Close Rolls, May 1255

Close Rolls, May 1255

Pro abbatissa de Berking'.—Rex vicecomiti Essex' salutem. Precipimus tibi quod omnes illos de balliva tua qui terras habent in marisco de Berking' et ad reparacionem walliarum ejusdem marisci abbatisse de Berking' contribucionem reddere debent, distringas ad reddendum contribucionem illam prefate abbatisse, que pro se et ipsis ad custum suum wallias illas reparavit, ut dicitur. Teste rege apud Merton' ij. die Maii.

De providencia panis contra festum Pentecostes.—Rex ballivis suis Wintonie salutem. Precipimus vobis quod contra instans festum Pentecostes, quod celebraturi sumus apud Clarendon', fieri faciatis in villa vestra x. libratas boni et pulchri panis, et quatuor panes ad denarium, et panem illum cariari faciatis usque Clarendon', ita quod sit ibi tercio die ante festum predictum. Et nos custum illius panis et cariagii ejusdem vobis ibidem reddi faciemus. Teste rege apud Rading' viij° die Maii.
Eodem modo mandatum est ballivis de Aundovr' de lx^a. solidatis panis; ballivis de Wilton' de lx^a. solidatis panis; ballivis de Neubir' de c. solidatis panis, ballivis de Hungerford' de c. solidatis panis. Et ballivis de Sarr' de c. solidatis panis. Teste ut supra.

Pro Willelmo de Valenc'.—Rex abbati Westmonasterii salutem. Cum venerabiles patres R. quondam Lincolniensis et W. nunc Wigorniensis episcopi de legatis et aliis deputatis in subsidium Terre Sancte, antequam crucesignati essemus, auctoritate felicis memorie Innocentis pape dilecto fratri nostro W. de Valenc' crucesignato, pro ducendo secum in eandem terram certo numero bellatorum, duo milia et ducentas marcas promiserint assignare, de quibus circa nongentas libras et non ultra, sicut dicit, sibi extitit satisfactum, ac de novo predictus Wigorniensis episcopus in nostra presencia constitutus de consensu, voluntate et mandato nostro dicto fratri nostro residuum dicte pecunie promiserit per suas patentes literas facere liberari; vobis mandamus firmiter inungendo quatinus totum residuum pecunie memorate eidem fratri nostro vel mandato suo sine more dispendio persolvatis vel persolvi faciatis, secundum quod in literis patentibus predicti Wigorniensis episcopi videbitis plenius contineri. Teste etc. x. die Maii.

De firma maneriorum de Winchecumb' cum hundredo de Holeford'.—Quia datum est regi intelligi per Willelmum de Lessebereg', vicecomitem Glouc', quod Adam de Nutsted', quondam vicecomes predicti comitatus, una cum eodem comitatu habuit ad firmam manerium de Winchecumb' cum hundredis de Holeford, Grestan' et Kiftesgate et inde respondit ad Scaccarium regis; mandatum est baronibus de Scaccario quod, scrutatis rotulis Scaccarii regis, ei scire faciant utrum idem Adam habuit ad firmam predictum manerium cum hundredis illis una cum predicto comititatu nec ne, et, si ea habuerit, quia non reperitur in rotulis cancellarie regis ad quam firmam ea habuerit, regi similiter scire faciant ad quam firmam ea habuit, ut literas regis patentes super dimissionc ejusdem manerii cum hundredis predictis predicto Willelmo fieri faciat. Teste rege apud Rading' x. die Maii.

Pro Reginaldo de Cobham.—Mandatum est baronibus de Scaccario quod Walterum de Berdsted', clericum Reginaldi de Cobham vicecomitis Kanc', ad computandum et ad respondendum coram eis ad Scaccarium pro eodem vicecomite, quotiens idem vicecomes ad hoc vacare vel personaliter interesse nequiverit, loco ipsius vicecomitis admittant. Teste rege apud Clarendon' xviij. die Maii.

[m. 13d.]

Pro abbate Glaston'.—Rex vicecomiti Berk' salutem. Scias quod, cum archiepiscopi, episcopi, abbates, priores, comites, barones et alii magnates de regno nostro concessissent nobis racionabile auxilium ad primogenitum filium nostrum militem faciendum, scilicet xl^a. solidos de singulis feodis militum que de nobis tenentur in capite, unde reddere nobis debuerant unam medietatem ad Scaccarium nostrum in festo Sancti Michaelis anno etc. xxxvij° et aliam medietatem ad Scaccarium nostrum in festo Pasche proximo sequenti, nos concessimus eisdem archiepiscopis, episcopis, abbatibus et prioribus quod ipsi de tenentibus suis per servicium militare levare possent tantum de eodem auxilio ad opus suum quantum nobis redderent de feodis que de nobis tenentin capite; et ideo tibi precipimus quod omnes tenentes abbatis Glaston' de quadraginta feodis militum, de quibus nuper discussum fuit coram nobis in presencia nostri inter ipsum abbatem et episcopum Bathoniensem, distringas ad reddendum eidem abbati auxilium predictum, ut inde nobis respondere possit sicut huc usque consuevit. Teste rege apud Keninton' iij° die Maii.
Consimiles litteras habet idem abbas vicecomitibus Sumers' et Dors' et Wiltes'. Teste ut supra.

