Close Rolls, September 1251

Close Rolls, September 1251

[m. 4.]

De placitis foreste.—Mandatum est vicecomiti Cumberl' quod placita foreste in comitatu predicto que atterminata fuerunt coram G. de Langel', justiciario foreste, in crastino Sancti Michaelis et omnes summoniciones et attachiamenta foreste predicte venire faciat coram eodem G. et sociis suis apud Carleolum ad diem quem idem G. ei scire faciet. Teste rege apud Windes' tercio die Septembris. Per ipsum regem.
Eodem modo mandatum est vicecomiti Lancastrie quod omnes summoniciones et attachiamenta placitorum foreste que aterminata fuerunt coram eodem G. ad diem et locum etc. venire faciat coram eodem G. et sociis suis apud Lancastriam in crastino Apostolorum Simonis et Jude. Teste ut supra. Per ipsum regem.

De quercubus ad operaciones regis.—Mandatum est G. de Langel', justiciario foreste, quod in foresta regis de Fekeham' faciat ha bere Magistro S. de Wauton', custodi domorum regis de Fekeham', sex quercus ad maeremium cum omnibus escaetis, videlicet tres in parco et tres in forinseco bosco regis ibidem, ad easdem domos reparandas et emendandas. Teste ut supra. Per ipsum regem.

De plumbo recipiendo.—Mandatum est vicecomiti Ebor' quod xx. carratas plumbi quas W. de Horsenden', ballivus de Pecco, ei liberabit per preceptum regis apud (sic) recipiat et salvo custodiat ad operaciones castri regis ibidem. Teste ut supra. Per regem.

De damis datis.—Mandatum est G. de Langel', justiciario foreste, quod in foresta regis de Shirewode faciat habere Baldewino de Paunton' duos damos, de dono regis. Teste rege apud Windles' iiij^to die Septembris. Per G. de Langel'.

De damis capiendis ad opus regis.—Rex injunxit Baldewino de Paunton' quod capiat in foresta regis de Shirewod' xxx. damos computandos infra numerum c. damorum per G. de Langel', justiciarium foreste, capiendorum ad opus regis ultra Trentam.
Et mandatum est predicto G. quod ipsum Baldewinum predictos damos capere permittat. Teste ut supra. Per G. de Langel'.
Et mandatum est vicecomiti Noting' quod ipsos recipiat et eos saliri et salvo custodiri faciat, donec aliud inde a rege receperit mandatum; et custum cum rex illud sciverit ei faciet allocari. Teste ut supra.

Pro Waltero de Huntel'.—Rex per finem quem Walterus de Huntel' fecit cum rege perdonavit ei transgressionem quam fecit in foresta regis de Dene usque ad Decollacionem Beati Johannis Baptiste, anno etc. xxxv^to; et mandatum est justiciariis proximo itineraturis ad placita foreste in comitatu Gloucestrie quod ipsum Walterum inde quietum esse faciant. Teste ut supra. Per G. de Langel'.

De damis capiendis ad opus regis.—Mandatum est Willelmo Luvel et Henrico [Philippo cancelled] de Candour', venatoribus suis, quod, captis lx. damis in foresta regis de Dene, sicut rex alias precepit, eant usque Novam Forestam regis et in ea capiant alios lx. damos, et cum capti fuerint liberent eos vicecomiti regis Suhampt', cui rex mandavit quod eos recipiat et saliri et cariari faciat London' contra instans festum Beati Edwardi. Teste ut supra. Per regem.

De damo dato.—Mandatum est custodi Nove Foreste quod in predicta foresta faciat habere Willelmo le Chamberleng' unum damum, de dono regis. Teste ut supra. Per senescallum.

De capa facienda.—Rex mittit Edwardo de Westmonasterio unum baudekinum de quo sine dilacione fieri faciat unam cappam cum lato aurifraxo, ita quod rex eam habeat apud Windles' hac instanti die Veneris summo mane. Teste ut supra. Per regem.

De damis capiendis ad opus regis.—Mandatum est custodi Nove Foreste quod, cum Willelmus Luvel et Henricus de Candour', venatores regis, ad ipsum venerint pro lx. damis in predicta foresta regis ad opus regis capiendis, ipsos ad hoc admittat, et eis ad hoc consilium et auxilium impendat. Teste ut supra. Per regem.

