Close Rolls, June 1250

Calendar of Close Rolls, Henry III: Volume 6, 1247-1251. Originally published by His Majesty's Stationery Office, London, 1922.

This premium content was digitised by double rekeying. All rights reserved.

'Close Rolls, June 1250', in Calendar of Close Rolls, Henry III: Volume 6, 1247-1251, (London, 1922) pp. 289-299. British History Online https://www.british-history.ac.uk/cal-close-rolls/hen3/vol6/pp289-299 [accessed 25 March 2024]

Image
Image
Image
Image
Image
Image
Image
Image
Image
Image
Image

Close Rolls, June 1250

Eodem modo mandatum est custodibus nundinarum Sancti Botulfi. Teste ut supra apud Walingford' primo die Junii.

De ponendo per ballium.—Robertus de la Brok', captus et detentus in prisona Wintonie pro morte Willelmi Todric', unde rettatus est, habet litteras vicecomiti Suht' quod ponatur per ballium etc.

Pro Simone de Heddon'.—Mandatum est vicecomiti Notingh' quod, quamdiu Simon de Heddun' sit conservator placitorum corone regis in comitatu predicto, non ponatur in assisis, juratis, vel aliquibus recognicionibus. Teste rege apud Oxoniam iij. die Junii.
Mandatum est G. de Langel', justiciario foreste, quamdiu idem Simon sit conservator predictorum placitorum in comitatu predicto, non permittat ipsum regardatorem fieri vel viridarium foreste, nec ponatur in aliquibus inquisicionibus ejusdem foreste. Teste ut supra.

De damis datis.—Mandatum est G. de Langel', justiciario foreste, quod in foresta de Chippeham faciat habere Hugoni de Vivon' duos damos, de dono regis. Teste ut supra.

Pro Fratribus Predicatoribus Lond'.—Mandatum est Ricardo Fillol, senescallo foreste Essex', quod illas duas quercus, quas abbatissa de Barking' dedit Fratribus Predicatoribus Lond', et quatuor quercus quas Alicia de Hodeng' dedit eisdem infra metas foreste predicte, permittat eosdem fratres libere prosternere et ad domum suam sine occasione cheminagii abducere. Teste rege apud Wodest' v. die Junii.

Pro W. Wigorniensi episcopo.—Mandatum est ballivis portus Dovor' quod W. Wigorniensem episcopum cum familia sua in portu suo sine inpedimento transfretare permittant. Teste ut supra.

De ponendo per ballium.—Willelmus de Cornok', captus et detentus in prisona Bristolli pro morte Mabilie Stak' et Dionis' fil' ejus, unde rettatus est, habet litteras vicecomiti Glouc' quod ponatur per ballium. Teste ut supra.
Adam Barnefader, captus et detentus in prisona de Bruges pro morte Willelmi de Bromself, unde appellatus est, habet litteras vicecomiti Stafford' quod ponatur per ballium. Teste ut supra.
Brianus de Neubol et Petrus de Maddel', capti et detenti in prisona regis de Bruges pro morte Willelmi de Bromself, unde rettati sunt, habent litteras vicecomiti Stafford' quod ponantur per ballium. Teste ut supra.

De falconibus regis mutandis et canibus suis.—Mandatum est vicecomiti Norhampt' quod sex falcones regis ardearios et quatuor falcones Edwardi filii regis, qui sunt in custodia Radulfi de Erleham', et quos S. de Trop, quondam vicecomes Norhampt', incepit mutare, quamdiu habuit custodiam predicti comitatus, et qui non dum permutati sunt a tempore quo recepit custodiam ejusdem comitatus, mutari faciat apud Geytinton'; et tribus leporariis regis et duobus leporariis predicti Edwardi inveniat necessaria, videlicet, cuilibet leporario unum obolum per diem et cuidam garcifero, custodi predictorum leporariorum et falconum, inveniat liberacionem suam, scilicet, tres obolos per diem. Et rex, cum sciverit custum illud, in firma predicti comitatus ei faciet allocari. Teste rege apud Wodest' vij. die Junii.
Eodem modo mandatum est eidem vicecomiti de v. girofalconibus regis qui sunt in custodia Henrici de Hauvill' apud Bricstok', et de uno girofalcone et duobus falconibus gentilibus, qui sunt in custodia Gilberti de Hauvill' apud Geitinton' permutandis, et de tribus leporariis regis et de duobus custodibus eorum. Et rex, cum sciverit custum, etc. ut supra.

