Close Rolls, October 1254

Close Rolls, October 1254

Pro rege. De Pannis contra Natale.—Mandatum est magistro W. de Kilkenny, archidiacono Coventrensi, et Philippo Lovel, thesaurario, quod in instanti feria Norhamt' et aliis nundinis per Angliam sine ulteriori dilacione capi faciant pannos et pelluras ad opus regis et familie sue contra Natale Domini proximo futurum; ita quod prompti sint in adventu regis in Angliam. Et quod hoc nullatenus omittant ne rex habeat inde defectum. Teste rege apud Burdegalam ij. die Octobris.

Pro Henrico de Wengham.—Mandatum est Rogero Scissori et Bonacio Lumb' quod faciant habere Henrico de Wengham unum pannum laneum integrum de dono regis. Teste apud Burdegalam iiij. die Octobris.

Pro abbate de Sorges.—Mandatum est eisdem quod non obstante etc. faciant habere abbati de Sorges unum pannum de burnetta cum pelluris de dono regis. Teste ut supra.

Pro Rudell' de Monte Clar' et sociis suis.—Mandatum est Rogero Scissori et Bonacio Lumb' quod faciant habere Rudell' de Monte Clar' et quatuor sociis suis, quos in proximo festo Omnium Sanctorum faciet (fn. 1) novos milites, habere faciant ea que ad miliciam suam pertinent sicut rex novis consuevit invenire. Teste apud Burdegalam vj. die Octobris.

Pro Baldewino de Insula.—Mandatum est Rogero Scissori et Bonacio Lumbard' quod non obstante aliquo mandato etc. sine dilacione faciant habere Baldewino de Insula afferentum suum de termino Sancti Michaelis anno regni regis xxxviij. Teste ut supra.

Pro Johanne de Grey.—Mandatum est Ernaldo de Bosco, justiciario foreste, quod ad viginti et tres quercus, quas prior Sancte Trinitatis Cantuar' dedit Johanni de Grey in bosco suo de Daningeris, qui est infra metas foreste regis Essex', cheminagium habere faciat cariandas quo voluerit sine inpedimento predicti justiciarii vel ballivorum suorum. Teste ut supra.

Pro executoribus Gilberti de Segrave.—Mandatum est abbati de Persor', eschaetori regis, quod accepta securitate ab executoribus Gilberti de Segrave de debitis regi reddendis, si qua idem Gilbertus regi debuit die quo obiit, de omnibus bonis et catallis que fuerunt ipsius executores ipsos liberam habere permittatis administracionem ad execucionem testamenti ipsius faciendam. Teste apud Burdegalam viij. die Octobris.

Pro Edwardo filio regis.—Mandatum est R. comiti Cornubie quod, quia rex dedit Edwardo filio suo wardas Anglie que regi acciderint primo, donec quindecim mille (sic) marcatas terre quas rex ei concessit, unde adhuc tres mille deficiunt marcate, plenarie perceperit, omnes terras et tenementa que fuerunt Gilberti de Segrave extendi et seisinam inde ballivis predicti Edwardi habere faciat; ita quod uxori predicti Gilberti dotem suam per rationabilem extentam inde sine dilacione habere faciat; et quod extentam predictarum terrarum et tenementorum regi scire faciat. Teste ut supra.

Pro Radulpho de Gorges.—Mandatum est abbati de Persor', eschaetori, quod, quia Radulphus de Gorges monstravit regi quod idem abbas injuste disseisivit eum de quodam molendino suo cum pertinenciis in Bradepole, postquam cum rege profectus est in Wasconiam et habuit literas regis de protectione, si ita est, tunc seisinam suam de predicto molendino rehabere faciat usque ad redditum (sic) regis in Angliam. Teste apud Burdegalam viij. die Octobris.

Pro Hugonede Clifford'.—Mandatum est Ernaldo de Bosco, justiciario foreste, quod in foresta regis de Den' sine dilacione faciat habere Hugoni de Clifford' tres damas de dono regis. Teste ut supra.