De quercubus prosternendis.—Quia duo quercus in publica via que ducit per medium bosci nostri de Kingeswod' sunt receptacula malefactorum, ut dicitur, in grave dispendium patrie et periculum transeuncium, mandatum est constabulario Bristollie quod easdem quercus prosterni et custodibus operacionum regis Bristollie liberari faciat ad rogum regis ibidem. Teste ut supra. Per regem.

De vino dato.—Mandatum est Ernaldo Geraudon', camerario suo Londonie, quod de vinis regis que sunt in custodia sua faciat habere Ernaldo Cotin, vadletto regis, unum dolium vini, de dono regis. Teste ut supra. Per regem.

De damo dato.—Mandatum est Willelmo Luvel et Henrico de Candour', venatoribus regis, quod in foresta de Dene faciant habere Roberto de Muscegros unum damum, de dono regis, ita tamen quod propter hoc non decrescat numerus damorum quos per ipsos rex capi precepit ad opus suum ibidem. Teste rege apud Windles' v. die Septembris. Per regem.

De probatoribus recipiendis.—Mandatum est custodi gaiole de Neugat' quod Willelmum le Kyng, Willelmum de Hasel', Willelmum de Valle Torta et Adam de Hope, probatores nostros, quos vicecomes Oxonie ei liberabit ab eodem recipiat et in prisona regis salvo custodiat, donec rex aliud inde preceperit. Teste ut supra. Per regem.

De quercubus ad operaciones regis.—Mandatum est Willelmo de Langel', custodi foreste de Wycchewode, quod in bosco abbatis de Eynesham in eadem foresta permittat vicecomiti Oxonie capere x. quercus ad maeremium quas idem abbas regi dedit ad operaciones turris in castro regis Oxonie inde faciendas. Teste ut supra. Per regem.

De roboribus datis.—Mandatum est custodi foreste de Bernewod' quod in eadem foresta faciat habere maiori et burgensibus Oxonie x. robora ad quendam rogum inde faciendum in auxilium ville sue claudende, de dono regis. Teste ut supra. Per ipsum regem.

De quercu data.—Mandatum est G. de Lyston', custodi foreste de Windles', quod in eadem foresta faciat habere priorisse de Bromhal' unam quercum ad exclusas molendini sui faciendas, de dono regis. Teste ut supra. Per ipsum regem.

Pro hominibus de Bricstok'.—Mandatum est vicecomiti Norhampt' quod si homines regis de Bricstok' invenerint ei securitatem respondendi regi ad Scaccarium suum in crastino Beati Michaelis de x. libris et dimidia marca de arreragiis firme ville sue, unde liberaverunt Henrico de Hauvill', custodi girofalconum regis, x. libras ad mutandum girofalcones regis, et dimidiam marcam ad fugandum instaurum regis de Bricstok' usque Wodestok', x. annis elapsis, ut dicunt, tunc districtionem quam facit super ipsos pro predictis denariis interim relaxet et a veria sua ob hoc capta deliberari faciat. Teste ut supra. Per ipsum regem.

Pro Magistro W. de Kilkenny.—Quia rex accepit per inquisicionem quam per abbatem de Persore, excaetorem suum, fieri precepit quod terra que fuit Petri de la Garston', suspensi pro felonia, in Slindeford', tenebatur in villenagio de prebenda de Ippethorn', que est de ecclesia Cycestrie, et quam prebendam Magister W. de Kilkenny nunc tenet, mandatum est abbati de Persouere quod eidem magistro de predicta terra plenam seisinam habere faciat. Teste rege apud Windles' vj. die Septembris.

De returno brevium.—Mandatum est vicecomiti Berk' quod returnum brevium de loquelis que spectant ad libertatem manerii regis de Windles' ballivis ejusdem manerii fieri faciat, et brevium que spectant ad septem hundreda extra idem manerium ballivo eorundem hundredorum fieri faciat, quia separate sunt ballive. Teste ut supra. Per consilium tunc presencium.

De thesauro Hybernie.—Mandatum est Roberto de Sikelinghal', thesaurario Novi Templi, Londonie, quod totum thesaurum Hybernie quem Eudo la Zusch' ei liberavit Londonie liberet W. de Haverhull' et Edwardo de Westmonasterio ad faciendum inde quod rex eis injunxit. Teste ut supra. Per ipsum regem.

