Close Rolls, June 1236

Close Rolls, June 1236

[m. 11.]

De damis datis magistro milicie Templi.—Mandatum est Ricardo de Muntfichet quod faciat habere fratri Roberto de Sampford', magistro milicie Templi in Anglia, quinque damos in foresta regis Essex' de dono regis. Teste rege apud Merewell', primo die Junii.
Mandatum est Thome de Samford' quod in foresta regis de Braden' habere faciat eidem magistro quinque damos de dono regis. Teste ut supra.

Rex. De extenta pro Rogero de Radeleg'.—Mandatum est justiciariis ad custodiam Judeorum assignatis quod per sacramentum proborum et legalium hominum extendi faciant terram Rogeri de Radeleg' in Radel', que est vadium Abrahe de Berchamsted', Jacobi filii Florie, Florie matris predicti Jacobi, Salomonis filii Benedicti le Esvesk', Jacobi fratris dicti Salomonis, Samuelis filii Aaron le Rich' et Benedicti le Esvesk', Judeorum Lond', videlicet quantum valeat per annum in dominicis, redditibus, serviciis, villenagiis et omnibus aliis exitibus terre; et, facta extensione predicta, eidem Rogero rationabilem finem et rationabiles terminos habere faciant ad debita in quibus predictis Judeis tenetur reddenda secundum valorem predicte terre et quantitatem predictorum debitorum, ita quod interim cessent usure. Teste rege apud Marewell', primo die Junii. Pro Petro de Bedinton.'

Pro Ricardo filio Hugonis.—Mandatum est Johanni de Colemere quod de vinis que emi faciet ad opus regis in nundinis Sancti Botulfi proximo instantibus habere faciat Ricardo filio Hugonis in predictis nundinis unum bonum dolium vini Wasconie pro uno bono dolio vini quod idem Ricardus regi habere fecit apud Suhampt', cum rex esset apud Merewell'. Teste rege apud Merewell', iij. die Junii.

Pro priore de Hadfeld'.—Mandatum est Warnero Engayn' et Waltero de Burgo quod non obstante precepto regis quod eis fecit de dominicis regis in manum regis capiendis, plenam seisinam habere faciant priori de Hadfeld' de manerio de Hadfeld' cum pertinentiis, quod tenet de rege ad firmam quamdiu regi placuerit et unde eum disseisiverunt occasione predicti precepti, cum bladis, carucis, instauris et omnibus catallis in eo inventis. Teste rege apud Merewell', iiij. die Junii.

Pro Roberto de Mares'.—Mandatum est Ricardo de Muntfichet quod habere faciat Roberto de Mares unum damum in foresta Essex' ad opus uxoris fratris sui de dono regis. Teste ut supra.

De carta legenda.—Mandatum est baronibus de Scaccario quod cartam regis quam fieri fecit priori et canonicis de Seleburn' de quibusdam libertatibus eis a rege concessis legi et teneri faciant, sicut predictum est. Teste ut supra.

[m. 11.]

Pro abbatissa de Werwell'.—Rex Avicie de Columbar' salutem. Ostendit nobis abbatissa de Werwell' quod, cum ei dedissemus decem quercus in foresta nostra de la Cette ad maeremium tempore Michaelis de Columbar' quondam viri tui, ipsa inde nondum habuit nisi quinque quercus. Et ideo tibi precipimus quod, si quinque quercus ei aretro sint, ut dicit, de tempore predicto, tunc illas ei habere facias. Et preter illas quinque habere facias eidem abbatisse in foresta predicta quinque quercus de dono nostro de novo. Teste rege apud Merewell', vj. die Junii.

Suht'.—Walterus de Langeford' dat regi viginti solidos pro habenda assisa ultime presentationis coram rege. Et mandatum est vicecomiti Suht' quod capiat securitatem, etc. [Cancelled] Quia in Rotulo Finium.

Norf'.—Henricus filius Otewy dat regi dimidiam marcam pro habendo quodam Pone coram justiciariis de Banco contra Willelmi (sic) filii Otewy et alios. Et mandatum est vicecomiti Norf' quod capiat securitatem, etc. [Cancelled] Quia in Rotulo Finium.

