Close Rolls, February 1262

Close Rolls, February 1262

Rex vicecomiti Suthamt' salutem. Quia de voluntate et assensu Kokerel' filii Licoricie Judeo Winton' cepimus in manum nostram quoddam feodum xl. solidatarum annui redditus in quo Willelmus Launceleve pro se et heredibus suis tenetur ipso Kokerill' et heredibus suis, et feodum illud assignamus et dedimus dilecto et fideli nostro Ingramo de Percy et heredibus vel assignatis suis recipiendum de anno in annum imperpetuum de terris redditibus et tenementis predicti Willelmi ad terminos contentos in carta inter predictos Willelmum et Kokerel inde confecta, que est in archa nostra cyrographorum apud Wintoniam, tibi precipimus firmiter injungentes in fide qua nobis teneris quod de predicto annuo redditu quadraginta solidorum predicto Ingramo sine dilacione plenam seisinam habere facias. Teste S. Passelewe apud Westmonasterium iij. die Februarii.
Consimiles literas habet idem Ingramus vicecomiti Buk' de annuo redditu c. solidorum in quo Robertus le Fraunceis de Hertewell' tenetur Isaac filio Isaac de Bed'.
Consimiles literas habet idem Ingramus vicecomiti Bed' de annuo redditu vj. librarum in quo Alanus de Brembilhang' tenetur Belie que fuit uxor Isaac de Bed' et (fn. 1) in comitatibus Norff' et Suff' de iiij. libris in quibus idem Alanus tenetur eidem Belie. (fn. 1)
Consimiles literas habet idem Ingramus vicecomiti Devon' de annuo redditu xvj. librarum in quo Henricus de la Pomeray tenetur Benedicto de Wintonia.
Consimiles literas habet idem Ingramus vicecomiti Leic' de annuo redditu xij. librarum in quo Stephanus de Anvers tenetur Isaac de Bed'.
Consimiles literas habet idem Ingramus vicecomiti Linc' de annuo redditu vj. librarum in quo Willelmus de la Launde tenetur Salomoni filio Salomonis.

Rex vicecomiti Glouc' salutem. Quia de voluntate et assensu Manseri filii Aaron, Judei London', cepimus in manum nostram quoddam feodum xx. libratarum annui redditus in quo Johannes de Burgo pro se et heredibus suis et assignatis tenetur ipsi Mansero et heredibus suis, et feodum illud dedimus et assignavimus dilecto et fideli nostro Roberto Waler' et heredibus vel assignatis suis recipiendum de anno in annum imperpetuum de terris redditibus et tenementis predicti Johannis ad terminos contentos in carta inter predictos Johannem et Manserum inde confecta, que est in archa nostra cirographorum apud Lond', tibi precipimus firmiter injungentes in fide qua nobis teneris quod de predicto annuo redditu xx. librarum predicto Roberto sine dilacione plenam seisinam habere facias. Teste S. Passelewe apud Westmonasterium iij. die Februarii.
Consimiles literas habet idem R. vicecomiti Cant' de annuo redditu v^que. marcarum in quo Hugo le Botiler tenetur Elie le Blund' Judei (sic) et de uno alio annuo redditu in quo idem Hugo tenetur Samueli le Blund, Judeo Lond'.
Consimiles literas habet idem R. vicecomiti Cant' de annuo redditu x. librarum in quo Galfridus de Wivelesford' tenetur Cress' filio magistri Mossei.
Consimiles literas habet idem R. vicecomiti Ebor' de annuo redditu viginti librarum in quo Rogerus le Peytevin tenetur Mosseo filio magistri Mossei Judeo.
Consimiles literas habet idem R. vicecomiti Essex' et Hertford' de annuo redditu xv. librarum in quo Willelmus de Monte Caniso tenetur Hagino filio magistri Mossei Judeo.
Consimiles literas habet idem R. vicecomiti Norff' et Suff' de annuo redditu duodecim librarum in quo Ingotus filius Ricardi de Corthmere tenetur Vives filio Mossei de Clare Judeo.
Consimiles literas habet idem R. vicecomiti Linc' de annuo feodo octo librarum in quo Jollanus de Evermuth' tenetur Hagino filio magistri Mossei Judeo Lond'.

