaltam quam fecit coram Galfrido de Leukenor et Nicholo de Rames' et sociis suis, justiciariis ultimo itinerantibus ad placita foreste in comitatu Somers': et mandatum est eisdem justiciariis quod ipsum priorem occasione dicte defalte non amercient aut occasionent, et, si forte ipsum ea occasione amerciaverint, misericordiam illam penitus relaxent. Teste ut supra.

De rogis faciendis.—Mandatum est Avicie de Columbariis, custodi foreste de Cett', quod per visum et testimonium viridariorum et forestariorum predicte foreste faciat habere Stephano Fromund', ballivo regis de Lotegareshal', racionabilia estoveria in foresta predicta ad domos regis de Lotegarshal' sustentendas et reparandas prout necesse fuerit. Teste rege apud Merleberg iiij. die Junii.
Mandatum est eidem Avicie quod in eadem foresta faciat habere eidem Stephano buscam ad quendam rogum ad operaciones regis de Lotegarshal' faciendum. Teste ut supra.
Mandatum est custodi foreste de Savernak' quod in eadem foresta faciat habere eidem Stephano buscam ad quendam rogum faciendum ad operaciones regis de Merleberg'. Teste ut supra.

De quietancia prise.—Rex concessit Isabelle relicte Nicholai de Barbeflet quod xx. dolia vini sui, que nuper venerunt de Wasconia et sunt in custodia Willelmi Beubec, habeat hac vice quieta de prisa, salva regi debita et antiqua prisa sua: et mandatum est custodibus vinorum regis apud Suhampt' quod ipsam Isabellam quietanciam illam habere permittant. Teste ut supra.

De rogo faciendo.—Mandatum est custodi foreste de Windes' quod custodibus operacionum regis de Windes' faciat habere buscam sufficientem ad quemdam rogum ad operaciones regis ibidem inde faciendum. Teste ut supra.

De roboribus datis.—Mandatum est Ricardo de Muntfichet, custodi foreste Essex', quod in eadem foresta faciat habere Arnaldo de Berkel' duo robora ad focum suum de dono regis. Teste etc.

De cervis datis.—Mandatum est Roberto de Neuvyle, justiciario foreste ultra Trentam, quod in foresta de Engelwode faciat habere R. Carleoliensi episcopo iiij. cervos de dono regis.

De robis datis.—Mandatum est Ricardo de Ewell' et Hugoni de Turri quod propter caristiam presentis anni faciant habere Herlewino Normanni, Willelmo Blanpomer, Engelardo de Sinago et Ricardo de Aubervyl, servientibus regis ad arma commorantibus in municione castri de Windes', faciant habere robas sibi competentes hac vice de gracia regis. Teste rege apud Merleberg' v. die Junii.

De damis datis.—Mandatum est custodi foreste regis de Wauberg' quod in eadem foresta faciat habere Ade de Cestreton', clerico regis, iij. damas de dono regis. Teste ut supra.

De quercubus datis.—Mandatum est custodi foreste regis de Finkeleg' quod in eadem foresta faciat habere Avicie de Columbariis viij. quercus ad maeremium de dono regis. Teste ut supra.

De novo milite faciendo.—Mandatum est Ricardo de Ewell' et Hugoni de Turri vel alteri eorum quod Guidoni de Chaunteny, vatletto regis, quem rex in instanti parleamento apud Oxoniam cingulo milicie decorabit, sine dilacione habere faciant ea que ad miliciam suam pertinent sicut rex aliis novis militibus suis invenire consuevit. Teste rege apud Merleberg' vj. die Junii.

Pro Bonacio Lumb'.—Mandatum est eisdem quod Bonacio Lumb', clerico regis, faciant habere robam suam de termino Pentecostes proximo preterito et decetero sicut habere consuevit. Teste ut supra.

De roba data.—Mandatum est eisdem quod Johanni de Frechenvyle, militi, qui stat in servicio regis apud Kermerdyn', faciant habere unam robam sibi competentem cum capa de dono regis. Teste ut supra.

De maeremio ad operaciones regis de Divisis.—Mandatum est custodi foreste de Cipham' quod in eadem foresta faciat habere J. de Pless', constabulario castri de Divisis, x. quercus ad maeremium ad operaciones regis ejusdem castri inde faciendas. Teste ut supra.

Pro comite Warr'.—Mandatum est captoribus vinorum regis apud Suth' quod xiiij. dolia vini J. de Plessetis, comitis Warr', que sunt in navi que vocatur La Gule apud Suth' permittant esse quieta de prisa regis, salva debita et antiqua prisa regis. Teste rege apud Merleberg' vj. die Junii.

Pro magistro J. de Brideport.—Rex remisit magistro Johanni de Brideport, clerico Willelmi de Valenc', transgressionem capcionis unius bestie in foresta de Melkesham unde indictatus est, et mandatum est justiciariis itinerantibus apud Wilton' ad placita foreste quod ea occasione ipsum Johannem non occasionent aut occasionari permittant set ipsum inde quietum esse faciant. Teste ut supra.

Pro Licoricia Judea.—Constat regi per inquisicionem, quam Radulfus de Hotot', justiciarius ad custodiam Judeorum assignatus, de precepto regis fecit per sacramentum tam Christianorum quam Judeorum apud Wintoniam, quod Licoricia Judea non est culpabilis de retencione illius anuli quem Belya Judea in ultima sua voluntate regi legavit, sicut Ivetta Judea eidem Licoricie imponebat, de quo quidem anulo eadem Ivetta postea convicta fuit, et reddidit anulum illum, pro quo in prisona regis detenta est; mandatum est vicecomiti Suth' quod ipsam Licoriciam a prisona qua occasione predicta detinetur deliberari faciat et catalla sua ea occasione capta in manum regis eidem restitui faciat. Teste rege apud Merleberge vij. die Junii.