De custodia terre et heredis Gilberti le Bret.—Henricus filius Nicholai reddidit regi custodiam terre et heredis Gilberti le Bret, pro qua habenda finem fecit cum rege per xl. marcas. Et mandatum est baronibus de Scaccario quod de illis xl. marcis ipsum Henricum quietum esse faciant. Teste ut supra.

Pro W. Karleolensi episcopo.—Mandatum est vicecomiti Norf' quod de una carucata terre cum pertinentiis in Gerboldesham' que fuit Willelmi de Wigehal' et que capta est in manum regis pro contentione que inde est in curia regis inter regem et Adam de Wygehal' faciat habere W. Karleolensi episcopo, custodiam, donec discussum fuerit in eadem curia cui terra ipsa debeat de jure remanere. Teste ut supra.

De busca data.—Mandatum est Johanni de Nevill', justiciario foreste, quod in bosco regis de Shotour' (fn. 1) faciat habere Fratribus Minoribus Oxonie xv. carectatas busce de dono regis. Teste ut supra.

De respectu loquele.—Quia abbas de Rames' pro itinere justiciariorum ad quod constitutus est in comitatibus Bedef' et Buk' interesse non potest loquele que summonita est coram justiciariis de Banco in crastino Sancti Johannis Baptiste anno etc. xx. inter Hamonem Pech', petentem, et predictum abbatem, tenentem, de duabus carucatis terre cum pertinentiis in Oure, excepta advocatione ecclesie ejusdem ville, mandatum est justiciariis predictis quod loquelam predictam ponant in respectum usque in xv. dies post festum Sancti Michaelis anno predicto. Teste ut supra.

Pro vicecomite Noting'.—Rex concessit vicecomiti Noting' pratum regis quod pertinet ad castellariam castri regis Noting', quam diu regi placuerit, ad estoverium equorum vicecomitis, salvo regi sufficienti estoverio feni ad opus equorum regis in adventibus suis ad partes illas. Et mandatum est predicto vicecomiti quod pratum illud recipiat. Teste rege apud Merewell', vij. die Junii.

[m. 11.]

De maeremio ad molendinum Noting'.—Mandatum est Johanni de Nevill', justiciario foreste, quod maeremium quod prostratum fuit in bosco regis de Willeye tempore Radulfi filii Nicholai ad molendinum regis sub castro Noting' reparandum permittat vicecomiti Noting' abducere ad reparationem molendini predicti. Et ex quo predictum maeremium defecerit per visum forestariorum et viridariorum permittat ipsum vicecomitem facere prosterni et abduci in eodem bosco maeremium ad sufficientiam ad predictum molendinum reparandum: permittat etiam eundem vicecomitem habere estoverium suum in haya de Betswode de mortuo et sicco bosco. Teste ut supra.

Pro priore et monachis de Hurl'.—Rex per cartam suam confirmavit priori et monachis de Hurl' quasdam libertates et quietancias prius eis a predecessoribus regis, regibus Anglie, concessas, quibus quasdam libertates et quietancias eisdem priori et monachis de concessione regis de novo duxit addendas, sicut in carta regis quam inde habent plenius continetur. Et mandatum est justiciariis proximo itineraturis ad placita foreste in comitatu Berk' quod cartam illam coram eis legi et libertates et quietancias in ea contentas eis teneri faciant, sicut predictum est. Teste rege apud Merewell', viij. die Junii.

De quercubus.—Mandatum est Johanni de Nevill', justiciario foreste, quod si nondum habere fecerit W. de Kirkeh', decano Sancti Martini Lond', quinque quercus ad maeremium in parco de Hadfeld' per mandatum regis ei inde prius directum, tunc illas in parco predicto ei habere faciat, non obstante eo quod Walterus de Burgo manerium de Haldfeld' cepit in manum regis. Teste rege apud Wintoniam, ix. die Junii.

