Close Rolls, August 1267

Close Rolls, August 1267

Pro Edmundo Pecok'.—Rex baronibus suis de scaccario salutem. Sciatis quod pro diutino servicio quod Edmundus Pacoc, serviens noster, nobis impendit, concessimus ei quoad vixerit illos tres denarios et obolum diurnos quos Johannes de Ely nuper defunctus percipere consuevit ad scaccarium predictum, habendos et percipiendos eodem modo quo prefatus Johannes eos ad vitam suam percipere consuevit ad scaccarium supradictum. Et ideo vobis mandamus quod eidem Edmundo dictos tres denarios diurnos habere et sic fieri et irrotulari faciatis. Teste rege apud Wind' primo die Augusti.

De quercubus datis.—Mandatum est Ebuloni de Montibus, constabulario castri Windes', quod in foresta de Windes' faciat habere Willelmo Martel duas quercus ad maeremium de dono regis.
Mandatum est eidem constabulario quod in dicta foresta faciat habere Reginaldo le Galeys duas quercus de dono regis. Teste ut supra.
Mandatum est Rogero de Clifford, justiciario foreste citra Trentam, quod in foresta de Axiesholt faciat habere Johanni le Parker tres quercus ad maeremium de dono regis. Teste ut supra.

De damis datis.—Mandatum est custodi foreste de Rotel' quod in eadem foresta faciat habere magistro G. Giffard', cancellario regis, duos damos de dono regis. Teste rege apud Rading' v. die Augusti.
Mandatum est eidem custodi quod in dicta foresta faciat habere Johanni de Kirkeby duos damos de dono regis. Teste ut supra.

Pro heredibus Roberti de Veteri Ponte.—Rex magistro Willelmo de Clifford, escaetori suo citra Trentam, salutem. Mandamus vobis quod per sacramentum proborum et legalium de balliva vestra per quos rei veritas melius sciri poterit extendi faciatis omnes terras et tenementa que fuerunt Roberti de Veteri Ponte dudum defuncti, qui de nobis tenuit in capite, quantum videlicet valeant per annum in dominicis, serviciis, redditibus, villenagiis et omnibus aliis exitibus terre, et secundum extentam illam terras et tenementa predicta, de quibus prefatus Robertus fuit seisitus in dominico suo ut de feoda in balliva vestra die quo obiit, inter filias et heredes predicti Roberti partiri et dilectis et fidelibus nostris Rogero de Clifford et Rogero de Leyburn', quibus custodiam dictarum heredum commisimus, partes easdem heredes contingentes assignari faciatis prout de jure et secundum legem et consuetudinem regni nostri fuerit faciendum. Teste rege apud Wind'.

De damis datis.—Mandatum est Rogero de Clifford, justiciario foreste regis citra Trentam, quod in foresta de Brehull' faciat habere Henrico de Alemayn' quinque damos de dono regis. Teste ut supra.
Mandatum est custodi parci de Haddel' quod in eodem parco faciat habere Willelmo la Souche tres damos de dono regis, nisi eos per aliud breve prius habuerit. Teste ut supra.

Pro Martino filio Petri.—Rex dedit quantum in ipso est Martino filio Petri servienti suo ad arma annum, diem et vastum que ad regem pertinent de terris, tenementis et catallis que fuerunt Johannis le Speller' de Rudeham, qui pro felonia quam fecit nuper decapitatus fuit ut dicitur; et mandatum est vicecomiti Norff' quod eidem Martino de anno, die et vasto que ad regem pertinent de terris, tenementis et catallis predictis plenam seisinam sine dilacione habere faciat. Teste ut supra.

De dolio vini dato.—Mandatum est Reginaldo de Suffolch', camerario regis London', de vinis regis que sunt in custodia sua faciat habere uxori Ricardi de Euell' unum dolium boni vini de dono regis. Teste ut supra.

De quercubus datis.—Mandatum est Rogero de Clifford, justiciario foreste citra Trentam, quod in foresta regis de Bernwod' faciat habere priorisse de Litlemor' sex quercus aptas ad maeremium cum omnibus escaetis suis ad ecclesiam suam de Litlemor' inde reparandam de dono regis. Teste ut supra.
Mandatum est eidem Rogero quod in foresta regis de Bernwod' faciat habere fratribus de Monte Carmeli de Oxonia decem quercus aptas ad maeremium ad fabricam ecclesie sue ibidem de dono regis. Teste ut supra.

