Close Rolls, June 1252

Calendar of Close Rolls, Henry III: Volume 7, 1251-1253. Originally published by His Majesty's Stationery Office, London, 1927.

This premium content was digitised by double rekeying. All rights reserved.

'Close Rolls, June 1252', in Calendar of Close Rolls, Henry III: Volume 7, 1251-1253, (London, 1927) pp. 220-228. British History Online https://www.british-history.ac.uk/cal-close-rolls/hen3/vol7/pp220-228 [accessed 25 March 2024]

Image
Image
Image
Image
Image
Image
Image
Image
Image

Close Rolls, June 1252

Glouc'.—Rex vicecomiti Glouc', salutem. Pone per vadia et salvos plegios Rogerum de Mortuo Mari quod sit coram nobis a die Sancti Baptiste in xv. dies, ubicumque tunc fuerimus in Anglia, ostensurus quare vi et armis et contra pacem nostram intrusit se in manerium de Lechelad', quod est escaeta nostra de terris Normannorum; et etiam inquiras qui una cum eodem Rogero vi et armis in idem manerium se intruserunt, et omnes culpabiles pone per vadia et salvos plegios quod sint coram rege ad diem predictum; et habeas ibi nomina plegiorum et hoc breve. Teste rege apud Westmonasterium j. die Junii.

De terra replegianda.—Ricardus films Rogeri et Mariota uxor ejus venerunt coram rege die Sabati proxima post festum Sancti Augustini, et petierunt medietatem duorum mesuagiorum in Norwico sibi etc. que etc. propter etc. versus Milesent' que fuit uxor Willelmi le Sermoner; et mandatum est justiciariis de Banco. Teste ut supra.

Salop'. De attornato.—Radulfus de Leyc' attornavit coram rege loco suo Rogerum de Norhampt' ad lucrandum etc. in loquela que est coram rege inter ipsum Radulfum, querentem, et abbatem de Salop', quare idem abbas secutus est placitum de catallis etc.

Pro Thoma Horepol'.—Quia inquisicio quam rex fieri precepit de morte Thome Horepol insufficienter et minus juste per vicecomitem Essex', ut rex audivit, facta fuit, mandatum est eidem vicecomiti quod habeat coram rege in octabis Sancti Johannis Baptiste, ubicumque tunc fuerit in Anglia, Petrum de Thany et alios in brevi contentos ad eundem diem, et hoc breve. Teste ut supra.

De terra replegianda.—Episcopus Cicestrensis venit coram rege die Dominica in octabis Sancte Trinitatis, et petiit terram suam in Fisseburn' et Bruill' Cicestr' sibi etc. que etc. propter etc. versus regem. Teste etc. Idem episcopus amovit Willemum de Kernes' et Rogerum de Kent, quos prius attornavit in eadem loquela, et substituit loco ipsorum Robertum de la Olive et Robertum de Lewes, vel alterum illorum, etc.

De attornato.—Bartholomeus de Sumertun' attornavit coram rege Walterum de Heref' et Henricum de Ingewurth' ad lucrandum etc. in loquela que est coram rege inter ipsum Bartholomeum et Robertum de Castr' et alios de placito transgressionis.

De terra replegianda.—Willelmus de Gyney venit coram rege die Sabati proxima post festum Sancte Trinitatis, et petiit terrain Alani de Wychesden' in Weybred' sibi etc. que etc. propter defaltam quam idem Alanus fecit versus priorem de Mendham. Et mandatum est justiciariis de Banco. Teste rege apud Westmonasterium ij. die Junii.
Rogerus Burgeis venit coram rege die Dominica in octabis Sancte Trinitatis, et petiit terram suam in Brigewalteri sibi etc. versus etc. propter etc. versus Agnetem que fuit uxor Thome de Axebr'. Et mandatum est ut supra. Teste ut supra.
Episcopus Cicestrensis amo (cancelled).

