Close Rolls, July 1237

Close Rolls, July 1237

De quercubus datis ecclesie de Block'.—Mandatum est Ricardo de Munfichet quod in foresta de Brehull' habere faciat persone de Blockesham' viginti quercus ad fabricam ecclesie de Blockesham, de dono regis. Teste rege apud Wud', j. die Julii. Per Amauricum de Sancto Amando.

De prisonibus.—Mandatum est vicecomiti Bukingham' quod in pleno comitatu suo coram coronatoribus ejusdem comitatus inquiri faciat utrum duo prisones, utlagati ut dicitur, quos baillivi nostri Oxonie ceperunt et in prisona nostra Oxonie detinuerunt, quos quidem tibi mittimus, utlagati sint necne; et inquisitione inde facta, fiat de eis quod fieri debet secundum consuetudinem regni nostri. Teste me ipso apud Wudestok', ut supra.

[m. 9.]

De sale pro rege.—Rex baillivis Nove Foreste, salutem. Precipimus tibi (sic) quod salem de baillia vestra pertinentem ad larderium nostrum de Clarendon' faciatis habere Henrico de Dun, custodi domorum nostrarum de Clarend', singulis annis quamdiu habuerit custodiam illam, ad faciendum inde preceptum nostrum. Teste ut supra.

De prisone.—Mandatum est vicecomiti Oxonie quod Johannem de Curcy quem probi homines Oxonie ceperunt eo quod perturbavit universitatem Oxonie, ut dicitur, ab ipsis recipiat et in prisona regis per quinque dies vel sex custodiri faciat et postea ipsum Johannem dimittat xxiiij. probis et legalibus hominibus de eadem villa qui eum replegiare velint, quod ipse decetero pacem predicte universitati non perturbabit. Precipimus etiam tibi quod, si Simon Balehorn', captus et detentus in eadem prisona eadem occasione, invenerit eidem vicecomiti bonos et salvos plegios quod decetero non perturbabit pacem ejusdem universitatis, tunc ipsum Simonem a carcere deliberet et quietum abire permittat. Teste ut supra.

De damis.—Mandatum est custodi foreste de Feckenham' quod habere faciat R. Herefordensi episcopo, viginti damas et quinque damos in predicta foresta ad parcum suum de Prestbir' instaurandum, de dono regis. Teste rege apud Wudestok', secundo die Julii.
Mandatum est constabulario Sancti Breavelli quod habere faciat R. Herefordensi episcopo, duos cervos in foresta regis de Den', de dono regis. Teste ut supra. [Cancelled] Quia in rotulo de liberate.

Pro Johanne de Noxo Mercato.—Mandatum est Roberto de Ros quod in foresta de Shyrewud' faciat habere Johanni de Novo Mercato decem quercus ad maeremium inde faciendum, de dono regis. Teste rege ut supra.

Pro comite Linc', de Linle et Wylye.—Rex commisit J. comiti Linc' et constabulario Cestrie, maneria de Linle et Wylie que Paganus de Chaorc' tenuit de ballio regis custodienda quamdiu regi placuerit. Et mandatum est P. de Wakering' et Waltero de Tywe vel alteri eorum quod de predictis maneriis eidem comiti plenam sine dilatione seisinam habere faciant, sicut predictum est. Teste rege apud Wudestok', iij. die Julii.
Et habet inde idem comes litteras patentes. Teste ut supra.

Pro Johanne de Tywe.—Rex perdonavit Johanni de Tywe eschapium Willelmi de Pauncehal', latronis et probatoris, qui evasit de custodia sua dum fuit vicecomes noster Oxonie; et mandatum est justiciariis proximo itineraturis in comitatu Oxonie quod ipsum Johannem de predicto eschapio quietum esse faciant. Teste ut supra.

De quercubus.—Mandatum est Ricardo de Wrotham (fn. 1) quod in foresta regis de Blakemor' faciat habere priori de Monte Acuto viginti quercus, de dono regis. Teste ut supra. Per Thomam de Newerc'.

[m. 9.]

Pro episcopo Herefordensi episcopo (sic).—Rex justiciariis suis proximo itineraturis ad placita foreste placitanda, salutem. Sciatis quod trencheas quas venerabilis pater R. Herefordensis episcopus, habet in bosco suo infra forestam nostram de Den' idem episcopus mundare fecit per preceptum nostrum. Et ideo vobis mandamus quod ea occasione ipsum episcopum in nullo occasionetis vel vexetis. Teste rege apud Wudestok', iij. die Julii.

Pro comitissa Cestrie.—Mandatum est vicecomiti Northant' quod de terra quam Clemencia, comitissa Cestrie, habuit in Nessinton' nomine dotis et quam in manum regis cepit simul cum terris que fuerunt quondam comitis Cestrie et Huntend' in baillia tua (sic), eidem Clemencie sine dilatione plenam seisinam habere faciat. Teste ut supra.