Pro maiore et civibus Eboraci.—Venit ad regem ex parte civium Eboraci maior ejusdem civitatis, vendicans quasdam libertates forestam regis tangentes per cartas predecessorum regis, regum Anglie, quas protulit coram rege. Et quia non constitit regi de jure suo in premissis, mandatum est G. de Langel', justiciario foreste, quod in negocio tangente predictos cives coram ipso procedat, judicium prorogans, et certum diem eisdem civibus prefigat, quo coram rege interesse possint, ad audiendum judicium suum tam de negocio illo quam libertatibus memoratis. Teste ut supra.

De quodam vestimento faciendo ad opus cardinalis.—Mandatum est Edmundo de Westmonasterio quod fieri faciat ad opus albi cardinalis unam casulam et tunicam et dalmaticam de albo samitto cum aurifrigiis, fresellis et aliis apparatibus, et unam mitram competentem eidem cardinali, quas rex ei transmittere proponit de dono. Et cum rex sciverit custum, breve suum de Allocate ei inde habere faciet. Teste rege apud Wodest' viij. die Junii.

De castro de Pevenes' firmando.—Quia rex proponit firmare castrum suum de Pevenes', mandatum est vicecomiti Sussex' quod omnes illos de balliva sua qui servicia debent ad illum castrum distringat ad illa servicia facienda, secundum quod debent et solent. Teste ut supra.

De catallis que fuerunt Ricardi de Clifford' arestandis.—Quia Ricardus de Clifford' regi tenebatur in pluribus debitis, de quibus executores sui non dum regi satisfecerunt, mandatum est vicecomiti Glouc' quod omnia bona et debita que fuerunt ipsius Ricardi in balliva sua arestari faciat, ita quod predicti executores nullam penitus habeant administracionem de bonis aut debitis que fuerunt ipsius Ricardi, donec de debitis que regi debuit plene fuerit satisfactum. Teste ut supra.
Quia R. de Clifford' regi in pluribus debitis tenebatur, de quibus regi non dum est satisfactum, propter quod vicecomiti Glouc' fuerat demandatum quod omnia bona ipsius defuncti in manum regis caperet, usque ad solucionem debiti memorati, mandatum est W. Wigorniensi episcopo et coexecutoribus testamenti predicti Ricardi, quod de catallis et debitis que fuerunt ipsius defuncti nemini aliquid inde solvant, quousque regi de debito suo plenarie fuerit satisfactum; set omnia catalla et debita predicta integre reserventur usque ad satisfactionem quantitatis pecunie regi debite. Teste ut supra.

Pro Magistro Johanne, persona ecclesie de Witecok'.—Mandatum est Petro de Nevill', forestario de Roteland', quod Magistrum Johannem, personam ecclesie de Whitecok', permittat esse in tali statu in quo fuit antequam G. de Langel' officium justiciarii foreste regis susceperit, usque ad adventum ipsius G. in partes suas. Teste ut supra.

De ornamento capelle liberando albo cardinali.—Mandatum est Edwardo de Westmonasterio quod ornamenta capelle cum mitra, unde rex ei dixit, liberet Willelmo de Lucy, latori presencium, deferenda ex parte regis albo cardinali, domino suo. Teste ut supra.

Pro Roberto de Legh'.—Quia rex accepit per inquisicionem quam per vicecomitem Oxonie fieri precepit, quod quatuor acre terre cum pertinenciis in Sudleye, quas Johannes le Chanceler, qui utlagatus est pro morte Gilberti Smart, tenuit, extiterunt in manu regis per unum annum et unum diem, et quod terram illam tenuit de Roberto de Legh', mandatum est eidem vicecomiti quod eidem Roberto de predictis quatuor acris terre plenam seisinam habere faciat. Teste ut supra.