Pro priore de Merton' et hominibus suis.—Mandatum est custodi foreste de Pember' quod demandam quam facit priori de Merton' et hominibus suis de Hecfeld' de expeditacione canum ponat in respectum usque in octabas Sancti Hillarii, anno etc. xxxvj^to. Teste ut supra. Per regem.

De maeremio ad operaciones regis.—Mandatum est custodi foreste de Languat quod in eadem foresta faciat ha bere custodibus operacionum regis in castro regis Eboraci xx. quercus cum omnibus escaetis suis ad dictas operaciones faciendas. Teste ut supra.

De visoribus operacionum.—Rex Jerem' de Brettegat' et Serlonem de Stengat' constituit visores operacionum castri regis Eboraci loco Hugonis de Seleby et Martini de Norf', quondam visorum regis earundem operacionum; et mandatum est eis quod ad hoc diligenter intendant una cum aliis sociis suis. Teste ut supra. Per regem.

Pro quodam Judeo.—Mandatum est Philippo Luvel quod non permittat quod Jacobus Flory, Judeus Londonie, ultra facultates suas gravetur in assessione tallagii sui plus quam alii Judei habentes consimiles facultates et consimile officium ad Scaccarium regis Judeorum. Teste rege apud Windles' vij. die Septembris. Per regem.

Pro abbate de Stratford'.—Mandatum est vicecomiti Essex' quod demandam quam facit abbati de Stratford' de secta facienda pro manerio de Sudbur' in Hammes, quod de rege tenet ad firmam, ponat in respectum usque ad xv. Beati Michaelis, ut tunc ostendat quietanciam quam inde habet coram baronibus de Scaccario. Teste ut supra. Per ipsum regem.

De quercubus datis.—Mandatum est G. de Lucy, custodi foreste de Bere, quod in foresta faciat ha bere abbati de Loco Sancti Eduuardi xv. quercus ad fabricam ecclesie sue, de dono regis. Teste ut supra.
Eodem modo mandatum est custodi Nove Foreste regis quod in eadem foresta faciat habere eidem abbati alias xv. quercus, de dono regis. Teste ut supra. Per ipsum regem.

Pro Henrico de Beche.—Rex concessit Henrico de Bech' quod infra triennium a festo Beati Michaelis anno etc. xxxv. non distringatur ad se militem faciendum; et mandatum est vicecomiti Cantebrigie. Teste ut supra. Per E. de Montibus.

De tradendo per ballium.—Johannes le Cuver, detentus in prisona prioris de Hurl' apud Hurl' pro morte Johannis filii Philippi de Shenl', unde rettatus est, habet litteras vicecomiti Hertfordie quod ponatur per ballium; et mandatum est vicecomiti Berk' quod ipsum deliberet cum vicecomes Hertfordie ei significaverit se ipsum tradidisse per ballium. Teste ut supra.
Consimiles litteras habent Willelmus le Serjant et Saerus, prepositus de Aldenham', detenti in prisona regis Westmonasterii promorte dicti Johannis, directas vicecomiti Hertfordie; et mandatum est vicecomiti Middelsex' quod ipsos deliberet in forma supradicta. Teste ut supra.

De roboribus datis.—Mandatum est G. de Liston', custodi foreste de Windes', quod in eadem foresta regis faciat habere priorisse et monialibus de Auncrewik' duo robora ad focum, de dono regis. Teste rege apud Certes' x. die Septembris. Per ipsum regem.

De vino dato.—Mandatum est custodibus vinorum suorum de Salopesbur' [Roberto de Dacr', clerico suo cancelled] quod de vinis regis apud Salopesbur' faciat habere Willelmo de Axemue unum dolium vini, de dono regis. Teste rege apud Guldeford' xij. die Septembris. Per regem.

Pro Fulcone filio Warini.—Mandatum est vicecomiti Berkes' quod Fulconi filio Warini libertatem ville sue de Waneting' et hundredorum suorum ibidem, quam per preceptum regis cepit in manum regis pro transgressione, eidem sine dilacione reddi faciat. Teste ut supra. Per ipsum regem.

