Close Rolls, April 1251

Close Rolls, April 1251

De uno lucio dato.—Mandatum est ballivo de Wodestok' quod de vivario de Wodestok' faciat habere Gwidoni de Rocheford' unum lucium, de dono regis. Teste rege apud Crucem Roesie j. die Aprilis.

Pro monialibus de Ikelinton'.—Mandatum est G. de Langel', justiciario foreste, quod in bosco de Horewardest', qui est monialium de Ikelinton' et infra metas foreste nostre Essex', permittat easdem moniales capere decem quercus ad maeremium ad fabricam ecclesie sue. Teste ut supra.

De ponendo per ballium.—Petrus le Provost, Walterus de Sper[s]holt, Johannes et Galfridus de Spersholt, filii ejusdem Petri, detenti in prisona Oxonie pro morte Ade Textoris de Spersholt, unde rettati sunt, habent litteras vicecomiti Berk' quod ponantur per ballium. Teste rege apud Dinnesl' secundo die Aprilis.

De venacione regis salienda et carianda.—Mandatum est vicecomiti Suht' quod venacionem quam Willelmus Luvel et Henricus de Candevr' capient in foresta de Axiholt ad opus regis, et quam ei liberabunt, bene saliri et cariari faciant usque London', ita quod sit ibi ad ultimum in vigilia Pasche; et rex, cum sciverit custum, illud ei faciet allocari. Teste rege apud Sanctum Albanum secundo die Marcii (sic).
Et mandatum est custodi prefate foreste quod ipsos venatores admittat ad x. brokettos capiendos ad opus regis. Teste ut supra.

De brokettis capiendis ad opus regis.—Rex mittit eosdem usque forestam de Braden' ad capiendum in ea alios x. brokettos ad opus regis contra idem festum. Et mandatum est custodi ejusdem foreste quod ipsos ad hoc admittat. Teste ut supra.

De venacione salienda et carianda.—Et mandatum est vicecomiti Wiltes' quod venacionem quam iidem venatores ei liberabunt saliri et cariari faciat, ut supra; et rex, cum sciverit custum, illud ei faciet allocari. Teste ut supra.

De ca[m]panis ad capellam regis in Turri Londonie.—Mandatum est Eduuardo de Westmonasterio quod emi faciet duas parvas campanas, et eas liberet constabulario Turris Londonie ponendas in capella ejusdem Turris. Teste ut supra.

De uno dolio vini dato.—Mandatum est Roberto de Dacre quod de vinis regis que sunt apud Crucem Roesie faciet habere uxori Galfridi Gascelin unum dolium, de dono regis. Teste rege apud Sanctum Albanum iij. die Aprilis.

Pro Hugone Franc', Ingeramo de Percy, et R. de Soning'.—Quia Hugo Franc', Ingeramus de Percy et Robertus de Soning' nuper de precepto regis contra Carniprivium proximo preteritum ceperunt octo damas in foresta regis Essex' extra parcum, mandatum est Ricardo Fillol, senescallo predicte foreste, quod ipsos propter hoc non occasionet. Teste ut supra.

De pane emendo ad opus regis contra Pascha.—Mandatum est ballivis Sancti Albani quod in villa sua fieri faciant ad opus regis c. solidatas boni panis et pulcri, videlicet iiij. panes ad denarium, et panem illum cariari faciant usque Westmonasterium, ita quod sit ibi die Veneris proxima ante instans festum Pasche; et rex custum et cariagium eis reddi faciet. Teste ut supra.

De roboribus ad operaciones de Freimantel.—Mandatum est Roberto de Edmundestrop', ballivo de Freimantel, quod in foresta regis ibidem permittat Petrum de Londonia, custodem operacionum regis ibidem, capere robora per visum forestariorum et viridariorum ad operaciones predictas, et quod roget illos qui habent boscos vicinos infra regardum foreste quod dent regi aut vendant ad bonum forum hujusmodi robora, et quod permittat ipsum Petrum capere in gravis regis propinquioribus virgas ad operaciones predictas, prout viderit expedire. Teste ut supra.

De denariis ad privatam elemosinam regis.—Mandatum est vicecomiti Hertfordie quod visis litteris faciat habere ipsi regi x. libras de exitibus comitatus sui ad privatam elemosinam; et rex illas ei faciet allocari. Teste ut supra.