De catallis depredatorum in mari.—Mandatum est baillivis Bristoll' quod catalla et navem Ricardi de Bristoll' et catalla et navem Radulfi de Wycton' et catalla Walteri de Port et Mauricii de Sancto Walerico qui presentes sunt, simul cum catallis eorum qui per Willelmum de Mariscis et socios suos malefactores in mari detenti sunt in prisona sua pro redemptione sua, que quidem catalla et naves arestari fecistis (sic) apud Bristoll', eis sine dilatione deliberari faciant, retentis in manu regis catallis aliorum mercatorum extraneorum qui presentes non sunt donec dominus rex aliud inde preceperit. Teste ut supra.

Pro Petro de Mongumery'.—Mandatum est Geremano de Kaxton', custodi episcopatus Nortwyc', quod in boscis predicti episcopatus ubi ad minus nocumentum fieri poterit faciat habere Petro de Mungumery iiij. quercus ad maeremium inde habendum ad edificia sua construenda apud ecclesiam suam de Boyton', de dono nostro. Teste rege ut supra.

Pro nunciis Imperatoris, de cuppis.—Mandatum est Hugoni de Pateshull', tesaurario, quod emi faciat duas cuppas, utramque ponderis quatuor marcarum, quarum unam conferat fratri Egidio Bertaldo et alteram Magistro Waltero, notario domini imperatoris, ex parte regis. Teste rege apud Wudestok', v. die Julii.

De inquirendo de terra Radulfi de Berling'.—Mandatum est vicecomiti Kancie quod inquirat quantum terre Radulfus de Berling', qui mortuus est, tenuit in baillia sua etc., et interim de terra illa plenam seisinam habere faciat Willelmo de Raleg' custodienda, donec rex aliud inde preceperit. Teste ut supra.

Pro Reginaldo de Pontibus.—Mandatum est baillivo foreste de Shothovr' quod permittat Reginaldum de Pontibus quem rex mittit ad eum ad deductum querendum capere in baillia sua unum damum vel unum capreolum vel unum cervum, si ei occurrat. Teste rege apud Wudestok', vij. die Julii.

[m. 9.]

Pro vicecomiti Herefordie.—Mandatum est baronibus de Scaccario quod compotum vicecomitis Herefordie ponant in respectum usque in quindecim dies a festo Sancti Michaelis, anno etc. xxj. Teste ut supra.

Pro ecclesia de Blockesham'.—Mandatum est Ricardo de Munfichet quod in foresta regis de Brohull' extra Pancehal' faciat habere persone de Blockesham' viginti quercus ad fabricam ecclesie de Blockesham', de dono regis, nisi eas prius habuerit per aliud breve regis ei inde directum. Teste rege apud Wudestok', viij die Julii.

[m. 8.]

Pro reclusa de Novo Castro.—Rex Ade Sturmy salutem. Quia venerabilis pater A. Coventrensis et Lichfeldensis episcopus, et persona ecclesie Novi Castri subter Limam assensum prebuerunt, ut dicitur, quod Avicia mulier apud ecclesiam predictam reclusa sit, et obstare posset eidem si nondum noster intervenisset consensus, tibi precipimus quod decetero non impedias quin predicta Avicia ad hoc admittatur. Teste rege apud Wudestok', viij. die Julii.

Pro comitissa Cestrie.—Quia rex didicit quod comitisse Huntind' semper habere consueverunt in dotem maneria de Kemeston' et de Totham, mandatum est ballivis A. regis Scottie de terris que fuerunt J. comitis Hunt', quod Helene que fuit uxor J. comitis Cestrie et Huntind', de predictis maneriis cum pertinentiis tenendis nomine dotis sue, sine dilatione plenam seisinam habere faciant; quod nisi fecerint, a vicecomitibus Bedef' et Midd' id rex fieri precepit. Teste rege apud Wudestok', viij. die Julii.
Et mandatum est vicecomiti Bed' quod, nisi dicti ballivi ei inde seisinam habere fecerint, ipse de manerio de Kemeston' seisinam ei habere faciat.
Eodem modo vicecomiti Midd' de manerio de Totham.

Extenta.—Mandatum est justiciariis ad custodiam Judeorum assignatis quod extendi faciant totam terram Gwydonis Pippard' in Bishampton' et secundum valorem ejusdem terre et quantitatem debiti quod idem Gwydo debet David' de Oxonia, Judeo, rationabilem finem et rationabiles terminos ei habere faciant. Teste ut supra.

De cervis et capreolis.—Mandatum est constabulario Sancti Briavelli quod in foresta regis de Den' faciat habere Willelmo Talebot, vicecomiti Glouc', tres cervos et quinque capreolos ad opus Alienore cognate regis morantis in castro regis Glouc'. Teste ut supra.

De roboribus pro Eva de Gray.—Mandatum est Ricardo de Muntfychet quod in foresta regis de Whycchewod' in bosco Ricardi de Clar' de Shypton' faciat habere Eve de Gray, matri Johannis de Bello Campo, decem robora ad focum suum, de dono regis. Teste rege ut supra. Per J. comitem Lincoln'.

[m. 8.]

