Close Rolls, December 1266

Calendar of Close Rolls, Henry III: Volume 13, 1264-1268. Originally published by His Majesty's Stationery Office, London, 1937.

This premium content was digitised by double rekeying. All rights reserved.

'Close Rolls, December 1266', in Calendar of Close Rolls, Henry III: Volume 13, 1264-1268, (London, 1937) pp. 272-279. British History Online https://www.british-history.ac.uk/cal-close-rolls/hen3/vol13/pp272-279 [accessed 26 March 2024]

Image
Image
Image
Image
Image
Image
Image
Image

Close Rolls, December 1266

Pro Edmundo filio regis.—Rex dedit Edmundo filio suo decem penulas de minuto vario, quadraginta fururas de bissis, quadraginta fururas de stranlingo et quadraginta fururas de pepr' et quadraginta fururas squirellorum ad milites suos contra festum Natalis Domini proximo futurum. Et mandatum est Ricardo de Ewell' et Hugoni de Turri etc. Teste rege apud Kenill' iiij. die Decembris.

De roboribus datis.—Mandatum est Rogero de Clifford, justiciario foreste citra Trentam, quod in foresta de la Sauceye faciat habere Johanni de Kygehou et tribus fratribus suis filiis Nicholai de Gikehou quinque robora de dono regis.

Pro David comite de Acell'.—Rex baronibus suis de scaccario salutem. Sciatis quod perdonavimus David comiti de Atoll' centum libras in quibus nobis tenebatur pro relevio suo et Isabella uxoris sue de terris et tenementis que de nobis tenent in capite. Et ideo vobis mandamus quod predictum David de predictis centum libris quietum esse faciatis. Teste rege apud Kenill' iiij. die Decembris.

Pro Philipo Marmiun.—Rex de debitis in quibus Philippus Marmiun ei tenebatur ad scaccarium regis perdonavit ei centum marcas de gracia regis speciali. Et mandatum est baronibus de scaccario quod predictum Philippum de predictis centum marcis quietum esse faciant. Teste ut supra.

Pro Alexandro Hus'.—Rex ad instanciam Edmundi filii sui concessit Alexandro Hus' militi quod de quadraginta marcis in quibus tenetur Benedicto filio Licoricie Judeo Wintonie reddat eidem Judeo viginti solidos per annum donec predicta quadraginta marce eidem Judeo fuerint solute. Et mandatum est justiciariis ad custodiam Judeorum assignatis quod terminos illos ei habere et sic fieri et irrotulari faciant. Teste ut supra.

Pro Johanne filio Johannis bedelli.—Rex vicicomiti Somers' et Dors' salutem. Quia per litteras patentes venerabilis patris W. Bathoniensis et Wellensis episcopi testimoniales accepimus quod, cum Johannes filius Johannis bedelli de Shaftesbir', clericus sue diocesis, irrititus esset super crimine furti et in prisona nostra de Ivelcestr' detentus, et postmodum ab ipso episcopo per privilegium clericale esset requisitus et ei liberatus; et idem Johannes coram dicto episcopo canonica purgacione ei secundum morem ecclesie indicta innocenciam suam super dicto crimine canonice et legitime purgaverit, et tu eundem Johannem occasione criminis predicti ceperis et in prisona detineas contra consuetudinem ecclesie et regni nostri hactenus optentam, de quo miramur; tibi precipimus quod ipsum ea occasione detentum sine dilacione facias deliberari, et terras et tenementa et omnia bona et catalla ea occasione in manum nostram capta eidem liberari facias sine mora. Teste rege apud Kenill' v. die Decembris.

Pro Johanne le Waleys.—Rex cepit homagium Johannis le Waleys filii et heredis Murielle de Clesseby de omnibus terris et tenementis que prefata Muriella, mater sua, tenuit de rege in capite die quo obiit, et ei reddidit terras illas et tenementa. Et mandatum est magistro Willelmo de Clifford quod eidem Johanni de omnibus terris et tenementis predictis, de quibus prefata Muriella mater sua fuit seisita in dominico suo ut de feodo die quo obiit et que occasione mortis predicte capta sunt in manum regis, plenam seisinam habere faciat. Teste rege apud Kenill' vj. die Decembris.