Pro Matillide Bonecherch.—Cum rex dudum dederit et concesserit Deo et ecclesie Sancti Petri de Merleberge, ad amplicacionem (sic) cimiterii ejusdem ecclesie, placeam illam juxta eandem ecclesiam quam J. rex pater regis dudum dedit per cartam suam Levenato filio Levenati, et pro qua idem Levenatus regi ad firmam ville de Merleberge reddere consuevit duodecim denarios per annum, et iidem duodecim denarii jam exiguntur per ballivum regis de Merleberge a Matillide Bunecherche, filia predicti Levenati, sicut rex ex querela sua intellexit; mandatum est baronibus de Scaccario quod ipsam Matillidem de predictis duodecim denariis quietam esse faciant. Teste ut supra.
Et mandatum est Stephano Fromund, ballivo de Merleberge, quod ipsam Matillidem inde quietam esse permittat.

De cervis datis.—Mandatum est Ricardo de Munfichet, custodi foreste Essex', quod in eadem foresta faciat habere uxori Mathie da la Mare duos cervos de dono regis. Teste ut supra.

De roba data.—Mandatum est Ricardo de Ewell' et Hugoni de Turri quod Cristiane relicte Willelmi de Cicestre, quondam servientis regis ad arma, faciant habere unam robam pro Deo hac vice de dono regis. Teste rege apud Kingeston vij. die Junii.

De denariis liberandis W'. de Glouc'.—Mandatum est custodi cambii regis de Cantuar' quod omnes denarios regis quos penes ipsum habet de cambio regis predicto venire faciat usque London liberandos ibidem Willelmo de Glouc', aurifabro regis, ad faciendum inde quod ei rex injunxit. Teste rege apud Abendon viij°. die Junii.

De denariis mittendis ad regem.—Mandatum est predicto Willelmo quod de exitibus cambii regis mittat regi. c. libras per Hugonem de Paggham et Bernardum Johannis, servientes regis ad arma, liberandas in garderoba regis ad expensas hospicii sui inde acquietandas: et, cum ibidem liberate fuerint, rex breve suum de Allocate ei inde fieri faciet. Teste ut supra.

De roboribus datis.—Mandatum est custodi foreste regis de Axiholt' quod in eadem foresta faciat habere Petro de Rivallis vijtem. robora ad focum suum de dono regis. Teste ut supra.

De quercubus datis.—Mandatum est custodi foreste de Savernak' quod in eadem foresta faciat habere Waltero de Rudham', clerico regis, v. bonas quercus ad maeremium ubi ad majus commodum ipsius capi poterunt de dono regis: et maeremium si quod ab aliis ei dari contigerit infra metas foreste predicte extrahi permittat sine occasione vel impedimento chyminagii. Teste ut supra.

De damis datis.—Mandatum est custodi foreste de Brehull' quod in eadem foresta faciat habere A. Wintoniensi electo vj. damos de dono regis. Teste ut supra.

De galiis et bargiis mittendis usque Cestriam.—Mandatum est vicecomiti Kanc' quod galyam et bargiam, quas de precepta regis fieri fecit ad opus regis apud Winchiles', sine ulla dilacione eskippari faciat de bonis et electis marinellis per consilium et auxilium baronum regis de Winchiles'; et eisdem marinellis habere faciat stipendia sua de triginta diebus pre manibus; et eis ex parte regis injungat quod cum galia et bargia illa omni qua poterunt celeritate veniant usque Cestriam, et, cum ibi venerint, regi inde sine dilacione certificent: et hoc sicut honorem regis diligit non omittat. Et, cum rex sciverit custum quod ad hoc posuerit, illud ei faciet allocari. Teste rege apud Abendon' x°. die Junii.
Eodem modo mandatum est vicecomiti Norf' et Suff' de duabus galiis et duabus bargiis eskippandis quas apud Dunewic' et Gernemuth' de precepto regis fieri fecit ad opus regis. Et, cum rex sciverit custum, etc.
Et ut supra eodem modo ballivis de Winchiles' quod galiam et bargiam quas fieri fecerunt apud Winchiles' ad opus regis eskippari faciant. Teste etc. ut supra.
Et mandatum est baronibus et ballivis (sic) de Winchiles' quod vicecomiti Kanc' et ballivis de Winchiles' ad hoc sint auxilientes et consulentes etc.
Eodem modo mandatum est ballivis et probis hominibus de Dunewic' quod vicecomiti Norf' et Suff' similiter ad hoc sint auxilientes et consulentes etc.: et ballivis et probis hominibus de Gernemuth' quod eidem vicecomiti similiter ad hoc sint consulentes et auxilientes etc.

[m. 6.]

De quercubus datis.—Mandatum est custodi foreste regis de Shotovre quod in eadem foresta faciat habere Johanni de Oxon', custodi manerii de Cudesdon', iij. quercus ad maeremium ad operaciones suas ejusdem manerii, de dono regis. Teste rege apud Abendon xj. die Junii.

Pro custode vinorum conventus Abbendon'.—Mandatum est Johanni de Swyneford', captori vinorum regis, quod de primis vinis que ceperit ad opus regis apud Suthampt' habere faciat fratri Johanni de Oxon', monacho Abendon', custodi vinorum conventus ejusdem domus, unum dolium vini pro uno dolio vini quod ab eo rex cepit ad opus suum in adventu regis apud Abendon' post Pentecosten proximo preteritum. Teste ut supra. Per Imbertum Pogeys.