Pro Petro de Malo Lacu.—Rex baronibus suis de Scaccario salutem. Ostendit nobis Petrus de Malo Lacu quod vos eum distringi facitis per summonicionem Scaccarii nostri pro debitis nobis reddendis que Robertus de Turneham nobis debuit ad idem Scaccarium desicut idem Petrus non est predicti Roberti (sic) nec aliquid tenet de terris vel tenementis que fuerunt predicti Roberti, et ideo vobis mandamus quod eidem Petro sine ulteriori dilacione judicium suum inde ad idem Scaccarium nostrum reddi faciatis. Et si inveneritis per consideracionem ejusdem Scaccarii quod de debitis predictis quietus esse debeat, tunc predicta debita levari faciatis de ipsis qui terras et tenementa que fuerunt predicti Roberti modo tenent et ipsum Petrum penitus inde quietum esse. Teste ut supra.

Pro Johanne le Moyne.—Quia Johannes le Moyne quondam vicecomes Cantebr' et Huntendon' profecturus est in servicium regis per preceptum regis in Wascon', mandatum est baronibus regis de Scaccario quod atornatum sufficientum loco predicti Johannis ad compotum pro eo reddendum et omnia faciendum que fuerint facienda de tempore quo fuit vicecomes predictorum comitatuum secundum legem et consuctudines Scaccarii regis ad hoc recipiant. Teste rege apud Bistlesham iiij. die Maii.

De quodam freno faciendo.—Mandatum est Philippo Luvel, thesaurario regis, quod sine dilacione fieri faciat ad palefridum regis qui (fn. 1) W. quondam archiepiscopi Eboracensis unum frenum deauratum leve et strictum de pleno opere cum uno pectoriali ejusdem secte et illud regi transmittat: et hoc non omittat. Teste rege apud Rading' vij. die Maii.

Pro Bernardo Nicholai.—Quia Aaron filius Abrahe et Elyas le Evesk', Judei London', manuceperunt coram rege ad solvendum a die Pasche proximo preterito in tres septimanas Bernardo Nicholai, mercatori, iiij^xx. et x. marcas argenti pro duobus equis argenteis ab (fn. 2) eo emptis ad opus regis sub pena duarum marcarum auri regi solvendarum, et iidem Judei dictam pecuniam ipsi mercatori nondum persolverunt, sicut rex intellexit, mandatum est Philippo Luvel, thesaurario regis, quod ipsos Judaeos sine dilacione distringi faciat ad reddendum eidem Bernardo citra Pentecosten proximo futuram quantum restat reddendum de pecunia predicta et regi predictas duas marcas auri; ita quod eas habeat apud Clarendon' in festo predicto. Et hoc non omittat. Teste rege apud Rading' viij. die Maii.

Pro Willelmo de Micheldevr'.—Mandatum est baronibus regis de Scaccario quod de claris debitis in quibus Willelmus de Micheldevr' regi tenetur de tempore quo fuit vicecomes regis Surr' et Sussex' et omnibus clamiis suis, que sibi de tempore eodem petiit allocari, regi sine dilacione certificent, ut in instanti festo Pentecostes justiciam eidem Willelmo rex exhiberi faciat. Teste ut supra.

De manerio de Ryvhale.—Mandatum est vicecomiti Essex' quod, si quos in manerio de Ryvhale, quod Petrus de Roffa jam defunctus de rege tenuit in capite, invenerit, qui illud ingressi sunt per collusionem in prejudicium juris regis, eos attachiari faciat quod sint coram rege in octabis Sancti Johannis Baptiste ubicumque tunc fuerit in Anglia regi inde responsuri. Teste ut supra.