Pro Edone de Selfhangr'.—Rex baronibus de scaccario salutem. Sciatis quod Eudo de Selfhangr' liberavit dilecto et fideli nostro Ebuloni de Montibus, constabulario castri nostri Windes', per preceptum nostrum triginta marcas ad operaciones nostras ejusdem castri inde faciendas de fine quam idem Eudo nobiscum fecit pro custodia terre et heredis Roberti de Sotebrok' defuncti, qui de nobis tenuit in capite, habenda. Et ideo vobis mandamus quod ipsum Eudonem de predictis triginta marcis quietum esse faciatis, ita tamen quod idem Ebulo in compoto suo de predictis triginta marcis nobis respondeat ad scaccarium predictum. Teste ut supra.

De quercubus datis.—Mandatum est Rogero de Clifford, justiciario foreste citra Trentam, quod faciat habere Elye de Rabayn in foresta de Cipenham sex quercus et in foresta de Melkesham alias sex quercus de dono regis.

De uno dolio vini dato.—Mandatum est Reginaldo de Suff', camerario Lond', quod de vinis regis qui sunt in custodia sua faciat habere Willelmo de Columbar' unum dolium vini de dono regis.

Pro Rogero de Sumery.—Rex baronibus suis de scaccario salutem. Sciatis quod pro fideli servicio quod dilectus et fidelis noster Rogerus de Somery nobis impendit, perdonavimus eidem Rogero centum libras de debitis que idem Rogerus nobis debet ad scaccarium nostrum. Et ideo vobis mandamus quod eundem Rogerum de predictis centum libris quietum esse faciatis. Teste rege apud Kenill' xij. die Decembris.

De bissis datis.—Mandatum est Rogero de Leyburn', justiciario foreste ultra Trentam, quod in foresta de Galtris faciat habere Ricardo de Stiventon' tres bissas de dono regis. Teste ut supra.

De una roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Alicie uxori Gilberti de Clive de Staumford unam robam hac vice de dono rege. Teste ut supra xij. die Decembris.

Pro Gilberto de Clyve et Alicia uxore ejus.—Rex justiciariis suis ad custodiam Judeorum assignatis salutem. Cum Gilbertus de Clyve de Staunford et Alicia uxor ejus per cartam suam teneantur Samueli filio Deulesant Judeo Stanford in septem marcis et dimidia, ad cujus quidem pecunie solucionem bona ipsorum Gilberti et Alicie ad presens non sufficiunt ut accepimus, nos, paupertati sue compatientes et eis in hac parte graciam facere volentes, concessimus eisdem Gilberto et Alicie quod solvant predicto Samueli dimidiam marcam ad Pascha anno regni nostri quinquagesimo primo, et ad festum Sancti Michaelis proximo sequens dimidiam marcam, et sic de anno in annum ad predictos terminos unam marcam donec predicta pecunia predicto Samueli plene persolvatur. Et ideo vobis mandamus quod predictis Gilberto et Alicie predictos terminos habere et sic fieri et irrotulari faciatis. Teste rege apud Kenill' xij. die Decembris.

De robis datis.—Mandatum est Nicholao de Leukenor', custodi garderobe regis, Ricardo de Ewell' et Hugoni de Turri, emptoribus garderobe sue, quod habere faciant Imberto de Muntferaunt se quarto militum robas suas sicut aliis militibus regis inveniri consuevit. Teste rege apud Wod' xx. die Decembris.

Mandatum est Ricardo de Ewell' et Hugoni de Turri, emptoribus garderobe regis, quod habere faciant Amicie uxori Ricardi de Ripar' unam robam integram, videlicet tunicam, supertunicam et pallium cum fururis competentibus, de dono regis. Teste ut supra. (Cancelled) Vacat.

De duabus robis datis.—Mandatum est Ricardo de Ewell et Hugoni de Turri, emptoribus garderobe regis, quod habere faciant Gaillardo de Novo Castro et Crimbaldo socio suo duas robas hac vice de dono regis. Teste ut supra.

De quercubus datis.—Mandatum est Rogero de Leyburn', justiciario foreste regis ultra Trentam, quod in foresta de Shirewode faciat Roberto de Manneby sex quercus de dono regis. Teste ut supra.

De roboribus datis.—Mandatum est custodi foreste de Bernewod' quod in eadem foresta faciat habere Edwardo primogenito regis decem robora ad focum suum de dono regis. Teste rege apud Wod' xx. die Decembris.

