Close Rolls, January 1253

Close Rolls, January 1253

De damis datis.—Mandatum est custodi foreste de Roteland' quod faciat habere Ricardo comiti Cornubie xl. damas vivas et xx. damos vivos de dono regis. Teste rege apud Guldeford' primo die Januarii.

De braemiis datis.—Mandatum est ballivo de Merleberge quod faciat habere eidem xx. matrices braemias ad instaurandum vivarium suum de Corsham. Teste ut supra.

De uno dolio vini dato.—Mandatum est Roberto de Dacr', captori vinorum suorum, quod habere faciat Willelmo de Gardinis unum dolium vini de dono regis. Teste ut supra.

De damis datis.—Mandatum est custodi parci de Geudeford' quod in eodem parco faciat habere Galfrido de Lezingn' viij. damas et iiij. damos vivos ad quendam parcum suum instaurandum, de dono regis. Teste rege apud Merton' iij. die Januarii.

De unodolio vini dato.—Mandatum est camerario London' quod de vinis regis que sunt in custodia sua faciat habere Stephano de Salinis unum dolium vini de dono regis. Teste rege apud Westmonasterium xxiiij. die Marcii.

De damis datis.—Mandatum est constabulario de Sancto Briavello quod in foresta de Dene faciat habere Matheo Bezill' vij. damas et duos damos vivos ad quendam parcum suum instaurandum, de dono regis. Teste ut supra.

De ponendo per ballium.—Willelmus de Sunton' et Nicholaus de Sunton', capti et detenti in prisona regis Eboraci pro morte Rogeri le Berker unde rettati sunt, habent litteras vicecomiti Ebor' quod ponantur per ballium. Teste ut supra.

De quercubus datis.—Mandatum est Reginaldo de Moun, justiciario foreste, quod in foresta de la Saucee faciat habere sacriste Westmonasterii vj. quercus ad maeremium, de dono regis. Teste rege apud Westmonasterium vij. die Januarii.

De quercubus ad operaciones molendinorum Noting'.—Mandatum est eidem quod in foresta de Shireuuode faciat habere custodibus operacionum molendinorum regis de Notingham cc. quercus ad easdem operaciones. Teste ut supra.

De warenna capienda in manum regis.—Mandatum est ballivo de Sumerton' quod warennam regis de Sumerton' capiat in manum regis et eam salvo custodiri faciat donec aliud a rege habuerit in preceptis; et, si quis in custodia ejusdem warenne jus sibi vendicaverit, ad regem veniat si voluerit et rex ei justiciam faciet exhiberi. Teste ut supra.

De bissis datis.—Rex ad instanciam W. de Valenc' (unfinished).
Rex dedit Guidoni de Rupe Forti duas bissas in foresta de Morf'; et mandatum est custodi predicte foreste quod predictas bissas eundem Guidonem capere permittat. Teste ut supra.
Eodem modo mandatum est eidem de duabus bissis datis Roberto Wallerand'. Teste ut supra.

De quodam prisone liberando ballivo de Mungumery.—Mandatum est Thome Corbet quod Cadwalader ab Hoel, hominem regis, quem detinet in castro suo de Cauz pro morte Eynuny del Gret, liberari faciat ballivo regis de Mungumery, et homines suos qui indictati sunt de morte eadem habeat promptos ad standum recto secundum consuetudinem partium illarum quando rex preceperit et quando debebit. Teste ut supra.

De damis capiendis ad opus regis.—Rex mittit ad partes Essex' Hugonem Franceis et Robertum de Suninges ad capiendum in bosco de Haffeld' ad opus regis xx. damas et in bosco de Blacholehey xv. damas. Et mandatum est Ricardo de Munfichet quod ipsos capere permittat et consilium et auxilium eis impendat. Teste rege apud Merton' viij. die Januarii.

De compoto prorogando.—Rex dedit respectum Willelmo de Insula, vicecomiti Norhampt', Simoni de Trop, Roberto Basset et Simoni de Maydeuuell', filio et heredi Alani de Maydewell, quondam vicecomitibus ejusdem comitatus, de compoto suo reddendo usque a die Pasche proximo futuri in unum mensem. Et mandatum est baronibus de scaccario quod predictum respectum eis habere permittat (sic). Teste rege apud Merton' viij. die Januarii.

De braemiis datis.—Mandatum est constabulario de Merleberge quod preter illas xx. matrices braemias quas rex nuper dedit R. comiti Cornubie in vivario de Merleberge adhuc faciat habere eidem alias xx. matrices bremias ad quendam (sic) vivarium suum instaurandum de dono regis. Teste ut supra.
Eodem modo mandatum est vicecomiti Ebor' pro Rogero de Turkelby de xx. braemiis in vivario de Fosse. Teste ut supra.

De quercubus ad operaciones regis.—Mandatum est Reginaldo de Moun, justiciario foreste, quod in parco regis de Clive faciat habere vicecomiti regis Norhampt' duas quercus ad operaciones regis de Clive; et in bosco de Gatisle tres quercus ad operaciones de Geytinton'; et in bosco de Haynle duas quercus ad operaciones de Selveston'. Teste ut supra.