De Eduuardo filio regis.—Rex Edwardo filio suo salutem. De hiis que nobis significastis de Gaylardo de Solio et amicis suis, obsidibus, quod in negocio eorum, consilio nostro irrequisito, procedere noluistis, grates vobis referimus, verum quia volumus quod pax inter eos et regem Castelle illustrem et ipsum Gaylardum et amicos suos reformata in omnibus observetur, et dicto negocio ad presens vacare non possumus, idem negocium discrecioni vestre relinquimus ut ad ejusdem negocii consummacionem dilecti et fidelis nostri J. filii Galfridi, justiciarii nostri Hibernie, et aliorum fidelium vestrorum consilio mediante taliter procedatis quod tam nobis quam vobis et ipsi Gaylardo et amicis suis ad utilitatem cedat et honorem. Teste rege apud Rading' xj. die Maii.
Eodem modo scribitur Johanni filio Galfridi, justiciario regis Hibernie.

Pro quodam Judeo.—Rex justiciariis suis ad custodiam Judeorum assignatis salutem. Monstravit novis Lumbardus filius Licoricie, Judeus Winton', quod vos pro tallagio xl. marcarum super eum assesso ad terminum Pentecostes anno etc. xxxviij. cepistis in manum nostram catalla ejus jam uno anno elapso et ea adhuc in manu nostra retinetis, ita quod nec nos nec ipse Judeus profectum aliquem inde sumus assequti; et, quia idem Judeus queritur quod graviter superoneratus fuit in tallagio predicto et vos ipsos ad hoc advocat in testimonium, vobis mandamus quod, si videritis quod sit ad profectum nostrum capere ab eo rationabilem finem de tallagio predicto pro catallis predictis, tunc rationabilem finem ab eo capiatis pro eisdem; ita quod de summa totius tallagii nostri nichil nobis decrescat. Alioquin nobis sine dilacione significetis sub sigillo vestro causam pro qua catalla ejus in manum nostram cepistis, et quantum valent, et quantum nobis dare poterit, una cum tota inde rei veritate, una cum consilio vestro. Teste ut supra.

De quadam assisa proroganda.—Mandatum est Henrico de Bretton' quod in assisa nove disseisine quam Andreas Wak' arramiavit coram eo versus Willelmum de Monte Acuto de tenemento in Cochull' ad judicium non procedat, set, cum eam ceperit, partibus diem coram rege prefigat quem duxerit providendum ad judicium suum inde audiendum. Teste rege apud Clarend' xvij. Maii. Per Henricum de Bathon'.

Pro abbate de Hyda.—Rex justiciariis suis proxima itineraturis in comitatibus Surr' et Sussex' salutem. Mandamus vobis quod, si contingat dilectum nobis in Christo abbatem de Hyda implacitari coram vobis in comitatibus predictis de aliquo placito in quo secundum legem terre possit facere atornatum, tunc aliquem ex clericis vestris de quo confidatis ad atornatum, vel atornatos suos in hujusmodi loquelis recepiendos mittatis, quia hanc potestatem pro eodem abbate hac vice vobis concedimus. Teste rege apud Clarend' xviij. die Maii.

Pro Waltero de Burgo.—Rex episcopo Fernencensi et sociis suis justiciariis itinerantibus in Hibernia salutem. Mandamus vobis quod loquelam que fuit coram vobis per breve nostrum in itinere vestro apud Dublin' inter Walterum de Burgo petentem et Geroldum de Rupe tenentem de terra de Glenhonhelan' cum pertinenciis, et que per preceptum nostrum posita fuit in respectum donec aliud inde precipissemus ut dicitur, resummoneri faciatis coram vobis non obstante precepto illo; ita quod loquela illa tunc sit in eodem statu in quo remansit per preceptum nostrum, et in ea procedatis secundum quod de jure fuerit procedendum. Teste etc.

Pro magistro Milicie Templi.—Memorandum quod rex concessit magistro Millicie Templi in Anglia quod Johannes de Langetoft, clericus de cancellaria regis, possit facere atornatum vel atornatos nomine ipsius magistri in omnibus loquelis suis motis vel movendis coram quibuscumque justiciariis domini regis usque ad festum Sancti Petri ad Vincula. Teste rege apud Clarendon' xvij. die Maii. Per Henricum de Bathon'.

De auro levando ad opus regis.—Mandatum est Johanni de Wyvyle et sociis suis, justiciariis ad custodiam Judeorum assignatis, quod de Elya le Eveske et Aaron filio Abrahe, Judeis London', levari faciant ad opus regis duas marcas auri in quibus regi tenentur sub pena pro eo quod manuceperunt satisfacere mercatoribus pro jocalibus regis infra certum terminum, quem non observaverunt.

Pro abbate Westmonasterii.—Mandatum est justiciariis regis de Banco quod, si contingat aliquam assisam vel aliqua placita coram eis atterminari que tangant libertatem abbatis et conventus Westmonasterii, tunc cartam quam rex eis fieri fecit de libertate habendi returnum brevium regis coram eis legi et eam firmiter eis faciant observari. Teste ut supra.

