Close Rolls, October 1258

Close Rolls, October 1258

Mandatum est custodi predicto quod filiis Bartholomei Bigod studentibus apud Sarr' faciat habere unum bonum robur ad focum suum de dono regis. Teste rege apud Modefunt' ij. die Octobris.
Mandatum est eidem quod in bosco de Bocholt faciat habere priori et conventui de Motesfont' tria robora ad focum suum de dono regis. Teste ut supra.

Pro Connerensi episcopo.—Mandatum est Willelmo de Bakep', escaetori regis in Hibernia, quod de exitibus alicujus abbacie vacantis vel vacature in Hibernia et in manu regis existat (sic) faciat habere W. Connerensi episcopo decem marcas ad quandam mitram sibi emendam de dono regis. Teste ut supra.

De quercubus datis.—Mandatum est custodibus et ballivis Nove Foreste quod decem quercus quas Eduuardus filius regis dedit Fratribus Minoribus Suth' in foresta predicta eisdem fratribus habere permittant. Teste ut supra.
Mandatum est custodi foreste de la Bere quod Roberto de Brues faciat habere unam bonam quercum ad maeremium de dono regis in foresta predicta. Teste rege apud Wintoniam iij. die Octobris.

De damis datis.—Cum rex nuper dederit Claricie sorori Johannis Maunsel' duos damos in bosco de Bocholt' quos nondum habuit ut dicit, mandatum est custodi foreste de Clarend' quod in bosco predicto loco illorum duorum damorum faciat habere eidem Claricie iij. damas de dono regis, nisi illos duos damos prius habuerit. Teste ut supra.
Mandatum est custodi foreste de Savernak' quod in eadem foresta faciat habere priori Sancti Suithuni Winton' iij. damos de dono regis. Teste rege apud Wintoniam iiij. die Octobris.
Mandatum est custodi foreste de Windes' quod in eadem foresta faciat habere Aymoni Trumbert ij. damos de dono regis. Teste rege apud Guldef' vj. die Octobris.

De baconibus liberandis.—Mandatum est vicecomiti Surr' quod xxviij. bacones, quos Gerardus de Evynton', quondam vicecomes Surr', ei liberavit de empcione baconum quam fecit de precepto regis, liberet custodi lardarii regis ad expensas hospicii sui.

De roba data.—Mandatum est Ricardo de Ewell' et Hugoni de Turri quod Bernardo Johannis, servienti regis ad arma, faciant habere unam bonam robam de dono regis. Teste rege apud Westmonasterium viij. die Octobris.
Quia idem Bernardus robam suam amisit per...

De novo milite faciendo.—Mandatum est eisdem quod Petro de Dorney, nepoti Johannis de Dornay, quem rex ad instanciam ipsius Johannis cingulo milicie decorabit, faciant habere ea que ad miliciam suam pertinent, sicut rex aliis novis militibus suis invenire consuevit. Teste ut supra.

De dolio vini.—Mandatum est custodibus vinorum regis apud Ludegarshal' quod de vinis regis que sunt in custodia sua habere faciant Johanni de Warenn', qui infirmatur apud Hamsted', unum dolium vini de mutuo, pro uno dolio vini quod regi reddendum est London' ad beneplacitum regis. Teste rege apud Westmonasterium xij. die Octobris.

De virgis ad gurgitem regis de Glouc'.—Mandatum est constabulario castri regis Sancti Briavelli quod in foresta regis de Den' faciat habere Mathie Bezill', constabulario castri Glouc', virgas quantum necesse fuerit ad gurgitem regis et dimidium, qui sunt in custodia predicti Mathie, reparandos sicut aliis annis fieri consuevit, ita quod rex de lampredis vel aliis dampnum non incurrat. Teste ut supra.

De robis datis.—Mandatum est Ricardo de Ewell' et Hugoni de Turri quod Bartholomeo le Bigod', qui pro rege exheredatus est de terris suis in Normannia, faciant habere unam robam et uxori sue unam robam cum mantello et pellura competenti de dono regis. Teste rege apud Westmonasterium xiiij. die Octobris.