De damis datis.—Mandatum est Fulconi de Orreby, custodi foreste de la Mare, quod in predicta foresta faciat habere Hugoni le Despenser octo damas et duos damos vivos ad parcum suum de Barwe instaurandum, de dono regis. Teste ut supra.

Pro hominibus de Kingeston'.—Homines de Kingeston' sepeliri fecerunt per preceptum regis quendam puerum interfectum inventum nudum et mortuum super Thamisiam extra Kingeston' in ultimo transitu regis per partes illas, nulla facta inquisicione de morte ejusdem pueri per vicecomitem Surr' vel coronatores ejusdem comitatus, sicut moris est in regno: et mandatum est justiciariis proximo itineraturis in comitatu Surr' quod predictos homines propter hoc non occasionent aut gravent. Teste ut supra.

Pro Salomone le Evesk', Judeo.—Rex concessit Salomoni le Evesk', Judeo, per finem quam fecit cum rege, quod de debitis que ei debentur et que sunt extra arcam cyrographorum Judeorum sine occasione petere possit debita illa usque ad summam xx. librarum ac si eadem debita essent infra arcam predictam. Et mandatum est justiciariis ad custodiam Judeorum assingnatis quod sic fieri faciant. Teste ut supra. Per ipsum regem. (Cancelled) Quia aliter inferius.

De escaetore constituto.—Rex constituit Reginaldum de Watervill' escaetorem suum loco Petri de Goldinton defuncti; et mandatum est vicecomiti Norhampt' quod accepto ab eo sacramento etc. Teste ut supra.

De prisonibus liberandis.—Mandatum est ballivo de Gillingham quod illos quatuor prisones, quos nuper capi fecit in warenna de Sumerton' et detinuit in prisona, eo quod secundum legem terre noluerint invenire plegios, liberet vicecomiti Sumerset' custodiendos sicut rex ei precepit. Teste ut supra.
Et mandatum est vicecomiti Sumerset quod illos recipiat et salvo custodiat donec rex aliud inde preceperit. Teste ut supra.

Pro Rogero filio Roberti le Paumer.—Mandatum est custodi manerii de Ulvestorp' quod de manerio de Ulvestorp', quod est in manu regis, faciat habere singulis annis Rogero filio Roberti le Paumer unum quarterium frumenti ad eosdem terminos, ad quos illud percipere consuevit tempore Emme de Bella Fago, per cyiographum inde inter eos confectum, cum uno quarterio frumenti quod ei arretro est de anno etc. xxxvj. Teste ut supra.

Pro magistro Paulino de Bampton'.—Quia rex accepit per inquisicionem, quam per abbatem de Persore fieri precepit, quod Henricus Cole interfecit quendam hominem per feloniam, pro qua dimidia virgata terre cum pertinenciis in Luguuardin quam de rege tenuit in capite est escaeta regis, mandatum est predicto abbati quod custodiam illius terre committat ex parte regis magistro Paulino de Bampton' donec regi constiterit quod idem Henricus pro felonia illa fuerit utlagatus; et cum super hoc rex fuerit certioratus, rex cartam suam de feoffamento eidem servienti fieri faciet. Teste ut supra.

Pro Nicholao de Crioll'.—Mandatum est custodi foreste de Roteland' quod permittat Nicholaum de Cryoll' capere in bosco suo de Warle, qui est infra metas predicte foreste, xxx. quercus ad maeremium et eas cariare ad edificandum quo voluerit. Teste ut supra.

De pecunia mittenda usque Blaviam.—Quia gravis contencio mota est inter Burdegalenses et illos de Blavia, mandatum est justiciario Hibernie quod totam pecuniam quam rex mitti precepit usque Burdegalam liberandam priori Fratrum Ordinis Predicatorum et distribuendam inter Galfridum de Blavia et Girardum et Galfridum filios suos, mittat usque Blaviam inter eos dividendam, secundum tenorem litterarum quas rex ei alias misit. Teste ut supra.

De damis datis.—Mandatum est custodi foreste de Geytinton' quod faciat habere Elye de Rabayn iij. damas in eadem foresta de dono regis. Teste rege apud Keniton xj. die Januarii.

De una roba data.—Mandatum est Ricardo de Shireburn' et Rogero Scissori quod faciant habere Galfrido capellano regis de Keniton' unam robam sibi convenientem de dono regis. Teste ut supra.

De quercubus datis.—Mandatum est J. de Lessinton', justiciario suo foreste ultra Trentam, quod in foresta regis de Shirewod' faciat habere Ricardo de Shireburn', clerico regis, x. quercus ad maeremium, de dono regis. Teste ut supra.

De denariis missis ad aurum emendum.—Rex mittit Eduuardo de Westmonasterio xxx. marcas, de quibus emat aurum et illud ad regem sine dilacione mittat. Teste rege apud Wind' xiij. die Januarii.

De uno dolio vini dato.—Mandatum est camerariis Lond' quod Ricardo de Shireburn' faciant habere unum dolium vini de dono regis, et illud rex eis faciet allocari. Teste rege apud Windes' xiiij. die Januarii. Per priorem de Novo Burgo.

