Close Rolls, June 1233

Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.

This premium content was digitised by double rekeying. All rights reserved.

'Close Rolls, June 1233', in Calendar of Close Rolls, Henry III: Volume 2, 1231-1234, (London, 1905) pp. 225-234. British History Online https://www.british-history.ac.uk/cal-close-rolls/hen3/vol2/pp225-234 [accessed 27 March 2024]

Image
Image
Image
Image
Image
Image
Image
Image
Image
Image

Close Rolls, June 1233

De quercubus datis.—Mandatum est P. de Rivall' quod habere faciat Henrico de Tybetot iiij. quercus in bosco de Kingeswod' in comitatu Essex', de dono regis ad se hospitandum. Teste ut supra. Per Radulfum filium Nicholai.

Eodem modo scribitur eidem P. pro Hervico Cornub', fisico R. Cycestrensis episcopi, de iiij. quercubus in foresta de Cett'. Teste rege apud Fecham, primo die Junii. Per Radulfum filium Nicholai.

De damis datis.—Mandatum est P. de Rivall' quod in foresta de Selveston' faciat habere W. comiti Albemarl' v. damos, de dono regis. Teste rege apud Fecham, ij. die Junii.

De waranto latrocinii.—Mandatum est vicecomiti Essex' quod Radulfum Calvary, arestatum in curia Willelmi de Bello Campo et quem Willelmus Prest vocat ad warantum de ovibus furatis inventis in manu sua, et de quibus appellatus est, venire faciat in curiam Roberti de Briwes de Lammesse, in qua predictus Willelmus attachiatus est pro ovibus predictis, ad warantizandum eidem Radulfo oves predictas vel ad se inde defendendum secundum [legem] terre. Teste ut supra.

Pro monialibus de Ethon'.—Rex per cartam suam concessit priorisse et monialibus de Ethona quod mercatum suum, quod teneri solet apud Ethonam singulis septimanis per diem Martis, decetero teneatur ibidem singulis septimanis per diem Sabbati, nisi etc. Et mandatum est vicecomiti War' quod predictum mercatum per totam ballivam suam clamari faciat et teneri, sicut predictum est. Teste ut supra.

De quercubus datis.—Mandatum est P. de Rivall' quod in foresta regis de Shirlet faciat habere sacriste de Wenlac sex quercus ad horlogium suum apud Wenlak' faciendum, de dono regis. Teste rege apud Wenlak', vj. die Junii. Per ipsum regem coram predicto P.

Pro priore de Derhurst.—Willelmus prior de Derhurst venit ad regem et fidelitatem fecit. Et mandatum est vicecomiti Wigornie quod de omnibus terris, quas abbas de Sancto Dionisio habet in balliva sua, eidem priori nomine predicti abbatis plenam saisinam habere faciat. Teste ut supra.

Eodem modo scribitur vicecomitibus Glouc' et Oxonie.

Pro Galfrido de Cauz.—Mandatum est P. Rivall' quod ivernagium, quod rex seminari fecit in terra que fuit magistri Urr' in Canewod', et quam rex commisit G. de Cauz ad se sustentandum in servicio regis quamdiu etc., eidem G. habere faciat, de dono regis. Teste ut supra. Per R. filium Nicholai.

De tradendis in ballium.—Mandatum est vicecomiti Wigornie quod, si uterque istorum Thome de Ivelcestr' et Ricardi de la Wern', captorum et detentorum in prisona apud Wigorniam pro malo recto, invenerint (sic) ei sex probos et legales homines qui eos manucapiant habere ad standum recto ubi justum fuerit, si quis versus loqui voluerit de latrocinio unde rectati sunt, tunc ipsos predictis vj. hominibus tradat in ballio, sicut predictum est. Teste rege apud Wenlac', vj. die Junii. Per justiciarium.

De quercubus datis.—Mandatum est P. de Rivall' quod in bosco regis de Cunedour' faciat magistro J. Blundo v. quercus ad operationem clocherii sui, de dono regis. Teste ut supra. Per Radulfum filium Nicholai.

Pro decano Caragty' de cervis capiendis.—Mandatum est P. de Rivall' quod permittat decanum Cartagny' capere quatuor cervos in foresta regis de comitatu Norhumbrie, et quatuor cervos in foresta de Gautric', de dono regis. Teste ut supra.