De quercubus.—Mandatum est Ricardo de Muntfichet quod si nondum habere fecerit eidem W. quinque quercus in foresta Essex' ad maeremium inde faciendum ad grangiam quandam faciendam apud manerium regis de Neuport, sicut rex prius ei mandavit, tunc illas quinque quercus ei habere faciat in bosco de Hadhfeld', non obstante eo quod Walterus de Burgo manerium de Hadhfeld' cepit in manum regis. Teste rege ut supra.

De perdonatione usure.—Rex perdonavit Roberto de Pedhling' totam usuram debitorum in quibus tenetur Isaac, Judeo Noting', et Benedicto, Judeo Warewic', salva predictis Judeis sorte predictorum debitorum. Et mandatum est justiciariis ad custodiam Judeorum assignatis quod de usura predicta ipsum Robertum quietum esse et ad sortem eorundem debitorum predictis Judeis reddendam eidem Roberto rationabiles terminos habere faciant. Teste ut supra.

De roboribus datis.—Mandatum est Reginaldo de Albo Monasterio quod in foresta de Windes' faciat habere Roberto de Cant', clerico regis de capella regis, tria robora ad focum suum de dono regis. Teste ut supra.

[m. 11.]

Pro Thoma de Gorges.—Mandatum est vicecomiti Dors' quod, si tallagium assessum fuerit super homines de manerio de Porestok', pacem eis inde habere faciat, et, si assessum non fuerit, nullum ibi assideri permittat nec aliquam districtionem faciat super Thomam de Gorg' in cujus manu predictum manerium est per preceptum regis per feodum suum xij. librarum, quod percipit per manum predicti vicecomitis pro tallagio pedicti manerii; set illud ei plenarie habere faciat sicut illud habere consuevit. Teste ut supra.

Judei. De extenta facienda.—Thomas de Brocdent habet litteras regis directas justiciariis ad custodiam Judeorum assignatis de terris et domibus suis in London' extendendis, et de habendo rationabili fine et rationabilibus terminis ad debita reddenda in quibus tenetur Elye Episcopo, Judeo London', ita interim cessent usure. Teste rege apud Wintoniam, x. die Junii.

De vinis cariandis.—Mandatum est Johanni de Colemere quod de xl. doliis vini que de nundinis Sancti Botulfi rex cariari precepit usque Eboracum liberari faciat Alexandro Bacun, custodi honoris Brittannie, viginti et quinque dolia carianda usque Novum Castrum super Tynam, cui rex mandavit quod ea ab eodem Johanne recipiat et illuc cariari faciat, et residua xv. dolia liberet carianda usque Eboracum, sicut rex prius precepit de quadraginta. Teste rege ut supra.

De perdonatione.—Rex perdonavit Thome de Gresl' centum solidos ad quos occasione communis summonitionis amerciatus fuit coram justiciariis itinerantibus in comitatu Linc' tempore quo rex fuit apud Castrum Matillidis, ubi idem Thomas fuit cum rege per preceptum regis. Et mandatum est baronibus de Scaccario quod de predictis centum solidis ipsum Thomam quietum esse faciant. Teste rege apud Wintoniam, xi. die Junii.

De Judeis non remanendis in Suhampt' sine speciali precepto regis.— Rex concessit burgensibus suis Suht' quod nullus Judeus decetero maneat apud Suht sine speciali precepto regis. Et mandatum est justiciariis ad custodiam Judeorum assignatis quod illuc nullum Judeum mittant ad manendum ibi nec aliquem ibidem manere permittant sine speciali precepto regis. Teste ut supra.

Pro Henrico de Hauvill'.—Mandatum est Waltero de Burgo et Warnero Engayn' quod occasione precepti regis quod rex eis fecit de dominicis maneriis regis capiendis in manum regis manum non mittant ad manerium de Brikelestok' quod est in manu Henrici de Hauvill'; et, si forte illud in manum regis seisiverint, plenam ei inde seisinam rehabere faciant. Teste ut supra.

