Close Rolls, October 1267

Close Rolls, October 1267

De ponendo per ballium.—Petrus de la Hethe, captus et detentus in prisona regis Warr' pro morte Reginaldi le Cuverur unde rettatus est, habet litteras regis quod ponatur in ballium usque adventum justiciariorum in partes illas vicecomiti Warr'. Teste rege apud Wygorniam vj. die Octobris.

[m. 1.]

Pro Johanne de la Sale.—Mandatum est Rogero de Clyf', justiciario foreste, quod, si Johannes de la Sale, captus et detentus in prisona nostra de Frodligh' pro quadam, ut dicitur, exili transgressione foreste, invenerit vobis xij. liberos et [legales] homines de balliva sua qui eos (sic) manucapiant habere coram justiciaris foreste cum in partes illas venerint ad standum recto de transgressione predicta, tunc ipsum Johannem per manucapcionem predictam a prisona illa faciat deliberari. Teste.

De bissis datis.—Mandatum est custodi foreste de Englewod' quod in eadem foresta faciat habere Ricardo le Norreys quatuor bissas de dono regis. Teste rege apud Wodestok' v. die Octobris.

De quercu data.—Mandatum est Roberto le Heyr, ballivo de Wodestok', quod in parco de Wodestok' faciat habere custodi domorum de Hensinton unam bonam quercum ad tabulas regis inde faciendas.

De libertate cujusdem hundredi capienda in manum regis.— Mandatum est vicecomiti Oxon' quod libertatem hundredi de Blokesham, quam propter defectum ballivorum ejusdem hundredi nuper intravit, ut rex intellexit, in manum regis capiat et salvo custodiri faciat donec rex aliud inde preceperit. Teste rege apud Walingford' viij. die Octobris.

De quercubus ad operaciones regis.—Mandatum est ballivo foreste de Shottover' quod in eadem foresta faciat habere Ade filio Walteri, custodi operacionum domorum regis Oxonie, viginti quercus ad reparacionem coquine regis ibidem. Teste rege apud Walingford' viij. die Octobris.

De quercubus datis.—Mandatum est Warino de Bassingeburn' quod in foresta regis de Wauberg' faciat habere Hugoni de Bruay septem bonas quercus ad maeremium cum omnibus escaetis de dono regis. Teste ut supra.
Mandatum est eidem justiciario quod in foresta regis de Bernewod' extra loca specialiter vetita faciat habere burgensibus regis Oxonie sex quercus ad maeremium ad gihallam suam ejusdem ville inde reparandam de dono regis. Teste ut supra.

De municione castri de Corf.—Rex dilecto et fideli suo Johanni de Sancto Valerico, constabulario castri sui de Corff', salutem. Mandamus vobis quod bladum, carnes et alia vetusta mortue garnesture ejusdem castri per visum et testimonium legalium hominum sine dilacione vendi et de pecunia inde recepta aliam novam garnesturam emi et predictum castrum inde muniri faciatis, prout magis videris expedire. Teste rege apud Rading' x. die Octobris.

Pro Alicia que fuit uxor Remundi Ottonis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Alicie que fuit uxor Remundi Ottonis, quondam militis regis, singulis annis duas robas ad duas liberaciones regis quoad vixerit de dono regis. Teste rege apud Windes' x. die Octobris.

De quercubus datis.—Mandatum est Rogero de Clifford quod in foresta regis de Rokingham faciat habere Mattheo de Charneles septem quercus bonas et aptas ad maeremium cum omnibus escaetis suis de dono regis. Teste ut supra.

De dolio vini dato (sic).—Mandatum est custodi foreste de Windes' quod in eadem foresta faciat habere capellanis ministrantibus in castro Wind' unum robur folium non portans de dono regis.

De roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant uxori dilecti et fidelis nostri Willelmi de Sancto Eremito unam robam cum pellura decente de dono regis.

Pro Nicholao le Chaundeler.—Rex baronibus suis de scaccario salutem. Sciatis quod intuitu diutini et laudabilis obsequii quod dilectus serviens noster Nicholaus le Chaundeler nobis impendit, dedimus ei illos septem denarios diurnos quos Henricus de la Bere nuper defunctus ad scaccarium nostrum percipere consuevit, percipiendos ad totam vitam suam eodem modo quo predictus Henricus eos in vita sua percipere consuevit. Et ideo vobis mandamus quod predictos septem denarios diurnos eidem Nicholao habere faciatis percipiendos ad totam vitam (fn. 1) suam sicut predictum est. Teste rege apud Westmonasterium xiiij. die Octobris.