Pro Eduuardo filio regis.—Rex Galfrido de Langele, senescallo Eduuardi filii sui, salutem. Quia jam providimus de quibusdam militibus mittendis ad partes Wasconie pro negociis et agendis Eduuardi filii nostri, qui erunt ad nos apud Wodestok' in quindena Sancte Trinitatis proximo ventura parati ad transfretandum versus partes predictas, vobis mandamus quod in propria persona vestra sitis coram nobis in quindena predicta, et omnes denarios quos habetis et quos interim perquirere poteritis ad opus predicti Eduuardi habeatis ibidem ad eundem diem ad satisfaciendum inde predictis militibus de stipendiis suis, ita vos habentes in premissis quod predicti milites non retardentur ab itinere suo et quod predictus filius noster pro defectu vestri dispendium vel periculum non incurrat. Et hoc sicut nos et honorem dicti filii nostri diligitis nullatenus omittatis. Teste rege apud Clarend' xviij. die Maii.

De prohibicione.—Mandatum est Bertramo de Cryoll', custodi quinque portuum, quod non permittat quod aliquis miles vel magnas extraneus terram regis sine speciali licencia regis ingrediatur, nisi sit de familia regis vel Eduuardi filii sui vel nuncii ad regem specialiter destinati, donee a rege aliud habuerit in mandatis; et hoc sub ea qua poterit cautela tam apud Witsand, quam apud Kaleys notum faciat; rex eciam (fn. 3) non vult quod aliquem militem regni sui permittat regnum suum egredi sine licencia et mandato regis. Teste ut supra.

De loquela ponenda in respectum.—Rex ad peticionem petentium mandavit justiciariis suis proximo itineraturis in comitatu Glouc' quod ponant in respectum usque a die Sancte Trinitatis in unum mensem loquelam que atterminata est coram eis per justiciariis regis de Banco inter Robertum de Morton', Willelmum de Westbur' et Walterum de Helun, petentes, et Walterum de Avenebur' tenentem, de manerio de Egeswurthyn exceptis tribus virgatis terre, et de una virgata terre cum pertinenciis in Wyke. Teste ut supra. Per Henricum de Bathon'.

De inquisicione.—Rex baronibus de Scaccario salutem. Qiua Walterus de Luveray, Willilmus filius Rogeri, Johannes de Loveray, Ricardus le Frankeleyn, et Willelmus filius Nigellii, libere tenentes de manerio nostro de Amenel', nobis conquesti sunt quod assessores tallagii nostri eos talliaverunt contra justiciam, eo quod nunquam talliari consueverunt ut dicunt, vobis mandamus quod secundum consuetudinem Scaccarii nostri diligenter inquiri faciatis si predicti tenentes vel antecessores eorum unquam talliati fuerunt tempore dominorum qui manerium illud tenuerunt ante tempus Godefridi de Cracunb', vel tempore ipsius Godefridi, vel postquam idem Godefridus manerium illud nobis dimisit; et, si inveneritis quod nec ipsi nec antecessores sui unquam talliari consueverint temporibus predictis, tune ipsos de tallagio quietos esse faciatis in futurum; alioquin inde faciatis quod pertinet faciendum. Teste rege apud Clarend' xviij. die Maii.

Pro Willelmo de Valenc'.—Rex Johanni filio Galfridi, justiciario Hibernie, vel ejus locum tenenti, salutem. Mandamus vobis quod libertates et jura dilecti fratris nostri Willelmi de Valenc' et Johanne uxoris ejus in comitatu Weseford' et alibi in Hybernia manuteneatis et defendatis, non inferentes eis vel ballivis suis vel ab aliquibus inferri permittentes super eisdem libertatibus et juribus molestiam vel impedimentum, quo minus predicti Willelmus et Johanna libertatibus et juribus predictis utantur adeo libere, quiete et integre quantum ad propartem ipsius Johanne pertinet, sicut Walterus Marscallus quondam comes Penbrok' uti solet eisdem libertatibus et juribus in omnibus terris suis et comitatibus Hybernie temporibus suis, ita quod propter oppressiones eis inde factas non oportent nos manus regias ad hoc apponere. Teste ut supra.

Pro Fulcone filio Warini, juniore.—Mandatum est Johanni filio Alani quod sit coram rege in crastino Sancti Johannis Baptiste proximo futuro ubicumque rex tunc fuerit in Anglia responsurus Fulconi filio Warini, juniori, super quibusdam gravibus excessibus.

De cuneo.—Mandatum est baronibus de Scaccario quod assumpto secum Johanne de Somercot' disponant et statuant de cuneis regis Cantuar' prout regi et cambio illi magis viderint expedire. Teste.