De armamentis galyarum.—Mandatum est Bertramo de Krioill' quod distringat heredes Henrici filii Reginaldi et Robertum Frostr' quod reddant Paulino de Wincheles' et socio suo, quos rex assignavit ad galyas suas de Wincheles' custodiendas, armamenta earundem galiarum que penes ipsos Henricum et Robertum deposita fuerunt in vita sua et de quibus respondere debent, ut dicitur. Teste rege ut supra.

De substituendo custode ad galyas.—Mandatum est Bertramo de Krioill' quod, quia Thomas filius Godefridi de Winchelese quem prius rex assignavit ad duas galias regis apud Winchelese custodiendas ita est impotens sui quod non sufficiat de cetero ad eas custodiendas, loco ipsius alium substituat qui una cum Paulino de Wincheles' predictas galias diligenter et fideliter custodiat. Teste rege ut supra.

Pro Alienora de Britannia.—Mandatum est baillivis Bristoll' quod emant vina ad opus Alienore de Britannia, consanguinee regis, que moratur apud Glouc', ad forum illud ad quod consueverunt emere ad opus regis secundum quod vicecomes Glouc' eis dicet, et vina ipsa kariari faciant usque Glouc'; et de custo quod ad hoc posuerint respondebit eis vicecomes predictus. Teste ut supra.

Pro Stephano de Segrave et Gileberto filio ejus.—Rex perdonavit Stephano de Segrave decem et octo libras que ab eo exiguntur per summonitionem Scaccarii de firma manerii de Tingden' de tempore quo fuit ipsum manerium in manu sua; et perdonavit Gileberto de Segrave viginti libras que ab eo exiguntur per summonitionem Scaccarii de firma Novi Castri subtus Limam de tempore quo castrum illud fuit in manu sua. Et mandatum est baronibus de Scaccario quod predictum Stephanum de predictis decem et octo libris et predictum Gilebertum de predictis xx. libris quietos esse faciant. Teste ut supra.

Pro rege, de vinis custodiendis.—Rex majori Glouc', salutem. Precipimus tibi quod visis litteris istis eligi facias unum burgensem de fidelioribus burgensibus nostris Glouc', qui una cum serviente vicecomitis nostri Glouc' vina nostra salvo custodiat in castro nostro de Glouc'. Teste ut supra.

Pro Ricardo de Staunton'.—Rex constabulario de Sancto Briavello, salutem. Quia didicimus quod Ricardus de Staunton' de jure consuevit habere omnes ceppos fustorum prostratorum in baillia quietos, tamquam pertinentes ad libertatem suam quam habet in feodo in foresta nostra de Sancto Briavello, usque ad tempus quo Rogerus de Clifford' habuit custodiam predicte foreste nostre qui predictum Ricardum coegit singulis septimanis dare pro ceppis illis sex denarios, concessimus eidem Ricardo quod de cetero habeat ceppos predictos quietos sine precio aliquo, sicut idem Ricardus et predecessores sui baillivi nostri de foresta predicta illos habuerunt usque ad tempus predictum. Et ideo tibi precipimus quod ipsum Ricardum ceppos predictos quietos habere permittas sicut predictum est. Teste rege apud Wud', x. die Julii.

De coronatore faciendo.—Rex vicecomiti Glouc', salutem. Precipimus tibi quod in pleno comitatu tuo per assensum totius comitatus tui eligi facias de fidelioribus et discretioribus militibus ejusdem comitatus, loco Ricardi de Lokinton', quondam coronatoris ejusdem comitatus, unum coronatorem qui prestito sacramento, sicut fieri solet, et (sic) ex tunc faciat et conservet ea que ad coronam nostram pertinent in eodem comitatu; et talem ad hoc eligi facias qui ad hoc melius sciat et velit intendere, et nomen ejus nobis scire facias. Teste ut supra.

De prisonibus.—Mandatum est vicecomiti Salopesir' et Stafford' quod, si Radulfus Paynell et Cecilia uxor ejus, capti et detenti in prisona regis de Brug' pro receptamento Hugonis de Lutteleg' et sociorum suorum qui utlati (sic) et occisi fuerunt, unde rettati sunt, invenerint ei duodecim liberos et legales homines de baillia qui eos manucapiant habere coram justiciariis ad primam assisam cum in partes illas venerint ad standum inde recto, tunc predictos Radulfum et Ceciliam ipsis duodecim tradat in baillium, ut predictum est, et catalla eorum ea occasione capta sine dilatione eis deliberari faciat. Teste ut supra.

De vinis capiendis.—Mandatum est Johanni le Maunsell' quod de vinis que proximo ventura sunt apud Suthant' capiat ad opus regis centum dolia ponenda ibidem in celario regis. Et mandatum est baillivis de Suthant' quod ei ad hoc sint auxiliantes. Teste ut supra.

De damis.—Mandatum est baillivo foreste de Clarendon' quod Ricardum, comitem Pictavie et Cornubie, capere permit tat decem damos in predicta foresta quos rex ei dedit. Teste ut supra.

