Close Rolls, January 1237

Calendar of Close Rolls, Henry III: Volume 3, 1234-1237. Originally published by His Majesty's Stationery Office, London, 1908.

This premium content was digitised by double rekeying. All rights reserved.

'Close Rolls, January 1237', in Calendar of Close Rolls, Henry III: Volume 3, 1234-1237, (London, 1908) pp. 408-412. British History Online https://www.british-history.ac.uk/cal-close-rolls/hen3/vol3/pp408-412 [accessed 24 March 2024]

Image
Image
Image
Image
Image

Close Rolls, January 1237

De loquela ponenda in respectum in comitatu Devonie.—Mandatum est vicecomiti Devonie quod loquelam que est in comitatu suo inter Robertum Burnel, petentem, et abbatem de Majori Monasterio, tenentem, qui est in partibus transmarinis, de dimidia carucata terre cum pertinentiis in Westcot', ponat in respectum usque ad proximum comitatum suum post octabas Pasche anno regni regis xxj. Teste rege apud Clarendon', primo die Januarii.

Pro Ricardo Siward'.—Mandatum est vicecomiti Oxonie quod demandam quam facit Ricardo Siward de debito quod debet domino regi per summonitionem Scaccarii ponat in respectum usque ad Purificationem Beate Marie anno regni regis xxj. et interim amerciamenta ipsius ea occasione capta ei deliberari faciat. Teste ut supra.

Pro abbate et monachis de Bello Loco.—Rex custodibus vinorum suorum Suht', salutem. Precipimus vobis quod de vinis nostris de prisa que sunt in custodia vestra faciatis habere abbati et monachis Belli Loci unum dolium vini ad celebrationem missarum ibidem, quod eis concessimus ad hoc singulis annis per cartam nostram. Teste rege apud Clarend', iij. die Januarii.

Pro Pagano de Chaurc'.—Mandatum est Henrico de Dun' quod habere faciat Pagano de Chaurc' iiij. robora in La Bocholt ad focum suum, de dono regis. Teste rege apud Clarend' iiij. die Januarii.

Pro Roberto de Pluggenay.—Rex vicecomiti Wiltes, salutem. Precipimus tibi quod sine dilatione facias habere Roberto de Pluggenay arreragia sua que ei debentur de comitatu Wiltes' dum fuit vicecomes ejusdem comitatus, a festo Sancti Michaelis anno regni regis xx. usque ad Natale Domini anno regni xxj., et de quibus ipse respondere debet ad Scaccarium nostrum. Teste ut supra.

[m. 18.]

De cera emenda pro rege.—Mandatum est majori et ballivis Wintonie quod emi faciant in villa sua ducentas libras cere et liberari presentium latori cariandas usque ad regem usque Clarendon', ubi, cum rex scierit custum ejusdem cere, illud reddi faciet ei qui ex parte sua ad regem propter hoc fuerit destinatus. Teste rege apud Clarendon', v. die Januarii.

Pro reclusa de Brutford'.—Mandatum est Henrico de Dun quod habere faciat recluse de Brutford' unum robur in ballia sua ad focum suum, de dono regis. Teste rege apud Clarend', vj. die Januarii.

Pro Johanne de Nevill'.—Mandatum est Ricardo de Munficheth quod habere faciat Johanni de Nevill' x. damas et iij. damos vivos in bosco regis de Haffeud ad instaurandum parcum suum de Hallingebur', de dono regis. Teste rege apud Clarend', ix. die Januarii. Per electum Valentinum.

Pro Emerico de Sacy.—Mandatum est Samar', Judeo Wintonie, quod habere faciat Emeryco de Sacy unum dolium vini quod rex promisit per Bartholomeum Peche, quod quidem dolium vini eidem Emeryco dedit rex. Teste rege apud Clarendon', xij. die Januarii.

Pro priore de Monasterio Ederoso.—Mandatum est Henrico le (sic) Dun, ballivo de Clarendon', quod non vexet vel vexari permittat priorem de Monasterio Ederoso de herbagio vel pasnagio in foresta regis de Clarendon', donec aliud a rege habuerit preceptum. Teste ut supra.

De maeremio capiendo ad elemosinariam regis de Wintonia faciendam. —Mandatum est Henrico de Ferthingeston' quod habere faciat fratri Johanni elemosinario regis v. fusta in foresta regis de la Bere ad elemosinariam regis de Wintonia faciendam, de dono regis. Teste rege apud Werewell', xiij. die Januarii.

