Close Rolls, July 1248

Close Rolls, July 1248

Mandatum est vicecomiti Suhampt' quod distringat omnes illos in balliva sua qui habent xx. libratas terre ad se milites faciendos citra festum Sancti Michaelis; et si qui hoc facere distulerint, eorum nomina regi scire faciat in festo predicto, ubicumque tunc fuerit in Anglia. Et ipse vicecomes tunc sit ibi ostensurus quare preceptum regis alias inde ei directum non est executus ut debent (sic). Teste rege apud Wintoniam iij. die Julii.

Datum est regi intelligi quod quidam intendunt spoliare ecclesiam Aymari, fratris regis, de Dadinton', quodam prato ad eandem ecclesiam suam pertinente; et mandatum est vicecomiti Norhampton' quod nullam vim fieri permittat, quominus eadem ecclesia gaudeat possessione sua ejusdem prati; immo ipsum fratrem regis et suos in eadem possessione, quantum cum justicia poterit, manuteneat et defendat. Teste [unfinished].

Mandatum est vicecomiti Salop' quod fieri faciat perambulacionem inter terram Roberti de Lascy in Wodeton', et terram Walteri de Hopton' in Sheldreton', quia ipsi Robertus et Walterus posuerunt se coram rege super perambulacionem illam. Teste rege apud Westmonasterium xj. die Julii.

Episcopus Herefordensis habet quietanciam de communi sumonicione in comitatibus Salop' et Hereford' coram justiciariis proximo itineraturis.

Rex bene reducit ad memoriam quod alias mandavit justiciario Hybernie quod diligentem fieri faceret inquisicionem de aqua de Kilkenny, unde R. comes Glouc', qui est unus heredum W. Marescalli, quondam comitis Penbr', questus fuit quod episcopus Osser' attraxerat aquam illam de Kilkenny ad feodum suum, divertendo cursum cujusdam aque, et molendinum per eundem cursum ad multa nocumenta feodi predicti comitis construxit, tempore quo terre comitis Pembr' fuerunt in manu regis, et inquisita super hoc veritate inde fieri quod justum esset faceret. Quia vero per relacionem ipsius comitis Glouc' nuper audivit rex quod coram justiciariis regis in Banco Dublin' jam capta est inquisicio predicta, per quam explanata est veritas illius facti, et superest tamen, ut dicitur, judicium inde reddendum, mandatum est justiciario Hibernie quod si ita est, judicium predictum sine dilacione proferri faciat, et execucionem ejusdem fieri et firmiter observari. Teste ut supra.

[m. 7d.]

Mandatum est vicecomiti Bed' quod fieri faciat perambulacionem inter terram Rogeri de Munbray in Stotfald' in comitatu Bed' et terram Simonis filii Ade in Radewell' in comitatu Hertford'. Et mandatum est vicecomiti Hertford' quod xij. milites etc.

Mandatum est vicecomiti Sussex' quod in singulis bonis villis tam in Cycestr' quam in aliis clamari faciat ex parte regis quod quelibet moneta regis, nisi retonsa fuerit aut falsa, currat et sine difficultate capiatur a quolibet in balliva sua.

Rex Petro de Sabaudia, salutem. Satis didicimus quod prioratus de Lewes, qui est de advocacione comitis Warenn', semper tempore W. comitis Warenn' quietus esse solet de omnimodis subsidiis peccuniariis et omnimoda servitute facienda abbati Cloniac'; nosque eundem prioratum, dum J. de Warenn', filius et heres predicti comitis, minoris etatis et in custodia nostra fuerit, in omnibus libertatibus suis velimus, sicut et tenemur, tueri et conservare; vobis mandamus firmiter injungentes ne ipsum prioratum predicto abbati aliquam contribucionem dare vel in aliquam servitutem redigi permittatis. Teste rege apud Westmonasterium xxij. die Julii.