Pro Johanne Weland'.—Ostendit regi Johannes Weland' quod cum catalla Henrici le Pox et quedam tenementa que idem Henricus tenuit ad terminum coram justiciariis ultimo itinerantibus in comitatu Sufi:' capta essent in manum regis ob fugam ipsius Henrici, rettati de morte cujusdam mulieris; et iidem justiciarii predicta tenementa dimississent predicto J. ad respondendum inde ad Scaccarium regis; ita quod idem J. per dimissionem predictorum justiciariorum fuit inde in seisina, idem Henricus postea rediit ad pacem regis, et posuit se in prisona de Melton', de qua deliberatus fuit per justiciarios ad gaiolam regis de Gipewico deliberandam assignatos; occasione cujus deliberacionis idem Henricus rehabuit catalla sua et tenementa, que tenuit ad terminum, per preceptum regis, de quibus predictus Johannes regi tenetur respondere per summonicionem Scaccarii. Et quia nemo, cujus catalla coram justiciariis itinerantibus capta fuerint in manum regis ob fugam (illam cancelled) ejus, catalla illa debet recuperare, licet postmodo ad pacem regis redeat, mandatum est vicecomiti Suff' quod non omittat propter preceptum regis, quod ei prius inde venit, quin eidem J. de predictis tenementis, que predictus Henricus tenuit ad terminum, et que prefati justiciarii eidem Johanni dimiserunt, seisinam suam rehabere faciat, tenendum usque ad finem termini quem idem Henricus inde habuit, et ipsum in seisina sua manuteneat. Teste rege apud Westmonasterium v. die Junii.

Henricus de Mar et Henricus de Bathonia assignati sunt justiciarii ad contenciones motas inter comitem Glouc' et P. de Sabaudia terminandas. Et mandatum est vicecomiti Suff' quod ad diem et locum quos ei scire facient tot et tales neutri partium suspectos, per quos rei veritas etc. Teste ut supra.
Eodem modo mandatum est vicecomitibus Essex' et Cantebr'.