Pro comitissa Kanc.'—Quia rex talliari fecit dominica sua per Angliam, mandatum est vicecomiti Suff' quod, si manerium de Westhale fuerit dominicum regis vel predecessorum suorum regum Anglie et talliari consueverint (sic), tunc Margerie comitisse Kanc' de tenentibus suis in eodem manerio racionabile tallagium habere faciat. Teste ut supra.
Eodem modo mandatum est vicecomiti Cantebr' de manerio de Saham. Teste ut supra.

De escaetore constituto.—Rex constituit Nicholaum de Nodariis escaetorem suum in comitatu Oxon' loco Guydonis filii Roberti. Et mandatum est vicecomiti Oxon' quod prestito sacramento etc. Teste ut supra.

De quodam intendendo senescalcie foreste.—Cum rex commiserit Johanni de Lessinton' justiciariam foreste ultra ripam Trente et Willelmus de Bozhale tempore Galfridi de Langel' officio senescalcie intenderit, mandatum est eidem Willelmo quatinus, quamdiu eidem Johanni placuerit, officio illi sub eodem intendat. Teste ut supra.

De robis datis.—Mandatum est Ricardo de Shireburn' et Rogero Cissori quod liberari faciant duabus filiabus Reginaldi de Drumare duas robas ipsis puellis convenientes, de dono regis. Teste rege apud Wind' xv. die Januarii.

De vinis capiendis ad opus regis et regine.—Mandatum est ballivis Suhampt' quod permittant Willelmum Chubbe et alios pincernas regis capere de melioribus vinis ville sue ad opus regis et regine non obstante aliquo alio mandato contrario super hoc eis directo. Teste ut supra. Per Johannem de Grey.

De uno dolio vini dato.—Mandatum est Johanni de Gysorc' (fn. 1), camerario suo Lond', quod de vinis regis que sunt in custodia sua faciat habere Imberto Pugeys unum dolium de prisa de dono regis. Teste ut supra.

De quercubus datis.—Mandatum est Reginaldo de Mohun justiciario foreste citra Trentam, quod in bosco regis de Pauncehal' in foresta de Bernewod' faciat habere Johanni filio Bernardi sex quercus ad maeremium de dono regis. Teste ut supra.

De uno dolio vini dato.—Mandatum est camerariis Lond' quod de vinis regis que sunt in custodia sua faciant habere Rogero de Ros unum dolium vini de dono regis. Teste ut supra. Per B. de Crioyl. (Added) Postea mutata fuit data apud Wauth' j. die Aprilis.
Mandatum est camerariis Lond' quod de vinis que sunt in custodia sua faciant habere magistro Alberto unum dolium vini de dono regis. Teste rege apud Windes' xvij. die Januarii.

Pro Radulfo filio Nicholai.—Quia Rex talliari fecit dominica sua, mandatum est vicecomiti Glouc' quod faciat habere Radulfo filio Nicholai racionabile tallagium de hominibus suis de manerio de Pichencumbe, quod aliquando fuit dominicum nostrum, si talliari consueverit. Teste ut supra.

De rotulis justiciariorum foreste liberandis.—Mandatum est Baldewino de Paunton' quod rotulos de itinere G. de Langele et suo ad placita foreste ultra Trentam regi per latorem presencium regi habere faciat ad certificandum Johannem de Lessinton' super quibusdam articulis forestam contingentibus. Teste ut supra.

De ponendo per ballium.—Nigellus de Hereford, captus et detentus in prisona regis de Jakele pro morte Sarre the Rede unde rettatus est, habet litteras vicecomiti Hunted' quod ponatur per ballium. Teste ut supra.

De quercubus ad operaciones de Windes'.—Mandatum est Johanni de Venuc', custodi foreste de Axiholt, quod in predicta foresta faciat habere custodibus operacionum regis de Windles' 1. quercus ad maeremium ad easdem operaciones faciendas. Teste rege apud Windles' xviij. die Januarii.

De maeremio ad easdem operaciones.—Mandatum est G. de Liston', custodi foreste de Windles', quod in predicta foresta faciat habere eisdem custodibus maeremium quantum necesse fuerit ad magnam coquinam ballii castri regis de Windles' emendandam per talliam inter ipsos de numero quercuum. Teste ut supra.

Pro hominibus de Ruston'.—Mandatum est Alano la Zusch', justiciario Cestrie, quod demandam tallagii assessi super homines regis de Ruston' ponat in respectum usque ad festum Sancti Michaelis. Teste ut supra. Per ipsum regem.

De roba data.—Mandatum est Ricardo de Shireburn' et Rogero de Ros quod faciant habere Edeline filie Henrici de Trublevill' robam sicut alias habere consuevit, de dono regis. Teste ut supra.

Pro priore de Merton' et hominibus suis.—Mandatum est vicecomiti Surr' quod non permittat quod ballivi regis de Kingeston' distringant priorem de Merton' vel homines suos in villa de Kingeston' contra tenorem confirmacionis regis, set articulos in ea contentos eis faciat observari. Teste ut supra. Per ipsum regem.
Idem mandatum est baronibus de scaccario.

De roba data.—Mandatum est Ricardo de Shireburn' et Rogero de Ros quod magistro Burnello, carpentario regis, faciant habere unam robam sicut uni ex servientibus regis hac vice de dono regis. Teste rege apud Windes' xix. die Januarii. Per regem.