Pro Drogone de la Coker'.—Mandatum est Bonacio Lumb' et tenenti locum Rogeri Scissoris quod Drogoni de la Cokere, qui ad instanciam Drogonis de Barentin in instanti festo Sancti Edwardi a rege suscepturus est arma militaria, habere faciant se altero ea que ad miliciam suam pertinent sicut aliis novis militibus consuevit invenire. Teste.

Pro Jermano Scissore.—Rex perdonavit Jermano Scissori suo consuetudines sectarum, comitatuum, hundredorum et turnorum vicecomitis, si que debeantur de custodia terre et heredis Emerici Bataylle, quam rex dedit eidem Jermano usque ad etatem ipsius heredis. Et mandatum est vicecomiti Essex' quod, quamdiu idem Germanus custodiam illam habuerit, eum de predictis consuetudinibus quietum esse permittat; et si quid occasionibus predictis ab eodem Germano vel custodia predicta per ipsum vel ballivos suos ablatum fuerit, id ei sine dilacione reddi faciat. Teste apud Burdegalam ix. die Octobris.

Pro magistro Henrico, cirurgico.—Mandatum est baronibus de Scaccario quod, quia rex dedit per literas suas patentes magistro Henrico, cirurgico, et heredibus suis quicquid regi accidit vel accidere poterit in civitate regis London' de terris et tenementis que fuerunt Petri de Frowik', qui fidem sprevit Christianam, ut dicitur, si quid de terris et tenementis predictis receperint in manum regis occasione cujusdam mandati quod rex nuper eisdem baronibus direxit, et sit exchaeta regis ita quod eam dare possit cuicumque voluerit sine prejudicio alicujus, tunc ei plenam seisinam inde habere faciant. Teste apud Burdegalam x. die Octobris.

Pro Fortunerio de Luc'.—Mandatum est Bonacio Lumb' et tenenti locum Rogeri Scissoris quod, non obstante aliquo mandato etc. faciant habere Fortenerio de Luc' unam robam cum pelura de cuniculis, et uxori sue unam robam et mantellum cum pelluris de cuniculis, de dono regis. Teste apud Burdegalam xij. die Octobris.

Pro rege. De ecclesia Westmonasterii.—Mandatum est Philippo Lovel et Edwardo de Westmonasterio quod providere faciant de cumulo ad ecclesiam de Westmonasterio et de plumbo ad ipsam cooperiendam. Teste ut supra.

Pro Galfrido de Bello Campo.—Mandatum est Bonacio Lumb' et tenenti locum Rogeri Scissoris quod non obstante aliquo mandato etc. faciant habere Galfrido de Bello Campo unam robam novam cum (mantello struck through) capa de bono camelino cum pelluris decentibus, vel de cuniculis si melius non poterint, de dono regis. Teste ut supra.

Pro Roberto Tregoz.—Mandatum est Ernaldo de Bosco, justiciario foreste, quod in foresta regis de Bradene in comitatu Wiltes' faciat habere Roberto Tregoz sex damos et quindecim damas vivas ad quendam parcum suum instaurandum, de dono regis. Teste ut supra.

Pro Philippo de Arescy.—Rex cepit homagium Philippi de Arescy de omnibus terris et tenementis que Normannus de Arescy, pater ipsius Philippi, de rege tenuit in capite, de quibus idem Normannus fuit seisitus ut de feodo die quo obiit et que ipsum Philippum herditarie contingunt. Et mandatum est (Thome de Staunford' struck through) abbati de Persor' et coexchatoribus (sic) suis in comitatu Lincoln' quod eidem Philippo de omnibus terris et tenementis predictis plenam seisinam habere faciant, quia rex dedit ei terminos de relevio suo. Teste ut supra.

Pro Ricardo de Grey.—Mandatum est magistro W. de Kilkenny quod scrutatis rotulis cancellarie faciat habere Ricardo de Grey breve de Liberate de arreragiis annui feodi sui quod percipit ad scaccarium regis. Teste apud Burdegalam xiij. die Octobris.