De particione feodorum comitis Marescalli.—Rex vicecomiti Hertford', salutem. Quia Rogerus de Mortuo Mari et Matillis uxor ejus, Willelmus de Cantulupo et Eva uxor ejus, Umfridus de Boun et Alienora uxor ejus consenserunt coram nobis in particionem feodorum militum que de eis teneri debent, de parte que ipsos Matillidem, Evam et Alienoram hereditarie contingunt in diversis comitatibus que (sic) hereditate que fuit Walteri Marescalli, quondam comitis Pembr', et partitis feodis illis secundum homagia et servicia militum eadem feoda tenentium, devenit in partem ipsorum Willelmi et Eve servicium Willelmi de Sancto Leodegario de feodo unius militis in ballia tua, tibi precipimus quod eisdem Willelmo et Eve de predicto servicio plenam seisinam habere facies. Set, quia predicta Alienora jam in fata decessit, antequam dictus Humfridus, vir suus, et ipsa seisinam illam habuisset (sic), et idem Humfridus ex ea prolem suscitavit. tibi precipimus quod prefato Humfrido de predictis homagio et servicio plenam seisinam habere facias; quia predicta W. de Cantulupo et R. de Mortuo Mari consenserunt in hoc brevi. Teste (etc. cancelled) apud (Westmonasterium ij. die Junii cancelled) Clarendon' xiij. die Julii, anno etc.
Eodem modo mandatum est vicecomiti Wiltes' pro eisdem de servicio Mathei de Columbariis de feodis trium militum et tercia parte feodi unius militis.
Et vicecomiti Essex' pro eisdem de servicio comitis Oxon' de feodo unius militis et iija parte feodi unius militis.
Et vicecomiti Sumers' de homagio et servicio Willelmi Fossard de feodis duorum militum.
Et eidem vicecomiti de servicio et homagio Alani de Berton' de feodo unius militis. Et vicecomiti Essex' de homagio et servicio Simonis de Craye de iiijta parte feodi unius militis in Rammesden.' Et vicecomiti Cauntebr' de hamagio (sic) et servicio Alani de la Hide de feodo dimidii militis in Trumpiton'. Et vicecomiti Suhampt' de homagio et servicio Alicie de Rocheford' de feodo unius militis. Et vicecomiti Essex' de homagio et servicio Roberti de Munteny de feodo dimidii militis. Et vicecomiti Devon' de homagio et servicio Johannis filii Ricardi de feodo dimidii militis et iiijta parte feodi unius militis in Morchet. Et vicecomiti Sussex' de homagio et servicio Willelmi Gardin de viija parte feodi unius militis.
Eodem modo mandatum est vicecomiti Dors' pro Rogero de Mortuo Mari et Matillide uxore ejus de homagio et servicio Willelmi Polit' de feodo j. militis. Et vicecomiti Wiltes' de servicio Mathei de Columbariis de feodis trium militum et iija parte feodi unius militis. Et vicecomiti Norf' de homagio et servicio Roberti de Vallibus de feodo dimidii militis. Et vicecomiti Essex' de homagio et servicio Humfridi filii Walteri de iiijta parte feodi unius militis. Et vicecomiti Cantebr' de homagio et servicio Ricardi de la Bere de iiijta parte feodi jus militis. Et vicecomiti Wygorn' de homagio et servicio Willelmi de Faukeny de xiija parte feodi jus militis. Et vicecomiti Suhampt' de homagio et servicio heredis Ricardi Suward de feodo jus militis. Et vicecomiti Wiltes' de homagio et servicio Roberti Bernard' de feodo dimidii militis. Et eidem vicecomiti de homagio et servicio Ricardi de Paris de tribus partibus feodi jus militis. Et eidem vicecomiti de homagio et servicio Ricardi Berenger de feodo dimidii militis. Et vicecomiti Hertf' de homagio et servicio Willelmi de Sancto Leodegario de feodis duorum militum et vjta parte feodi unius militis. Et vicecomiti Suff' de homagio et servicio Willelmi de Sancto Albano de feodo jus militis. Et vicecomiti Essex' de servicio comitis Oxon' de feodo jus militis et iija parte feodi unius militis.
Eodem modo mandatum est vicecomiti Wiltes' pro Humfrido de Boun et Alienora uxoris sue (sic) de homagio et servicio Mathei de Columbariis de feodis iij. militum et iija parte feodi jus militis. Et vicecomiti Cauntebr' de homagio et servicio Ingerami de Aubernun de feodis ij. militum. Et vicecomiti Dors' de homagio et servicio Johannis de Turbervill' de xla parte feodi jus militis. Et vicecomiti Devon' de homagio et servicio Johannis le Butiller de vij. parte feodi jus militis. Et vicecomiti Sussex' de homagio et servicio Roberti Waler' de iiijta parte feodi unius militis in Pevenes'. Et vicecomiti Buk' de homagio et servicio Willelmi Talebot de feodo unius militis in Esinton'. Et vicecomiti Oxon' de homagio et servicio Galfridi de Wauncy de feodo dimidii militis in Clive. Et vicecomiti Wilt' et (sic) homagio et servicio Willelmi Talemasch' de iijbus partibus feodi unius militis in Sunburn' et Templigton'. Et vicecomiti Devon' de homagio et servicio Johannis Punchard' de feodo dimidii militis; et vicecomiti Hertford' de servicio Willelmi de Sancto Leodegario de feodo jus militis et ijbus partibus et vja parte feodi jus militis. Et vicecomiti Essex' de servicio comitis Oxon' de feodo unius militis et iija parte feodi jus militis.

[Schedule.]