Consimiles literas habet Petrus de Chauvent vicecomiti Essex' de annuo feodo xx. librarum in quo Johannes de Berners tenetur Coc filio Aaron.

Rex concessit fratri Ambelardo magistro milicie Templi in Anglia quod frater Robertus de Scroph, preceptor de Bistlesham, facere possit attornatum in omnibus loquelis motis vel movendis pro ipso magistro seu contra ipsum in omnibus curiis regis usque ad festum Pentecostes proximo futurum.

De itinere justiciariorum ad placita foreste.—Rex vicecomiti Wigorn' salutem. Summone per bonos summonitores archiepiscopos, episcopos, abbates, priores, comites, barones, milites et omnes libere tenentes, qui terras vel tenementa habent infra metas foreste nostre in balliva tua, et de qualibet villa comitatus tui infra metas foreste nostre in balliva tua existente quatuor homines et prepositum et forestarios villarum et omnes alios qui coram justiciariis itinerantibus ad placita foreste venire solent et debent, quod sint apud Wigorniam a die Pasche in xv. dies anno etc. xlvj^to. coram dilectis et fidelibus nostris Alano la Zuche, Nicholao de Romes' et magistro Willelmo de Poiwik', quos justiciarios nostros ad itinerandum ad placita foreste nostre in comitatu predicto constituimus, audituri et facturi preceptum nostrum de hiis que ad predicta placita pertinent.. Facias eciam venire coram eisdem justiciariis nostris omnes forestarios nostros et viridarios tam illos qui modo sunt quam illi (sic) qui fuerunt forestarii et viridarii post ultima placita foreste, cum omnibus attachiamentis suis tam de viridi quam venacione que post ultima placita foreste sunt emersa et nondum terminata, videlicet, tam de illis attachiatis qui manent infra metas foreste quam de illis qui manent extra forestam. Facias eciam venire coram eisdem justiciariis nostris omnes regardatores de balliva tua ita quod ibi habeant omnia regarda sua sigillis suis signata, et omnes agistatores de eadem balliva tua cum agistamentis suis. Et habeas ibi summonitores et hoc breve. Teste me ipso apud Windes' xv. die Februarii.

Rex Waltero de Burges, custodi episcopatus Wintoniensis, salutem. Quia constat nobis per cartas bone memorie A. quondam Wintoniensis electi fratris nostri quas inspeximus et per inquisicionem quam per vos nuper fieri fecimus quod idem frater noster dedit servientibus subscriptis ad vitam suam ministeria subscripta in prioratu Sancti Swithuni Wint', videlicet Nicholao de Gernem' ministerium quod Ricardus Starie quondam cocus noster optinuit in eodem prioratu, et Willelmo dicto Abbot ministerium in aula ejusdem prioratus de hospitibus videlicet serviendis quod Briselaunce ibidem habuit, et Ricardo de Schireburn' ministerium quod Stephanus dictus Abbot quondam optinuit in eodem prioratu, habenda et tenenda cum omnibus libertatibus proficuis consuetudinibus et rebus aliis ad predicta ministeria pertinentibus; et eciam per inquisicionem illam accepimus quod predicti Nicholaus, Willelmus et Ricardus extiterunt in pacifica possessione ministeriorum illorum usque ad recessum ejusdem fratris nostri ab Anglia et postea quousque Andreas prior Winton' ipsos per voluntatem suam a ministeriis illis amoveret, licet non demeruerint (fn. 2), ac nos postea circumventi ministeria illa per literas nostras aliis servientibus nostris concesserimus: nolentes prefatis Nicholao, Willelmo et Ricardo in premissis injuriari reddidimus eis ministeria predicta habenda et tenenda secundum formam concessionis electi predicti; et ideo vobis mandamus quod eisdem Nicholao, Willelmo et Ricardo de ministeriis predictis plenam seisinam et restitucionem habere faciatis.

Rex concessit abbati Sancti Wandregesilii in Normannia quod Robertus de Bella Aqua prior de Uphaven' facere possit attornatum pro ipso abbate vel contra ipsum in omnibus loquelis motis vel movendis pro ipso seu eciam contra ipsum in omnibus curiis regis a festo Pentecostes proximo futuro in unum annum. Teste rege apud Westmonasterium x. die Aprilis.

