Close Rolls, October 1234

CLOSE ROLLS.

19 HENRY III.

[m. 26.]

De trencheis in foresta de Dene.—Mandatum est constabulario de Sancto Briavello quod trencheas foreste de Den', que aliquando excisse fuerunt et jam excreverunt ita quod periculum inde imminet transeuntibus, ut dicitur, iterum de novo faciat excindi in eodem statu in quo primo fuerunt. Teste rege apud Wudestok', xxix. die Octobris, anno regni nostri xix.

De vinis capiendis ad opus domini regis apud Suhampt'.—Mandatum est Johanni de Colemere et Michaeli de Aumbly vel eorum alteri qui inventus fuerit, si ambo inventi non fuerint, quod de vinis Wasconie contentis in navi illa que nuper applicuit apud Suhampt' carcata novis vinis, retineri faciat ad opus domini regis viginti et quinque dolia vini de melioribus. Teste ut supra.
Et mandatum est ballivis Suhampt' quod predictis Johanni et Michaeli vel eorum alteri ad hoc faciendum sint auxiliantes, quod ita fiat. Teste ut supra.

De respectu demande.—Mandatum est vicecomiti Oxonie quod demandam septem marcarum, quam per summonitionem Scaccarii facit Gileberto Basset de prestito facto Thome Basset, fratri suo, de tempore quo rex fuit in partibus transmarinis, ponat in respectum usque super proximum compotum suum ad Scaccarium. Teste ut supra. Per G. de Craucumb'.

De Petro de Rivall'.—Rex Petro de Rivall' salutem. Quia audivimus quod jam estis apud Oxoniam in veniendo versus nos sub conductu quem vobis concessimus, et non placet nobis ad presens quod ulterius procedatis causa accedendi ad nos; vobis mandamus quod sub eodem conductu hac nocte instanti vel crastina die Dominica post festum Apostolorum Simonis et Jude tempestive usque Wintoniam salvo redeatis. Teste ut supra.

Pro Fulcone filio Warini.—Mandatum est constabulario de Sancto Briavello quod faciat habere Fulconi filio Warini tres bissas et duas layas in foresta de Den', de dono regis. Teste ut supra.

De tradendis in ballium.—Mandatum est vicecomiti Berk' quod, si Everardus de Grave, Simon faber, Johannes Rampan et Johannes bedellus, capti et detenti in prisona regis apud Walingford' pro combustione et roberia, invenerint ei xij. (fn. 1) probos et legales homines, ita quod quilibet eorum duodecim, qui eos manucapiant habere ad standum inde recto coram justiciariis regis ad primam assisam cum in partis illas venerint, tunc predictos Everardum, Simonem, Johannem et Johannem prefatis probis et legalibus hominibus in ballium tradat, sicut predictum est. Et habeat ibi nomina predictorum singulorum xij. etc. Teste ut supra.

Pro executione testamenti Joldewini de Doe.—Mandatum est vicecomiti Oxonie quod blada et catalla que fuerunt Joldewini de Doe in Pedinton', Galfrido de Doe et aliis executoribus testamenti ipsius Joldewini habere faciat ad executionem testamenti predicti faciendam. Teste ut supra. Per Radulfum filium Nicholai.

Pro Hereberto filio Mathei.—Mandatum est custodi foreste de Melkesh' quod faciat habere Hereberto filio Mathei quinque robora in foresta predicta ad focum suum, de dono regis. Teste ut supra. Per Radulfum filium Nicholai.

Pro Alano filio Warini.—Mandatum est Galfrido Esturmy quod habere faciat Alano filio Warini ad se hospitandum viginti cheverones et duas pannas in foresta de Savernak', de dono regis. Teste rege apud Wudestok', xxx. die Octobris.

De vino dato.—Mandatum est custodi vinorum regis de Rading' quod faciat habere Waltero Marescallo et Anselmo fratri suo unum dolium vini de vinis regis que sunt in custodia sua, de dono regis. Teste ut supra.

Pro Huberto de Burgo de instanro castrorum suorum in (fn. 2) — Mandatum est Walramo Theutonico quod totum bladum et totum instaurum, balistas et arma, que recepit in castris de Grosmunt, Blaunc Chastel et Skenesfrith', liberet Hugoni de Kynardel' vel alicui de suis, quem ad hoc loco suo destinaverit, ad opus Huberti de Burgo, comitis Kantie. Teste ut supra. Per Walterum de Raleg'.

Pro Waltero Wither.—Mandatum est vicecomiti Hereford' quod recordari faciat in pleno comitatu suo appellum quod Walterus filius Walteri et Hugo de Wirmebrug' et quidam alii faciunt versus Walterum Wither in eodem comitatu, et per que verba, de morte Willelmi Walensis, quem idem Walterus Wither dicit utlagatum fuisse pro morte Ranulfi de Lyden', avunculi ipsius Walteri Wither. Et recordum illud habeat coram domino rege sub sigillo suo et per iiij. legales milites de eodem comitatu, qui recordo illo interfuerint, a die Sancti Martini in xv. dies. Scire etiam faciat domino regi utrum predictus Willelmus pro morte predicta utlagatus fuit necne. Et utlagationem in predictum Walterum Wither promulgandam ponat in respectum, donec dominus rex aliud inde preceperit. Teste ut supra.

[m. 26.]

