Close Rolls, July 1236

Close Rolls, July 1236

Rex. De armis recipiendis.—Mandatum est Johanni de Baiocis quod tam arma quam vasa enea et alia que apud castrum de Plymton' recepit per manum venerabilis patris W. Exoniensis episcopi, per scriptum in modum cyrographi confectum liberari faciat Thome de Cyrencestr', vicecomiti Sumers' et Dors', cui rex precepit quod illa ab eo recipiat. Teste rege apud Berkel', primo die Julii.

De roboribus datis.—Mandatum est Johanni de Nevill', justiciario foreste, quod in foresta de Wytlewud' habere faciat Johanni de Lexint' tria robora ad focum suum de dono regis. Teste rege apud Glouc', ij. die . . . . .

[m. 9.]

Pro Roberto de Cokefeud.—Mandatum est Rogero de Essex', escaetori regis, quod tam de terris quas Agatha de Cokefeud tenuit in dotem quam de terris quas tenuit hereditarie et quas occasione mortis ipsius Agathe cepit in manum regis, Roberto de Cokefeud, filio et heredi predicte Agathe, plenam seisinam habere faciat, simul cum omnibus catallis que in eisdem terris invenit et occasione mortis predicte in manum regis cepit, plenam seisinam habere faciat (sic), si eadem Agatha nullam terram vel tenementa de rege tenuit in capite. Teste ut supra.

De maeremio ad reparationem molendinorum regis Bristoll'.— Mandatum est constabulario Bristoll' quod in bosco de Furches habere faciat ballivis Bristoll' maeremium necessarium ad sustentationem molendinorum regis Bristoll', ita quod de quercubus quas eis ad hoc habere fecerit habeat penes se unam talliam et ipsi ballivi regis contratalliam. Teste rege apud Glouc', iij. die Julii.

Rex. Pro Henrico de Dun.—Mandatum est ballivis Nove Foreste quod salem de balliva sua pertinentem ad larderium regis de Clarendon' habere faciant Henrico de Dun, custodi domorum regis de Clarendon', ad faciendum inde quod rex ei precepit. Teste rege ut supra.

De damis datis.—Mandatum est Johanni de Nevill', justiciario foreste, quod in foresta de Brehull' faciat habere Alicie uxori Godefridi de Craucumb' tres damos de dono regis. Teste rege ut supra.

De sturione regi mittendo.—Mandatum est W. de Lancastr' quod sturionem quem ballivi sui invenerunt super sabolonem maris et quem retinuit ad opus regis non obstante eo quod abbas de Furn' petiit piscem ipsum tamquam captum in libertate sua domino regi quam citius poterit mittat. Teste ut supra.

De roboribus datis.—Mandatum est constabulario Sancti Briavelli quod faciat habere Fratribus Minoribus Glouc' decem robora in balliva sua ad focum suum de dono regis. Teste ut supra.

Pro Rogero de Dauntes'.—Rex vicecomiti Bedeford' et Buk' salutem. Scias quod divortium celebratum per Norwicensem episcopum et conjudices suos inter Rogerum de Dauntes' et Matildem, comitissam Essex', uxorem suam, per venerabilem patrem R. Herefordensem episcopum et conjudicem suum, auctoritate litterarum domini Pape, est revocatum et predicta comitissa ei tamquam uxor sua legitima adjudicata, sicut iidem judices per litteras suas patentes nobis significaverunt. Et ideo tibi precipimus quod de omnibus terris et feodis ipsius comitisse in balliva tua que quidem sunt in manu ejusdem comitisse et de omnibus carucis, catallis et bonis ejusdem comitisse que sunt in predictis terris predicto Rogero sine dilatione plenam seisinam habere facias. Teste ut supra.

[m. 9.]

Eodem modo mandatum est vicecomitibus Middlesex', Essex', Hunt', pro eodem Rogero. Teste ut supra.

Pro Fratribus Minoribus Oxonie.—Rex majori et probis hominibus suis Oxonie, salutem. Quia per litteras vestras nobis directas accepimus quod sponte suscepistis in vos onus muragii ville Oxonie quoad placiam quam Robertus filius Roberti Oen tenuit juxta domos Fratrum Minorum Oxonie et quam idem Robertus eisdem fratribus dedit in augmentum mansionis sue; vobis mandamus quod eisdem fratribus de predicta placia plenam seisinam habere faciatis, ita quod predictus Robertus qui prius fuit liber hospes prioris et fratrum Hospitalis Sancti Johannis Jerusalem' in Anglia in predicta placia, eandem libertatem habeat in corpore domus sue in qua nunc manet alibi in eadem villa in parochia Sancti Michaelis ad portam borealem. Teste ut supra.

Pro Nicholao de Sancta Brigida.—Mandatum est constabulario Sancti Briavelli quod in foreste de Dene faciat habere Nicholao de Sancta Brigida viginti quercus ad domum suam de Sancta Brigida reedificandam de dono regis in aliquo loco ejusdem foreste ubi competentius capi possint ad opus suum. Teste rege apud Theok', iiij. die Julii.