Hybernia.—Quia rex audivit quod habet in thesauro suo Dublin' duo milia marcarum, mandatum est J. filio Galfridi, justiciario Hybernie, quod denarios illos juxta providenciam suam per securos nuncios mittat usque Cestriam, liberandos ibidem abbati Sancte Werburg', prout regis thesaurario et camerariis suis Dublin' rex dedit in mandatis, retentis tamen denariis quos percepturi sunt ad Scaccarium Sancti Michaelis proximo futurum. Teste ut supra.
Et mandatum est thesaurario et camerariis suis Dublin' quod predicta duo milia marcarum una cum omnibus aliis denariis quos habere poterunt mittant ibidem liberandas eidem abbati, retentis tamen etc. ut supra.
Et mandatum est eidem abbati quod predictos denarios recipiat et salvo custodiat, donec rex aliud inde preceperit. Teste ut supra.

De auro emendo.—Rex mittit Edwardo de Westmonasterio x. marcas argenti per latorem presencium, quibus receptis ex eis emat ad opus regis tantum auri in folio quantum argentum illud se extenderit in valorem auri, et aurum illud ad regem festinanter remittat. Teste ut supra. Per ipsum regem.

Pro Henrico de Colevill.—Henricus de Colevill', vicecomes regis Cantebrigie et Huntindonie, libera vit in garderoba regis P. Chaceporc, custodi ejusdem garderobe, apud Guldeford' in festo Exaltacionis Sancte Crucis x. marcas, per quas finem fecit cum rege ut respondeat de dictis comitatibus, tamquam custos eorundem; et mandatum est baronibus de Scaccario, sicut rex alias eis mandavit, quod compotum ipsius H., tamquam custodis regis predictorum comitatuum, audiant, non obstante aliqua provisione contraria prius inde facta, et ipsum de predictis x. marcis quietum esse faciant. Teste ut supra. Per Thomam de Winton'.

De damis datis A. Wintoniensi electo.—Rex dedit A. Wintoniensi electo, xv. damas et v. damos vivos in foresta sua de Whicchewod' ad parcos ejusdem electi inde instaurandos; et mandatum est custodi ejusdem foreste quod ipsum et suos quos pro eis mittet ad hoc admittat, et ad illos capiendos consilium et auxilium eis inpendat. Teste rege apud Guldeford' xiiij. die Septembris. Per regem.
Eodem modo mandatum est custodi Nove Foreste de totidem damis datis eidem electo. Teste ut supra.
Eodem modo mandatum est custodi foreste regis de Porecestr' de totidem damis datis eidem. Teste ut supra. Per ipsum regem.

De provisione anguillarum.—Mandatum est vicecomiti Cantebrigie quod provideat in balliva sua ad opus regis de x. milibus anguillarum que vocantur pympernell', bene salitis et bene conreatis, et eos cariari faciat usque Westmonasterium contra instans festum Beati Edwardi, ita quod sint ibi ad ultimum tercio die ante predictum festum, et cum rex sciverit custum, illud ei reddi faciet. Teste ut supra. Per senescallum.

De quercubus datis.—Mandatum est custodi foreste de Kenefar' quod in eadem foresta faciat habere abbati de Hales sex quercus ad maeremium, de dono regis, ubi ad minus dampnum ejusdem foreste capi poterunt. Teste rege apud Guldeford' xv. die Septembris. Per ipsum regem.

De denariis regi mittendis.—Mandatum est thesaurario et camerariis quod per duos Martinos et aliquem securum nuncium de suis sine omni dilacione mittant regi quadringentas marcas ad expensas hospicii regis, ita quod rex pecuniam illam habeat hac instanti die Dominica omnibus modis. Teste ut supra. Per ipsum regem, ut patet in Liberate. Per ipsum regem added.

De harnesio ad novos milites.—Mandatum est Johanni de Sumercot' et Rogero de Ros quod Alardo le Flemeng et Ricardo de Tyllebur', vadlettis Johannis Maunsell', qui de rege tenent in capite, quibus rex arma militaria daturus est in instanti festo Beati Edwardi, provideant hernesium sufficienter necessarium ad miliciam suam honeste tenendam. Teste rege apud Guldeford' xvij. die Septembris. Per ipsum regem.

De ponendo per ballium.—Mandatum est G. de Langel', justiciario foreste, quod Robertum le Archer de Farnleg', captum et in prisona regis apud Sar' detentum pro suspicione venacionis regis, ut dicitur, ponat per ballium, prout melius viderit expedire. Teste ut supra.