Pars Rogeri de Mortuo Mari et Matillidis uxoris ejus in comitatu Penbrok'.
De Simone Juvene homagium et servicium feodi dimidii militis.
De Galfrido de Rupibus homagium et servicium feodorum duorum militum.
De Willelmo filio Johannis homagium et servicium feodi dimidii militis.
Pars Willelmi de Cantilupo et Eve uxoris sue in comitatu Penbrok'.
De Willelmo de Penlay homagium et servicium feodi unius militis.
De Ada filia Ricardi homagium et servicium feodi dimidii militis.
De Johanne de Porta et participibus suis homagium, servicium feodi unius militis et dimidii.
De Stephano de Sancto Albino homagium et servicium feodi dimidii militis.
Pars Humfridi de Boun et Alienore uxoris ejus in comitatu predicto.
De Johanne de Rupe homagium et servicium feodi unius militis et tercie partis feodi de baronia de Rupe.
De Willelmo Robelin homagium et servicium dimidii militis in villa de Robelin.
De Stephano de Cantingiton' homagium et servicium decime partis feodi unius militis.

De recordo cujusdam loquele habendo coram justiciariis de Banco.— Mandatum est Rogero de Thurkilby et sociis suis itinerantibus in comitatu Leyc' quod recordum loquele que est coram eis per breve domini regis inter Philippum de Arcy, querentem, et Henricum de Bathonia, deforciantem, de custodia Johanne filie et heredis Nicholai de Quatermars et de manerio de Heldefold' cum pertinenciis in scriptis redactum sub sigillis suis faciant habere justiciariis de Banco in octabis Sancti Michaelis, prefigentes partibus tunc diem coram eisdem justiciariis, quia dominus rex vult quod ipsa loquela coram eis terminetur: et quod mittant hoc breve. Teste rege apud Westmonasterium v. die Junii. Per Ertaldum Sancto Romano (sic).

De assisis capiendis in comitatu Ebor'.—Mandatum est vicecomiti Ebor' quod omnes assisas nove disseisine que arramiate fuerunt coram justiciariis qui ultimo itineraverunt in comitatu suo, et que remanserunt capiende in recessu eorundem, et etiam omnes assisas nove disseisine que post recessum arramiate sunt coram justiciariis proximo itineraturis in eodem comitatu, venire faciat coram Rogero de Turkelby et Ada de Hilton' apud Eboracum ad diem etc. Teste ut supra.

[m. 15d.]

De terra replegianda.—Agnes de Gunneby venit coram rege die Mercurii proxima ante festum Sancti Barnabe apostoli et petiit terram suam in Wyperton' sibi etc. que etc. propter etc. quam fecit versus Lambertum de Trikingham. Et mandatum est justiciariis de Banco. Teste ut supra.

Wasconia. Quia ex querimonia pauperum hominum regis de Marsak' rex intellexit quod comes Leyc' indebite molestat et gravat eosdem, rex mandavit archiepiscopo Burdegalensi ut super hiis diligentem faciat inquisicionem: et nichilominus rex mandat predicto comiti, vel ejus locum tenenti in Wasconia, quod decetero a talibus gravaminibus cesset, manutenens eosdem in foris et consuetudinibus suis antiquis in (sic) quibus in primo adventu suo in Wasconia usi fuerunt. Teste rege apud Westmonasterium ix. die Junii.
Et mandatum est archiepiscopo Burdegalensi quod super premissis inquisicionem faciat et quicquid in dampnum vel molestiam predictorum pauperum contra justiciam attemptatum invenerit, scire faciat comiti Leyc' vel ejus locum tenenti in Wasconia, injungens eisdem quod id emendari faciant. Teste ut supra.

De prohibicione cujusdam perambulacionis.—Rex vicecomiti Noting', salutem. Quia datum est nobis intelligi per ballivum nostrum de Pecco quod, si perambulacio illa fieret quam a te fieri precepimus inter terram Johannis de Aencurt in Holmefeld'et terram Ricardi de Vernun et Roberti Basset in Basselawe, occuparetur super dominicum nostrum de Pecco, tibi precipimus quod nec illam perambulacionem nec aliam fieri facias que nobis et heredibus nostris cedat ad exeredacionem. Teste rege apud Windes.'