Pro Juliana de Wy, lotrice.—Rex eisdem salutem. Sciatis quod pro diutino servicio quod Juliana de Wy, lotrix karissime consortis nostre A. regine Anglie eidem regine impendit, concessimus eidem Juliane illos sex denarios diurnos quos Johannes le Marescall' defunctus percipere consuevit in vita sua ad scaccarium predictum habendos et percipiendos ad vitam ipsius Juliane eodem modo quo prefatus Johannes eos ibidem percipere consuevit. Et ideo vobis mandamus quod eidem Juliane dictos sex denarios diurnos habere, et sic fieri et irrotulari faciatis. Teste ut supra.

Pro priore de Giseburn'.—Rex baronibus suis de scaccario salutem. Sciatis quod prior de Giseburn' liberavit in garderoba nostra die Dominica proxima post festum Beati Alphegi anno regni nostri quadragesimo septimo magistro Henrico de Gaunt, tunc custodi ejusdem garderobe, tresdecim libras sex solidos et octo denarios, per quos finem fecit nobiscum pro uno mercato una feria et warenna habendis. Et ideo vobis mandamus quod predictum priorem de dictis tresdecim libris sex solidis et octo denariis quietum esse faciatis, nisi inde prius quietanciam habuerit per aliud breve nostrum. Teste rege apud Westmonasterium xv. die Octobris.

De ponendo per ballium.—Reginaldus Derneloue, captus et detentus in prisona Glouc' pro morte Ricardi atte Grene unde rettatus est, habet litteras vicecomiti Glouc' quod ponatur per ballium.

Pro Willelmo Bardolf'.—Rex baronibus suis de scaccario salutem. Cum dudum concesserimus dilecto et fideli nostro Willelmo Bardolf' quod de omnibus debitis que nobis debet ad scaccarium nostrum redderet nobis per annum decem libras, videlicet unam medietatem ad scaccarium nostrum Pasche et aliam medietatem ad scaccarium nostrum Sancti Michaelis; et idem Willelmus propter turbacionem jamdiu habitam in regno nostro terminos illos non observaverit, nos, eidem Willelmo graciam facere volentes in hac parte, concessimus ei quod terminos illos recuperet, ita quod reddat nobis quinque libras ad scaccarium nostrum Pasche proximo futurum et quinque libras ad scaccarium Sancti Michaelis proximo sequens, et sic de anno in annum decem libras ad eosdem terminos donec debita predicta nobis persolvantur. Et ideo vobis mandamus quod eidem Willelmo terminos illos habere, et sic fieri et irrotulari faciatis. Teste rege apud Westmonasterium xvj. die Octobris.

De panno ad tunicas ad quinque sorores de Norhamt'.— Mandatum est Ricardo de Ewell' et Hugoni de Turri, emptoribus garderobe regis, quod habere faciant quinque sororibus hospitalis Sancte Marie Northamt' pannum ad tunicas contra instantem yemem, sicut habere consueverunt temporibus retroactis, de dono regis. Teste ut supra.

De uno dolio vini dato.—Mandatum est Johanni de Swineford. captori vinorum regis. quod de vinis suis que sunt in custodia sua faciat habere Henrico de Norwico unum dolium vini de recta prisa de dono regis. Teste rege apud Westmonasterium xviij. die Octobris.

Pro Johanne le Breton'.—Preceptum est vicecomiti Linc' quod de finibus et amerciamentis faciendis coram Roberto de Nevill' et sociis suis justiciariis ad placita de terris datis occasione turbacionis habite in regno regis audienda assignatis in comitatu tuo, quorum extractas prefati justiciarii sibi liberabunt, sine dilacione levari faciat xl. libras et eas Johanni le Bretun, uni justiciariorum regis ad premissa facienda assignato, habere faciat ad expensas suas. Et hoc non omittat. Et rex dictas xl. marcas (sic) eidem vicecomiti faciet allocari. Teste rege apud Westmonasterium xviij°. die Octobris.