De robis datis.—Mandatum est Ricardo de Ewell' et Nicholao (fn. 1) de Turri emptoribus garderobe regis quod habere faciant Hugoni de Cave, Thome de Dunclent, Waltero le Marscall', Henrico de Sancto Martino, Reginaldo filio Petri, Willelmo Pickering', Galfrido Plauntegenet, Gilberto de Hwaddon', Richero de Engimmir, Johanni de Sancto Eademundo, Johanni de Poperode, Roberto de Schage, Henrico Toteneis, Willelmo le Comte, Philippo de Shaddelage, Warino de Keneford, Rogero de Woketton' Rogero de Kemeshey, Johanni Blud, Roberto de Alesbiri, Semano de Fremlingeham, servientibus nostris ad arma equitibus, Ricardo Theverevile, Henrico le Taylur, Henrico de Thaddesiege, Johanni fratri ejus, Johanni de Karloyl, Henrico de Cotenham, Ade le Taylur, Thome de Siston', Egidio le Relege, Willelmo Prat, Madal' Waleis, Hugoni de Kidermenstre, Alano Picard, Ricardo Grimbaud, Willelmo de Arnwe, Stephano le Clerk, Elias (sic) Rodman, Roberto Gerlere, Willelmo de Scharnebrok, Ade de Eborr' quatuor janitoribus et quatuor vigilibus peditibus in munitione Turris nostre Lond' commorantibus, robas, videlicet unicuique eorum unam robam, hac vice de dono regis. Teste rege apud Wodestok xx. die Decembris.

De damis datis.—Rex ad instanciam Petri de Thanent (fn. 2) mandavit Rogero de Clifford, justiciario foreste citra Trentam, quod habere faciat Isabelle Pancefote duas damas de dono regis in foresta de Fekkelham.

[m. 10.]

De elemosinis regis.—Mandatum est R. de Ewell' et H. de Turri, emptoribus garderobe regis, quod habere faciant J. de Colecestr' elemosinario regis pannum ad centum tunicas pauperum ad mandatum regis inde faciendum contra instans festum Natalis Domini.

De duabus robis datis.—Mandatum est eisdem quod habere faciant Roberto le Eyr, ballivo regis de Wodestok', robas suas de terminis Pentecostes proximo preterito et Natalis Domini proximo futuro sicut alii ballivi ejusdem manerii habere consueverunt. Teste rege apud Wodestok' xxj. die Decembris.

De una roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Yvetto cistolatori regis unam robam hac vice de dono regis. Teste ut supra.

[Schedule.]

Henricus dei gratia rex Anglie, dominus Hibernie, et dux Aquitanie ballivis suis Lond' salutem. Mandamus vobis quod de firma civitatis predicte habere faciatis triginta servientibus nostris equitibus quorum quilibet capit per diem duodecim denarios pro vadiis suis, et triginta et octo servientibus peditibus in municione Turris nostre Lond' commorantibus quorum quilibet capit per diem tres denarios pro vadiis suis, vadia sua a die Sancti Bartholomei proximo preterito usque ad festum Natalis Domini proximo futuro. Et hoc nullo modo omittatis, et, cum ea sibi liberaveritis, breve nostrum de Allocate vobis inde habere faciemus. Teste me ipso apud Wod' xix. die Decembris anno regni nostri lj°.

De robis datis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Margerie uxori magistri Willelmi de Saundon', coci regis, unam robam de dono regis. Teste ut supra.
Mandatum est eisdem Ricardo et Hugoni quod habere faciant Willelmo capellano ministranti in capella castri de Rokingham unam robam de dono regis.
Mandatum est eisdem Ricardo et Hugoni quod habere faciant uxori Hugonis de Dyve unam robam, videlicet tunicam, supertunicam, et pallium cum pelluris competentibus de dono regis.
Mandatum est eisdem Hugoni et Ricardo quod habere faciant Agathe filie Bartholomei le Bygod unam robam de dono regis.

Pro Willelmo Belet. De frumento.—Mandatum est Petro de Lee, ballivo de Hemberwe, quod de blado regis quod est in custodia sua habere faciat Willelmo Belet quindecim quarteria frumenti de dono regis. Et, cum rex sciverit custum, etc.

De quercubus datis.—Mandatum est Rogero de Clyfford, justiciario foreste regis citra Trentam, quod habere faciat Johanni de Baillolo viginti bonas quercus in foresta de Clyve de dono regis. Teste.

De una roba data.—Mandatum est Ricardo de Ewell' et Hugoni de Turri quod habere faciant Ingramo de Sheningham unam robam hac vice de dono regis sicut uni de militibus regis dari consuevit. Teste rege etc. ut supra.