De prisonibus recipiendis.—Mandatum est constabulario castri Colecestr' quod prisones quos vicecomes Essex' ei liberabit ab eo recipiat et in gaiola regis in predicto castro salvo custodiat donec rex aliud inde preceperit. Teste ut supra.

Pro H. Elyensi episcopo.—Rex baronibus suis de Scaccario salutem. Monstravit nobis venerabilis pater H. episcopus Elyensis, quod vos per summonitionem Scaccarii recepistis a Matheo Luvayn viginti marcas pro fine misericordie que ad eum pertinent ratione libertatis ecclesie sue. Et ideo vobis mandamus quod, si causa predictarum xx. marcarum pertinet ad libertatem suam, tunc eas ei habere faciatis; sin autem, ad opus nostrum retineantur. Teste rege ut supra.

Pro Aylwino filio Mildrede et aliis.—Rex vicecomiti Norhumbr' salutem. Monstraverunt nobis Aylwinus filius Mildrede et Matillis uxor ejus et Alexander filius Mildrede et Agnes uxor ejus, quod, cum tenuissent pacifice duas bovatas terre cum pertinentiis in villa de Sunderland' que est dominicum nostrum usque ad tempus quo commisimus comitatum illum Ricardo de Gray custodiendum, Willelmus de Gray, tunc vicecomes ejusdem comitatus, occasione finis quinque marcarum quem Willelmus de Shafton' fecit cum eo eos pro voluntate sua de terra illa disseisivit et eidem Willelmo commisit per finem predictum, desicut ipsi parati fuerunt sufficienter respondere de servito ad terram illam pertinente. Et ideo tibi precipimus quod si ita est, eidem Ailwino et Matillidi, Alexandro et Agneti, de predicta terra cum pertinentiis plenam seisinam habere facias, accepta prius ab eis securitate quod de redditu et servitio pertinente ad eaudem terram sufficienter respondebunt. Teste ut supra.

[m. 9.]

Pro Willelmo Britone.—Rex baronibus suis de Scaccario salutem. Sciatis quod pro expensis quas dilectus et fidelis noster Willelmus Brito fecit in servitio nostro perdonavimus ei quinquaginta libras que ab eo exiguntur per summonitionem Scaccarii nostri de tempore quo fuit vicecomes noster Kancie. Et ideo vobis mandamus quod ipsum Willelmum de predictis quinquaginta libris quietum esse faciatis. Teste ut supra.

Pro Hawisia de Mares.—Mandatum est justiciariis ad custodiam Judeorum assignatis quod demandam quam Benedictus Crespin facit versus Hawisiam de Mares occasione custodie terre et heredis Henrici de Waltham, qui est in manu sua, de debitis que idem Henricus eidem Benedicto debuit, scilicet de xxvj. libris de sorte et xxxiiij. libris de lucro, poni faciant in respectum usque ad festum Omnium Sanctorum, anno etc. xxj. Teste rege ut supra.

De cervo dato.—Mandatum est Johanni de Munem' quod faciat habere uxori Johannis Byset unum cervum in Nova Foresta de dono regis. Teste ut supra.

Pro tenentibus abbatis Westmonasteriensis.—Mandatum est vicecomiti Oxonie quod non distringat tenentes abbatis Westmonasteriensis et homines ipsorum tenentium in balliva sua pro amerciamentis factis coram justiciariis nostris foreste ultimo itinerantibus in comitatu suo unde idem abbas quietantiam habet per cartam regis quam rex eis inde fieri fecit. Teste rege apud Theok', vij. die Julii.
Mandatum est vicecomiti Glouc' quod non distringat tenentes abbatis Westmonasteriensis et homines ipsorum tenentium de hundredo de Derhust pro amerciamentis factis coram justiciariis regis ultimo itinerantibus in comitatu suo et finibus factis coram eisdem pro licentia concordandi et fine facto pro comitatu suo unde idem abbas quietantiam habet per cartam regis quam ei inde fieri fecit. Teste rege ut supra.

De damis datis.—Mandatum est Galfrido Esturmy quod in foresta de Savernak' faciat habere H. comiti Hereford', duos damos de dono regis. Teste ut supra.
Mandatum est Johanni de Nevill', justiciario foreste, quod in foresta de Fecham faciat habere Willelmo de Cantilupo seniori tres damos, et Willelmo de Cantilupo juniori duos damos in foresta de Rokingh', et Willelmo Barduf duos damos in foresta de Shyrewud', de dono regis. Teste ut supra.

De damis datis.—Mandatum est eidem quod in foresta de Shirewud' faciat habere Johanni de Stutevill' duos damos de dono regis. Teste ut supra.
Mandatum est Thome de Langel' quod in foresta de Wichewud' faciat habere W. decano Sancti Martini, Lond', unum damum de dono regis. Teste ut supra.

[m. 9.]