De quercubus datis.—Mandatum est Ernaldo de Bosco, justiciario foreste, quod in bosco de Esseuuode in comitatu Staff' faciat habere abbati de Persore sex bonas quercus cum escaetis ad maeremium ad fabricam cujusdam capelle apud Persore, de dono regis. Teste ut supra. Per H. de Wengh'.

Pro Roberto de Maris.—Rex dedit Roberto de Maris catalla que fuerunt Andree de Magna Billing', qui abjuravit regnum regis pro latrocinio, unde rettatus est, et que ad regem pro felonia illa pertinent; et mandatum est justiciariis itinerantibus in comitatu Norhampt' quod catalla illa ei habere faciant. Teste rege apud Windes' xx. die Januarii. Per abbatem de Persore.

Pro magistro navis Sancte Marie de la Quarere.—Quietanciam, quam rex fecit magistro navis Sancte Marie de la Quarere, rex non vult infirmari; et mandatum est ballivis Suhampt' et captoribus vinorum regis ibidem quod nulla vina ejusdem navis capi faciant ad opus regis, nisi de voluntate mercatorum ejusdem navis; salva tamen regi debita prisa sua. Teste ut supra. Per regem.

De quercubus datis.—Mandatum est custodi foreste de Bernewod' quod in eadem foresta faciat habere magistro Roberto de Saunford', coco, quatuor quercus ad maeremium, de dono regis. Teste ut supra. Per H. de Wengh'.

De damis datis.—Mandatum est J. de Lessinton', justiciario foreste ultra Trentam, quod in foresta regis de Gautric' faciat habere priori de Novo Burgo quatuor damas de dono regis. Teste ut supra. Per R. Waler'.

De quercubus datis.—Mandatum est constabulario de Divisis quod in foresta regis de Chippeham faciat habere Agneti de Rudon' tres quercus ad maeremium ad sustentacionem molendini sui, de dono regis. Teste ut supra. Per eundem.
Mandatum est Avicie de Columbariis, custodi foreste de Cette, quod in eadem foresta faciat habere Roberto de Muscegros xv. quercus ad maeremium de dono regis. Teste ut supra. Per abbatem de Persor'.

De damis datis.—Mandatum est Reginaldo de Moun, justiciario foreste, quod in foresta de Wauberge faciat habere Rogero de Quency, comiti Winton', sex damas et duos damos ad parcum suum de Suho instaurandum de dono regis. Teste rege apud Windes' xxj. die Januarii. Per regem.

De damis capiendis ad opus regis (sic.)—Mandatum est eidem quod in foresta de Wytleuuode permittat Johannem de Grey capere ad opus suum quinque damos et decem damas de dono regis. Teste ut supra. Per regem.

Pro Simone de Hurtaud'.—Rex dedit et concessit Simoni Hurtaud', servienti suo, x. acras purpresture in Braye, que jacent in plano foreste regis inter terram Michaelis de Braye et Ade Hals, habendas sibi et heredibus suis pro tribus solidis annuatim solvendis ballivo regis de Braye, qui pro tempore fuerit, ad opus regis ad duos terminos anni, videlicet xviij. denarios ad Pascha et xviij. denarios ad festum Sancti Michaelis, pro omni servicio. Et mandatum est Godefrido de Liston' quod terram illam per magnam perticam regis amensurari et eam prefato Simoni liberari faciat per visum et testimonium legalium hominum. Teste ut supra. Per abbatem de Persor'.

De roba data.—Mandatum est Ricardo de Shireburn' et Rogero Scissori quod hac vice faciant habere Laurencio, capellano ministranti in capella turris regis Windles', unam robam sibi convenientem, de gracia regis. Teste ut supra. Per regem.

De quercubus ad operaciones Colecestr'.—Mandatum est Ricardo de Munfichet, senescallo foreste regis Essex' quod in eadem foresta permittat custodes operacionum castri regis de Colecestr' capere xx^ti quercus ad easdem operaciones. Teste ut supra. Per regem.

Pro Willelmo de Valenc'.—Rex dedit et carta sua confirmavit dilecto fratri suo W. de Valenc' et heredibus suis illam partem manerii de Colingburn' cum pertinenciis quam regi dedit Avicia de Columbariis pro transgressione foreste, exceptis menbris ejusdem partis quas ipsa Avicia excepit et sibi et heredibus suis retinuit, simul cum una carucata terre cum pertinenciis quam Robertus de Muscegros emit ad opus regis de Willelmo Crok'. Rex eciam concessit eidem Willelmo quod tam blada ejusdem partis manerii seminata in terra quam blada ejusdem partis in orreis, et tres carrucatas boum et oves, quas idem Robertus ibi habet, habeat estimacione bonorum virorum estimata. Et blada preterea predicte carucate terre seminata in terra remaneant eidem Willelmo pro xij. marcis quas (sic) rex tenetur eidem Roberto pro empcione predicte carucate terre. Et mandatum est predicto Roberto quod eidem Willelmo, vel certo nuncio suo has litteras deferenti, de predicta parte manerii de Colingburn' et de predicta carucata terre cum pertinenciis, cum bladis et instauris nominatis, sine dilacione plenam seisinam habere faciat. Teste ut supra. Per regem.

