Calendar of Close Rolls, Henry III: Volume 13, 1264-1268. Originally published by His Majesty's Stationery Office, London, 1937.
This premium content was digitised by double rekeying. All rights reserved.
'Close Rolls, September 1265', in Calendar of Close Rolls, Henry III: Volume 13, 1264-1268, (London, 1937) pp. 70-73. British History Online https://www.british-history.ac.uk/cal-close-rolls/hen3/vol13/pp70-73 [accessed 17 April 2024]
Close Rolls, September 1265
De damis datis.—Mandatum est Rogero de Clifford', justiciario foreste citra Trentam, quod in foresta regis de Braden' faciat habere Roberto Tregoz sex damos de dono regis. Teste rege apud Malmesbir' primo die Septembris.
De quercubus datis.—Mandatum est eidem quod in foresta de Chippeham' faciat habere sacriste de Malmesbir' quatuor quercus ad operacionem ecclesie de Malmesbir'. Teste supra.
De damis datis.—Mandatum est eidem quod in foresta de
Braden' faciat habere abbati de Malmesbir' sex damos, videlicet
quatuor ad opus suum et duos ad opus monachorum infirmorum
de dono regis. Teste supra.
Mandatum est custodi foreste de Wittlewod' quod in eadem
foresta faciat habere W. Maudut comiti Warr' iij. damos de dono
regis. Teste ut supra.
De vinis datis.—Preceptum est ballivis Brist' quod unum dolium vini boni emi et acquietari faciant in villa sua et illud Roberto Tregoz habere faciant de dono regis. Et, cum rex sciverit custum quod ad hoc posuerint, illud sibi reddi faciet. Teste ut supra.
De panno ad aurum ad tumbam Johanne filie Edwardi.— Mandatum est Ricardo de Ewell', emptori garderobe regis, quod provideat de uno bono et pulcro panno ad aurum ad cooperiendum inde tumbam Johanne, filie Edwardi, primogeniti regis, nuper defuncte et in ecclesia Westmonasterii sepulte. Et hoc nullo modo omittat. Teste rege apud Merleberg' vij. die Septembris.
De pictura infra castrum Merleberg' facienda.—Rex constabulario castri sui Merleberg' salutem. Precipimus tibi quod sine dilacione innovari facias picturam tabule ultra altare capelle castri predicti et provideas de quodam honesto imagine beati Nicholai ibidem ponendo. Et cum sciverimus custum etc. Teste rege apud Merleberg ix. die Septembris.
De quercubus ad operaciones castri Merleberg'.—Mandatum est custodi foreste de Savernak' quod in foresta predicta faciat habere constabulario castri de Merleberg' xij. quercus ad reparacionem domorum et pontis castri de Merleberg' et quasdam novas bayas faciendas ad vivarium nostrum de Merleberg', ubi ad minus dampnum foreste predicte et ad majus commodum regis fieri poterit. Teste rege ut supra.
De diversis operacionibus infra castrum Merleberg' faciendis.— Rex constabulario castri sui de Merleberg salutem. Precipimus tibi quod domos, pontes et fossata castri nostri de Merleberg' sine dilacione reparari facias reparacione qua necessario indigent. Et quia testificatur per visores operacionum nostrarum quod baye vivarii nostri de Merleberg adeo debiles sunt quod non poterunt reparari, fieri facias ibidem novas bayas. Et, cum sciverimus custum etc. Teste rege ut supra.
Pro Ricardo de Brus.—Rex Willelmo de Sancto Omero salutem. Cum custodia terre et heredis Rogeri de Touny, qui de nobis tenuit in capite, ad nos pertineat, vobis mandamus firmiter injungentes quod filium et heredem predicti Rogeri, qui est in custodia vestra, ut dicitur, Ricardo de Brus, cui custodiam terrarum predictarum et heredis predicti contulimus, sine dilacione restitui faciatis. Teste rege apud Winton' xix. die Septembris.
De cervo dato.—Mandatum est Rogero de Clifford', justiciario foreste citra Trentam, quod in foresta de Wlvemer' faciat habere Willelmo de Bello Campo unum cervum de dono regis. Teste ut supra.
De vino dato.—Mandatum est custodibus vinorum regis apud Suthamt': faciant habere Roberto Tregoz unum dolium vini de dono regis. Teste ut supra.
