Close Rolls, January 1232

Close Rolls, January 1232

Et Thome de Muleton' et sociis suis quod eum ad hoc admittant tanquam socium. Teste rege apud Westmonasterium, xxij. die Januarii.

Not'.—Prior de Blie attornavit Reginaldum de Blie contra Ricardum filium Walteri petentem, de iij. bovatis terre in Barneby.

Rex priori de Spalding' salutem. Significavit nobis venerabilis pater H. Elyensis episcopus quod, cum quidam de hominibus suis, Adam filius Willelmi de Tyd nomine, transitum faceret per Spalding' cum duobus animalibus que duxerat ad vendendum, baillivi vestri eum ceperunt et incarceraverunt; postea veniens quidam de hominibus vestris, Ailrich' de Spalding', predictum apellavit in curia vestra, imponens ei quod animalia predicta furtim abduxit, de quo, cum idem Adam vocaret ad warantum Willelmum Urre, quendam alium de hominibus vestris, ipsum ad warantum habere non potest. Et ideo vobis mandamus firmiter injungentes quod predictum Willelmum Urre, quem idem Adam de predictis animalibus vocat ad warantum, in curiam vestram venire faciatis, et secundum legem et consuetudinem regni nostri in predicta curia nostra ipsum Adam juste deduci faciatis, scituri quod, nisi id feceris, precepimus vicecomiti nostro Linc' quod id fieri faciat. Teste ipso rege apud Wynd', ix. die Januarii, anno xvj.

Et mandatum est vicecomiti Linc' quod si id facere prior noluerit, id in curia ipsius prioris exequatur.

[m. 16d.]

Devonia.—Simon de Furnell' attornavit Henricum Dublepere contra Johannem filium Galfridi petentem, de consuetudinibus et serviciis etc. in Morton'.

Surr'.—Amabilis de Watevill' attornavit Radulfum de Watevill' et Walterum de Inglesham versus Johannem de Imeworth' de tenemento in Chelesham.

Suhamt'.—Milo de Bello Campo attornavit Robertum de Mamefeld' contra Gilebertum le Bret deforciantem, de consuetudinibus et serviciis etc. in Tichefeld.'

Suff'.—Margareta de Ripariis attornavit Hubertum filium Benedicti contra Willelmum de Amblie deforciantem, de consuetudinibus etc. in Elmeshet' et in Surmesham.

Suhamt'.—Matheus Turpin attornavit Walterum de Pourton' etc. inter ipsum Matheum et Annoram uxorem ejus petentes, et Johannem de Manebrug' tenentem, de dimidia carucata terre cum pertinentiis in Samenhurst.'

Devonia.—Willelmus de Perecot attornavit Godefridum de Garinges et Ricardum Benfet contra Edinam que fuit uxor Andree filii Ricardi petentem, de tercia parte feodi j. militis in Morthet'.

[m. 15d]

Rex assignavit Johannem Extraneum et Johannem filium Alani ad emendas faciendas ex parte regis de interceptionibus factis in comitatu Salopie Lewelino etc. et imprisiis suis infra treugas ultimo captas inter regem et predictum L., et ad emendas recipiendas a ballivis predicti L., qui eis occurrent apud Crucem Griffini die Lune in octabis Purificationis anno etc. xvj. de interceptionibus factis regi et imprisiis suis per predictum L. et imprisios suos infra treugas predictas. Et mandatum est Johanni filio Alani quod ad diem illum sit apud Crucem Griffini in occursum predictorum ballivorum ad emendas faciendas et recipiendas, ea diligentia circa idem negotium laborantes, quod pro defectu sui non contingat predictas treugas infringi. Mandavit quidem rex Thome Corbet, de quo predictus L. et imprisii sui conqueruntur, amplius quod dictis die et loco intersit emendis predictis faciendis. Teste rege apud Westmonasterium, xxiij. die Januarii.
Et mandatum est predicto Thome etc.

Patentes.—Et mandatum est ballivis predicti L. qui illuc venturi sunt ad diem illum, quod rex mittit ad partes Marchie magistrum Alexandrum de Swereford' et Nicholaum de Molis ad emendas faciendas (fn. 1) et recipiendas de interceptionibus factis infra predictas treugas. In cujus etc.

Clause.—R. comiti Cornubie et ballivis suis et ballivis de Castro Matildis, quod sint ibidem dictis die et loco ad predictas emendas faciendas et recipiendas.