De damis datis.—Mandatum est custodi foreste de Roteland' quod in eadem foresta faciat habere magistro Godefrido Giffard', archidiacono Ebor', quatuor damas de dono regis. Teste ut supra.
Mandatum est Rogero de Clifford, justiciario foreste citra Trentam, quod in foresta de Salceto faciat habere Nicholao de Cugeho duas damas de dono regis. Teste ut supra.

De quercubus datis.—Mandatum est Rogero de Leyburn', justiciario foreste ultra Trentam, quod in foresta regis de Shyrewod' faciat habere Willelmo de Steynesby quatuor quercus de dono regis. Teste rege apud Westmonasterium xviij. die Octobris.

Pro Alienora consorte Edwardi filii regis.—Rex baronibus de scaccario salutem. Sciatis quod dedimus et concessimus karissime filie nostre consorti Edwardi primogeniti nostri sexaginta et unam libras in quibus homines de Sumerton' nobis tenentur de arreragiis firme ville sue. Et ideo vobis mandamus quod predictas sexaginta et unam libras secundum legem et consuetudinem scaccarii nostri levari et prefate Alienore habere faciatis juxta concessionem nostram predictam. Teste rege apud Westmonasterium xix. die Octobris.

De ponendo per ballium.—Hugo Halegurdyn et Jacobus filius Edeline de Grafton', capti et detenti in prisona de Rokingham pro transgressione foreste, habent litteras regis vicecomiti Northamt' quod ponantur per ballium.

Pro civibus Linc'.—Rex baronibus suis de scaccario salutem. Sciatis quod cives nostri Lincoln' solverunt in garderoba nostra Nicholao de Leukenor', custodi ejusdem garderobe, die Jovis proxima post festum Beati Luce Ewangeliste apud Westmonasterium centum libras per quas finem fecerunt nobiscum pro villa et libertatibus suis captis in manum nostram, pro eo quod non solverunt trescentas libras nobis debit as die statuto, rehabendis. Et ideo vobis mandamus quod prefatos cives de predictis centum libris sic solutis quietos esse faciatis. Teste rege apud Westmonasterium xx. die Octobris.

Pro Ermetruda que fuit uxor Walteri Ledet.—Rex dilecto clerico suo magistro Willelmo de Clifford, escaetori citra Trentam, salutem. Cum occasione transgressionum nobis factarum tempore turbacionis habite in regno nostro per Robertum Pech' inter alias terra (sic) et tenementa sua capi fecerimus in manum nostram manerium de Corby cum pertinenciis, credentes illud esse de dominico nostro, ac nos jam per barones nostros de scaccario pro certo intellexerimus quod Walterus Ledet, dudum defunctus, quondam vir Ermetrude nunc uxoris predicti Roberti, idem manerium tenuit de nobis in socagium, et jam acceperimus per inquisicionem, quam per vos nuper inde fieri fecerimus, quod heredes predicti Walteri, quorum eadem Ermetruda mater est, adhuc infra etatem existunt, vobis mandamus quod eidem Ermetrude de manerio predicto cum pertinenciis racionabilem dotem suam assignari et una cum custodia duarum partium ejusdem manerii cum pertinenciis que ad eandem Ermetrudam racione predicta dinoscitur pertinere, plenam seisinam sine dilacione rehabere faciatis, habendam et tenendam in forma qua prius eas tenuit. Teste rege apud Westmonasterium xxij. die Octobris.

Pro Ricardo de Halsted'.—Rex dilecte sibi Amicie de Ripar', comitisse Devon' et Insule, salutem. Quia Isabella de Fortibus comitissa Albemarl'et Insule, Willelmus Marmyon, Galfridus Russel et Henricus Trenchard' manuceperunt habere coram nobis Ricardum de Halsted', captum pro pluribus transgressionibus per ipsum factis, ut dicitur, in crastino Beati Thome Apostoli ubicumque tune fuerimus in Anglia ad standum recto de hiis que nos vel alii versus eum loqui voluerimus, vobis mandamus quod prefatum Ricardum per vos occasione predicta captum per manucapcionem predictam sine dilacione deliberetis in forma predicta. Teste ut supra.
Et mandatum est eodem modo vicecomiti Ebor' quod ipsum Ricardum per manucapcionem predictam a prisona qua detinetur deliberari faciat. Teste ut supra.