Hybernia.—Mandatum est thesaurario et camerariis de Scaccario regis Dublin' quod ad Scaccarium Pasche anno etc. xxxvj. faciant habere Rogero de Haverhull', custodi cambii regis in Hibernia, xl. marcas, ad se sustentandum in servicio regis. Teste rege apud Guldeford' xvij. die Septembris. Per ipsum regem.

[m. 3.]

De cariagio vinorum.—Mandatum est vicecomitibus Londonie quod cum Ernaldus Geraudun et Michael, pincerna regis, liberaverint eis vina carianda ad opus nostrum, recipiant et cariari faciant usque Windes' ad opus regis cum quanta poterunt celeritate; et rex, cum sciverit custum quod circa cariagium illud posuerit, rex (sic) eis faciet allocari. Teste rege apud Guldeford' xvij. die Septembris. Per senescallum.
Et mandatum est eisdem Ernaldo et Michaeli quod quantum poterunt de bonis vinis provideant et sine dilacione liberent ea dictis vicecomitibus carianda ut supra. Per senescallum.

De damis datis.—Mandatum est custodi foreste regis Essex' quod habere faciat Willelmo de Haverhull', thesaurario regis, tres damos, de dono regis, in predicta foresta. Teste ut supra. Per ipsum regem.

De roboribus datis.—Mandatum est custodi foreste regis de Havering' quod habere faciat Ernaldo de Berkeleye in predicta foresta extra parcum regis duo robora, de dono regis. Teste ut supra. Per P. de Rivall'.

Pro parcario de Guldeford'.—Memorandum est quod Elyas Maunsell', parcarius regis de Guldeford', debet percipere singulis diebus duos denarios pro custodia predicti parci a die Lune proxima post festum Exaltacionis Sancte Crucis inposterum, quamdiu predictam custodiam habuerit, per preceptum domini regis. Per regem, et per senescallum.

Pro Henrico filio Rogeri.—Rex concessit Henrico filio Rogeri quod quamdiu fuerit viridarius regis in comitatu Suht' non ponatur in assisis, juratis, vel recognicionibus; et mandatum est vicecomiti Suht' quod ipsum interim de predictis quietum esse permittat. Teste ut supra.

De quercubus ad operaciones regis.—Mandatum est Elye Maunsel, custodi parci sui de Geudeford', quod habere faciat Johanni de Bracham, carpentario, xx. quercus, ubi ad minus dampnum capi possunt, per visum et testimonium quatuor legalium hominum, ad molendina regis apud Geudeford' facienda [et proficuum regis faciendum de escaetis maeremii antedicti. Teste ut supra, cancelled], et escaetas illarum quercuum liberet custodibus operacionum regis ad rogum regis faciendum. Teste ut supra. Per ipsum regem.

De feria de Geudeford'.—Rex ad melioracionem ville sue de Geudeford' vult quod singulis annis teneatur feria in eadem villa in vigilia et in die et in crastino Sancte Trinitatis; et mandatum est vicecomiti Surr' quod predictam feriam publice clamari et decetero firmiter teneri faciat. Teste ut supra. Per ipsum regem.

De cervis carriandis.—Mandatum est vicecomiti Cumberl' quod, non obstante precepto regis quod rex ei fecit de cc. cervis quos Philippus de Candour' et Ricardus de Candour' venatores regis, capient in foresta regis de Englewode salliandis et carriandis usque Westmonasterium, ipsos bene salliri et carriari faciat usque Eboracum, ubi rex Natale Domini proponit celebrare, et ipsos salvo committat custodiendos ibidem, usque ad adventum regis, preter xx. cervos quos ex ipsis carriari faciat usque Windles'. Teste rege apud Windles' xix. die Septembris. Per ipsum regem et senescallum.

De damis carriandis.—Mandatum est vicecomiti Suht' quod si venatores regis ceperint in Nova Foresta lx. damos et illos ei liberaverint cariandos usque Westmonasterium contra festum Beati Edwardi, sicut rex ei precepit, tunc illos ad regem mittat, ita quod illos habeat citra festum Beati Michaelis ad ultimum, et licet eos adhuc plene non ceperint tamen propter hoc non omittat quin illos regi mittat successive, sicut eos capi continget. Teste ut supra. Per senescallum.