De quercubus.—Mandatum est Roberto de Ros quod in bosco de Mamesfeld' (fn. 2) faciat habere W. Eboracensi archiepiscopo, centum et quinquaginta quercus ad operationem ecclesie de Sutwell', de dono regis. Teste rege apud Wudestok', xij. die Julii.

De quercubus.—Rex Roberto de Ros, salutem. Mandamus vobis quod habere faciatis priori de Shelford' xv. quercus in foresta nostra de Shyrewud', de dono nostro, ad operationem ecclesie sue, ubi competentius capi possunt extra dominicas hay as nostras, nisi eas prius habuerit per litteras nostras Roberto de Everingham' inde directas. Teste ut supra.

De maeremio.—Mandatum est Johanni de Nevill' quod habere faciat vicecomiti Northant' maeremium in parco regis de Bricstok' ad cindulas faciendas ad cooperiendas domos regis de Geytinton'; et quod faciat habere eidem vicecomiti maeremium in parco de Henl' ad cindulas faciendas ad domos regis de Selveston' cooperiendas. Teste ut supra.

De quercubis.—Mandatum est baillivis Ricardi de Munfichet de forestis de Chyppeham et Melkesham (fn. 3) quod habere faciant abbati de Stanl' duas quercus ad postes faciendos in foresta nostra de Chypeham, et duas quercus ad postes faciendos in foresta de Melkesham, ad operationem cujusdam clocherii, de dono regis. Teste ut supra.

Pro abbatissa de Tarente.—Mandatum est vicecomiti Dorset' quod fratrem Willelmum de Tarente recipiat atornatum abbatisse et monialium de Tarente ad negocia sua in baillia sua prosequenda. Teste ut supra.

De quercubus.—Mandatum [est] Johanni (fn. 4) de Nevill' quod in foresta regis de Salceto (fn. 5) habere faciat abbati de Butlesden' quinque quercus ad stalla sua facienda, de dono regis. Teste apud Wudestok', xij. die Julii.

Pro Hugone Fitun.—Mandatum est J. comiti Linc' et constabulario Cestrie, custodi comitatus Cestrie, quod permittat Hugoni Fytun in pace habere seisinam de terra de Riston', quam ad presens habet, donec aliud inde rex preceperit. Teste rege apud Wudestok', xiij. die Julii.

De maeremio.—Mandatum est Thome de Langeleg' quod habere faciat Waltero de Wudestok', hospiti Willelmi de Raleg', quatuor furcas, sex pannos, et triginta cheverones in baillia sua, de dono regis, ad quandam cameram faciendam ad opus ipsius Willelmi. Teste ut supra.

Pro rege, [de] denariis liberandis Magistro Johanni de Regat'.— Mandatum est vicecomiti Oxonie quod triginta marcas quas major Oxonie ei liberabit, sicut ei precepit rex, sine dilatione liberet Magistro Johanni de Regat' tradendas ex parte regis ubi ei rex dixit; ita quod eas habeat citra festum Beati Petri ad Vincula. Teste ut supra.
Et mandatum est majori Oxonie quod dictas triginta marcas citra dictum festum liberet vicecomiti Oxonie tradendas eidem Johanni. Teste ut supra.

De Willelmo de Percy.—Mandatum est vicecomiti Wyltesir' quod distringat executores testamenti Pagani de Chaurc' ad reddendum Willelmo de Percy, cui commisimus maneria de Burton' et de Menestok', que predictus Paganus tenuit de baillio domini Johannis regis, patris regis, xx. et ij. boves et unum averum et dominica eorundem maneriorum inbladata, sicut ea recepit quando dominus Johannes rex, pater regis, ei commisit predicta maneria. Teste ut supra.

[m. 8.]

Rex concessit David Cumin et Isabelle uxori ejus et Petro de Maum' et Christiane uxori ejus quod viginti marcas quas regi debent de fine lx. marcarum quem ipsi et Henricus de [Bailo]ll . . . . . . . . relevio suo de terris quas Christiana quondam comitissa Essex. [Cancelled] Quia in finibus.

[m. 7.]

Pro abbatissa de Rumes'.—Rex Petro de Bedinton', salutem. Quia datum est nobis intelligi quod redditus abbacie de Rumes' de termino Pasche anno etc. xxj. quem exigitis ad opus nostrum ratione vacationis ejusdem abbacie captus fuit in vigilia Pasche ad acquietandam eandem abbaciam de debitis in quibus tenebatur, qui quidem redditus reddi debuit ipso die Pasche, volentes ipsam abbaciam inde quietam esse, vobis mandamus quod abbatissam ejusdem loci et homines suos pacem inde habere permittatis. Teste ut supra apud Wudestok', xiij. die Julii.
Eodem modo mandatum est vicecomiti Wiltesir' pro eadem abbacia. Teste ut supra.

