Close Rolls, July 1242

Close Rolls, July 1242

Willelmus de Bracy habet respectum de se milite faciendo usque ad Natale Domini anno etc. xxvij^mo et mandatum est vicecomiti War' quod respectum illum ei habere permittat. Teste etc.

W. Eboracensis archiepiscopus, Petrus de Maune et Cristiana uxor ejus habent breve de perambulacione de terra ipsius archiepiscopi in Munketon' et terram (sic) predictorum Petri et Cristiane in Burton'. Teste eodem archiepiscopo apud Westm', xxv. die Julii.

Rex vicecomiti Wigorn', salutem. Precipimus tibi quod habere facias dilecto et fideli nostro Galfrido Dispensario in quindena Sancti Michaelis que erit in festo Sancti Edwardi scutagium suum de feodis militum que tenentur [de nobis erased] de wardis que de nobis teneri debent in capite et que sunt in manu sua in bailliva tua, videlicet de scuto tres marcas pro exercitu nostro contra transfretacionem nostram in Wasconiam anno regni nostri xxvj. Teste ut supra.
Eodem modo scribitur vicecomitibus Buk', Oxon', Glouc', Leic', Warewic', Notingh', Dereb' et Norhamt'.

Rex justiciariis suis ad custodiam Judeorum assignatis, salutem. Monstravit nobis Oliva que fuit uxor Roberti de Fraxineto quod cum ipsa, cum nuper essemus apud Colecestr', probasset coram venerabili in Christo patre W. Eboracensi archiepiscopo, et aliis de consilio nostro, tam per Christianos quam per Judeos, prefatum virum suum reddidisse Aaron et Ursello, Judeis Colecestr', totum debitum quod eis debuit ante arrepcionem itineris sui in Terram Sanctam et injunctum esset eisdem Judeis quod redderent prefate O. cartas confectas de debito memorato, licet iidem Judei quasdam cartas inde restituerint, adhuc tamen unam inde detinent maliciose, pretendentes cartam ipsam esse Lond' in deposito ut sic fraudem machinentur et laboribus fatigent dictam mulierem. Et ideo vobis mandamus quod predictos Judeos per terras et catalla distringatis ad restituendum prefate mulieri sine dilacione cartam predictam et vos eidem pedem illius carte restituatis; ita vos in hac parte gerentes quod de cetero nullam inde audiamus querelam. Teste W. Eboracensi archiepiscopo, apud Mortelak', xxix^o die Julii.

Rex constabulario suo de Sancto Briavello, salutem. Monstravit nobis dilectus et fidelis noster J. de Monem' quod cum ipse capi fecisset quendam carbonatorem inventum malefacientem in libertate bosci sui, licet prefatus J. paratus esset dimittere tibi per plevinam predictum carbonatorem, tu tamen eum per plevinam capere noluisti set ea occasione predicta in terra ipsius J. cepisti et prepositum suum qui predam illam petiit per plevinam imprisonasti et ipsum prepositum per plevinam ipsius J. dimittere noluisti. Et ideo tibi precipimus quod transgressionem predictam taliter facias emendari quod prefatus J. per culpam tuam nullam libertatis sue sustineat lesionem et quod nos ad hoc non oporteat manum apponere et sicut magnum dampnum tuum desideras evitare. Teste etc.

Norff'.—Willelmus de Rysing venit apud Mortlak' die Mercurii proxima ante festum Sancti Petri ad Vincula coram domino archiepiscopo et consilio regis et petiit terram suam sibi replegiari, que capta est in manum regis propter defaltam quam fecit versus Emmam de Cantilup'.

[m. 7d.]

Comes Arundell' habet brevia in comitatibus Sussex', Norff' et Suff', et Buk', de scutagio suo quod vicecomites colligi et salvo deponi faciant donec rex aliud inde preceperit per visum Willelmi filii Herberti quem idem comes loco suo ad hoc assignavit et vicecomitibus Wiltes', Kanc', Suhampton', Essex', Glouc', Oxon', Bed', Norhampt', War', Leic', Salop', Staff', Noting', Dereb', Ebor', Linc'.

Reginaldus de Moyun habet brevia de scutagio suo habendo in comitatibus War', Sumers', Dors', Wiltes' et Devon'; habet eciam litteras de protectione etc.

Dominus Eboracensis archiepiscopus habet brevia de scutagio suo habendo in comitatibus Ebor', Noting', Linc', Leic' et War'.

Mandatum est custodi honoris Lanc' quod habere faciat eidem archiepiscopo scutagium suum de feodis militum que filius et heres Rogeri de Mareseye qui est in custodia sua tenere debet de rege in capite de honore Lanc', in comitatu Noting', et de feodo unius militis quod filius et heres Willelmi de Seinliz qui similiter est in custodia sua tenere debet de rege in capite de honore Lanc' in Sumerton', in comitatu Linc', scilicet de scuto etc. Teste W. de Cantilup', apud Mortel', vj. die Octobris.

Mandatum est eciam vicecomiti [Linc' erased] Norht' quod faciat ei habere scutagium suum de feodis militum que filie et heredes Willelmi de Duston' que similiter sunt in custodia sua tenere debent de rege in capite, scilicet de scuto etc. Teste ut supra.