De bremiis capiendis ad opus regis.—Rex mittit usque Fekenham' Willelmum, piscatorem suum, et Simonem Hurtaud ad capiendum in vivario regis ibidem ducentas braemias ad opus regis contra instans festum Beati Edwardi, et mandatum est ballivo de Fekeham' quod ipsos ad hoc admittat. Teste rege apud Windes' xix. die Septembris. Per regem et senescallum.

De roba data.—Mandatum est Johanni de Sumercot' et Rogero Scissori quod faciant habere Rogero le Galiot, servienti regis, unam robam hac vice, de dono regis. Teste ut supra. Per ipsum regem.

De perdonacione pro Matheo Bezill'.—Rex perdonavit Matheo Bezill' xxxvj. solidos qui ab eo exiguntur per summonicionem Scaccarii sui pro inbladiamentis assartarum in comitatu Essex'; et mandatum est baronibus de Scaccario quod ipsum inde quietum esse faciant. Teste rege apud Windes' xx. die Septembris. Per Gwidonem de Russillun.

De prisa cervisie.—Quia per inquisicionem quam per sacramentum xxiiij. militum forensium rex fieri precepit in presencia E. abbatis de Persor', escaetoris regis, nuper fuit convictum quod prisa regis cervisie in villa Gloucestrie fieri debet de medietate melioris et de medietate pejoris et posterioris cervisie cujuslibet bracini, mandatum est maiori et communitati ville Gloucestrie quod decetero prisam illam sic fieri et teneri faciant. Teste ut supra.

Pro Gilberto de Gaunt.—Mandatum est baronibus de Scaccario quod quamdiu Gilbertus de Gaunt servaverit terminos suos de fine quem fecit cum rege pro omnibus debitis que regi debebat, de quibus reddit regi xx. libras per annum, ut dicit, ipsum aliter pro debitis illis distringi non permittant. Teste ut supra. Per ipsum regem.

De bissis datis.—Mandatum est J. filio Galfridi, justiciario regis Hibernie, quod habere faciat Waltero de Burgo in foresta regis de Slefco iiij^or bissas, de dono regis. Teste rege ut supra. Per P. Dorival.

De operacionibus castri de Monte Gomeri.—Mandatum est Gwydoni, ballivo regis de Montegomero, quod murum extra aulam castri de Montegumery cameras et portam cooperiri faciat plumbo et portam que fuit de palo de petra cum duobus turellis similiter fieri faciat; et cum sciverimus custum, illud vobis faciemus allocari. Teste rege ut supra. Per ipsum regem.

De vino dato.—Mandatum est custodibus vinorum regis de Gloucestria quod faciant habere abbati et conventui de Hailes unum doleum vini, de dono regis, ad celebracionem divinorum in abbacia sua. Teste rege apud Windes', xxiij. die Septembris. Per regem.

De roba data.—Mandatum est J. de Sumercote et Rogero Cissori quod faciant habere uxori Johannis de Cambio, clerici de capella regis, unam robam competentem, de dono regis. Teste rege, ut supra. Per ipsum regem. Vacat, quia aliter inferius.

De quercubus datis.—Mandatum est custodi foreste regis de Bere quod habere faciat W. de Haverhull', thesaurario, vj. quercus in eadem foresta, de dono regis. Teste ut supra. Per Petrum Dorival'.

De bacino faciendo.—Mandatum est Edwardo de Westmonasterio quod fieri et depingi faciat unum magnum et pulcrum bacinum stagneum cum catenis ad hoc competentibus, sicut Henricus de Wyk, clericus, ei dicet, et bacinum predictum cum catenis mittat usque Windes' ad dependendum in capella regis ibidem. Teste ut supra. Per ipsum regem.

De roba data.—Mandatum est Johanni de Sumercote et Rogero Cissori quod habere faciant uxori dilecti vadletti regis, Bernardi de Villa Nova, unam robam integram cum furrura de scurellis et penula de bissis competentem, de dono regis. Teste ut supra. Per ipsum regem.