De religiosis episcopatus Wintoniensis.—Mandatum est Cicestrensi episcopo quod omnes exactiones quas facit a viris religiosis episcopatus Wintoniensis de laicis feodis suis occasione gracie domini pape regi facte ponat in respectum usque ad quindenam Sancti Michaelis proximo futuram. Teste rege apud Clarendon' xvj. die Maii.

De atornato.—Johannes de Bayllol' attornavit coram rege apud Clarendon' Jacobum de Scunynton' et Galfridum de Dukeswurth' ad lucrandum etc. in loquela que attachiata est coram rege de quadam transgressione inter ipsum Johannem et Petrum Peytevyn et Robertum Gyler' et quosdam alios de eo quod depredati sunt navem ipsius Johannis in costera maris juxta Bridlinton'.

[m. 12d.]

Pro abbate Westmonasterii.—Rex justiciariis suis proximo itineraturis in comitatu Surr' salutem. Quia infra breve tempus presencia dilecti nobis in Christo abbatis Westmonasterii ita indigemus quod apud Wodestok', ubi erimus tempestive, ipso comode carere non possumus, vobis mandamus quod omnia placita in itinere vestro ipsum tangencia cum omni celeritate, qua, justicia mediante, poteritis, expediatis, ita quod negocia nostra que per ipsum apud Wodestok' ad quindenam Sancte Trinitatis habemus terminanda non impediantur. Si vero placita predicta in itinere vestro comitatus predicti non possint terminari, tunc ea coram justiciariis nostris de Banco atterminetis, si secundum legem terre id possit. Teste rege apud Clarendon' xx. die Maii. Per Henricum de Bathon'.

De perambulatione.—Mandatum est vicecomiti Wigorn' quod in presencia magistri Symonis de Wauton' et Willelmi Trussell' fieri faciat perambulacionem inter maneria regis de Norton' et Bremmesgrave et manerium Wygorniensis episcopi de Alvithecherch, ita quod perambulacio illa fiat per certas metas et divisas, quia. tam rex quam predictus episcopus posuit se in perambulacionem illam: et quod sine dilacione scire faciat regi per quatuor milites etc. Teste ut supra.
Et mandatum est predictis Simoni et Willelmo quod, quam citius ad hoc vacare poterint, accedant ibidem et intersint eidem perambulacioni faciende ad videndum quod equitas juris utrique parti observetur. Teste etc.

Et postea mandatum fuit predictis Simoni et Willelmo per literas patentes quod ad diem quem duxerint providendum conveniant ad terras predictas ad predictam perambulacionem per sacramentum predictorum militum faciendam, et quod sine dilacione scire faciant regi sub sigillis eorum et per quatuor milites ex illis qui perambulacioni illi interfuerunt per quas metas etc. Et mandatum est vicecomiti predicto quod ad diem quem ei scire facient venire faciat coram eis predictos milites ad terras predictas etc.

Pro Gilberto de Berneval.—Rex vicecomiti Ebor' salutem. Si Gilbertus de Berneval fecerit te securum de clamio suo prosequendo, tunc pone per vadia et salvos plegios Ricardum de Luteryngton' quod sit coram justiciariis nostris apud Westmonasterium in octabis Sancti Johannis Baptiste ostensurus quare detinet predicto Gilberto quinque marcas annuas que ei debentur de manerio de Luteryngton' per finem inde factam in curia nostra coram justiciariis nostris itinerantibus apud Glouc' inter ipsum Ricardum et Robertum Haget ex concessione ejusdem Roberti, et quare contra eundem finem alienavit sex acras terre de predicto manerio et de bosco ad idem manerium pertinente vastum fecit; quod quidem manerium cum predicto bosco et omnibus aliis pertinenciis suis post decessum ipsius Ricardi, si heredem de corpore suo non habuerit, reverti debet per predictum finem ad predictum Gilbertum et heredes suos ut dicit. Et habeas ibi nomina plegiorum et hoc breve. Teste ut supra. Per W. episcopum Sarisburiensem et Henricum de Bathon'.

De terra replegianda.—Johannes de la Penne venit coram rege apud Clarendon' die Veneris in septimana Pentecostes et petiit etc. que capta est etc. propter defaltam etc. versus Matillidem filiam Ricardi Renerii, ut dicitur. Et hoc mandatum est justiciariis proximo itineraturis in comitatu Surr'.