De quercubus datis.—Mandatum est G. de Langel', justiciario foreste, quod in foresta de Salceto faciat habere priorisse et monialibus de Cateby xxx. quercus cum escaetis suis ad reedificacionem domorum suarum nuper incendio devastatarum, de dono regis. Teste ut supra.

De expeditacione canum.—Rex respectum dedit magistro hospitalis Sancti Bartholomei de Smethefeud' de Wollaveston' usque ad quindenam Pasche de expeditacione canum, et mandatum est G. de Langel', justiciario foreste, quod respectum illum habere permittat, et averia sua ei interim deliberet. Teste ut supra.

Pro electo de Persore et hominibus suis.—Rex ad instanciam E. prioris de Coges, electi de Persore, dedit respectum hominibus et tenentibus abbacie de Persore de tallagio super eos assiso racione custodie ejusdem abbacie in manu regis existentis et de omnibus aliis districtionibus et demandis usque a die Pasche in unum mensem, ita tamen quod tunc dictum tallagium et alia eidem regi debita promta habeat; et mandatum est Henrico de Wengham', custodi ejusdem domus, quod sic permittat etc. Teste rege apud Sanctum Albanum iiij. die Aprilis.

De providencia panis contra Pascha.—Mandatum est ballivis de Wautham' quod fieri faciant in villa sua ad opus regis contra instans festum Pasche triginta libratas boni panis et pulcri et quatuor panes ad denarium, et ipsum panem cariari faciant usque Westmonasterium, ita quod sit ibi die Veneris proxima ante festum predictum ad ultimum, et custum ipsius panis et cariagium eisdem solvi faciet. Teste rege apud Sanctum Albanum v. die Aprilis anno regni nostri xxxv.
Mandatum est ballivis de Kingeston quod fieri faciant in villa sua ad opus regis contra instans festum Pasche quatuor libratas boni panis et pulchri et quatuor panes ad denarium, et panem illum cariari faciant usque Westmonasterium, ita quod sit ibi ad ultimum die Veneris proxima ante festum predictum; et custum et cariagium eisdem reddi faciet. Teste rege ut supra.
Eodem modo mandatum est vicecomitibus Londonie quod habeant triginta libratas boni panis et pulcri, et quod promptus sit die Jovis ante Pascha, et custum eisdem solvi faciet. Teste rege, ut supra.

Pro executoribus testamenti Johannis de Middelham'.—Mandatum est vicecomiti Eboraci quod per sacramentum proborum et legalium hominum diligenter inquirat quantum Johannes, qui fuit persona ecclesie de Middelham', posuit in operacionibus gayole regis Eboraci et capelle supra eandem constructe quas fieri fecit per preceptum regis; et cum rex per inquisicionem illam hoc ei constiterit precium operacionum predictarum executoribus testamenti ipsius Johannis sine dilacione solvi faciet, et cum rex quantitatem precii illius sciverit illam ei allocari faciet. Teste rege ut supra.

Pro monachis de Tyleteya.—Mandatum est vicecomiti Essex' et Hertford' quod manuteneat, protegat et defendat libertates abbatis et monacorum de Tilliteye eis a predecessoribus regis concessas et ap (sic) ipso rege confirmatas, sicut libertatibus eisdem hucusque usi sunt. Teste ut supra.

De ponendo per ballium.—Alanus filius Willelmi, captus et detentus in prisona regis de Salopia pro morte Reginaldi de Gauchi, unde apellatus est, habet litteras domini regis vicecomiti Salopie ut ponatur per ballium. Teste ut supra.

Pro Johanne de Trocham' et Agnete, uxore ejus, Ada Carpenter et Dionisia, uxore ejus.—Mandatum est vicecomiti Oxonie quod demandam quam facit Johanni de Trocham' et Agneti, uxori [ejus], de dimidia marca pro defalta, et demandam quam facit Ade le Carpenter et Dionisie, uxori ejus, de dimidia marca pro eodem, per summonicionem Scaccarii regis, ponat in respectum usque ad octabas Clausi Pasche, et averia sua, si que hac occasione ceperit, interim deliberet. Teste rege apud Westmonasterium vij. die Aprilis. Per Eduuardum de Westmonasterio.

