Close Rolls, January 1268

Close Rolls, January 1268

1268.

Rex justiciariis suis proximo itineraturis in comitatu Ebor' salutem. Cum dilectus et fidelis noster Rogerus de Scaccario racione serjantie, quam de nobis tenet in capite. habere debeat et consueverit servientes suos in singulis itineribus justiciariorum nostrorum per Angliam pro servicio suo quod nobis debet de eadem serjantia: vobis mandamus quod servientes ejusdem Rogeri coram vobis admittatis ad faciendum servicium suum pro ipso quod idem Rogerus nobis inde facere debet et prout temporibus retroactis fieri consuevit. Teste rege apud Westmonasterium xij. die Januarii. Per regem et consilium.
Eodem modo mandatum est justiciariis proximo itineraturis in comitatu Wiltes' et in comitatu Somers'.

Marcus le Marescal de Wintonia recognovit in cancellaria regis se debere Osteino Oger, servienti regis, xxx. solidos, unde reddet eidem x. solidos in festo Purificacionis Beate Marie proximo futuro, et xx. solidos in media quadragesima proximo sequenti. Et, nisi fecerit, concessit quod dicta pecunia levetur de terris et catallis suis in comitatu Suthamt'.

[m. 12d.]

Rex Lewelino filio Griffini principi Wallie et domino Snaudon' salutem. Ad nostram accedentes presenciam vestri nuncii nobis intimarunt ex parte vestra quod dilectus et fidelis noster G. de Clar' comes Glouc' et Hertf' terras quorundam baronum Wallie ad principatum vestrum pertinentes contra formam pacis inter nos et vos initam restituere contradicit, quamvis super hujusmodi restitucione multotiens requisitus extiterit. et quod terram Elualeys Mynyt, que est de hereditate Oweni Mareduc' et Yvorr filii Oweny, baronum vestrorum, occupavit et detinet in vestri et eorum prejudicium manifestum. Ad hec petiverunt ex parte vestra nuncii supradicti quod dilecto et fideli nostro Rogero de Mortuo Mari mandemus ut, cum dicatis vos habere jus in terra de Maylyenyt. quam ipse possidet, et in qua quoddam castrum jam erexit, vobiscum aliquem diem recolligat ad inde faciendum et recipiendum prout in forma pacis antedicte continetur, et quod eidem Rogero precise inhibeamus ne vos super possessione terrarum de Dyfoyn Tyveydiad in aliquo perturbet vel inquietet contra formam pacis ejusdem. Nos igitur habito super hiis omnibus cum consilio nostro diligenti tractatu, vobis taliter respondemus, videlicet quod placet nobis ut, cum prefatis comite et Rogero diem aliquem cui vacare poteritis ineatis prout moris est in partibus illis ad interloquendum et tractandum super injuriis et transgressionibus predictis. Et, si de hiis unanimes et concordes, quod Deus attribuat, effici valeatis, bene quidem: et si non, scribatis nobis qualiter abinvicem (sic) discesseritis. et nos aliquem vel aliquos de consiliariis nostris ad aliquem diem racionabilem a latere nostro mittemus ad partes illas, qui plenam habebunt potestatem faciendi vobis in premissis justicie complementum secundum formam antedictam. Ceterum, quia Griffinus Resy, quem tenet comes memoratus, est de Anglecheria nostra, ut dicitur et sicut veraciter credimus, vobis significamus ut, si de deliberacione illius versus dictum comitem in curia nostra loqui volueritis, parati sumus vobis inde justiciam exhibere secundum legem et consuetudinem regni nostri. Ceterum de Mareduco filio Resi vobis significamus quod homagium suum retinere malumus quam habere finem pro homagio illo in memorata pace contentum et quod de transgressionibus per ipsum vobis factis emendas competentes, prout justum fuerit, vobis exhibere faciemus. Teste rege apud Guldeford primo die Januarii.

Rex Gilberto de Clare, comiti Glouc' et Hertf', salutem. Litteras vestras recepimus continentes quod, licet alias scripserimus Lewelino filio Griffini principi Wallie quod omnes terras et tenementa vestra per ipsum violenter occupata et injuste detenta vobis restitueret, ipse tamen id facere distulit hucusque, et quod preter detencionem predictam nititur idem princeps, in quantum potest, homines vestros attrahere et dominio suo subjugare. Nos igitur. habito super premissis cum consilio nostro diligenti tractatu, vobis taliter respondemus, videlicet quod placet nobis ut cum prefato principe diem aliquem cui vacare poteritis iniatis, prout moris est. in partibus illis ad interloquendum et tractandum super injuriis et transgressionibus predictis. Et, si de hiis unanimes et concordes, quod deus attribuat, effici valeatis, bene quidem: et si non, rescribatis nobis qualiter adinvicem discesseritis, et nos aliquem vel aliquos de consiliariis nostris ad aliquem diem racionabilem a latere nostro mittemus ad partes illas, qui plenam habebunt potestatem faciendi vobis in premissis justicie complementum secundum formam pacis inter nos et dictum principem inite et firmate. Teste rege apud Guldeford' primo die Januarii.

