Close Rolls, January 1254

Close Rolls, January 1254

Pro executoribus testamenti Sibille del Brok'.—Mandatum est abbati de Persore et Jacobo Fresell', escaetoribus regis, quod permittant executores testamenti Sibille del Brok' habere liberam administracionem de omnibus bonis et catallis que fuerunt ipsius Sibille ad execucionem testamenti sui faciendam, accepta sufficienti securitate ab eisdem executoribus quod plenarie satisfacient regi de debitis, si que eadem Sibilla regi debuit. Testibus ut supra apud Westmonasterium ij. die Januarii.

De damis et cuniculis capiendis ad opus regine.—Mandatum est escaetori regis in comitatu Bed' quod sine dilacione capiat ad opus regine in parco de Kemeston', qui est in custodia sua, xx. damas, et in cunigerio ejusdem manerii c. cuniculos, et eos cariari faciat usque Westmonasterium ad ipsam reginam liberandos ibidem custodi lardarii sui. Et custum quod ad hoc posuerit, cum rex illud sciverit, ei faciet allocari. Testibus ut supra. Per Matheum Bezille.

Pro Felicia que fuit uxor Ketel' de Dudinton'.—Mandatum est vicecomiti Warr' et coronatoribus ejusdem comitatus quod de catallis que fuerunt Ketel' de Dudinton', qui fugit pro morte Willelmi de Wytel' unde rettatus est, et que capta sunt in manum regis occasione felonie predicte, Felicie que fuit uxor predicti Ketel' propter paupertatem suam usque ad summam quindecim solidorum habere faciant. Testibus ut supra. Per reginam.

Pro Roberto de Wyleby.—Rex vicecomiti Norhampt' salutem. Memoriter retinemus quod, cum per quandam inquisicionem quam fieri fecimus habuissent Ricardus de Harewedon' et Hawisia uxor ejus seisinam de quinque acris terre cum pertinenciis in Wyleby post annum et diem per quos terra illa extitit in manu nostra per feloniam quam Thomas Codwalays, qui terram illam tenuit, fecit, et iidem Ricardus et Hawysia terram illam Roberto de Wyleby vendidissent et idem Robertus in seisina ejusdem terre per biennium stetisset; Willelmus filius Roberti de Norhamt' asserens predictum Thomam totam terram predictam de eo tenuisse, per quandam inquisicionem, quam a nobis postmodum inpetravit, seisinam ejusdem terre postmodum optinuit et prefatum Robertum ab ea ejecit. Et quia accepimus per quandam inquisicionem quam postea fieri fecimus quod predictus Thomas de predictis quinque acris terre tenuit unam acram et dimidiam et unam rodam et terciam partem unius rode de predicto Willelmo et tres acras et duas partes unius rode de predictis Ricardo et Hawysia, tibi precipimus quod predicto Roberto de Wyleby de predictis tribus acris et duabus partibus unius rode terre cum pertinenciis plenam seisinam habere facias. Testibus ut supra. Per H. de Bathonia.

Pro R. comite Cornubie.—Rex concessit Ricardo comiti Cornubie manerium de Bereford', quod est escaeta regis de terris Normannorum, cum pertinenciis suis in partem solucionis d. libratarum terre in quibus rex ei tenebatur racione maritagii Senchie uxoris sue, habendum et tenendum de rege et heredibus suis eidem comiti et heredibus suis de corpore predicte Senchie procreatis vel procreandis pro decem libris sex solidis iiij. denariis et obolo, sicut manerium illud rex extendi fecit, faciendo inde regi et heredibus suis servicia que ad predictum manerium pertinent. Et mandatum est abbati de Persore et Jacobo Fres', escaetoribus regis, quod eidem comiti de predicto manerio plenam seisinam habere faciant sicut predictum est. Teste A. regina (fn. 1) apud Westmonasterium vj. die Januarii. Per reginam.

[m.13.]

Mandatum est vicecomiti Suthamt' quod, secundum tenorem brevis regis quod anno etc. xxxv. recepit, faciat habere A. Wintoniensi electo de bonis et rebus communitatis hominum ville nostre Suthamt' catalla ad valenciam centum solidorum nomine seysine abducenda quo voluerit pro mercandisis venditis in predicta villa Suthamt' tempore nundinarum nuper existencium super montem Sancti Egidii Winton'. Testibus ut supra. (fn. 2) Per reginam et comitem Cornubie. (Cancelled) quia aliter inferius.

