Close Rolls, 1245

1245.

[m. 25d.]

Johannes de Burgo attornavit loco suo Adam de Mungumery contra burgenses Stanford' in loquela que est coram rege inter eos de tallagio ab hominibus ipsius Johannis captis.

Mandatum est justiciariis itinerantibus in Hybernia quod appellum quod Ricardus de Notingeham facit versus Alanum de Chaumberleg' in quo error, ut rex audivit, est manifestus, ponant in respectum usque adventum Johannis filii Galfridi quem rex de novo creavit justiciarium parcium illarum, cui injunxtum est quod si in processu ejusdem appelli spreto juris ordine aliquid errati, illud revocari et sine dilacione faciant emendari. Teste rege apud Cestr' j. die Novembris.

Henricus de Erleg' essoniavit se per Nicholaum de Suinerton versus regem de placito terre.

Rex W. de Eborac', salutem. Quia in crastino Animarum in Anglia non fuimus nec vestram habuimus presenciam ad placita que coram nobis sunt tenenda, vobis mandamus quod omnes loquelas unde W. Mar', comes Penbr', vocatur ad warantum coram nobis et alia placita ipsum tangencia aterminetis coram nobis in octabis Sancti Hyllarii in eodem statu in quo fuerunt ad diem predictum. Teste rege apud Cunnbremar' iiij. die Novembris.

Rex vicecomiti Norht', salutem. Quia personaliter esse non possumus apud Westm' a die Sancti Martini in xv. dies quem diem barones nostri de Scaccario dederunt omnibus tenentibus de nobis in capite per serjanciam, et omnibus aliis tenentibus de eisdem serjanciis in balliva tua quod sint coram nobis a die Sancti Hillarii in xv. dies apud Westm' ad audiendum et faciendum quod de predictis serjanciis facere voluerimus. Teste rege apud Wigorn', x. die Novembris.

Eodem modo scribitur omnibus vicecomitibus Anglie, excepto vicecomiti Cornub'.

Placita de foresta in comitatu Oxon' summonita sunt coram Roberto Passelewe et sociis suis apud Oxon' in crastino Sancti Andree.

Quia Thomas filius Luciani fuit in servicio regis in Anglia, et frater suus traxerit eum in placitis in curia Dublin', mandatum est justiciario Hybernie quod loquelam illam ponat in respectum usque in j. mensem a die Pasche anno etc. xxx.

Mandatum est Johanni de Grey, justiciario Cestr', quod per totam ballivam suam cum quanta fieri poterit festinatione in singulis burgis et bonis villis et hundredis publice clamari et firmiter observari faciat quod nullus de balliva sua, sicut corpus suum diligit, aliquod genus victualium ferrum vel acerum vel pannum vel quamcumque aliam mercem vendat mittat vel ducat vel pro posse suo duci vendi vel mitti permittat ad opus Walensium inimicorum regis, et si aliquem interripere possit qui victualia vel alias merces quascumque eis vendere vel mittere attemptaverit contra hanc prohibicionem regis, omnia illa merces et victualia in manum regis capiat et ad opus regis salvo custodiat tanquam ea que regi incurruntur; corpus autem ipsius vendentis vel mittentis incontinenti capiat et in prisona regis salvo custodiat, donec id regi significaverit et aliud a rege habuerit mandatum. Teste.

Lancastr'.
Westmerl'.
Cumb'.
Norhumb'.
E[b]or'.
Linc'.
Norf' Suff'.
Essex' et Hertford'.
Kanc'.
Sussex'.
Surr.
Sutht'.
Wilt'.
Sumers'.
Dors'.
Devon'.
Cornub'.
Hereford'.
Stafford'.
Salop'.
Glouc'.
Com' Mares'.
Com' Glouc'.
Willelmo de Braus'.
Patr' de Chaurc'.
Radulfo de Mortuo Mari.
Waltero de Clifford'.
Willelmo de Stutevill'.
Herberto filio Petri.

[m. 23d.]

Rex concessit Willelmo de Cantil' juniori quod sit attornatus uxoris sue et pro ea recipiat portionem eos contingentem de terris et tenementis que fuerunt W. Marescalli, quondam comitis Penbrok', coram rege una cum ceteris heredibus ipsius comitis.

[m. 22d.]

Mandatum est vicecomiti Hertford' quod certo diem [sic] quem duxerit prefigendum, venire faciat usque Netheleg' xij. de discretis et legalibus militibus de comitatu suo, et in presencia sua et in presencia vicecomitis Buk', cui preceptum est quod ad diem [et locum cancelled] quem ei scire faciet, ad eundem locum venire faciat xij. de discretis et legalibus militibus de comitatu suo, perambulationem fieri faciet per sacramentum predictorum xxiiij. militum inter terram que pertinet ad honorem de Berkhamsted' et terram que pertinet ad honorem de Walingford' in eadem villa, ut tam rex quam comes Ricardus certificari possint distincte et aperte, que sunt mete certe et divise inter honores predictos; et ex quo perambulacio illa facta fuerit, ipse vicecomes sub sigillo suo et sigillis vicecomitis Buk' et predictorum xxiiij. militum regi certificent (sic) per quas metas et divisas perambulatio illa facta fuerit, ut rex eam stare faciat, et tunc rex mittat breve. Teste (unfinished).

Et mandatum est vicecomiti Buk' quod ad diem etc.