Close Rolls, December 1255

Close Rolls, December 1255

De quercubus datis.—Mandatum est Willelmo Heyrun, justiciario foreste regis ultra Trentam, quod in bosco regis de Belag', qui est infra forestam regis de Shirewode, faciat habere Eymoni Thurbern sex quercus ad maeremium de dono regis. Teste rege apud Windes' primo die Decembris.

De damis capiendis.—Rex mittit Robertum de Maris ad capiendum ad opus regis ducentas damas in parco de Wudestok'. Et preceptum est ballivis de Wudestok' quod ipsum Robertum ad hoc admittant, et ei ad damas illas capiendas consilium et auxilium suum impendant, cum ab eo requisiti fuerint; et eas saliant, et medietatem earum ad regem usque Wintoniam contra instans festum Natalis Domini, et aliam medietatem ad regem usque Westmonasterium contra instans festum Sancti Edwardi, cariari faciant. Et, cum rex sciverit custum quod ad hoc posuerint, illud eis allocari faciet. Teste rege apud Windes' iiij. die Decembris.
Rex mittit Robertum de Maris ad capiendum ad opus regis triginta damas in parco Norhamt'. Et mandatum est vicecomiti Norhamt' quod ipsum ad hoc admittat et ei ad damas illas capiendas consilium et auxilium impendat, cum ab eo fuerit requisitus; et damas illas, una cum sexaginta et decem damis, quas idem Robertus capiet ad opus regis in forestis regis in comitatu Norhamt' et predicto vicecomiti per preceptum regis liberabit, saliri et ad regem usque Westmonasterium cariari faciat contra instans festum Sancti Edwardi, liberandas ibidem custodi lardarii regis. Et, cum rex sciverit custum etc., ut supra. Teste ut supra.
Rex mittit Robertum de Maris ad capiendum ad opus regis sexaginta et decem damas in forestis regis in comitatu Norhamt'. Et mandatum est Hugoni de Goldingham, custodi forestarum regis inter pontem Staunf' et pontem Oxonie, quod ipsum ad hoc (fn. 1) admittat, et ad damas illas capiendas consilium etc. ut supra. Teste ut supra.

De novo milite faciendo.—Mandatum est Rogero le Tayllur et Hugoni de Turri quod Petro Ernaldi, quem, ad instanciam Bernardi de Villa Nova, in festo Natalis Domini proximo futuro rex cingulo milicie decorabit, habere faciant ea que ad miliciam suam pertinent, sicut aliis novis militibus consuevit invenire. Teste ut supra.

Pro abbate de Flexleye.—Quia quedam forma prolocuta est inter regem et abbatem de Flexleye super sustentacione quam exigit in foresta regis de Dene ad forgiam suam ejusdem foreste, et forma illa nondum plene completa est, nec rex propter prolocucionem (fn. 2) vult quod sustentacio illa eidem abbati interim penitus subtrahatur, mandatum est Roberto Walerand', custodi foreste de Dene, sicut alias mandatum est Jacobo Fresel, tunc constabulario regis de Sancto Briavello, quod eidem abbati in dicta foresta ad sustentacionem predicte forgie duas desiccioribus quercubus et minus folia portantibus singulis septimanis habere faciat ubi ad minus dampnum ejusdem foreste capi valeant, quousque dicta forma ad effectum perducatur et aliud a rege habuerit in mandatis. Teste ut supra.

Pro Galfrido de Genvyle.—Cum rex commiserit Galfrido de Gyenvill' et Matillidi uxori ejus, manerium regis de Dylum cum omnibus pertinenciis suis, tenendum de rege ad firmam a decimo die Aprilis anno regni regis xxxviij. usque ad finem quinque annorum proximo sequentium plenarie completorum pro quadraginta libris annuatim, solvendis ad Scaccarium regis, videlicet, una medietate ad scaccarium Pasche et alia medietate ad Natale Domini, salva regi advocacione ecclesie ejusdem manerii, ita tamen quod, quamdiu dicta firma duraverit, decidant eis singulis annis de eadem firma decem libre pro manerio de Haumes quod Petrus de Genevr' et predicta Matillis, quondam uxor sua, habuerunt ad firmam usque ad finem predictorum quinque annorum de Imberto de Salinis, cui idem manerium ad vitam suam rex concessit, et quod predicti Galfridus et Matillis regi reddiderunt ad opus sororis regis, Isabelle de Crohun, cui custodiam ejusdem manerii usque ad legitimam etatem heredis Mauricii de Crohun, quondam viri sui, rex concessit, mandatum est baronibus de Scaccario quod eisdem Galfrido et Matilli in firma predicta decem libras pro predicto manerio de Hammes singulis annis quam diu eadem firma duraverit allocent. Teste ut supra.