Hybernia. De cambio Hibernie cessando.—Per consilium regis commorans in Anglia provisum est quod cambium regis Hibernie cesset donec rex aliud inde preceperit. Et mandatum est Rogero de Haverhull', custodi predicti cambii, quod omnes cuneos ejusdem cambii sub sigillo regis Hibernie mittat in Angliam liberandos consilio regis ibidem commoranti, et omnes monetarios predicti cambii licenciet et ipse moram faciat in Hibernia donec inquisiciones facte sint quas de quibusdam articulis dictum cambium tangentibus rex fieri precepit. Testibus ut supra apud Westmonasterium viij. die Januarii. Per consilium.

De quibusdam capiendis pro morte prioris Campanie.—Mandatum est vicecomiti Hereford' quod, si Gervasius de Lond', Henricus Boystard' vel alii utlagati pro morte prioris Campanie venerint in ballivam suam, ipsos et omnes illos qui per eos se advocaverint, vel victualia vel aliquam sustentacionem ad opus eorum perquisierint, capiat et in prisona regis salvo custodiat donec rex aliud inde preceperit. Testibus ut supra. Per justiciarium Hibernie et R. de Turkilb'.

Pro Radulpho filio Nicholai.—Rex dedit respectum Radulpho filio Nicholai usque ad quindenam Sancti Hillarii de demanda quam vicecomes Buk' ei facit ad primogenitam filiam regis maritandam de feodis quinque militum et dimidii cum pertinenciis in Mulso. Et mandatum est eidem vicecomiti quod respectum illum ei habere permittat. Testibus ut supra. Per reginam, comitem, et consiliarios.

Pro Willelmo Lungesp'.—Quia Willelmus Lungesp' non talliavit manerium suum de Woxebrugg', quod antiquitus fuit dominicum predecessorum regis regum Anglie, quando rex ultimo talliari fecit dominica sua per Angliam, mandatum est vicecomiti Midd' quod eidem Willelmo de hominibus suis predicti manerii racionabile tallagium habere facias (sic). Testibus ut supra. Per Henricum de Bathonia.

Hybernia.—Mandatum est Radulpho de Norwyco, cancellario Hibernie, quod omnes loquelas tangentes Armacensem archiepiscopum in Hibernia, coram quibuscumque justiciariis fuerint, poni faciat in respectum usque ad octabas Pasche et id per litteras regis eisdem justiciariis ex parte regis mandet. Testibus ut supra. Per reginam et justiciarium Hibernie.

De roboribus datis.—Mandatum est Ernaldo de Bosco, justiciario foreste, quod in foresta de Bruhulle faciat habere Matillidi de Cantilupo septem robora ad focum suum de dono regis. Testibus ut supra. Per reginam.

Hybernia. De navibus arestandis.—Rex J. filio Galfridi justiciario suo Hibernie salutem. Mandamus vobis firmiter injungentes quod cum quanta poteritis festinacione, ita quod nullus vobis inputari possit defectus, arrestari faciatis omnes naves que inveniri poterunt in tota Hibernia que portare possunt xvj. equos et plus, de quacumque terra vel potestate sint, ita quod securitatem ab eis habeatis quod sint apud Waterford' in instanti media quadragesima bene munite nautis, armamentis, et omnimodo atillio ad eas pertinente et parate ad transfretandum ad nos in Vasconiam cum baronibus, militibus et aliis terre nostre Hibernie, equis et hernesio suo, et victualibus que de predicta terra Hibernie ad nos transmitti precepimus; et in boscis nostris ejusdem terre ubi commodius et ad minus dampnum nostrum fieri poterunt fieri faciatis ad naves illas tria milia claiarum et iiij^xx. pontes, et eos venire faciatis usque Waterford' ita quod sint ibi ad predictum terminum ponendi in navibus predictis. Provideatis etiam nobis de mm. baconum et mm. quarteriorum frumenti et ea similiter venire faciatis usque Waterford', ita quod sint ibi ad predictum terminum transmittenda ad nos in Vasconiam cum navigio predicto. Et custum omnium predictorum una cum fretto predictarum navium acquietetis de thesauro nostro Hibernie. Testibus ut supra. Per reginam, comitem et totum consilium.

De braemiis datis.—Mandatum est vicecomiti Ebor' quod in vivario regis de Fosse faciat habere Willelmo de Rya sex matrices bremias de dono regis. Testibus ut supra. Per Robertum de Muscegros.

