Calendar of Close Rolls, Henry III: Volume 12, 1261-1264. Originally published by His Majesty's Stationery Office, London, 1936.
This premium content was digitised by double rekeying. All rights reserved.
'Close Rolls, July 1262', in Calendar of Close Rolls, Henry III: Volume 12, 1261-1264, (London, 1936) pp. 170-171. British History Online https://www.british-history.ac.uk/cal-close-rolls/hen3/vol12/pp170-171 [accessed 19 April 2024]
Close Rolls, July 1262
Rex Philippo Basset, justiciario, et Waltero de Merton', cancellario, salutem. Cum Edwardus filius noster castrum et honorem de Skipton' in Craven' commiserit A. senescallo Scocie sub certa forma convencionis et sub certis condicionibus in quodam instrumento obligatorio predicti senescalli tenentis (sic), et idem senescallus conventionem illam non servaverit ut dicitur, vobis mandamus quod inspectis et diligenter attentis omnibus articulis et condicionibus in predicto instrumento expressis convencionem illam prefato filio nostro plene faciatis observari prout secundum formam obligacionis predicte fuerit faciendum. Preterea consilium efficax apponatis quod omnia arreragia debitorum in quibus Rogerus de Leyburn' et Rogerus de Clifford' et alii prefato filio nostro tenentur, sicut coram abbate de Burgo, thesaurario nostro, et aliis ex parte ipsius filii nostri ad eorum compotum audiendum deputatis nuper convictum fuit ad Scaccarium nostrum, levari faciatis ad opus predicti filii nostri prout auditores predicti compoti vobis poterunt plenius intimare. Faciatis eciam omnes articulos (fn. 1) inter nos et ipsum filium nostrum facte de Judaismo nostro firmiter observari, talem circa hec et alia negocia sua diligenciam apponentes qualem cum ex parte sua super hoc fueritis requisiti circa nostra propria faceretis. Teste rege apud Belvac' xxv. die Julii anno regni etc. xlvjto.
Rex ballivis et fidelibus etc. Cum Rogerus de Leyburn' in magnis debitis teneatur Edwardo filio nostro de tempore quo fuit ballivus terrarum suarum, sicut nuper coram auditoribus compoti dicti Rogeri convictum fuit ad scaccarium nostrum; et idem Rogerus bona et catalla sua in comitatu Kant', Essex' et Sussex' distraxerit et elongaverit in fraudem solucionis debitorum predictorum ut dicitur; volentes eidem filio nostro super premissis satisfieri, assignavimus dilectos nobis Johannem de Weston', militem, et Willelmum de Salines, clericum, ad inquirendum de predictis bonis et catallis distractis et elongatis ut predictum est, et ad quorum manus catalla illa et bona devenerunt. Et ideo vobis mandamus quod eis in premissis consilium et auxilium efficaciter impendatis. Mandavimus enim vicecomitibus nostris predictorum comitatuum quod ad dies et loca quos predicti Johannes et Willelmus eis scire faciant tot et tales venire faciant coram etc. per quos predicta inquisicio melius fieri poterit. In cujus etc. Teste rege apud Belvac' xxv. die Julii anno etc.
Et mandatum est vicecomiti quod, cum predictus Rogerus teneat manerium de Elham ex commissione Edwardi filii regis cui rex illud manerium commiserat tenendum ita quod non separaretur a corona Anglie, et idem Rogerus vastum facit in boscis predicti manerii ad exheredacionem regis et predicti filii sui, ut dicitur, rex indempnitati sue et filii sui prospicere cupiens in hac parte, quod non permittat quod predictus Rogerus vel ballivi sui vastum vel destruccionem faciant in boscis predictis, vel quod aliquis decetero a predicto Rogero vel suis in boscis predictis emere vel asportare presumat sine licencia regis speciali. Teste ut supra.