De quercubus datis.—Mandatum est custodi foreste de Selveston' quod in foresta predicta faciat habere Galfrido Gacelin tres quercus ad maeremium de dono regis. Teste ut supra. Per R. Waler'.

De escaetis quercuum liberandis ad operaciones regis.—Mandatum est Johanni de Lessinton' quod non permittat quod forestarii regis de ballia sua habeant aliquas escaetas de quercubus in eadem balliva ad operaciones castri regis Eboraci assingnatis, set escaetas illas liberari faciat custodibus earundem operacionum ad rogos ad easdem operaciones et commodum regis inde faciendum. Teste rege apud Windes' xxij. die Januarii.
Eodem modo mandatum est G. de Liston' de quercubus que assignantur ad operaciones de Windles'. Per regem.

Pro magistro Domus Dei de Hundeslawe.—Mandatum est Philippo Luvel, thesaurario regis, quod faciat habere magistro Domus Dei de Hundeslauue unum turribulum argenteum precii xl. solidorum de dono regis. Teste ut supra. (Marked for cancellation.)

Pro Willelmo de Wilton' et Roesia uxore ejus.—Mandatum est baronibus de scaccario quod de debitis que exigunt a Willelmo de Wylton' et Roesia uxore ejus pro debitis, que Ricardus filius Regis, frater regis, quondam vir ipsius Roesie, regi debebat, allocari faciant eisdem Willelmo et Roesie in debitis illis expensas factas ad exequias ejusdem defuncti. Teste ut supra. Per J. Maunsell'.

De roboribus datis.—Mandatum est Ricardo de Munfichet, senescallo foreste Essex', quod in foresta de Havering' extra parcum faciat habere hostillario Westmonasterii tria robora ad focum hospitum, de dono regis. Teste ut supra. Per regem.

De roba data.—Mandatum est Ricardo de Shireburn' et Rogero Scissori quod de cetero faciant habere Roberto de Cantuar', juniori, clerico capelle regis, unam robam sicut ceteris clericis capelle regis, de dono regis. Teste rege apud Keninton' xxiiij. die Januarii. Per regem.

Pro Johanne le Enveyse.—Rex perdonavit Johanni le Enveyse xxvij. solidos et vj. denarios, per quos finem fecit coram justiciariis regis ultimo itinerantibus apud Rading' pro anno et die de terra, que fuit Thome filii Alexandri le Parker', qui suspensus fuit pro morte quorundam hominum, et catallis ejusdem Thome habendis. Et mandatum est baronibus de scaccario quod ipsum inde quietum esse faciant. Teste ut supra. Per abbatem de Persor'.

De roboribus datis.—Mandatum est Ricardo de Munfichet, senescallo foreste Essex', quod in foresta de Havering' extra parcum faciat habere Ernaldo de Berkel', clerico regis, tria robora ad focum suum, de dono regis. Teste rege apud Westmonasterium xxiiij. die Januarii per R. Waler'.

De uno dolio vini dato.—Mandatum est custodibus vinorum regis apud Merleberge quod de vinis que sunt in custodia sua faciant habere Johanni de Frethorn' unum dolium vini de dono regis. Teste ut supra. Per senescallum.

De prisonibus recipiendis.—Mandatum est constabulario castri Colecestr' quod Batemmannum Belle et Willelmum le Suur, prisones, quos ballivi Roberti de Walton' ei liberabunt, ab eis recipiat et in prisona regis salvo custodiat donec rex aliud inde preceperit. Teste ut supra.

Pro Mauricio de Rupeforti.—Rex concessit Mauricio de Rupeforti quod quamdiu fuerit in servicio suo non ponatur in assisis, juratis vel aliquibus recognicionibus; et quod non ponatur in defaltam, nec amercietur, aut occasionetur occasione communis summonicionis faciende coram aliquibus justiciariis itineraturis ad communia placita in aliquo comitatu Hibernie. Et mandatum est justiciario Hibernie quod ipsum Mauricium contra libertatem predictam infra predictum terminum non vexet. Teste ut supra. Per regem.

Pro celerario Westmonasterii.—Mandatum est justiciariis itinerantibus in comitatu Norhampt' quod habere faciant celerario Westmonasterii extractas amerciamentorum et finium hominum suorum tam dampnatorum quam aliorum tangencium libertatem Westmonasterii, sicut continetur in carta quam rex predicto conventui fieri fecit. Teste rege apud Westmonasterium xxv. die Januarii. Per regem.

Pro Willelmo de Valenc' et Johanna uxore ejus.—Reginaldus de Moun et Johannes de Moun filius ejus venerunt coram rege apud Westmonasterium die Sabati in Conversione Sancti Pauli et concesserunt pro se et uxoribus suis quod omnes exitus maneriorum de Ferles et de Odo cedant usus (sic) Willelmi de Valenc' et Johanne uxoris ejus a tempore quo maneria predicta extiterunt in manum regis. Et mandatum est justiciario Hibernie quod eisdem Willelmo et Johanne vel eorum certo nuncio has litteras deferenti omnes proventus et exitus eorundem maneriorum a tempore predicto sine dilacione habere faciat. Teste ut supra. Per regem.

De quercubus datis.—Mandatum est J. de Lessinton', justiciario foreste ultra Trentam, quod in foresta regis de Galtris faciat habere priori de Novo Burgo quinque quercus ad maeremium, de dono regis. Teste ut supra. Per abbatem de Persor'.

