Calendar of Close Rolls, Henry III: Volume 4, 1237-1242. Originally published by His Majesty's Stationery Office, London, 1911.
This premium content was digitised by double rekeying. All rights reserved.
'Close Rolls, March 1240', in Calendar of Close Rolls, Henry III: Volume 4, 1237-1242, (London, 1911) pp. 236. British History Online https://www.british-history.ac.uk/cal-close-rolls/hen3/vol4/p236 [accessed 23 April 2024]
Close Rolls, March 1240
[m. 14d.]
Rex vicecomiti Kancie, salutem. Quia in litteris nostris quas tibi
misimus de fidelitate facienda Edwardo filio nostro primogenito
continebatur quod nomina eorum qui fidelitatem illam facerent scribi
faceres et nobis significari, nec volumus quod eorum nomina scribantur
occasione predicti mandati, tibi precipimus quod de predictis nominibus
scribendis in nullo te intromittas set predictam fidelitatem in forma
quam tibi mandavimus fieri facias ab omnibus tam liberis quam villanis
etatis xij. annorum et supra et ab omnibus servientibus domuum
religiosarum et omnibus mercatoribus in baillia tua commorantibus
seu receptaculum habentibus, ita quod forma juramenti sui eadem sit
que in priori mandato nostro fuerat contenta, et taliter te circa hoc
habeas quod inde merito possis et debeas commendari. Teste rege
apud Westmonasterium, xxvij. die Marcii.
Eodem modo scribitur omnibus vicecomitibus Anglie.
[m. 13d.]
Memorandum quod Radulfus Basset et Ricardus de Wrotham itinerabunt cum Johanne Byset ad placita foreste a die Pasche in tres septimanas in comitatu Norhamt'.