Judei. De extenta facienda.—Mandatum est justiciariis ad custodiam Judeorum assignatis quod per sacramentum proborum et legalium hominum extendi faciant domos et terras Azonis Benedicti Suhampt' in Suht' et in La Hull', videlicet quantum valeant per annum in dominicis, redditibus, serviciis, villenagiis et omnibus aliis exitibus, et, facta extensione predicta, eidem Azoni rationabilem finem et rationabiles terminos habere faciant ad debita in quibus tenetur David, Judeo Oxonie, et Deuleben' filio Ursell', Judeo Wintonie, secundum valorem predictarum domorum et terrarum et quantititatem predictorum debitorum, ita quod interim cessent usure. Teste rege ut supra.

Pro abbate Sancti Edmundi, de respectu loquele.—Quia abbas Sancti Edmundi per preceptum regis in crastino festi Sancti Johannis Baptiste intendet quibusdam negotiis regis in partibus suis expediendis, que rex ei injunxit, ita quod eo die coram justiciariis de Banco comparere non potest, mandatum est predictis justiciariis quod omnes loquelas ispum prefato die tangentes coram eis ponant in respectu in eodem statu quo erunt ad diem illum, usque in octabas Sancti Michaelis anno etc. xx. Teste rege ut supra.

De damis datis.—Mandatum est Johanni de Nevill', justiciario foreste, quod in foresta de Brehull' habere faciat Walerando Teutonico duos damos de dono regis. Teste rege apud Wyntoniam, xij. die Junii.

[m. 10.]

Pro priore de Merleberg'.—Rex Galfrido Esturmi salutem. Ostendit nobis prior Sancte Margarete de Merleberg' quod, cum ipse duos homines suos misisset ad boscum nostrum de Savernac pro claustura spine ad hayas suas claudendas, tu prefatos homines cepisti et imprisonasti et adhuc detines imprisonatos. Et ideo tibi precipimus quod, si ita est, tunc prefatos homines sine dilatione deliberari facias. Teste rege apud Wintoniam, xiij. die Junii.

Pro. W. Karleolensi episcopo, de damis.—Mandatum est Ricardo de Muntfichet quod permittat W. Karleolensem episcopum, capere tres damos ad opus suum in balliva sua de dono regis. Teste rege apud Wintoniam, xiiij. die Junii.
Eodem modo mandatum est ballivis de Odyham pro eodem episcopo de tribus damis. Teste rege ut supra.

Surr'. Pro Petro Baldewini.—Rex dilecto et fideli suo Johanni de Gatesden' salutem. Ostendit nobis Petrus Baldewini quod cum ipse a Gilberto de Abbernun, dum viveret, viginti et quinque fusta emisset in bosco suo de Stokes, ita quod signata essent fusta illa ad prosternendum, et duo inde essent prostrata, vos postquam ballivam illam recepistis fusta illa prosterni et abduci permittere noluistis. Et ideo vobis mandamus quod, inquisita super hoc diligentius veritate, si inveneritis ita esse, tunc prefatum Petrum fusta predicta prosternere et abducere sine impedimento permittatis. Teste rege apud Wintoniam, xiiij. die Junii.

De damis datis W. de Kirkeh'.—Mandatum est Johanni de Nevill', justiciario foreste, quod in foresta de Brehull' habere faciat W. decano Sancti Martini, Lond', duos damos de dono regis. Teste ut supra.

[m. 10.]

Rex. De quercubus ad maeremium domorum castri Wintonie.— Mandatum est constabulario Porecestr' quod in foresta de la Bere in balliva sua faciat habere vicecomiti Suht' xl. quercus ad maeremium inde faciendum ad domos regis infra castrum Wintonie. Teste rege ut supra.

Pro Henrico de Helyun.—Mandatum est vicecomiti Berk' quod de terra in Falewel' quam Willelmus Blome tenet et unde rex pro voluntate fecit disseisiri Henricum de Helyun eidem Henrico sine dilatione plenam seisinam habere faciat, salvis predicto Willelmo bladis et catallis suis que habet in eadem terra. Teste ut supra.

Pro rege, de grissio opere et cera.—Mandatum est A. Bacun, custodi nundinarum Sancti Botulfi, quod in nundinis predictis ad opus regis faciat retineri quindecim milliaria grissii operis et duo milliaria cere usque ad adventum W. de Haverhull' et W. scissoris regis ad nundinas predictas. Teste rege apud Wintoniam, xv. die Junii.