De attornato.—Abbas de Quarera attornavit coram rege loco suo fratrem Willelmum de Suineston', Nicholaum de Tissebir,' monachos, ad lucrandum etc. in loquela que est coram rege inter ipsum abbatem et Walterum Tholom', personam de Arden', de communa pasture.

De querela quorundam de diocesi Linc'.—Rex episcopo Lincolniensi, salutem. Ex querela multorum accepimus, tam magnatum de dyocesi vestra quam aliorum, per quosdam clericos vestros, et decanos quosdam, citari facitis passim et indifferenter pauperes homines de diocesi vestra, et quosdam liberos homines, cujuscumque sint homines, et trahitis eos de locis variis ad loca varia, et eos artari facitis per penam excommunicacionis ad capiendum coram predictis clericis et subditis vestris ad loca varia et eis honerosa, dum vacare debeant agrorum culture et aliis temporalibus agendis suis necessariis, pro quo depauperantur indebite et enormiter vexantur; et insuper, quod inauditum est, eos jurare compellunt predicti scrutatores vestri de privatis peccatis aliorum, que non sunt, ut dicitur, publica cohercione purganda, pro quo multi Christiani forte preter merita turpiter diffamantur; et quia hujusmodi vexaciones contra longam consuetudinem regni nostri sunt excogitate, et duplex populo per eas iminet periculum, tum propter laborum necessariorum omissionem, tum propter sacramentum prestitum super privatis factis aliorum, in quibus homines decipiuntur, per quod reatum perjurii de facili possunt incurrere, vobis prohibemus ne decetero hujusmodi convocaciones populi fieri faciatis in diocesi vestra contra regni nostri consuetudinem et usum longevum (?); nec etiam audivimus quod ecclesia consueverit aliquos ad testimonium perhibendum compellere nisi in certis causis, et nisi quis se gracia odio vel timore subtraxerit a testimonio perhibendo; et sciatis quod, nisi a predictis inusitatis populi ac indebitis vxacionibus (sic) desistatis, vos sustinere non poterimus ulterius quin ad hoc manus regias apponemus. Teste rege apud Windes' xiiij. die Junii.

De inquisicione facienda apud Cantuariam.—Mandatum est vicecomiti Kancie quod accedat ad civitatem Cantuarie et coram ballivis ejusdem ville, J. de Sumercote et J. de Verdun, inquirat utrum Sall', Judeus Cantuarie, sustulit edificium ad nocumentum domui cambii Cantuarie et ita quod gutera predicte domus cambii amiserit rectum cursum suum, et ad deterioracionem domus regis. Et inquisicionem illam mittat thesaurario et baronibus de Scaccario.

Pro Willelmo de Cotesbrok'.—Mandatum est vicecomiti Norhampt' quod secundum formam prioris brevis faciat habere seisinam Willelmo de Cotesbrok' de terra sua de Cotesbrok; et ipse sit coram rege a die Sancti Johannis Baptiste in xv. dies, ubicumque rex tunc fuerit in Anglia, super contemptu regis responsurus. Teste ut supra.

De respectu milicie.—Rex dedit respectum Willelmo filio Radulfi de Penbrok de se milite faciendo a die Sancti Johannis Baptiste anno etc. xxxvj. usque in duos annos sequentes. Et mandatum est vicecomiti Norhampt'. Teste etc.