De ponendo per ballium.—Johannes filius Thome de Acum, Rogerus filius Johannis de Hampelford', Reginaldus de Garton', Willelmus filius Abrahe, Galfridus le Mustarder, Petrus filius Galfridi le Teinturer, Nicholaus le Rus et Robertus le Vaillant, capti et detenti in prisona regis Eboraci pro morte Salonis Judei Eboraci, unde rettati sunt, habent breve vicecomiti Ebor' quod ponantur per ballium. Teste ut supra.

De bissis datis.—Mandatum est constabulario Bristoll' quod in bosco regis de Furches faciat habere Hugoni de Vivon' duas bissas, de dono regis. Teste ut supra. Per R. Waler'.

De quercubus ad operaciones Noting'.—Mandatum est Johanni de Lessinton' quod in haia de Lindeby liberari faciat vicecomiti Noting' xij. quercus ad operaciones castri Noting' inde faciendas una cum pomeriis bosci ad molendinum regis ibidem; liberari eciam faciat eidem vicecomiti ramusculos in bosco Noting' ad cleias inde faciendas ad opus molendini predicti. Teste ut supra.

De coronatore eligendo.—Mandatum est vicecomiti Noting' quod loco Willelmi Samps' eligi faciat alium coronatorem, qui prestito sacramento etc. Teste ut supra.

Pro Johanne de Merri.—Rex dedit Johanni de Merri catalla que fuerunt Rogeri filii Henrici de Essel', qui nuper suspensus fuit pro latrocinio, apud Theford'. Et mandatum est vicecomiti Norf' quod catalla illa ei habere faciat. Teste ut supra. Per regem.

Pro executoribus Ricardi de Wytsand'.—Mandatum Simoni de Stanford escaetori regis in comitatu Essex' quod, accepta securitate ab executoribus quondam Ricardi de Wytsand' de debitis regi reddendis si que ei debuit die quo obiit, eosdem executores de omnibus bonis, que fuerunt ipsius Ricardi et que cepit in manum regis, liberam administracionem habere permittat. Teste ut supra.

De damis datis.—Mandatum est Reginaldo de Moun quod in foresta de Chet' faciat habere Johanni de Nevill' tres damas et in foresta de Savernak' tria robora ad focum suum, de dono regis. Teste ut supra. Per R. filium N.

Pro Willelmo de Stok'.—Quia rex accepit per inquisicionem, quam nuper per vicecomitem Dors' fieri fecit, quod quatuor acre terre cum pertinenciis in Stok', que fuerunt Galfridi Buterfot, utlagati pro morte cujusdam mulieris quam occidit ut dicitur, exstiterunt in manu regis per unum annum et unum diem, et quod idem Galfridus terram illam tenuit de Willelmo de Stok'; mandatum est predicto vicecomiti Dors' quod eidem Willelmo de predicta terra cum pertinenciis plenam seisinam habere faciat. Teste rege apud Westmonasterium xxvj. die Januarii.

Pro Ada de Everingham.—Adam de Everingham fecit regi fidelitatem debitam de terra quam tenet de honore de Harewode qui est in custodia regis. Et mandatum est custodi terrarum que fuerunt Margerie de Revers, quondam comitisse Devon', quod terram predictam eum in pace tenere permittat. Teste ut supra. Per J. de Lessinton'.

De roboribus datis.—Mandatum est Reginaldo de Moun, justiciario foreste, quod in foresta de Selveston' faciat habere Gilberto de Segrave iiij^or robora ad focum suum, de dono regis. Teste ut supra. Per H. de Weng'.

Pro Johanne de Merlay.—Quia rex accepit per inquisicionem, quam per vicecomitem Norf' fieri fecit, quod Thomas de Ingoldestorp' non fuit in seisina de terra illa cum pertinenciis que fuit Fulconis Windecol' in Hillingeton' die que obiit, et quam terram post mortem ipsius Thome, racione heredis sui in custodia regis existentis, escaetor Norf' cepit in manum regis, set quod Johannes de Merlay, ante mortem ipsius Thome et post, seisinam ejusdem terre pacifice habuit, mandatum est predicto escaetori quod de predicta terra eidem Johanni talem seisinam habere faciat qualem die decessus prefati Thome habuit. Teste ut supra. Per P. Chacep'.

Pro Aaron filio Abrahe, Judeo.—Rex cepit in manum suam debitum quater viginti et decem marcarum argenti quod Thomas de Winton' debet Aaron filio Abrahe, Judeo London', pro Nicholao le Vavassur; et mandatum est Philippo Luvel et justiciariis ad custodiam Judeorum assignatis quod eidem Aaron vel aliis Judeis quibus voluerit, in primo fine suo, vel in primo tallagio ad proximos terminos quos habebunt ad scaccarium nostrum, predictum debitum allocari faciatis (sic). Teste rege apud Westmonasterium xxvij. die Januarii. Per Henricum de Wengham.

De quercubus datis.—Mandatum est custodi Nove Foreste quod in predicta foresta faciat habere Rogero de Saunford' sex quercus ad maeremium de dono regis. Teste ut supra. Per R. Waler'.