Rex vicecomiti Eboraci, salutem. Si Willelmus de Vescy fecerit te securum de clamio suo prosequendo, tunc ponas per vadia et salvos plegios Johannem de Ayvill', qui minoris etatis est, ut dicitur, quod sit coram nobis a die Sancti Michaelis in xv. dies, ubicumque tunc fuerimus in Anglia, responsurus eidem Willelmo, quare violenter et contra pacem nostram intrusit se in manerium de Anestan, et de eo ejecit homines ipsius Willelmi, quod in custodia ipsius Willelmi esse debet usque ad legitimam etatem ipsius Johannis, ut dicitur. Et habeas ibi nomina plegiorum et hoc breve. Teste etc.

Mandatum est vicecomiti Middelsex' quod loquelam que est in comitatu suo per breve regis inter Gervasium filium Henrici, petentem, et Aymarum de Lezinan, tenentem, de uno mesuagio et xxv. acris terre cum pertinenciis in Oxegat', ponat in respectum usque ad proximum comitatum suum post festum Sancti Jacobi Apostoli anno etc. xxxij^o.; ita quod tunc sit in eodem statu quo fuit in comitatu suo in crastino Sancte Marie Magdalene. Teste ut supra.

Rogerus de Thurkilby constitutus est justiciarius una cum hiis etc. ad assisam mortis antecessoris capiendam, quam Simon de Kokefeld arramiavit versus Johannem de Cokefeld, de una carucata terre cum pertinenciis in Yoxeford'; et mandatum est vicecomiti Suff' quod ad diem et locum etc.

Mandatum est vicecomiti Surr' quod fieri faciat perambulacionem inter terram abbatis de Certes' in Clenedon' et terram prioris de Novo Loco in Sindes', unde ipsi abbas et prior posuerunt se coram rege super perambulacionem illam etc.

Galfridus de Fanecurt et Radulfus de Cressy [unfinished].

[m. 6d.]

Rex baronibus Hibernie, salutem. Auditis omnibus que nuncii vestri nobis exposuerunt ex parte vestra, satis maturate quibusdam eorum que fuerunt exposita adhibuimus favorem de nostrorum consilio. Et quia dictis nunciis non habentibus a vobis, sicut dicebant, plenariam potestatem consummandi negocium pro quo venerant, nisi nos concederemus omnia que petebant, articulos libertatum quas vobis concedere sumus parati nisi per vos steterit, dilecto et fideli nostro J. filio Galfridi, justiciario nostro Hibernie, sub sigillo nostro transmittimus, mandantes eidem ut eisdem articulis vobis diligenter expositis de voluntatibus vestris inquirat, nobisque postmodum responsum vestrum et quantum de vestro nobis volueritis facere pro habendis libertatibus predictis significet; et nos tunc predictum negocium ad nostrum et vestrum honorem effectui mancipare curabimus. In hoc et aliis libenter facturi sine exheredacione nostra pro vobis tanquam pro karissimis et fidelibus nostris, quorum constantem amiciciam et fidelia atque devota servicia plurimum commendamus et debemus merito commendare. Teste rege xxxviij. (sic) Julii anno regni xxxij.

Rex justiciario Hybernie, salutem. Licet decanus et capitulum Clonensis, post electionem de fratre Daniele in suum episcopum et pastorem factam, eundem clericum, prout moris est, nobis ut ei nostrum assensum impertiri vel denegare possemus, presentare renuerint ad ejus consecracionem, nostro non optento favore, ex mandato apostolico in regie dignitatis prejudicium procedentes; quia tamen magni et religiosi viri pro eodem episcopo nobis instantissime supplicarunt, vobis mandamus quatinus, accepta securitate per litteras patentes signatas sigillis eorundem episcopi decani et capituli quod ad electionem hujus faciendam, sine nostra licencia petita, decetero non procedent, et quod personam electi post electionem factam ante ipsius consecracionem nobis vel nostris heredibus presentabunt, predicto episcopo de terris et tenementis et omnibus aliis ad predictum episcopatum spectantibus sine more dispendio plenam scisinam habere faciatis. Teste rege apud Rysenberg' secundo die Julii.

