Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.
This premium content was digitised by double rekeying. All rights reserved.
'Close Rolls, February 1232', in Calendar of Close Rolls, Henry III: Volume 2, 1231-1234, (London, 1905) pp. 129-134. British History Online https://www.british-history.ac.uk/cal-close-rolls/hen3/vol2/pp129-134 [accessed 19 April 2024]
Close Rolls, February 1232
[m. 14d.]
Rex dilecto et fideli suo Fulconi Baignard'. Sciatis quod
assignavimus vos, una cum dilecto et fideli nostro Rogero filio
Osberti, ad esscaetas et wardas nostras comitatus Norf' custodiendas,
et ad respondendum inde nobis ad Scaccarium nostrum. Et
mandavimus vicecomiti nostro Norf' et Suff' quod vobis et predicto
Rogero de escaetis de escaetis (sic) nostris et wardis quotiens acciderint
in predicto comitatu Norf', plenam saisinam habere faciat, sicut
predictum est, et quod de vobis et ipso Rogero in pleno comitatu
suo sacramentum recipiat quod fideliter dictas escaetas et wardas
custodietis et nobis inde respondebitis. Et ideo vobis mandamus
quod ad hoc fideliter intendatis, et super eadem sacramentum nobis
prestetis, sicut predictum est; ita quod fidelitatem vestram merito
debeamus habere commendatam. Teste me ipso apud Westmonasterium, viij. die Februarii.
Eodem modo scribitur predicto Rogero filio Osberti.
Rex vicecomiti Norf' et Suff', salutem. Sciatis quod assignavimus dilectos et fideles nostros Fulconem Baynard' et Rogerum filium Osberti ad escaetas et wardas nostras comitatus Norf', et Willelmum de Ambel' et Hugonem Talemasch' ad escaetas et wardas nostras comitatus Suff' custodiendas, et ad respondendum inde nobis ad Scaccarium nostrum. Et ideo tibi precipimus quod de escaetis et wardis predictis quotiens acciderint, plenam eis saisinam habere facias, sicut predictum est, faciens ipsos similiter jurare in pleno comitatu tuo proximo post suscepcionem litterarum istarum, sicut eis damus in mandatis per litteras nostras quas tibi mittimus eis porrigendas, quod ipsi fideliter dictas escaetas et wardas nostras custodient et nobis ad Scaccarium nostrum respondebunt. Teste ut proximo superius.
| Norhumbria | Johannes le Viscunte. | ||
| Jordanus Heyron. | |||
| Cumbria | Ricardus de Levington'. | ||
| Radulfus de la Ferte. | |||
| Lanc' | Rogerus Gernet. | ||
| Galfridus Balistarius. | |||
| Eboracum | Walterus de Percy. | ||
| Willelmus le Cunstabl'. | |||
| Noting' et Dereb' | Willelmus de Cressy. | ||
| Hugo filius Radulfi. | |||
| Suff' | Willelmus de Ambelye. | ||
| Hugo Talemasch.' | |||
| Linc' | Simon de Roppesl'. | ||
| Willelmus de Rowell'. | |||
| Leic' | Willelmus Basset. | ||
| Willelmus de Folevill.' | |||
| War' | Johannes de Lodbroc'. | ||
| Willelmus de Bissopesdon'. | |||
| Wigornia | Eudo de Bello Campo. | ||
| Hugo le Poher. | |||
| Saff' (sic) | Robertus de Cnicteleg'. | ||
| Stephanus Meverel. | |||
| Salopia | Vivianus de Roshal'. | ||
| Herebertus Mauveisin. | |||
| Heref' | Ricardus de Pancefot. | ||
| Nicholaus le Seculer. | |||
| Glouc' | Radulfus de Wilyton'. | ||
| Radulfus de Chandos. | |||
| Sumers' | Robertus de Blakeford. (fn. 1) | ||
| Johannes de Reygny. | |||
| Dors' | Simon de Maneston. (fn. 2) | ||
| Willelmus Cusyn. | |||
