Close Rolls, August 1272

Close Rolls, August 1272

Memorandum quod Thomas de Westmonasterio venit in cancellaria regis et remisit et quietumclamavit Roberto Burnell', archidiacono Ebor', totum jus et clamium quod habuit vel aliquo modo habere potuit in domibus illis cum pertinenciis, que fuerunt Edwardi de Westmonasterio patris sui in villa Westmonasterii', et in terra illa cum pertinenciis, que fuit ipsius Edwardi in Enefeud', quas quidem domos et terram prefatus Robertus Burnell' emit de magistro Odone de Westmonasterio filio et heredi predicti Edwardi et fratris predicti Thome. Concessit eciam idem Thomas pro se et heredibus suis quod predictus Robertus et heredes sui habeant et teneant predictas domos et terram cum omnibus pertinenciis suis de predicto Odone et heredibus suis quietas sine reclamacione vel impedimento ipsius Thome vel heredum suorum imperpetuum. Teste rege apud Westmonasterium iij. die Augusti.

Hec est convencio facta inter dominum Stephanum de Eddeworth' et Julianam uxorem ejus ex parte una, et Rosamundam filiam Johannis de Ernham ex altera, videlicet quod predicta Rosamunda concessit et dimisit predictis Stephano et Juliane uxori sue totum tenementum quod habuit vel habere potuit in villis de Froyle et Nortfroyle et Ernham cum homagiis, redditibus, boscis, parcis, pascuis, pasturis et omnibus aliis pertinenciis suis sine ullo retenemento, salvo dicte Royse et heredibus suis capitali mesuagio integre in predicta villa de Froyle, habendum et tenendum dictis Stephano et Juliane et heredibus predicti Stephani de predicta Rosamunda et heredibus ipsius Rosamunde totum predictum tenementum cum omnibus pertinenciis suis libere et quiete, bene et in pace imperpetuum, reddendo inde annuatim dicte Rosamunde unam marcam ad festum Sancti Michaelis, quamdiu Margeria mater ipsius Rosamunde vixerit, et unam robam per annum ad totam vitam ipsius Rosamunde et post obitum ipsius Rosamunde unum obolum (fn. 1) ipsius Rosamunde pro omni servicio seculari et demanda, faciendo eciam capitali domino feodi illius servicia debita et consueta que ad predictum tenementum pertinent. Et predicta Rosamunda et heredes sui warantizabunt et acquietabunt predictis Stephano et Juliane et heredibus ipsius Stephani totum predictum tenementum cum omnibus pertinenciis, sicut predictum est, pro predicto servicio contra omnes homines, judeos et christianos. Pro hac autem concessione dimissione predicti Stephanus et Juliana dederunt predicte Rosamunde centum et decem libras argenti pre manibus ad acquietandum ipsam de debito quod Willelmus de Somerfeld ab ea exhigebat pro predicto tenemento. Ut autem ista convencio, concessio et dimissio rata et stabilis imperpetuum permaneat, presentibus cartis in modum cyrograffi confectis ambe partes alternatim sigilla sua apposuerunt, hiis testibus, domino Willelmo de Wintreshull', senescallo domini regis, dominis Radulpho de Bakepuz, Galfrido de Percy, Rogero de Wauton', Willelmo de Faukham, Waltero de Burges, magistro Henrico Wade, Henrico de Norwyz, Johanne de Somersete, Johanne le Rus, Radulpho le Avener, Willelmo de Plumpton' et Ricardo le Blund, servientibus domini regis, et aliis. Data die Veneris proxima post festum Sancti Petri ad Vincula anno regni regis Henrici filii regis Johannis lvj. (Cancelled) Memorandum quod iidem Stephanus et Juliana venerunt in cancellaria regis et concesserunt quod recognicio illa deleatur et pro nulla penitus habeatur. Similiter concessit prefata Rosamunda pro se.

Henricus Jakes venit coram rege die Marcii in vigilia Sancti Laurencii et petiit terram Roberti Lovel sibi replegiari in Brutton' pro defalta quam fecit in curia regis versus priorem de Brutton'.

Robertus Burnedish' venit coram rege die Sabati proxima ante festum Sancti Mathei sibi replegiari, que capta fuit in manum regis propter defaltam quam idem Robertus versus Matillem de Bekinggt, ut dicitur.

Subscripti habent quietanciam de communi summonicione in comitatu Buk'.
Abbas de Sancto Albano.

[m. 6d.]