De vinis recipiendis et ponendis in celario regis Suhampt'.—Mandatum est custodibus vinorum regis Suhampt' quod decem et novem dolia vini que Barnabas de Barbeflet' eis liberabit ab eodem ad opus regis recipiat (sic) et ea in celario regis Suht' poni faciant, salvo ad opus regis ibidem custodienda donec rex aliud inde preceperit. Teste ut supra.
Quia Belina que fuit uxor Deuleben', Judei Wintonie, finem fecit cum rege per ducentas marcas pro habendis catallis et vadiis que fuerunt predicti viri sui die quo obiit; mandatum est justiciariis ad custodiam Judeorum assignatis quod de catallis et vadiis que predicta Judea secundum legem et consuetudinem regni regis probare poterit fuisse predicti viri sui die predicto eidem Beline plenam seisinam habere faciant. Teste ut supra. [Cancelled] Quia aliter inferius.

De cera retinenda ad opus regis.—Mandatum est ballivis Bristoll' quod retineant ad opus regis trecentas libras cere, ita quod rex ceram illam promptam habeat cum ad partes illas venerit. Teste ut supra.

Pro abbate et monachis de Villa Nova.—Mandatum est Alexandro Bacun, custodi honoris Richemund', et ballivo regis nundinarum Sancti Botulfi quod habere faciant abbati et monachis de Villa Nova de ordine Cisterciensi decem libras quas singulis annis percipere consueverunt nomine elemosine in nundinis predictis de dono Constancie, quondam comitisse Britannie tempore J. regis et tempore hujus regis, antequam honor predictus provenisset in manum P. comitis Britannie. Teste ut supra.

Pro Belina, Judea Wintonie.—Mandatum est justiciariis ad custodiam Judeorum assignatis quod catalla et vadia que Belyna que fuit uxor Deuleben', Judei Wintonie, probare poterit secundum legem terre nostre sua esse eidem Beline habere faciant. Teste ut supra.

[m. 10.]

Judei. Pro Johanne filio Johanni (sic) Balun, de extenta.—Mandatum est justiciariis ad custodiam Judeorum assignatis quod per sacramentum proborum et legalium hominum extendi faciant terram Johannis filii Johannis de Balun in magna Merkel' et in magna Cheverel' que est vadium Urseli filii Hamonis, Judei Heref', David de Oxonia et Samar' de Wintonia, Judeorum, videlicet quantum valeat per annum in dominicis, redditibus, serviciis, villenagiis et omnibus aliis exitibus terre; et, facta extensione predicta, eidem Johanni rationabilem finem et rationabiles terminos habere faciant ad debita in quibus predictis Judeis tenetur reddenda secundum valorem terre predicte et quantitatem predictorum debitorum, ita quod interim cessent usure. Teste ut supra.

De damis datis comitisse Penbr'.—Mandatum est Johanni de Nevill', justiciario foreste, quod in forestis de Wychewud' et Wytlewud' et Bernewud' habere faciat A. comitisse Penbr', quindecim damos de dono regis, scilicet in singulis earum quinque damos. Teste rege apud Wintoniam, xvj. die Junii.

De quercubus datis.—Mandatum est constabulario Divisarum quod faciat habere Herberto filio Mathei novem quercus in foresta de Melkesham' ad focum suum de dono regis. Teste rege apud Clarendon', xvij. die Junii.

Electus. Pro electo Valentino.—Mandatum est Ade filio Willelmi quod de manerio de Reindon' cum pertinentiis quod extendi fecit ad triginta et quatuor libras, xviij. solidos et xi. denarios, et de manerio de Benigton' cum pertinentiis quod extendi fecit ad quadraginta libras, quinque solidos, octo denarios et obolum, per preceptum regis, de terris que fuerunt Roberti filii Walteri, plenam seisinam habere faciat W. electo Valentino, cum bladis que rex habet in predictis terris et carucis regis. Et de terris residuis que fuerunt predicti Roberti, quantum deest de ducentis libratis terre, extendi et eidem electo inde seisinam habere faciat similiter cum bladis que rex habet in eisdem terris et carucis regis, ita quod de terris que fuerunt predecti Roberti habeat ducentas libratas terre competentius ei assignatas, quas rex ei commisit ad se sustentandum in servicio suo quamdiu regi placuerit. Teste ut supra. [Cancelled] Quia non habuit.