De denariis liberandis in garderoba regis per vicecomitem Buk'.— Mandatum est vicecomiti Buk' et Bed' quod, sicut se et sua diligit, nullatenus omittat quin habeat coram rege hac instanti die Sancti Barnabe apostoli omnia arreragia que regi debentur de exitibus predictorum comitatuum, liberanda in garderoba regis ad opus suum. Teste rege apud Wodest' x. die Junii.

Pro reclusa Sancte Marie de Dam.—Mandatum est thesaurario et camerario Scaccarii Dublin' quod recluse Sancte Marie de Dam habere faciant liberaciones suas de antiqua elemosina predecessorum regis et sua constituta, sicut eas percipere debet ex constitucione predicta. Teste ut supra.

Pro Ivone de Kendal'.—Mandatum est G. de Langel', justiciario foreste, quod in foresta de Clive habere faciat Ivoni de Kendale, servienti regis, quatuor bonas quercus ad maeremium, cum omnimodis escaetis earundem. Teste ut supra.

Pro servientibus ad arma in castro Windes'.—Mandatum est vicecomiti Berk' quod quatuor servientibus regis ad arma commorantibus in castro de Windes' in municione ejusdem castri, quorum quilibet capit in die ix. denarios pro stipendiis suis, sine dilacione faciat habere liberaciones suas a festo Omnium Sanctorum anno etc. xxxiiij. usque ad diem Dominicam proximam post festum Sancti Barnabe apostoli, anno eodem, utraque die computata. Et cum rex sciverit quantum ei[s] liberaverit, illud ei faciet allocari. Teste ut supra.

Pro Hugone le Franceys.—Rex concessit Hugoni le Franceys, servienti suo, custodiam terre et heredis Alani de Hale, habendam usque ad legitimam etatem predicti heredis, unacum maritagio ejusdem; et mandatum est Henrico de Wengham et coescaetori suo in comitatu Norht' quod eidem Hugoni de prefata custodia plenam seisinam habere faciant, sicut predictum est. Teste ut supra.

[m. 10.]

Pro Thoma le Franceys.—Quia rex accepit per inquisicionem quam per vicecomitem Norf' fieri precepit quod xiij. denarate redditus cum pertinenciis, quas Johannes le Bretun, qui utlagatus fuit pro felonia quam fecit, tenuit in Haill', fuerunt in manu regis per unum annum et unum diem, et quod idem Johannes eundem redditum tenuit de Thoma le Franceys, mandatum est vicecomiti Norf' quod eidem Thome de eodem redditu plenam seisinam habere faciat. Teste rege apud Wodest' x. die Junii.

De imaginibus faciendis et de texto regi mittendo.—Mandatum est Edwardo de Westmonasterio quod imagines lotorii regis, quas pridem rex ei injunxit faciendas, faciat parari, et preciosam casulam regis de samito liniri faciat de diaspera, et textum Annunciacionis Beate Marie perfici faciat, sicut rex ei dixit, et ipsum textum, cum preparatus fuerit, ad regem mitti faciat. Teste ut supra.

Pro priore de Chikesand'.—Mandatum est justiciariis ad custodiam Judeorum assignatis quod, occasione in quisicionis facte de terris et tenementis que fuerunt in Judaismo tempore J. regis, patris ejus, prior de Chikesand' non disseisiatur de terris vel tenementis suis que habet in Lond' de feodo J. filii Galfridi, justiciarii Hybernie, donec aliud inde a rege receperint in mandatis. Teste ut supra.
Mandatum est Waltero de Avenebur' quod de terris [unfinished].

Pro Warino de Monte Canisio.—Mandatum est Willelmo Trussel, senescallo foreste in comitatu Norht', quod in foresta de Withlewod' faciat habere [Rogero cancelled] Warino de Monte Canisio quatuor damos, de dono nostro. Teste ut supra.

