Close Rolls, December 1242

Close Rolls, December 1242

De denariis regi mittendis.—Mandatum est Petro Chaceporc quod omnes denarios quos poterit regi mittere de mutuo Gailardi Culumb et aliorum civium Burdegale et de mercandisis retentis ad opus ipsius regis in nave arestata apud Burdegalam et aliunde, regi mittat hac die Mercurii proxima ante festum Sancti Nicholai, et quod faciat venire ad regem ij. mercatores equorum, scilicet Petrum de Alvernia et aliquem alium qui ducant ad ipsum regem tot dextrarios quot poterunt, ad opus militum ipsius domini regis. Mandatum est eciam eidem Petro quod fidem adhibeat hiis que Nicholaus de Bolevill' ei dicet ex parte regis. Teste rege apud Silvam, ij. die Decembris.

Pro Johanne de Guerguetin.—Mandatum est Petro Chaceporc quod faciat habere Johanni de Guerguetin x. marcas ad expensas suas acquietandas de dono regis. Teste ut supra.

[m. 13.]

De justicia de Sancto Makario capienda in manum regis.—Mandatum est Willelmo de Boel' quod capiat in manum regis justiciam de Sancto Makario, et eam in manum regis retineat donec aliud a rege inde habuerit mandatum. Teste rege apud Silvam, iij. die Decembris. (fn. 1)

De balistis et aliis regi mittendis.—Mandatum est Petro Chaceporc quod per nuncium comitis de Bygor' mittat regi x. balistas et vj. milia quarellorum et omnes armaturas ferreas quas manulevare poterit in civitate Burdegale, ita quod rex habeat omnia predicta hac nocte apud Silvam. Teste ut supra.
Mandatum est eidem quod hiis que Nicholaus de Bolevill' ei dicet ex parte regis, fidem adhibeat.

De perdonatione pro Emerico de Sacy.—Rex baronibus de Scaccario, salutem. Sciatis quod de debito quod nobis debet Emericus de Sacy pro custodia Warini filii et heredis Warini de Bassingeburn', et de debito quod nobis debet de arreragiis suis de tempore quo fuit vicecomes noster Sutht', perdonavimus ei septies xx. marcas. Et ideo vobis mandamus quod si de predictis debitis nobis debeat usque ad septies xx. marcas, tunc eum de predictis septies xx. marcis quietum esse faciatis. Teste ut supra.

Pro Rogero de Pavely.—Mandatum est Petro Chaceporc quod deliberari faciat Rogero de Pavilly equum suum quem impignoravit apud Burdegalam pro quindecim libris Burdegalensium. Teste rege apud Silvam, iiij. die Decembris.

De providencia contra Natale.—Mandatum est Johanni le Maunsell' quod contra instans Natale Domini queri faciat ad opus regis in insulis de Oleron' et de Re quingentos cuniculos, ita quod eos rex habeat apud Burdegalam quarto vel tercio die ante festum predictum, et custum quod ad hoc posuerit, ei faciet rex allocari. Teste ut supra.
Mandatum est Willelmo de Boeles quod in fide qua regi tenetur, querat ad opus regis viginti grues vel amplius et quot poterit cignos et alia volatilia et quot poterit apros, contra instans Natale Domini et decem milia anguillarum sallitarum, ita quod rex omnia illa habeat quarto vel tercio die ante festum predictum apud Burdegalam, et cum rex sciverit custum eorum, illud ei reddi faciet de primis denariis suis venientibus ab Anglia. Teste ut supra.

Pro quibusdam servientibus regis.—Mandatum est P. Chaceporc quod Ernaldo de Podio, Baudichun le Flemeng' et Johanni de Aubinny prestitum faciat super stipendia sua ad vadia sua acquietanda, et eos remittat apud Silvam, ita quod ibi sint hac nocte ad eundum cum comite Bigor,' quo eos ducet in servicio regis. Teste rege apud Silvam, v. die Decembris.

De providencia contra Natale.—Mandatum est Petro Chaceporc quod Magistro Alano, pistori regis, quem rex mittit usque Burdegalam ad panem suum faciendum contra instans Natale, habere faciat centum quarteria vel quantum poterit frumenti ad panem predictum faciendum, vel de mutuo vel sicut melius poterit. Teste ut supra.

Pro Radulfo de la Haye.—Mandatum est Petro Chaceporc quod habere faciat Radulfo de la Haye de mercandisis que invente fuerunt in nave quam arestari fecit rex ad opus suum, si commode fieri possit, et mercandise ipse sufficiant, usque ad summam quindecim marcarum ad vadia sua acquietanda. Teste rege apud Silvam, vij. die Decembris.

Pro Emerico de Sacy.—Mandatum est eidem quod quia rex mittit Emericum de Sacy in Angliam in nuncium suum et illud nuncium vellet quantum poterit expediri, provideat quod vadia sua deliberentur festinanter. Teste rege (fn. 2) ut supra.

Pro Herberto filio Mathei.—Mandatum est eidem quod faciat habere Herberto filio Mathei, de mercandisis que fuerunt in nave quam arestari fecit rex ad opus suum apud Burdegalam, usque ad summam 1. marcarum super areragia solidorum suorum. Teste ut supra.