Pro Radulfo filio Briani de Stopham.—Mandatum est vicecomiti Middelsex' quod de omnibus terris et redditibus quos Brianus de Insula habuit in ballia sua, de quibus seisitus fuit ut de feodo die qua obiit, Radulfi (fn. 3) de la Zuch', custodi Radulfi filii Briani de Stopham, qui est unus heredum predicti Briani, et aliis heredibus predicti Briani plenam seisinam sine dilatione habere faciat. Teste ut supra.

Mandatum est vicecomiti Eboraci quod, non obstante libertate quam Margeria de Rivers clamat habere in ballia sua, plenam seisinam habere faciat Rogero la Zuch', custodi Radulfi de Stopham, qui est unus heredum Briani de Insula, et aliis heredibus predicti Briani de omnibus terris et redditibus qui fuerunt predicti Briani in ballia sua, de quibus seisitus fuit ut de feodo die quo obiit, sicut alias erat ei preceptum. Et, si predicta Margeria vel ballivi sui aliquid de predictis terris et redditibus ceperint, postquam seisinam illam predictis Rogero et heredibus dominus rex fieri precepit, id eis sine dilatione reddi faciat; et venire faciat coram domino rege predictam Margeriam a die Sancti Martini in xv. dies, ostensuram quare predictam seisinam ipsis heredibus ipsum vicecomitem facere impedivit contra preceptum domini regis, et quo waranto clamat tales seisinas facere in ballia ipsius vicecomitis. Teste rege, ut supra.

Eodem modo mandatum est eidem vicecomiti de terris et redditibus qui fuerunt ipsius Briani etc. intra libertatem archiepiscopi Eboracensis, sicut alias erat ei mandatum, ita quod returnum preceptum domini regis fieri faciat ballivis predicti archiepiscopi de predicta libertate, secundum morem et consuetudinem ballie sue; et, si predictus archiepiscopus vel ballivi sui aliquid de predictis terris vel redditibus ceperint postquam dominus rex predictam seisinam predictis heredibus fieri precepit, id eis sine dilatione reddi faciat. Teste ut supra.

De coronatore in comitatu Dors'.—Dominus rex loco Willelmi Cusin, qui extitit coronator in comitatu Dors' et (fn. 4), ut dicitur, ad hoc minus est sufficiens, constituit Simonem de Maneton' coronatorem suum. Et mandatum est vicecomiti Dors' quod, accepto ab eodem Symone sacramento in pleno comitatu suo quod una cum aliis coronatoribus domini regis ejusdem comitatus fideliter servabit placite (fn. 3) corone regis et ea faciet que ad coronam regis pertinent, ipsum Symonem loco predicti Willelmi ad hoc admittat. Teste rege, ut supra.

Pro Henrico de Alditheleg'.—Mandatum est vicecomiti Salopie quod demandam, quam facit Henrico de Aldithelegh' per summonitionem Scaccarii de defectu instauri comitatuum Staff' et Salopie de tempore quo idem Henricus fuit vicecomes regis eorundem comitatuum, ponat in respectum usque ad proximum adventum regis Lond' in festo Sancti Martini. Averia autem ipsius Henrici, que occasione predicta cepit, sine dilatione deliberari faciat. Teste rege ut supra.

[m. 26.]

Rex vicecomiti Devonie, salutem. Scias quod, cum feoda militum et libere tenentium, qui aliquando tenuerunt in feodo de Willelmo Briwer' in diversis comitatibus, nuper coram nobis inter coheredes ipsius Willelmi divisa ac per sortem partita essent, acciderunt ad partem filiarum et heredum Johanne que fuit uxor Willelmi de Perci unius predictorum coheredum, in comitatu tuo feoda ista, scilicet, de Saunford' Gerardi de Spineto feodum unius militis, de Stodlegh' et Holecumb' feodum dimidii militis, de Aulescumb' T (fn. 5)

Pro executione testamenti B. de Insula.—Rex vicecomiti Eboraci salutem. Precipimus tibi quod de firmis et wardis terrarum, quas Brianus de Insula habuit ad terminum in ballia tua, et quas cepisti in manum nostram occasione mortis predicti Briani, executoribus testamenti predicti Briani plenam seisinam habere facias, sicut de aliis catallis que fuerunt ejusdem Briani, ad executionem predicti testamenti faciendam. Teste rege apud Wudest', xxx. die Octobris.
Eodem modo scribitur:
vicecomiti Linc',
vicecomitibus (fn. 6) Notingh' et Dereb',
vicecomiti Wiltes',
vicecomiti Essex'.

Pro fratribus predicatoribus et minoribus Bristolli.—Mandatum est constabulario Bristolli quod faciat habere fratribus predicatoribus Bristolli septem fusta, et fratribus minoribus ejusdem ville septem fusta ad focum suum in bosco suo de Furch', de dono regis. Teste rege apud Wudestok', xxxj. die Octobris.

Pro G. Marescallo, comite Penbr'.—Mandatum est ballivo de Fekham quod faciat habere G. comiti Marescallo viginti matrices bremias ad vivaria sua instauranda, de dono regis. Teste rege apud Wudest', xxxj. die Octobris. Per G. de Craucumb'.

Pro Galfrido de Luscy.—Mandatum est ballivis de Novo Burgo quod talem seisinam habere faciant Galfrido de Luscy de terra sua cum pertinentiis in Keyrwent', unde disseisitus fuit occasione guerre mote inter regem et R. comitem Marescallum. Teste ut supra.