Calendar of Close Rolls, Henry III: Volume 4, 1237-1242. Originally published by His Majesty's Stationery Office, London, 1911.
This premium content was digitised by double rekeying. All rights reserved.
'Close Rolls, May 1242', in Calendar of Close Rolls, Henry III: Volume 4, 1237-1242, (London, 1911) pp. 439-440. British History Online https://www.british-history.ac.uk/cal-close-rolls/hen3/vol4/pp439-440 [accessed 24 April 2024]
Close Rolls, May 1242
Quod ballivi portus Dovor' permittant homines transfretare in portu suo.—Mandatum est ballivis portus Dovor' quod permittant Durand' clericum de Corvo transfretare cum vj. equis et hominibus suis. Teste rege apud Winton', j. die Maii.
[De] pace regis custodienda.—Rex vicecomiti Wiltes', salutem. Precipimus tibi quod ad pacem nostram in ballia tua firmiter tenendam omni qua poteris diligencia intendas et Ade de Perton', ballivo foreste nostre de Braden', ad predictam pacem nostram servandam auxilium et consilium inpendas oportunum; et, si forte predictus Ada vel ballivus suus aliquis super malefactores hutehesium levaverit, ipsos malefactores sine dilacione in auxilium predicti Ade cum gente armata viriliter prosequi facias, ita quod pro defectu tui pax nostra non sit inobservata. Teste rege apud Winton', xxviij. die Aprilis.
Essex'.—Rex ad instanciam R. comitis Cornubie et Pictavie, relaxavit Ricardo Urri qui de rege tenet in capite servicium quod regi debet de transfretando ad partes transmarinas.
Pro Ricardo de Burgo.—Mandatum est M. filio Geroldi, justiciario
Hybernie, quod faciat habere Ricardo de Burgo bonas naves et securas
et quotquod necesse fuerit ad custum regis ad veniendum ad regem
cum equis et armis et armis (sic) usque Burdegal'. Teste.
Eodem modo scribitur G. de Turvill', thesaurario Hybernie.
Pro Magistris P. de Burdeg' et Ricardo de Clifford.—Mandatum est B. Pech' et J. de Colemere quod faciant habere Magistris P. de Burdegal' et Ricardo de Clifford unam bonam navem ad transfretandum. Et mandatum est custodibus garnisone domini regis quod eis unum dolium vini, xv. quarteria avene, de feno, furragio, victualibus et aliis necessariis, quantum necesse fuerit ad navem suam muniendam.
Pro Thoma de Bosebothe.—Mandatum est vicecomiti Norht' quod permittat Thomam de Bosebothe habere respectum de armis capiendis usque ad festum Sancti Michaelis anno, etc., xxvj.
[m. 3d.]
Pro Johanne le Moyne.—Mandatum est vicecomiti Cantebr' quod permittat Johannem le Moyne habere respectum de armis capiendis donec rex aliud fieri preceperit. Teste rege apud Portesm', vj. die Maii.
Pro Johanne le Cunte.—Mandatum est vicecomiti Sussex' quod permittat Johannem le Cunte habere respectum de armis capiendis usque ad festum Sancti Michaelis anno, etc., xxvij. Teste rege apud Port', vij. die Maii.