Pro priore de Brummare.—Mandatum est baronibus de Scaccario quod rex perdonavit priori de Brummar' iij. marcas quas promisit regi de auxilio generaliter regi concesso et que exiguntur ab eo per summonitionem Scaccarii regis; et quod ipsum priorem de illis iij. marcis quietum est faciant. Teste ut supra.
Et mandatum est vicecomiti Suht' quod pacem ei inde habere permittat. Teste ut supra.

Pro magistro Elya de Derham.—Mandatum est Johanni de Munemuth' quod habere faciat Magistro Elye de Derham xx. fusta in bosco regis de Bromsawe ad rogum quendam faciendum ad operationem ecclesie Sancte Marie Sarrisburie, de dono regis. Teste rege ut supra.
Mandatum est Henrico de Dun quod habere faciat eidem Magistro Elye x. fusta in Graveling ad quendam rogum faciendum ad operationem ejusdem ecclesie, de dono regis. Teste rege ut supra.

[m. 18.]

Pro abbatissa de Werewell'.—Rex baronibus de Scaccario, salutem. Sciatis quod perdonavimus abbatisse de Werewell' x. marcas quas ab ea exigitis per summonitionem Scaccarii nostri de promisso quod nobis fecit tempore quo alii viri religiosi auxilium nobis fecerunt in regno nostro. Et ideo vobis mandamus quod de predictis x. marcis ipsam priorissam quietam esse faciatis. Teste ut supra.

Pro abbate de Evesham.—Rex vicecomiti Glouc', salutem. Precipimus tibi quod demandam c. solidorum quam facis abbati Evesham' pro escapio cujusdam mulieris ponas in respectum quousque inquisierimus utrum ipse inde quietus esse debeat necne. Amerciamenta etiam ipsius ea occasione capta ei interim replegiari facias. Teste rege apud Sanderford', xiij. die Januarii.

De ij. prisonibus salvo custodiendis in prisona regis.—Mandatum est vicecomiti Wilt' quod ij. prisones quos Adam de Mora, serviens Radulfi de Mortuo Mari, cepit et tradidit ei custodiendos in prisona regis, quorum unus dicit se esse nuncium venerabilis patris R. Cycestrensis episcopi, cancellarii regis, et alter dicit se esse nuncium Ricardi Siward, salvo in prisona regis custodiat donec rex aliud inde preceperit. Teste rege apud Rading', xv. die Januarii.

Pro Ricardo Renger et aliis mercatoribus.—Mandatum est constabulario de Oreford' quod res et catalla Ricardi Renger et Ernaldi Beraud et aliorum mercatorum que salvata fuerunt de navi quadam que nuper periclitante (sic) et confracta fuit ante portum de Oreford' in mari, de qua omnes homines in ea existentes evaserunt, ut dicitur, predictis Ricardo et Ernaldo et aliis mercatoribus quorum res et mercandise predicte sunt, vel eorum nuntiis has litteras regis deferentibus, in cujuscunque manu fuerint invente sine dilatione reddi faciat, ne pro defectu sui ad regem inde clamor iteratus debeat pervenire. Teste rege apud Windles', xvij. die Januarii.
Eodem mode mandatum est vicecomiti Norf' et Suff'. Teste ut supra.

Rex omnibus Judeis per Angliam constitutis, salutem. Sciatis quod promissionem quam fecistis dilecto fratri et fideli nostro R. comiti Cornubie et Pictavie, de succursu ei faciendo ad peregrinationem suam faciendam versus Terram Sanctam, gratam habemus et acceptam, et inde grates vobis referimus. Ita tamen quod per solutionem predicte promissionis ei facte solutio promissionis nobis prius facte non impediatur. Teste rege apud Windles', xvij. die Januarii. [Cancelled] Quia est in rotulo patentium anni xxj.

De viridario eligendo in loco alterius viridarii languidi.—Rex vicecomiti Surr', salutem. Precipimus tibi quod in pleno comitatu tuo et per assensum totius comitatus, loco Philippi de Henle viridarii nostri in eodem comitatu, qui languidus est, eligi facias alium viridarium qui prestito sacramento, sicut debet et solet, extunc faciat et conservet una cum aliis viridariis nostris ejusdem comitatus ea que ad officium illud pertinent in eodem comitatu. Et talem eum eligi facias qui ad hoc possit et velit diligenter intendere, et nomen ejus scire nobis facias. Teste rege apud Windles', xix. die Januarii.

[m. 17.]