De bremiis datis.—Mandatum est custodi vivarii regis de Feckeham' quod de bremiis quas W., piscator regis, et Simon Hurtaud' capient in eodem vivario faciant habere Stephano Hurtaud' vj. bremias vivas ad vivarium suum instaurandum, de dono regis. Teste rege apud Windes' xxij. die Septembris. Per regem et senescallum.

De plumbo dato.—Mandatum est constabulario et custodibus operacionum castri regis Dovorie quod de plumbo quod est in custodia eorundem ibidem faciant habere Bertramo de Crioll' duas carratas plumbi, de dono regis. Teste ut supra. Per ipsum regem.

De ponendo per ballium.—Mandatum est constabulario regis de Sancto Briavello quod Sampsonem de Brocwere, captum et detentum in prisona regis de Sancto Briavello pro transgressione foreste, ponat in ballium usque adventum justiciariorum regis ad placita foreste in partibus illis. Teste ut supra. Per ipsum regem.

De venacione carrianda.—Mandatum est vicecomiti Norhamptonie quod totam venacionem quam G. de Langel', justiciarius foreste, cepit in foresta regis de Rokingh' ad opus regis, et quam ei liberabit per preceptum regis, saliri et cariari faciat usque Norhamptoniam et ibi salvo custodiri, donec ei aliud inde preceptum fuerit; et custum quod ad hoc posuerit, rex ei faciet allocari. Teste ut supra. Per senescallum.
Eodem modo mandatum est vicecomiti Notingh' de venacione capta in foresta de Rotel'.

Pro abbate de Bello et hominibus suis.—Mandatum est custodi foreste de Cett' quod districtionem quam facit abbati de Bello et hominibus suis de Covenholt pro expeditacione canum, ponat in respectum usque ad Natale Domini. Teste rege apud Windles' xxiiij. die Septembris. Per ipsum regem.

Pro abbate de Persor'.—Mandatum est Edwardo de Westmonasterio quod preter capam et callarium (sic) que nuper rex dedit abbati de Persour' adhuc ei habere faciat unam albam paretam cum amito, stola, et fanon', de dono regis, ita quod ad ultimum parata sint et promta in festo Beati Edwardi. Teste ut supra. Per ipsum regem.

Pro Petro de Bernak'.—Mandatum est vicecomiti Norhamptonie quod demandam xl. librarum quam facit Petro de Bernak' per summonicionem Scaccarii regis Judeorum, de debito Samuelis de Norwico et Abrahe filii Moss', Judeorum de Norwico, ponat in respectum usque a die Sancti Michaelis in xv. dies anno etc. xxxv^to. Teste ut supra. Per ipsum regem.
Eodem modo mandatum est vicecomiti Wygornie. Teste ut supra.

De roboribus datis.—Mandatum est constabulario regis de Sancto Briavello quod in foresta regis de Dene faciat habere Matheo Bezill', constabulario castri Gloucestrie, quatuor bona robora ad focum suum, de dono regis. Teste ut supra. Per P. Doriv[al].

Pro hominibus Roffe.—Rex reddidit hominibus Roffe libertatem ejusdem ville quam vicecomes nuper in manum regis cepit per preceptum regis usque a die Sancti Michaelis in xv. dies, anno etc. xxxv.; et mandatum est vicecomiti quod libertatem predictam eis interim restituat. Teste ut supra. Per ipsum regem.

De pacacione pro allece.—Mandatum est vicecomiti Norf' quod pacari faciat hominibus de Londonia pro ix. lestis allecis quas ballivi regis de Gernemue ab eis ceperunt racione mandati regis eis directi de l. lestis allecis ad opus regis capiendis anno preterito et unde receperunt breve regis de computabitur xiij. librarum et x. solidorum, videlicet pro qualibet lesta predictarum ix. lestarum xxx. solidorum. Teste ut supra. Per senescallum.

De ponendo per ballium.—Adam de Buretoft et Johannes de eadem, capti et in prisona regis apud Norwicum detenti pro morte Alexandri de Holkham', unde appellati sunt, habent breve vicecomiti Norf' quod ponantur per ballium. Teste ut supra.

Pro abbate de Croyllaund' et hominibus suis.—Mandatum est Hugoni de Goldingham', senescallo foreste regis, quod demandam quam facit abbati de Croylaund' et hominibus suis pro expeditacione canum suorum in ballia regis ponat in respectum usque ad festum Omnium Sanctorum, anno etc. xxxvj. Teste ut supra. Per ipsum regem.