Isti subscripti habent quietanciam de communi summonicione:
Thomas de Boulton' in comitatu Ebor'.
Nicholaus de Vallibus in comitatu Wiltes'.
Johannes de Eyvill' in comitatu Ebor'.
Rogerus le Bygod in comitatu Ebor'.
Matillis de Mubray in comitatu Ebor'.
Thomas de Steynford in eodem comitatu.
Walterus de Burges in comitatu Wiltes'.
Philippus de Curteney in comitatu Ebor'.
Galfridus de Thorney in comitatu Ebor'.
Prior Sancti Andree Ebor' in comitatu Ebor'.
Prior de Monte Acuto in comitatu Sumers'.
Willelmus de Cheny in comitatu Sumers'.
Prior hospitalis Sancti Johannis Jerosalem' in Anglia in comitatibus Ebor', Sumers' et Wiltes'.
Prior de Lewes habet quietanciam in comitatu Ebor'.
Prior de Merton' habet quietanciam in comitatibus Wiltes' et Somers'.
Alesia de Lacy habet quietanciam de communi summonicione in comitatu Ebor'.
Robertus de Tweng', Marmoducus de Tweng', Ricardus de Tweng' et Thomas de Beruby habent quietanciam in comitatu Ebor'.
Walterus de Mariscis habet quietanciam de communi summonicione in comitatu Wiltes'.
Philippus Basset habet quietanciam de communi summonicione in comitatibus Ebor' et Wiltes'.
Robertus le Chaumberleng' habet quietanciam de communi summonicione in comitatu Wiltes'.
Thomas le Blund et Johannes de Merden' habent quietanciam in comitatu Wiltes'.
Philippus Basset, Robertus le Chaumberleng', Thomas le Blund, Johannes de Merden et Thomas de Sancto Martino habent quietanciam in comitatu Wiltes'.
Willelmus de Craystock' habet quietanciam in comitatu Ebor'.
Agnes de Vescy in comitatu Dors'.
R. le Bigod, comes Norff' et marescallus Anglie, habet quietanciam de communi summonicione in comitatu Norff'.
Prior de Norwico habet quietanciam de communi summonicione in comitatu Norff'.
Johannes Extraneus et Alicia filia sua habent quietanciam in comitatu Norff'. Per dominum Edwardum.
Abbas de Furnes' habet quietanciam de communi summonicione in comitatu Ebor'.
Prior de Lewes habet quietanciam de communi summonicione in comitatu Norff'.
Ricardus le Mareschal in comitatu Dors'.
Prior hospitalis Sancti Johannis Jerosalem' in Anglia in comitatu Norff' etc.
Petronilla Malet in eodem comitatu.
Johannes Talebot, Galfridus de Gayton' et Stephanus de War' in comitatu Norff'.
Prior de Bradenstok' habet quietanciam in comitatu Dors'.
Isabella de Fortibus comitissa Albem' in comitatibus Ebor' et Wiltes'.
Johannes filius Johannis in comitatu Wiltes'.
Henricus de Broc in comitatu in comitatu (sic) Somers'.
Walterus de Albiniaco in comitatu Wiltes'.
Johannes de la Lynd' in comitatu Somers'.
Robertus de la Lynd in comitatu Somers'.
Abbas de Westderham in comitatu Ebor'.
Adam de Stretton in comitatu Wiltes'.
Henricus Biset habet quietanciam in comitatu Ebor'.
Abbas de Kingeswod' in comitatu Wiltes'.
W. de Valenc' in comitatu Wiltes'.
Robertus de Nevill', Willelmus Haget. Johannes le Waleys, Radulfus Thorneton', Willelmus de Linc', Ricardus de Thorn', Robertus de Balliolo habent quietanciam etc. in comitatu Ebor'.
Consimiles litteras habet Willelmus de Aett' in comitatu Wiltes'.
Robertus de Estcot' in comitatu Wiltes'.
Wido de Taunton' de comitatu Somers'.
Robertus le Blund de Nortperton' in comitatu Somers'.
Dionisia de Monte Canis' in comitatu Ebor'.
Hugo de Babinton' in comitatu Wiltes'.
Johanna de Boun in comitatu Wiltes'.
Abbas de Gresteyn in comitatibus Wiltes' et Somers'. Et concessum est ei quod habeat in comitatibus Norhampt', Buk', Cauntebr', Norff', Sussex'.
Abbatissa Shafton' in comitatu Dors'.
Willelmus de Breus' habet quietanciam de communi summonicione in comitatu Dors'.
Matillis de Ebroicis habet quietanciam de communi summonicione in comitatu Norff'.
Prior Sancte Trinitatis Cantuar' habet quietanciam de communi summonicione in comitatu Norff'.