Pro Thoma le Whyte et Willelmo Passemer.—Mandatum est baillivis Bristoll' quod catalla Thome le Wyte et Willelmi Passemer, civium nostrorum Dublin', que inventa sunt in navi Dublin' que nuper depredata fuit in mari per quosdam malefactores et arestata fuit apud Bristoll', Ricardo le Lung homini ipsorum Thome et Willelmi, qui per eosdem malefactores vulneratus fuit et moram facit apud Bristoll', ad opus eorundem Thome et Willelmi liberari faciant, salva inde portione pertinente ad redemptionem illorum qui pro eis obsides remanserunt. Teste rege apud Wudestok', xiij. die Julii.

Pro Stephano le Nobl'.—Mandatum est eisdem baillivis quod catalla Stephani le Nobl', burgensis regis Bristoll', qui nuper interfectus fuit in navi Dublin' que in mari depredata fuit et apud Bristoll' arestata fuit, sine dilatione reddi faciant Nicholao filio et heredi ipsius Stephani, salva inde portione que pertinet ad redemptionem illorum qui pro eodem Stephano et aliis qui depredati fuerunt obsides remanserunt, et salvis illis debitis suis quibus idem Stephanus tenebatur. Teste ut supra.

Pro Nicholao de Molis.—Mandatum est Johanni de Monem' quod habere faciat Nicholao de Molis unum damum in Nova Foresta, de dono regis. Teste ut supra.

De quercubus.—Mandatum est Waltero de Tywe quod habere faciat Baldwino de Ver decem quercus in bosco regis de Wutton', de dono regis. Teste ut supra.

Pro monachis de Beaubec.—Mandatum est baillivis Bristoll' quod catalla monachorum de Beaubec de ordine Cistrensi inventa in navi que in mari nuper depredata fuit per quosdam malefactores et arestata apud Bristoll' sine dilatione eis deliberari faciant. Teste ut supra.

[m. 7.]

De roboribus.—Mandatum est Roberto de Lexinton' quod in bosco regis de Bere faciat habere monialibus de Tarent' xv. robora ad focum suum, de dono regis; et quod faciant habere eisdem monialibus ad festum Sancti Michaelis xx. caretatas de subbosco in eodem bosco ad focum suum, de dono regis. Teste ut supra.

Pro Philippo de Barry.—Mandatum est Mauricio filio Geroldi, justiciario suo Hibernie, quod de debitis que exiguntur per summonitionem Scaccarii nostri Hibernie de Philippo de Barry, ipsum Philippum deduci faciat per judicium baronum regis ejusdem Scaccarii. Teste ut supra.

Pro Johanne de Barneton'.—Rex perdonavit, ad instanciam Baldwini de Ver, Johanni de Barneton' misericordiam in quam incidit idem Johannes et plegii sui de prosequendo coram justiciariis ultimo itinerantibus in comitatu Leic' quia retraxerat se de duello quod invadiaverat pro dicto Baldwino versus Willelmum de Karleton' de compoto quod idem Baldewinus ab eo exigebat sibi reddi. Et mandatum est vicomiti Leic' quod tam ipsi Johanni quam plegiis suis pacem inde habere permittat. Teste ut supra.

Pro Magistro Willelmo de Kilkenny.—Mandatum est custodi episcopatus Dunholm' quod Magistro Willelmo de Kilkenny maeremium ad quandam aulam faciendam et ad quandam grangiam perficiendam in foresta de Langecestria et de Akeland', quod maeremium fuit ei promissum per Ricardum, quondam Dunholm' episcopum, et illud non habuit, et si idem baillivus hoc scire poterit per Johannem de Rumesie, quondam senescallum ipsius episcopi, tunc ei habere faciat. Teste ut supra.

De prisone capto pro foresta.—Mandatum est Thome de Langeleg' quod, si Hugo filius Rogeri de Middelton', captus pro transgressione foreste nostre non fuerit inventus venationem habens, tunc ipsum replegiari faciat usque ad proximum adventum justiciariorum nostrorum itinerantium ad placita foreste, ad standum recto de transgressione unde rettatus est. Teste ut supra.

De quodam probatore.—Rex concessit Rogero de Merlay, Roberto de Wytcestria, Roberto de Neunham' et Waltero de Sancto Petro potestatem concedendi Siwardo qui devenit probator coram eis vitam et membra; ita tamen quod comittat duellum cum quinque, sicut obtulit coram eis et sicut ipsi regi significaverunt, vel cum pluribus, si ad hoc possint eum inducere. Teste ut supra.

Pro Willelmo de Narzac.—Mandatum est Henrico de Trublevill', senescallo Wasconie, quod plenam seisinam habere faciat Willemo de Narzac de terra quam rex ei concessit in insula de Oleron, sicut rex ei alias mandavit, non obstante quod de eadem terra rex prius precepit seisinam fieri Willelmo de Boeles, cui eam rex commiserat, quia rex vult precise quod terram illam habeat. Teste ut supra.

[m. 7.]

De damis datis.—Mandatum est Ricardo de Munfichet quod in foresta de Wychewud' faciat habere Johanni de Bello Campo quatuor damos ad opus matris sue, de dono regis. Teste rege apud Wudestok', xiiij. die Julii.