Pro Roberto de Cokefeud.—Mandatum est Rogero de Essex', escaetori regis, quod, si Agatha de Cokefeud nullam terram de rege tenuit in capite, tunc de omnibus redditibus et exitibus, quos percepit de terra que fuit predicte Agathe quam in manum regis cepit occasione mortis ipsius Agathe Roberto de Cokefeud, filio et heredi predicte Agathe, plenam seisinam habere faciat. Teste rege ut supra.

Pro priore de Lenton'.—Rex dilecto et fideli nostro, Johanni de Nevill', justiciario suo foreste, salutem. Quia per inquisitionem quam per preceptum nostrum fecistis et nobis misistis didicimus quod prior de Lenton' et predecessores sui habere consueverunt in foresta nostra de Salceto liberum ingressum et egressum cum averiis suis ad herbagium et cum porcis suis ad pannagium occasione manerii sui de Cortenhal', et quod nichil dare consueverunt pro herbagio vel pannagio; vobis mandamus quod de pannagio quod exigitis a predicto priore occasione illa ipsum quietum esse faciatis, et decetero cum averiis suis ad herbagium et porcis suis ad pannagium in predicta foresta liberum ingressum et egressum ipsum habere permittatis, sicut predictum est. Teste rege apud Theok', viij. die Julii.

De Quinque Portubus.—Rex dilectis et fidelibus suis baronibus portus de Sandwico salutem. Sciatis quod commisimus dilecto et fideli nostro Bertramo de Crioyll', constabulario nostro Dovor', custodiam portus vestri de Sandwico habendam quamdiu nobis placuerit. Et ideo vobis mandamus quod eidem Bertramo tamquam custodi vestro in omnibus que ad predictum portum pertinent intendentes sitis et respondentes. Mandamus etiam vobis quatinus in fide qua nobis tenemini et sub debito juramenti nobis prestiti sitis ei auxiliantes et consulentes ad jura nostra ratione predicti portus de Sandwico et aliorum portuum de Quinque Portubus ad nos spectantia conservanda, et ad ea que tempore guerre mote inter dominum J. regem, patrem nostrum, et barones suos Anglie et tempore nostro male nobis subtracta per ballivos portus vestri vel alios quocunque modo revocanda et in statum pristinum reducenda, ita quod diligentiam vestram merito debeamus habere commendatam, scituri pro certo quod quanto devotiores invenerimus in hac parte tanto benigniores nos invenietis ad libertates et jura vestra in omnibus conservanda. Teste ut supra.
Eodem modo mandatum est baronibus Rumenal, Dovor', Hethe, Hastinges. Teste ut supra.

[m. 8.]

Pro abbate Sancti Nicholai de Angers.—Mandatum est Rogero de Essex', escaetori suo, (fn. 1) quod de terris et tenementis abbatis Sancti Nicholai de Aungers in balliva sua que cepit in manum regis eo quod falso dicebatur ipsum esse mortuum eidem abbati plenam seisinam habere faciat. Et, si quid inde captum fuerit, reddi faciat. Teste rege apud Theok', xj. die Julii.

[m. 8.]

De thesauro regis Hibernie.—Mandatum est constabulario Bristoll' quod thesaurum regis quem justiciarius et thesaurarius regis Hibernie ei mittent custodiendum ad opus regis, cum ad eum venerit usque Bristoll', recipiat et in castro Bristoll' salvo custodiat donec rex aliud inde preceperit. Teste ut supra.

Hybernia. Liberate pro Fratribus Minoribus Dublin'.—Rex M. filio Geroldi, justiciario Hibernie, et G. de Turvill', archidiacono Dublinensi et thesaurario suo Dublin', salutem. Liberate de thesauro nostro Fratribus Minoribus Dublin' l. marcas in subsidium construendi edificia sua que inchoari fecerunt apud Dublin' de dono regis. Teste ut supra.
Mandatum est constabulario Sancti Briavelli quod in foresta de Dene faciat habere Willelmo Thaleboth, vicecomiti Glouc', octo cervos et sex capreolos ad opus Alienore, cognate regis, de dono regis. Teste rege apud Theok', xiij. die Julii.

De catallis cujusdam qui fugit pro morte hominis.—Mandatum est vicecomiti Wygornie quod catalla Benedicti Parde qui fugit pro morte hominus per legales homines faciat appreciari et fratri Galfrido, elemosinario regis, in custodiam liberari quousque constiterit si idem Benedictus culpabilis sit de predicta morte vel non, ut, si inde culpabilis fuerit et convictus, habeat idem Galfridus eadem catalla ad faciendum inde elemosinam regis, una cum anno et die qui ad regem pertinebunt de terra ipsius Benedicti, quos tunc ei similiter habere faciet. Teste ut supra.

De quercubus datis.—Mandatum est constabulario Sancti Briavelli quod in foresta de Den' in loco competenti faciat habere abbati de Theok' sex quercus ad maeremium ad operationem ecclesie sue de dono regis. Teste rege apud Theokesbir', xiiij. die Julii.