Pro militibus assignandis ad vendicionem subboscorum.—Quia non fuit intencionis regis, quando G. de Langel', justiciario foreste, super vendicione subboscorum scripsit, quod iidem subbosci venderentur ante festum Sancti Michaelis in comitatu Suht' nisi antea id fieri commoditas temporis postularet, mandatum est vicecomiti Suht' quod averia, que cepit pro eo quod milites non vendiderunt predictos subboscos nec eos succidi fecerunt, sine dilacione deliberari faciat usque ad festum predictum, et eosdem milites interim non distringat occasione predicta. Teste ut supra.

Mandatum est Thome de Stanford' et coescaetori suo in comitatu Lancastrie quod priori de Lancastria faciant habere carucas suas et instaurum suum et blada et alia bona sua que sunt in manu regis, racione custodie prioratus quam rex habuit ante adventum predicti prioris. Teste rege apud Westmonasterium viij. die Aprilis. [Entry cancelled.]

Pro priore de Lancastria.—Mandatum est Thome de Stanford' et coescaetori suo in comitatu Lancastrie quod habere faciant priori de Lancastria carucas, instaurum, blada et alia bona sua existencia in custodia vestra et in manu nostra [de quibus hucusque ullam distraxionem feceritis ad opus nostrum cancelled]. Teste rege apud Westmonasterium viij. die Aprilis etc.

De pisce emendo apud Wincheles' ad opus regis.—Mandatum est ballivis de Wincheles' quod in villa sua emant ad opus [suum cancelled] regis xx. summas de plays et mmm. merlingorum et ccc. congros recentes vel pudratos, et etiam quicquid boni piscis invenerint ibidem similiter emant per visum Rogeri Galiote, quem rex mittit pro predicto pisce, providentes quod rex piscem illum habeat apud Westmonasterium contra instans festum Pasche; et rex cum sciverit custum, illud eis faciet allocari. Teste ut supra.

Pro priore Sancti Switthuni Wintonie et hominibus suis.—Mandatum est vicecomiti Berks' quod districtionem quam facit priori Sancti Swythuni Wintonie et hominibus suis de Wluricheston' pro quibusdam amerciamentis in que coram justiciariis regis inciderunt, ponat in respectum usque a die Pasche in xv. dies. Teste ut supra.

De scrutinio nunciorum Scocie apud Dovoriam.—Mandatum est ballivis portus Dovorie quod Guidoni de Normannevill' et Willelmo Anglico, nunciis A. regis Scocie, salvum et festinum passagium habere faciant, et si aliqui alii procuratores nuncii de Scocia in revertendo a curia Romana per ipsos transitum fecerint, eos scrutentur diligenter reservantes et arestantes si que contra predictum regem et suos magnates invenerint, donec rex aliud inde mandaverit. Teste ut supra.

De ponendo per ballium.—Rogerus Aveline, detentus in prisona Norwici pro morte Roberti de Wording', unde rettatus est, habet litteras vicecomiti Norff' quod ponatur per ballium. Teste rege apud Westmonasterium xvij. die Aprilis.

De operacionibus et operariis castri regis Gloucestrie.—Mandatum est Johanni le Flemeng' quod muros castri Gloucestrie reparari et operariis ejusdem stipendia sua reddi faciat, tam de arreragiis comitatus Gloucestrie quam de arreragiis de La Berton', et quod liberaverit de firma de La Berton' rex ei faciet allocari. Teste ut supra.

De cadaveribus ferarum apud Havering' extrahendis.—Mandatum est ballivo de Havering' quod omnia corpora ferarum mortuarum et porcorum que sunt in parco de Havering' putrescencia extrahi et illa per visum et testimonium legalium hominum infodi faciat; et rex custum ei faciet allocari. Teste ut supra.

[m. 15.]

De placitis Suff' resumendis coram magistro W. (sic) de Wauton' et G. de Preston'.—Mandatum est vicecomiti Suff' quod omnia placita que per preceptum regis remanserunt placitanda coram justiciariis ultimo itinerantibus in comitatu predicto ad communia placita cum brevibus originalibus et omnimodis atachiamentis suis venire faciat coram Gilberto de Preston' et magistro S. de Wauton' apud Cateshull' in quindena Pasche; quia rex ipsos justiciarios suos ad hoc assignavit. Teste rege apud Westmonasterium xvij. die Aprilis.

