Close Rolls, August 1271

Close Rolls, August 1271

[m. 2d.]

Noverint universi ad quos presens scriptum pervenerit quod nos Salamon, Galfridus, Henricus, Willelmus, Robertus, Thomas et Johannes, filii Willelmi filii Salamonis de Wytherinton', dimisimus, concessimus et penitus quietumclamavimus de nobis et heredibus nostris Simoni filio Benedicte filie Simonis de Beneford' totum jus et clamium nostrum et quicquid juris nobis accidit hereditarie vel accidere poterit post decessum Radulphi de Bruneford' quondam proavi nostri vel ejus heredum in parochia de Wy, ut in terris, tenementis, mesuagiis, redditibus, releviis, escaetis, viis, semitis, pratis, pascuis, pasturis, aquis, molendinis, communiis, exitibus et omnibus aliis aisiamentis, absque ullo nostri vel heredum nostrorum inde retenemento; ita, videlicet, quod nos vel heredes nostri sue aliquis nomine nostro pro nobis vel heredibus nostris aliquid juris clamii vel proprietatis in predictis terris et tenementis cum pertinenciis versus predictum Simonem vel ejus heredes futuris temporibus exigere, clamare, vendicare vel habere poterimus nec debemus. Et, quia volumus et concedimus pro nobis et heredibus nostris quod predictus Simon et heredes sui et ejus assignati in omnibus et per omnia, ut predictum est, liberi, quieti, soluti sint et inmunes imperpetuum, presens scriptum sigillis nostris fecimus consignari die Sabbati proxima post Nativitatem Sancti Johannis Baptiste anno regni regis Henrici filii regis Johannis quinquagesimo quinto: hiis testibus, Johanne de Halibergh', Simone Payable, Radulpho Derby, Thoma de Shorn', Reginaldo pistore, Thoma Brunman, Johanne fratre suo, Johanne Sparwe, Willelmo clerico, et aliis. Teste rege apud Westmonasterium xx. die Augusti.

Johannes le Rus venit coram rege die Sabbatis proxima ante festum Sancti Bartholomei Apostoli et petiit terram Margerie de Cantylupo in Burleye eidem Margerie replegiari, que capta est in manum regis propter defaltam quam dicta Margeria fecit in curia regis coram justiciariis regis de banco versus Galfridum de Langele, ut dicitur. Teste ut supra.

Hugo le Taylur venit coram rege die Veneris proxima post festum Assumpcionis Beate Marie et petiit terram Willelmi de Deneston' et Agnetis uxoris in Hopton' eisdem Willelmo et Agneti replegiari, que capta est in manum regis propter defaltam quam iidem Willelmus et Agnes fecerunt coram justiciariis de banco in curia regis versus Margeriam que fuit uxor Thome de Hopton', ut dicitur. Teste rege apud Westmonasterium xxj. die Augusti.

Henricus de Billingburg', senescallus bederne Beverlaci, habet quietanciam de communi summonicione in comitatu Linc'. Teste ut supra.

Adam de Lichefeld', civis et mercator London', recognovit se debere Johanni de Wytham' capellano et aliis executoribus testamenti Roberti de Wautham septem libras, unde solvet eis sexaginta et decem solidos in festo Sancti Michaelis proximo futuro, et residuos sexaginta et decem solidos a die Pasche in unum mensem proximo futurum. (fn. 1) Et, nisi fecerit, concessit quod dicta pecunia levetur de terris et catallis suis in civitate London'. Teste rege apud Westmonasterium xxv. die Augusti.

Willelmus de Appelford' recognovit se debere Lambyno de Langham quinquaginta et novem solidos, solvendos eidem, unam videlicet medietatem in festo Sancti Michaelis proximo futuro, et aliam medietatem in festo Pasche proximo sequenti. Et, nisi fecerit, concessit quod dicta pecunia levetur de terris et catallis suis in comitatibus Essex', Cant' et Suff'. Teste ut supra.