Pro uxore Ade de Tindal'.—Mandatum est P. de Rivall' quod habere faciat Johanne, que fuit uxor Ade de Tyndal', aliquam certam et rationabilem portionem (fn. 1) de terris, que fuerunt predicti Ade quondam viri sui, ad se sustentandum donec certa et rationabilis dos sua ei assignetur de terris predictis secundum legem et consuetudinem regni. Teste ut supra.

Pro Reginaldo de Moyun.—Mandatum est P. de Rivall' quod in proprio bosco Reginaldi de Moyun de Tymeworth' faciat habere eidem Reginaldo quercus ad se hospitandum apud Stradleg'. Teste ut supra.

Pro villa Salopie de mercandisis.—Mandatum est vicecomiti Salopie quod non permittat quod alique mercandise deferantur de comitatu suo usque Blancmuster ad vendendum ibidem vel ad negociandum, aliquo modo aliter quam hujusmodi mercandise deferri consueverunt de eodem comitatu temporibus Henrici regis, Ricardi regis et Johannis regis usque ad guerram motam inter regem et barones suos Anglie, per quod predicta villa Salopie perdens sit aut dampnum incurrat de consuetudinibus et theloneis debitis. Teste ut supra.

De damis datis.—Mandatum est P. de Rivall' quod in foresta de Savernak' faciat habere A. comitisse Penbr', sorori regis, v. damos de dono regis. Teste ut supra.

De tradendis in ballium.—Rex accepit per inquisitionem factam per preceptum suum quod Willelmus de Seintliz et Ricardus et Thomas filii ejus, quos Mazelina, que fuit uxor Rogeri de Mubray, appellat de morte ipsius Rogeri de Mubray, appellati sunt odio et athia et non eo quod inde culpabiles sint; mandatum est vicecomiti Linc' (fn. 2) quod, si quilibet eorum invenerit ei sex homines etc. qui eos manucapiant habere coram justiciariis itinerantibus etc., tunc tradat eos in ballium etc. Teste ut supra.

De transcripto rotulorum de itinere justiciariorum in comitatu Cornubie. —Mandatum est W. de Ralegh' quod habere faciat R. comiti Cornubie transcriptum omnium rotulorum de itinere suo in comitatu Cornubie. Teste rege apud Wygorniam, xj. die Junii. Per ipsum regem coram Wintoniensi episcopo, justiciario et aliis de consilio regis.

De bladis W. Briwer' concessis ad testamentum suum faciendum.— Rex de consensu heredum Willelmi Briwer' junioris concessit executoribus testamenti ipsius Willelmi quod habeant omnia blada que seminata fuerunt in terris predicti Willelmi die quo obiit, ad executionem testamenti sui faciendam. Et mandatum est P. de Rivall' quod de omnibus bladis que idem Willelmus seminari fecit ante obitum suum in terris suis, que sunt in manu regis, eisdem executoribus saisinam habere faciat, sicut predictum est. Teste rege apud Wygorniam, xj. die Junii. Per justiciarium.

De austurco dato Pagano de Chaurc'.—Mandatum est Henrico de Hauvill' quod de primis austurcis, quos habuerit de dono alicujus sive de empto et fuerint in custodia sua, faciat habere Pagano de Chaurces unum austurcum pulcrum et sanum, de dono regis. Teste ut supra.

Pro uxore W. Briwer'.—Mandatum est P. de Rivall' quod rex commisit Johanne, que fuit uxor Willelmi Briwer', maneria de Blithesworth' et de Stok' cum pertinentiis in comitatu Norht', loco maneriorum de Ashel', Sumburn' et Stocbrug', que prius ei assignata fuerunt, ad se sustentandum donec certa dos ei assignetur de omnibus terris que fuerunt predicti Willelmi quondam viri sui; et quod ipse P. de predictis maneriis de Blithesworth' et de Stok' cum pertinentiis eidem Johanne plenam saisinam habere faciat, sicut predictum est. Teste ut supra. Per justiciarium.

[m. 8.]

Pro Simone Saphir.—Rex mandavit scabinis et probis hominibus de Gant quod de quingentis marcis quas regi debent de debito regis Johannis, patris domini regis, habere faciant Simoni Saphir 1. marcas, quas rex eidem Simoni dedit pro debito quod predictus Johannes rex ei debuit. Et hoc significat rex F. comiti Flandrie et Hannonie, ut sciat quod bene placet regi quod predicti scabini et probi homines de Gant eidem Simoni predictas 1. marcas habere faciant. Teste rege apud Wygorniam, xiij. die Junii.