De damo dato.—Mandatum est custodi foreste de Feckeh' quod in foresta predicta faciat habere fratri Galfrido, elemosinario regis, unum damum de dono regis. Teste ut supra.

De cervis datis.—Mandatum est Johanni de Monem' quod iiij. cervos quas (sic) rex dedit Radulfo de Thouny in Nova Foresta, anno regni nostri sui (sic) decimo nono, sicut rex bene recolit, et quos nondum habuit, ut dicitur, eidem Radulfo habere faciat. Teste ut supra.

De roboribus datis.—Mandatum est Johanni de Nevill', justiciario foreste, quod in foresta de Shotovr faciat habere Fratribus Predicatoribus Oxonie duodecim robora ad focum suum de dono regis. Teste rege apud Evesh', xiiij. die Julii.

De fustis datis.—Mandatum est eidem quod faciat habere Radulfo de Sancto Sampsone ad se hospitandum apud Selton' decem fusta in bosco regis de Gateleya de dono regis. Teste rege apud Evesh', xv. die Julii.

[m. 8.]

Mandatum est constabulario de Divisis quod in foresta de Chipeham habere faciat Waltero de Godarvill' unum damum de dono regis. Teste rege apud Evesham, xvj. die Julii.

De perdonatione.—Rex baronibus suis de Scaccario salutem. Sciatis quod duas marcas ad quas magister Walterus de Cantilup' amerciatus fuit coram justiciariis nostris ultimo itinerantibus in comitatu Hertford' pro defalta eidem magistro perdonavimus. Et ideo vobis mandamus quod de illis duabus marcis ipsum quietum esse faciatis. Teste rege apud Feckeh', xvij. die Julii.
Et mandatum est R. Londoniensi episcopo, cui demandatum fuit quod compelleret (fn. 2) predictum magistrum W. ad solutionem predictarum duarum marcarum per beneficium suum ecclesiasticum in diocesi sua compelleret (fn. 2), quod pacem ei inde habere permittat. Teste rege ut supra.

Pro Alexandro de Nevill'.—Rex vicecomiti Linc' salutem. Scias quod in curia nostra coram nobis protestatum est quod Alexander de Nevill', filius et heres Alexandri de Nevill', qui per preceptum nostrum extitit in custodia Ricardi de Alencun, plene etatis est, propter quod homagium ejus cepimus de terris et tenementis que predictus Alexander tenuit de rege in capite et que ipsum Alexandrum filium suum hereditarie contingunt. Et ideo tibi precipimus quod de terris predictis de quibus predictus Alexander, pater ipsius Alexandri, fuit seisitus ut de feodo die quo obiit eidem Alexandro filio et heredi suo plenam seisinam habere faciat. Teste ut supra.
Et mandatum est vicecomiti Eboraci quod de terris et tenementis de quibus predictus Alexander pater ejus fuit seisitus, etc., sine dilatione plenam seisinam habere faciat. Teste rege apud Feckeham, xviij. die Julii.

Pro persona de Fecham, de decimis.—Rex ballivo suo de Feckeham salutem. Quia provisum est de communi consilio nostro quod decime feni et molendinorum dentur per totum regnum nostrum de dominicis nostris tibi precipimus quod decetero facias habere persone de Feckeham decimas molendini nostri de Feckeh'. Facias etiam eidem persone dari decimam pannagii de dominicis boscis nostris de Feckeham, sicut dari consuevit tempore domini J. regis, patris nostri, et tempore nostro usque ad tempus quo evenisti ballivis noster. Teste ut supra.

Pro fratribus hospitalis de Brug'.—Mandatum est Hugoni filio Roberti quod permittat fratres hospitalis Sancti Johannis Ewangeliste de Brug' habere unum equum singulis diebus itinerantem semel in die ad mortuum et siccum boscum in foresta de Morf' ad focum suum, et permittat similiter fratres domus leprosorum de Bruges habere unum equum singulis diebus itinerantem semel in die ad mortuum et siccum boscum in eadem foresta ad focum suum, sicut ipsis fratribus tam hospitalis predicti quam domus predicte per cartas regis quas inde habent rex concessit. Teste ut supra.

[m. 8.]

Pro abbate et monachis de Evesh'.—Dominus rex replegiavit abbati et monachis de Evesham villam de Evesham et libertates suas que capte fuerunt in manum regis occasione transgressionis facte in eadem villa de falsis mensuris quibus homines ejusdem ville utebantur in adventu regis ibidem. Et mandatum est vicecomiti Wigornie quod de predicta villa cum libertatibus suis plenam eis seisinam habere faciat. Teste rege apud Fecham, xviij. die Julii.

De perdonatione.—Rex perdonavit Philippo le Bret duas marcas et dimidiam quas barones de Scaccario ab eo exigunt per summonitionem Scaccarii de prestito Wallie. Et mandatum est predictis baronibus quod ipsum Philippum inde quietum esse facient. Teste rege apud Wigorniam, xix. die Julii.
Et mandatum est vicecomiti Heref' quod ei inde pacem habere permittat. Teste ut supra.