Pro abbate de Fiscamp'.—Mandatum est justiciariis proximo itineraturis in comitatu Glouc' quod cartam quam rex fieri fecit abbati et conventui de Fiscamp' de libertatibus eis a rege concessis coram eis in predicto itinere suo legi et libertates in eadem carta contentas, quibus libertatibus hucusque usi sunt, teneri faciant in itinere predicto. Teste rege apud Clarendon' xxj. die Maii.

De terra replegianda.—Fulcherus de Surr' venit coram rege in vigilia Sancte Trinitatis apud Clarendon' et petiit terram Silvestri de Fordham in Surr' predicto Silvestro replegiari, que capta etc. propter defaltam etc. quam idem Silvester fecit etc. versus Margeriam de Surr', ut dicitur. Et mandatum est justiciariis de Banco.

Pro Willelmo le Sor.—Rex vicecomiti Glouc' salutem. Precipe Nicholao filio Rogeri, quondam custodi Willelmi le Sor, quod juste et sine dilacione aquietet ipsum Willelmum de xxix. marcis quas Ricardus de Clar', comes Glouc' et Hertford', ab eo exigit ad primogenitam filiam suam maritandam de xiiij^cim. feodis militum et dimidio, que idem Willelmus tenet de predicto comite, videlicet duas marcas ad unumquodque feodum, unde predictus Nicholaus ipsum Willelmum aquietare debuit dum infra etatem et in custodia sua fuit, ut dicitur, et inde queritur quod per defectum ejus distringitur; et nisi fecerit etc. tunc summoneas etc. predictum Nicholaum quod sit coram justiciariis nostris ad primam assisam etc. ostensurus quare non fecerit; et habeas ibi summonitores et hoc breve. Teste apud Clarendon' xxij. die Maii. Per Henricum de Bathon'.

De itinere justiciariorum ad placita foreste.—Rex vicecomiti Huntendon' salutem. Summone per bonos summonitores archiepiscopos, episcopos, abbates, priores, comites, barones, milites et omnes libere tenentes qui terras vel tenementa habent infra metas foreste nostre in balliva tua, et de qualibet villa comitatus tui infra metas foreste nostre in balliva tua existente quatuor homines et prepositum et forestarios villarum et omnes alios qui coram justiciariis itinerantibus ad placita foreste venire solent et debent, quod sint apud Huntendon' a die Sancte Trinitatis in xv. dies anno etc. xxxix. coram dilectis et fidelibus nostris Willelmo le Bretun, Nicholao de Rummes', Simone de Trop et Galfrido de Leukenore, quos justiciarios nostros ad itinerandum ad placita foreste nostre in comitatu predicto constituimus, audituri et facturi preceptum nostrum de hiis que ad predicta placita pertinent. Fac etiam venire coram eisdem justiciariis nostris omnes forestarios nostros et viridarios, tam illos qui modo sunt quam illi qui fuerunt forestarii et viridarii post ultima placita foreste, cum omnibus attachiamentis suis, tam de viridi quam de venacione, que post ultima placita foreste sunt emersa et nondum terminata, videlicet, tam de illis attachiatis qui manent infra metas foreste quam de illis qui manent extra forestam. Fac etiam venire coram eisdem justiciariis nostris omnes regardatores de balliva tuo, ita quod ibi habeant omnia regarda sua sigillis suis signata, et omnes agistatores de eadem balliva tua cum agistamentis suis. Et habeas ibi summonitores et hoc breve. Teste rege apud Clarendon' xxj. die Maii.
Eodem modo mandatum est vicecomiti Norhamt' quod ad diem quem eidem justiciarii ei scire facient venire faciat etc. apud Norhamt'. Teste ut supra.
Vicecomiti Oxon' quod ad diem etc. apud Oxoniam.
Vicecomiti Buk' quod ad diem etc. apud Bukengham.
De quietancia communis summonicionis coram justiciariis ad placita foreste in comitatu Norhamt':—
Warinus de Muntchenes',
Johannes de Bayloll',
Matillis de Cantilupo,
Abbas de Burgo Sancti Petri,
Galfridus de Langel',
Johannes filius Alani.
In comitatu Buk' ad eadem placita:—
Matillis de Cantilupo.
In comitatu Huntedon' coram justiciariis regis ad placita foreste habent isti quietanciam:—
Abbas de Burgo Sancti Petri.
In comitatu Oxon' ad eadem placita:—
Matillis de Cantilupo,
Abbas de Loco Sancti Edwardi,
Emma de Sancto Johanne, domina de Sualewefeld',
Prior Hospitalis Sancti Johannis in Anglia,
Nicholaus de Leye.
Rex Gilberto de Preston' et sociis suis justiciariis proximo itineraturis in comitatu Kancie salutem. Sciatis quod, cum provisum esset dilecto clerico nostro Henrico de Wengham in ecclesia de Tentwardon' per Johannem Maunsel, prepositum Beverlaci, a domino Papa ad hoc deputatum, et procuratores ejusdem Henrici in plena stetissent possessione ejusdem ecclesie, quidam nitentes dictos procuratores a predicta possessione expellere venerunt manu armata ad perturbandum possessionem prefati clerici nostri, et ipsis procuratoribus et aliis hominibus ipsius Henrici resistentibus factus fuit ibidem conflictus, in quo Henricus de la Smalelyde vulneratus fuit, ita quod de vulneribus illis obiit ut dicitur; et cum plura appella facta essent hinc inde in comitatu predicto, et eadem appella coram nobis venire fecissemus, nos eadem appella secundum legem et consuetudinem regni nostri terminari fecimus in curia nostra, et sectam pacis nostre que ad nos pertinuit, tam de morte predicta quam de appellis tunc inde factis, perdonavimus omnibus et singulis inde rettatis, et firmam pacem nostram per literas nostras patentes eis inde concessimus. Et ideo nobis mandamus quod, si aliqua representacio facta fuerit coram vobis in itinere vestro in comitatu predicto de morte predicta, vel de aliqua alia re perpetrata in conflictu predicto contra pacem nostram, vos inde ratione secte que ad nos inde pertinet non intromittatis, quia nolumus quod aliquis inde decetero occasionetur. Teste ut supra.