De quercubus datis.—Mandatum est Rogero de Clifford, justiciario foreste citra Trentam, quod in foresta de Selewod habere faciat fratribus de Penitencia Jesu Christi Bristolli sex quercus ad maeremium de dono regis.

De bissis datis.—Mandatum est Rogero de Leyburn', justiciario foreste ultra Trentam, quod in foresta de Pikering' habere faciat Willelmo le Latimer sex bissas de dono regis.

De robis datis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanni Swayn et Simoni le Barber duas robas, videlicet unicuique eorum unam robam, de dono regis.
Mandatum est eisdem Ricardo et Hugoni quod habere faciant Willelmo Vadiry unam robam hac vice dono regis (sic).
Mandatum est eisdem Ricardo et Hugoni, emptoribus garderobe regis, quod habere faciant Willelmo Coco unam robam de dono regis. Teste ut supra.
Mandatum est eisdem Ricardo et Hugoni quod habere faciant habere Thome de Rowell' clerico unam robam hac vice de dono regis. Teste rege apud Oxoniam xxiiij. die Decembris.
Rex Ricardo de Ewell' et Hugoni de Turri, emptoribus garderobe sue, salutem. Cum pro diutino et laudabile servicio quod Walterus le Marescall nobis et karissime consorti nostre impendit, concesserimus ei singulis annis duas robas de garderoba nostra percipiendas, vobis mandamus quod unam robam de termino instantis festi Natalis Domini ei habere faciatis de dono nostro.

Pro Aaron filio Leonis.—Rex magistro Thome de Wymundham, thesaurario suo, salutem. Cum dilecti et fideles nostri Willelmus de Orlaveston' et Robertus de Foleham, justiciarii nostri ad custodiam Judeorum assignati, nobis per litteras suas significaverint quod Aaron filius Leonis, Judeus Lond', finem fecit cum eisdem pro catallis et debitis patris sui habendis secundum legem et consuetudinem Judaismi nostri, ac quedam carte debitorum predictorum penes vos resideant in custodia in magno scaccario, ut dicitur, vobis mandamus quod cartas illas cirografariis nostris arche Judeorum Lond' deliberari faciatis ut idem Judeus per finem predictum de debitis suis predictis plenam habere possit administracionem. Teste rege apud Oxoniam xxvij. die Decembris.

Pro Benedicto filio Licoricie Judeo Wyntonie. De litteris revocatis.—Rex vicecomiti Suthampton' salutem. Cum dudum concessissemus Benedicto filio Licoricie, Judeo Wintonie, quod de nullis debitis que ei debentur quietanciam terminorum, prorogacionem, perdonacionem seu extentam aliquam faceremus infra quinquennium a tempore concessionis nostre predicte, ac nos non recolentes de concessione predicta infra terminum illum perdonassemus Alexandro Huse xl. marcas in quibus prefato Judeo per cartam suam tenebatur, per quod volentes postmodum predictam concessionem prefato Judeo factam ratificari, perdonacionem Alexandro de debito illo factam per litteras nostras justiciariis nostris ad custodiam Judeorum assignatis directas de pleno revocavimus, prefatusque Alexander post revocacionem illam terras et tenementa et catalla que sunt vadium ipsius Judei et que fuerunt in seisina ipsius Judei per preceptum nostrum occupaverit et ea eidem adhuc detineat ut dicitur, tibi precipimus quod (fn. 3) ita est, tunc prefato Benedicto de terris, tenementis et catallis predictis talem seisinam habere facias qualem per preceptum nostrum racione debiti predicti prius habuit; et ipsum in seisina eorundem manuteneas et defendas. Teste me ipso apud Oxoniam xxv. die Decembris anno regni nostri lj°.

Mandatum est Ricardo de Ewell' et Hugoni de Turri, emptoribus garderobe regis, quod habere faciant Simoni de Stanbrigg', capellano regis, unam robam cum furura competenti de dono regis. Teste rege ut supra.

De una roba data. (fn. 4) —Mandatum est Rogero de Clifford justiciario foreste citra Trentam faciat habere Willelmo Wasteneys in foresta de Cleve decem quercus de dono regis. Teste rege ut supra.