Pro abbatissa de Shaftesbur'.—Mandatum est G. de Langel', justiciario foreste, quod permittat abbatissam de Schaftesbur' per visum forestariorum et viridariorum regis capere iiij^xx quercus ad maeremium in bosco ipsius abbatisse de Culminton', qui est infra metas foreste regis de Selewod'; permittat etiam eandem abbatissam capere quolibet die iiij^or summagia de busca ad focum in foresta de Gillingham', sicut ea habere consuevit. Teste ut supra.

De acquietacione prostracionis murorum de la Parroc et cariagio. —Mandatum est vicecomiti Suhamptonie quod de exitibus comitatus sui acquietet prostracionem murorum de la Parrok et cariagium eorundem murorum ad castrum regis Wintonie; et rex custum quod ad hoc posuerit per visum etc., cum illud sciverit, ei faciet allocari. Teste rege apud Merton' xx. die Aprilis.

De operacionibus Novi Castri subtus Limam.—Mandatum est Jacobo de Audithel', constabulario Novi Castri subtus Lymam, quod per visum vicecomitis Staffordie et aliorum proborum hominum, ponat in reparacione ejusdem castri, ubi plus necesse fuerit, usque ad summam xx. librarum; et rex illas ei faciet allocari. Teste ut supra.

Pro Waltero Biset et plegiis suis.—Rex perdonavit Waltero Biset omnes transgressiones quas fecit in foresta de Shirewod', tam de viri di quam de venacione et vasto bosci usque ad Pascha anno xxxv.; et mandatum est G. de Langel', justiciario foreste, quod ipsum nec plegios suos propter hoc occasionet, set ipsos inde quietos esse faciat; et xij. acras terre de essarto in Ludham' quas cepit in manum regis eidem Waltero rehabere faciat, donec rex aliud inde preceperit. Teste ut supra.

De capa breudata data electo de Persora.—Mandatum est Eadwardo Westm' quod Elerio, electo de Persora, faciat habere unam capam brudatam pulcram cum amito decenti ad tantum virum, de dono regis. Teste ut supra.

De damis datis.—Mandatum est G. de Langel', justiciario foreste, quod in foresta regis de Fekenham' faciat habere Elerio, electo de Persora, sex damos, de dono regis. Teste ut supra.
Mandatum est custodi foreste de Axiholt quod in eadem foresta faciat habere Petro de Rivall' tres damos, de dono regis. Teste ut supra.

De fustis ad operaciones de Freymantel.—Mandatum est custodi foreste de Pember' quod in eadem foresta faciat habere Henrico de Ferleg', vicecomiti Suht', et magistro G. carpentario regis, c. fusta cum escaetis ad maeremium ad operaciones de Freimantel faciendas. Teste rege apud Merton' xx. die Aprilis.

De expeltacione (sic) canum.—Mandatum est G. de Langel', justiciario, quod districcionem quam facit super abbatem de Binedon' et homines suos de Pulham' in comitatu Dorsete pro expeditacione canum ponat in respectum usque ad Pentecostem anno xxxv. Teste ut supra.

Pro Gerardo de Rodes.—Rex respectum dedit Gerardo de Rodes de xxx. libris que ab eo exiguntur per summonicionem Scaccarii de veteri debito de prestito in Hibernia usque a die Sancti Michaelis in unum mensem; et mandatum est baronibus de Scaccario quod ei eundem respectum habere faciant. Teste ut supra.

De damis datis.—Mandatum est J. filio Galfridi, justiciario Hibernie, quod in parco regis de Clinkr' habere faciat L. Dublin' archiepiscopo vij. damas et iiij. damos, de dono regis. Teste ut supra.
Mandatum est G. de Langel', justiciario foreste, quod in foresta de Cannok' faciat habere fratri Roberto de Saunford', quondam magistro milicie Templi in Anglia, septem damas et tres damos, de dono regis.

De expeditacione canum.—Prior de Merton' habet respectum de expeditacione canum suorum et hominum suorum usque ad quindenam Sancti Johannis Johannis (sic) Baptiste. Teste ut supra.

De ponendo per ballium.—Willelmus le Curteis, Johannes le Cambere, et Rogerus de Budon', capti et detenti apud Northampt' pro morte Hugonis de Brunne, habent litteras vicecomiti Northamptonie quod ponantur in ballium, usque ad primam assisam. Teste ut supra.