Bo priore de Lenton'.—Mandatum est Ade de Everyngham, senescallo foreste regis de Syrewode, quod permittat priorem de Lenton' capere petram in quarera regis de rifleto subtus boscum regis Noting' ad fabricam ecclesie sue de Lenton', ita quod non sit ad nocumentum foreste regis Sirewod'. Teste ut supra.

De Stephano Fromond'.—Johannes Lif concessit coram rege quod omnia catalla sua que habet in villa Suthampton' liberentur Stephano Fromunt pro debitis in quibus eidem Stephano tenetur: et mandatum est ballivis Suth' quod omnia catalla que uterque predictorum Stephani et Johannis vel eorum alter racionabiliter monstrare poterit esse ipsius Johannis et sunt in villa predicta eidem Stephano vel ejus certo nuncio liberari faciant. Teste.

De magna carta tenenda.—Mandatum est vicecomiti Ebor' quod magnam cartam regis de libertatibus universitati Anglie concessis in pleno comitatu suo legi et libertates illas in singulis articulis suis, tam pro parte regis quam aliorum de rengno Anglie, in balliva sua decetero firmiter teneri et inviolabiliter faciat observari, ita quod pro defectu sui in hac parte rex ad eum graviter capere non cogatur. Teste rege apud Clarendon' xxiij. die Maii.
Eodem modo mandatum est singulis vicecomitibus Anglie.

De averiis replegiandis.—Mandatum est vicecomiti Oxon', sicut rex alias ei mandaverat, quod sine dilacione replegiari faciat Sampsoni Folyot averia sua que abbas Westmonasterii cepit et injuste detinet ut dicit; et postea etc. vel sine dilacione significet regi quare id non fecerit: et hoc non omittat. Teste rege apud Merleberg' xxvj. die Maii.
Rex vicecomiti Oxon' salutem. Quia semel secundo et tercio tibi precepimus quod juste et sine dilacione replegiari faceres Sampsoni Folyot averia sua que abbas Westmonasterii cepit et injuste detinet ut dicit, et tu nobis significasti quod propter libertatem ipsius abbatis mandatum nostrum in hac parte exequi non potuisti, nec idem abbas averia illa eidem Sampsoni vult replegiare, tibi precipimus quod, non obstante libertate predicti abbatis, predicta averia eidem Sampsoni sine dilacione replegiari facias. Et postea eum etc. ne amplius etc. Teste rege apud Wodestok' ij. die Junii.

[m. 11d.]