Pro Johanne de Mutina (fn. 1).—Rex ad instanciam domini Ottoboni Cardinalis perdonavit Johanni de Mutina, procuratori Bonefacii de Fatiano, persone ecclesie de Longo Ponte Deverell', et hominibus suis xxvjs., ad quos amerciati fuerunt coram justiciariis ultimo itinerantibus ad placita foreste regis apud Wilton' pro quibusdam transgressionibus et pro viridi, et quos ab eis vicecomes Wiltes' exigit per summonicionem scaccarii regis sicut per ipsos rex intellexit: et mandatum est eidem vicecomiti quod predictum procuratorem et predictos homines ipsius Bonifacii de predictis xxvjs. quietos esse faciat: et, si aliquid ab eis ceperit, id sine dilacione restituat eisdem. Teste ut supra.

De damis capiendis ad opus regis.—Rex mittit Hugonem Franciscum et Johannem le Naper servientes suos ad capiendum xxti. damos ad opus regis in foresta de Wychewode: et mandatum est Willelmo de Langel' custodi ejusdem foreste quod ipsos ad hoc admittat et consilium etc.
Mandatum est custodi foreste de Wauberge quod in eadem foresta faciat habere magistro Rogero de Ravelyngham, archidiacono Huntyngdon', tres damos de dono regis. Teste rege apud Oxoniam xij. die Junii.

Pro Willelmo de Sancta Ermina.—Mandatum est Simoni Passelewe et sociis suis, justiciariis ad custodiam Judeorum assignatis, quod vadia Willelmi de Sancta Ermina quibusdam Judeis London' impignorata pro denariis quos ab eis recepit usque ad summam xx. librarum a manibus eorumdem Judeorum liberari et predicto Willelmo restitui faciant et pecuniam illam eisdem Judeis allocari faciant in veteribus debitis suis si que regi debeant ad scaccarium regis. Teste rege apud Oxoniam xiij. die Junii.

De ponendo per ballium.—Elviva Wodecoc, capta et detenta in prisona regis de Norwic' pro morte Henne que fuit uxor Dyay de Rysyngh', Judei, et Chere que fuit uxor Aaron filii Nyron Chabard', Judei, unde appellataest, habet litteras regis vicecomiti Norf' quod ponatur per ballium. Teste ut supra.

De roba data.—Mandatum Ricardo de Ewell' et Hugoni de Turri socio suo quod magistro Henrico Teutonico, factori balistarum regis apud Turrim London', unam robam sibi competentem habere faciant hac vice de dono regis. Teste ut supra.

De ponendo per ballium.—Thomas Beye, captus et detentus in prisona regis de Ely pro morte Willelmi de Longswafham unde rettatus est, habet litteras regis vicecomiti Cantebr' quod ponatur per ballium. Teste ut supra.
Rogerus Knotte, captus et detentus in prisona regis de Ely pro morte Willelmi de Longswafham unde rettatus est, habet litteras regis vicecomiti Cantebr' quod ponatur per ballium. Teste ut supra.

De damis datis.—Mandatum est Roberto Waler', senescallo foreste, quod in foresta regis de Gillingham' faciat habere abbatisse de Shafton' v. damos ad festum suum de dono regis. Teste rege apud Oxoniam xiiij. die Junii.
Mandatum est custodi foreste regis de Bernewode quod in eadem foresta habere faciat Willelmo de Fortibus, comiti Albemarl', duas damas de dono regis. Teste ut supra.

De cervis datis.—Cum anno jam preterito rex dederit Hugoni le Bigod vj. cervos in foresta regis de Pykering, et idem Hugo cervos illos non habuerit, et breve regis Johanni de Eyvill, justiciario foreste regis ultra Trentam, directum regi reddiderit, mandatum est eidem Johanni quod eidem Hugoni dictos vj. cervos et quatuor cervos de incremento habere faciat in predicta foresta, de dono regis. (Cancelled) vacat quia in rotulo clausarum anno xliij.

De damis et cervis datis.—Cum nuper rex dederit Willelmo Bardolf seniori duos cervos in foresta regis de Shyrewode quos nondum habuit ut dicitur; mandatum est Johanni de Eyvill, justiciario foreste ultra Trentam, quod in eadem foresta una cum predictis ij. cervis eidem Willelmo quatuor damos habere faciat. Teste ut supra.

De ponendo per ballium.—Robertus le Fevere de Toleshunte et Reginaldus Perage, capti et detenti in prisona regis de Thurstapl' pro morte Ricardi le Moyne unde rettati sunt, habent litteras regis vicecomiti Essex' quod ponantur per ballium.
Matildis de Hill' et Alesia filia ejus, capte et detente in prisona regis de Ely pro morte Henrici Pyk' unde rettate sunt, habent litteras regis vicecomiti Cantebr' quod ponantur per ballium.

De robis datis.—Mandatum est Ricardo de Ewell' et Hugoni de Turri quod faciant habere Ranulpho de Gigelgaran et Stephano de Lond', quondam servientibus regis, duas robas videlicet utrique unam robam pro Deo hac vice de dono regis. Teste rege apud Oxoniam xv. die Junii.

De quercubus datis.—Mandatum est custodi foreste regis de Penber' quod in eadem foresta faciat habere fratri Thome le Ferun, monacho de Shireburn, iiij. quercus ad cindulas inde faciendas ad fabricam ecclesie de Shireburn', de dono regis. Teste ut supra.

De damis vivis datis.—Cum rex biennio jam elapso, apud Hereford' existens dederit Rogero de Mortuo Mari quinque damos et decem damas vivas in foresta regis de Den' ad quendam parcum suum instaurandum, et idem Rogerus, propter negocia regis Wallie' quibus intendit, feras illas non habuerit, et litteras Roberti Waler' senescalli foreste regis citra Trentam custodi dicte foreste inde directas regi restituerit; mandatum est eidem Roberto quod eidem Rogero habere faciat dictos damos et damas in foresta regis de Feckeham de dono regis. Teste ut supra.