De damo dato.—Mandatum est eidem Rogero quod in foresta regis de Bernwod' faciat habere priori Sancte Fredeswithe Oxonie unum damum de dono regis. Teste rege apud Oxoniam vij. die Augusti.

Pro magistro Thoma de Cantilup'.—Rex vicecomiti Essex' et coronatoribus ejusdem comitatus. Cum quidam caretarius dilecti clerici nostri magistro (sic) Thome de Cantilupo nuper per infortunium cecidit a caretta ipsius Thome ita quod inde exspiravit ut intelleximus, nos perdonavimus eidem Thome ea que ad nos pertinent de predicta caretta et equis tunc in ea existentibus racione deodandorum nostrorum. Et ideo vobis precipimus quod eidem Thome predictam carettam et equos in ea tunc existentes habere faciatis de dono nostro. Teste etc.

De roba data.—Mandatum est Ricardo de Ewell' et Hugoni de Turri, emptoribus garderobe regis, habere Alexandro capellano regis ministranti in capella regis Oxonie et custodi domorum regis ibidem unam robam hac vice de dono regis. Teste ut supra.

De dolio vini dato.—Mandatum est Luce de Batencurt, ballivo civitatis Lond', quod de vinis regis que sunt in custodia sua faciat habere Bertramo de Beyvill' valetto regis unum dolium vini de dono regis. Teste.

De quercubus datis.—Mandatum est Rogero de Clifford, justiciario foreste citra Trentam, quod in bosco regis de Gotesle, qui est infra forestam regis de Geytinton', faciat habere Thome le Mareschal' servienti regis sex quercus aptas ad maeremium cum escaetis suis ad domos suas de Ertlingeburg' inde reparandas de dono regis. Teste rege apud Wodestok' ix. die Augusti.

De vestimentis ad capellam regis Oxonie.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Alexandro capellano regis Oxonie, custodi domorum regis ibidem, duo paria vestimentorum, videlicet unum festivale et aliud feriale, cum toto apparatu ad usus capelle nostre ibidem ad divina in eadem celebranda de eisdem. Et hoc non omittant. Teste ut supra.

Pro Stephano de Eddewrth'.—Rex dilecto sibi in Christo abbati de Sancto Albano salutem. Cum homines vestri ville vestre Sancti Albani nobis nuper concessissent novem libras decem et septem solidos ad victualia ad opus nostrum emenda per manus dilecti et fidelis nostri Stephani de Edworth', dum fuerimus apud Stratford' cum excercitu nostro, et eadem pecunia adhuc restet nobis reddenda, vobis mandamus quod eidem Stephano pecuniam predictam sine dilacione habere faciatis ad quendam equum sibi inde emendum de dono nostro. Teste ut supra.

Pro monialibus de Cadamo.—Rex magistro Willelmo de Clifford, escaetori citra Trentam, salutem. Cum concesserimus monialibus Sancte Trinitatis de Cadamo de gracia nostra speciali quod, si abbaciam suam ad presens per cessionem vel decessum aut per deposicionem abbatisse ejusdem ecclesie vel quamprimum eam vacare contigerit, eedem moniales habeant custodiam abbacie sue toto tempore vacacionis ejusdem et quod percipiant omnes exitus et proventus ejusdem abbacie ad opus suum, tam in tallagiis hominum suorum quam in terris et aliis rebus ad ipsam abbaciam spectantibus, que ad nos pertinere possent si custodiam illam in manum nostram teneremus; vobis mandamus quod de maneriis et omnibus aliis ad dictam abbaciam pertinentibus, que occasione vacacionis abbacie predicte ut credebatur cepistis in manum nostram, una cum exitibus medio tempore perceptis eisdem monialibus vel certo attornato suo sine dilacione plenam restitucionem habere faciatis. Teste ut supra apud Wodestok' xij. die Augusti.

De quercubus datis.—Mandatum est Rogero de Leyburn', justiciario foreste ultra Trentam, quod in bosco regis de Langwath', qui est infra metas foreste regis de Galtres, faciat habere Jordano de Insula sex quercus ad maeremium cum omnibus escaetis suis de dono regis. Teste ut supra.