Pro Matheo le Minur.—Mandatum est Bonacio Lumbard' et tenenti locum Rogeri Scissoris quod faciant habere Matheo le Minur et Miato le Carpenter duas robas de dono regis.

Pro Ricardo de Grey et sociis suis.—Mandatum est eisdem quod faciant habere Ricardo de Grey, Guidoni de Rupe Forti et magistro Gilberto tunicas, supertunicas et capas cum pelluris de scuirellis. Teste etc.

Pro Egidio de Wodeham.—Mandatum est Ernaldo de Bosco, justiciario foreste, quod faciat habere Egidio de Wodeham sex quercus in foresta de Silveston' de dono regis. Teste ut supra.

Pro Edwardo filio regis.—Mandatum est R. comiti Cornubie quod extendi faciat terram que fuit Michaelis de Manimers, qui nuper obiit in Wasconia. videlicet quantum valeat in omnibus exitibus terre per annum; et facta extenta illa eam liberari faciat Galfrido de Langel', ballivo Edwardi filio regis, ad opus ejusdem Edwardi; ita quod tantum ei decidat in summa quindecim milium marcatarum terre in qua rex tenetur ei providere. Teste apud Burdegalam xvj. die Octobris.

Pro Pelrino de Luc'.—Mandatum est Johanni de Lexinton', justiciario foreste ultra Trentam, quod faciat habere Pelrino de Luc', mercatori regis, vel ejus certo attornato has literas deferenti, tres quercus ad maremium in foresta de Ingelwode de dono regis. Teste ut supra.

Pro rege. De garderoba.—Mandatum est Bertramo de Podenzak', constabulario et majori Baion', quod residuum garderobe regis, quod remansit in custodia servientis Rogeri Scissoris apud Baionam post recessum Edwardi filii regis de Baiona, Petro de Gannoc, Roberto de Linton' et Eustachio Heyrun sine dilacione deliberari faciat ducendum cum festinacione, die et nocte, per mare et per terram, in galea regis, quo rex eis injunxit, proutiidem Petrus, Robertus et Eustachius dicto constabulario oretenus apertius exponent; et eis consilium et auxilium suum efficaciter inpendat in predictis. Teste ut supra.
Et mandatum est tenenti locum Rogeri Scissoris apud Baionam quod predictum residuum predictis Petro, Roberto et Eustachio sine dilacione liberari faciat.

Pro Petro de Linton'.—Mandatum est Rogero, constabulario castri Burd', quod quia Robertus de Linton', clericus Rogeri Scissoris, iturus est apud Baionam per preceptum regis pro quibusdam negociis regis ibi expediendis, assistat Bonacio Lumbard' in liberacionibus de garderoba regis faciendis usque ad reversum predicti Roberti de partibus predictis, ut eidem Bonacio interim de facto suo testimonium perhibere possit. Teste ut supra.

Pro Henrico le Peytevyn.—Mandatum est Bonacio Lumb' et tenenti locum Rogeri Scissoris quod non obstante etc. faciant habere Henrico le Peytevyn unam robam integram, scilicet tunicam, supertunicam et capam cum pelluris convenientibus, de dono regis. Teste rege apud Burdegalam xx. die Octobris.

Pro magistro Ricardo le Harpur et uxori ejus.—Mandatum est eisdem quod sine dilacione faciant habere magistro Ricardo le Harpur unam robam et mantellum de bono panno cum furura ad supertunicam de scurellis et penula ad mantellum de bissis; et uxori ejusdem Ricardi unam robam, mantellum et capam de bono panno cum furura ad capam, et supertunicam de scurellis, et cum penula ad mantellum de bissis, de dono regis. Teste ut supra.

Pro Johanne de Sumerset'.—Mandatum est Ernaldo de Bosco, justiciario foreste, quod in parco regis de Pereton' faciat habere Johanni de Sumerset' quinque quercus de dono regis. Teste ut supra.

[m. 1.]