Wasconia.—Rex R. de Fos magistro milicie Templi in Anglia et N. de Molis, salutem. Mandamus vobis quod diligenter inquiratis que dampna Willelmus Revel, Vigerus de Fronc', Guillelmus Ernald' de Cadilac', Elyerard de Franc', Brunus de Saye, Girardus Iterii, Reymundus Willelmi de la Garde, Eil' de Cadilac', Bertrandus de Foyliis, Petrus de Buscat, Audowinus de Pravill' et Bertrandus de Tulac sustinuerunt occasione servicii nostri in guerra de Fronciaco; et illa nobis scire faciatis. Quia cum constiterit nobis de predictis dampnis, ita racionabiliter per consilium vestrum intrabimus providere eisdem in festo Sancti Michaelis in Septembri proximo venturo, quod nullum inde peccatum incurremus. Teste rege apud Windes' xvij. die Junii.
Rex omnibus etc. salutem. Sciatis quod mandavimus R. de Fos et Nicholao de Molis, quos in nuncium nostrum mittimus in Wasconiam ad inquirendum que dampna Willelmus de Monte Revell' et omnes alii in priori brevi nominati sustinuerunt in guerra de Fronciaco occasione servicii nostri. Et cum nobis constiterit de predictis dampnis etc. ut in superiori brevi.

De monasterio Westmonasterii.—Rex omnibus et singulis mercatoribus ultramarinis London' commorantibus, salutem. Quia monasterium Westmonasterii, que nostra capella est et cujus sumus patroni, specialiter reputamus nostrum, et speciali diligimus affectione, nolentes illud ere nimis obligari alieno, vobis precise mandamus quod monachis ejusdem monasterii, super sigillum capituli, sine nostro et abbatis consensu, nec etiam ipsi abbati, nostro assensu irrequisito, pecuniam illam mutuare presumatis; hoc idem sociis vestris in curia papali seu alibi commorantibus intimantes. Teste rege apud Rading' xvij. die Junii.

[m. 14d.]

De inquisicione Judaismi.—Eduuardus de Westmonasterio, Willelmus le Bretun et Thomas Esperun assingnati sunt ad inquisicionem faciendam de concelamentis Judaissmi, tam in civitate Lond' quam alibi. Teste ut supra.

Linc'.—Mandatum est vicecomiti Linc' quod in pleno comitatu suo et per totam balliam suam clamari faciat ne laici de ballia sua, cujuscumque sint homines vel tenentes, veniant ad sumoniciones episcopi Lincolniensis vel scrutatorum et subditorum suorum ad abortivas et non consuetas in regno nostro de privatis peccatis Christianorum inquisiciones faciendas, quibus non nulli Christiani Lincolniensis diocesis, sequente volatili fama, turpiter diffamantur. Veruntamen non prohibeas quominus pro placitis certis que prosecuntur vel defendunt in foro ecclesiastico, vel pro verbo Dei audiendo vel aliis causis similibus honestis, ad ipsius episcopi et subditorum suorum sumoniciones locis consuetis compareant. Teste rege apud Wintoniam xix. die Junii.

De excommunicatis justificandis.—Quia Johannes de Monemue ad mandatum Landavensis episcopi non vult justificare excommunicatos degentes in libertate sua, mandatum est eidem quod excommunicatos in libertate sua per corpora sua justiciet, ut moris est in regno regis, alioquin rex ad mandatum ipsius episcopi in libertate sua faciet justiciari. Teste ut supra.

Pro Emma que fuit uxor G. Dispenser.—Mandatum est Philippe comitisse Warr' quod permittat Emmam que fuit uxor Galfridi le Despenser uti eisdem libertatibus quibus predictus Galfridus tempore suo usus fuit, et ipsam contra easdem libertates in nullo molestet. Teste ut supra per R. Waler'.