De fustis ad gaiolam regis Salopie.—Mandatum est Hugoni filio Roberti quod in haya de La Lye faciat habere vicecomiti Salopie xx. fusta ad gaiolam regis Salopie faciendam. Teste ut supra.

Pro priore Malvernie.—Cum prior Majoris Malvernie finem fecisset cum rege per duas marcas per sic, quod assisa ultime presentationis ad ecclesiam de Ekinton', quam Custancius de Legha aramiavit coram Hugone le Pohoher et tribus sociis, quos rex ad hoc justiciarios suos constituerat, caperetur coram S. de Sedgrave nunc justiciario; predicta assisa capta fuit coram predictis iiij. justiciariis et non coram predicto Stephano. Mandatum est baronibus de Scaccario quod ipsum priorem de predictis duabus marcis quietum esse faciant. Teste ut supra. Per justiciarium.

De Waltero de Godarvill' misso usque Divisas.—Mandatum est militibus assignatis ad custodiam Huberti de Burgo apud Divisas quod Walterus de Godarvill', quem rex mittit ad morandum in ballio castri Divisarum, se tertio militum admittant, salvis sibi dunjone ejusdem castri et aliis infra eundem dunjonem ad ipsum Hubertum salvo custodiendum. Teste ut supra.

Pro priore Sancti Jacobi Bristoll'.—Rex didicit quod capella, que est in forinseco ballio castri Bristoll', est capella prioris Sancti Jacobi Bristoll', et ejusdem prioris est providere eidem capelle de capellano idoneo qui in ea deserviat. Et mandatum est constabulario Bristoll' quod loco capellani illius capelle, qui modo defunctus est, permittat ipsum priorem alium capellanum idoneum in eadem capella substituere, per quem predicto castro dampnum non eveniat. Teste ut supra.

De roboribus datis.—Mandatum est P. de Rivall' quod in bosco de Covintr', qui est in custodia regis, faciat habere fratribus minoribus Coventr' tria robora ad focum suum, de dono regis. Teste rege apud Wygorniam, xx. die Junii. Per ipsum P.

Pro heredibus W. Briwere junioris.—Facta partitione de terris, que fuerunt Willelmi Briwer' junioris, inter heredes ipsius Willelmi de consensu eorundem heredum, assignate sunt Alicie de Moyun uni heredum ipsius Willelmi pro portione sua, que eam contingit de terris predictis, omnes terre subscripte, videlicet, maneria de Thorre, Woggeburg', Kadel', Helboton', Acford', Braworthy, et Axem' cum pertinentiis, que sunt in comitatu Devonie, et manerium de Ile et quatuor solidate et vij. denariate et una obolata redditus cum pertinentiis in manerio de Trente in comitatu Sumerset'; ita tamen quod, si eadem Alicia vel alii heredes plus habeant de terris predictis quam ad rationabilem portionem suam pertineant, omnes terre que fuerunt predicti Willelmi iterum extendantur, et quilibet predictorum recuperet versus alium, si quis minus habeat quam ad eum pertineat habendum de terris predictis. Et mandatum est P. de Rivall' quod de omnibus terris predictis cum pertinentiis eidem Alicie plenam saisinam habere faciat, sicut predictum est. Teste rege apud Wygorniam, xiiij. die Junii.

De consensu Hugonis Wak' et aliorum heredum Willelmi Briwer' junioris assignate sunt Willelmo de Percy nomine filiarum suarum, ad quas pertinet quinta pars terrarum que fuerunt predicti Willelmi, xvj. librate iiij. solidate et una denariata redditus cum pertinentiis in manerio de Cestrefeld', in partem portionis sue que eas contingit de terris predictis. Et mandatum est vicecomiti Dereb' quod de predicto redditu cum pertinentiis in predicto manerio eidem Willelmo nomine predictarum filiarum suarum plenam saisinam habere faciat. Teste rege apud Wigorniam, xv. die Junii.

Manerium de Langestok' cum pertinentiis assignatum est eidem Willelmo de Percy nomine predictarum filiarum suarum, ad quas pertinet quinta pars etc. in partem portionis sue que eas contingit de terris predictis de consensu omnium heredum predicti Willelmi. Et mandatum est vicecomiti Suhampt' de saisina etc. ut supra.