Pro civibus Eboraci.—Rex concessit civibus Eboraci quod a die Sancti Hillarii anno etc. xxxviij. usque ad festum Sancte Margarete Virginis proximo sequens et ab eodem festo Sancte Margarete usque ad finem duorum annorum proximo sequencium non contribuant de aliquibus rebus vel mercandisis suis auxilio quod rex civibus Linc' concessit ad villam suam Linc' claudendam. Et mandatum est majori et ballivis Linc' quod predictos cives occasione predicti auxilii infra terminum predictum non vexent in aliquo contra hanc concessionem regis. Testibus ut supra. Per reginam et H. de Bathonia.

De damis capiendis.—Rex mittit Willelmum Luvel et Henricum de Caundovere ad capiendum in foresta de Bradene l^a. damas. Et mandatum est custodi predicte foreste quod ipsos ad hoc admittat. Testibus ut supra. Per senescallum.

Pro civibus Eboraci.—Rex decano et capitulo Sancti Petri Ebor' salutem. Cum pluries vobis mandaverimus quod a cohercionibus desisteretis, quas facitis majori et ballivis ac aliis civibus nostris Eboraci occasione quarumdam libertatum quas vobis nuper per cartam nostram concessimus, et justiciam vestram in curia nostra prosequeremini versus eos, cum ad nos pertineat correccio et emenda de hiis que ipsi vel alii contra libertates vestras attemptaverunt, et vos mandatis nostris in hac parte non obtemperaveritis, super quo non possimus (sic) non mirari; vobis iterato mandamus quod a cohercionibus predictis, sicut predictum est, desistatis, scituri quod, nisi id feceritis, mandavimus vicecomiti nostro Ebor' quod vos ad hoc per terras et catalla vestra ad hoc (sic) distringat. Testibus A. regina et R. comite Cornubie apud Westmonasterium ix. die Januarii. Per reginam.
Et mandatum est vicecomiti Ebor' quod, nisi id ad mandatum regis fecerint, ipse eos ad hoc per terras et catalla sua in balliva sua distringat. Testibus ut supra.

De vinis emendis.—Mandatum est Rogero le Flemeng' captori vinorum regis apud Suhamt' quod cum festinacione capiat ad opus regine xv. dolia boni vini et ea liberet ballivis Suhamt' carianda usque Wintoniam sicut rex eis injunxit. Testibus ut supra.

Pro. A. Wintoniensi electo.—Rex vicecomiti Suhampt' salutem. Constat nobis per inspeccionem rotulorum cancellarie nostre tibi pro A. Wintoniensi electo anno etc. xxxv. scripsisse sub hac forma:—Quia nuper apud Suhamt' quibusdam ejusdem ville reistentibus non potuisti facere habere A. Wintoniensi electo seisinam pro transgressione facta de mercandisis venditis in villa Suhamt' tempore nundinarum existencium nuper super montem Sancti Egidii Wintonie, licet assingnaveris eidem electo nomine sesine predicte unum saccum lane et quasdam alias res venales, tibi precipimus quod nomine seisine facias habere prefato electo catalla ad valenciam centum solidorum de bonis et rebus communitatis ejusdem ville ad abducendum quo voluerit. Quia vero homines predicte ville Suhamt' predictam seisinam ipsius electi perturbantes vendiderunt et ponderaverunt in eadem villa tempore nundinarum existencium super predictum montem anno etc. xxxvij. tibi precipimus quod secundum tenorem predicti mandati nostri eidem electo nomine seisine predicte de bonis et rebus communitatis predicte pro predicta transgressione catalla ad valenciam centum solidorum habere facias ad abducendum quo voluerit. Testibus ut supra. Per reginam et Henricum de Bath'.

Pro Johanna de Gorges.—Mandatum est Ernaldo de Bosco, justiciario foreste, quod permittat Johannam de Gorges habere husbote et heybote in foresta regis de Porstok', sicut ad manerium suum de Porstok', quod habet de ballio regis ad vitam suam, pertinet et sicut tempore aliorum justiciariorum foreste habere consuevit. Testibus A. regina et R. comite Cornubie apud Westmonasterium xj. die Januarii. Per reginam.

Pro magistro Willelmo de Kilkenn'.—Mandatum est Ade de Puriton', custodi foreste de Braden', quod, si magister Willelmus de Kilkenn' archidiaconus Coventr' non habuit nisi quatuor damos de quinque damis quos rex ei nuper dedit in predicta foresta, tune loco residui quinti dami duas damas habere faciat capiendas per Henricum de Malo Lacu, clericum regis. Testibus ut supra apud Kenyton' xiiij. die Januarii. Per reginam.