(fn. 2) Pro Johanne filio Galfridi.—Mandatum est Ernaldo de Bosco, justiciario foreste. quod sine dilacione faciat habere Johanni filio Galfridi, justiciario Hybernie, decem quercus in foresta de Chipeham et decem quercus in foresta de (Brehull' struck through) Pauncehal' (interlineated) et decem quercus in foresta de Brikestok', de dono regis. Teste rege apud Burdegalam xxix. die Octobris.

Pro Nicholao de Molis.—Mandatum est Johanni filio Galfridi, justiciario Hibernie, quod de exitibus episcopatuum, abbaciarum et prioratuum vacancium et in manu regis existencium, sine dilacione faciat habere Nicholao de Molis centum marcas, in quibus rex ei tenetur de promisso quod ei fecit pro expensis suis factis in Wasconia in servicio regis. Et propter pericula que poterint inminere in itinere hoc idem mandavit rex thesaurario et camerariis suis Hibernie. Teste ut supra.

Pro Rustando Ruffac et sociis suis.—Mandatum est constabulario et majori de Burgo quod, quia rex multociens rogavit comitem Britann' quod catalla Rustandi Ruffac et sociorum suorum civitatis Burdeg' in potestate sua detenta deliberari faceret, et idem comes nichil inde facere curavit, navem de Muntrolis, que est de dominio predicti comitis et que apud Burgum vinis onerata est, cum omnibus rebus et catallis que in ea sunt arestari faciant, quousque predicto Rustando et sociis suis de dampnis suis plenarie fuerit satisfactum. Teste ut supra.

Prorege. Decastro de Villalad' capiendo in manum regis.—Mandatum est Stephano Bauzan', senescallo Wasconie, quod quia pluries mandavit Willelmo Seguin de Ryuns quod ad regem veniret super negocio de Villalad' et aliis locuturus, quod facere non curavit, statim visis litteris capiat in manum regis castrum de Villalad' et salvo custodiri faciat donec aliud rex inde preceperit. Teste xxx. die Octobris.

Pro Henrico de Wengham.—Mandatum est Bonacio Lumb' et tenenti locum Rogeri Scissoris quod habere faciant Henrico de Wengham unum tabardum et unam supertunicam de say de Ypris, ad equitandum, de dono regis. Teste apud Burdegalam xxx. die Octobris.

De robisliberandis duobus garcionibus.—Mandatum est eisdem quod faciant habere duobus garcionibus, quos frater Henricus de Shireford' eis dicet, decem ulnas panni ad duas robas, de dono regis. Teste ut supra.

Pro fratre Herewardo de Portesm'.—Mandatum est eisdem quod, non obstante etc. faciant habere fratri Herewardo de Portesm' sex ulnas de grisengo ad unam robam; duobus garcionibus de carectis garderobe regis octo ulnas de eodem; et vigili de eadem garderoba quatuor ulnas, de dono regis. Teste up supra.

De pannis et hernasiis regis ducendis in Angliam.—Mandatum est eisdem quod omnes pannos et hernasia. que remanserunt apud Baionam post liberacionem factam ad miliciam Edwardi filii regis, in galia regis salvo [poni] faciant et duci in Angliam. Et si non habuerit (sic) pecuniam ad faciendum pagam marinellis, de predictis pannis et harnisiis vendant secundum quod viderint expedire ad pacandum inde predictos marinellos, si alio modo non possint evadere vel aliam chevisanciam facere. Teste apud Burdegalam xxx. die Octobris.

Pro Johanne filio Galfridi, justiciario Hibernie.—Rex pro laudabili servicio Johannis filii Galfridi, quod regi exibuit et Edwardo filio suo, dedit ei cantredum insularum in Totmund' per cartam suam hereditarie tenendum. Et mandatum est magistro W. de Kilkenny quod literas patentes ipsius Johannis que resident in cancellaria regis de faciendo regi vel heredibus suis excambium de predicto cantredo pro aliis terris eidem Johanni vel heredibus suis alibi assignandis ad valenciam predicti cantredi ipsi Johanni restitui faciat, et inrotulacionem illam factam in rotulis extrahi et omnino cassari faciat. Teste ut supra.