Sicut superius scribitur P. de Rivall' pro Alicia de Moyun de parte sua, sic scribitur eidem P. pro Margareta de la Ferte, una heredum predicti Willelmi Briwere, de terris subscriptis, videlicet, de maneriis de Sumburn' et Stocbrug' in comitatu Suht', et de manerio de Stok' in comitatu Norhamt', et de xix. libratis xiiij. solidatis et iiij. denariatis et una obolata redditus in Snointon in comitatu Noting.'

Scribitur etiam sub eadem forma eidem P. pro Willelmo de Percy nomine filiarum suarum, de maneriis de Eissel' et Langestok' in comitatu Suht', et Blithesworth' in comitatu Norht', Foston' in comitatu Leic', xxv. solidatis vij. denariatis et obolata redditus in Snointon in comitatu Noting', Raddon' in comitatu Devonie, xxxix. solidatis et ij. denariatis et obolata redditus in manerio de Trente in comitatu Sumerset', ita tamen etc. ut supra in primo brevi.

De Warino capellano misso ad sororem regis.—Mandatum est Roberto de Muscegros quod Warinum capellanum regis, quem rex mittit ad morandum cum Isabella sorore sua ut sit ejus capellanus, recipiat et ad duos equos et duos homines ei necessaria inveniat. Teste ut supra.

Pro Huberto Hoes'.—Mandatum est priori de Hadfeld' quod sit intendens et respondens Huberto Hoes' de firma de Hadfeld', sicut intendere et respondere consuevit ante quam per barones de Scaccario fuit ei inhibitum quod amplius de firma illa eidem Huberto non responderet. Teste ut supra. Per R. filium Nicholai.

Pro priore Malverne.—Mandatum est vicecomiti Glouc' quod in loquela, que est in comitatu suo per breve regis inter Ricardum Mar' et Agnetem uxorem ejus petentes et priorem de Malverna deforciantem de quadam carta, decetero non procedat, quia ipsi Ricardus et Agnes coram rege apud Wigorniam dictum priorem inde quietum clamaverunt, et de quadam lege ipsi priori facienda adjudicata in eodem comitatu ipsum quietum esse faciant. Et Hamonem de Curcun, qui curiam regis decepit falso impetrando literas regis sub nomine ipsorum Ricardi et Agnetis, quod esset attornatus eorum in illa loquela, arestari faciat donec rex aliud inde preceperit; et si ipse Hamo ei plegios invenit de loquela illa prosequenda versus eundem priorem, ad ipsum et plegium de misericordia se capiat. Teste ut supra.

Pro uxore W. Briwer' junioris.—Mandatum est P. de Rivall' quod de terris illis, que fuerunt W. Briwer' junioris et que remanserunt in manu regis tamquam portio que assignata est filiabus et heredibus Willelmi de Braos' occasione custodie predictarum heredum in manu regis existentis, assignari faciat Johanne, que fuit uxor predicti Willelmi Briwer', rationabilem dotem suam que eam contingit de terris predictis; ita quidem quod manerium de Brug' remaneat in manu regis integrum cum pertinentiis, et dos predicte Johanne ei assignetur in aliis terris forinsecis. Teste rege apud Evesham, xvj. die Junii. Per episcopum Wintoniensem.

Pro Radulfo de Mortuo Mari.—Mandatum est constabulario de Muntgomery quod permittat Robertum de Wutton, Rogerum de Subir', Robertum de Gyros, Hugonem de Seinton' et Willelmum de Rugh' esse intendentes et respondentes Radulfo de Mortuo Mari de servicio suo, sicut inde ipsi et antecessores sui intendere consueverunt et respondere eidem Radulfo et antecessoribus suis, antequam rex servicia eorum attornavisset castro de Muntgumery tempore quo castrum illud fuit in manu Huberti de Burgo. Teste rege ut supra.
Eodem modo scribitur vicecomiti Salops' pro eisdem.

Pro Johanne de Plesset'.—Mandatum est vicecomiti Sumers' quod, non obstante eo quod rex commisit Roberto de Pavilly terram quam Johannes de Plesset' prius tenuit de ballio regis in Gersich', faciat eidem Johanni habere blada sua que seminari fecit in terra predicta. Teste rege apud Wudestok', xix. die Junii. Per P. de Rivall'.