Mandatum est Ricardo de Munfichet quod in foresta regis de Feckenham' faciat habere Willelmo de Bello Campo extra dominica regis et defensum regis duos damos, de dono regis. Teste ut supra.

Pro Jordano de Stoppell'.—Mandatum est baillivis Bristoll' quod si Jordanus Stopell' invenire possit salvos plegios qui manucapiant quod respondebunt de catallis que ipse Jordanus vendicat esse Ricardi Stapell' patris sui, que fuerunt in navi de Drogheda depredata, et contingat eadem catalla postea ab aliis vendicari, tunc ipsa catalla prefato Jordano ita deliberari faciant. Teste ut supra.

Pro magistro Templi.—Mandatum est baillivo foreste de Feckenham' quod maeremium quod abbas de Evesham' et alii qui boscos habent in predicta foresta dederunt magistro Milicie Templi in eadem foresta permittat ipsum magistrum abducere quo voluerit libere et [sine] mipedimento chemini. Teste rege apud Brohull', xv. die Julii.

Pro Roberto de Kerneford'.—Rex J. [filio] Philippi, custodi episcopatus Dunholm', salutem. Cum bone memorie R. de Mariscis, quondam episcopus Dunholm', dilecto et fideli nostro, Roberto de Kerneford' quandam terram contulit in episcopatu predicto, et R. successor episcopi memorati, talem conventionem inierit cum prefato Roberto quod predicta terra remaneret ipsi episcopo, solvendo predicto Roberto decem marcas annuatim ad totam vitam suam pro terra eadem, et vos occasione ejusdem episcopatus in manu nostra existentis terram illam in manu nostra tenetis; vobis mandamus quatinus, si talis fuit conventio inter prefatum episcopum et militem antedictum, vos eidem decem marcas annuas solvatis secundum conventionem predictam. Teste ut supra.

De quodam coronatore faciendo.—Mandatum est vicecomiti Wyltesir' quod in pleno comitatu suo per assensum totius comitatus et coram Reginaldo de Calne, Hamone de Bochampton', Willelmo de Derneford', et Ricardo de Haseldon', justiciariis assignatis ad gaiolam Sarisburie deliberandam, eligi faciat de fidelioribus et discretioribus militibus ejusdem comitatus, loco Roberti de Hoxham', quondam coronatoris ejusdem comitatus, unum coronatorem qui, prestito sacramento sicut fieri solet, extunc faciat ea que ad coronam pertinent in eodem comitatu. Et talem eum ad hoc eligi faciat qui ad hoc melius sciat et velit intendere, et nomen ejus regi scire faciat. Teste ut supra.

De prisonibus deliberandis.—Mandatum est vicecomiti Northant' quod Philippum le Enfaunt de Quenton et Johannem fratrem ejus quos tenet in prisona regis pro transgressione foreste regis unde rettati sunt per salvos plegios dimittat a predicta prisona ad standum inde recto coram justiciariis regis de foresta ad placita foreste, nisi capti essent cum venatione vel pro alio recto quare non sint replegiabiles. Teste rege apud Brohull', xvj. die Julii.

Pro Petronilla uxore Roberti de Insula.—Quia constat regi per inquisitionem quam fieri precepit quod Robertus de Insula tenuit unam virgatam terre et unum boscum in Bensinton' de rege in soccagio et quod Petronilla que fuit uxor ipsius Roberti propinquior est heredi ipsius Roberti; mandatum est vicecomiti Oxonie quod de terra et bosco predicto eidem Petronille plenam seisinam habere faciat. Teste ut supra.

Mandatum custodi honoris de Redl' quod permittat executores testamenti Roberti de Tillebr' habere liberam administrationem omnium catallorum que fuerunt predicti defuncti ad faciendum rationabile testamentum suum, accepta ab eis bona securitate quod satisfacient regi ad Scaccarium si quod regi regi (sic) debebat predictus defunctus vel de debito si quod debebat Judaismo. Teste ut supra. [Cancelled] Quia in finibus.

De quercubus.—Mandatum est Thome de Saunford' quod in foresta regis de Bruddon' faciat habere Henrico de Trublevill' triginta quercus ad hospitandum se apud Honedon', de dono regis. Teste ut supra.

De quodam probatore.—Rex Reginaldo de Kaln', Ricardo de Haseldon', Willelmo de Derneford' et Hamoni de Bochampton', salutem. Sciatis quod concedimus vobis potestatem concedendi Edmundo de Dunewych' qui se fecit probatorem vitam et membrum, ita tamen quod faciat duellum cum quinque, sicut promisit coram vobis, vel cum pluribus si ad hoc eum inducere possitis. Teste me ipso apud Walingeford', xviij. die Julii.

De quercubus.—Mandatum est Henrico de Dun quod in bosco regis qui vocatur parcus de Milcet faciat habere constabulario regis Sarrisburie viginti quercus ad scindulas et lathas faciendas ad operationem domorum in castro regis Sarrisburie. Teste rege ut supra.