Pro decano et capitulo Stafford'.—Quia rex concessit per cartam suam decano et capitulo libere capelle sue Beate Marie Stafford' quod ipsi et eorum tenentes tam in burgo quam extra non tallientur in generali tallagio dominicorum regis nisi tantum quando tallagium concessum fuerit ab aliis ecclesiis vel capellis regis exemptis: mandatum est baronibus de scaccario quod ipsos contra libertatem predictam distringi non permittant, set eis inde pacem habere faciant. Teste ut supra. Per ipsum regem.

Pro Thoma Menevensi episcopo.—Mandatum est Roberto Waler', ballivo de Kermerdin, quod omnes terras et libertates Th. Menevensis episcopi, quas occasione cujusdam judicii redditi in curia regis cepit in manum regis per preceptum suum, eidem episcopo sine dilacione restituat, una cum omnibus exitibus et proventibus postquam capte fuerunt in manum regis inde perceptis: et de dampnis que occasione capcionis predicte per ballivos regis sustinuit eidem satisfaciat: et de dampnis que per alios quam (fn. 2) per ballivos regis occasione predicta habuit, ei celerem justiciam exiberi faciat, permittens ipsum uti libertatibus tam in advocacionibus ecclesiarum quam in aliis, quibus ipsi (sic) et predecessores sui episcopi Menevenses hucusque usi sunt et in locisquibus eis usi fuerint: cui amerciamenta, ad que occasione predicta est amerciatus, rex de gracia sua speciali ei perdonavit. Teste ut supra. Per regem et consilium.

De uno dolio vini dato.—Mandatum est camerariis Lond' quod Henrico de Wengham faciant habere unum dolium boni vini de dono regis. Teste ut supra apud Westmonasterium xxviij. die Januarii. Per R. Waler'.

Pro Henrico de Erleg'.—Rex concessit Henrico de Erleg', cui tradidit custodiam comitatuum Sumerset' et Dors' et castrorum de Corf et Syreburn', quod haberet omnia que Hugo de Vivon' consuevit habere quando fuit vicecomes eorundem comitatuum et custos eorundem castrorum pro custodia eorundem, tam scilicet ea que pertinent ad corpus eorundem comitatuum quam ea que pertinent ad proficuum eorundem, toto tempore quo idem Henricus fuisset vicecomes in comitatibus predictis; ita tamen quod redderet regi per annum c. marcas pro proficuo eorundem comitatuum. Et hoc rex baronibus duxit singnificandum ut ei allocari faciant quod de jure fuerit allocandum. Teste ut supra, per R. Waler' et abbatem de Persor'. (In margin) Consimile breve habet Elyas de Rabayn.

Pro abbate de Hagheman.—Rex replegiavit abbati de Hagheman' abbaciam de Hagheman, quam abbas de Persore cepit in manum regis, cum omnibus terris et tenementis ad ipsam pertinentibus sine ullo retenemento usque ad quindenam Pasche proximo futuram. Et mandatum est eidem abbati de Persore quod predicto abbati de abbacia predicta et de omnibus terris et tenementis predictis plenam seisinam habere faciat, sicut predictum est, una cum omnibus exitibus et proventibus a tempore installacionis predicti abbatis inde perceptis. Teste rege apud Westmonasterium xxviij. die Januarii. Per J. Maunsell'.

Hibernia.—Mandatum est justiciario suo Hibernie quod firmarios, quibus commisit terram Ebulonis de Geneur' ad firmam, distringat ad firmam illam eidem Ebuloni reddendam vel ejus certo nuncio sine dilacione. Teste ut supra. Per H. de Wingham.

De quodam prisone recipiendo.—Mandatum est vicecomiti Essex' quod Johannem Whyt, quem ei liberabunt ballivi Roberti de Brus de Writel', et qui rettatus est de latrocinio, recipiat et salvo custodiat donec rex aliud inde preceperit. Teste ut supra.

[m. 18.]

De roba data.—Mandatum est Ricardo de Shireburn' et Rogero de Ros quod habere faciant Simoni Passeleuue duas pecias cum fururis de cuniculis ad robam suam de festo Natalis Domini proximo preterito: et singulis annis consimilem robam quamdiu fuerit in servicio regis. Teste ut supra, apud Westmonasterium xxviij. die Januarii. Per H. de Wengham.

De ponendo per ballium.—Adam de Spolond' et Alexander de Grenehurst, capti et detenti in prisona regis Lanc' pro morte Willelmi filii Eve de Todinton', unde apellati sunt, habent litteras vicecomiti Lanc' quod ponantur per ballium. Teste ut supra.

Pro Willelmo de Chaenny.—Rex concessit Willelmo de Chaenn' quod non distringatur per terras vel tenementa que in presenti habet de Philippo de Staunton' pro aliquo debito quod idem Philippus regi debeat. Et mandatum est baronibus de scaccario quod districcionem, si qua super ipsum Willelmum vel tenentes suos facta fuerit occasione predicta, penitus relaxari faciant. Teste ut supra, per R. filium Nicholai. (In margin) Habet inde litteras patentes sub eadem data.

De ponendo per ballium.—Ricardus le Tiuelur, apellatus de morte Ricardi le Provost, habet litteras vicecomiti Surr' quod ponatur per ballium. Teste rege apud Westmonasterium xxix. die Januarii.

