Close Rolls, November 1245

Close Rolls, November 1245

Pro priore de Otrinton'.—Mandatum est vicecomiti Devon' quod omnes terras prioris de Otrinton', quas cepit in manum regis occasione mortis abbatis de Monte Sancti Michaelis, qui nondum mortuus est, prefato priori reddi, et siquid occasione predicta de eadem terra cepit, id ei reddi faciat, et si decetero audierit quod aliquis abbas vel prior de partibus transmarinis de balliva sua cesserit vel decesserit, terras ipsorum capiat in manum regis, et custodiat donec aliud habuerit in precepto. Teste rege apud Wigorn' x. die Novembris.

Pro Johanne de Estleg'.—Rex cepit homagium Johannis filii et heredis Johannis de Estleg' de omnibus terris et tenementis que idem Johannis tenuit de rege ad feodi firmam: et mandatum est vicecomiti Salop' quod de omnibus terris quas idem Johannes tenuit ad feodi firmam de rege in balliva sua, eidem heredi plenam seisinam habere faciat. Teste ut supra.

De vinis datis.—Mandatum est custodibus vinorum regis Hereford' quod de vinis regis que sunt in custodia sua faciant habere Roberto Tregoz j. dolium vini, de dono regis. Teste rege apud Evesham xiij. die Novembris.

De obolis de Musc'.—Mandatum est Edwardo de Westm' quod provideat quod rex habeat xij. obolos de Musc' apud Wudest' die Dominica proxima post octabas Sancti Martini. Teste ut supra.

De quercubus datis.—Mandatum est (G. de Segrave justiciario de foresta cancelled) Galfrido filio Warini quod faciat habere Osberto de Maidenestan' capellano vj. quercus in haya de Benitleg' ad maeremium inde faciendum, de dono regis. Teste rege apud Wudestok' xij. die Novembris.

De vinis datis.—Mandatum est custodibus vinorum regis de Brehull' quod de vinis regis que sunt in custodia sua faciat habere (fn. 1) . . . j. dolium vini, de dono regis. Teste ut supra.

De prisonibus Wallensibus custodiendis.—Mandatum est constabulario Turris Lond' quod Tuder' filium Edenevet et Johannem Vyel, prisones Walenses quos Willelmus de Sancto Leodegario et Ricardus le Bretun ei liberabunt, ab eis recipiat, et ipsos in medio stadio ejusdem Turris de suo sustentari et sustodiri (sic) faciat. Teste rege ibidem xvij. die Novembris.

De passu [s]cindendo.—Mandatum est (constabulario cancelled) vicecomiti Glouc' quod de qualibet hida terre de comitatu suo habere faciat Johanni de Munemuth unum hominem cum bona securi ad morandum cum ipso apud Buelt' per iiij. dies ad custum proprium, et ad passum ibidem scindendum. Teste ut supra.
Eodem modo scribitur vicecomitibus Hereford' et Wigorn'.

Pro heremitis.—Mandatum est Roberto Lupo, senescallo foreste de Salceto, quod iij. heremitis quibus rex concessit quendam situm loci in predicta foresta habere faciat x. carratas clausture in predicta foresta, ad includendum predictum situm loci ubi fieri poterit ad minus nocumentum predicte foreste. Teste ut supra.

Pro Annora de Verdun.—Mandatum est vicecomiti Oxon' quod faciat habere Annore de Verdun racionabilem dotem suam de exitibus hundredi de Blokesham, sicut illam tempore Radulfi de Sancto Amando per manum ipsius Radulfi habere consuevit. Teste rege apud Wudest' xviij. die Novembris.

Pro Johanne de Dunheved' et Christiana uxore ejus.—Mandatum est eidem quod decetero faciat habere Johanni Dunheved' et Christiane uxori ejus annuam firmam eis debitam pro terris quas Radulfus de Sancto Amando tenuit de eis ad firmam de dote ipsius Christiane in Blokesham, et Cernay in comitatu Glouc', quamdiu predicte terre fuerint in manu regis, et sicut illam tempore predicti Radulfi annuatim percipere consueverunt. Teste ut supra.

De vinis datis.—Mandatum est custodibus vinorum regis Oxon' quod de vinis regis que sunt in custodia sua faciat [habere] Roberto Passelewe j. dolium boni vini, de dono regis. Teste ut supra.

Pro operationibus Westm'.—Mandatum est Thome de Newerk' et archidiacono Westm' quod omnes denarios quos jam perceperunt de denariis quos rex poni precepit in deposito sub sigillis suis in ecclesia Westm' simul et omnes denarios quos inde percepturi erunt, sicut illos recipient, liberent custodibus operacionum regis ejusdem ecclesie per visum Edwardi de Westm' ad operaciones illas faciendas. Teste ut supra.

De perdonacione.—Rex perdonavit Ricardo de Dovor' xx. marcas ad quas amerciatus fuit coram justiciariis itinerantibus ad placita foreste in comitatu Norht': et mandatum est baronibus de Scaccario quod ipsum inde quietum esse faciant. Teste ut supra.

De vinis datis.—Mandatum est custodibus vinorum regis Oxon' quod de vinis regis que sunt in custodia sua faciant habere Godefrido de Crawecumb' j. dolium vini, de dono regis. Teste rege apud Wudest' xxiiij. die Novembris.

De quodam lapide precioso emendo.—Mandatum est Edwardo de Westm' quod illam pulcram smaragdinem de qua cum rege loquebatur quod illam viderat Lond', quicquid custare debeat ad opus regis retineat; et si non sit posita in auro, tunc anulum aureum fieri et illum in eo poni faciat: ita quod anulum illum rex promptum habeat in primo adventu suo London', et cum de precio regi constiterit, illud rex de exitibus cambii reddi faciet. Teste ut supra.