Pro Alicia que fuit uxor Ricardi de Burgo.—Mandatum est Petro de Burmingham' quod Alicie que fuit uxor Ricardi de Burgo assignet racionabilem dotem suam de serviciis militum tenencium de Waltero de Burgo, fratre et herede predicti Ricardi, existente in custodia regis, et hoc sine dilacione faciat. Teste rege apud Wodest' xj. die Junii.

Pro Agatha de Ferrariis.—Quia Agatha de Ferrariis, que infra etatem fuit et in custodia regis, per consideracionem curie regis judicata est plene etatis, mandatum est J. filio Galfridi, justiciario Hibernie, quod de omnibus terris et tenementis que eam hereditarie contingunt, de porcione terrarum que fuerunt W. Marescalli, quondam comitis Penbr', in Hybernia, unde una heredum est, et que extiterunt in custodia regis racione ipsius Agathe, eidem Agathe plenam seisinam habere faciat. Teste rege apud Wodest' xij. die Junii.
Eodem modo mandatum est Waleramo Teutonico pro eadem Agatha de porcione ipsam contingente in Magor. Teste etc. ut supra.

Pro Willelmo Barroc'.—Mandatum est justiciario Cestrie quod Willelmo Barroc' [quod cancelled] de terra sua in Petrual talem seisinam habere faciat qualem habuit quando ab eadem recessit fame compulsus. Teste ut supra.

De provisione vini.—Quia rex, Domino disponente, in brevi venturus est usque Norht', mandatum est maiori et ballivis Norht' quod omnibus modis provideant regi de quinque doliis boni vini; ita quod ea prompta habeant apud Norht' in proximo adventu regis, sicut se ipsos diligunt. Et rex cum sciverit custum, illud eis allocabit. Teste rege apud Wodest' xiiij. die Junii.

De maeremio ad operaciones regis de Geytinton'.—Mandatum est custodi foreste regis de Rokingham' quod in forestis de Selveston' et Geytinton' facias (sic) habere custodibus operacionum regis de Selveston' et Geytinton' ad easdem maeremium, ubi ad minus detrimentum ejusdem foreste capi possint, ad prefatas operaciones ibidem perficiendas. Teste ut supra.

De transfretacione Ossoriensis episcopi.—Mandatum est ballivis portus Dovor' quod G. Ossoriensem episcopum cum familia sua in portu predicto libere permittant transfretare. Teste ut supra.

Pro Ardmacano archiepiscopo Hibernie.—Rex concessit R. Ardmacano archiepiscopo quod ad querelas et placita, que ipsum et ecclesiam suam contingunt, de mense in mensem audienda et terminanda habeat justiciarios in Hibernia ex parte regis. Et mandatum est J. filio Galfridi, justiciario Hybernie, quod ei taliter justiciarios habere faciat, qui sibi et in querelis et placitis suis predictis debitam exhibeant justiciam. Teste ut supra.

Pro W. de Ferrariis, comite Dereb'.—Mandatum est justiciariis itinerantibus in comitatu Linc' quod permittant W. de Ferrariis, comitem Dereb', gaudere libertatibus suis, quibus hucusque juste usus est in terris et feodis suis in comitatu predicto. Teste ut supra.

Pro custode hospitalis de Crickelad'.—Mandatum est Johanni de Vernun, custodi foreste de Braden', quod in eadem foresta regis permittat custodem hospitalis Sancti Johannis de Crickelad' habere cheminagium suum, sicut illud habere [debet cancelled] solet (sic) ante quam G. de Langel' fuisset justiciarius foreste, donec rex inde cum eo habuerit colloquium. Teste ut supra xv. die Junii.

De tradendo per ballium.—Johannes le Chanceler, captus et detentus in prisona regis Oxonie pro morte Gilberti Smart, unde rettatus est, habet litteras vicecomiti Oxonie quod ponatur per ballium. Teste ut supra.