Rex. De imagine quadam facienda.—Mandatum est H. de Pathes', thesaurario regis, quod ad similitudinem imaginis regie quam rex fieri fecit ponendam in feretro Sancti Edwardi apud Westmonasterium fieri faciat competentem imaginem cujusdam regine ad minus custum quod poterit ponendam in feretro predicto, ita quod prompta sit cum rex illuc proximo venerit. Teste rege apud Clarendon,' xviij. die Junii.

De capreolis datis.—Mandatum est Ricardo de Wrotham quod in bosco de Cury faciat habere Hugoni de Vivon' quinque capreolos de dono regis. Teste rege ut supra.

[m. 10.]

Judei. De extenta facienda pro Johanne de Coudr'.—Mandatum est justiciariis ad custodiam Judeorum assignatis quod per sacramentum proborum et legalium hominum extendi faciant terram Johannis filii Walteri de Coudr' in Coudr' que est vadium Aaron filii Abrahe, Samuelis Muton', Samme (?) fil' Aaron Blundi, Judeorum London', et Ysaac filii Samuelis, Judei Cantebrigie, videlicet, quantum valeat per annum in dominicis, redditibus, serviciis, villenagiis et omnibus aliis exitibus terre; et, facta extensione predicta, eidem Johanni rationabilem finem et rationabiles terminos habere faciant ad debita in quibus predictis Judeis tenetur reddenda secundum valorem predicte terre et quantitatem predictorum debitorum, ita quod interim cessent usure. Teste ut supra.

Pro Roberto de Briwes.—Rex cepit homagium Roberti de Briwes de terris et tenementis que tenet de hereditate Berte filie et heredis Pauline de Teyden', uxoris predicti Roberti, de honore de Raelegh', cujus custodiam rex dederat Waltero de Evermuth'.

De damis datis.—Mandatum est Ricardo de Wrotham quod in parco de Brug' Walteri faciat habere Hugoni de Vivon' tres damos de dono regis. Teste ut supra.

Pro Emeryco de Sascy.—Mandatum est Johanni de Nevill', justiciario foreste, quod in foresta de Penber' Emerico de Sascy liberationem busce et pannagium suum habere faciat, sicut in ea habere debet et habere consuevit tempore domini J. regis et tempore hujus regis. Teste ut supra.

Pro Emeryco de Sascy.—Mandatum est vicecomiti Cantebr' quod de dimidia hida terre in Bassingburn' unde contentio fuit in curia regis inter Emerycum de Sascy et Fulconem de Muntgumery et que tandem assignata est feodo de Mordon' quod fuit Willelmi de Ken et quam per preceptum regis cepit in manum regis permittat predictum Emerycum blada de hoc anno instanti habere et terram ipsam in manu regis salvo faciat custodiri, donec rex ei aliud inde preceperit. Teste ut supra.

Pro decano et capitulo Sarrisburiensibus.—Mandatum est constabulario Divisarum quod habere faciat decano et capitulo Sarrisburiensibus viginti bonas quercus in foresta de Chipeh', sparsim per loca, ad stalla sua facienda in ecclesia Sarr' de dono regis. Teste ut supra.

Rex. De maeremio ad operationes apud Clarendon'.—Mandatum est Henrico de Dun, custodi domorum de Clarendon', quod in bosco regis de Milcet et alibi in balliva sua faciat habere Magistro Elye de Derh' maeremium ad operationes regis apud Clarendon' et buscam ad quendam rogum faciendum ad easdem operationes, sicut idem magister ei dicet ex parte regis. Teste ut supra.

[m. 10.]

