Close Rolls, June 1240

Calendar of Close Rolls, Henry III: Volume 4, 1237-1242. Originally published by His Majesty's Stationery Office, London, 1911.

This premium content was digitised by double rekeying. All rights reserved.

'Close Rolls, June 1240', in Calendar of Close Rolls, Henry III: Volume 4, 1237-1242, (London, 1911) pp. 237-238. British History Online https://www.british-history.ac.uk/cal-close-rolls/hen3/vol4/pp237-238 [accessed 27 March 2024]

Image
Image

Close Rolls, June 1240

[m. 11d.]

Mandatum est vicecomiti Noting' quod, assumptis secum xij. discretis et legalibus militibus, in propria persona occurrat vicecomiti Linc' ad diem et locum quos idem vicecomes ei scire faciet, ad faciendum perambulationem inter terram R. Lincolniensis episcopi, in Gretton' et Suthscarl' que est in comitatu suo, et terram magistri Milicie Templi in Anglia in Aycle et Northscarle et Swynderby, que est in comitatu Linc', ita quod perambulatio fiat per certas divisas et metas tam per predictos xij. milites de comitatu Noting' quam per xij. milites de comitatu Linc' quos vicecomes Linc' illuc venire faciet, quia predicti episcopus et magister posuerunt se coram rege in perambulationem illam; et scire faciat justiciariis ad primam assisam cum in partes illas venerint per quas divisas et metas facta fuerit. Teste rege apud Westmonasterium, iiij. die Junii.

Cornubia.—Mandatum est vicecomiti Cornubie quod fieri faciat perambulationem inter terram Radulfi de Tynten in Trevinnoc' et terram Petri de Dinnesheall' in Dinneshal' etc.; fieri etiam faciat perambulationem inter terram ipsius Radulfi in Trevinnoc et terram Ricardi de Trennowic' in Bodynth'.

Rex assignavit Simonem de Hal ad itinerandum cum Roberto de Lexinton' et sociis suis in comitatu Ebor', et mandatum est eis quod ipsum ad hoc admittant. Teste rege apud Westmonasterium, xij. die Junii.

Johannes Byset, Rogerus de Essex', Radulfus Basset de Sapecot' et Ricardus de Wrotham, sunt justiciarii ad placita foreste in comitatu Oxon' a die Nativitatis Sancti Johannis Baptiste in xv. dies. Teste rege apud Westmonasterium, xij. die Junii.

[m. 10d.]

Quia Rogerus de Thurkylby constitutus est justiciarius una cum W. de Eboraco et sociis suis ad itinerandum ad omnia placita in comitatu Essex', propter quod loquela que est inter Walterum de Louthorp', petentem, et prefatum R. tenentem, de duabus carucatis terre cum pertinentiis in Swathorp' et xij. acris prati in Louthorp' coram R. de Lexinton' in comitatu Ebor' interesse non potest, mandatum est predicto R. quod loquelam illam ponat coram eo in itinere suo in comitatu Warewic'. Teste rege apud Westmonasterium, xviij. die Junii.

Mandatum est W. de Eboraco quod omnes loquelas motas coram eo versus Magistrum Radulfum de Neketon' et omnes loquelas quas idem Magister movit coram eo versus alios ponat de die in diem donec idem Magister loquelis illis possit interesse.

Rex vicecomiti Huntend', salutem. Cum, sicut audivimus, dilectus nobis Magister W. de Arundell', archidiaconus Huntend', tractatum quendam fecerit de conversione Judeorum, ad cujus interpretationem neccesse habet alicujus boni interpretis Judei consilium et auxilium invocare, precipimus tibi quod quemcumque Judeum prefatus archidiaconus ad hoc habere voluerit, ipsum permittas in comitatum tuum inducere et cum ipso ad hoc faciendum morari. Teste rege apud Westmonasterium, xviij. die Junii.