Pro Eustachio de Baillol'.—Rex vicecomiti Ebor' salutem. Precipimus tibi quod de finibus et amerciamentis faciendis coram Eustachio de Baylol' et sociis suis justiciariis ad placita de terris datis occasione turbacionis habite in regno nostro audienda assignatis in comitatu tuo, quorum extractas prefati justiciarii tibi liberabunt, sine dilacione levari facias quinquaginta marcas et eas prefato Eustachio uni justiciariorum nostrorum ad premissa facienda assignatorum, habere facias ad expensas suas. Et hoc non omittas. Et nos dictas quinquaginta marcas tibi faciemus allocari. Teste etc.
Eodem modo mandatum est eidem vicecomiti de quinquaginta marcis pro Ricardo de Midd'.
Eodem modo mandatum est vicecomiti Sumers' pro abbate de Shireburn'.
Eodem modo mandatum est vicecomiti Sussex' de quadraginta marcis pro Simone de Creye.

De quercubus datis.—Mandatum est Rogero de Clifford, justiciario foreste citra Trentam, quod in foresta de Whichewod' faciat habere Emerico de Bezill' tres quercus ad maeremium de dono regis etc.

De dolio vini pro alio.—Mandatum est Reginaldo de Suff', camerario London', quod de vinis regis que sunt in custodia sua faciat habere Ebuloni de Montibus unum dolium vini pro uno dolio vini, quod prior de W[en]loc regi mutuavit apud Salopiam, et quod idem prior prefato Ebuloni concessit de dono suo. Teste ut supra apud Westmonasterium xx. die Octobris.

Pro Aaron filio Vives' Judeo London'.—Rex justiciariis suis ad custodiam Judeorum assignatis salutem. Cum nuper ad instanciam Edmundi filii nostri karissimi concesserimus Aaron filio Vives Judeo Lond' custodiam filii et heredis Samieloti filii Samuelis, Judei Cantebr', domorum, debitorum et catallorum que fuerunt predicti Samieloti que ad nos pertinent per mortem ejusdem habendam et tenendam usque ad legitimam etatem heredis predicti Samieloti secundum legem et consuetudinem Judaismi nostri, ita tamen quod prefatus Aaron' redderet nobis per annum quinque marcas, videlicet unam medietatem ad scaccarium nostrum Sancti Michaelis et aliam medietatem ad scaccarium nostrum Pasche pro tercia parte debitorum, bonorum et catallorum que fuerunt predicti Samieloti, ad nos secundum consuetudinem Judaismi predicti pertinentium, ita eciam quod debita bona et catalla sua non tallientur donec tercia pars eorundem debitorum, bonorum et catallorum ad nos pertinens ad scaccarium nostrum predictum nobis persolvatur; nos eidem Aaron graciam facere volentes uberiorem concessimus ei quod reddat nobis singulis annis ad scaccarium predictum quadraginta solidos ad eosdem terminos ad quos prius predictas quinque marcas reddere consuevit pro tercia parte debitorum, bonorum et catallorum predictorum. Et ideo vobis mandamus quod eidem Aaron' terminos illos habere et sic fieri et irrotulari faciatis. Teste rege apud Westmonasterium xxiiij. die Octobris.

De damis vivis datis.—Mandatum est Rogero de Clifford, justiciario foreste citra Trentam, quod in foresta de Selewod' faciat habere Radulpho Saunzaver tres damos vivos et septem damas vivas ad parcum suum de Spartesgrave inde instaurandum de dono regis. Teste rege ut supra.

De quercubus datis.—Mandatum est Warino de Bassingeburn', senescallo foreste inter pontes Oxonie et Stanford, quod in foresta de Wauberg' faciat habere ballivis Cantebr' sex bonas quercus ad reparacionem molendinorum regis ibidem. Teste rege apud Westmonasterium xxv. die Octobris.

De roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Waltero de Sancta Margareta capellano unam robam hac vice de dono regis. Teste ut supra.

Pro Johanne Renger'.—Rex baronibus suis de scaccario salutem. Cum dudum concesserimus dilecto clerico nostro Johanni Renger quod de debitis in quibus Ricardus Renger pater suus nobis tenebatur ad scaccarium nostrum die quo obiit, redderet nobis idem Johannes ad scaccarium predictum centum solidos per annum, videlicet, unam medietatem ad scaccarium nostrum Pasche et aliam medietatem ad scaccarium nostrum Sancti Michaelis; et idem Johannes propter turbacionem jamdiu habitam in regno nostro terminos illos non observaverit, nos eidem Johanni graciam facere volentes in hac parte concessimus ei quod terminos illos recuperet, et reddat nobis per annum decetero ad scaccarium predictum centum solidos ad eosdem terminos donec debita predicta nobis plene persolvantur. Et ideo vobis mandamus quod eidem Johanni terminos illos habere, et sic fieri et irrotulari faciatis.