De cervis et damis datis.—Mandatum est Rogero de Clifford, justiciario foreste citra Trentam, quod in foresta regis de Ceddr' faciat habere Almarico de Rupe Cauardi quatuor cervos de dono regis. Teste ut supra.
Mandatum est eidem Rogero quod in foresta de Whitlewod' faciat habere Ade de Monte Alto duos damos de dono regis. Teste rege apud Wodestok' xiij. die Augusti.
Mandatum est eidem Rogero quod in eadem foresta faciat habere Warino de Bassingeburn' duos damos de dono regis. Teste ut supra.

[m. 3.]

Pro executoribus Thome de Hauvill'.—Mandatum est magistro Willelmo de Clifford, escaetori citra Trentam, quod, si executores testamenti Thome de Hauvill nuper defuncti qui de rege tenuit in capite invenerint ei sufficientem securitatem de debitis regis sine dilacione reddendis si que idem Thomas regi debebat die quo obiit, tunc ipsos executores de omnibus bonis et catallis dicti defuncti in balliva sua plenam administracionem habere permittat ad execucionem testamenti dicti defuncti inde faciendam, nisi bona et catalla illa ob aliquam aliam racionabilem causam in manum regis ceperit. Teste rege apud Wodestok' xiij. die Augusti.

Pro regina Anglie et Johanne de Britannia.—Rex magistro Willelmo de Clifford, escaetori citra Trentam, salutem. Quia Johannes Peyvr' qui de nobis tenuit in capite nuper diem clausit extremum ut accepimus, vobis mandamus quod omnes terras et tenementa de quibus predictus Johannes fuit seisitus in dominico suo ut de feodo in balliva vestra die quo obiit, sine dilacione capiatis in manum nostram. Et, quia custodiam terrarum et heredum predicti Johannis karissime consorti nostre Alienore regine Anglie commisimus habendam et appruiandam usque ad legitimam etatem heredum predictorum una cum maritagio eorundem heredum sine disparagacione, et cum eo quod ad nos pertinet de maritagio uxoris predicti Johannis ad opus dilecti et fidelis nostri Johannis de Brit' in partem solucionis debitorum in quibus eidem Johanni tenemur, vobis mandamus quod eidem regine nostre vel certo attornato seu attornatis suis has litteras deferentibus de custodia predicta una cum omnibus post mortem ipsius Johannis inde perceptis plenam seisinam sine dilacione habere faciatis habendam sicut predictum est. Hoc idem escaetoribus nostris in comitatibus Buk' et Bed' et Norf' et Heref' mandavimus. Et vos id similiter eisdem escaetoribus sine dilacione demandetis. Teste ut supra.

De providenciis faciendis.—Rex dilecto et fideli suo Hamoni Extraneo vicecomiti Salop' salutem. Quia providencia contra adventum nostrum usque Salopiam indigemus prout nostis, vobis mandamus quod de sexaginta quarteriis frumenti, centum summis avene, sexaginta bobus et centum multonibus nobis provideatis, ita quod frumentum predictum sine dilacione liberetis magistro Radulpho pistori nostro ad panem inde ad opus nostrum faciendum. Et residuum victualium predictorum ad opus nostrum reservetis ita quod illud promptum habeamus cum venerimus ibidem. Et custum quod ad hoc posueritis vobis in adventu nostro ibidem in exitibus predictis allocari vel reddi faciemus. Teste ut supra.

De cervis datis.—Mandatum est Rogero de Clifford, justiciario foreste citra Trentam, quod in foresta de Wulvemare faciat habere Hugoni filio Ottonis duos cervos de dono regis. Teste rege apud Wudestok' xiiij. die Augusti anno etc.

De damis datis.—Mandatum est eidem quod in foresta de Axisholt' faciat habere Hugoni de Dive duos damos de dono regis.

De terris et catallis capiendis in manum regis.—Rex Roberto le Eyr, ballivo de Wudestok', salutem. Quia Robertus de Twyt, qui de nobis tenuit in capite, nuper diem clausit extremum ut accepimus, tibi precipimus quod omnes terras et tenementa que fuerunt predicti Roberti in Somerton' et Coges, et de quibus fuit seisitus in dominico suo ut de feodo, una cum omnibus bonis et catallis ipsius Roberti, qui in diversis debitis nobis tenebatur die quo obiit ut dicitur, sine dilacione capias in manum nostram et ea salvo custodias donec aliud inde preceperimus, ita quod de exitibus inde provenientibus nobis respondeas ad sacccarium nostrum. Teste ut supra.

