Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.
This premium content was digitised by double rekeying. All rights reserved.
'Close Rolls, March 1234', in Calendar of Close Rolls, Henry III: Volume 2, 1231-1234, (London, 1905) pp. 552-555. British History Online https://www.british-history.ac.uk/cal-close-rolls/hen3/vol2/pp552-555 [accessed 24 April 2024]
Close Rolls, March 1234
[m. 28d.]
Rex majori et vicecomitibus Lond' salutem. Bene recolimus
quod cum ultimo essemus apud Lond', ad emendationem civitatis
nostre Lond' et ad tollendam caritudinem bladi, de communi consilio
nostro providimus et statuimus quod a venientibus mercatoribus cum
blado venali usque Lond' nullus emeret bladum in solidum
reponendum in domibus suis et postea per manum suam carius
vendendum, set singuli mercatores per manum suam bladum suum
venderent. Verum quia audivimus quod mercatores illuc venientes
non habent nisi spatium viij. dierum ad naves suas blado carcatas
discarcandas, nec ipsi possent infra terminum predictum bladum (fn. 1)
suum vendendo particulari venditione naves suas evacuare, volumus
et concedimus quod ipsi mercatores, non obstante constitutione
predicta viij. dierum, post terminum illum bladum suum discarcare et
in domibus reponere possint, vendendum per manum suam secundum
communem venditionem civitatis nostre Lond'. Et ideo vobis
mandamus quod ita fieri permittatis et observari faciatis. Teste
rege apud Norht', viij. die Marcii.
Post multa verba que rex scripsit justiciario Hibernie de commendatione servicii sui, mandatum est eidem justiciario quod si
auxilium quod rex quibusdam villis Hibernie concessit aliquando ad
eas claudendas, eis non sufficiat, vel si forte auxilium illud eis
denegetur, sicut regi nuntiaverunt, tunc de firmis villarum illarum
auxilium competens, prout viderit expedire singulis, eis faciat
una cum auxilio quod de suo proprio ad hoc apponent; et similiter
fieri faciat de aliis villis regis auxilio urgenti indigentibus, quibus
rex auxilium prius non concesserat, et que auxilium consimile a rege
quesierunt. Dedit etiam rex in mandatis thesaurario et camerariis
Scaccarii Dublin' quod cum neccesse fuerit, et prout ipse viderit
expedire, de suo et eorum consilio eidem justiciario habere faciant de
thesauro regis ad pacem terre Hibernie conservandam et guerram
sustinendam. Teste rege apud Norhampt', ix. die Marcii.
Rex justiciario Hibernie salutem. Datum est nobis intelligi ex
parte proborum hominum nostrorum Dublin' quod, cum tempore
domini J. regis, patris nostri, allevata esset consuetudo quedam in
villa nostra Dublin' de prisa quadam capienda de cervisia ad opus
constabularii castri Dublin', quam idem rex, pater noster, postea
concessit abbati et canonicis Sancti Thome martiris Dublin' in elemosinam, constabularius noster Dublin' nihilominus jam prisam aliam de
cervisia exigit et ipsos ad eam dandam injuste distringit. Et ideo
vobis mandamus quod si occasione predicte prise quam predictus
abbas (fn. 1) percipit de dono predicti patris nostri, predictus constabularius
exigat sive capiat prisam aliam, sicut predictum est, id decetero fieri
non permittatis. Teste ut supra.
Mandatum est Ricardo de Burgo quod non omittat quin fiducialiter
ad regem veniat in Angliam cum rege locuturus. Cum enim venerit
ad regem, nullam ei nec alii justiciam denegabit, set quod cum equitate
facere poterit, libenter eis faciet. Teste ut supra.
Mandatum est justiciario Hibernie quod rex non vult quod magna
galia Dublin' ad presens recedat de partibus illis, set vult quod
ibidem remaneat propter conservationem et tuitionem partium illarum.
Teste ut supra.
Mandatum est vicecomiti Glouc' quod de denariis regis quos
vicecomes Notingh' ei liberavit per preceptum regis, liberet Amaurico
de Sancto Amando vel ejus certo nuntio secundum quod idem
Amauricus ei scire faciet, ad liberationes munitionum castrorum de
Monem', de Sancto Briavello, de Albo Monasterio, de Ewyas et de
Haya faciendas, sicut rex ei injunxit. Teste rege apud Norht', x.
die Marcii. Per P. de Rivall'.
Et mandatum est eidem Amaurico quod Willelmo de Orgeriis,
Johanni de Busceb', Elye de Ekinham, Jacobo filio Willelmi,
Willelmo Bluet, Ricardo de Alencun, Waltero de Kilvingholm', Ade
de Brikesmenill' et Weremundo de Sancto Leodegario habere faciat
liberationes suas, sicut aliis militibus de castro de Munem', et eos
mittat usque Bristollum ad H. de Trubl' ad eundum cum eo in
servicio regis. Rex enim mittit ad ipsum Amauricum W. comitem
Albem', Willelmum Bardulf et N. de Lettres cum gente sufficiente
ad munitionem de Munem'. Teste ut supra.
Et mandatum est eidem quod de predictis denariis recipiat
de eodem vicecomite Glouc', secundum quod neccesse fuerit, ad
liberationes predictas faciendas per consilium et testimonium N. de
Lettres, quem rex ad hoc intendere una cum eo. Teste ut supra.
Per eundem P.
Mandatum est B. de Ver quod de denariis regis quos rex ei
mittet, per manum suam fieri faciat liberationes munitionum de
Salopia, et de Muntgomery. Teste ut supra.