De damis datis.—Mandatum est Henrico de Caundovere et Willelmo Luvel quod de venacione quam ceperunt per preceptum regis ad opus regine in foresta de Braden' faciant habere Matheo Bezille tres bonas damas de dono regis, proviso quod numerus damarum per eos capiendarum ad opus dicte regine in predicta foresta non decrescat occasione hujus donacionis regis. Testibus ut supra. Per reginam.

De alosis emendis et cariandis.—Mandatum est ballivis Glouc' quod per visum Mathei Bezill', constabularii regis Glouc', emi faciant c. alosas et eas ad reginam sine dilacione cariari faciant, et lampredas quas idem Matheus eis per preceptum regis liberabit ad R. comitem Cornubie similiter cariari faciant liberandas eidem comiti de dono regis. Et rex custum omnium predictorum, cum illud sciverit, eis faciet allocari. Testibus ut supra. Per reginam.

De ponendo per ballium.—Robertus filius Laurencii et Henricus filius Roberti, capti et detenti in prisona regis Oxonie pro morte Willelmi Abel unde rettati sunt, habent litteras vicecomiti Oxon' quod ponantur per ballium. Testibus ut supra.

Pro Nicholao de Okham.—Rex vicecomiti Hereford' salutem. Scias quod Nicholaus de Okham, ballivus Reginaldi filii Petri, invenit nobis plegios subscriptos; videlicet Bartholomeum Pecch', Willelmum filium Almarici de comitatu Berk', Philippum de Mara clericum et Adam le Pek', homines predicti Reginaldi de ballia de Blenlevelyn, quod citra quindenam Purificacionis Beate Marie proximo future inveniet tibi xij. probos et legales homines de comitatu tuo, qui pro ipso manucapient quod stabit recto in curia nostra quando nobis placuerit de roberia facta cuidam mercatori Normanno apud Norton' in comitatu Suhamt' et de aliis pluribus maleficiis et transgressionibus unde rettatus est, et quod decetero fideliter se geret, et quod non receptabit aliquos malefactores vel aliquid attemptabit contra pacem nostram in terra vel potestate nostra. Et ideo tibi precipimus quod plegios illos a predicto Nicholao, sicut predictum est, recipias et ipsis receptis nomina eorum sub sigillo tuo consilio nostro commoranti in Anglia distincte scire facias. Testibus A. regina et R. comite Cornubie apud Windes' xxv. die Januarii. Per Henricum de Bathonia.

De custodia castri de Merleberge.—Quia Robertus de Muscegros in fata concessit, mandatum est Reginaldo de Acle constabulario de Merleberge quod de castro de Merleberge cum omnibus ad idem castrum pertinentibus que fuerunt in custodia ejusdem Roberti bonam curam capiat et ea salvo custodiat donee rex aliud inde preceperit. Testibus ut supra. Per reginam.

Pro priore de Bretton'.—Datum est regi intelligi quod quidam monachi fugitivi de prioratu de Bretton', videlicet Ricardus de Stanteb', Ricardus de Estfeld et Willelmus de Ryhale, furtive asportaverunt sigillum commune prioratus illius, ornamenta ecclesie et alia bona non modica, unde domus illa veementer dampnificatur. Et mandatum est vicecomiti Ebor' quod omnia talia asportata, ubicumque possint inveniri in ballia tua, arestari et salvo custodiri facias, ita quod prioratus ille non defraudetur. Testibus ut supra. Ad querelam prioris de Pontefracto.

De prisone recipiendo et custodiendo.—Mandatum est custodi gaiole de Neugate quod Margeriam de la Berewe rettatam de latrocinio, quam ballivus regis de Kingeston' ei liberabit, ab eo recipiat et salvo custodiat donec rex aliud inde preceperit. Testibus ut supra apud Kenyton' xxvj. die Januarii.

De viridario eligendo.—Mandatum est vicecomiti Essex' quod in pleno comitatu et per assensum ejusdem comitatus loco Galfridi de Slamnodeshay, qui cecus est, ut dicitur, et inpotens sui, eligi faciat unum viridarium, qui prestito sacramento etc. Testibus ut supra apud Westmonasterium xxviij. die Januarii.

Pro Philippo Basset.—Quia rex talliari fecit dominica sua per Angliam, mandatum est vicecomiti Buk' quod habere faciat Philippo Basset racionabile tallagium de hominibus suis de eo tenentibus in manerio de Wycumb', quod aliquando fuit dominicum predecessorum regis regum Anglie. Testibus ut supra.