De damis datis.—Mandatum est Johanni de Nevill', justiciario foreste, quod in foresta de Bernewud' faciat habere Radulfo filio Bernardi duos damos de dono regis. Teste rege apud Wigorniam, xx. die Julii.
Mandatum est Ricardo de la Lade, custodi terrarum que fuerunt G. comitis Glouc', quod in parco de Hunyden' faciat habere Rogero de Clar' duos damos de dono regis. Teste ut supra.

De cervis datis.—Mandatur constabulario Sancti Briavelli quod in foresta de Den' faciat habere Johanni de Monem' duos cervos et unum damum de dono regis. Teste ut supra.

Pro abbate de Theok'.—Mandatur Ricardo de la Lad' quod non impediat abbatem de Theok' quin libere possit habere libertates suas in terris que fuerunt G. quondam comitis Glouc', ut in herbagiis, pannagiis et aliis quas habuit in eisdem terris die quo predictus comes obiit. Teste ut supra.

Pro duobus Walensibus.—Mandatum est constabulario de Muntgumery quod Wrennoc et Griffin', filios Maddoc des Oures, Walenses, libere et sine impedimento ad partes suas redire et in eis stare et firmam pacem regis habere permittat, non obstante eo quod quedam dampna et mala perpetrarunt in terra prioris de Chirebir', ut dicitur, de ovibus suis et aliis eidem priori furtive sublatis, accepta ab eis securitate quod nullum dampnum decetero eidem priori vel suis vel alicui de regno contra pacem per eos eveniet. Teste rege ut supra.

Insule. De terris eorum qui indictati de malefactis etc.—Rex ballivo insularum de Geres' et de Gerner' salutem. Ex quo lex et consuetudo est partium Normannie quod, postquam indictati de malefactis per veredictum xij. legalium hominum de patria cognoverit (sic) malitiam suam et insulas predictas abjuraverint, nunquam restitui poterunt ad terras et feoda sua recuperanda, licet abjurationem suam eis perdonaverimus; vobis mandamus quod occasione alicujus mandati nostri contrarii vobis inde prius facti talibus decetero terras vel tenementa sua non reddatis set potius permittatis eos terras et tenementa predicta pacifice possidere, quibus per ballivos nostros insularum commissa fuerunt. Teste rege apud Wigorniam xxi. die Julii.
Mandatum est constabulario de Sancto Briavello quod de quarellis suis quos fabricari facit dominus rex ibidem mittat domino regi duo millia quarellorum. Teste ut supra.

De bladis dominicorum regis de Bamburg' etc.—Mandatum est Johanni de Mora quod sine impedimento permittat Hugoni de Bolebec, constabulario de Baunburg', colligere blada et fena dominicorum regis de Bamburg', et de Shoston' et de Sunderland' per villanos regis de eisdem dominicis et ea cariare in castrum de Bamburg', et ad castrum illud muniendum permittat etiam eidem constabulario habere truncagium regi debitum de eisdem dominicis et de drangagiis regis ibidem ad sustentationem ejusdem castri. Teste ut supra.

Pro Roberto de Crepping', quod habeat ingressum in castrum de Pikering'.—Mandatum est vicecomiti Ebor' quod libere et sine impedimento permittat Robertum de Creppyng', servientem regis, habere ingressum in castrum de Pikering' cum bobus, vaccis et aliis averiis de dominicis regis ad ea ibidem receptanda. Permittat etiam eundem Robertum blada de dominico regis de Pikering' cariare in idem castrum et ea ibi intassare usque ad adventum regis ad partes illas. Teste ut supra.

De damis datis.—Mandatum est constabulario de Porecestr' quod faciat habere Herberto filio Mathei duos damos in foresta de Porecestr' de dono regis. Teste ut supra.

Pro H. Elyensi episcopo, de libertate.—Rex baronibus suis de Scaccario salutem. Mandamus vobis quod nullam districtionem fieri faciatis super Matheum de Luveyn pro fine viginti marcarum quem nobiscum fecit pro misericordia in quam incidit coram justiciariis nostris ultimo itinerantibus in comitatu Suff' pro disseisina facta in feodo Elyensis episcopi ante festum Sancti Michaelis anno regni nostri vicesimo, in quo fine venerabilis pater H. Elyensis episcopus, dicit se jus habere et quod ad ipsum pertinet per libertates quas habet per cartam nostram, eo quod predictus Matheus tenet de feodo predicti episcopi. Mandavimus enim eidem quod interim supersedeat districtioni faciende pro fine predicto ut ad predictum terminum de fine predicto faciamus quod de jure fuerit faciendum. Teste rege ut supra.

Pro Gwiberto de Rue.—Mandatum est Ricardo de la Lade quod de proximo frumento novo instantis autumpni anno etc. xx. quod habuerit in grangia Theok' faciat habere Gwiberto de Rue et Emme uxori ejus decem quarteria frumenti de dono regis. Teste ut supra.

[m. 8.]