. . . . . Tun . . . . .—Rex justiciariis ad custodiam Judeorum assignatis salutem. Sciatis quod pro laudabile servicio quod dilectus serviens noster Ricardus de Tunderl' nobis impendit perdonavimus ei sexaginta solidos in quibus tenetur Abrahe le Juvene Judeo Eboraci de mutuo quod ab eodem Judeo recepit, unde cartam suam viginti librarum nomine pene eidem impignoravit. Et ideo vobis mandamus quod cartam predictam ab archa cirographariorum Judeorum extrahi et eidem Ricardo liberari, et ipsum Ricardum de predictis sexaginta solidis et pena viginti librarum predictarum quietum esse faciatis. Teste ut supra.

. . . . . .—Rex justiciariis suis ad custodiam Judeorum assignatis salutem. Sciatis quod ad instanciam karissime consortis nostre A. regine Anglie perdonavimus dilecto et fideli nostro Johanni Baudefar viginti marcas, in quibus per cartam suam tenetur Hakechom et Jospino, Judeis nostris Wyntonie, cum omnibus penis et usuris, ita quod idem Johannes solvat eisdem Judeis decem marcas, videlicet, unam medietatem ad mediam Quadragesimam proximo futuram et aliam medietatem ad festum Nativitatis Beati Johannis Baptiste proximo sequens. Et ideo vobis mandamus quod cartam predictam ab archa cyrographariorum nostrorum Wyntonie extrahi et predictum Johannem de predictis viginti marcis, penis et usuris quietum esse in forma predicta, et sic fieri et irrotulari faciatis. Teste rege apud Gudeford xxv. die Octobris.

. . . . arel . . . . .—Rex concessit Willelmo Darel quod de omnibus debitis in quibus Isaac le Evesk' de Eboraco et Aaron Crepyn de London' Judeis per cartas suas tenetur, solvat eis decem marcas per annum, scilicet, ad festum Sancti Michaelis, et sic de anno in annum donec debita illa eisdem Judeis persolvantur. Et mandatum est justiciariis ad custodiam Judeorum assignatis quod eidem Willelmo terminum illum habere et sic fieri et irrotulari faciant. Teste ut supra.

. . . . .—Rex Alano la Zuch' constabulario Turris London' et ballivis suis ejusdem civitatis salutem. Volentes quibusdam certis de causis quod exsecucio judicii nuper redditi in Danielem le Draper, Ivonem de Mulsham, tabernarium, Stephanum Tayllefer et Robertum de Bristoll' pro quibusdam transgressionibus per ipsos factis, ut dicitur, adhuc non fiat, vobis mandamus quod ad execucionem dicti judicii nullatenus procedatis donec aliud inde a nobis receperitis in mandatis; ita quod in eodem statu quo nunc sunt salvo custodiantur. Et hoc sicut corpora vestra diligitis nullo modo omittatis. Teste rege apud Guldeford' xxviij. die Octobris. Per ipsum regem, Robertum Aguilon, R. Waler' et cancellarium.

. . . . . . . . .—Mandatum est Johanni filio Nigelli, custodi foreste de Bernewode, quod in eadem foresta ad opus magistri Giffard cancellarii quatuor damas capi et eas ei habere faciat sine mora de dono regis. Teste ut supra.

. . . . Eodem modo mandatum est Elie de Tingewik', custodi foreste de Whittlewod', quod in eadem foresta faciat capi alias quatuor damas et sibi cancellario habere faciat in forma . . . . . . . Teste rege apud Guldeford' xxvij. die Octobris.

. . . . . custodi manerii de Havering' quod in forinseco bosco regis de Havering' faciat habere Ide de Bello Campo consanguinee regis duo robora ad focum suum de dono regis ubi propinquius . . . . . . commodius ad opus ipsius Ide poterunt inveniri. Teste rege ut supra.

. . . . regis Henrici filii regis Johannis quinquagesimo primo.