Pro Hugone le Brun.—Rex Roberto le Eyr, ballivo suo de Wodestok', salutem. Cum nuper perdonaverimus Hugoni le Brun abjuracionem regni nostri pro fuga quam fecit ad ecclesiam pro quodam maemio abcidendo manum Ricardi le Sauvage, et per inquisicionem, quam per te fieri fecimus, acceperimus quod idem Hugo tenuit de nobis in Hanerberwe, que est in dominico nostro pertinens ad manerium nostrum de Wodestok', unum messuagium et unam virgatam terre cum pertinenciis reddendo nobis per annum quinque solidos, octo denarios et obolum et faciendo nobis omnes alias consuetudines et servicia que ad terram illam pertinent, et quod terram illam nemini dedimus racione abjuracionis predicte, et quod terra illa est escaeta nostra ita quod eam dare possumus cui voluerimus, et eciam quod terra illa commissa fuit Hugoni filio ipsius Hugonis per Petrum de Northle firmarium nostrum manerii predicti sine assensu et mandato nostro, nos, caritatis intuitu prefato Hugoni graciam facere volentes uberiorem, concessimus eidem Hugoni predicta mesuagium et terram habenda et tenenda secundum consuetudinem manerii predicti reddendo nobis inde per annum decem solidos et decem et septem denarios ubi prius nobis reddere consuevit predictis quinque solidos, octo denarios et obolum, et preterea faciendo nobis et heredibus nostris omnes alias consuetudines et servicia que ad terram illam pertinent sicut prius nobis facere consuevit. Et ideo tibi precipimus quod eidem Hugoni de terris et tenementis predictis plenam seisinam habere facias tenendis de nobis per servicia predicta sicut predictum est. Teste rege apud Wodestok' xv. die Augusti.

De damis datis.—Mandatum est Rogero de Clifford, justiciario foreste citra Trentam, quod in foresta regis de Whychewod' faciat habere Nicholao de Leuekenor duos damos de dono regis etc.

De quercubus datis.—Mandatum est eidem Rogero quod in foresta regis de Salceto faciat habere Nicholao de Cuggeho sex quercus ad maeremium cum omnibus escaetis suis de dono regis. Teste rege apud Wodestok' xv. die Augusti.

Pro executoribus Galfridi de Nevill'.—Mandatum est magistro W. de Clyfford, escaetori regis citra Trentam, quod accepta securitate ab executoribus testamenti Galfridi de Nevill' nuper defuncti, qui de nobis tenuit in capite, de debitis nostris reddendis ad scaccarium nostrum si que idem G. nobis debuit ad idem scaccarium die quo obiit, de omnibus catallis et bonis que fuerunt predicti G. in balliva sua die quo obiit plenam et liberam administracionem eisdem executoribus habere faciat. Et, si quid inde ceperit, id eis sine dilacione liberet ad execucionem dicti testamenti inde faciendam. Teste rege apud Wodestok' xv. die Augusti.
Eodem modo mandatum est magistro R. de Clyfford escaetori regis ultra Trentam pro eisdem executoribus et eisdem die et loco.

De dolio vini dato.—Mandatum est Johanni de Swyneford', captori vinorum regis apud Suthamt', quod faciat habere abbatisse et monialibus de Godestowe unum dolium vini de dono regis.

De quercubus datis.—Mandatum est Warino de Bassingburn' quod faciat habere Willelmo filio Mabilie custodi vivariorum de Clyve quatuor quercus in parco de Clyve ad dicta vivaria inde reparanda. Teste ut supra.

De ponenda per ballium.—Margeria que fuit uxor Ricardi de Bykerton', capta et detenta in prisona Hereford' pro morte Ricardi de Bykerton' unde rettata est, habet litteras regis quod ponatur per ballium directas vicecomiti Heref'.

De respectu milicie.—Rex ad instanciam Alienore consortis Edwardi filii regis concessit Thome de Walton' respectum de se milite faciendo ab instanti festo Sancti Michaelis usque in unum annum sequentem. Et mandatum est vicecomiti Norff' quod respectum illum ei habere faciat. Teste rege apud Ottinton xvj. die Augusti.