De cameris apud Westmonasterium elongandis.—Mandatum est Philippo Luvel quod cameras privatas de camera senescallorum juxta magnam aulam Westmonasterii elongari faciat. Et rex cum sciverit custum breve suum de liberate ei fieri faciet. Teste ut supra. Per regem.

De quercubus datis.—Mandatum est custodi foreste de Wauberge quod in eadem foresta faciat habere magistro Rogero de Raveningeham quinque quercus ad maeremium cum omnibus escaetis, de dono regis. Teste ut supra. Per regem.

Pro Willelmo de Casingham.—Mandatum est thesaurario et camerariis quod sine dilacione faciant habere Willelmo de Casingham feodum suum, quod ei arretro est, de termino Sancti Michaelis proximo preterito. Teste ut supra.

De quodam portu apud Dunewyc' obstruendo.—Rex, ad emendacionem portus sui de Dunewyc' et ad quendam portum ad aquilonem Dunewyc' obstruendum dedit hominibus suis ejusdem ville in auxilium firmam suam de terminis Pasche et Sancti Michaelis proximo futuris. Et mandatum est baronibus de scaccario quod eosdem homines de firma predicta ad terminos predictos quietos esse faciant. Teste rege apud Westmonasterium xxx. die Januarii. Per ipsum regem.

De roboribus datis.—Mandatum est Godefrido de Lyston' quod in foresta de Windes' faciat habere Thome Esperun duo robora ad focum suum, de dono regis. Teste ut supra. Per regem.

Pro abbate de Bruera.—Mandatum est Willelmo de Langel', custodi foreste de Wyccheuuod', quod permittat abbatem de Bruera habere singulis diebus duas carettas semel itinerantes ad mortuum boscum et subboscum in predicta foresta de Wyccheuuode, sicut eas habere consuevit tempore G. de Langel', quondam justiciarii de foresta, donec a rege aliud inde habuerit preceptum. Teste ut supra. Per regem.

De quercubus datis.—Mandatum est Johanni de Lessinton' quod in foresta de Shireuuode faciat habere Edmundo de Lacy x. quercus ad maeremium de dono regis. Teste ut supra. Per R. Waler'.

Pro episcopo Exoniensi.—Ostensum est regi ex parte R. Exononiensis episcopi et capituli sui quod occasione cujusdam inquisicionis, quam rex fieri precepit de libertatibus suis, vicecomes Devon' per homines infra libertates eorum inquisicionem fieri facit contra libertatem consuetudinis sue: et quia rex non vult eis in aliquo injurari, mandatum est vicecomiti Devon' quod inquisicioni illi faciende supersedeat usque in tres septimanas a Pascha proximo futuro, et interim ad libertates eorum usitatas manum non apponat. Teste ut supra. Per ipsum regem.

De quodam clerico rescipiendo et custodiendo.—Mandatum est Stephano de Salinis, custodi castri de Henleg', quod Johannem clericum quem, P. Herefordensis episcopus ei liberabit, recipiat et salvo custodiri faciat donec rex aliud inde preceperit. Teste ut supra. Per regem.
Idem mandatum est eidem de Gregorio clerico constabularii Roffensis. Teste ut supra.

De provisione facta per regem de Judeis Anglie.—Rex providit et statuit quod nullus Judeus maneat in Anglia nisi servicium regis faciat. Et quam cito aliquis Judeus natus fuerit, sive sit masculus sive femina, serviat nobis in aliquo.
Et quod nulle scole Judeorum sint in Anglia nisi in locis illis in quibus hujusmodi scole fuerunt tempore domini J. regis, patris regis.
Et quod universi Judei in sinagogis suis celebrent submissa voce secundum ritum eorum, ita quod Christiani hoc non audiant.
Et quod quilibet Judeus respondeat rectori ecclesie in cujus parochia manent de omnibus parochialibus ad domum ipsius Judei spectantibus.
Et quod nulla nutrix Christiana de cetero lactet aut nutriat puerum alicujus Judei, nec aliquis Christianus vel Christiana serviat alicui Judeo vel Judee, nec cum ipsis comedat vel in domo sua commoretur.
Et quod nullus Judeus vel Judea comedat aut emat carnes in quadragesima.
Et quod nullus Judeus detrahat fidei Christiane vel publice disputet de eadem.
Et quod nullus Judeus habeat secretam familiaritatem cum aliqua Christiana nec aliquis Christianus cum Judea.
Et quod quilibet Judeus ferat in pectore suo manifestam tabulam.
Et quod nullus Judeus ingrediatur aliquam ecclesiam vel aliquam capellam nisi transeundo, nec in eis moretur in vituperium Christi.
Et quod nullus Judeus impediat aliquo modo alium Judeum volentem ad fidem Christi convertere.
Et quod nullus Judeus receptetur in aliqua villa sine speciali licencia regis nisi in villis illis in quibus Judei manere consueverunt.
Et mandatum est Justiciariis ad custodiam Judeorum assingnatis quod sic fieri et sub incursione bonorum predictorum Judeorum firmiter teneri faciant.
Teste rege apud Westmonasterium xxxj. die Januarii. Per regem et consilium.