De monetariis et ministris cambiorum Lond' et Cantuarie.—Mandatum est Willelmo Hardel, clerico, firmiter injungendo quod, convocatis in presentia sua omnibus monetariis, assaiatoribus, custodibus, operariis et aliis ministris de cambiis regis Lond' et Cantuarie, per visum et testimonium illorum provideat quod tot et tales operarii sint in predictis cambiis qui sufficiant ad operationes regis faciendas, ne rex pro defectu hujusmodi ministrorum dampnum incurrat. Teste rege apud Wudest', xix. die Junii.
Et mandatum est eisdem quod ad mandatum ipsius W. ei ad hoc sint intendentes. Teste ut supra.

De roboribus datis.—Mandatum est P. de Rivall' quod habere faciat recluse de Iftel' juxta Oxoniam duo robora in foresta de Shotovr' ad focum suum, de dono regis. Teste ut supra.

De operatione aule Wintonie.—Mandatum est P. de Rivall' etc. quod, sicut magister Elyas de Derham ei scire faciet, habere faciat ipsi magistro Elye maeremium in boscis in Digerl', Finkel' et Chett', ad operationem aule castri Wintonie. Teste rege apud Wudestok', xx. die Junii.

De quercubus datis.—Mandatum est P. de Rivall' etc. quod habere faciat H. Roffensi episcopo xx. quercus in foresta de Tunebrug' ad operationem cujusdam ecclesie quam construit apud Roffam. Teste rege apud Wudestok', xxj. die Junii.

De coronatoribus in comitatu Deronie.—Mandatum est vicecomiti Devonie quod loco Ricardi filii Walteri et Baldewini de Es quondam coronatorum regis in comitatu illo, qui mortui sunt, in pleno comitatu suo et per assensum totius comitatus eligi faciat duos alios coronatores etc.

De quercubus datis.—Mandatum est P. de Rivall' quod in foresta de Selveston' faciat habere priori de Chaucumbe xxx. quercus ad operationem ecclesie sue, de dono regis. Teste ut supra.

Pro Roberto de Vallibus.—Robertus de Vallibus finem fecit cum Ursello filio Hamonis et Benedicto Crespin, Judeis, per c. marcas eis per annum reddendas de debitis que eis debet; occasione quorum debitorum ipsi Judei saisinam habuerunt de terris quas habuit in Cumbr' nomine vadii sui per preceptum regis. Et mandatum est vicecomiti Cumbr' quod de predictis terris, de quibus dicti Judei seisiti fuerunt nomine vadii sui, sicut predictum est, eidem Roberto plenam saisinam habere faciat. Catalla etiam ea occasione in manus Judeorum capta in eisdem terris inventa, ei reddi faciat. Teste ut supra.

Pro Hugone Dispenser.—Rex per cartam suam concessit Hugoni Dispenser manerium de Rihal' cum Bulmestorp', quod est menbrum ejusdem manerii, et aliis pertinentiis suis habenda (sic) et tenenda sibi et heredibus suis quieta de sectis comitatus et hundredi et de auxiliis vicecomitis et visu franci plegii et de murdro, donec rex ea reddiderit rectis heredibus per voluntatem suam vel per pacem; ita quod nec rex nec heredes sui ipsum Hugonem vel heredes suos de eodem manerio vel menbro predicto disseisiet, donec eis fecerit rationabile escambium in escaetis ad valentiam ejusdem manerii et dicti menbri sui. Concessit etiam rex eidem H. quod ipse et heredes sui habeant hanc libertatem, quod non ponantur in assisis, juratis, vel recognitionibus, sicut plenius continetur in predicta carta. Et mandatum est vicecomiti Rotel' quod has libertates predictas eidem Hugoni et heredibus suis faciat observari. Teste rege apud Wodestok', xxiij. die Junii.

Pro Hugone de Kynardesle.—Mandatum est P. de Rivall' quod permittat Hugonem de Kinardesl' habere omnia blada et catalla sua que habet in terris quas fecit essartari de licentia regis in foresta de Dene, ita tamen quod terre ille remaneant in manu regis donec aliud inde preceperit. Teste ut supra.