Pro Johanne de Litlebir' et Margeria uxore ejus.—Rex justiciariis itinerantibus in comitatu Leyc', salutem. Ostensum est nobis parte (sic) Johannis de Litlebir' et Margerie, uxoris ejus, quod cum ipsi peterent in curia nostra coram justiciariis nostris de Banco iiij. bovatas terre cum pertinenciis in Wisho versus Walterum de Steinton' per breve nostrum de ingressu, ut maritagium ipsius Margerie dimissum eidem Waltero per Warinum de Vernun, primum virum suum, et objectum fuisset eisdem J. et Margerie quod predicta Margeria in ligia viduitate sua confirmavit donacionem, quam idem Warinus, quondam vir suus, fecit Willelmo de Staff' waranto ipsius Walteri et Ade uxori ejus de predictis iiijor bovatis terre, dicti Johannes et Margeria diffitentes hoc posuerunt se super hoc in inquisicionem proximorum liberorum et legalium hominum de vineto de Wisho, qui, cum essent electi per preceptum nostrum et parcium consensu, ut in rotulis nostris dicitur contineri, et postea coram vobis in itinere vestro apud Noting' prompta esset illa inquisicio capienda, partibus presentibus, dictus Willelmus dicebat se cum parte adversa non solum posuisse se super veredictum inquisicionis electe de probis hominibus vineti predicti comitatus Noting', set etiam super veredictum proborum hominum de comitatu Staff' eidem inquisicioni adjungendorum, et hoc diffitente parte adversa, super hoc utraque pars posuit se in recordo rotulorum nostrorum ad mcrandum vel perdendum, et licet per recordum ejusdem rotuli repertum fuerit quod partes consenserint in inquisicionem faciendam per probos et legales homines ejusdem vineti et comitatus Noting' et non comitatus Stafford', nihilhominus judicium super hoc prorogatus est, ut dicitur, et iterum alii inquisitores ad hoc sunt invitati. Et ideo vobis mandamus quod atterminetis inquisicionem prius ad hoc electam coram justiciariis nostris de Banco a die Sancti Michaelis in xv. dies capiendam,mittentes tunc illuc recordum rotuli nostri, et partibus diem ilium prefigentes, et mittatis eis hoc breve. Teste ut supra. Per R. Waler' et consulentes.

Pro Ricardo de Wenlop'.—Mandatum est vicecomiti Suhampt' quod non distringat vel distringi permittat Ricardum de Wenlop' ad arma capienda dummodo fuerit in servicio regis cum N. de Molis, quia rex ei dedit respectum usque ad Pascha proximo futurum. Teste ut supra.

Pro abbate de Derley.—Mandatum est Galfrido Barre, Simoni de Hedon,' Willelmo de Saundeby et Roberto de Furnell,' quod, quia rex non vult quod omnino destruant subboscum foreste et parci regis de Bolesovr', quin abbas de Derley et Ricardus Ingeram habeant ibidem quod de jure habere debent et solent, mandatum est eisdem quod aliter vendicionem non faciant quam in litteris patentibus quas venditores subbosci regis habent continetur. Teste rege apud Wintoniam xxv. die Junii.

[m. 13d.]

Pro Henrico de Erleg'.—Mandatum est baronibus de Scaccario quod scrutatis rotulis suis regi scire faciant quid et quantum et qualiter exigitur a Henrico de Erleg' de tempore quo fuit vicecomes Sumers' et Dors' ultra certain firmam eorundem comitatuum, et de hiis que ab eo exiguntur ad predictum Scaccarium ultra firmam predictam, respectum ei habere faciant usque ad festum Sancti Michaelis anno etc. xxxvj. Teste rege apud Wintoniam xxvj. die Junii.

Pro Waltero filio Nicholai Dismars.—Rex vicecomiti Berk', salutem. Si Nicholaus Dismars, serviens noster, fecerit te securum quod Walterus, filius suus, qui est in servicio nostro in Wasconia, veniet ad pacem nostram et stabit recto, si quis versus eum loqui voluerit de pace nostra infracta unde appellatus fuit, tibi precipimus quod a die Apostolorum Petri et Pauli anno etc. xxxvj. usque in unum annum non facias eum propter hoc vocari de comitatu in comitatum, quia usque tunc dedimus ei respectum ad respondendum super hoc, quia ibidem est in servicio nostro. Teste rege apud Werevell' xxviij. die Junii.

Pro Rogero Galiun.—Data est dies vicecomiti Essex' in crastino Sancte Margarete virginis coram rege, ubicumque tunc fuerit in Anglia, ad respondendum Rogero Galiun de injuria sibi illata et averiis suis captis.