De casulis et capis faciendis.—Mandatum est eidem quod, de omnibus samittis regis que penes se habet, fieri faciat casulas et capas de choro contra Natale et de iiij. pannis sericis ad aurum unum pannum integrum quem rex offerre possit in primo adventu suo usque Westm'. Teste rege apud Wudest' xxj. die Novembris.

Pro comite Winton'.—Mandatum est vicecomiti Ebor' quod de auxilio quod exigit ad primogenitam filiam regis maritandam a comite Winton' de feodis militum que tenet de maritagio Helene comitisse Winton' uxoris sue in balliva sua et unde Edmundus filius et heres J. quondam comitis Linc' et constabularii Cestrie qui infra etatem et in custodia regis est, eidem comiti warantizare debet, pacem ei habere permittat. Teste ut supra.

De vinis datis.—Mandatum est custodibus vinorum regis de Wudestok' quod de vinis regis que sunt in custodia faciant habere custodi hospitalis Oxon' j. dolium vini rubei ad celebracionem divinorum et ad opus infirmorum ejusdem hospitalis, de dono regis. Teste rege apud Oxon' xxv. die Novembris.

[m. 24.]

De auro ad opus regis de Judeis perquirendo.—Quia rex vult omnibus modis quod Judei Anglie respiciant regem in xl. marcis auri pro bono adventu regis a partibus Wallie quicquid rex prius dederit in mandatis justiciariis ad custodiam Judeorum assignatis, mandatum est eisdem justiciariis quod eas a Judeis predictis ita colligant quod rex eas promptas habeat in primo adventu suo usque Westm'. Teste rege apud Oxon' xxv. die Novembris.

De thesaurario Cestr'.—Quia cum rex ultimo fuisset apud Cestr' non habuit spacium providendi de quodam camerario Cestr', rex assignavit interim Ranulfum de Oxonia, burgensem Cestr', loco camerarii ad denarios regis de exitibus comitatus Cestr' recipiendos et custodiendos per visum clerici Johannis de Grey, justiciarii Cestr', quem ad hoc assignabit, et per visum abbatis Cestr', donec rex de alio ordinaverit: et mandatum est eidem justiciario quod ipsum ad hoc admittat. Teste ut supra.
Et mandatum est eidem Ranulfo quod illi officio intendat. Teste ut supra.

De vinis datis.—Mandatum est custodibus vinorum regis Oxon' quod de vinis regis que sunt in custodia sua faciant habere Magistro Patricio, phisico regis, j. dolium vini, de dono regis. Teste ut supra.

De quercubus datis.—Mandatum est Roberto Lupo quod faciat habere priori de Luffeld v. quercus in bosco regis de Haselberg', de dono regis. Teste ut supra.

Pro priore Sancte Fredes'.—Rex baronibus suis de Scaccario, salutem. Sciatis quod prior Sancte Fredeswide Oxon' liberavit per preceptum nostrum Henrico de Wingham, clerico nostro, quem pro negociis nostris misimus usque Cestr', centum solidos quos nobis promisit in auxilium primogenite filie nostre maritande ad expensas suas versus partes predictas: et ideo vobis mandamus quod de predictis centum solidis eundem priorem quietum esse faciatis. Teste rege apud Walingford xxv. die Novembris anno regni nostri xxx.

De damis datis.—Mandatum est Ricardo de Munfichet' quod faciat habere Petro de Sabaudia xv. damas vivas in parco regis de Havering' ad parcum suum de Cestrehunt' instaurandum, de dono regis. Teste rege apud Rittherefeld' xxviij. die Novembris.

Pro comite Ricardo.—Quia rex talliari facit dominica sua, mandatum est vicecomiti Oxon' quod faciat habere comiti Ricardo tallagium suum de manerio de Bensinton', quod aliquando fuit dominicum regis et nunc est in manu ipsius comitis, de dono regis. Teste ut supra.

Pro Thoma de Duyton'.—Rex justiciariis ad custodiam Judeorum assignatis, salutem. Veementer moti super paupertate Thome de Duyton militis, vobis mandamus quod si forte Copine filius Benef', Vivos de Glouc', Benef' filius Benef' et Salomon de Bristoll' Judei seisinam habeant per preceptum nostrum de terris ipsius Thome ut de vadio suo, omnes terras ipsius Thome ei restitui faciatis, et si seisinam terrarum ipsius Thome habere debeant, seisinam illam eis habere non faciatis citra octabas Sancti Hyllarii, facientes predictos Judeos venire ad conputandam (sic) coram vobis cum ipso Thoma ad terminum predictum de omnibus debitis in quibus eis tenetur, et nos postea secundum conpotum eorundem racionabilem inde precipiemus quod duxerimus precipiendum. Teste ut supra.

De denariis solvendis.—Mandatum est W. de Haverhull', thesaurario regis, quod omnes denarios quos rex debet militibus et aliis de partibus transmarinis et comiti Flandr' et etiam servientibus regis, de quorum pacatione brevia regis de Liberate nuper recepit, sine dilacione solvi faciat. Teste rege apud Windes' xxx. die Novembris.

Pro episcopo Barhudensi.—Mandatum est W. de Haverhull, thesaurario regis, quod faciat habere episcopo Barhudensi mitram episcopalem circiter precium c. solidorum ex parte regis, et j. calicem argenteum deauratum circiter idem precium ex parte regine: et cum rex sciverit certum custum, breve de Liberate ei ha bere faciet. Teste ut supra.