Pro rege.—Rex P. de Sabaud' salutem. Quia princeps illustris rex Castelle, noster affinis et consanguineus, pro treugis inter regem Francie et nos ineundis per suos jam nuncios et litteras erga nos institit, nobisque deliberato consilio ac circumstanciis plerisque compensatis id satis placet et utile videtur, dilectionem vestram attente duximus rogandam quatinus susceptis presentibus ad partes Francie vos sub ea qua poteritis maturitate transferre velitis pro negocio memorato. Injunximus autem dilecto et fideli nostro S. de Monte Forti comiti Leic', qui pro quibusdam suis negociis ad partes Francie se jam transtulit, et (fn. 4) cum predicto rege Francie sub expectacione vestri adventus tractatum habeat super premissis, incipiens velut a persuasione et instancia regis Castelle memorati prout sue discussioni videbitur convenientius expedire. Nos vero in occursum vestri nostras literas plenam potestatem dictas trengas per vos et dictum comitem capiendi ac firmandi continentes, necnon et aliquem de nostris secretariis, qui nostra vobis negocia exponat et vestrum nobis consilium super eisdem plenius referat, instructum mittemus: ceterum, cum pro filio nostro karissimo Edwardo, quem tantis sinceritatis affectibus estis prosecuti, nostras aures tociens ac tam instanter crebris exortacionibus intento corde et spiritu sollicito duxeritis interpellandas, nos jam erga vos non minori sollicitudine vel instancia ob id ipsum securius cogimur laborare; presertim, cum in suis agendis et consiliis nullius industria vel fidelitas sibi adeo ut vestra esse valeat fructuosa, ut pote qui propter varias rerum et temporum mutaciones nec non etatis sue temeritatem et alia que vestra discrescio plenius compensabit, suorum propinquorum et benivolorum presencia et consilio absque periculis et dispendio carere nequet graviori. Sinceritatem igitur vestram totis affectibus et desideriis duximus exorandam ut, cum de partibus Francie vos recedere contigerit, ad ipsum in partibus ubi nunc agit accedentes, de facto suo et ejus adversione vel mora ac ceteris ejus negociis et agendis, prout negociorum et temporis qualitas expostulaverint (sic), consulere ordinare ac providere velitis, statum vestrum et que super hiis omnibus facienda decreveritis nobis rescribentes. Teste rege apud Rading' x. die Maii.

[De] denariis levandis.—Mandatum est vicecomiti Suthampton' quod sine dilacione ad regem venire faciat omnes denarios qui regi debentur in balliva sua de vendicione boscorum regis et sunt in custodia illorum qui assignati erant ad vendicionem illam faciendam; et denarios illos liberari faciat in garderoba regis. Teste rege apud Clarendon' xxj. die Maii.

De terra replegianda.—Willelmus de Olneye venit coram rege die Dominica in octabis Sancte Trinitatis apud Oxoniam et petiit terram Emme de Haversham in Bereford' eidem Emme replegiari, que capta etc. propter defaltam etc. quam eadem Emma fecit versus Johannam Avenel, ut dicitur. Et hoc mandatum est justiciariis de Banco etc.

De vinis.—Mandatum est magistro Johanni Clarel', custodi archiepiscopatus Eboracensis, quod omnia vina que invenire poterit in celariis que fuerunt venerabilis patris W. quondam Eboracensis archiepiscopi ad opus regis pro justo et racionabili precio retineri faciat. Teste ut supra.

Pro magistro et fratribus hospitalis Oxonie.—Quia fratres et infirmi hospitalis Sancti Johannis extra portam Orientalem Oxonie, quod rex fundavit, non habent unde sustententur nisi de elemosina regis, mandatum est W. Norwicensi episcopo, exequtori negocii crucis in subsidio regi a sede Apostolica concesso, quod exactionem quam facit magistro et fratribus hospitalis predicti de terris et laicis feodis suis occasione predicte gracie regi concesse ponat in respectum usque ad quindenam Sancti Michaelis anno etc. xxxix., ut tunc super hoc rex habeat consilium quid inde duxerit faciendum. Teste rege apud Wodestok' xxxj. die May. Per regem.
Eodem modo mandatum est abbati Westmonasterii pro eodem hospitali. Teste ut supra. Per ipsum regem.

De quadam inquisicione.—Quia datum est regi intelligi quod quamplures domus et tenementa Judeorum, tam in civitate nostra London' quam in aliis civitatibus et burgis regni regis Anglie, sunt exscaete regis ex diversis causis, mandatum est justiciariis regis ad custodiam Judeorum assignatis quod secundum consuetudinem Judaismi regis et per consilium Jacobi le Eveske, Judei London', prout melius et discretius viderint expedire, diligentes inde fieri faciant inquisiciones; et quid inde invenerint, sub sigillis suis sine dilacione regi scire faciant. Teste rege apud Wodestok' xxix die Maii.

Pro Aymone Thurberd'.—Quia Aymo Thurenberd' regi dedit intelligi quod Walterus, quondam archiepiscopus Eboracensis, ei dederat viij. quercus in bosco de Ascham, mandatum est magistro Johanni Clarel et Ade de Hylton', custodibus archiepiscopatus predicti, quod habito inde colloquio cum Petro qui fuit capellanus predicti archiepiscopi, si invenerint ita esse, tunc predictas viij. quercus predicto Aymoni in predicto bosco de Ascham habere faciant. Teste ut supra.