Close Rolls, February 1257

Close Rolls, February 1257

De chiminagio.—Cum abbas de Ruford' dederit Willelmo de Gray xx^ti. quercus in boscis ipsius abbatis in foresta regis de Shirewud', et prior de Novo Loco dederit eidem Willelmo xij. quercus in boscis ejusdem prioris in eadem foresta, mandatum est Willelmo Heyrun, justiciario foreste ultra Trentam, quod ipsum Willelmum predictas quercus extrahere quo voluerit sine impedimento et occasione cheminagii. (fn. 1) Teste rege apud Westmonasterium primo die Februarii anno xlj°.

De damis datis.—Mandatum est Willelmo Heyrun, justiciario foreste ultra Trentam, quod in foresta regis de Shirewud' faciat habere Willelmo de Grey tres damas de dono regis.
Mandatum est Roberto Waler', senescallo foreste regis, quod in foresta de Geytinton' faciat habere Nicholao de Sancto Mauro tres damas de dono regis. Teste rege apud Westmonasterium iij. die Februarii.

De maeremio ad operaciones castri Not'.—Mandatum est Willelmo Heyrun, justiciario foreste ultra Trentam, quod in foresta de Shirewod' faciat habere Rogero Lovetot', vicecomiti Notingh', custodi operacionum castri regis Notingh', maeremium quantum sufficiat ad jaroylum circa castrum predictum et turrim ejusdem castri reparandum reparacione qua indiget. Teste ut supra.

De quercubus datis.—Mandatum est Johanni Waler', custodi abbacie Sancti Eadmundi, quod in boscis manerii de Tyfteshal'; qui sunt in custodia sua, faciat habere Petro de Sabaudia viginti quercus aptas ad maeremium cum escaetis suis de dono regis. Teste ut supra.

De ponendo per ballium.—Walterus filius Willelmi, captus et detentus in prisona regis de Geldham pro morte Radulfi de Chastilun unde rettatus est, habet breve vicecomiti Essex' quod ponatur per ballium. Teste ut supra.

De quercubus datis.—Mandatum est Johanni Waler', custodi episcopatus Eliensis, quod in boscis manerii de Derham ad dictum episcopatum pertinentibus faciat habere Petro de Sabaud' viginti quercus aptas ad maeremium cum escaetis suis de dono regis. Teste.

De maeremio ad blidas.—Mandatum est Roberto Walerand', senescallo foreste regis citra Trentam, quod in foresta regis de Den' faciat habere Edwardo filio regis, per visum et testimonium viridariorum et forestariorum ejusdem foreste, maeremium quantum necesse fuerit ad tres blidas inde faciendas ad opus suum, de dono regis. Teste ut supra.

De balistis liberandis Willelmo de Valenc'.—Mandatum est constabulario castri de Windles' quod de balistis que sunt in custodia sua faciat habere Willelmo de Valenc', fratri regis, decem balistas de dono regis. Teste rege apud Westmonasterium v. die Februarii.

De quarellis liberandis eidem.—Mandatum est constabulario Turris London' quod de quarellis qui sunt in custodia sua faciat habere eidem Willelmo duo milia quarellorum de dono regis. Teste ut supra.

De roboribus datis.—Mandatum est custodi foreste Essex' quod in eadem foresta faciat habere F. Dublinensi archiepiscopo, perhendinanti apud Litlebir' viij. robora, ubi ad opus ejusdem archiepiscopi commodius et ad minus dampnum ejusdem foreste capi possunt. Teste ut supra.
Mandatum est custodi foreste de Bernewude quod in boscis de Fryth et Pidinton', qui sunt infra metas foreste predicte, faciat habere Fratribus Minoribus Oxonie viii. bona robora ad focum suum de dono regis.

De roba data.—Mandatum est Rogero de Ros, scissori, et Hugoni de Turri, socio suo, quod de garderoba regis faciant habere uxori Bartholemei le Bigot unam robam integram, videlicet tunicam, supertunicam, pallium et capam cum pellura sibi competenti, de dono regis. Teste ut supra.