De assisa xxiiij. ponenda coram R. de Lexinton'.—Mandatum est vicecomiti Dereb' quod assisam viginti et quatuor militum que summonita est coram justiciariis ad primam assisam cum in partes illas venerint ad convincendum xij. juratores assise mortis antecessoris que capta fuit coram justiciariis nostris ultimo itinerantibus apud Notingeham' inter Alexandrum de Leic' et Matildem filiam Thore, petentes, et Thomam le Jofne, Gerardum de Lincolnia et Agnetem uxorem ejus, tenentes, de xl. acris terre cum pertinentiis in Burghes et octo acris terre cum pertinentiis in Langleg', venire faciat coram Roberto de Lexinton' et sociis suis quos secum ad hoc duxerit associandos die Mercurii proxima post festum Sancti Petri ad Vincula apud Notingeham'. Et summoneat per breve suum predictos Alexandrum et Matildem quod tunc sint ibi audituri illam recognitionem, et quod habeat ibi summonitores et hoc breve et aliud breve. Teste ut supra.

De quercu.—Mandatum est Waltero de Burgo quod in dominico bosco de Brohull' faciat habere custodi pontis de Icford unam quercum ad reparationem ejusdem pontis, proviso tamen quod quercus illa ad reparationem et emendationem ejusdem pontis apponatur. Teste rege apud Walingeford', xvij. die Julii.

De quercubus.—Mandatum [est] Rogero Gernet' quod faciat habere Willelmo de Lancastria centum quercus in baillia sua prope Lancastriam ad operationes faciendas in castro regis de Lancastria, ubi melius et commodius in baillia sua ad opus regis capi possunt. Teste ut supra.

Pro Ipolito le Poter.—Mandatum est baillivis Bristoll' quod, quia Ipolitus le Poter, mercator de Normannia, dicit se habuisse duos lestos coriorum in navi illa que nuper depredata fuit in mari inter Angliam et Hyberniam, quod si idem Ipolitus monstrare possit illos duos lestos coriorum suos esse in navi predicta et securos eos fecerit per salvos plegios quod de lestis illis respondebit si alius postea venerit ad lestos illos petendos et possit probare suos esse, tunc sine dilatione reddi et deliberari faciant. Teste rege apud Wind', xviij. die Julii.

De quercubus.—Mandatum est Engelardo de Cygony quod Hugoni filio Andree et Johanni Longo habere faciat tres quercus in foresta de Wind' ad operationem pontis de Wind'. Teste ut supra.

De respectu.—Mandatum est Roberto de Lexinton' quod ponat in respectum loquelam que summonita est coram eo in crastino S. Petri ad Vincula inter Johannem de Nevill' et Henricum filium Osberti de placito terre quod est inter eos apud Notingham et warantizatione carte usque a die Sancti Michaelis anno etc. xxj. in unum mensem, eo quod idem Johannes summonitus fuit coram rege ad eundem diem. Teste rege apud Westmonasterium, xx. die Julii.

Pro Willelmo Dun et Elena uxore ejus.—Mandatum est Ricardo de Munfichet quod faciat habere Willelmo Dun et Elene uxori ejus, nutrici regis, tria robora ad focum suum in baillia sua extra parcum de Havering'. Teste rege apud Westmonasterium, xxij. die Julii.

Pro Johanne de Plesset'.—Mandatum est Willelmo filio Ricardi quod licet Johannes de Plesset', cui rex commisit custodiam terre et heredis Willelmi Avenell', qui terram suam tenuit de Roberto filio Walteri cujus terre sunt in custodia sua per preceptum regis, nondum habuisset seisinam ejusdem custodie in festo Sancti Johannis Baptiste proximo preterito per litteras regis ipsi Willelmo inde directas, quarum data precessit festum predictum, de redditibus ejusdem custodie de termino ejusdem Sancti Johannis (fn. 6) quos exigit ad opus regis de hominibus tenentibus de custodia predicta et quos dicto Johanni rex concessit, eisdem hominibus pacem habere permittat. Teste ut supra.

De prisone.—Mandatum est Thome de Santford' quod Willelmum Page, captum cum venatione in foresta regis de Bradden', liberet vicecomiti Wyltesir' custodiendum in prisona regis Sarrisburie donec rex aliud inde preceperit. Teste rege ut supra.
Et mandatum est vicecomiti Wiltesir' quod predictum Willelmum recipiat et salvo custodiat donec rex aliud inde preceperit. Teste ut supra.

Pro Thoma Boyt et sociis suis.—Mandatum est baillivis Bristoll' de catallis Thome Boyt, Alicie Augustun, et Willelmi le Paumer, qui sunt de Drogheda, quod deliberentur per plevinam sicut superius mandatum est de catallis Jordani Stopll'. Teste rege apud Plumsted', xxij. die Julii.
Eodem modo mandatum est eisdem baillivis pro Hamone Fuket. Teste ut supra.
Eodem modo mandatum est pro Ranulfo de Rothomago. Teste ut supra.