Pro Eudone de Shelfangr'.—Quia datum est regi intelligi quod Oliverus de Blumvill', Ricardus Dalby, Thomas de Illinton', Matillis de Ingeluuell' manens in Botele, Henricus Aurifaber de Binham et Robertus le Lingedraper de Betele suspecti sunt de roberia nuper facta in domo Eudonis de Shelfangr' apud Shelfangr', mandatum est vicecomiti Norf' et Suff' quod predictos Oliverum et alios superius nominatos attachiet ita quod sit securus habendi eos ad mandatum regis coram justiciariis suis vel coram consilio suo commorante in Anglia ad standum inde recto in curia regis, si quis versus eos inde loqui voluerit. Testibus ut supra. Per H. de Bathonia.

De ponendo per ballium.—Willelmus del Pre, captus et detentus in prisona regis de Middelton' pro morte Johannis de Bissopeshop', unde rettatus est, habet litteras vicecomiti Kane' quod ponatur per ballium. Testibus ut supra.

De braemiis datis.—Mandatum est Willelmo de Wylton', custodi episcopatus Lincolniensis, quod in vivariis de Bannebur' qui sunt in custodia sua faciat habere J. filio Galfridi justiciario Hybernie vj. matrices bremias et Stephano Bauzan iiij. matrices bremias de dono regis. Testibus A. regina et R. comite Cornubie apud Westmonasterium xxix. die Januarii. Per reginam.

Pro Philippo Marmium (sic).—Mandatum est vicecomiti Hereford' quod demandam quam facit Philippo Marmiun et ballivis suis de Kilpek' de escapio latronis ponat in respectum usque ad Pentecosten proximo futuram. Testibus ut supra. Per H. de Bath'.

Pro Stephano Bauzan.—Mandatum est Ernaldo de Bosco, justiciario foreste, quod, si Stephanus Bauzan non habuerit decem quercus ad maeremium in bosco de Hanle infra foresta de Selveston' quas rex ei dedit tempore quo Johannes Mauns' habuit custodiam foreste regis inter pontes Staunford' et Oxonie, tune eidem Stephano quod residuum fuerit de predictis x. quercubus in predicto bosco habere faciat. Testibus ut supra. Per reginam.

De comitatu Sussex' tenendo.—Quia comitatus Sussex' antiquitus teneri consueverunt apud Cycestr', et vicecomes Surr' et Sussex' nunc illos assidet vicissim apud Lewes et Schorham, unde patria non mediocriter aggravatur, mandatum est eidem vicecomiti quod decetero prefatos comitatus assideat et teneat apud Cicestr' ubi antiquitus assideri et teneri consueverunt; et hoc nullatenus omittat. Testibus ut supra apud Westmonasterium xxxj. die Januarii. Per consilium.

De ponendo per ballium.—Thomas le Cuverur et Reginaldus filius ejus, capti et detenti in prisona regis de Appelby pro morte Stephani de Brompton', unde apellati sunt, habent litteras vicecomiti Westm' quod ponantur per ballium. Testibus ut supra.

De coronatore eligendo.—Mandatum est vicecomiti Norf' quod in pleno comitatu et per assensum ejusdem comitatus loco Sampsonis Talebot, quondam coronatoris ejusdem comitatus, qui mortuus est, ut dicitur, eligi faciat alium coronatorem, qui prestito etc. Testibus ut supra.

[m. 12.]

Pro Nicholao le Messager.—Mandatum est vicecomiti Line' quod de medietate illius mesuagii cum pertinenciis in Stanford', quod fuit Koc Judei, de qua nuper rex in curia sua recuperavit seisinam tanquam de escaeta sua versus Willelmum de Tikincot' et Julianam uxorem ejus, ponat Nicholaum le Messager in seisinam nomine regis donee rex aliud inde preceperit. Testibus ut supra apud Westmonasterium xxxj. die Januarii. Per H. de Bathonia.

Pro Willelmo Bardolf.—Mandatum est ballivis de Shorham quod Willelmo Bardof, qui transfretaturus est ad regem in Vasconiam, inveniant unam bonam navem ad deferendum in ea victualia sua et hernesium suum. Testibus ut supra. Per reginam.

De ponendo per ballium.—Radulphus de Skendelby, captus et detentus in prisona regis Line' pro morte Henrici de Wolton', unde Galfridus de Welton' eum apellat, habet litteras vicecomiti Line' quod ponatur per ballium. Testibus ut supra.