Pro Reginaldo filio Petri.—Quia Reginaldus filius Petri cepit per preceptum regis tres cervos in balliva Walteri de Everl' ad opus regine anno etc. xxxvij. tempore ultime transfretacionis regis in Wasconiam, quorum capcionem acceptat et advocat; mandatum est R. Waler' et sociis suis itinerantibus ad placita foreste in comitatu Suthamt' quod prefatum Reginaldum occasione capcionis dictorum cervorum non occasionent, aut in aliquo gravent, set ipsum inde quietum penitus et immunem esse faciant. Teste rege apud Westmonasterium vj. die Februarii.

Pro Matillide que fuit uxor Willelmi Lungesp'.—Matillis que fuit uxor Willelmi Lungesp' corporale regi prestitit sacramentum secundum consuetudinem regni regis quod non maritabit se alicui sine licencia et voluntate regis: et mandatum est regine quod eidem Matillidi de omnibus terris et tenementis que fuerunt predicti Willelmi, quondam viri sui, et que sunt in custodia sua racione collacionis quam rex ei inde fecit, racionabilem dotem suam sine dilacione assignari faciat: omnes eciam terras de hereditate ipsius Matillidis, si que occasione collacionis predicte custodie capte sint in manum regis, ei sine dilacione restituat: et ad istum negocium penes reginam exequendum attornavit ipsa Matillis coram rege Henricum de Monteforti et Waukelinum de Rosey, quos vel alterum illorum quem presentem adesse contigerit ad hoc regina recipiat.

Pro Baldewino de Insula.—Rex de gracia sua speciali reddidit Baldewyno de Insula, filio et heredi Baldewyni de Ripariis, quondam comitis Devon', totam terram cum pertinenciis que fuit Willelmi Avenel in Hunigton' de feodo predicti Baldewyni et que est escaeta regis de terris Normannorum, habendam et tenendam eidem Baldewino et heredibus suis de rege et heredibus suis inperpetuum: et mandatum est vicecomiti Devon' quod eidem Baldewyno de predicta terra cum pertinenciis plenam seisinam habere faciat. Teste ut supra.

Pro Edmundo filio regis.—Mandatum est Rogero le Ros et Hugoni de Turri quod de garderoba regis faciant habere Edmundo filio regis unam culcitram punctam de aresta, unum coopertorium de griseo rubeo, unum materacium de burl', unum pannum de reyns', viginti ulnas de kanevacio, iij. ulnas de bono burneto ad caligas, ij. fururas de minuto vario, unum capucium de minuto vario, unum pellicium ad opus suum, et unam robam ad quendam garcionem suum. Teste ut supra.

Pro Rogero de Clifford'.—Quia rex accepit per inquisicionem, quam per Willelmum de Bellocampo, vicecomitem suum Wygorn', fieri fecit, quod Johannes de Kinardel' tenuit omnes terras suas, quas de rege tenuit, in sokagio, et quod idem Johannes tenuit alias terras de Rogero de Clifford' per servicium militare, rex concessit eidem Rogero custodiam Hugonis filii et heredis ejusdem Johannis, et eciam terrarum que fuerunt ejusdem Johannis, quantum ad ipsum Rogerum pertinet, quas occasione mortis ejusdem Johannis Johannes Waler' cepit in manum regis: et mandatum est Johanni Waler', vel coexecutori (sic) suo in comitatu Wigorn', quod eidem Rogero de custodia predicta, sicut predictum est, plenam seisinam habere faciat. Teste ut supra.

Pro Willelmo de Valenc'.—Rex remisit Willelmo de Valenc', fratri suo, quadringentas marcas que ab eo exiguntur ad scaccarium regis de porcione ipsum et Johannam uxorem ejus contingente pro dote Alienore comitisse Leyc' sororis regis de terris Walteri Marescalli, quondam comitis Penbr', de anno etc. xl^a. et de quatuor annis precedentibus et centum et quatuordecim marcas quatuor solidos et tres obolos pro Roberto Agulun et uxore ejus, Reginaldo de Moun et uxore ejus, de porcionibus ipsos contingentibus de eadem dote de tempore predicto: et mandatum est baronibus de scaccario quod ipsos Willelmum et Johannam de predictis denariis quietos esse faciant. Teste ut supra.