De quercubus datis.—Mandatum est Warino de Bassingburn', senescallo foreste regis inter pontes Oxonie et Stanf', quod faciat habere Elye de Tyngewyk' quatuor quercus ad maeremium in Salceto de dono regis.

De roboribus datis.—Mandatum est Johanni filio Hugonis, custodi foreste regis de Schyrelet, quod faciat habere Fratribus Minoribus de Bruges quatuor robora cum escaetis suis ad focum suum de dono regis.

De dolio vini dato.—Mandatum est Reginaldo de Suff' quod faciat habere Hugoni Dyve unum dolium boni vini de dono regis. Teste rege apud Bruges xxj. die Augusti.

De quercubus ad operaciones regis.—Mandatum est Johanni filio Philippi, custodi foreste de Kinefar', quod in eadem foresta faciat habere vicecomiti Salop' sex quercus ad maeremium ad domos regis infra castrum de Bruges inde reparandas. Teste rege apud Wenloc' xxj. die Augusti.
Mandatum est Johanni filio Hugonis quod in foresta regis de Shirlet faciat habere vicecomiti Salop' quatuor quercus ad maeremium ad domos regis infra castrum de Brug' inde reparandas.

De quercubus datis.—Mandatum est Rogero de Clifford, justiciario foreste citra Trentam, quod in foresta de Kynefar' faciat habere magistro hospitalis de Brug' quatuor quercus ad maeremium ad cumulum ecclesie sue de dono.
Mandatum est custodi foreste de Porcestr' quod in eadem foresta faciat habere Johanni le Fauconer octo quercus ad maeremium de dono regis. Teste rege apud Salopiam xxv. die Augusti.
Mandatum est Rogero de Clifford, justiciario foreste citra Trentam, quod in foresta de Kinefar' faciat habere Fratribus Predicatoribus de Warr' quatuor quercus aptas ad maeremium cum omnibus escaetis suis ubi competentius ad opus ipsorum capi poterunt in eadem foresta ad celuram chori sui de dono regis. Teste ut supra.
Mandatum est eidem Rogero quod in foresta regis de Aswod' faciat habere Albis monialibus de Wygornia sex quercus ad maeremium cum omnibus escaetis suis de dono regis. Teste ut supra.
Mandatum est eidem Rogero quod faciat habere Thome le Marescall' sex quercus ad maeremium in foresta regis de Geytindon' de dono regis. Teste ut supra.
Mandatum est custodi foreste de Kenfar' quod faciat habere priorisse et monialibus de Brewod' decem quercus aptas ad maeremium cum omnibus escaetis suis de dono regis. Teste ut supra.
Mandatum est Rogero de Leyburn', justiciario foreste ultra Trentam, quod faciat habere Henrico filio Roberti le Breton' quatuor quercus ad maeremium in foresta de Shirwod' de dono regis. Teste ut supra.

De busca ad opus legati.—Mandatum est custodi foreste de Lidewod' quod in locis propinquioribus ejusdem foreste ubi commodius capi possint habere faciat legato singulis diebus quamdiu moram fecerit apud Salopiam tres carettatas busce ad focum suum de dono regis. Teste ut supra.

De prisonibus recipiendis.—Preceptum est vicecomiti Glouc' quod duos prisones quos ballivi dilecti et fidelis regis Rogeri de Somery de Campden sibi liberabunt ab eisdem recipiat et salvo custodiat donec aliud inde sibi fuerit preceptum. Teste ut supra.

De Thoma de Radlee clerico prisone custodiendo.—Mandatum est constabulario Turris Lond' quod Thomam de Rale, clericum, prisonem, quam constabularius castri regis Noting' ei per preceptum regis mittet, a ductoribus ejusdem recipiat et in eadem Turri salvo custodiat donec rex aliud inde preceperit, proviso quod ad mandatum regis seu alicujus alterius nemini deliberetur nisi ad mandatum domini legati. Teste ut supra.

De quercubus datis.—Mandatum est R. de Clyfford, justiciario foreste regis citra Trentam, quod in foresta regis de Clyve faciat habere Johanni de Balliolo quindecim quercus aptas ad maeremium cum omnibus escaetis suis de dono regis.