Mandatum est vicecomiti Wigornie quod plenam saisinam faciat habere Hugoni de Kinardesl' de terris suis, de quibus comitissa Penbr' ipsum disseisivit, eo quod rex alias terras quas de rege tenet in capite capi fecit in manum suam.
Eodem modo scribitur vicecomiti Heref'.

De tradendo in ballium.—Quia rex accepit per inquisitionem, quod Sarra filia Elye, Margareta, Juliana et Juetta, sorores ejus, appellant Thomam Stoyle de morte Elye de Loteburn' et de et Elye filii sui odio et athia et non etc.; mandatum est vicecomiti Buk' quod si predictus Thomas invenerit ei xij. etc., tunc ipsum tradat eis in ballium etc. Teste ut supra.
Rex per cartam suam dedit Anketillo Mallore pro homagio et servicio suo manerium de Erdel' cum pertinentiis, quod fuit Ade de Port, habendum et tenendum ad feodi firmam, ut in rotulo finium.

(De tradendo in ballium.)—Quia rex accepit per inquisitionem quod Agnes, que fuit uxor Willelmi Barlicorn, appellat Henricum Sturmund de morte predicti Willelmi viri odio et atia et non etc.; mandatum est vicecomiti Linc' quod si predictus Henricus invenerit ei xij. etc., tunc ipsum tradat eis in ballium etc. Teste ut supra.
Mandatum est vicecomiti Heref' quod, si Nicholaus filius Hereberti captus et detentus in prisona regis pro morte Willelmi de Standon', invenerit ei xij. etc. qui manucapiant habere eum ad primam assisam etc. responsurum Rogero de Standon', Ade et Simoni, fratribus suis, de eadem morte, unde eum appellant, tunc tradat in ballium etc. Et habeat ibi nomina ipsorum xij. et hoc breve. Teste rege apud Wudestok', xxv. die Junii.

Pro hominibus de Twyford.—Mandatum est P. de Rivall' quod, si R. comes marescallus vel ejus ballivi receperint firmam manerii de Twiford' de hoc termino Sancti Johannis Baptiste anno xvij. tunc ipsos homines non distringat ad firmam illam iterato reddendam. Teste ut supra.

Pro Hugone de Kynardesle.—Mandatum est P. de Ryvall' (fn. 3) quod habere faciat Hugoni de Kynardesle talem saisinam de terris suis, quas tenet de rege in capite in foresta de Den', una cum catallis et rebus suis in terris ipsis inventis, qualem inde habuit ante quam de predictis terris et catallis disseisitus fuit per preceptum regis. Teste rege apud Oxoniam, xxvij. die Junii. Per predictum P.

De quercubus datis.—Mandatum est P. de Rivall' qnod in foresta regis de Windles' faciat habere S. de Sedgrave justiciario xij. quercus ad focum suum, de dono regis. Teste ut supra.

Pro episcopo Dunholmensi.—Mandatum est Briano de Insula quod contentiones, ortas inter regem et R. Dunholmensem episcopum de forestis in terris et feodis ipsius episcopi inter Usam et Derewent', ponat in respectum usque ad festum Sancti Michaelis, anno xvij. Teste rege apud Oxoniam, xxx. die Junii. Per ipsum regem coram justiciario.

De quadam equa data.—Mandatum est P. de Rivall' quod equam illam, que inventa fuit in manu Hugonis de Cotingham et que jam remansit in manu regis eo quod nullus eam sequitur, faciat habere fratribus hospitalis Sancti Johannis Baptiste de Bureford', de dono regis. Teste ut supra. Per ipsum Petrum.

Pro magistro Johanne Blundo.—Mandatum est thesaurario et camerariis quod, non obstante eo quod litere regis, per quas mandavit eis quod habere facerent magistro Johanni Blundo xx. libras annuas, quas rex ei concessit percipiendas ad Scaccarium ad duos terminos anni, confecte fuerunt post Pascha anno xvij., faciat eidem magistro habere x. libras de predicto termino Pasche. Teste ut supra. Per ipsum regem.

De filia Willelmi Lungesp'.—Mandatum est Ele comitisse Sarrisburie quod recipiat Elam filiam Willelmi Lungesp' filii sui et eam tamquam obsidem regi commissam salvo custodiat, donec rex aliud ei inde mandaverit. Teste ut supra.