Rex dilectis sibi in Christo decano et capitulo Dubn' salutem. Cum dudum concessissemus dilecto clerico nostro, magistro Willelmo de Bakepuz, quod sibi de ecclesia, prebenda vel alio beneficio ecclesiastico, quod duxerit acceptandum et quod ad advocacionem nostram racione crocearum terre Hibernie in manu nostra existentium pertinere posset, quamcito facultas ad hoc se offeuret (sic), provideremus eidem, per quod dedimus potestatem dilectis et fidelibus nostris justiciario Hibernie et cancellario terre predicte per litteras nostras patentes prefato magistro Willelmo de hujusmodi beneficio, cum vacaverit, providere, et illud sibi nomine nostro assignare, et prefati justiciarius et cancellarius vacante postmodum in ecclesia predicta Dunelm' (sic) prebenda, que fuit magistri Johannis de Frissenona defuncti et ad nostram donacionem spectante racione archiepiscopatus Dunelm' (sic) vacantis et in manu nostra existentis eandem prebendam prefato Willelmo juxta potestatem eis in hac parte traditam assignaverint, et ipsum per vos in possessionem ejusdem induci fecerunt, prout moris est, in ecclesia predicta, nos, non recolentes de concessione prefato clerico nostro per vos in hac parte facta, eandem prebendam magistro Willelmo de Masticone postmodum concessimus et vobis per litteras nostras mandavimus quod eidem stallum in choro et locum in capitulo racione prebende predicte faceretis assignari; cumque prefatus magister Willelmus de Bakepuz ad nos postmodum accedens litteras nostras patentes super hujusmodi assignacione per vos sibi facienda prius factas nec non litteras sigillo capituli vestri signatas possessionem suam de prebenda predicta ante assignacionem predictam sibi ad mandatum nostrum de prebenda predicta factam, ut predictum est, acceptaremus et concessionem prefato magistro Willelmo de Masticone in hac parte tanquam minus rite factam faceremus revocari, nos ipsius precibus in hac parte condescendentes et volentes quod concessio nostra sibi prius facta robur optineat firmitatis, vobis mandamus quod occasione mandati nostri vobis pro prefato magistro Willelmo de Masticone postmodum directi contra predictum magistrum Willelmum de Bakepuz quoad prebendam predictam nichil penitus attemptetis set ipsum possessione sua ejusdem prebende gaudere permittatis juxta assignacionem vestram et concessionem nostram supradictam. Teste rege apud Lopham xiij. die Septembris. Per consilium et fratrem Johannem.

[m. 5d.]

Memorandum quod magister Johannes de Chishull', decanus Sancti Pauli London', Benedictus de Blakenham, Galfridus de Neubaud et Willelmus de Renges manuceperunt coram rege quod Robertus de Raleye, quondam ballivus Galfridi de Leziniaco, fratris regis, quod idem Robertus adibit prefatum Galfridum citra festum Omnium Sanctorum proximo futurum ad reddendum compotum suum de tempore quo fuit ballivus et receptor prefati Galfridi in Anglia et Hibernia et ad faciendum voluntatem prefati Galfridi, prout inde racionabiliter fuerit faciendum. Teste rege apud Westmonasterium x. die Augusti.
Consimilem manucapcionem fecit Jordanus de Sakevill' pro eodem Roberto.

Memorandum quod Jacobus de Aldeth', filius Jacobi de Aldeleth', venit in cancellaria regis et fecit fidelitatem domino Edwardo de manerio de la Newehalle quod tenetur de predicto domino Edwardo de honore Cestrie, et recognovit quod faciet eidem Edwardo servicia inde debita et consueta; et invenit manucaptorem G., comitem Glouc' et Hertford, quod idem Jacobus veniet coram domino Edwardo in proximo adventu in Anglia ad faciendum eidem E. homagium suum de manerio predicto.

Memorandum quod Johannes de Lymare venit coram rege et posuit Ricardum de Staunford', clericum, attornatum suum, ad recipiendum nomine suo id quod eidem Johanni a retro est de centum libris quas rex ei concessit ad expensas suas de finibus et amerciamentis factis coram Willelmo de Sancto Omero et sociis suis, justiciariis ad placita de terris datis etc. et ad plenam quietanciam faciendam illis a quibus dictam pecuniam recipiet, prout melius viderit expedire.

Memorandum quod Thomas Ede, Henricus Edrid, Johannes Osemund, Elias Edrid et Ricardus Malin venerunt coram rege die Mercurii proxima post festum Assumpcionis Beate Marie et petierunt terram suam in Stratton' sibi replegiari, que capta fuit in manum regis propter defaltam quam fecerunt coram justiciariis de banco in curia regis versus Dionisiam, que fuit uxor Johannis Del et alios, ut dicitur.

Memorandum quod Rogerus Extraneus recognovit se debere Alienore, regine Anglie, ducentas libras, solvendas ad opus Constancie, que fuit uxor Henrici de Alemannia, in quindena Sancti Michaelis proximo futura. Et, nisi fecerit, concessit quod dicta pecunia levetur de terris et catallis suis in comitatibus Ebor', Linc', Sallop' et alibi.

Galfridus Whiting' venit coram rege die Jovis proxima post festum Assumpcionis Beate Marie proximo preterito (sic) et petiit terram suam in Bolteford' sibi replegiari, que capta est etc. propter defaltam quam idem Galfridus fecit versus Florenciam, que fuit uxor Luciani Fiz Dou, ut dicitur.

Johannes de Bereweholt venit coram rege die Dominica proxima ante festum Sancti Bartholomei et petiit terram Thome de Sancto Martino in Colingburn' eidem Thome replegiari, que capta est etc. propter defaltam quam fecit versus Willelmum Heringaud', ut dicitur. Teste rege apud Havering' xxj. die Augusti.

Ricardus le Keu venit coram rege die Veneris proxima post festum Sancti Bartholomei apostoli et petiit terram suam in Wodeweston' et terram Willelmi Goscelin, Marie uxoris ejus, Augustini le Freman et Johannis filii ejus eisdem sibi replegiari, que capta fuit in manum regis propter defaltam quam fecerunt in curia regis.

Memorandum quod rex concessit Galfrido Norman, capellano suo, illos tres denarios diurnos quos Silvester de Sydyngburn', capellanus, defunctus, in vita sua de firma hundredi de Middelton' percipere consuevit, si fuerint de elemosina regis constituta. Teste rege apud Havering' xxv. die Augusti.