Pro Waltero de Clifford'.—Rex perdonavit Waltero de Clifford trescentas marcas et concessit eidem Waltero quod de residuis debitis que idem Walterus regi debet ad scaccarium suum solvat regi per annum xx. libras, ubi prius regi solvere consuevit xl^a. libras, videlicet ad scaccarium regis Pasche x. libras, et ad scaccarium regis Sancti Michaelis decem libras, et sic de anno in annum ad eosdem terminos xx. libras, donec omnia debita predicta regi fuerint persoluta: et mandatum est baronibus de scaccario quod ipsum Walterum de predictis trescentis marcis quietum esse et de residuis debitis terminos predictos ei habere et sic fieri et inrotulari faciant. Teste rege apud etc. ut supra.

De coronatore eligendo.—Quia Johannes de Bretton', quondam coronator regis in hundredo de Rocheford in comitatu Essex', habet quietanciam a rege quod non sit coronator aut alius ballivus regis contra voluntatem suam, per quod ab officio illo est amotus, mandatum est vicecomiti Essex quod in pleno comitatu suo et per assensum ejusdem comitatus loco ipsius Johannis eligi faciat quemdam alium coronatorem de legalioribus et discretioribus militibus ejusdem comitatus, qui, prestito prius sacramento fidelitatis coram predicto vicecomite in predicto comitatu, sicut moris est, extunc faciat et conservet in hundredo predicto ea que ad coronam regis pertinent. Et talem eum eligi faciat qui melius sciat et possit ad hoc intendere; et nomen ejus regi scire faciat. Teste rege apud Westmonasterium viij. die Februarii anno regni xlj°.

Pro Ermentruda de Leydet.—Quia constat regi quod Walterus Ledet tenuit manerium de Coleby cum pertinenciis de rege ad feodi firmam et non per servicium militare, rex reddidit Ermetrude que fuit uxor predicti Walteri custodiam manerii predicti usque ad legitimam etatem heredum ipsius Walteri: et mandatum est regine quod eidem Ermetrude plenam seisinam de manerio predicto habere faciat, sicut predictum est. Teste ut supra.

De coronatore eligendo.—Quia Alanus de Wyndhull' est in servicio regis in exercitu Edwardi filii regis in partibus Wallie per preceptum regis, ita quod officio coronatoris in comitatu Lane', ad quod est deputatus, nequit intendere, rex ab officio illo ipsum amovit, et mandat vicecomiti Lanc' quod loco ipsius Alani eligi faciat alium coronatorem qui, prestito sacramento etc. Teste ut supra.

Pro Roberto de Haya.—Rex concessit Roberto de la Haye et Matillidi uxori ejus quod de una marca, per quam finem fecerunt cum rege de quodam brevi de transgressione habendo, solvant regi quadraginta denarios per annum, videlicet ad festum Sancti Michaelis proximo futurum xl^a. denarios, et sic de anno in annum quadraginta denarios ad eundem terminum, donec predicta marca regi fuerit persoluta. Et mandatum est baronibus de Scaccario quod eidem Roberto et Matillidi de predicta marca predictos terminos habere et sic fieri et inrotulari faciant. Teste ut supra.

De roba data.—Mandatum est Rogero le Taylur et Hugoni de Turri quod Willelmo de Witsand, hospiti regis, faciant habere unam bonam robam de dono regis. Teste rege apud Westmonasterum x. die Februarii.

De quercubus datis.—Mandatum est Roberto Walerand, senescallo foreste regis citra Trentam, quod in foresta regis de Cippenham' faciat habere Galfrido Gacelyn duas quercus et in foresta de Melkesham duas quercus ad maeremium cum escaetis suis de dono regis. Teste rege apud Westmonasterium x. die. Februarii.