Mandatum est vicecomiti Kancie quod per totum comitatum suum clamari faciat quod nullus adeo sit audax, quod manum mittat ad res et catalla clericorum Romanorum in balliva sua, nec procuratorum eorundem, nec ad res et catalla W. electi Valensis, filii comitis de Saveye, nec in aliquo eis forisfaciat. Mittat etiam idem vicecomes servientes suos usque Raculf', redditum predicti electi, et usque redditus quos abbas Sancti Augustini, Kantuarie, tenet ad firmam a clericis Romanis in balliva sua, et si aliquos invenerit blada ipsius electi vel Romanorum predictorum que sunt in custodia ipsius abbatis vel aliorum triturantes, corpora eorum arestari et salvo custodiri faciat, donec a rege aliud habuerit mandatum. Teste rege apud Westmonasterium, iij. die Januarii.

Memorandum quod Thome de Muleton', uni justiciariorum itinerantium in comitatu Kancie, liberatum fuit privilegium quoddam regi indultum a domino Papa, ne prelati in justiciarios itinerantes, vicecomites et ballivos presumant promulgare, monitione canonica non premissa. Et. reddet idem Thomas idem privilegium domino cancellario. (fn. 2)

Rex P. duci Britannie et comiti Richem' salutem. Sciatis quod de adventu vestro, de quo rumores audivimus, hilares effecti sumus et jocundi, vobis signantes quod bene veneritis. Et ut manifeste constet vobis quod inde plurimum gratulamur, mittimus in occursum vestrum dilectum et fidelem nostrum Philippum de Albin', Johannem filium Philippi, senescallum nostrum, et Willelmum Hardel, qui vos, sicut decet, ad nos honorifice conducant. Volumus quidem quod a die applicationis vestre modis omnibus sitis ad custum nostrum in veniendo ad nos et nobiscum morando quamdiu fueritis in Anglia; et vos rogamus quatenus id benigne fieri permittatis, scituri quod, nisi id feceritis, inhibuimus omnibus ballivis nostris per quos transitum facturi estis, quod nullum genus victualium ad opus vestrum vendi permittant. Teste rege apud Lamh,' xvj. die Januarii.

Et mandatum est vicecomitibus Devonie, Sumers' et Dors', Suhamt', Sussex', Kancie, quod si idem comes in aliquo portu de ballivis suis applicuerit et per ballivas suas transitum fecerit, prohiberi faciant in locis, per que transibit, quod nullus aliquod genus victualium ei vendat, sicut se voluerit indempnem servare; et intendentes sint predictis fidelibus regis quamdiu fuerint in ballivis suis ad ipsum comitem honorandum et ad inveniendum ei que ei fuerint necessaria, sicut ipsi eis dicent ex parte regis. Teste ut supra.

Buk'.—Ricardus de Amundevill' ponit loco suo Thomam de Monte et Philippum le Moyne versus Reginaldum de Fraxino de una virgata terre in Thornberg'; et versus Philippam, que fuit uxor Willelmi de Fraxino, de una virgata terre in eadem villa.

Essex'.—Roesia de Rupella attornavit Willelmum Antioch' etc. contra Robertum de Rupella et Aliciam de Rupella de duabus carucatis terre et uno molendino in Wydipet; et contra Robertum de Rupella de lxxiiij. acris terre in Elmedon'; et contra Aliciam de Rupella de lxxiij. acris terre in eadem villa; et contra Henricum de Rupella de xx. acris terre in eadem villa; et contra Radulfum de Norf' de v. acris terre in eadem villa; et contra Adam Cappe de j. acra terre in eadem villa; et contra Godefridum Frost de tribus acris terre in eadem villa; et contra Johannem Slepere de j. acra terre in eadem villa; et contra Editham, que fuit uxor Willelmi Goiz, de j. acra terre in eadem villa; et contra Paganum Revil de dimidia acre terre in eadem villa; et contra Ricardum Modipintel de j. mesuagio in eadem villa; et contra Aliciam de Rupella de j. carucata terre et duabus acris bosci in Wetheref'; et contra Robertum de Rupella de iiij. acris bosci in eadem villa; et contra Robertum de Rupella de xxvj. acris et duabus partibus j. acre terre, et viij. acris bosci et v. acris et duabus partibus dimidie acre prati in Sparhaueseie; et contra Aliciam de Rupella de xiij. acris et tercia parte j. acre terre et quatuor acris bosci et duabus acris et dimidia et tercia parte dimidie acre prati in eadem villa; et contra Nicholaum de Crevequer' et Laderenam uxorem ejus de quater viginti acris terre et quatuor acris prati in eadem villa.