Excellentissimo domino suo H. Dei gracia regi Anglie illustri, domino Hibernie et duci Aquitannie, fideles sui J. thesaurarius et ceteri barones de scaccario salutem et fidelia semper servicia. Noverit vestra excellencia quod hac die Cinerum accesserunt ad scaccarium vestrum Petrus de Wilburuham, Robertus Wimund' et Willelmus Goldring', ballivi Cantebr', ex parte communitatis ejusdem ville missi, ut dicebant, et recognoverunt pro se et dicta communitate quod ille centum solidate annui redditus quas Ebulo de Montibus percipere consuevit in Cantebr' certe sunt et debentur ei et heredibus suis singulis annis imperpetuum, et concesserunt pro se et dicta communitate quod redderet decetero vobis et heredibus vestris ad scaccarium predictum predictas centum solidatas annui redditus una cum firma ejusdem ville imperpetuum. Et ut vobis verius inde constet, mittimus ad vos duos eorundem ballivorum videlicet Petrum et Robertum, tercio per infirmitatem excusato, ut hec vobis ore plenius exponant. Valeat vestra excellencia imperpetuum.

Rex cancellario et universitati Oxonie salutem. Grave gerimus et indignum quod, cum nuper procuratores vestros ad nostram presenciam destinaretis pro gracia a nobis imploranda, ad quam non solum ea vice studentibus in municipio vestro faciendam set semper cum ea indigerent eis liberaliter duximus annuendum, ac vos nuper quosdam clericos, quos ballivi nostri ejusdem ville juxta debitum officii (fn. 3) sui pro transgressione cujusdam mahemii unde appellati sunt ibidem ceperunt et arestari fecerunt, ab eisdem exigeretis et qui eos vobis non liberaverunt, sicut nec potuerunt sine mandato nostro et auctoritate nostra speciali, ea occasione sentenciam excommunicacionis in ipsos ballivos nostros promulgaveritis, quibus eciam iidem procuratores vestri a vobis ad nos missi et in nostra presencia constituti se plenam a vobis potestatem super hoc habere asserentes sentenciam predictam vice vestra relaxarunt, vos severius contra ipsos procedentes ipsos nichilominus ejusdem sentencie vinculo tenetis adhuc innodatos ut dicitur quasi in illusionem et contemptum nostri. Super quo vobis mandamus firmiter injungentes quatinus, si hujusmodi sentenciam in ipsos ballivos promulgaveritis et hoc ad vos pertineat, eam sine more dispendio revocari et relaxari faciatis, scituri pro certo quod si secus egeritis et vos gracias seu indulgencias vobis et municipio vestro a nobis concessas in dedecus nostrum et dampnum ministrorum nostrorum retorquere presumpseritis et nos ad revocacionem earundem, coreccionis manum quam debebimus cum sceleritate apponi faciemus. Teste.

Memorandum quod rex concessit Petro de Chauvent quoddam feodum xx. libratarum annui redditus in quo Johannes de Berners tenetur Cok filio Aaron.

(Margin.) Memorandum quod rex concessit Aaron filio Bonamy quod non faciat aliquam donacionem seu quietacionem de aliquo (fn. 5) debito in quo Ricardus de Bewenham ei tenetur.

[Schedule.]

Comune iter justiciariorum regis ad comunia placita in comitatibus subscriptis.