De roboribus datis.—Mandatum est Ricardo de Muntfichet, custodi foreste regis Essex, quod in eadem foresta faciat habere Fratribus Predicatoribus London vij. robora ad focum suum, ubi commodius ad opus eorum capi poterunt, de dono regis.

De quercubus datis.—Mandatum est Johanni de Eyvill, justiciario foreste ultra Trentam, quod Eymoni Turumberd faciat habere in foresta regis de Shyrewode iiij. quercus ad maeremium de dono regis. Teste ut supra.

De cervis datis.—Mandatum est constabulario castri regis de Corf' quod in warenna regis de Corf' faciat habere Willelmo de Apelderfeud duos cervos de dono regis. Teste rege apud Oxoniam xv. die Junii.

De cervis capiendis ad opus regis.—Mandatum est Hugoni le Bigod quod in foresta regis de Pikering capiat ad opus suum in instanti pinguidine lxa. cervos et eos bene saliri et salvo custodiri faciat donec rex aliud inde preceperit: et rex custum salicionis illius, cum illud sciverit, ei in firma sua de Piker' allocari faciet. Teste ut supra. (Cancelled) Quia in rotulo anno xliij°.

De cervis datis.—Mandatum est Roberto Walerand, senescallo foreste regis, quod in foresta regis Essex habere faciat Johanni de Grey tres cervos de dono regis. Teste rege apud Oxoniam xvja. die Junii.

De damis datis.—Mandatum est custodi foreste regis de Bernewode quod in eadem foresta faciat habere abbati Westmonasteriensi viij. damos in quibus ei rex tenetur singulis annis per cartam suam. Teste ut supra.

De quercubus datis.—Mandatum est Roberto de Stopeham, custodi foreste de Clarendon', quod in balliva de Milchet que est infra metas predicte foreste regis, faciat habere Roberto Walerand' decem quercus apt as ad maeremium de dono regis. Teste ut supra.
Mandatum est senescallo Nove Foreste quod in eadem foresta regis habere faciat Roberto Walerand' x. quercus aptas ad maeremium de dono regis. Teste ut supra.

De cervis datis.—Mandatum est custodi foreste regis Salop quod in eadem foresta faciat habere Rogero de Mortuo Mari iiijor. cervos de dono regis.

De cervis capiendis ad opus regis.—Mandatum est Rogero de Mortuo Mari quod in instanti pinguidine capiat ad opus regis xx. cervos in foresta regis de Kenefar, et eos liberet vicecomiti regis Staff' saliendos et cariandos ad regem ubicunque tunc fuerit sicut ei rex injunxerit, et tres cervos capiendos in eadem foresta ad opus suum de dono regis. Teste ut supra.

Rex injunxit Rogero de Mortuo Mari quod in instanti pinguidine capiat ad opus regis xx. cervos in foresta de Kenefar', et eos liberet vicecomiti regis Staff' saliendos et cariandos ad regem. Et mandatum est custodi foreste regis de Kenefar' quod ipsum Rogerum dictos cervos ibidem ad opus regis capere permittat una cum iij°. cervis ad opus suum proprium quos ei rex dedit in eadem foresta.

De attornato ad compotum perredendum.—Quia Johannes le Moyne profecturus est in nuncium P. de Sabaudia ad partes transmarinas, mandatum est baronibus de Scaccario quod attornatum quem loco suo attornare voluerit coram eis ad perreddendum compotum suum de tempore quo fuit vicecomes regis Huted' et Cantebr', et ad alia facienda que ad compotum illum pertinent, loco ipsius Johannis ad hoc recipiant. Teste ut supra.

De coronatore substituendo.—Quia Symon de Hundon', unus coronatorum regis in comitatu Linc', propter senectutem et impotenciam suam decetero nequit (fn. 2) intendere officio coronatoris in comitatu predicto, mandatum est vicecomiti ejusdem comitatus quod in pleno comitatu suo per assensum ejusdem comitatus loco predicti Symonis eligi faciat unum alium coronatorem de discretioribus etc., qui prestito sacramento etc. Et talem eum etc. Teste ut supra.

De damis datis.—Mandatum est custodi foreste regis de Fekham' quod in predicta foresta regis de Fekham' faciat habere Willelmo de Bello Campo de Ameleye v. damos de dono regis.
Mandatum est Ricardo de Muntfichet, custodi foreste regis, quod Willelmo de Say habere faciat v. damos in foresta regis de Hatfeud de dono regis. Teste rege apud Oxoniam xviij. die Junii.
Mandatum est Roberto Waler', senescallo foreste citra Trentam, quod in foresta regis de Wauberge habere faciat Johanni de Grey v. damos de dono regis. Teste ut supra.

Pro executoribus testamenti Edmundi de Lacy.—Quia rex nuper concessit Edmundo de Lacy quod de debitis que regi deberet die obitus sui rex caperet ad heredes suos et non ad executores testamenti sui, mandatum est Ricardo de Shyreburn', escaetori regis ultra Trentam, quod eosdem executores de bladis averiis, maeremio, mortuo bosco et omnibus aliis ad dictum defunctum spectantibus liberam administracionem habere faciat, permittens eis scutagium, auxilium ad primogenitam filiam ejusdem defuncti maritandam, et omnia alia debita qua ei debentur in honore de Pontefr' et alibi levare; et liberam inde habere administracionem ad execucionem dicti testamenti faciendam. Teste ut supra.
Quia nuper rex concessit Edmundo de Lacy quod de debitis que regi deberet die obitus sui rex caperet ad heredes suos et non ad executores testamenti sui, mandatum est vicecomiti Oxon' quod eosdem executores scutagium, auxilium ad primogenitam filiam dicti defuncti maritandam, et alia debita que eidem defuncto debentur in balliva sua levare et liberam inde habere administracionem permittat et eis ad hoc consilium suum et auxilium impendat. Teste ut supra.
Eodem modo mandatum est vicecomiti Not'.