| Devonia | Rannulfus de Albemarl'. | ||
| Warinus filius Johel'. | |||
| Wilt' | Reginaldus de Caln'. | ||
| Willelmus Gerebert. | |||
| Suhamt' | Walterus de Rumes'. | ||
| Hugo de Wingham. | |||
| Surr' | Hamo de Gatton'. | ||
| Radulfus de Clere. | |||
| Sussex' | Simon de Echingham. | ||
| Hugo Sanzaver. | |||
| Kancia | Robertus de Rokel'. | ||
| Simon de Creye. | |||
| Midd' | Galfridus de Jarpunvill'. | ||
| Nicholaus de Sancto Germano. | |||
| Berk' | Rogerus de Cuserug': | ||
| Henricus Basset. | |||
| Oxonia | Radulfus de Saucey. | ||
| Robertus de Aumary. | |||
| Norhamt' | Robertus de la Saucee. | ||
| David de Esseb'. | |||
| Buk' | Ricardus de Bello Campo sub Ciltr' | ||
| Amauricus de Nodariis. | |||
| Rotel' | Radulfus de Normannevill'. | ||
| Alanus Basset. | |||
| Bed' | Walterus filius Umfridi. | ||
| Johannes de Boeles. | |||
| Hunt' | Michael de Furnell'. | ||
| Oliverus Monachus. | |||
| Cantebrigia | Everardus de Trumpinton'. | ||
| Ricardus le Botiller. | |||
| Essex' | Willelmus de Herlaue. | ||
| Ricardus filius Simonis. | |||
| Hertf' | Simon de Fornell'. | ||
| Petrus de Tany. | |||
Rex Willelmo de Vescy, salutem. Quia nobis et regno nostro nullatenus expediret quod turneamenta ad presens tenerentur in terra nostra pro negociis nostris, quibus nos et nostros urgenter oportebit intendere tam in marchia Wallie quam occasione adventus comitis Britannie in Angliam, quem de die in diem exspectamus; vobis mandamus rogantes quatinus, sicut nos et honorem nostrum diligitis, ad turneamentum captum apud Blyam die Lune vel die Martis proxima ante Cineres anno regni nostri xvj. non accedatis, nec ibidem turneetis, scituri pro certo quod a die Pasche in xv. dies de communi consilio fidelium nostrorum, qui tunc nobis aderunt, de mandato nostro providebimus qualiter turneamenta in terra nostra de licencia nostra comode teneri possint, ita quod id vobis et ceteris fidelibus nostris placere debeat, et grates inde nobis scietis. Teste me ipso apud Westmonasterium, x. die Februarii.
Eodem modo scribitur comiti Johanni, Johanni de Burgo, comiti
Ricardo, constabulario Cestrie, Willelmo de Say, Henrico de Hasting'
Willelmo Mauduit.
Militibus quibusdam de familia regis scribitur sic.
Rex Ricardo de Gray, salutem. Mandamus vobis firmiter
injungentes in fide qua nobis tenemini, et sicut nos et honorem
nostrum, simul et terras vestras quas tenetis diligitis, nullo modo
presumatis accedere ad torneamentum captum apud Bliam die Lune
vel die Martis proxima ante Cineres anno etc. xvj. ad torneandum
ibidem vel alibi; scituri quod si forte contra mandatum nostrum
ibi vel alibi torneaveritis, tam graviter ad vos capiemus quod alias
hujusmodi contra voluntatem nostram formidabitis attemptare. Teste
ut supra.
Nomina sunt in parvo rotulo de Novo burgo.
Patentes.—Sub forma ista scribitur omnibus militibus de familia regis qui ibidem convenerint ad torneandum.
Linc'.—Abbas Sancti Petri de Burgo attornavit Ricardum Pecke et Ricardum de Salfledeb' de divisis faciendis inter terram ipsius abbatis in Thurleb' et terram Hugonis Wak' in Brunne.
Suff'.—Simon de Perepunt attornavit Thomam le Latimer contra Walterum fabrum de consuetudinibus etc. et que ipse Simon exigit etc. in Benacr'.