Hybernia de heredibus Mar'.—Cum Margareta, comitissa Linc', que fuit uxor W. Marescalli, quondam comitis Penbr', dotata sit de terris que fuerunt ipsius comitis, quondam viri sui, in Hibernia, scilicet de tercia parte predictarum terrarum integra, per consideracionem curie regis, et assumpta sit illa tercia pars, unde dotata est, de porcionibus hereditatis predicte contingentibus Willelmum de Vesci et Agnetem uxorem ejus, Reginaldum de Moun et Isabellam uxorem ejus, Matillidem de Kyme, Franconem de Boun et Sibillam uxorem ejus, Willelmum de Vallibus et Alienoram uxorem ejus, Johannem de Moun et Johannam uxorem ejus, Agatham de Ferrariis, que est in custodia regis, Rogerum de Mortuo Mari et Matillidem uxorem ejus, unde prenominati participes suis porcionibus penitus sunt destituti; mandatum est J. filio Galfridi, justiciario Hybernie, quod non obstante aliquo contrario mandato regis eis super hoc directo, omnes terras et omnia tenementa, cum feodis et omnibus pertinenciis, que fuerunt predicti comitis Marescalli in Hibernia, et de quibus idem comes fuit seisitus ut de feodo die quo obiit, excepta dote predicta, que integra remaneat, partiri faciat sine omni dilacione porcionibus convenientibus inter ipsos heredes predicti comitis Marescalli, ita quod unusquisque predictorum heredum, secundum legem terre Hibernie, et secundum magis et minus, suam habeat convenientem porcionem. Et cum inter predictos heredes de predictis terris et tenementis porciones equales fuerint assignate, de porcione contingente Willelmum de Vescy et Agnetem uxorem ejus, assignet Johanni de Moun et Johanne uxori ejus x. libratas terre per racionabilem extentam, sicut prius decem libratas terre habuerunt in Kildar' de porcione eorundem Willelmi et Agnetis, antequam manerium de Kildar' assignatum fuit in dotem prefate comitisse. Et ita se habeat in hac divisione hereditatis et porcionum assignacione, quod nulli predictorum heredum injuria irrogetur, et discrecionis sue diligenciam circa hoc adhibitam debeat commendare. Teste ut supra.

Pro Willelmo de Mariny.—Ex parte Willelmi de Marini, militis regis, est ostensum quod cum Agnes de Canvill', uxor sua, contra ipsum moveret divorcii questionem coram officiali episcopi Lond', qui vices suas officiali archidiaconi Lond' totaliter commisit, qui in ipsa procedens iniquam contra ipsum militem tulit sentenciam diffinitam, a qua ad Cantuariensem archiepiscopum appellavit; qui ad eam rescribens, partibus convocatis coram ipso, causam ipsam examinavit, sicut rex mandavit per literas patentes, prefata Agnes, lite pendente coram predicto archiepiscopo, ipsum Willelmum vi et armis a suis domibus et possessionibus violenter ejecit. Et mandatum est vicecomiti Essex' quod per sacramentum proborum et legalium hominum facta inquisicione de premissis, si rem gestam sic invenerit, tunc ipsum militem de prefatis domibus et possessionibus talem seisinam habere faciat qualem habuit tempore quo lis mota fuit coram archiepiscopo predicto, et ipsum a prefata possessione ante litis decisionem ejici non permittat. Teste rege apud Wodest' xvj. die Junii.

Pro Willelmo de Monte Revelli.—Mandatum est thesaurario et camerariis regis, quod tam in partem debitorum in quibus rex Willelmo de Monte Revelli tenetur pro Fulcone de Castro Novo, unde receperunt breve regis de Liberate continens octies xx. marcarum, ad reddendum ei unam medietatem ad Scaccarium Pasche preteritum et aliam medietatem ad Scaccarium Sancti Michaelis proximo sequens, quam pro solucione annui feodi sui de predicto termino Pasche, et pro dampnis que sustinuit in guerra regis Wasconie, faciat habere eidem Willelmo xl. marcas, ita quod pro omnibus arreragiis suis predictis plus ad presens non recipiat. Teste ut supra.

Pro Eygnon' filio Oeny.—Rex concessit Eygnon' filio Oeny molendinum de Ryn in valle de Cloyt, habendum et tenendum tota vita sua loco xl. solidorum quos prius rex ei concesserat, percipiendum ad Scaccarium regis Cestrie. Et mandatum est justiciario Cestrie quod eidem Eygnon' de prefato molendino plenam seisinam habere faciat. Teste ut supra.
Postea per eadem verba mandatum fuit A. la Zusch', justiciario Cestrie, apud Glouc'.

