Close Rolls, March 1271

Close Rolls, March 1271

Mandatum est Willelmo de Plessetis, custodi forreste de Selewode, quod in bosco de Charthus, qui est infra forestam predictam, capiat ad opus regis una cum Willelmo Braunche duodecim capriolos vivos, et prefato Willelmo Braunch' liberari faciat custodiendos donec rex aliud inde perceperit. Teste rege apud Westmonasterium iiij^to. die Marcii.

Mandatum est Rogero de Cliff' juniori, justiciario foreste citra Trentam, quod habere faciat constabulario castri regis de Marleberge' quadraginta quercus in foresta de Savernak' et sex quercus in bosco de Sugrave, qui est infra forestam predictam, ad magnum vivarium regis de Marleberge inde reparandum. Teste ut supra.

Rex vicecomiti Glouc' salutem. Scias quod dedimus respectum dilecto et fideli nostro Roberto Waleraund' usque a die Pasche in unum mensem de trescentis libris, quas ab eo exigis per summonicionem scaccarii nostri pro quadam transgressione eidem Roberto et ballivis suis imposita de tempore quo habuit custodiam foreste nostre de Dene. Et ideo tibi precipimus quod demandam quam eidem Roberto facis occasione predicta interim relaxes. Et averia sua ea occasione capta interim deliberari facias. Teste rege apud Westmonasterium vj. die Marcii.

Rex baronibus suis de scaccario salutem. Sciatis quod dilecti nobis in Christo prior et conventus Sancti Jacobi extra Norhampt' liberaverunt in garderoba nostra Petro de Winton', custodi ejusdem, die Veneris proxima post festum beati Cuthberti apud Westmonasterium anno etc. liiij^to. sex libras tresdecim solidos et quatuor denarios, per quos finem fecerunt nobiscum pro custodia domus sue in ultima vacacione ejusdem habenda. Et ideo vobis mandamus quod predictos priorem et conventum de predictis sex libris tresdecim solidis et quatuor denariis quietos esse faciatis. Teste rege apud Westmonasterium viij. die Marcii.

Rex baronibus suis de scaccario salutem. Sciatis quod dilectus nobis in Christo abbas de Bello liberavit in garderoba nostra magistro Henrico de Gandavo, quondam custodi ejusdem garderobe, apud Bellum die Dominica in crastino Invencionis Sancte Crucis anno regni nostri quadragesimo octavo, sexaginta et sex libras tresdecim solidos et quatuor denarios de dono ipsius abbatis. Et ideo vobis mandamus quod predictum abbatem de predictis sexaginta et sex libris tresdecim solidis et quatuor denariis quietum esse faciatis. Teste ut supra.

Ricardus West de Scarhou, captus et detentus in prisona Linc' pro morte Walteri de Thoft unde appellatus est, habet litteras regis vicecomiti Linc' quod ponatur per ballium. Teste ut supra.

Rex majori et vicecomitibus London' salutem. Cum per fortunatam oppressionem virorum et mulierum, que per ruinam ecclesie Beate Marie de Arcubus et cujusdam domus prioris et conventus ecclesie Christi Cantuar' nuper accidit in vico de Westchep', petram, maeremium, plumbum et omnia alia ejusdem domus tamquam Deo danda ceperitis in manum nostram nos, eisdem priori et conventui graciam facere volentes ad presens, dedimus et concessimus eisdem petram, maeremium, plumbum et omnia alia ejusdem domus que dicta occasione cepistis in manum nostram, de gracia nostra speciali. Et ideo vobis mandamus quod eisdem priori et conventui petram, maeremium, plumbum et omnia alia ejusdem domus in manum nostram capta occasione predicta restitui faciatis de dono nostro. Teste me ipso apud Westmonasterium xij. die Marcii anno lv^to.

Mandatum est custodi foreste inter pontes Oxon' et Stamford' quod in foresta de Clyve faciat habere Elye de Bekyingham duas quercus ad maeremium de dono regis. Teste ut supra.

Rex baronibus de scaccario salutem. Sciatis quod Roulandus de Axstede satisfecit dilecto valletto nostro Ricardo de Waldesheff' de quindecim libris in quibus nobis tenebatur ad scaccarium nostrum pro relevio suo, et quas eidem Ricardo dedimus de gracia nostra speciali. Et ideo vobis mandamus quod ipsum Roulandum de predictis quindecim libris quietum esse faciatis. Teste ut supra.

Rex majori et ballivis suis de Lenn' salutem. Cum vos occasione contencionis habite inter nos et comitissam Flandr' quinquaginta saccos lane qui sunt Johannis Brunstayn de Colon' et Gerardi Quatremars socii sui infra villam vestram feceritis arrestari, ac iidem Johannes et Gerardus parati sunt ostendere quod non sunt de Flandr' nec quod aliqui de Flandr' partem habeant in eadem lana, et quidam ex parte ipsorum Johannis et Gerardi nos rogaverunt quod, si ita sit, dictam lanam deliberari jubeamus et eisdem Johanni et Gerardo concedamus quod comodum suum infra regnum nostrum Anglie inde facere possint, vobis mandamus quod, si vobis manifeste constare poterit quod non sunt de Flandr' nec aliqui de Flandr' partem habeant in eadem lana, tunc accepta sufficienti securitate, de qua vos ipsi volueritis respondere, quod ipsi lanam predictam vendent in regno nostro et extra illud eam non ducent, dictos quinquaginta saccos lane per vos, si ob causam predictam et non aliam eos arrestaveritis, dictis Johanni et Gerardo sine dilacione aliqua deliberari faciatis ad comodum suum inde faciendum in forma predicta. Teste ut supra.