De damis datis.—Mandatum est Johanni de Nevill', justiciario foreste, quod in foresta de Wichewod' faciat habere Ernaldo de Bosco duos damos de dono regis. Teste ut supra.

De feno et herba ad averia regis.—Mandatum est J. de Nevill' etc. quod permittat Robertum de Crepping' herbam defalcare in landa de Ingoltheweyt et ibidem fenum colligere ad averia regis de Hesingwaud' sustinenda, et eadem averia in eadem landa pascere permittatis (sic): et etiam ipsum Robertum habere esiamenta necessaria in bosco nostro de Hesingwoud ad sustentationem manerii nostri de Hesingwoud per visum forestariorum nostrorum usque ad adventum nostrum ad partes illas; ita quod nichil de bosco predicto det vel veudat occasione predicta. Teste rege apud Wigorniam xxij. die Julii.

[m. 7.]

De perdonatione.—Rex baronibus suis de Scaccario salutem. Sciatis quod perdonavimus dilecto et fideli nostro Nicholao de Mol' triginta marcas quas ab eo exigitis per summonitionem Scaccarii nostri de prestito ei facto tempore guerre mote inter nos et R. Marescallum, comitem Penbr' in Wallia. Et ideo vobis mandamus quod ipsum Nicholaum de predictis xxx. marcis quietum esse faciatis. Teste ut supra. Istud debet cancellari quando receptum fuit breve a baronibus.

Pro E. Cantuariensi archiepiscopo.—Mandatum est vicecomiti Essex' quod occasione precepti regis ei facti de seisina facienda Rogero de Dantes' de terris et tenementis Matillidis, comitisse Essex', que ei adjudicata est in uxorem manum non mittat ad maneria de Walenden' et Depeden' que sunt in manu venerabilis patri E. Cantuariensis archiepiscopi, in vadium usque ad certum terminum qui nondum preteriit. Et si idem Rogerus possessionem predictorum maneriorum ingressus sit tunc ipsum inde eicias et archiepiscopum predictum pacifica possessione eorundem maneriorum graudere facias. Teste rege apud Wigorniam, xxiij. die Julii.

Pro Galfrido Bauzan'.—Mandatum est constabulario Turris London' quod statum Galfridi Baucan' faciat alleviari quantum ad exhibicionem cibariorum et onerationem ferri, eo tamen salvo quod sic custodiatur quod nullo modo evadere possit. Teste me ipso apud Wygorniam, xxiij. die Julii.

De damis datis.—Mandatum est Johanni de Monem' quod in Nova Foresta faciat habere Nicholao de Mol' duos damos de dono regis. Teste ut supra.

De maeremio ad operationes regis.—Mandatum est constabulario Sancti Briavelli quod in foresta de Den' habere faciat vicecomiti Glouc' maeremium, palos et virgas ad gurgites regis reparandas in aqua Sabrine. Teste rege ut supra.
Mandatum est eidem quod in eadem foresta faciat habere A. comitisse Penbr', sorori regis, tres damos de dono regis. Teste ut supra.

[m. 7.]

De damis datis.—Mandatum est Thome de Samford' quod in foresta de Braden' faciat habere eidem comitisse tres damos de dono regis. Teste ut supra.
Mandatum est Herberto filio Mathei quod faciat habere Theob' de Engleschevill' unum cervum in foresta de Dertemor' de dono regis. Teste ut supra.

De quercubus datis.—Mandatum est constabulario de Kenylleworth' quod in bosco de Kenylleworth' faciat habere magistro Simoni de Wauth' duas quercus de dono regis. Teste ut supra.

De damis datis.—Mandatum est Johanni de Nevill', justiciario foreste, quod in foresta de Rokingh' extra landam de Benigfeld' faciat habere Hugoni de Patheshull', thesaurario regis, tres damos de dono regis. Teste ut supra.
Mandatum est eidem quod faciat habere Willelmo de Raleg' ibidem tres damos de dono regis. Teste ut supra.

De damis datis.—Mandatum est Roberto de Everingh' quod in foresta de Shirewud' faciat habere W. Karleolensi episcopo, tres damos de dono regis.

De cervis datis.—Mandatum est constabulario Sancti Briavelli quod in foresta regis de Den' faciat habere A. comitisse Penbr', sorori regis, quatuor cervos de dono regis. Teste rege apud Wigorniam, xxiiij. die Julii.

Pro Symone de Monteforti.—Mandatum est vicecomiti Buk' quod de redditu xl. solidorum quem Robertus de Sainterdon' reddere consuevit Gilberto de Miners de dimidia hida terre in Chaveleg' et qui est de feodo Leic' qui etiam nunc est in manu regis sine dilatione plenam seisinam habere faciat Simoni de Monteforti cui rex concessit per litteras suas patentes terras Normannorum que sunt de eodem feodo Leic'. Teste ut supra.