Pro Matilde de Horton'.—Rex justiciariis suis ad custodiam Judeorum assignatis salutem. Cum Matillis de Horton' teneatur Salomoni de Merleberg' et Mossecok' de Dyvises, Judeis, in diversis debitis, ad que quidem reddenda bona ipsius Matillis non sufficiunt prout pro certo intelleximus, nos ei graciam facere volentes specialem, vobis mandamus quod per sacramentum proborum et legalium hominum per quos etc., extendi faciatis omnes terras et tenementa ipsius Matillis, videlicet quantum valeant per annum in dominicis, villenagiis, redditibus et omnibus aliis exitibus terre, et facta extenta illa eidem Matilli racionabiles terminos ad quos debita illa, salvo contenemento suo, solvere possit; et sic fieri et irrotulari faciatis. Teste ut supra.

De robis datis.—Mandatum est Ricardo de Ewell' et Hugoni de Turri emptoribus garderobe regis quod faciant habere magistro hospitalis Sancti Johannis extra portam orientalem Oxonie unam robam, et magistro hospitalis de Ospring' unam robam, et Matildi de Cestreton' unam robam integram, videlicet tunicam, supertunicam et pallium cum pelluris decentibus, de dono regis. Teste ut supra.

De vinis datis.—Rex custodi vinorum suorum apud Suthamt' et ballivis ejusdem ville salutem. Mandamus vobis quod de vinis nostris que sunt in custodia vestra sine dilacione faciatis habere Willelmo le Specer unum dolium, Johanni le Taverner duo dolia, et Nicholao de Kingeston duo dolia, pro quinque doliis vini captis ab eis ad opus nostrum apud Oxoniam in instanti festo Natalis Domini testificatis per Willelmum de Leukenor', pincernam nostrum. Teste rege apud Oxoniam xxvij. die Decembris.

De robis datis.—Mandatum est Ricardo de Ewelle et Hugoni de Turri, emptoribus garderobe regis, quod habere faciant Roberto Fulconis et Ade de Cestreton' clericis regis duas robas integras, scilicet utrique eorum tunicam, supertunicam et pallium cum pellura decente hac vice de dono regis. Teste rege ut supra.

De quercubus datis.—Mandatum est Rogero de Leyburn', justiciario foreste ultra Trentam, quod in foresta de Galtres faciat habere fratribus Predicatoribus de Jarum decem quercus de dono regis.

Pro Ignacio de Clyffton.—Rex justiciariis suis ad custodiam Judeorum assignatis salutem. Cum ante turbacionem in regno nostro subortam concesserimus dilecto et fideli nostro Ignacio de Clifton' extentam terrarum et tenementorum suorum pro debitis in quibus tenetur diversis Judeis eo quod bona sua ad debita (illa eis solvenda struck out) in quibus tenetur diversis Judeis non sufficiebant, vobis mandaverimus quod secundum extentam illam racionabiles terminos ad debita illa solvenda, salvo contenemento suo, eidem Ignacio habere faceretis; quam quidem extentam propter turbacionem predictam hactenus prosequi non potuit, nos pro laudabili servicio quod predictus Ignacius postmodum nobis impendit graciam illam eidem continuare volentes, vobis mandamus quod per sacramentum proborum et legalium hominum extendi faciatis terras et tenementa predicti Ignacii, videlicet quantum valeant per annum in dominicis, villenagiis, redditibus, serviciis et omnibus aliis exitibus terre salvo servicio dominorum etc. Et secundum extentam illam predicto Ignacio racionabiles terminos ad debita predicta predictis Judeis solvenda, salvo contenemento suo, sine dilacione habere et sic fieri et irrotulari faciatis. Teste rege apud Oxoniam xxviij. die Decembris.

De duabus robis datis.—Mandatum est Ricardo de Ewelle et Hugoni de Turri, emptoribus garderobe regis, quod habere faciant Hugoni et Johanni capellanis Domus Conversorum Lond' duas robas, videlicet utrique eorum unam robam hac vice de dono regis. Teste ut supra.

Mandatum est Ricardo de Ewell' et Hugoni de Turri emptoribus garderobe regis quod habere faciant Gilberto cymentario castri Windes', Nicholao filio Mauricii, Nicholao Herlewyne servientibus ad arma, et Emoni le Gardiner in municione ejusdem castri commorantibus quatuor robas, videlicet utrique eorum unam robam hac vice de dono regis. Teste ut supra.

De quercubus datis.—Mandatum est Rogero de Clifford, justiciario foreste citra Trentam, quod in foresta de Windes' faciat habere Waltero de Mahurdyn unam quercum de dono regis. Teste ut supra.

Footnotes

  • 1. Rectius Hugoni.
  • 2. (Sic), Chavent.
  • 3. Supply si.
  • 4. So in text. But the heading belongs to the entry above.