Rex vicecomiti Leyc' salutem. Summone per bonos summonitores archiepiscopos, episcopos, abbates, priores, comites, barones, milites et omnes libere tenentes de comitatu tuo, et de qualibet villa quatuor legales homines et prepositum, et de quolibet burgo duodecim legales burgenses, per totam ballivam tuam, et omnes alios qui coram justiciariis nostris itinerantibus venire solent et debent, quod sint apud Leyc' in quindena Pasche anno regni nostri quadragesimo sexto coram dilecto et fideli nostro Martino de Littilbir' et aliis fidelibus nostris quos tunc illuc missuri sumus audituri et facturi preceptum nostrum. Facias eciam venire coram eisdem fidelibus nostris omnia placita corone nostre que placitata non sunt vel que emerserunt postquam justiciarii nostri ultimo itineraverunt in partibus illis ad omnia placita, et omnia attachiamenta ad placita illa pertinentia, et omnes assisas et omnia placita que posita sunt ad primam assisam coram justiciariis nostris, cum brevibus assisarum illarum et placitorum; ita quod assise ille et placita pro defectu tui vel summonicionis tue non remaneant. Facias eciam clamari et sciri per totam ballivam tuam quod omnes assise et omnia placita que fuerunt atterminata et non finita, vel que fuerunt summonita coram justiciariis nostris apud Westmonasterium, vel coram justiciariis nostris qui ultimo itineraverunt in comitatu predicto ad omnia placita, vel coram justiciariis nostris illuc missis ad assisas nove disseisine capiendas vel ad gaiolas deliberandas, quod tunc sint coram prefatis fidelibus nostris apud Leyc' in eodem statu in quo remanserunt per preceptum nostrum vel justiciariorum nostrorum de Banco. Summone eciam per bonos summonitores omnes illos qui vicecomites fuerunt post ultimam itineracionem justiciariorum nostrorum in partibus illis quod tunc sint ibidem coram prefatis fidelibus nostris cum brevibus de assisis et placitis que tempore suo receperunt, ad respondendum de tempore suo sicut respondere debent coram justiciariis itinerantibus. Et habeas ibi summonitores et hoc breve. Teste me ipso apud Windes' xx. die Februarii.
In forma predicta scribitur vicecomiti Warr' quod sint coram prefato Martino et sociis suis apud Warr' ad diem quem sibi scire facient. Teste.

In forma predicta scribitur vicecomiti Bed' quod sint apud Bed' coram Nicholao de Turri et sociis suis apud Bed' ad diem quem sibi scire facient. Teste.
In forma predicta scribitur vicecomiti Essex' quod sint apud Chelmerford' coram prefato Nicholao et sociis suis in octabis Sancte Trinitatis anno etc. xlvj^to. Teste rege apud Westmonasterium x. die Aprilis.
In forma predicta scribitur vicecomiti Hertford' quod sint apud Hertford' ut supra ad diem quem iidem justiciarii sibi scire facient ut supra.

Isti habent quietanciam de communi summonicione in comitatu Leyc'.
Abbas de Burgo Sancti Petri.
Alanus la Zuche.
Petrus de Monte Forti.
Abbas Westm'.
Robertus le Waleys.
Eudo la Zuche.
Magister Hospitalis de Sandon'.
Radulphus filius Ranulphi.
Johannes Mans' thesaurarius Ebor'.

Isti habent quietanciam in comitatu Warr'.
Radulphus filius Radulphi filii Nicholai.
Nicholaus de Sancto Mauro.
Hugo le Bygod'.
Prior Hospitalis Sancti Johannis Jerusalem'.
Nicholaus de Cugenhou.
Willelmus de Swineford'.
Galfridus de Langel'.
Willelmus Maudut de Hamslep'.

Isti habent quietanciam in comitatu Bedeford'.

Abbas de Sancto Albano.
Abbas Westm'.
Episcopus Lincolniensis.
Abbatissa de Berking'.
Abbas de Rammes'.
S. Norwicensis episcopus.
Hunfridus de Bohun comes Essex'.
Johannes de Balliolo.
Galfridus Gacelyn.
Willelmus la Zuch'.
Walterus Gleu.
Willelmus de Culverdon'.

Isti habent quietanciam in comitatu Essex'.
Galfridus de Lezinan.
Prior Hospitalis Sancti Johannis Jerusalem' in Anglia.
Episcopus Norwicensis.
Episcopus Londoniensis.
Decanus Sancti Pauli London'.
Episcopus Roffensis.
Mauricius de Berkel'.
Matheus de Luveyn'.
Petrus de Maule.
Magister Henricus de Kilkenny.
Lucas de Tanay.
Rogerus le Bygod comes Norff' et marescallus Anglie.
Surr' quieti sunt.
Johannes de Warenn'.
R. comes Glouc' et Hertford'.
Alardus de Senigham.
Albreda de Scoteny.
Abbas Westm'.
Magister milicie Templi in Anglia.
Johannes de Warenn'.
Magister Thomas de Waltham.
Magister Ricardus de Freton'.
Prior de Bermundiseye.
Abbas de Becco.
Willelmus de Sinagun.
Episcopus Glascuensis.