Hybernia de moneta.—Mandatum est thesaurario et camerariis Hibernie de Dublin', quod amodo non recipiant aliquam pecuniam ad Scaccarium regis Dublin', nisi per pondus; ita quod libra quam receperint ponderet libram recti et legalis ponderis, donec rex novam monetam ibidem miserit. Teste ut supra.

Pro Albreda que fuit uxor Humfridi de Montibus.—Mandatum est H. de Wengham et coescaetori suo in comitatu Norht' quod de omnibus terris et tenementis que Humfridus de Montibus tenuit de rege in capite in comitatu predicto, et de quibus fuit seisitus ut de feodo die quo obiit, Albrede que fuit uxor ipsius Humfridi racionabilem dotem suam assignent. Teste ut supra.

De quercubus datis.—Mandatum est G. de Langel', justiciario foreste, quod in foresta regis de Waukfelwod' faciat habere Willelmo de Ferrariis, comiti Dereb', quatuor quercus, de dono regis. Teste rege apud Wodest' xvij. die Junii.

Pro comite Dereb'.—Mandatum est Willelmo Trussel, senescallo foreste in comitatu Norht', quod districtionem quam facit in feodo Willelmi de Ferrariis, comitis Dereb', in balliva sua pro expeditacione canum ponat in respectum usque ad reditum G. de Langel' de partibus borealibus. Teste ut supra.
Eodem modo mandatum est Ricardo Fillol, senescallo foreste regis in comitatu Essex', pro eodem comite.

Pro burgensibus Oxonie.—Burgenses Oxonie solverunt in garderoba regis P. Chaceporc, custodi ejusdem garderobe, apud Wodest' in crastino Sancti Barnabe apostoli quater xx. marcas, per quas finem fecerunt cum rege pro pluribus transgressionibus et maxime pro transgressione facta Ademaro de Lezignan, fratri regis; et mandatum est baronibus de Scaccario quod ipsos de eisdem iiijxx marcis quietos esse faciant. Teste ut supra.

De ponendo per ballium.—Hugo de Gastero, captus et detentus in prisona Glouc' pro morte Mabilie Stoc, Dionis' fil' ejus et Cecilie filie Dionis', unde rettatus est, habet litteras vicecomiti Glouc' quod ponatur per ballium. Teste ut supra.

De vinis Willelmi de Monte Revelli.—Mandatum est Roberto de Dacre quod Ernaldum Marcather, hominem Willelmi de Monte Revelli, permittat habere xxv. dolia vini, que sunt in navi que vocatur Champen' de Dunewico apud Sanctum Botulfum, quieta de prisa regis, ad faciendum inde comodum suum. Teste ut supra apud Wodest' xix. die Junii.

Pro Johanne Ruffardi.—Mandatum est Ernaldo Geraudun, camerario Lond', quod de c. doliis vini, que Johannes Ruffardi habet in Lond', capiat ad opus regis xx. dolia vini, et de residuis iiijxx doliis ipsum Johannem comodum suum prout voluerit facere permittat. Teste ut supra.

De ponendo per ballium.—Rogerus filius Matillidis de Newent' et Johannes le Clerc, capti et detenti in prisona regis Norht' pro morte Galfridi filii Arnaldi, unde appellati sunt, habent litteras regis vicecomiti Norht' quod ponantur per ballium. Teste ut supra.
Mandatum est vicecomiti Buk' quod si Willelmus filius Mathei de Botteclaidon', captus et detentus in prisona regis de Ailesbur' pro transgressione foreste, invenerit ei xij. legales homines qui eum manucapiant habere coram justiciariis proximo itineraturis ad placita foreste in comitatu predicto, ad standum inde recto coram eisdem, tunc ipsum Willelmum illis xij. tradat in ballium, ut predictum est. Teste etc.