Rex L. principi de Abbefrau et domino de Snaudon', spiritum sanioris consilii. Memoriter retinemus et vos credimus memoriter tenere quod post recessum nostrum a Castro Matildis in Elevein, quod firmari fecimus, per transmissos ad nos nuntios vestros, videlicet magistros Instructum et Philippum, capte fuerunt inter nos et vos treuge durature usque in unum annum a festo Sancti Andree proximo preterito, quas quidem treugas dilectus et fidelis noster R. filius Nicholai juravit in animam nostram et dilecti et fideles nostri R. comes Cornubie (fn. 3) et Pictavie, frater noster, et H. de Burgo comes Kancie etc., de precepto nostro juraverunt ex parte sua, et quas similiter jurari fecistis in animam vestram et imprisii vestri ex parte sua juraverunt; ita quod interceptiones interim hinc inde perpetrate per dictatores ex utraque parte datos emendarentur. Ad quos faciendum ex parte nostra pro nobis et imprisiis nostris in partibus de Elevein nuper misimus dilectos et fideles nostros magistrum A. archidiaconum Salopie et Nicholaum de Molis, et in partibus Salopie, dilectos et fideles nostros Johannem filium Alani et Johannem Extraneum juniorem, licet nobis signaveritis quod super interceptionibus predictis vobis et vestris factis tam per dilectum et fidelem nostrum Thomam Corbet quam alios de nostris nichil fuerit satisfactum; cum etiam vos super interceptionibus nobis et nostris factis, ut asseritis, ut asseritis (sic), satis feceritis, et si quid minus actum est, parati sitis adinplere. Vobis igitur duximus signandum quod grave nobis est et molestum si dicte et debite emende secundum formam predictarum treugarum, et sicut injunximus prefatis dictatoribus nostris, vobis et vestris facte non fuerint, in quo quod minus actum est, vobis modo debito satisfacere sumus parati. Verum quia pro adventu dilecti et fidelis nostri P. ducis Britannie, comitis Richem', qui nuper applicuit in Angliam apud Lond', convocari fecimus secunda die Quadragesime dilectos et fideles nostros R. comitem Cornubie et Pictavie, fratrem nostrum, R. comitem Cestrie et Linc', W. comitem Warennie, W. comitem de Ferrariis et alios magnates nostros, tractatum habituri cum eisdem super arduis negociis nostris honorem nostrum et nostrorum specialiter tangentibus, unde etiam speramus vos in subsequenti fore gavisuros, sicut de honore vestro facturi estis et de jure, ad presens nullatenus sine gravi dispendio nostro et regni nostri, quod non credimus vos velle, nos potuimus alias divertere donec predictum tractatum cum ipsis fidelibus nostris habuerimus et super memoratis negociis nostris deliberaverimus cum eisdem. Sciatis siquidem pro certo et minime dubitetis quod habita deliberatione super negociis predictis divertemus nos versus partes Marchie, id quod minus factum est super emendis predictis vobis faciendis plene et debite adinpleturi, ita quod id vobis et vestris merito placere debeat. Et si, quod absit, infirmitate corporis vel aliquo casu inopinato detenti illuc venire non possimus, mittemus ad partes illas dilectos et fideles nostros R. comitem Pictavie, fratrem nostrum, et H. de Burgo etc. cum aliis de fidelibus nostris ad dictas emendas vobis faciendas et tractatum vobiscum habendum super firma pace inter nos et vos reformanda et statuenda; nec molestet vos quod cum tractatus haberetur super emendis vobis faciendis de interceptionibus vobis factis per predictum Thomam Corbet et complices suos, ipsum respondisse quod nullum dominium habuit in predictis malefactoribus, quorum nomina nobis signastis, preterquam in duobus, cum alii essent de potestate nostra, quoniam nos tam de hiis quam de aliis ubicunque in potestate nostra vel nostrorum fuerint inventi, vobis volumus satisfieri. Ad hoc grates vobis referimus quod, prout nobis signastis, juxta mandatum nostrum partes Marchie appropinquabatis ad colloquium super reformatione pacis predicte nobiscum habendum, et sciatis quod districte mandavimus dicto fratri nostro quod interceptiones factas vobis et vestris infra predictas treugas per Ricardum Suward' sine dilatione digne faciat emendari; quod si facere noluerit, nos eas emendare non omittemus, quia nec pro dicto fratre nostro nec pro alio volumus aliquatenus culpam perjurii incurrere. Teste rege apud Geldef', xx. die Februarii.
Henricus Fab' die Veneris proxima ante Cineres anno etc. xvj. venit coram rege et terram suam in Cudinton' in comitatu Oxonie, quam Fray Punchard' clamat versus eum, et que capta est in manum regis per defaltam ipsius, petit sibi replegiari. Et hoc signatum est justiciariis de Banco ut hoc sciant.
Midd'.—Robertus de Bello Campo et Juliana uxor ejus attornaverunt loco suo Michaelem de Anc et Ricardum de Gatemora vel alterum etc. in loquela que summonita est coram rege apud Lond' die Dominica ante festum Sancti Gregorii de intrusione, quam Willelmus filius Henrici de Sancto Albano et Alicia uxor ejus fecerunt in quoddam mesuagium in Neuton'.
Glouc'.—Ricardus abbas Westmonasterii attornavit Petrum de Burton' contra Robertum de Perham et Matildem uxorem ejus deforciantes, de consuetudinibus etc. in Burton'.
Hertf'.—Gerardus de Furnivall' attornavit Ricardum de Wudecroft contra Johannem de Bassingeburn' de secta quam idem Johannes ab eo exigit ad molendinum suum in Watton'.