De Philippo de Leddred' cariando usque Neugat'.—Mandatum est ballivis de Kingeston' quod Philippum de Ledrede, captum et detentum in prisona de Kingeston' pro morte uxoris sue quam interfecit, ut dicitur, secure et caute cariari faciant usque Neugate apud Lond' et ipsum custodi gaole de Neugate liberent. Teste ut supra.
Et mandatum est custodi gaole de Neugate quod ipsum recipiat et salvo custodiat. Teste ut supra.

Pro electo de Persora et hominibus suis.—Quia rex vult quod super contencionibus ortis inter abbatem Westmonasterii et electum de Persora et eorum homines in balliva [tua cancelled] vicecomitis Wigornie pax concorditer reformetur quam rex non dubitat reformare, mandatum est eidem vicecomiti quod omnia attachiamenta et districciones hac occasione per ipsum factas vel faciendas hinc inde relaxet usque ad Nativitatem Sancti Johannis Baptiste. Teste ut supra.

De visoribus eligendis ad operaciones regis de Bristollia.—Quia Johannes le Giller et Willelmus de Lychefeud' propter paupertatem et debilitatem suam nequiunt visui operum regis intendere, mandatum est maiori et ballivis Bristollie quod loco eorum alios duos visores eligant, qui possessiones et redditus habeant in villa Bristollie; et rex vult et concedit quod quatuor visores illi, dum visui illi fideliter intenderint, quieti sint de tallagio et communi secta; et faciant habere sine dilacione operariis Bristollie pacacionem que eis debetur; et inveniant fabro regis ibidem que sunt necessaria ad ferramenta facienda ad opera regis; et de diebus feriatis unus computetur super regem et alius super operarios predictos; et taliter se habeant quod opera regis non remaneant infecta. Teste rege apud Certes' xxij. die Aprilis.

De domo ad ferramenta facienda ad operaciones Bristollie et de uno rogo faciendo.—Mandatum est constabulario Bristollie quod inveniat aliquam domum competentem ad fabricandum in ea ferramenta que sunt necessaria ad operaciones regis; et permittat custodes earundem capere in balliva sua jannum et subboscum ubi ad minus dampnum regis fieri possit ad quendam rogum faciendum ad operaciones predictas. Teste ut supra.

De quercubus ad operaciones Bristollie.—Mandatum est constabulario Sancti Briavelli quod in foresta de Dene faciat habere custodibus operacionum Bristollie xxv. quercus cum omnibus escaetis ad operaciones predictas; ita quod omnibus modis escaetas illas habeant ad comodum regis faciendum, prout rex eis injunxit. Teste ut supra. [Entry cancelled.] Quia aliter in rotulo de computabitur.

De stabulis in castro Gloucestrie reparandis.—Mandatum est vicecomiti Gloucestrie quod per visum proborum et legalium hominum reparari faciat stabula regis infra castrum Gloucestrie, tam ea que diruta sunt quam que reparacione indiget; et rex, cum sciverit custum, illud ei faciet allocari. Teste rege apud Windes' xxiij. die Aprilis. Postea habuit breve de computabitur de eadem data.

Pro abbate de Loco Sancti Eduuardi.—Mandatum est maiori et ballivis Wintonie quod in curia libertates abbati et conventui de Loco Sancti Eduuardi a rege concessas per cartam suam legi et firmiter observari faciant.
Eodem modo mandatum est vicecomiti Eboraci. Teste ut supra.

Pro Thoma de Ickeworth'.—Mandatum est vicecomiti Suff' quod non distringat Thomam de Ickeworth' ad se militem faciendum usque ad Natale Domini, quia rex ei inde respectum dedit usque tunc. Teste ut supra.

De quadam marscalcia facienda apud Windes'.—Mandatum est custodibus operacionum regis Windes' quod extra castrum regis ibidem prope gardinum regis fieri faciant quandam marscalciam ad opus equorum regis et regine, de iiij^xx pedibus in longitudine, vel amplius, prout rex ei injunxit oretenus. Teste ut supra.

De Thoma de Irlond' inprisonando Oxon'.—Mandatum est vicecomiti Oxonie quod Thomam Irlond', quem homines de Sibeford' ceperunt pro eo quod Thomas de Sibeford' ipsum vocat ad warantum de quibusdam pellibus ovium quas, nequiter occisis ovibus, quedam vidua dicit sibi furtive esse sublatas, et ab eisdem hominibus recipiat et in prisona salvo custodiat, donec rex aliud inde preceperit. Teste ut supra.