Pro Willelmo de Ferrariis.—Mandatum est Johanni de Nevill' quod habere faciat Willelmo de Ferrariis quatuor carectatas de virgis in Shrub vel in Powel' ad mutas faciendas ad mutandas aves regis, de dono regis. Teste ut supra.

Pro Magistro Willelmo de Kilkenny.—Mandatum est Alano de Geudeford' quod habere faciat ad opus Magistri Willelmi de Kylkenny palefridum quem abbas de Beland' dedit A. regine, et liberari latori presentium. Teste rege apud Westmonasterium, xxij. die Januarii.

Pro priore Lewensi.—Rex baronibus suis de Scaccario, salutem. Sciatis quod respectum dedimus priori Lewensi de demanda amerciamentorum factorum in itinere justiciariorum quam ei facitis per summonitionem Scaccarii nostri contra libertatem quam habet per cartam H. regis, avi nostri, ut dicit, usque in v. septimanas a die Pasche, anno regni nostri xxj. Et ideo vobis mandamus quod respectum illum etc. Teste rege apud Westmonasterium, xxvij. die Januarii. Per J. comitem Linc'.

De venatoribus regis recipiendis ad fugandum.—Mandatum est Ricardo de Munfichet quod Rogerum de Stopham, Willelmum May et Willelmum Luvel quos rex ad eum mittit ad damas capiendas in foresta Essex' contra instans festum Purificationis Beate Marie, predictos venatores regis ad hoc recipiat et venationem quam capient in foresta predicta ab eis recipiat, et ad regem usque Westmonasterium contra festum predictum venire faciat. Et de custo quod ad venationem illam cariandam posuerit, ei respondi faciet. Teste rege ut supra.

Pro Ada Carpentario de Hereford'.—Mandatum est vicecomiti Heref' quod terram Ade Carpentarii de Hereford' quam cepit in manum regis per preceptum regis ei replegiari faciat, et quod summonet ipsum Adam quod sit coram rege a die Pasche in xv. dies ostensurus quo waranto tenet xxx. acras terre cum pertinentiis in Acornebyr' que sunt de dominico regis. Teste rege ut supra.

Pro hominibus W. Wigorniensis electi.—Mandatum est ballivis Wigornie quod hominibus venerabilis patris W. Wigorniensis electi, et omnium ecclesiasticarum personarum de eadem diocese pacem habere permittant usque ad festum Sancti Michaelis anno xxj. de consuetudine quam ab eis exigunt in villa Wigornie ad villam Wigornie claudendam. Teste rege apud Westmonasterium, xxvij. die Januarii anno eodem.

Pro W. Eboracensi archiepiscopo.—Mandatum est Reginaldo de Albo Monasterio quod permittat W. Eboracensem archiepiscopum sine impedimento capere septem vel viij. damas vel plures, si voluerit, in foresta regis de Windles,' dum moram fecerit in partibus illis. Teste rege ut supra.

[m. 17.]

Pro W. comite de Derb'.—Mandatum est Galfrido Esturmy quod habere faciat W. de Ferrariis, comiti de Derb', xxx. cheverones in ballia sua ad quandam cameram faciendam apud manerium suum de Staumford', de dono regis. Teste rege ut supra.

Pro Rogero Gernet.—Mandatum est Roberto de Crepping' quod talem seisinam habere faciat Rogero Gernet de ballia sua foreste regis comitatus Lancastrie qualem inde habuit tempore quo dominica regis partium illarum ei commisit custodienda, usque in xv. dies a die Pasche anno regni xxj. Teste rege ut supra. Per fratrem G. elemosinarium.
Mandatum est vicecomiti Oxonie quod Johannes Curcy quem ballivi Oxonie ei liberabunt [entry unfinished and erased].

Pro abbate de Kirkestal.—Mandatum est vicecomiti Eboraci quod rex concessit per cartam suam abbati et monachis de Kirkestal quod ipsi et eorum successores inperpetuum habeant liberam warennam in dominicis boscis et in dominicis terris suis quos habent de dono Willelmi le Peitevin in Hedingel' et aliorum, sicut in carta inde confecta plenius testatur. Ita quod nullus warennam illam intrare possit ad fugandum in ea vel capiendum cervum, bissam, damum, damam, capreolum, leporem, vulpem vel aliquam aliam bestiam sine licentia ipsorum abbatis et monachorum vel successorum suorum super forisfacturam regi x. librarum; et quod predictam cartam in pleno comitatu suo legi et predictam warennam clamari faciat et teneri. Teste rege apud Westmonasterium, xxx. die Januarii.