De damis datis.—Mandatum est custodi foreste regis de Wauberge quod in eadem foresta faciat habere Rogero de Turkilby v. damos de dono regis. Teste ut supra.

De ponendo per ballium.—Robertus filius Walteri et Johannes filius ejus, capti et detenti in prisona regis de Gipewyco pro morte Walteri Whythed unde appellati sunt, habent litteras regis vicecomiti Suff' quod ponantur per ballium. Teste ut supra.

De damis datis.—Mandatum est constabulario castri de Porcestr' quod in foresta de Porcestr' faciat habere Johanni de Wyvill' duos damos de dono regis. Teste ut supra.
Mandatum est custodi foreste de Den' quod in eadem foresta faciat habere Humfrido de Bohun, comiti Heref', ij. cervos et iiij. damos et Humfrido de Bohun juniori duos cervos et quatuor damos, de dono regis. Teste ut supra.
Mandatum est Ricardo de Muntfichet, senescallo foreste regis Essex', quod, si Symon Passelewe non habuerit tres damos quos ei rex dedit in anno preterito in eadem foresta, tunc eos eidem sine dilacione habere faciat. Teste ut supra.

Quia rex per inquisicionem quam fieri fecit per Nicholaum de Haudlo quod Michael de Hautvill' et Galfridus de Hautvill', capti et detenti in prisona de Neugate per indictamentum Ricardi de Tany, non sunt culpabiles de morte hominis vel de roberia vel de aliquo alio retto per quod debeant imprisonari, mandatum est majori et vicecomitibus Lond' quod predictos Michaelem et Galfridum replegiari faciant donec rex aliud inde preceperit. Teste ut supra.
Eodem modo mandatum est vicecomiti Essex' pro Radulfo de Hautevill' et magistro Adam le Grant, captis et detentis in prisona de Wautham, set inquisiciones inde facte remanserunt penes predictum Nicholaum.
(Both entries cancelled) vacat quia aliter inferius.

De damis datis.—Mandatum est custodi foreste regis de Bernewode quod in eadem foresta faciat habere F. Londoniensi episcopo quinque damos de dono regis. Teste rege apud Oxoniam xviij. die Julii.

Pro Thoma de Bella Fago et Johanne le Lung, civibus Lincolnie.—Thomas de Bella Fago et Johannes le Lung, cives Linc', solverunt in garderoba regis per manum Simonis Passelewe die Veneris post festum beati Luce apud Westmonasterium anno xl°. sexaginta et duodecim marcas de fine quater viginti marcarum argenti quem fecerunt cum eodem Simone ad opus regis pro quibusdam domibus in Line' que fuerunt quorundam Judeorum suspensorum pro puero ut dicebatur ibidem crucifixo, testificatas per P. de Winton', clericum garderobe predicte: et mandatum est vicecomiti Linc' quod predictos Thomam et Johannem de predictis sexaginta et duodecim marcis quietos esse permittat. Teste rege apud Oxoniam xix. die Junii.

Pro abbate de Burgi Sancti Petri.—Cum rex dudum concesserit abbati de Burgo Sancti Petri x. damos capiendos in foresta de Geytinton' pro decima quam non plene habuit de feris captis ad opus regis in forestis et boscis regis in comitatu Norhampt' annis etc. xxxx°j. et xlij°. ac idem abbas de predictis x. damis nondum habuerit nisi duos damos tantum, ut dicitur; mandatum est custodi foreste inter pontes Oxon' et Stanf' quod in foresta de Rokingham faciat habere dicto abbati residuos viij. damos, nisi eos per aliud breve regis prius habuerit. Teste ut supra.

De hominibus replegiandis.—Quia rex accepit per inquisicionem, quam per Nicholaum de Hadlou fieri fecit, quod insultu nuper facto apud domum Ricardi de Tany in Stapelford nulla fuit ibi roberia facta nec aliquis homo interfectus, mandatum est vicecomiti Essex' quod Radulfum de Hauvyle et magistrum Adam le Graunt, captos et in prisona de Wautham occasione predicta detentos a prisona ea sine dilacione replegiari faciat, donec rex aliud inde preceperit. Teste ut supra.
Eodem modo mandatum est vicecomitibus Lond' pro Galfrido de Hauvyl' et Michaele fratre ejus, detentis in prisona de Neugate. Teste rege apud Oxoniam xx. die Junii. (Cancelled) vacat quia non habuit breve.

De ponendo per ballium.—Robertus de Wynston', captus et detentus in prisona regis de Melton' pro morte Walteri de Wynston' unde appellatus est, habet litteras regis vicecomiti Suff' quod ponatur per ballium.

De damis et cervis datis.—Quia R. comes Marscallus non habuit viij. damos quos rex ei dedit in foresta de Fekham, mandatum est custodi foreste regis de Den' quod in eadem foresta faciat habere eidem comiti loco eorumdem damorum faciat habere viij. damos et quatuor cervos de dono regis. Teste rege apud Oxoniam xx. die Junii.

De lignis ad molendina Not'.—Mandatum est Johanni de Eyvill, justiciario foreste ultra Trentam, quod in haya regis de Lyndeby faciat habere Willelmo de Grey, cui rex commisit custodiam molendinorum suorum de Notingham, minuta ligna quibus necessario indiguerit ad dicta molendina reparanda. Teste rege apud Oxoniam xx°. die Junii.