De denariis ad (sic) quodam castro lingneo faciendo inter Duo Maria.— Mandatum est eidem quod de mercandisis que fuerunt in nave quam arestari fecit rex apud Burdegalam, liberari faciat Andree, clerico nostro, latori presencium, quindecim marcas ad constructionem castri lignei quod fieri facimus inter Duo Maria. Teste ut supra.
Mandatum est. [Cancelled.]

Pro Audoeno de Berbezil.—Mandatum est Audoeno de Berbezill' quod sub eadem forma quam regi per litteras suas significavit, (fn. 3) paratus est rex ei terram assignare equivalentem sue quam timet amittere, et mandat ei rex quod se quinto milite ad servicium regis veniat. Teste rege apud Burdegalam, xiij. die Decembris.

Pro Baldewyno de Akeny.—Rex archiepiscopoo, W. Karleolensi episcopo et Willelmo de Cantilupo, salutem. Monstravit nobis dilectus et fidelis noster Baldewinus de Akynny quod ballivi nostri de Cantebrug' pro voluntate sua theloneum capiunt ad pontem de Wytlesford', quod ad ipsum potius spectare debet quam ad ipsos occasione mercati quod idem Baldewinus habet ad dictum manerium suum de Wytlesford', et quia idem Baldewinus qui est in servicio regis in partibus transmarinis, rogavit regem quod ei justiciam faceret exhiberi, mandat rex predictis archiepiscopo, episcopo et Willelmo (fn. 4) quod fieri faciant inquisitionem si predicti ballivi regis in captione predicti thelonii injurientur eidem B. et utrum id thelonium ad regem pertineat ratione mercati sui de Cantebrg' vel ad ipsum B. ratione mercati sui de Witlesford', et quod secundum inquisitionem inde factam invenerint quod justum fuerit, idem fieri faciant, non permittentes quod ballivi regis super eodem thelonio, si ad ipsum Baldewynum pertineat, injuriam ei faciant aut gravamen. Teste rege apud Burdegalam, xviij. die Decembris.

Pro Rogero de Ros.—Rex W. Eboracensi archiepiscopo, W. Karleolensi episcopo et Willelmo de Cantilupo, salutem. Cupientes benefacere dilecto servienti nostro, Magistro Rogero de Ros, scissori nostro, pro bono et laudabili servicio suo quod diu nobis impendit, vobis mandamus quod quamcito aliqua escaeta nobis acciderit que valeat x. libras per annum et in qua ei providere possimus, illud nobis scire faciatis et escaetam illam in manu nostra reservetis donec aliud vobis inde mandaverimus. Teste rege apud Burdegalam, xix. die Decembris.

Rex misit fratrem Amauvinum de Ayllens ad comitem Tholose et habet litteras de credencia. Teste rege apud Burdegalam, xx. die Decembris. [Cancelled.] Quia non ivit.

De crendencia (sic).—Achardus Fuch' missus est ad comitem Tholose et habet litteras de credencia. Teste ut supra.

Pro Isabella que fuit uxor W. de Albiniaco.—Mandatum est archiepiscopo Eboracensi, W. Karleolensi episcopo et W. de Cantilupo quod, si Isabella que fuit uxor W. de Albiniaco non habeat aliquod mesuagium capitale de pluribus mesuagiis que idem vir suus habuit in vita sua, quod (sic) ei competens mesuagium, si diversa sint, secundum legem et consuetudinem regni ei faciant assignari. Teste rege apud Burdegalam, xxv. die Decembris.

Pro militibus de civitate Aquensi.—Rex cabdello et probis hominibus Aquensibus. Monstraverunt nobis milites nostri de civitate nostra Aquensi quod cum non debeant, ut dicunt, trahi in placitum super re aliqua nisi coram nobis vel senescallo nostro Wasconie, vos contra justiciam ipsos gravatis, volentes ipsos respondere coram vobis. Et ideo vobis mandamus quod ipsos de cetero non gravatis super hujusmodi exactione, quia parati sunt coram nobis vel senescallo nostro, sicut consueverunt, si in aliquo transgressi fuerint, respondere. Teste rege apud Burdegalam, xxvj. die Decembris.

Pro Simone de Offham.—Mandatum [est] vicecomiti Surr' quod non permittat quod Simon de Siwell' injuste gravet aut molestet Simonem de Ofham', (fn. 5) dilectum capellanum regis. Et si in aliquo ei fuerit molestus vel injuriosus, id ei sine dilatione faciat emendari. Teste ut supra.

Pro hominibus comitis Flandrie.—Quia rex audivit querelam Thome comitis Flandrie et Hannonie per litteras suas ei transmissam, quod rex (sic) et mercandise hominum suorum eis sunt adempte in Anglia, et causa est regi incognita, ob quam rebus predictis sunt spoliati, mandatum est domino Eboracensi et Willelmo de Cantilupo quod, audita querela predictorum hominum cum ad eos venerint, justiciam eis exhibeant, ita quod replicata querela ad regem inde non perveniat. Teste rege apud Burdegalam, xxx. die Decembris.