De damis datis abbati Westmonasterii.—Mandatum est Johanni filio Nigelli quod in foresta regis de Bernewod' [quod cancelled] abbati Westmonasterii faciat habere octo damos, quos rex ei concessit per cartam suam singulis annis contra festum ecclesie sue, de dono regis, Teste ut supra.

Pro servientibus Flandrie.—Mandatum est maiori et vicecomitibus Lond' quod inveniant [servientibus Flandrensibus cancelled] quatuor decim servientibus regis Flandrensibus qui morantur Lond', credenciam racionabiliter ad se ipsos sustentandos usque in tres septimanas ab instanti festo Sancti Johannis Baptiste, et rex de credencia illa eis respondebit in illis c. marcis, quas regi habere faciant, sicut rex eis mandavit. Teste ut supra.

Pro comite Dereb' de vinis.—Mandatum est Roberto de Dacre quod de centum doliis vini que Reymundus de Kinzac duxit ad nundinas Sancti Botulfi ad opus regis xxxa dolia de melioribus vinis illis capiat; residuum vero W. de Ferrariis, comiti Dereb', integre dimittat. Teste rege apud Farend' xx. die Junii.

Pro Waltero Achard'.—Mandatum est J. filio Galfridi, justiciario suo Hibernie, quod Walterum Achard' et Walterum filium ejus in servicio nostro in Hibernia retineat ad vadia, sicut prius; et eisdem pro arreragiis vadiorum suorum aliquam recompensacionem faciat, ne rex inde peticionem habeat. Teste ut supra.

Pro Joele de Stokes.—Rex dedit Joeli de Stokes, servienti regis, domum illam cum pertinenciis, que fuit Jacobi, Judei, in Exonia, et placeam illam cum pertinenciis que fuit Annoti, Judei, in eadem villa, que sunt escaeta regis. Et mandatum est vicecomiti Devonie quod eidem Joeli de eisdem domo et placea cum pertinenciis plenam seisinam habere faciat. Teste rege apud Merleberge xxij. die Junii.

De vaccis Willelmi de Valencia.—Mandatum est G. de Langel', justiciario [Hibernie cancelled] foreste, quod amoveri faciat a foresta regis de Wiredal' illas cc. et xx. [marcas cancelled] vaccas cum earum exitu, quas rex mandavit quod permitteret W. de Valencia habere ad pasturam in foresta predicta; ita quod eas esse faciat ad pasturam in aliqua alia foresta regis, ubi ad minus detrimentum foreste fieri possit. Teste ut supra.

De placitis ecclesie de Kilgaran.—Quia rex intellexit ex testimonio fidedignorum quod placita de patronatu ecclesie de Kilgaran teneri semper consueverunt in comitatu Penbr', mandatum est W. de Cantilupo juniori quod in curia W. de Valencia de Penbr' jus suum, si quod habet in advocacione ecclesie predicte, prosequatur. Teste ut supra per ipsum regem.
Eodem modo mandatum est abbati Sancti Domuelis. Teste ut supra.

De domibus apud Bristollum liberandis.—Quia cuneus regis amovetur a villa Bristolli, nee amplius ibidem moneta fabricatur, mandatum est maiori et ballivis Bristolli, quod domos in quibus monetarii regis manserunt ad monetam fabricandam, illis quorum domus ille sunt sine dilacione faciant deliberari, ne iteratus inde clamor audiatur. Teste rege apud Merleberge xxiiij. die Junii.

Pro fratribus hospitalis Sancti Johannis Oxonie.—Mandatum est vicecomiti Oxonie quod reddi faciat fratribus hospitalis Sancti Johannis extra portam orientalem Oxonie, quamdiu villa regis Oxonie fuerit in manu et in custodia sua, elemosinam constitutam, sicut eam percipere consueverunt temporibus quibus villa illa fuit in manibus burgensium regis, una cum arreragiis eis inde debitis de tempore custodie sue. Teste ut supra.

Pro Willelmo de Kinton'.—Mandatum est vicecomiti Wigornie quod, quamdiu Willelmus de Kinton' fuerit viridarius regis in foresta de Feckenham, ipsum non ponat in assisis, juratis vel recognicionibus aliquibus. Teste rege apud Merl' xxvj. die Junii.