Pro executoribus testamenti Hugonis de Chikehull.'—Mandatum est Hamoni de Basing, escaetori regis in comitatu Suth', quod accepta sufficienti securitate ab exequtoribus testamenti Hugonis de Chikehull' de debitis regi reddendis, si que idem Hugo regi debebat die quo obiit, de omnibus bonis et catallis que fuerunt ejusdem Hugonis et que occasione mortis sue capta sunt in manum regis dictis exequtoribus plenam seisinam habere faciat ad exequcionem etc. Teste ut supra.

Pro exequtoribus Radulfi de Valle Torta.—Mandatum est escaetori regis in comitatu Devon' quod accepta sufficienti securitate ab executoribus testamenti Radulfi de Valle Torta de Tremeton de debitis regi reddendis de primis denariis suis, si que idem Radulfus regi debuit die quo obiit, eosdem executores de omnibus bonis et catallis dicti defuncti in balliva sua liberam administracionem habere permittat. Teste ut supra.

Pro Juliana (sic) de Valle Torta.—Johanna que fuit uxor Radulfi de Valle Torta de Tremeton' corporale regi prestitit sacramentum quod non maritabit se sine assensu et voluntate regis et regine: et mandatum est predicte regine quod eidem Johanne de omnibus terris et tenementis, de quibus dictus Radulfus fuit seisitus in dominico suo ut de feodo die quo obiit, et que sunt in manu regine ex concessione regis, racionabilem dotam suam que ipsam inde contingit sine dilacione assignari faciat. Teste ut supra.

De lampredis et alosis ad opus regis.—Mandatum est Mathie Bezill, constabulario castri regis Glouc', quod omnes lampredas et alosas, que inveniri poterunt in gurgitibus regis et aliorum in partibus illis, ad opus regis capi faciat, sicut inveniri poterunt, et eas liberet ballivis regis Glouc' transmittendas ad regem particulariter, sicut rex eis injunxit: et custum etc., cum rex sciverit etc. reddi faciet. Teste ut supra.
Et similiter mandatum est ballivis Glouc' quod omnes lampredas et alosas que inveniri poterunt in balliva sua capiant ad opus regis et eas particulariter, sicut inveniri poterunt, una cum lampredis et alosis quas predictus Mathias eis liberabit per preceptum regis, ad regem mittant: et cum rex sciverit custum etc., faciet eis allocari etc. Teste ut supra.

De roba data.—Mandatum est Rogero le Taylur et Hugoni de Turri quod faciant habere Godberto vatletto Cameracensis archiepiscopi, qui nunciavit regi primos rumores eleccionis facte de R. comite Cornubie in regem Alemannie, unam bonam robam sibi competentem de dono regis. Teste rege apud Westmonasterium xiij. die Februarii.

De reparacione domorum castri Salop'.—Mandatum est custodi forestarum regis de Sirle et de Lye quod maeremium quantum opus fuerit liberet vicecomiti Salop' ad reparacionem domorum castrorum Salop' et Brug' et jarilli Salop'. Teste etc.

De ponendo per ballium.—Mandatum est vicecomiti Oxon' quod, si Willelmus filius Yedrich' de Haneberg, et Margeria uxor ejus, capti et detenti in prisona regis Oxonie pro receptacione malefactorum foreste regis de Wychewod', invenerint ei xij. probos et legales homines de balliva sua, qui eos manucapiant habendos coram justiciariis regis proximo itineraturis ad placita foreste in comitatu suo ad standum recto supra premissis, tunc ipsos Willelmum et Margeriam predictis xij. tradat in ballium sicut predictum est: et habeat etc. Teste rege apud Westmonasterium xvj. die Februarii.

Pro Johanne de Gisorc'.—Quia testificatum est coram rege per senescallos suos et clericos garderobe regis quod anno regis xxxvij., postquam rex constituerat Johannem de Gisorc' camerarium suum Lond', venire fecit idem Johannes in hospicium regis per carettas suas proprias, propter defectum vinorum quem rex eo tempore habuit, xviij. dolia vini particulatim per preceptum predictorum senescallorum et pincernarum regis, de quibus doliis vini ad opus regis capiendis et liberandis pincernis regis breve regis sicut moris est non optinuit propter subrepcionem predictam; mandatum est baronibus de scaccario quod eidem Johanni predicta xviij^to. dolia vini in compoto suo de cameraria predicta allocent. Teste ut supra.