Pro quibusdam appellatis de morte hominis.—Mandatum est vicecomiti War' quod, si Herbertus de Brayl et Johannes et Willelmus, filii ejus, quos tenet in prisona regis pro morte Rogeri de Brayl appellati sint de precepto et non de facto et invenire ei possint salvos plegios standi inde recto coram justiciariis regis ad primam assisam etc. tunc eos ita per plevinam dimittat et catalla eorum ea occasione capta eis deliberare faciat. Teste ut supra.

Pro hominibus de Engelwod', etc.—Mandatum est Thome de Muleton' quod in foresta de Engelwod' faciat habere hominibus regis de Salochild' et de Shoteby per visum forestariorum suorum rationabile estoverium suum ut in husbot' et heybot' sicut illud habere debent et solent. Teste ut supra.

Pro hereditate Margerie Cumin.—Rex dilecte sibi in Christo Alicie de Moyun salutem. Cum vobis reddi fecerimus custodiam terre quam Willelmus Cumin de vobis tenuit de hereditate Margerie uxoris sue occasione contentionis mote de successione hereditaria in predicta terra, vobis mandamus firmiter injungentes quod nulli predictam terram reddatis donec, considerato in curia nostra quis in ea succedere debeat, aliud inde fieri preceperimus. Teste rege apud Persor', xxiiij. die Julii.

Pro duobus mercatoribus de Wincheles'.—Mandatum est J. de Colemere quod Galfrido de Wincheles' qui duxit usque London' xl. dolia vini de partibus transmarinis de vinis que fuerunt Ernisii de Peregoz, convicti super heresi et apud Burdegalam detenti, et que in manum regis cepit per preceptum regis et Simoni de Wincheles', qui duxit usque Sanctum Botulfum l. dolia vini de vinis que fuerunt ejusdem Ernisii et que similiter cepit in manum regis per preceptum regis frettum navium suarum sine dilatione reddi faciat in denariis. Teste rege ut supra.

De mercato clamando.—Rex per cartam suam concessit priori et monachis Wigornie quod ipsi et successores eorum imperpetuum habeant unum mercatum singulis septimanis per diem Mercurii apud manerium suum de Lindrigg', sicut plenius continetur in carta predicta. Et mandatum est vicecomiti Wigorn' quod cartam illam in pleno comitatu suo legi et mercatum illud clamari faciat et teneri, sicut predictum est. Teste rege apud Wigorniam, xxiiij. die Julii.

Pro Willelmo de Cantilupo.—Mandatum est Waltero de Burgo et Warnero Engayn' quod talem seisinam habere faciant Willelmo de Cantilupo de manerio de Kaune cum pertinentiis qualem inde habuit antequam manerium illud ceperunt in manum regis occasione precepti regis quod eis fecit de dominicis regis capiendis in manum regis donec aliud a rege habuerint mandatum. Teste ut supra.

Pro Johanne de Cantilupo et uxore ejus.—Rex vicecomiti War' salutem. Quia perpendimus quod Alicia de Moyun nos decepit suggerendo nobis quod alius fuit heres quem jure hereditario contingit manerium de Sturton' quam Margeria filia Willelmi Cumin cum nullus alius subesset nec qui manerium illud peteret; tibi precipimus quod non obstante precepto nostro quod tibi fecimus de seisina facienda predicte Alicie de manerio predicto nomine custodie talem seisinam habere facias Johanni de Cantilupo et predicte Margerie, uxori sue, qualem inde habuerunt antequam inde disseisiti fuerunt per predictum preceptum nostrum, salvo unicuique jure suo quod dicit se habere in manerio predicto et etiam predicte Alicie relevio suo et servitio suo debito. Teste ut supra.

Pro Roberto de Gouyz.—Rex justiciariis suis ad custodiam Judeorum assignatis salutem. Sciatis quod concessimus Roberto de Gouiz, quod de debito quod debet Isaac, Judeo Norwic', et de quo reddere solebat eidem Judeo xv. marcas per annum reddat ei decetero annuatim decem marcas ad eosdem terminos ad quos reddere consuevit predictas quindecim marcas, ita quod si contingat quod alique terre ei accrescant post istam concessionem nostram, idem Robertus reddet eidem Judeo majorem summam per annum de predicto debito ad voluntatem nostram. Et ideo vobis mandamus quod hoc ita fieri et inrotulari faciatis. Teste ut supra.

Pro Thoma de Muleton'.—Mandatum [est] J. de Colemere quod de vinis regis que fuerunt Ernisii de Peregoz et sunt in custodia sua faciat habere Thome de Muleton' unum dolium vini de dono regis. Teste ut supra.

Pro regina Scocie.—Mandatum est vicecomiti Cantebr' quod de nullo placito pertinente ad vicecomitem in manerio de Stanton', quod rex commisit A. (sic) regine Scocie, se intromittat donec rex aliud inde preceperit, salvis attachiamentis de placitis corone regis et visu franci plegii, ita quod visus ille fiat sine qualibet occasione et calumpnia et quod nullus denarius inde per se vel suos capiatur. Teste ut supra.