Pro Willelmo le Butyler.—Rex vicecomiti Lanc' salutem. Cum Willelmus le Botiler nobis et Edwardo filio nostro de omnibus transgressionibus nobis et ei in turbacione regni nostri per ipsum factis satisfecerit, propter quod ipsum ad graciam nostram suscepimus, tibi precipimus quod omnes terras et tenementa ejusdem Willelmi occasione turbacionis predicte a quibuscunque in balliva tua occupata unacum omnibus bonis et catallis tempore turbacionis ejusdem abinde distractis, ad quorumcunque manus devenerint, plenam restitucionem habere facias. Et in seisina earundem terrarum et tenementorum manuteneas, protegas et defendas.
De quercubus datis.—Mandatum est constabulario castri de Sancto Briavello quod in foresta de Sancto Briavello faciat habere fratribus hospitalis Sancti Bartholomei Glouc' sex quercus de dono regis. Teste ut supra.
De novo milite faciendo.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Simoni Peche omnia necessaria que ad miliciam suam fuerint necessaria de dono regis. Teste rege apud Rading' xxiiij. die Septembris.
De quercubus datis.—Mandatum est custodi foreste de
Pambere quod in predicta foresta faciat habere priori de Schyreburn' quatuor bonas quercus ad ecclesiam suam de Schyreburn'
inde cooperandam de dono regis. Teste ut supra.
Mandatum est Roberto de Nevill', justiciario foreste ultra
Trentam, quod in foresta regis de Shirwode faciat habere
priori de Felleye octo quercus de dono regis. Teste ut supra.
Ne aliqui currant in foresta de Bernewod'.—Rex Johanni filio Nigelli, custodi foreste sue de Bernewod', salutem. Cum instet tempus rutesionis ferarum, et quamplures currant in foresta predicta ad capiendum feras a nobis sibi datas ibidem ad dampnum nostrum et destruccionem ejusdem foreste, ut accepimus; vobis mandamus quod ipsos ultra hanc diem Sancti Michaelis instantis ibidem currere vel venacionem capere nullatenus permittatis. Et hoc, sicut indempnitatem vestram diligitis, non omittatis. Nos autem id quod eis a retro est de venacione predicta ibi vel alibi tempore oportuno eis habere faciemus. Teste rege apud Windes' xxviij. die Septembris.
De roboribus datis.—Mandatum est Rogero de Clifford', justiciario foreste citra Trentam, quod in foresta de Wichewod' faciat habere Hugoni de Plessetis tria robora ad focum suum de dono regis. Teste ut supra.
De robis datis.—Mandatum est Ricardo de Ewell et Hugoni de Turri, emptoribus garderobe regis, quod habere faciant Henrico attiliatori balistarum regis in castro de Windes', Thome Burnel, custodi operacionum in eodem castro, Willelmo de Blaunton' et Nicholao de Tony, servientibus regis commorantibus in municione castri predicti, robas suas de termino Pentecostes proximo preterito sicut eas habere consueverunt. Teste ut supra.
De panno ad opus diversarum priorissarum.—Mandatum est Ricardo de Ewell et Hugoni de Turri, emptoribus garderobe regis, quod faciant habere priorissis et monialibus de Bromhal', Ankerwyk' et Keleburn' pannum ad mantella, tunicas et camisias hac vice de gracia regis speciali. Teste rege apud Windes' xxviij. die Septembris.
De roba data.—Mandatum est eisdem quod habere faciant magistro Waltero, pictori regis, unam robam hac vice de dono regis. Teste ut supra.
De vinis arestandis.—Quia rex intellexit pro certo quod quedam navis vinis carcata jam applicuit Lond', mandatum est Reginaldo de Suff' camerario suo London' quod vina illa sine dilacione arestari et ad opus regis salvo custodiri faciat, donec rex aliud inde preceperit. Teste ut supra.
De robis datis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanne, uxori Radulphi de Gorges valletti regis, ancille sue et pueris ejusdem Radulphi robas hac vice de dono regis. Teste ut supra.
De quercubus datis.—Mandatum est custodi foreste de Wind' quod in eadem foresta predicta faciat habere priorisse de Bromhal' sex quercus ad maeremium de dono regis. Teste ut supra.
De robis datis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanni de Marys et Willelmo del Pek', servientibus regis, duas robas hac vice de dono regis. Teste rege apud Windes' xxx. die Septembris.
De quercubus datis.—Mandatum est custodi foreste de Aleisholt quod in foresta predicta faciat habere Willelmo de Ginetines duas quercus ad maeremium de dono regis. Teste rege apud Windes' xxx. die Septembris.
De roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Thome de Waltham unam robam hac vice de dono regis. Teste ut supra.