Pro executoribus Willelmi de Felmingham.—Mandatum est escaetori regis in comitatu Norf' quod, accepta securitate ab exequtoribus testamenti Willelmi de Felmingh' de debitis regi reddendis si que regi debuit die quo obiit, de omnibus bonis et catallis que fuerunt ipsius Willelmi permittat eosdem exequtores habere liberam administracionem ad exequcionem testamenti sui inde faciendam: et securitatem quam ceperit regi scire faciat. Teste ut supra.

De novo milite faciendo.—Mandatum est Ricardo de Ewell' et Hugoni de Turri quod Johanni de la Sach' et Galfrido de Parny, socio suo, quos rex ad instanciam Galfridi de Bolemund' cingulo milicie in proximo decoraturus est, sine dilacione faciant habere ea que ad miliciam suam pertinent, sicut rex aliis novis militibus suis invenire consuevit. Teste rege apud Westmonasterium xvj. die Octobris.

De girofalconibus datis.—Mandatum est custodi girofalconum regis apud Brixstok quod Ricardo de Clar', comiti Glouc', vel latori presentium, vatletto suo, faciat habere album girofalconem regis, qui est in custodia sua, de dono regis. Per R. Waler'.

Mandatum est eidem custodi quod Rogero de Mortuo Mari faciat habere unum de melioribus girofalconibus regis qui sunt in custodia sua, de dono regis, preter predictum album girofalconem. Teste ut supra. Per E. de Argentem.

De maeremio ad operaciones Merleberg'.—Mandatum est custodi foreste regis de Savernak quod in eadem foresta faciat habere custodibus operacionum regis in castro de Merleberge maeremium quantum necesse fuerit ad operaciones regis quas in eodem castro rex nuper injunxit. Teste.

De quercubus datis.—Mandatum est custodi ejusdem foreste quod in eadem foresta faciat habere Johanni de Tregoz vj. quercus ad maeremium de dono regis. Teste rege apud Westmonasterium xx°. die Octobris.

Pro Roberto de Totenhol'.—Rex perdonavit Roberto de Totinhol' transgressionem quam fecit in foresta de Roteland per capcionem unius fetonis sine licencia regis: et mandatum est Petro de Nevill' quod eundem Robertum de transgressione predicta quietum esse permittat. Teste ut supra. Per Egidium senescallum.

Pro burgensibus de Len'.—Burgenses de Lenn' solverunt in garderoba regis die Martis proxima post festum Sancti Ambrosii anno etc xxxix. Artaldo de Sancto Romano, tunc custodi ejusdem garderobe, duas marcas auri, per quas finem fecerunt cum rege pro carta regis habenda ne distringantur pro alienis debitis, testificatas per Albricum de Fiscamp' et Petrum de Winton', clericos ejusdem garderobe: et mandatum est baronibus de Scaccario quod predictos burgenses de predictis duabus marcis auri quietos esse faciant. Teste ut supra.

[m. 1.]

Pro episcopo Sarrisburiensi.—Cum rex nuper dederit E. Sarrisburiensi episcopo v. damos in foresta de Gylingham ad festum dedicacionis ecclesie sue Sarr' tenendum, et idem episcopus ut asserit, damos illos non habuerit; mandatum est custodi predicte foreste quod, si ita est, tunc eidem episcopo v. damas in predicta foresta regis pro predictis v. damis habere faciat. Teste rege apud Westmonasterium xxij. die Octobris.
Eodem modo mandatum est Ade de Greynvill', custodi foreste Selewode, de v. damis, et custodi foreste de Chippenham et Melksham de v. damis, et Ade de Periton', custodi foreste de Bradone, de v. damis. Teste ut supra.

De roboribus datis.—Mandatum est custodi foreste de Shothovere quod in eadem foresta regis faciat habere Willelmo de Percy, clerico, tria robora de dono regis. Teste ut supra.