De damis datis.—Mandatum est custodi foreste regis de Fekenham quod in eadem foresta faciat habere Rogero de Clifford iiij^or. damas de dono regis. Teste ut supra.
Mandatum est custodi foreste regis de Bernewude quod in eadem foresta faciat habere Johanni filio Galfridi decem damas de dono regis. Teste apud Wind' v. die Decembris.
Mandatum est Ricardo de Munfichet, custodi foreste Essex', quod in parco regis de Havering faciat habere Willelmo de Sancta Ermina tres damas de dono regis. Teste ut supra.

De ponendo per ballium.—Ricardus de Lokinton' et Rogerus Cogeman, capti et detenti in prisona regis de Warrewik' pro morte Hugonis le Rus unde appellati sunt, habent breve regis vicecomiti Leyc' directum quod ponantur per ballium. Teste ut supra.

Pro Deuceico, mercatore.—Rex concessit Deucaico, mercatori Flor', quod de vinis que duci facit in Angliam in navi que vocatur La Nicholas habeat hac vice c. dolia vini quieta de prisa, excepta antiqua prisa. Et mandatum est Johanni de Gisorc', camerario Lond', quod sic fieri permittat. Teste rege apud Windes' vj. die Decembris.

Pro abbate de Burgo.—Quia constat regi per inspectionem rotulorum cancellarie sue quod abbas de Burgo breve regis pluries habuit de habenda decima venacionis capte ad opus regis inter pontes Stanford' et Oxon', mandatum est Hugoni de Goldingham quod decimam inde ei habere faciat tam de venacione illa que capta fuit ad opus regis contra ultimum festum Beati Edwardi, si decimam inde non habuerit, quam de venacione que capienda est ad opus regis in balliva sua inter pontes predictos contra instans festum Natalis Domini, secundum quod antecessores sui et ipse hucusque decimam illam habere consueverunt. Teste ut supra.

Pro Gerardo cive Burd'.—Rex ad instanciam Stephani Lungesp' concessit Geraldo, civi Burd', quod de primis vinis que duci faciet usque Lond' habeat c. dolia vini quieta de omnimoda prisa, excepta recta prisa. Et mandatum est Johanni de Gisorc', camerario regis Lond', quod ipsum Gerardum, vel homines suos ducentes vina predicta, non vexet contra hanc concessionem regis, set ipsum Gerardum quietanciam predictam habere permittat. Teste ut supra.

Pro civibus Burdeg'.—Quia rex quietavit cives Burd' de omnimoda prisa vinorum suorum, excepta recta prisa regis, mandatum est Johanni de Gisorc' quod Petrum Kaillou, civem Burdegale, de duabus navatis vini quas duci fecit Lond', et que vadletti dicti Petri probare poterunt esse dicti Petri, dictam quietanciam habere permittat. Teste ut supra. Consimilem litteram habet Reymundus Monederus, civis Burd', de xl. doliis vini.

De damis datis.—Mandatum est Willelmo Heyrun, justiciario foreste regis ultra Trentam, quod in foresta de Englewode faciat habere M. regine Scocie xxx. damas de dono regis. Teste ut supra.

Pro magistro Rustando.—Mandatum est Rogero Scissori et Hugoni de Turri quod habere faciant magistro Rustando, subdiacono et capellano domini pape, unum bonum et pulcrum pannum cum tribus penulis de bissis contra instans festum Natalis Domini de dono regis. Teste ut supra.

De extracta missa ad Scaccarium.—Rex mittit Philippo Luvel, thesaurario suo, per Nicholaum de Sanmer, servientem suum, latorem presencium, extractam cancellarie regis, mandans ei quod denarios inde regi debitos cum festinacione qua fieri poterit levari faciat ad opus regis. Teste ut supra.

De bissis datis.—Mandatum est custodi forreste de Kenevare quod in eadem foresta faciat habere Johanni de Plesset', comiti Warr', iiij^or. bissas de dono regis. Teste rege apud Windes' viij. die Decembris.

Pro rege. De vinis capiendis.—Mandatum est Johanni de Gisorc' quod cum festinacione capiat ad opus regine xx. dolia vini et ea liberetis (sic) vicecomitibus Lond', carianda usque Windes', sicut rex eis injunxit. Teste ut supra.