De quodam falso nuntio.—Mandatum est ballivis de Aundevr' quod Willelmum, quem ceperunt et captum detinent apud Aundevr', et qui se fecit nuntium venerabilis patris R. Cicestrensis episcopi, cancellarii regis et qui ejus nuntius non est, ut idem cancellarius dicit, venire faciant usque Wintoniam et liberari custodi gaiole regis ville Wintonie cui rex mandavit quod ipsum recipiat et in predicta gaiola salvo custodiat quousque rex aliud inde preceperit. Teste ut supra.
Et mandatum est custodi predicte gaiole quod illum recipiat et salvo in predicta gaiola salvo (sic) custodiat, donec rex aliud inde preceperit. Teste ut supra.

Pro Rogero Gernun.—Quia constat regi per inquisitionem quam fieri fecit per justiciarios ultimo itinerantes in comitatu Wilt' quod nec Rogerus Gernun nec predecessores sui aliquo tempore consueverunt dare viginti solidos ad custodiam castri Divisarum nisi tempore quo Johannes Marscall' habuit custodiam ejus castri; mandatum est constabulario Divisarum quod predictum Rogerum de demanda predictorum xx. solidorum decetero pacem habere permittat. Teste ut supra.

Pro decano et capitulo Sarrisburiensibus.—Mandatum est constabulario Sancti Briavelli quod centum quercus in foresta de Dene quas rex dedit decano et capitulo Sancte Marie Sarrisburiensis ad fabricam ecclesie sue tempore quo Petrus de Rivall' habuit custodiam predicte foreste et quas nondum habuerunt, sicut regi certificatum est, eis habere faciat. Teste rege apud Craneburn', xx. die Junii.
Per breve P. de Rivall' quod habuerunt directum W. de Sancto Leodegario, castellano predicti castri tempore predicti P., unde datum xxij. die Januarii anno etc. xviij. apud Clarendon', et quod decanus et capitulum regi integras (sic) reddiderunt.
Mandatum est Henrico de Dun, custodi domorum de Clarendon', quod per visum forestariorum faciat habere vicecomiti Wilt' ad reparationem regis domorum regis (sic) in castro Sarrisburiensi et capelle Sancte Crucis et domorum que fuerunt episcopi Sarrisburiensis in eodem castro maeremium in balliva sua prout necesse fuerit ad easdem reparationes. Teste rege ut supra.

Pro herede G. comitis Glouc'.—Quia datum regi intelligi quod manifeste derogaretur filio et heredi comitis Glouc' qui est in custodia regis quantum ad chaceam suam de Craneburn', si Johannes Byset clauderet boscum suum de Rokeburne, sicut rex licentiam ei dederat credens quod id fieri posset sine prejudicio juris alieni: rex dedit in mandatis eidem Johanni quod de predicto bosco decetero claudendo penitus cesset et id quod clausum est prosternat. Et mandatum est ballivo de Craneburn' quod, si predictus Johannes ad mandatum regis hoc non duxerit faciendum, ipse id fieri faciat. Teste rege apud Craneburn', xxij. die Junii.

[m. 10.]

De damis datis.—Mandatum est Ricardo de Wrotham quod habere faciat Luce de Drumar' tres damos in foresta de Shilewud' de dono regis. Teste rege apud Shireburn', xxiiij. die Junii.

De damis datis.—Mandatum est Thome de Saunford' quod in foresta de Braden' habere faciat Hugoni Paynel tres damos de dono regis. Teste ut supra.

De carta legenda et tenanda.—Rex concessit priori de Bradenestok' quasdam libertates contenta (sic) in carta regis. Et mandatum est baronibus de Scaccario quod cartam predictam legi et teneri faciant. Teste ut supra.

[m. 9.]

Pro Osberto Giffard'.—Mandatum est Roberto de Aundel', ballivo de Gillingeh', quod non obstante mandato regis quod ei fecit de dominicis regis in manerio de Gillingeh' capiendis in manum regis plenam seisinam habere faciat Osberto Giffard' de tribus virgatis terre cum pertinentiis in Gillingh' quas Gervasius Bailleben qui fugit pro latrocinio tenuit de rege in capite et quas rex dedit eidem Osberto per cartam suam quam inde habet et quas in manum regis cepit occasione predicti mandati. Teste rege apud Middelton', xxiij. die Junii, coram electo Valentino.