Eodem modo mandatum est pro eisdem ballivis de Gernemuth' de quadraginta et quinque saccis lane.

Rex baronibus suis de scaccario salutem. Sciatis quod perdonavimus magistro Rogero de Grene archidiacono Wiltes' centum solidos ad quos amerciatus fuit coram dilecto et fideli nostro Rogero de Cliff' et sociis suis, justiciariis nostris ultimo itinerantibus ad placita foreste in comitatu Wiltes', pro defalta. Et ideo vobis mandamus quod predictum Rogerum de predictis centum solidis quietum esse faciatis. Teste ut supra.

Mandatum est Galfrido de Nevill', justiciario foreste ultra Trentam, quod in forresta de Ingelwode faciat habere R. Karleolensi episcopo viginti quercus ad maeremium ad emendacionem turris nostre et domorum nostrarum infra castrum nostrum Karlioly. Teste rege apud Westmonasterium xxij. die Marcii.

Mandatum est Ricardo de Ewell' et Willelmo de Arundel', emptoribus garderobe regis, quod habere faciant Johanni de Colecestre, elemosinario regis, pannum ad centum et quinqua ginta et decem paria sotularium ad mandatum nostrum et regine nostre contra festum Pasche inde facienda. Teste ut supra.

[Schedule.]

Henricus dei gracia etc. vicecomiti Norhumbr' salutem. Monstraverunt nobis Willelmus de Graystok et Maria uxor ejus filia et una heredum Rogeri de Merley nuper defuncti, qui de nobis tenuit in capite, graviter conquerendo quod Robertus de Evere et Isabella uxor ejus, filia et altera heredum predicti Rogeri, nuper post mortem Alicie sororis et coheredis dictarum Marie et Isabelle antequam particio fieret inter eosdem Willelmum et Mariam et prefatos Robertum et Isabellam de parte (fn. 1) hereditatis predicte dictam Aliciam contingente, in quosdam parcos et boscos ad hereditatem predictam in comitatu predicto pertinentes se intruserunt non permittentes predictos Willelmum et Mariam sufficientem partem suam ipsos inde contingentem habere, et predictus Robertus in presencia nostra constitutus dicebat quod jam tribus annis elapsis de assensu et voluntate predictorum Willelmi et Marie facta fuit particio inter eos de boscis et parcis predictis et pars eos inde contingentes eisdem assignata, quam hucusque pacifice tenuerunt et adhuc tenent. Nos igitur, qui singulis de regno nostro et maxime hiis qui de nobis tenent in capite in exhibicionem justicie sumus debitores, super hoc certiorari et partibus in hac parte plenam justiciam exhiberi volentes, tibi precipimus quod partibus predictis scire facias ex parte nostro quod veniant coram nobis a die Pasche in unum mensem ubicunque tunc fuerimus in Anglia ad faciendum et recipiendum in premissis justicie complementum secundum legem et consuetudinem regni nostri. Et habeas ibi hoc breve. Teste me ipso apud Westmonasterium iiij. die Marcii anno regni nostri lv^to.
(Endorsed.) Robertus de Evre attornavit loco suo Adam Barn et Gilbertum filium Nicholai de Castro Bernardi ad faciendum et recipiendum pro eo coram domino rege versus Willelmum de Greystok' et Mariam uxorem ejus justicie complementum prout plenius continetur in brevi.

Mandatum est Rogero de Cliff', justiciario foreste citra Trentam, quod in foresta de Axisholt faciat habere magistro Willelmo de Monemuth' duodecim quercus ad maeremium de dono regis. Teste ut supra (xxij. die Marcii).

Rex senescallo foreste inter pontes Oxon' et Stamf' salutem. Cum molendina nostra Oxonie' que sunt in custodia regine consortis nostre Alyanore regine Anglie ex commissione nostra reparacione et emendacione adpresens indigeant ut accepimus, vobis mandamus quod in forresta nostra de Shotovre habere faciatis custodi molendinorum predictorum tres quercus ad maeremium et ad reparacionem et emendacionem eorundem. Teste ut supra.

Rex vicecomiti Essex' salutem. Quia justiciarii ad placita foreste in comitatu tuo assignati citra Pentecosten proximo futurum in eodem comitatu itinerare non possunt, tibi precipimus quod scire facias archiepiscopis, episcopis, abbatibus, prioribus, comitibus, baronibus et aliis de balliva tua, qui coram justiciariis predictis venire debent, quod in aliquo loco propter hoc non conveniant, donec aliud inde habuerint in mandatis. Teste rege apud Westmonasterium xxvj. die Marcii.

Hugo Seman, captus et detentus in prisona regis de Hurle pro morte cujusdam hominis ignoti unde rettatus est, habet litteras regis vicecomiti Berk' quod ponatur per ballium. Teste ut supra.

Rex baronibus suis de scaccario salutem. Sciatis quod perdonavimus dilecto et fideli nostro Stephano de Eddeworth', senescallo hospicii nostri, duas marcas que ab ipso exiguntur per summonicionem scaccarii nostri, scilicet unam marcam per quam finem fecet (sic) nobiscum pro quadam inquisicione et uno brevi habendis, dimidiam marcam pro licencia concordandi, et dimidiam marcam pro eo quod retraxit se. Et ideo vobis mandamus quod predictum Stephanum de predictis duabus marcis quietum esse faciatis. Teste rege apud Westmonasterium xxviij. die Marcii.