De quercubus datis.—Mandatum est custodi foreste regis de Dene quod in eadem foresta in [aptiori cancelled] competenti loco ejusdem faciat habere Fratribus Predicatoribus Bristolli quatuor quercus ad maeremium, cum omnibus escaetis suis, de dono regis. Teste ut supra.

[m. 9.]

Pro Fratribus Predicatoribus de Wylton'.—Mandatum est J. de Vernun, senescallo foreste regis de Selewod', quod illa xx. fusta que Willelmus Mauduit dedit Fratribus Predicatoribus Wilton' in bosco suo, qui est infra metas foreste regis predicte, ipsos fratres libere extrahere et abducere quo voluerint sine inpedimento et occasione cheminagii permittat. Teste rege apud Merleberge xxvj. die Junii.

De quercubus ad operaciones regis de Eboraco.—Mandatum est G. de Langel', justiciario foreste, quod in foresta regis de Longwath' faciat habere vicecomiti Eboraci xl. quercus ad maeremium, ad operaciones regis Eboraci inde faciendas. Teste rege apud Merleberge xxviij. die Junii.

De quercubus datis.—Mandatum est eidem G. quod in foresta regis de Salceto faciat habere Philippo Luvel x. quercus ad maeremium, de dono regis. Teste ut supra.

Pro Philippo Luvel.—Rex perdonavit eidem Philippo transgressionem quam fecit capiendo unam damam et unam bissam in foresta regis de Shirewod' in transitu suo per eandem; et mandatum est G. de Langel', justiciario foreste, quod ipsum Philippum ob capcionem illam coram ipso non occasionet. Teste ut supra.

Pro Thoma Harang'.—Mandatum est baronibus de Scaccario et justiciariis suis ad custodiam Judeorum assignatis quod si Thomas Harang' invenerit eis xij. bonos plegios qui eum manucapiant habere coram rege in quindena Sancti Michaelis, ad respondendum de usura unde irretitus est, tunc ipsum Thomam cum omnibus bonis et catallis suis predictis xij. committant in [ballium cancelled] plevinam, ut predictum est; et habeant ibi hoc breve. Teste ut supra.

Pro Lumbardo de Crickelad', Judeo.—Mandatum est justiciariis ad custodiam Judeorum assignatis quod, accepta sufficienti securitate a Lumbardo de Creckelad' de tribus marcis auri ad opus regis, tunc ipsum Lumbardum captum pro retonsione monete, unde rettatus est, a prisona deliberent, et catalla sua omnia ipsum habere permittant. Teste ut supra.

De ponendo per ballium.—Johannes de Whytel' et Willelmus, frater ejus, capti et detenti in prisona de Abbend' pro morte Simonis Boldric', unde rettati sunt, habent litteras vicecomiti Berk' quod ponantur per ballium. Teste rege apud Merleberge xxx. die Junii.

Pro Alexandro, scriptore de Smethefeud.—Mandatum est maiori et vicecomitibus Lond' quod diligentem faciant inquisicionem si Alexander, scriptor de Smethefeud', captus et detentus in prisona regis de Neugate pro insultu facto in B. Cantuariensem archiepiscopum et suos in prioratu Sancti Bartholomei de Smethefeud' culpabilis sit de insultu illo nec ne; et si per inquisicionem illam invenerint quod inde culpabilis non sit, tunc ipsum Alexandrum ad mandatum R. Cycestrensis episcopi a prisona qua detinetur deliberari faciant. Teste ut supra.

De judicio Abrahe de Berchamsted'.—Mandatum est baronibus de Scaccario quod cum justiciarii regis ad custodiam Judeorum assignati eis scire facient, accedant ad eos et omnes querelas tangentes Abraham de Berchamsted' audiant et eas sentencia judiciali terminent, reservato tamen regi judicio de vita vel membris, vel abjuracione regni regis, si cui talium meritis suis exigentibus de jure debeat subjacere. Teste rege apud Merleberge primo die Junii.