Pro comite Leic'.—Quia nec per scrutinium rotulorum scaccarii, nec alio modo, regi constare potest quod Paulinus Peyvre tenuerit aliquam terram de rege in capite, per quod custodia terrarum quas de aliis tenuit ad regem pertineat; mandatum est vicecomiti Bed' quod Simoni de Monte Forti, comiti Leic', de custodia terre cum pertinenciis quam dictus Paulinus de eo tenuit in Todington' die quo obiit plenam seisinam habere faciat sine dilacione. Teste rege apud Westmonasterium xv. die Februarii. Per Henricum de Bath' et alios justiciarios.
Eodem modo mandatum est vicecomiti Bok' de custodia terre quam idem Paulinus de eo tenuit in Chilton'.

De roba data.—Mandatum est Rogero de Ros et Hugoni de Turri quod Thome de Mara, vatletto R. comitis Cornubie, qui retulit regi primos rumores de eleccione predicti comitis in regem Alemannie, habere faciat unam robam de dono regis. Teste ut supra.

De quercubus datis.—Mandatum est custodi haye regis de Hereford' quod in eadem haya faciat habere Ricardo de Hereford' vj. quercus ad maeremium cum escaetis suis de dono regis. Teste.

Pro Ingramo de Fennes.—Rex dedit respectum Ingramo de Fenles de omnibus debitis que regi debet ad scaccarium usque ad festum Sancti Michaelis proximo futurum: et mandatum est baronibus de scaccario quod eundem Ingramum terminum illum habere permittant. Teste rege apud Windes' xix. die Februarii.

De ponendo per ballium.—Ricardus le Draper, captus et detentus in prisona regis de Oxonia (sic) pro morte Gunnilde Trutele unde rettatus est, habet breve vicecomiti Devon' quod ponatur per ballium. Teste rege apud Wyndes' xxiij. die Februarii.
Estachius filius Galfridi, captus et detentus in prisona regis de Gildeford' pro morte Rogerii Payn unde rettatus, habet breve vicecomiti Surr' quod ponatur per ballium. Teste ut supra.

De pisce capiendo ad opus regis.—Rex mittit Willelmum piscatorem suum ad capiendum ad opus regis in vivario regis de Clive xx. lucios et xxx. bremas: et mandatum est ballivis de Brixstok' (sic) quod predictum Willelmum ad hoc admittant et cariari faciant usque Westmonasterium contra mediam Quadragesimam liberandos custodi lardarii regis: et, cum rex sciverit custum cariagii illius, predictis ballivis allocari faciet.

Eodem modo mandatum est ballivis de Brixstok' de quindecim luciis capiendis.
Eodem modo mandatum est ballivis de Silveston' de x. luciis.

De denariis mutuo receptis a Willelmo de Glouc'.—Mandatum est Willelmo de Glouc', aurifabro regis de London', quod de denariis quos habet ad aurum emendum ad opus regis sine dilacione habere faciat Philippo Luvel, thesaurario regis, et camerariis regis c. marcas solvendas consanguineo regis, Henrico de Castell', ita quod ipsi de primis denariis venturis ad scaccarium regis, predicto Willelmo de Glouc' integre restituant pecuniam predictam ad aurum inde emendum ad opus regis. Teste ut supra.
Ista littera postea fuit patenter sigillata.

De auro solvendo in garderoba regis.—Mandatum est Philippo Luvel quod faciat habere regi de Koc filio Aaron, Judeo London', unam marcam auri quam regi debet pro quibusdam litteris regis patentibus et clausis, quas habuit pro se et Benedicto filio Jacobi, Judeo London', quam solvisse debuit antequam litteras illas optinuisset et non solvit. Teste ut supra.

Pro exequtoribus Willelmi Maudut.—Mandatum est baronibus de Scaccario quod, accepta sufficienti securitate ab executoribus testamenti Willelmi Maudut de debitis illis regi reddendis in quibus idem Willelmus regi tenebatur die quo obiit, de omnibus bonis et catallis que fuerunt ejusdem Willelmi, et que occasione mortis sue capta sunt in manum regis, eisdem executoribus plenam administracionem habere faciant ad execucionem testamenti sui inde faciendam. Teste rege apud Wyndes' xxiiij. die Februarii.