Pro Roberto de Gouiz.—Mandatum est Ricardo de Wrotham quod habere faciat Roberto de Gouiz unum damum in foresta de Blakemor' de dono regis. Teste rege apud Persor', xxvj. die Julii.

Pro Agnete de Kanvill'.—Rex Hamoni de Crevequoer salutem. Meminimus (fn. 3) nos vobis concessisse custodiam terre et heredum Thome de Kanvill' cum maritagiis eorundem heredum verum quia non fuit intentionis nostre quod occasione illius concessionis aliquid detraheretur Agneti de Kanvill' de rationabili dote sua eam contingente de terris et tenementis que fuerunt predicti Thome, quondam viri sui, et sunt in manu vestra, vobis mandamus quod id quod eidem Agneti de rationabili dote sua deest sine dilatione habere faciatis, ne amplius etc. Teste rege apud Ottind', xxvj. die Julii.

Pro Gerardo Talebot.—Mandatum est vicecomiti Essex' quod non obstante mandato quod rex ei fecit de seisina facienda Ricardo de Sancto Johanne, capellano, de terra que fuit Huberti de Muntchanes' in Stansted', et quam Gerardus Thalebot tenuit de ballio regis faciat habere eidem Gerardo blada sua que seminari fecit in eadem terra anno etc. xx. Teste rege apud Ottinton', xxvij. die Julii.

Pro Waltero de Mucegros.—Walterus de Mucegros habet litteras regis directas justiciariis ad custodiam Judeorum assignatis de terris ipsius Walteris extendendis in Manyton', Rother, Badeh' et Mercley et de rationabile fine et rationabilibus terminis habendis etc. it aquod interim cessent usure. Teste rege ut supra.

Pro Roberto Passelewe.—Mandatum est vicecomiti Essex' quod de manerio de Mois' quod fuit Willelmi filii Johannis et cujus custodiam comitissa Essex' vendidit Roberto Passelewe post divortium celebratum inter Rogerum de Auntes' et ipsam comitissam et de quo idem Rogerus ipsum Robertum disseisivit occasione seisine quam rex ei fieri precepit de terris quas ipsa comitissa habuit in manu sua eidem Roberto cum omnibus catallis que in eo inventa fuerunt plenam seisinam habere faciat. Teste rege ut supra.

De capreolis datis.—Mandatum est Ricardo de Wrotham quod in foresta de Porestok' faciat habere Thome de Gorges duos capreolos de dono regis. Teste rege apud Wudest', xxvij. die Julii.

De quercubus datis.—Mandatum est Johanni de Nevill', justiciario foreste, quod in foresta de Wauberg' faciat habere Nicholao de Quatremares quinque quercus ad maeremium, de dono regis. Teste rege apud Wudestok', xxviij. die Julii.

Essex. De malefactoribus foreste.—Mandatum est constabulario Colecestr' quod prisones quos Ricardus de Muntfichet cepit in foresta regis et adhuc capiet et quos ei liberabit quia idem Ricardus carcerem non habet ab ipso recipiat et salvo custodiri faciat donec rex aliud inde preceperit. Teste rege apud Wudestok', xxix. die Julii.

Pro Willelmo Champen'.—Mandatum est vicecomiti Ebor' quod faciat habere Willelmo Champen' catalla sua que Rogerus Wastehos' cepit et injuste detinet in terra que fuit ipsius Willelmi in Scardeburc ea occasione quod rex precepit seisinam fieri predicto Rogero de terra predicta. Teste rege apud Wudestok', xxx. die Julii.

De perdonatione.—Rex perdonavit Johanni de Bello Campo decem marcas et decem solidos de prestito ei facto in warderoba regis apud Hereford'. Et mandatum est baronibus de Scaccario quod ipsum Johannem inde quietum esse faciant. Teste ut supra.
Et mandatum est vicecomiti — quod ipsum inde quietum esse permittant. Teste rege ut supra.

[m. 6.]

Pro tenentibus abbatis Westmonasteriensis.—Mandatum est vicecomiti Buk' quod non distringat tenentes abbatis Westmonasteriensis vel homines suos in balliva sua pro amerciamentis factis coram justiciariis regis ultimo itinerantibus in comitatu tuo (sic) ad placita de foresta vel alia placita et finibus factis coram eisdem pro licencia concordandi et fine facto pro comitatu suo, unde idem abbas quietantiam habet per cartam regis quam inde ei fieri fecit. Teste rege apud Wudest', xxxj. die Julii.
Eodem modo mandatum est vicecomitibus Norhampt', Oxon'.

Pro abbate Westmonasteriensi.—Rex constabulario suo de Odyham salutem. Scias quod (fn. 4) cartam nostram quam fieri fecimus abbati Westmonasteriensi de diversis libertatibus plenius contentis in eadem carta nostra. Et ideo tibi precipimus quod predictam cartam nostram coram te legi et predictas libertates et ea (sic) contentas eidem abbati firmiter teneri in ballia tua facias. Teste rege ut supra.
Eodem modo mandatum est ballivo de Corby. Teste ut supra.