Judei. De extenta facienda.—Michael Parleben habet litteras regis de domibus et redditibus suis in Cantebrigia qui sunt vadium Joscei Presbyteri et Aaron Blund', Judeorum London', extendendis et de habendo rationabili fine et rationabilibus terminis. Teste rege apud Dunden', xxvj. die Junii.

De roboribus datis.—Mandatum est Henrico de Dun, ballivo foreste de Pancet', quod magistro Henrico Tessun faciat habere duo robora ad focum suum in foresta de Pancet' de dono regis. Teste rege apud Bristoll', xxviij. die Junii.

Pro abbate de Monte Sancte Michaelis.—Mandatum est custodi insularum de Geres' et de Gerner' quod sine impedimento permittat abbatem de Monte Sancti Michaelis tenere maras et alias possessiones suas in insulis predictis sicut eas tenuit temporibus predecessorum regis, regum Anglie, et temporibus aliorum ballivorum regis qui ante ipsum custodem fuerunt in insulis predictis per preceptum regis. Teste rege ut supra.

De damis datis.—Mandatum est Johanni de Nevill', justiciario foreste, quod in foresta de Rokingh' habere faciat uxori Roberti filii Baldewini de Veer tres damos de dono regis. Teste ut supra.

Pro hominibus de Gillingeham.—Mandatum est ballivis (sic) de Gillingeham quod sine impedimento permittat homines regis de Gillingeham habere liberum ingressum et egressum ad averia sua fuganda usque ad aquam de Lyden' ad ea ibidem adaquanda, ita quod occasione illa nullam habeant communam pasture in parco regis ibidem vel in forinseco bosco vel in landa regis de Martleg', et de escapio averiorum suorum ita se habeat versus eos ne conquerendi de duritia sua justam causam eis relinquat propter quod erga eum rex juste moveri debeat. Teste ut supra.

Pro Engel' de Cygoyn'.—Mandatum est Reginaldo de Albo Monasterio quod permittat Engel' de Cygoyn', constabulario Windes', habere rationabile estoverium suum in foresta de Windes' ad focum suum et in eadem foresta ei duos damos habere faciat de dono regis. Teste rege apud Bristoll', xxix. die Junii.

Pro mulieribus leprosis de Bradelegh'.—Rex concessit mulieribus leprosis de Bradesleg' quod habeant liberum chimunaghium per forestam regis de Selewud' cum equis et carectis suis in eundo et redeundo ad buscam et carbonem et maeremium quod (sic) in eadem foresta perquisierint ad opus earundem mulierum et fratrum et pauperum ejusdem domus, tam ex dono quam ex empto, ducenda usque ad predictam domum suam de Bradesleg'. Et mandatum est Ricardo de Wrotham quod sine impedimento id fieri permittat. Teste ut supra.

Pro episcopo Cycestrensi, de quadam gaiola.—Rex commodavit venerabili patri R. Cycestrensi episcopo, cancellario suo, gaiolam regis in balliva vicecomitis Sussex' ad duos clericos pro morte hominis captos et detentos in prisona regis ponendos in eadem gaiola per manus ipsius episcopi. Et mandatum est vicecomiti Sussex' quod, cum officialis ipsius episcopi ad eum venerit predictos duos clericos, loco ipsius episcopi, ei liberaturus, eos recipiat et in predicta prisona salvo custodiri faciat donec rex aluid inde preceperit. Teste rege ut supra.

De quercubus datis.—Mandatum est Ricardo de Wrotham quod habere faciat monialibus de Bocland' quadraginta quercus ad fabricam ecclesie sue in parco de Pertun' de dono regis. Teste ut supra.

De roboribus datis.—Mandatum est constabulario Bristoll' quod habere faciat Fratribus Predicatoribus Bristoll' quindecim robora, et Fratribus Minoribus ibidem totidem robora in bosco de Furch', ad focos suos de dono regis. Teste ut supra.