De coronatore eligendo.—Quia Robertus de Sundreland, nuper coronator regis in comitatu Roteland', mortuus est, ut dicitur, mandatum est vicecomiti Rot' quod in pleno comitatu suo et per assensum ejusdem comitatus eligi faciat quendam coronatorem, qui prestito prius sacramento fidelitalis sicut moris est, ex tunc officio coronatoris intendat in comitatu predicto. Teste ut supra.
Quia rex fecit Simonem de Hedon', qui fuit coronator regis in comitatu predicto, vicecomitem Not', mandatum est vicecomiti Not' quod in pleno comitatu suo et per assensum ejusdem comitatus loco ipsius Simonis eligi faciat quendam coronatorem, qui prestito prius sacramento fidelitatis sicut moris est, ex tunc officio coronatoris intendat in comitatu predicto secundum legem et consuetudinem regni regis.

Pro abbate Sancti Edmundi.—Quia constat regi per inspectionem rotulorum cancellarie sue quod abbas Sancti Edmundi solvit in garderoba regis per manus Thome de Stagno, clerici sui, die Martis proxima post festum Sancti Laurencii apud Bedef' anno vij. sexaginta et decem marcas de carucagio suo et die Dominica in crastino Omnium Sanctorum anno etc. nono xxij. libras de eodem carucagio apud Westmonasterium per manus ejusdem Thome in garderoba predicta: mandatum est baronibus de Scaccario quod de demanda quam faciunt Simoni, nunc abbati Sancti Edmundi, per summonicionem scaccarii de predictis lxx. marcis et xxij. libris ipsum abbatem quietum esse faciant. Teste rege apud Westmonasterium xxiij. die Octobris. Per justiciarium.

Pro Cantuariensi archiepiscopo.—Memorandum quod, cum dominus Rex nuper dedisset Willelmo de Valenc' fratri suo custodiam terre et heredis Warini de Muntchenesy quantum ad regem pertinebat, qui quidem Warinus de rege tenuit in capite, occasione cujus donacionis idem Willelmus occupavit feodum unius militis in Preston' quod idem Warinus tenuit de Cantuariensi archiepiscopo, et cujus custodiam idem archiepiscopus clamavit ad se pertinere, consideratum est per magnates de consilio regis quod nullum per occupacionem illam eidem archiepiscopo generetur prejudicium in posterum quin custodiam feodorum suorum habeat prout ad ipsum pertinet: et injunctum est capitali justicie (fn. 1) quod faciat eidem archiepiscopo habere dampna sua que sustinuit occasione occupacionis predicte. Teste rege apud Westmonasterium xxiiij. die Octobris.
Memorandum quod, quia testificatum est coram rege et consilio suo quod archiepiscopus Cantuariensis et predecessores sui consueverunt habere amerciamenta hominum suorum, quacumque de causa fuerint amerciati, consideratum est per magnates de consilio regis quod amerciamenta, que rex cepit de hominibus predicti archiepiscopi pro transgressionibus mensurarum in ultimo transitu suo per partes Kancie, non cedant prefato archiepiscopo in prejudicium quin ipse et successores sui decetero habeant amerciamenta hominum suorum in casu consimili. Teste ut supra.

De piscacione ad opus regis.—Rex mittit Walterum Lavener, servientem suum, cum piscatore suo ad piscandum ad opus regis in vivario de Wlvemar contra instans festum Omnium Sanctorum. Et mandatum est custodi vivarii predicti quod ipsos ad hoc admittat et eis ad piscem ibidem capiendum consilium suum et auxilium impendat, et eis ad piscem illum ad regem cariandum habere faciat cariagium ad denarios regis. Teste rege apud Westmonasterium xxvij. die Octobris.
Rex mittit predictum Walterum cum piscatore regis ad piscandum in mara de Fermesham ad opus regis contra festum predictum. Et mandatum est constabulario de Farneham quod ipsos ad hoc admittat, et eis ad piscem quem ibidem ceperint ad regem cariandum habere faciat cariagium ad denarios regis. Teste rege ut supra.