De roba data.—Mandatum est Ricardo de Ewell' et Hugoni de Turri quod Rogero de Evesham, clerico regis, faciant habere unam competentem cum furura hoc vice de dono regis.

Pro Philippo le Taylur.—Monstravit regi Philippus le Taylur quod, cum nuper emisset in Wasconia cla. dolia vini et ea tradidisset Olivero de Winchels' carianda in navi sua usque Lond', vicecomites Lond', eo quod quidam serviens ejusdem Oliveri submersus fuit Lond', vini (sic) predicti Philippi arestari fecerunt: et mandatum est eisdem vicecomitibus quod si ita est, tunc omnia vina que idem Philippus probari poterit sua esse ei sine dilacione deliberari faciant, ita quod idem Philippus pro defectu sui dampnum non incurrat. Teste ut supra.

De quercubus datis.—Mandatum est Johanni filio Nigelli quod in bosco regis de Pauncehale, qui est infra forestam de Bernewode, faciat habere magistro Rustando persone ecclesie Sancte Crucis Oxonie xij. quercus ad maeremium ad edificia sua inde construenda de dono regis. Teste rege apud Oxoniam xxj. die Junii.

De victualibus cariandis per marchiam.—Quia quidam malefactores partium de Clammorgan, Westwall' et de Goer depredantur averia et alia bona in partibus eisdem et ea fugant et abducunt usque in comitatum Devon', ubi quosdem habent fautores et receptatores, ad dampnum R. comitis Glouc, ut dicitur: mandatum est vicecomiti Devon' quod omnes illos, quos decetero invenerit in balliva sua de partibus predictis hujusmodi averia fugantes, sine dilacione arestari faciat una cum averiis predictis, nisi secum deferant litteras dicti comitis, vel vicecomitis sui de Clammorgan, continentes quod averia illa fideliter adepti sint et ea de licencia ipsius comitis vel predicti vicecomitis de partibus predictis fugaverunt. Quia eciam homines partium predictarum sunt ad fidem et pacem regis. Mandatum est vicecomiti Devon' quod permittat mercatores et alios de balliva sua ducere et cariare blada victualia et alia venalia ad partes predictas sine impedimento sui vel ballivorum suorum sicut facere consueverunt ante guerram motam in partibus Wallie. Et hoc in balliva sua publice clamari faciat.
Eodem modo mandatum est vicecomiti Sumers'.

De roba data.—Mandatum est Petro de Rivallis, custodi garderobe regis, quod faciat habere magistro David de Clarendon' carpentario regis robam suam de termino Pentecostes proximo preterito sicut eam habere consuevit. Teste ut supra.

Pro capitulo Eboracensi.—Quia Walterus quondam Eboracensis archiepiscopus in ligia potestate sua concessit et assignavit capitulo Eboracensi mansum suum in villa de Thorp' Sancti Andree cum edificiis, gardinis et vivario quod infra idem manerium fieri fecit, et omnes terras cum hominibus, redditibus, pratis et omnibus aliis ad dictas terras pertinentibus, cum alio vivario et molendino aquatico super illud sito, videlicet quicquid habuit in eadem villa, de cujuscunque dono ea habuit; et totam terram prebende de Richehill cum redditu denariorum et gallinarum, serviciis et omnibus aliis pertinenciis suis, excepto capitali mesuagio assignato prebende de Knaresbur'; et totam terram cum edificiis et aliis pertinenciis que habuit de Petro Crasso et Ernaldo de Naburn', clerico, in suburbio Eboraci juxta barram in Mikelgat'; et totam terram cum pertinenciis quam habuit in Beverlaco de Philippo de Dalton'; et unam bovatam terre in Skiteby cum pertinenciis et redditum trium solidorum et trium denariorum in Thorn' cum pertinenciis, que habuit de Johanne Flaumbard; ita quidem quod, vacante sede Eboracensi, dictum capitulum integre habeat et teneat omnia predicta, solvendo singulis annis thesaurario Eboracensi xx. marcas ad sustentacionem unius capellani divina celebrantis in capella de Thorp' Sancti Andree et ad anniversarium ejusdem archiepiscopi singulis annis celebrandum donec aliquis preficiatur ecclesie Eboracensi qui ipsa velit suscipere cum onere predicto, sicut per cartam ipsius archiepiscopi et confirmacionem nostram super hoc confectam quas inspeximus plenius rex accepit; mandatum est magistro Johanni Maunsell' et Ade de Hilton' custodibus archiepiscopatus predicti quod mansum predictum cum edificiis, vivariis, terris, hominibus, pratis, redditibus et omnibus aliis predictis que occasione mortis Sewali nuper archiepiscopi Eboracensis ceperunt in manum regis predicto capitulo sine dilacione restituant habenda in presenti vacacione dicti archiepiscopatus sicut predictum est. Teste rege apud Oxoniam xxij. die Junii.

De roba data.—Mandatum est Ricardo de Ewell' et Hugonide Turri quod Willelmo Francisco quondam poletario regis faciant habere hac vice unam robam de dono regis. Teste ut supra.

De damis datis.—Mandatum est custodi foreste de Fekham quod loco trium damarum, quas rex ei dedit ante Natale proximo preteritum, faciat habere eidem abbati (sic) in eadem foresta iij. damos de dono regis. Teste ut supra. (Cancelled) vacat quia non habuit.