De damis datis.—Mandatum est P. de Ryvall' quod habere faciat Hugoni Paynel duos damos in Nova Foresta regis, de dono regis. Teste ut supra. Per Paganum de Chaurces.
Mandatum est eidem P. quod habere faciat Nicholao de Molis unum damum in Nova Foresta, de dono regis. Teste ut supra. Per Th. de Hemmegrave.

Pro comitissa Penbr'.—Mandatum est vicecomiti Berk' quod de dominicis catallis, bladis et aliis R. comitis Marescalli in ballia sua, visis literis istis, fieri faciat c. libras ad opus Alienore comitisse Penbr', in quibus ipse comes ei tenetur de quadringentis libris annuis quas ei debet pro dote sua Hibernie et comitatus Penbr'; et denarios quos inde fecerit liberet per tailliam ipsi comitisse in solutionem predictarum c. et 1. librarum. Teste ut supra. Per
Eodem modo scribitur vicecomiti Sussex' de aliis c. et 1. libris, vicecomitibus Wigornie et Glouc' eodem modo.

Pro persona de Weston'.—Mandatum est vicecomiti Rotel' quod, non obstante eo quod Robertus de Weston', parochianus Willelmi de Sancto Laudo persone de Weston', nuper submersus fuit et intestatus decessit, faciat eidem Willelmo habere nomine ecclesie sue id quod ad eum pertinet habendum de catallis, que fuerunt predicti Roberti, secundum consuetudinem partium illarum. Teste ut supra.

Pro Hamone de Crevequer.—Rex per cartam suam concessit Hamoni de Crevequer quod mercatum, quod teneri solebat singulis septimanis per diem Dominicam apud Branchesl' in cimiterio ecclesie ejusdem ville, decetero teneatur singulis annis (sic) per diem Sabbati super terram ipsius Hamonis de Branchesl', et quod idem Hamo et heredes sui habeant ibidem unam feriam singulis annis per tres dies duraturam, videlicet, in vigilia et in die et in crastino Omnium Sanctorum, nisi etc. Et mandatum est vicecomiti Kancie quod mercatum illud et feriam clamari faciat et teneri, sicut predictum est. Teste ut supra.

De operatione aule regis apud Wintoniam.—P. Wintoniensis episcopus commodavit regi ducentas libras, computatis in eisdem ducentis libris denariis quos W. Parvus et socii sui, custodes operationis aule regis Wintonie, receperunt ab eo ad predictam operationem. Et mandatum est eisdem custodibus quod denarios, qui restant de illis ducentis libris ultra denarios quos ab eo receperunt ad dictam operationem, ab eo recipiant. Teste ut supra.
Mandatum est W. de Godarvill', H. Hosato et Henrico fratri regis

De postibus et pannis datis. (fn. 4) —Mandatum est Petro de Rivall' quod habere faciat Willelmo de Insula duos postes et duas pannas in bosco de Gatesle, de dono regis. Teste rege apud Oxoniam, xxx. die Junii, anno ut supra.

De nundinis episcopi Wintoniensis.—Mandatum est ballivis nundinarum de Lenn' quod singulis diebus, quamdiu durabunt predicte nundine, puplice clamari faciant per easdem nundinas quod omnes mercatores, de cujuscumque terris fuerint, qui cum mercandisis venire voluerint ad nundinas Wintonie, sint ibidem ante festum Nativitatis Beate Marie, scituri pro certo quod, qui post diem illum venerint, nundinas predictas cum mercandisis suis non ingredientur sine forisfacto episcopi Wintoniensis. Teste ut supra.

Pro Gerardo Talebot.—Rex concessit Gerardo Talebot custodiam terre que fuit Huberti de Muntchanes', quam Ricardus quondam capellanus H. de Burgo prius habuit in manu sua. Et mandatum est vicecomiti Essex' quod de tota terra, que fuit ipsius Huberti in Stansted', cum omnibus bladis instantis autumpni solo habentibus, eidem Gerardo plenam saisinam habere faciat. Teste ut supra ut supra (sic). Per ipsum regem coram episcopo Wintoniensi et justiciario.

Footnotes

  • 1. The words 'aliquam . . . . portionem' have been substituted for the words 'rationabilem estoverium suum.'
  • 2. Substituted for 'Leic'.'
  • 3. In the MS. this word contains one minim too many.
  • 4. The title is made to point to the preceding incomplete entry in the MS.