De quercubus et roboribus datis.—Mandatum est custodi foreste regis de Bernewode quod in eadem foresta faciat habere Henrico de Bohun x. quercus ad maeremium de dono regis. Teste ut supra.
Mandatum est custodi foreste regis de Porrecestr' quod in eadem foresta faciat habere Roberto de Kendale iij. quercus ad maeremium de dono regis. Teste.
Mandatum est Ricardo de Muntfichet, custodi foreste regis Essex', quod in eadem foresta faciat habere Ernaldo de Berkel', clerico regis, iij. robora ad focum suum de dono regis. Teste.

Pro Herveo de Hetham.—Mandatum est justiciariis ad custodiam Judeorum assignatis quod, secundum extentam terram Hervei de Hetham et Isolde uxoris ejus, sororis et heredis Roberti de Shardelawe, quam penes eos habent, provideant quod de debitis in quibus dictus Robertus tenebatur in Judaismo regi, dictis Herveo et Isolde ad solvendum debita illa racionabiles termini assignentur. Teste.

De quodam rogo faciendo.—Mandatum est custodi parci regis de Guldeford' quod permittat custodes operacionum regis de Guldef' capere buscam quantum necesse fuerit ad unum rogum faciendum ad operaciones predictas. Teste rege apud Windes' xxvj. die Februarii.

De roba data.—Mandatum est Rogero Cissori et H. de Turri quod Petro Bariller faciant habere unam robam cum furrura de scurello de dono regis. Teste ut supra.

De quodam treilicio faciendo.—Mandatum est Godefrido de Liston, custodi foreste regis de Windes', quod in eadem foresta faciat habere custodibus operacionum castri regis de Windes' maeremium, quantum necesse fuerit, ad quoddam treilicium faciendum circa claustrum regis ibidem. Teste rege apud Windes' xxviij. die Februarii.

[m. 9.]

De roboribus datis.—Mandatum est custodi foreste regis de Whichewode quod in eadem foresta faciat habere Willelmo Beneyt' iij. robora ad focum suum de dono regis. Teste rege apud Windes' xxvij. die Februarii.

De pisce mittendo ad regem.—Mandatum est Johanni Waler', custodi episcopatus Eliensis, quod cum omni festinacione provideat regi de l^a. luciis trium pedium, 1. luciis ij. pedum et dimidii, 1. luciis ij. pedum et aliis pikerellis, cc. esteiling', l^a. stikis anguillarum que vocantur shastel', mmmm. pimpernellis, de redditu predicti episcopatus, vel de vivariis aut piscariis ejusdem episcopatus, vel de empto; et ea omnia in doliis salvo venire faciat usque Westmonasterium, ita quod sint ibi die Mercurii proxima ante festum medie Quadragesime instantis, liberandos custodi lardarii regis: et custum etc. faciet allocari etc. Teste ut supra.

De roba data.—Mandatum est Rogero le Taylur et Hugoni de Turri quod Reginaldo de Sancto Albano, militi, faciant habere robam suam de termino Natalis Domini proximo preteriti. Teste ut supra.

De quodam prisone custodiendo.—Mandatum est vicecomiti Wigorn' quod quemdam prisonem quem ballivi abbatis Persor' ei liberabunt recipiat et in prisona regis Wigorn' salvo custodiat donec aliud a rege habuerit in mandatis. Teste.

Pro Roberto de Sottebrok'.—Quia constat regi per inspeccionem rotulorum cancellarie quod Robertus de Sottebrok' habuit quietanciam communis summonicionis per breve regis coram justiciariis ultimo itinerantibus ad placita foreste in comitatu Berk', rex perdonavit eidem Roberto dimidiam marcam ad quam iidem justiciarii ipsum amerciaverunt pro defalta: et mandatum est baronibus de Scaccario quod ipsum Robertum de predicta dimidia marca quietum esse faciant. Teste rege apud Windes' xxix. die Februarii (sic).