Pro Waltero de Wigeton'.—Quia rex accepit per inquisicionem, quam per vicecomitem Cumberl' in pleno comitatu suo fieri rex precepit, et per legitimam probacionem, quam per sacramentum tam militum quam aliorum liberorum et legalium hominum coram rege rex recepit, quod Walterus de Wygeton', qui aliquando fuit in custodia regis, est propinquior heres Odardi de Wygeton' patris sui et quod idem Walterus est legitime etatis; rex cepit homagium suum de omnibus terris et tenementis que predictus Odardus, pater suus, tenuit de rege in capite in balliva sua, (fn. 3) et de quibus idem Odardus fuit seisitus in dominico suo ut de feodo die quo obiit, et que occasione mortis sue capta fuerunt in manum regis, plenam seisinam habere faciat. Teste rege apud Oxoniam xxij. die Junii.

De damis datis.—Mandatum est custodi foreste de Melkesham quod in eadem foresta faciat habere Roberto de Marisco duos damos de dono regis. Teste ut supra. Ad instanciam Willelmi de Sancta Ermina.

De cervis datis.—Mandatum est Roberto Waler', senescallo foreste citra Trentam, quod in foresta de Kenefar' faciat habere Petro de Monte Forti duos cervos, et in foresta Salop' alios duos cervos, de dono regis.

De roboribus datis.—Mandatum est custodi foreste de Brehull' quod in bosco regis de Melecumbe faciat habere Fratribus Minoribus Oxonie decem bona robora cum excaetis suis ad focum suum de dono regis: et de cariagio perquirat ei auxilium et juvamen.

De damis datis.—Mandatum est custodi foreste de Bernewode' quod in eadem foresta faciat habere Jacobo de Audedele iiijor. damos de dono regis. Teste rege apud Oxoniam xxij. die Junii.
Mandatum est custodi foreste de Kanok quod in eadem foresta faciat habere Radulfo Basset de Sabecote iij. damos de dono regis. Teste ut supra.

Pro magistro milicie Templi. De damis ad capitulum suum.— Mandatum est custodi foreste regis de Roteland quod in eadem foresta faciat habere magistro Milicie Templi in Anglia v. damos de decem damis quos singulis annis habere consuevit per cartam domini J. regis, patris regis, in foresta regis ad capitulum tenendum. Teste rege apud Oxoniam xxiij. die Junii.
Eodem modo mandatum est custodi foreste de Bradene de aliis v. damis pro eodem magistro.

De quercubus datis.—Mandatum est custodi foreste regis de Bernewod' quod in bosco de Pauncehale, qui est infra forestam de Bernewod', faciat habere fratribus de Monte Carmeli commorantibus apud Oxoniam iiijor. quercus cum escaetis earum ad maeremium ad capellam suam apud Oxoniam construendam, de dono regis.

De damis datis.—Mandatum est custodi foreste de Rokingh' quod in eadem foresta faciat habere fratri Roberto de Manneby, preceptori fratrum Hospitalis Sancti Johannis Jerusalem in Anglia, iiij. damos de dono regis.

De cervis et damis datis.—Mandatum est Johanni de Evyle, justiciario suo foreste ultra Trentam, quod in foresta de Lanc' faciat habere Johanni de Burgo iij. cervos et iij. damos de dono regis.
Mandatum est custodi foreste de Pember' quod in eadem foresta faciat habere Michaeli Mauncudeyt iij. damos de dono regis.
Mandatum est custodi foreste Salop' quod in eadem foresta faciat habere Griffino filio Wenonwen' duos cervos de dono regis.

De coronatore eligendo.—Quia Robertus Treynel, coronator regis in comitatu Ebor', non habet aliquam terram in eodem comitatu, que ad ejus sustentacionem per annum sufficiat ut rex accepit, rex ad instanciam Willelmi Marmyun amovit ipsum ab officio coronatoris in comitatu illo. Et mandatum est vicecomiti Ebor' quod in pleno comitatu suo et per assensum ejusdem comitatus loco predicti Roberti de discretioribus etc., eligi faciat etc. qui prestito sacramento etc. Et talem etc. Et nomen ejus regi scire faciat. Teste rege apud Oxoniam xxv. die Junii.

De quercubus datis.—Mandatum est custodi foreste de Cett' quod in bosco de Digerl', qui est infra predictam forestam, faciat habere Petro de Winton', clerico regis, vj. quercus ad maeremium cum escaetis suis de dono regis.
Mandatum est custodi foreste de Gillingham quod in eadem foresta faciat habere Johanni de Curtenay x. quercus de dono regis. Teste ut supra.
Mandatum est custodi foreste inter pontes Oxon' et Staunford quod in bosco de Henleye faciat habere Fratribus Minoribus Northampton x. quercus ad maeremium cum escaetis earum ad quandam domum scolarum suarum inde faciendam et ad focum suum de dono regis. Teste rege apud Oxoniam xxvj. die Junii.

De damis datis.—Mandatum est custodi foreste regis de Bere quod in eadem foresta faciat habere Willelmo de Clar' quinque damos de dono regis. Teste ut supra.
Mandatum est Ricardo de Muntifichet, senescallo foreste Essex, quod in eadem foresta faciat habere Rogero de Saumford' duos damos de dono regis. Teste ut supra.
Mandatum est custodi foreste regis de Geytinton' quod in eadem foresta faciat habere Roberto de Tateshal quatuor damos de dono regis. Teste ut supra.

[m. 5.]

De cervis datis.—Mandatum est custodi foreste de Pember' quod in eadem foresta faciat habere Roberto de Sancto Johanne duos cervos de dono regis.

De damis datis.—Mandatum est custodi foreste regis de Clive quod in eadem foresta faciat habere Radulfo de Kemeys juniori duos damos de dono regis. Teste rege apud Oxoniam xxvij. die Junii.