De visoribus et custodibus operum de Gannoc et Cestria assignatis. —Rex assignavit Walterum Lyvet, Ricardum Clericum, Johannem Ulkel, juniorem, et Robertum le Mercer, custodes et visores operacionum regis Cestrie, et Johannem Ulkel, juniorem, Bertramum de Salop', Willelmum de Coventr' et Robertum Ucchegrey, custodes et visores operacionum regis de Gannoc; et mandatum est Alano la Zusch', justiciario Cestrie, quod de exitibus ballive sue eisdem custodibus denarios habere faciat ad easdem operaciones faciendas per talliam inde inter eos confectam, prestito sacramento ab eis coram ipso justiciario, quod operacionibus illis diligenter intendent et denarios illos in eis fideliter expendent; et rex, cum sciverit quantum ad hoc libera verit, illud ei faciet allocari. Teste rege apud Windes' xxvj. die Aprilis.

De maeremio ad operaciones Cestrie.—Mandatum est Fulconi de Orreby, custodi forestar' (sic) Cestrie quod in [eadem cancelled] foresta regis de Mara faciat habere custodibus operacionum regis Cestrie maeremium quantum necesse fuerit ad aulam regis ibidem perficiendam per talliam inter ipsos factam de numero quercuum. Teste ut supra.

De forinseco ballio et nova aula Cestrie faciendis.—Mandatum est Alano la Zuche, justiciario Cestrie, quod murum forinseci ballii castri regis Cestrie et novam aulam regis in eodem castro, que incepta sunt, per visum proborum et legalium hominum perfici faciat; et custum quod ad hoc posuerit rex ei faciet allocari. Teste ut supra. Postea habuit inde breve de computabitur de eadem data.

De denariis Judaismi liberandis ad aurum emendum ad opus regis. —Mandatum est justiciariis ad custodiam Judeorum assignatis, quod de primis denariis provenientibus de Judaismo regis faciant habere Aaron filio Abrahe, et Elye Episcopo, Judeis Lond', quater xx. et xvij. marcas et dimidiam ad aurum inde emendum ad opus regis; et hoc non omittant. Teste ut supra.

Pro priorissa de Winteneya.—Mandatum est custodi foreste de Everl' quod xl. quercus, que nuper priorisse de Winteneye date fuerunt infra metas foreste regis de Everl', permittat ipsam priorissam cariare per eandem forestam usque domum suam sine impedimento et occasione cheminagii. Teste ut supra.

De quercubus datis.—Mandatum est G. de Langel', justiciario foreste, quod in foresta regis de Porecestria priori Sancti Swithuni Wintonie xx. quercus [habere faciat] ad maeremium, ubi ad minus nocumentum ejusdem foreste capi poterunt. Teste ut supra.

Pro Johanne le Gras.—Rex pro x. libris quas Johannes le Gras recepisse debuit ad Scaccarium Pasche anno etc. xxxv^to de annuo feodo suo x. librarum perdonavit ei x. libras de debito quod debet Bonenfant'de Exonia, Judeo; et mandatum est justiciariis ad custodiam Judeorum assignatis quod ipsum Johannem apud prefatum Judeum de predictis x. libris quietum esse, et illas eidem Judeo in tallagio suo faciant allocari. Teste ut supra.

De una quercu data.—Mandatum est Godefrido de Liston' quod faciat habere priorisse de Bromhal' unam quercum cum escaetis suis ad maeremium in foresta de Windles', de dono regis. Teste ut supra.

Pro Leodegario, capellano hospitalis Sancti Jacobi extra Cycestriam. —Mandatum est vicecomiti Sussex' quod si xvij. solidi et iiij. denarii restent reddendi Leodegario, capellano, pro cantaria in hospitali Sancti Jacobi extra Cycestriam de tempore suo, tunc ipsos denarios ei sine dilacione solvat, et rex illos ei faciet allocari. Teste ut supra.

De quercubus datis.—Mandatum est G. de Langel', justiciario foreste, quod in foresta regis de Chippeham faciat habere Theo baldo de Engleschevill' tres quercus ad maeremium, de dono regis. Teste rege apud Windles' xxvij. die Aprilis.