De ballivis Bristoll'.—Mandatum est eisdem baillivis quod non est necesse quod teneant duos batellos quos muniri fecerunt ad mandatum regis, set eos abire permittant, proviso tamen quod muniti [sint] sicut ipsos habeant munitos cum necesse fuerit et cum eis rex mandaverit. Teste ut supra.

[m. 6.]

De prisone.—Rex vicecomitibus Lond', salutem. Quia per inquisitionem quam nuper fieri fecimus per justiciarios nostros accepimus quod Johannes de Marisco, captus et detentus in prisona nostra de Newgat' pro morte Henrici filii Clementis unde rettatus fuit, non est de morte illa culpabilis; vobis precipimus quod ipsum Johannem a prisona nostra deliberetis et quo voluerit abire permittatis Teste rege apud Westmonasterium, xxiiij. die Julii.
Mandatum est Ricardo de Munfichet quod si Johannes de Helehton', captus in foresta regis de Essex' cum leporariis et detentus in prisona regis, invenerit ei salvos plegios ad standum inde recto coram justiciariis regis de foresta, cum in partes illas venerint ad placita foreste placitanda, de transgressione foreste, tunc ipsum a prisona regis interim deliberet. Teste rege ut supra.

Pro Andrea de la Brech'.—Rex concessit Andree de la Brech' quod quietus sit de sectis comitatus et hundredorum a festo Sancti Petri ad Vincula anno etc. xxj. usque in unum annum. Et mandatum est vicecomiti Bercsir' quod de sectis predictis ipsum Andream pacem habere permittat. Teste rege apud Westmonasterium, xxvij. die Julii.

[m. 6.]

De damis.—Mandatum est Ricardo de Munfichet quod in foresta regis de Feckenham' faciat habere W. Wygorniensi episcopo, quindecim damos, de dono regis. Teste ut supra.
Mandatum est Ricardo de Munfichet quod habere faciat Hugoni de Ver, comiti Oxonie, quatuor damos in foresta regis de Waltham', et quatuor damos in foresta regis de Hatfeld', de dono regis. Teste rege apud Westmonasterium, xxix. die Julii.

De damis et cervis.—Mandatum est Roberto de Ros quod in foresta regis de Notingeham', ubicumque melius et facilius fieri poterit, excepta haya regis de Beskwud', faciat habere W. Wygorniensi episcopo, quindecim damas et quatuor cervos, de dono regis. Teste ut supra.

Pro Roberto de Cantuaria.—Mandatum est Nicolao de Sancto Albano quod Roberto de Cantuaria, clerico, habere faciat centum solidos quos rex ei concessit de cuneo suo Cantuarie, exceptis sexties viginti marcis quas regi debet per conventionem factam inter regem et eundem Nicolaum factam (sic) de cuneis Cantuarie et Lond' a festo Sancti Johannis Baptiste anno etc. xxj. usque ad festum Sancti Johannis anno etc. xxij. et exceptis centum solidis quos idem Nicolaus Willelmo Scissori debet, quos rex ei similiter concessit de cuneo predicto Cantuarie. Teste rege apud Westmonasterium, xxx. die Julii.

De damis.—Mandatum est Johanni de Nevill' quod in baillia sua in forinsecis boscis extra dominica regis faciat habere Gerardo de Furnivall' duos damos, de dono regis. Teste rege apud Westmonasterium, xxx. die Julii.

De damis.—Mandatum est Johanni de Nevill' quod faciat habere Petro de Raleg' duos damos in baillia sua in partibus Norhant' extra dominicos boscos regis. Teste ut supra.

Pro Magistro Willelmo de Dunholm'.—Mandatum est Johanni filio Philippi, custodi episcopatus Dunholm', quod de bobus quos retinuit ad opus regis de episcopatu predicto faciat habere Magistro Willelmo de Dunholm' triginta et novem boves qui fuerunt prius in maneriis de Weremuth' et de Refhop' pro eodem precio quo illos retinuit ad opus regis. Teste ut supra.

De damis.—Mandatum est Johanni de Nevill' quod Willelmo de Cantilupo juniori faciat habere tres damos in foresta regis de Rokingeham' extra dominicos boscos regis, de dono regis. Teste ut supra.

De prisonibus.—Rex vicecomitibus London', salutem. Precipimus vobis quod Willelmum Horsnaill' et Johannem filium Thome, qui sunt in prisona nostra de Newgat' et nuper capti fuerunt apud Evre pro suspitione latrocinii, liberari faciatis Ricardo de Turri, constabulario Walingeford', ad ipsos custodiendos in prisona castri predicti usque ad adventum justiciariorum itinerantium in partibus illis, nisi predicti Willelmus et Johannes plegios invenire possint eidem constabulario qui eos manucapiant habere coram prefatis justiciariis ad se purgandos de suspitione predicta. Teste ut supra.

De fustis.—Mandatum est servienti de Feckenham' et custodi dominicorum boscorum regis de eadem villa quod habere faciat fratri Roberto, magistro Milicie Templi in Anglia, decem fusta in foresta regis de Wercwud' ad edificia inde facienda, de dono regis. Teste rege apud Westmonasterium, ut supra.