Pro Nicholao de Molis.—Rex dedit respectum Nicholao de Molis usque ad quindenam Sancti Michaelis proximo futuram de tribus doliis vini, xvj. quarteriis frumenti et xxv. quarteriis ordii, que regi debet de municione castri regis Dovor' de tempore quo custodiam ejusdem castri nuper habuit. Et mandatum est Ricardo de Grey, constabulario regis Dovor', quod ipsum Nicholaum respectum predictum habere permittat. Teste ut supra.

De cervis et damis datis.—Mandatum est Ade de Periton', custodi foreste de Bradene, quod in eadem foresta faciat habere F. Londoniensi episcopo duos cervos et v. damos de dono regis. Teste rege apud Oxoniam xxviij. die Junii.
Mandatum est custodi foreste de Gillingh' quod in eadem foresta faciat habere Stephano de Lungesp' quinque damos de dono regis. Teste ut supra.

De uno mercato tenendo apud Ellesmere.—Quia ad melioracionem manerii regis de Ellesmere vult rex quod mercatum decetero teneatur ibidem singulis septimanis per diem Jovis, mandatum est vicecomiti Salop' quod mercatum illud publice clamari et teneri faciat ibidem per predictum diem cum omnibus libertatibus et liberis consuetudinibus mercatum pertinentibus. Teste rege apud Oxoniam xxviij. die Junii.

De damis datis.—Mandatum est Roberto Waler', senescallo foreste regis citra Trentam, quod habere faciat Petro de Monte Forti duos damos in foresta regis Roteland', et alios duos damos in foresta regis Fekham, de dono regis. Teste ut supra.

Pro Willelmo de Draicot'.—Quia rex accepit per inquisicionem, quam per Edmundum de Lacy, dum tenuit manerium regis de Meleburne de rege ad firmam, fieri rex fecit, quod tres acre terre cum pertinenciis, quas Gilbertus de Draycote, pater Willelmi de Draycote, quondam tenuit in eodem manerio, devenerunt in manum regis eo quod idem Gilbertus pater nimia paupertate terram illam reliquit et non alia de causa, et quod predictus Willelmus propinquior heres est; rex compatiens paupertati ejusdem Willelmi eidem reddidit terram predictam. Et mandatum ballivo manerii predicti quod eidem Willelmo de eadem terra cum pertinenciis plenariam seisinam sine dilacione habere faciat. Teste ut supra.

De vinis cariandis.—Mandatum est ballivis Suhampt' quod cum omni celeritate de die et nocte cariari faciant usque Winton' in occursum regis omnia vina que Johannes de Swyneford', captor vinorum regis, eis liberabit: et, cum rex sciverit numerum doliorum, custum cariagii illius eis allocari faciet. Teste ut supra.

De damis datis.—Mandatum est custodi foreste de Roteland' quod in eadem foresta faciat habere Hugoni le Despenser quatuor damos de dono regis. Teste ut supra.
Mandatum est custodi foreste de Wychewode quod in eadem foresta faciat habere Henrico de Wengham tres damos de dono regis. Teste ut supra.

De galiis et bargiis.—Licet nuper ballivo de Winchiles' rex dederit in mandatis quod unam galiarum et bargiarum, quas apud Winchiles' fieri rex fecit, eskippari faceret bona gente et quod eas venire faceret usque Cestriam, mandatum est tamen eidem ballivo quod ipsas non eskippet quousque aliud a rege inde receperit in mandatis; proviso tantum modis omnibus quod dicte galie et bargie prompte sint et parate ad eskipandum quandocunque a rege super hoc receperit mandatum: et hoc, sicut regem et honorem regis diligit, non omittat. Teste ut supra.
Eodem modo mandatum est vicecomiti Norf' et Suff' de galiis et bargiis quas rex apud Gernemut' et Dunwic' fieri fecit etc. ut supra. Teste ut supra.
Eodem modo mandatum est vicecomiti Kanc' de una galiarum et bargiarum quas apud Winchiles' rex fieri fecit etc. ut supra. Teste etc.
Et mandatum est ballivis et probis hominibus regis de Gernemuth' quod, licet nuper dederit in mandatis vicecomiti Norf' et Suff' quod galiam et bargiam quas ad opus suum fieri fecit in villa de Gernemuth bona gente eskippari et eas venire faceret usque Cestriam; non vult rex tamen quod galia et bargia eskipentur ad presens quousque aliud inde rex preceperit: et mandatum eisdem ballivis quod modis omnibus provideant quod galia et bargia predicta prempte sint et parate ad eskippandum quandocunque id fieri rex preceperit.
Eodem modo mandatum est baronibus et ballivis regis de Wincheles' de galiis et bargiis quas per vicecomitem Kanc' fieri rex precepit apud Winch' etc. ut supra.
Eodem modo mandatum est ballivis et probis hominibus de Dunwyc' de galya et bargia quas per vicecomitem Norf' et Suff' fieri rex precepit apud Dunwic' etc. ut supra.

De damis datis.—Mandatum est custodi foreste de Wauberge quod in eadem foresta faciat habere Margerie comitisse de Ferrariis tres damos de dono regis. Teste rege apud Sandreford xxx. die Junii.

De novo milite faciendo.—Mandatum est Ricardo de Ewell' et Hugoni de Turri quod sine dilacione faciant habere Jacobo filio Nicholai le Sarazyn, civi et proconsuli Romano, qui in brevi suscepturus a rege arma militaria, ea honorifice que ad novam miliciam suam pertinent, sicut aliis militibus regis honorifice invenire rex consuevit. Teste ut supra.

Footnotes

  • 1. written Mutna.
  • 2. altered from nequid.
  • 3. There seems to be an omission at this point.