Abbas de Saveny habet quietanciam de communi summonicione in comitatu Norff'. Per Philippum Basset.
Nicholaus de Bassingburn' habet quietanciam in eodem comitatu.
Abbas de Chireburn' habet quietanciam in comitatu Dors'.
Abbas de Shyreburn' habet quietanciam de communi summonicione in comitatu Dors'.
Alicia de Luton' habet quietanciam de communi summonicione in comitatu Norff'.
Abbas de Cerne habet quietanciam de communi summonicione in comitatu Dors'.
Johannes le Bygod' habet quietanciam de communi summonicione in comitatu Norff'.
Philippus Basset habet quietanciam de communi summonicione in comitatu Dors'.
Prior de Bromholm' habet quietanciam de communi summonicione in comitatu Norff'.
Robertus Aguilon habet quietanciam de communi summonicione in comitatu Norff'.
Baldewinus de Akeny habet quietanciam in comitatu Norff'.
Prior de Monte Acuto habet quietanciam in comitatu Dors'.
Johannes de Verdun' in comitatu Wiltes'. Et concessit ei rex quod habeat quietanciam in comitatibus Leyc', Warr', Salop' et Staff', Hereford', Oxon', Midd', Essex et Buk'.
Abbas de Glaston' in comitatu Dors'.
Prior Sancte Marie de Theford' in comitatu Norff'.
Guido de Taunton' habet quietanciam in comitatu Dors'.
Abbas de Teukebir' habet quietanciam in comitatu Dors'.
Willelmus de Valenc' in comitatu Norff'.
Henricus de Broc in comitatu Dors'.
Robertus de Ludham in comitatu Norff'.
Rogerus de Saunford' in comitatu Norff'.
Abbas de Waltham habet quietanciam in comitatu Bark'.
Guido de Lezinan' habet quietanciam in comitatibus Ebor' et Norff'.
Episcopus Sarisburiensis habet quietanciam in comitatu Berk' etc.
Magister Walterus Scamel, thesaurarius Sarisburiensis, habet quietanciam in comitatu Berk'.
Abbatissa de Wherewell et Reginaldus filius Petri in comitatu Berk'.
Willelmus de Monte Canis' et Andreas de Inkeham in comitatu Norff'.
Philippus Basset habet quietanciam in comitatu Berk'.
Willelmus de Bokeswrth' in comitatu Berk' etc.
Philippus de Columbar' in comitatu Berk'.
Johannes de Holteby in comitatu Somers'.
Abbas de Coggeshal' habet quietanciam de communi summonicione in comitatu Suff'. Per Philippum Basset.
Willelmus de Windes', clericus, habet quietanciam in comitatu Berk'.
Abbatissa de Godestowe in comitatu Berk'.
Jacobus de Aldithel' habet quietanciam in comitatu Oxon'.
Rogerus de Mortuo Mari habet quietanciam in comitatu Berk'.
N. Wintoniensis Episcopus in comitatibus Oxon' et Berk'.
Willelmus de Valenc' in comitatu Berk'.
Adam de Novo Mercato habet quietanciam in comitatu Ebor'.
Magister Henricus Wade in comitatu Berk'.

Thomas Luveband, Johannes de Vallibus de Kisewic, Robertus, Rogerus le Bygod, Ricardus de Holel, Ricardus de Holebroc, Johannes de Holebroc, Willelmus de Oldecroft, Vincentius Garc, Rogerus Planteng', Willelmus le Parker, Robertus de Rattlesden' habent quietanciam in comitatu Norff'.

Memorandum quod apud Clarendon' convenit inter Amiciam comitissam Devonie et Isabella filiam suam comitissam Albemarl' super omnibus contencionibus et discordiis inter ipsas habitis, super quibus posuerunt se super domino rege, quod venirent coram rege die Sabbati proxima post festum Beati Vincentii ad recipiendum aliquem de fidelibus de consilio domini regis ad audiendum compotum de exitibus custodie de Holderness', quam eedem comitisse tenent, et ad inquirendum de transgressionibus hinc inde factis. Et dominus rex non sumpsit dictum negocium nisi (fn. 1) tanquam arbiter, set ad faciendum utrique parti justiciam. Et datur dies partibus per dominum regem quod sint in Holdernesse coram illo quem rex ad premissa facienda assignaret: ita quod capta inquisicione predicta veniant coram rege ad mediam Quadragesimam, ad quem terminum remittetur inquisicio.