Pro Elya de la Faleyse.—Quia rex dedit respectum Elye de la Falayse ad se militem faciendum a festo Natalis Domini proximo venturo per biennium, mandatum est vicecomiti Sussex' quod ipsum ad hoc non distringat citra terminum predictum, et districcionem, si quam in eum fecerit occasione predicta, eam sine dilacione relaxet. Teste rege apud Windes' xxviij. die Septembris. Per ipsum regem.
Eodem modo mandatum est vicecomiti Dorsete [et] Sumersete. Per ipsum regem.

De cappa data.—Mandatum est Edwardo de Westmonasterio quod provideat regi cum festinacione unam capam brudatam mediocris precii quam rex dare proposuit ecclesie monacorum de Certeseye. Teste ut supra. Per ipsum regem.

De apris datis.—Mandatum est custodi foreste de Dene quod habere faciat R. comiti Cornubie, in eadem foresta decem apros, de dono regis. Teste ut supra. Per ipsum regem.

De capa data.—Mandatum est Johanni de Sumercot' et Rogero Scissori quod Henrico le Peitevin, militi regis, faciat habere unam capam competentem, furratam de scurellis, de dono regis. Teste ut supra. Per ipsum regem.

De roba data.—Mandatum est eisdem quod Reymundo de Bovill' consanguineo suo, faciat habere unam robam competentem, de dono regis. Teste ut supra. Per ipsum regem.

De roboribus datis.—Mandatum est custodi foreste de Windles' quod in eadem foresta faciat habere abbati de Persor', escaetori regis, duo bona robora ad focum suum, de dono regis. Teste ut supra. Per ipsum regem.

De providencia ad purificacionem sororis regis.—Mandatum est vicecomiti Suhamptonie quod provideat quod modis omnibus habeat apud Windes' hac die Veneris in octabis Sancti Michaelis vel die Sabati tempestive iiij^or cingnos, iiij^or pavones, ij. grues, v^que phesantos, xv. cuniculos, xxx. perdices, et ij. braones cum capitibus bene succitis, et eos tunc illuc cariari faciat contra festum purificacionis sororis regis quod erit die Dominica proxima sequente; et rex custum et cariagium omnium predictorum, cum illa sciverit, ei faciet allocari. Teste rege apud Windes' xxviij. die Septembris. Per B. de Crioil et alios senescallos.
Eodem modo mandatum est vicecomiti Surr' [et] Sussex' de iiij. pavonibus, iiij. cingnis, ij. gruis, v. phesantis, xxv. cuniculis, xxx. perdicibus, et ij. braonibus cum capitibus bene succitis. Teste ut supra. Per eosdem.
Eodem modo mandatum est vicecomiti Oxonie [et] Berk' de iiij. cingnis, iij. pavonibus, ij. gruis, v. phesauntis, x. cuniculis, et xxx. perdicibus. Teste ut supra. Per eosdem.
Eodem modo mandatum est vicecomiti Buk' de iiij. cingnis, iiij. pavonibus, ij. gruis, v. phesantis, x. cuniculis, xxx. perdicibus, ij. braonibus. Teste ut supra. Per eosdem.

De roba data.—Mandatum est Johanni de Sumercot' et Rogero le Tayllur' quod de consimili panno quem nuper ad mandatum regis liberaverunt uxori Ernaldi Cotin, valletti regis, unam cappam habere faciat eidem, et pro pelura quam prius eidem uxori liberaverunt ad robam suam furruram de munito vario ei habere faciat ad supertunicam, pallium et capam, de dono regis. Teste ut supra. Per ipsum regem.

De quercubus ad operaciones.—Mandatum est custodi foreste de Porcestr' quod in predicta foresta faciat habere custodibus operacionum castri regis Wintonie x. quercus ad easdem operaciones faciendas. Teste rege apud Windles' xxx. die Septembris. Per regem.

Pro Willelmo de Lullebrok'.—Rex concessit Willelmo de Lullebrok' quod quamdiu fuerit viridarius regis in comitatu Berk' non ponatur in assisis, juratis, vel recognicionibus aliquibus; et mandatum est vicecomiti Berk' quod de predictis ipsum quietum esse faciat, sicut predictum est. Teste ut supra. Per ipsum regem.