Rex justiciario Hybernie, salutem. Sciatis quod omnem indignacionem et animi rancorem quem concepimus erga dilectum et fidelem nostrum M. filium Geroldi, ei remisimus ea condicione, videlicet quod recuperare possimus versus ipsum per legem et consuetudinem Hybernie terras et tenementa, si que super nos occupavit; et quod eciam satisfaciet nobis, sicut justum fuerit, de interfectione Hyberniensium qui interfecti fuerunt in insula de Angleseye, in reversione sua de Gannoc, ubi fuerunt in servicio nostro, si per inquisicionem inde culpabilis inveniatur; propter quam remissionem dictus M. nobis teneri debetur in quingentis marcis. Et ideo vobis mandamus quod districte et diligenter per sacramentum proborum et legalium hominum, per quos rei veritas melius sciri poterit, inquiratis qui predictos Hybernienses interfecerunt in prefata insula, et per cujus preceptum sive consensum, et super hoc nos certificare quamcicius poteritis non omittatis, ut diligenciam vestram circa hoc exhibitam merito debeamus commendare. Teste ut supra.

[m. 5d.]

Mandatum est vicecomiti Warr' quod fieri faciat perambulacionem inter terram S. de Monte Forti, comitis Leic', in Ilmendon' et terram Petri de Monte Forti in Wytecherch', unde ipsi comes et Petrus posuerunt se super perambulacionem illam. Teste etc.

In comitatu Cantebr'.—Memorandum quod Henricus de Mercinton', missus ad Willelmum de Vaus et Alienoram uxorem ejus, recepit attornatos utriusque eorum, scilicet Robertum de Welholm et Robertum de Tyrston' contra Ricardum de la Bere de warancia carte.

Loco ejus demandetur Robertus de Gisnes se tercio milite; et si venire non possit, scribatur Stephano de Noylak' Willelmo de Hastentot et Willelmo de Trubblevill'.

Milites qui debent debita et qui transfretandi sunt in Wasconiam.

Isti veniendi sunt apud Portesm' in octabis Nativitatis Beate Marie.

Mandatum est P. Chaceporc quod loco aliquorum militum absencium qui non vadunt in Wasconiam, de quibus provisum fuit quod irent, admittat Willelmum de Sancto Leodegario et Robertum de Tuyt. Teste etc.

Postea datum fuit ei in mandatis de consilio S. de Monte Forti, comitis Leic', quod loco Ernulfi de Munteny, qui non proficiscitur in Wasconiam, sicut provisum fuit, substitueret Stephanum de Noylak', Willelmum de Hastentot et Willelmum de Trublevill'; et si fortassis predictus Willelmus de Trublevill ad partes illas ire noluerit, vel inventus non fuerit, loco ipsius Willelmi mittatur dominus Robertus de Tuyt.

Hugo le Bretun obligavit se ad reddendum Michaeli [Gaillardo cancelled] mercatori Ernald' Gaillon, vel ejus certo nuncio, die Dominica in quindena Assumpcionis Beate Marie, London' xl. marcas, et infra octabas [in festo cancelled] Sancti Michaelis alias xl. marcas ibidem, sub pena quod distringi possit per terras et catalla sua, si terminos suos non observaverit.

Supplicavit regi dominus Norwicensis episcopus quod vim laicam que se tenet in ecclesia de Bekeswell' faceret amoveri, et ad supplicationem suam mandatum est vicecomiti Norf' quod eam amoveat.

De attornatis.—Rogerus de la Hyde attornavit Johannem Herdman in loquela que est coram rege inter ipsum Rogerum et Hugonem de Vivon' de maritagio Walteri, filii et heredis Mabilie de la Ryvere.
Abbatissa de Godestowe attornavit loco suo Thomam Wauder in assisa nove disseisine, quam predicta abbatissa arramiavit versus Alanum de Farneham coram rege ad convincendum per xxiiij^or juratores assisam nove disseisine, que summonita fuit et capta coram rege inter ipsos apud Abbendon' de tenemento in Norton' etc.
Quia Henricus filius Martini transfretat cum domino suo Nicholao de Molis in Wasconiam, assignavit predictum Martinum patrem suum ad recipiendum nomine sue (sic) porcionem ipsum Henricum contingentem de terra que fuit Roberti de Rockel', et ratum et gratum habet quicquid predictus Martinus duxerit faciendum in premissis.