Isti habent quietanciam in comitatu Hertford'.
Abbas de Rammeseye.
Petrus de Maule.
Lucas de Tanay.
Johannes de Baillol.

[Schedule dorse.]

Isti habent quietanciam de communi summonicione ad placita foreste in comitatu Not'.
Petrus de Monte Forti.
Willelmus Bardolf'.
Henricus de Aubeny.

Quieti de communi summonicione Huntedon'.
Willelmus la Zuch'.

Norhampt' quieti de communi summonicione.
Abbas Sancti Edmundi.
Willelmus Maudut.
Robertus Tregoz.

[m. 14d.]

Rex ballivis magistri milicie Templi in Anglia de Cuthonmor (fn. 6) salutem. Sciatis quod Agnes uxor Roberti le Backere attornavit coram nobis loco suo predictum Robertum virum suum ad lucrandum vel perdendum in loquela que est coram vobis per breve nostrum de recto inter eosdem Robertum et Agnetem et Aviciam sororem ejusdem Agnetis petentes et Agnetem que fuit uxor Thome le Keu et Reginaldum le Bakere tenentes de duobus messuagiis et duabus acris terre et dimidia cum pertinenciis in Trisk'. Et ideo vobis mandamus quod predictum Robertum loco ipsius Agnetis ad hoc recipiatis. Teste.

Robertus de Ferar' venit in Cancellariam regis apud Windes' die Veneris post diem Cinerum et remisit regi curiam suam ita quod Thomas de Ferar' petens possit habere breve de recto coram justiciariis itinerantibus apud Leyc' a die Pasche in tres septimanas versus Margaretam comitissam Derb' tenentem de manerio de Chertel' cum pertinenciis in comitatu Staff'.

Memorandum quod rex concessit priori et monachis Sancti Andree de Norhamt' quod in ecclesia Sancti Petri Norhamt' et capellis ejusdem, cujus videlicet ecclesie advocacionem idem dominus rex versus eos petebat in curia sua et unde idem prior summonitus est ad audiendum judicium suum de defalta quam fecit erga regem in loquela predicta, habeant dicti prior et monachi illas decem marcas imperpetuum quas prius de ecclesia predicta percipere consueverunt. Et similiter quinque marcas annuas in augmentum sue pensionis quas rex eis per dominum papam procurabit confirmari vel per episcopum Lincolniensem si rex advocacionem dicte ecclesie retineat.

Memorandum quod Haginus filius magistri Mossei, Judeus Lond', recognovit coram nobis se recepisse a Petro de Nevill' xxxj. libras ad opus Petri de Monte Forti in acquietacionem vadiorum dicti Petri de Monte Forti, que idem Judeus habuit in pignus pro quodam debito in quo prefatus Petrus de Nevill' eidem Petro de Monte Forti tenebatur.

Robertus de Halnac venit etc. apud Windes' die Lune proxima post festum Sancti Gregorii et petiit terram Johannis filii Roberti de Sancto Johanne in Westhisford' sibi replegiari, que capta etc. coram justiciariis de banco etc. versus Johannam filiam Fulconis de Sancto Johanne ut dicitur.

Memorandum quod W. de Merton' liberavit abbati de Burgo Sancti Petri thesaurario regis extractas de amerciamentis comitum baronum amerciatorum coram rege videlicet extractas itineris Gilberti de Preston' et sociorum suorum in comitatu Glouc'.
Item extractas itineris ejusdem G. in comitatu Oxon'.
Item extractas ejusdem G. in comitatu Barkes'.
Item extractas Nicholai de Turri et sociorum suorum in comitatu Buk'.
Item extractas ejusdem Nicholai et sociorum suorum in comitatu Norhamt'.
Item quandam extractam de c. libris levandis de episcopo Coventrensis et Lichfeldensis in comitatu Warr', ad quas amerciatus fuit coram rege pro transgressione.

Rex concessit Petro de Chauvent omnia debita que Johannes Maynard' debet quibuscunque Judeis: et habebit inde brevia salvis debitis Judeorum quibus rex concessit quod non faciet quietanciam vel donacionem etc.

Rex concessit eidem Petro sex libras que aretro sunt de uno annuo feodo vj. librarum in quo Willelmus le Vyneter tenetur magistro Elie filio Mossei Judeo Lond': et habet literas vicecomiti Surr' et Sussex'.