Mandatum est B. de Ver quod retentis secum Johanne Talebot,
Gerardo Talebot, Roberto de Kima, Hereberto de Say et Galfrido de
Abrincis, reliquos milites qui diu morati sunt in villa et castro de
Salopia, ad partes suas ire permittat, quia rex mittit usque Salopiam
comitem Linc', H. Wac, Johannem de Gray cum gente sufficiente
ad predictam munitionem. Teste ut supra.
A. Coventrensis et H. Roffensis episcopi, missi ex parte domini
Cantuariensis electi et coepiscoporum suorum ad L. principem de
Abbefrau et comitem Marescallum, ex parte eorundem electi et
episcoporum ceperunt treugas inter regem et dictos principem et
comitem, duraturas usque ad festum Sancti Jacobi, anno etc. xviij.,
si predictas treugas acceptaremus. Et quia ad eorum instantiam
treugis ipsis assensum prebuit rex, mandatum est J. de Munem'
quod easdem treugas quantum in se est, firmiter et fideliter teneat
et teneri faciat. Teste rege apud Bitlesden', xj. die Marcii.
Eodem modo scribitur Radulfo de Thoen', Willelmo filio Warini;
constabulariis de Sancto Briavello, Blanchastel, Ewyas, Muntgomery,
Haya; vicecomitibus Staff et Salopie, Glouc', Heref'; Baldewino de
Ver, A. de Sancto Amando, quod redeant cum Baldewino de Gisnes
et garnisionibus de Monem' et de Salopia.
Mandatum est probis hominibus de Kaermerdin quod si contingat
constabularium de Kaermerdin pati defectum victualium antequam
uberius in victualibus ei fuerit provisum, usque ad terminum duarum.
vel trium ebdomadarum de suo ei prestitum faciant, scituri pro
certo quod rex eis sufficienter faciet responderi. Teste apud
Wudestok', xij. die Marcii.
Mandatum est Amaurico de Sancto Amando et B. de Gisnes
quod occasione mandati regis quod eis ultimo fecit de veniendo ad
regem cum militibus et servientibus cum eo (fn. 2) existentibus apud Monem',
nullo modo inde recedat, et si forte inde recesserit antequam ad eum
veniat hoc mandatum regis, in continenti illuc reverti non omittat.
Et scire faciat militibus et servientibus qui in partibus marchie
sunt in garnisionibus, quod inde non recedant, set ibidem morentur,
nulli de marchia aliquod malum facientes, donec rex aliud inde
preceperit.
Eodem modo scribitur Baldewino de Ver apud Salopiam.
Willelmo de Boel scribitur quod nullum de garnisione sua
recedere permittat, set etc.
Mandatum est vicecomiti Glouc' quod omnes homines de comitatu
suo juratos ad arcus et sagittas et hachias, quos venire fecit usque
Flexl' ad vigilias faciendas ibidem occasione quorundam servientum
de gente comitis R. Marescalli qui ad abbatiam de Flexl' fugerunt,
ad partes suas sine inpedimento redire permittat ad terras suas
excolendas. Ceteros vero, juratos ad loricas, purpunctos et hauberjunos quos ibidem ad hoc venire fecit, faciat ibidem morari ad
vigilias faciendas, ita quod quidam unius patrie et alii patrie
successive vigilias illas faciant. Teste rege apud Wudestok', xv. die
Marcii. Per episcopum Wintoniensem et justiciarium.
Mandatum est Amaurico de Sancto Amando et Johanni Maunsel
quod militibus et servientibus commorantibus in garnisione apud
Hayam pacationes suas habere faciant eo modo quo eas prius habere
consueverunt, et illis qui equos suos in servicio regis amiserunt, per
testimonium constabularii de Haya dampnum equorum suorum reddi
faciant. Teste rege apud Wudestok', xviij. die Marcii. Per P.
de Rivall'.
Quia datum fuit intelligi domino regi quod Rogerus de Sancta
Trinitate homicidium perpetravit in civitate London' et quedam alia
contra coronam et dignitatem domini regis attemptavit, precepit
dominus rex ipsius corpus arestari, quod quidem domino Londoniensi
episcopo litteris suis significavit. Precepit etiam dominus rex quod
ex quo ipse episcopus sive officialis suus ipsum exegerit, ipsi vel ejus
officiali liberetur ad habendum eum coram ipso rege ad standum
recto super hiis que ei imponuntur ad mandatum domini regis.
Teste rege apud Westmonasterium, xxv. die Marcii. Per ipsum
regem.
[m.27d.]
Bukingh'.—Prior Sancti Bartholomei London' attornavit Willelmum filium Milonis, concanonicum suum, contra Ricardum de Ydebir' tenentem, de dimidia virgata terre cum pertinentiis in Mentemor'.
Midd'.—Nicholaus de Henred attornavit Willelmum de Tatteshal' contra Robertum le Hunte petentem, de una virgata et sex acris terre in Kensinton'.
Surr'.—Johannes de Paye attornavit Robertum Lenveise contra Ricardum de Bruningfald' deforciantem, de consuetudinibus etc. in Brumleg'.
Balliva Oxonie.—Robertus de Haya attornavit Walterum de Covel' contra Johannem Sewy petentem, de uno mesuagio in Oxonia.
Buk'.—Willelmus Alard et Alienora mater ejus attornaverunt Galfridum de Cliveden' contra Radulfum filium Rogeri petentem, de dimidia virgata et ij. acris terre et dimidia in Burnham.