De dota assignanda.—Cum rex vendiderit Johanne que fuit uxor Hugonis Wake custodiam terrarum et heredis ipsius Hugonis usque ad legitimam etatem ipsius heredis antequam Hugo le Bigod ipsam Johannam duxit in uxorem, nulla dote eidem Johanne inde assignata, et idem heres fere sit plene etatis ut rex accepit, mandatum est vicecomiti Linc' quod assumptis secum Henrico de Stepinges, Rogero de Ingoldeby et Gilberto de Cheyle vel duobus ipsorum, si omnes interesse non possint, diligenter extendi faciat omnes terras et tenementa in comitatu predicto de quibus predictus Hugo Wake fuit seisitus in dominico suo ut de feodo die quo obiit, videlicet quantum valeant per annum in omnibus exitibus, et predictis Hugoni le Bigod et Johanne uxori ejus racionabilem dotem ipsam Johannam contingentem de omnibus terris et tenementis predictis sine dilacione faciat assignare. Teste rege apud Westmonasterium xxvij. die Octobris.

Quia per Johannem de Crakhale, archidiaconum Bedeford', et alios viros fidedignos rex accepit quod, cum post decessum Idonee de Veteri Ponte avie Roberti de Veteri Ponte, cujus heres ipse est, Robertus quondam Lincolniensis episcopus . . . . custodiam terrarum quas ipsa Idonea de eo tenuit, eo quod ipsa Idonea non tenuit de rege in capite, dicto Roberto de Veteri Ponte tunc infra etatem et in custodia regis existente, idem episcopus recepit relevium Ricardi de Prestcot' de terra quam pater suus tenuit de predicta Idonea in Prestcot', et post decessum ipsius Ricardi recepit relevium Walteri de Prestcot' fratris et heredis ipsius Ricardi de eadem terra durante custodia predicta. . non alio modo, mandatum est Ade de Aston' et Waltero de Wassingley, nuper custodibus episcopatus Lincolniensis, quod eidem Roberto de Veteri Ponte custodiam totius terre quam predictus Walterus de eo tenuit, et que occasione predicta . . predicti episcopatus tunc vacantis et in manu regis existentis capta fuit in manum regis, sine dilacione restituant una cum custodia et maritagio filiarum et heredum predicti Walteri et cum omnibus perceptis de predicta terra a tempore quo capta fuit in manum regis. Teste etc. (Cancelled) quia istud breve non processit.

Pro Roberto de Veteri Ponte.—Quia testificatum est coram rege per Johannem de Crakhale, archidiaconum Bed', et alios viros fidedignos quod Walterus de Prestecot' non tenuit terram aliquam aut tenementa de episcopatu Lincolniensi, mandatum est Ade de Aston' et W. de Wassingl', custodibus dicti episcopatus, quod Roberto de Veteri Ponte custodiam totius terre quam predictus Walterus de eo tenuit, et que racione predicti episcopatus tunc vacantis et in manu regis existentis capta fuit in manum regis, sine dilacione restituant una cum custodia et maritagio filiarum et heredum ejusdem Walteri et cum omnibus perceptis de predicta terra a tempore quo capta fuit in manum regis. Teste rege apud Westmonasterium xxvij. die Octobris.

Regi (fn. 2) de centum marcis argenti per quas prior et conventus de Whyteby finem nuper fecerunt cum rege pro custodia abbacie sue cum pertinenciis habenda quamprimum ipsam per cessionem vel decessum Johannis de Steyngrive abbatis sui vacare contigerit, sicut in litteris regis patentibus eis inde confectis continetur, solverunt iidem prior et conventus in garderoba regis die Martis proxima post festum Sanctorum Tiburcii et Valeriani anno etc. xlij°., xl^a. marcas per manus fratris Roberti de Langetoft', supprioris dicte domus, et residuas sexaginta marcas solverunt in eadem garderoba die Jovis in vigilia Sancti Luce Ewangeliste anno eodem per manus Johannis de Langetoft', clerici regis. Et mandatum est baronibus de Scaccario quod predictos priorem et conventum de predictis centum marcis quietos esse faciant. Teste ut supra.