De quercubus ad cameram Eduuardi filii regis.—Mandatum est Avicie de Columbariis, custodi foreste de Cette, quod in eadem foresta faciat habere consta bulario de Lutegarshal' xl. quercus ad maeremium ad cameram Eduuardi filii regis ibidem construendam. Teste ut supra.

Pro hominibus de Castr'.—Rex reddidit hominibus suis de Castr' manerium et mercatum ejusdem ville de Castr', que rex capi precepit in manum suam, tenenda pro eadem firma pro qua ea prius tenuerunt; et mandatum est vicecomiti Lincolnie quod eisdem hominibus de predictis manerio et mercato plenam seisinam habere faciat, sicut predictum est. Teste ut supra.

De malefactoribus capiendis.—Mandatum est vicecomiti Salopie et Staffordie quod per sacramentum etc. tam militum quam aliorum inquirat de malefactoribus et receptatoribus eorundem; et quos inde culpabiles invenerit capiat et in prisona regis salvo custodiat, donec etc. Teste ut supra apud Wind' xxviij. die Aprilis.

Pro fratribus minoribus Salopie.—Mandatum est vicecomiti Salopie quod de calce regis de Monte Gilberti que est in custodia sua faciat habere fratribus minoribus l^a quarteria ad fabricam ecclesie sue, de dono regis. Teste ut supra.

De haya de Beskewod' commissa.—Rex commisit Radulfo filio Nicholai haiam suam de Beskewod' custodiendam quamdiu regi placuerit; et mandatum est G. de Langel', justiciario foreste, quod haiam illam ei liberet custodiendam, sicut predictum est. Teste ut supra.
Et mandatum est eidem quod eundem Radulfum, constabularium castri Notingh', permittat capere mortuum boscum et cablicium in predicta haya ad focum suum in eodem castro, sicut constabularii regis ibidem prius capere consueverunt. Teste ut supra.

Pro priore et conventu de Lenton'.—Et mandatum est eidem G. quod permittat priorem et conventum de Lenton' capere mortuum boscum in predicta haia de Beskewod' secundum propositum carte sue quam inde habent prout hucusque raciona biliter habere usi sunt. Teste ut supra.

De reparacione castri Herefordie.—Mandatum est vicecomiti Herefordie quod per visum et testimonium legalium hominum de comitatu tuo (sic) reparari faciat duos pontes regis apud Herefordiam, videlicet, unum extra magnam portam castri et alterum extra portam ballii ejusdem castri, et duas gaolas in eodem ballio et domos in magna turri regis ibidem similiter reparari et murum castri retro coquinam ejusdem refici faciat; et rex, cum sciverit custum quod ad hoc posuerit, illud ei faciet allocari. Teste rege apud Windes' xxix. die Aprilis.

De cariagio plumbi.—Mandatum est vicecomiti Norht' quod id quod remansit apud Norht' de xx. carratis plumbi, quas ballivus de Pecco illuc venire fecit per preceptum regis, sine dilacione cariari faciat usque Windes', liberandas custodibus operacionum regis ibidem; et rex custum cariagii ei faciet allocari. Teste ut supra.

[m. 14.]

Pro comite de Ferariis.—[Mandatum est vicecomiti Lancastrie quod permittat cancelled]. Rex concessit Willelmo de Ferrariis, comiti Dereb', uni heredum comitis Ranulfi [inter Rybbel' et Meres' cancelled] quod habeat servientes suos ad pacem conservandam inter Rybbel' et Meres', sicut predictus Ranulfus, quondam comes Cestrie [dum superstes fuit cancelled] tempore suo illos habere consuevit; et mandatum est vicecomiti Lancastrie quod ipsi eandem libertatem habere faciat, et ipsum comitem in eisdem libertatibus et aliis quibus predictus comes Ranulfus tempore suo usus est manuteneat et defendat. Teste rege apud Windles' xxix. die Aprilis per ipsum regem. Postea sic correctum fuit per Johannem de Lexinton.

De coronatore eligendo.—Mandatum est vicecomiti Bedefordie quod in pleno comitatu suo loco Galfridi de Brettevill', quondam coronatoris regis ejusdem comitatus, qui mortuus est, eligi faciat alium coronatorem, qui prestito sacramento etc.