Pro Garsia Martini et aliis.—Rex mittit Albricum de Fiscamp', clericum suum, ad Philippum Lovel, thesaurarium, et ad Artaldum de Sancto Romano ut cum omni celeritate expediant Garsiam Martini et Bertramum de Haones et suos et alios nominatos in brevi regis de Liberate, quod rex eis mittit per eundem Albricum, de denariis in eodem brevi contentis et de jocalibus secundum quod continetur in quadam cedula, quam idem Albricus eis ostendet, prout eis ex parte regis plenius exposuerit. Et, si denarios ad hoc sufficienter non habuerint in promptu, de jocalibus regis que sunt in custodia dicti Artaldi apud Westmonasterium inpignorent Christianis vel Judeis pro pecunia que defuerit. Et rex mandat eis quod ita se habeant in hac parte quod iidem Garsias et Bertramus et sui et alii prenominati diutiorem moram non faciant in regno regis pro defectu jocalium et denariorum predictorum, nec rex occasione more sue custum aut dampnum ulterius incurrat. Teste rege apud Windes' viij. die Decembris.

De robis datis.—Quia Rogerus de Sancto Agno et Simon de Friwecurt, milites, laudabiliter servierunt regi in Vasconia, et eis ad presens rex persolvere non potest stipendia sua in quibus rex eis tenetur de tempore illo, mandatum est Artaldo de Sancto Romano quod utrique ipsorum militum revertentium ad partes suas sine dilacione faciat habere unam robam competentem cum pelura decenti, de dono regis. Teste ut supra.

De damis datis.—Mandatum est custodi foreste de Wauberge quod in eadem foresta faciat habere Ebuloni de Montibus vij. damas de dono regis. Teste ut supra.

De robis datis.—Mandatum est Ertaldo de Sancto Romano quod faciat habere Garsie Martini, militibus, clericis, et servientibus ipsius robas cum peluris convenientibus, prout Willelmus Bonquer ei dicet, de dono regis. Teste rege apud Windes' ix. die Decembris.
Mandatum est Rogero Scissori et Hugoni de Turri quod habere faciant Johanni de Sumercote robam suam de termino instantis festi Natalis Domini, sicut habere consuevit. Teste ut supra.

De bremiis datis.—Mandatum est Stephano Fromund', constabulario de Merleberge quod, nisi Sibilla Giffard' habuerit in vivario regis de Merleberge x. matrices bremias quas rex ei dedit tempore quo Henricus de Mara habuit custodiam ejusdem vivarii, eas ei in eodem vivario sine dilacione habere faciat. Teste ut supra.

De quercubus datis.—Mandatum est Willelmo de Plesset', custodi foreste de Selwode, quod faciat habere in eadem foresta Roberto Russel, servienti regine, tres quercus cum escaetis suis ubi commodius ad opus ipsius Roberti capi poterunt, de dono regis. Teste ut supra.

De damis datis.—Mandatum est senescallo foreste de Shirewode quod in eadem foresta faciat habere Johanni de Lessinton' vj. damas de dono regis. Teste rege apud Sandelford', xij. die Decembris.

De quercubus datis.—Mandatum est custodi foreste de Penberg' quod in eadem foresta faciat habere fratri Thome, monacho de Shireburn', tres quercus ad maeremium cujusdam capelle quam fieri faciet apud Shireburne, de dono regis. Teste ut supra.

De roba data.—Mandatum est Rogero Scissori et Hugoni de Turri quod faciant habere Johanni de Frethorn robam suam sicut eam habere consuevit. Teste rege apud Merleberge xv. die Decembris.

Pro Guidone de Lezign'.—Quia Guydo de Lezingn' nuper dixit coram rege quod ad exoneracionem debitorum regis contentus esse voluit de unica roba ad corpus suum proprium contra instans festum Natalis Domini, mandatum est Ertaldo de Sancto Romano et Rogero Scissori quod eidem Guydoni faciant habere contra festum predictum unam robam integram ad corpus suum proprium cum pelura tanto viro convenienti. Teste ut supra.

De tunicis ad elemosinam regis.—Mandatum est Rogero Scissori et Hugoni de Turri quod sine dilacione faciant habere Simoni capellano, elemosinario regis, pannum ad cl. tunicas ad opus pauperum conversorum ad mandatum regis et regine inde faciendas contra instans festum Natalis Domini, prout moris est. Teste ut supra.

De roba data.—Mandatum est Artaldo de Sancto Romano et Rogero Scissori quod habere faciant magistro Simoni de Rupe Cauardi unam robam ad corpus suum proprium contra instans festum Natalis Domini, videlicet, tunicam, supertunicam, et pallium cum pelura sibi convenienti, de dono regis. Teste rege apud Lutegars' xv. die Decembris.
Mandatum est Rogero Scissori et Hugoni de Turri quod Fortunato de Luca, militi, istrioni nostro, faciant habere unam bonam robam contra festum Natalis Domini, sicut eam habere consuevit. Teste ut supra.

De novo milite faciendo.—Mandatum est Artaldo de Sancto Romano et Rogero Scissori quod Gerardo de Blahonico, quem ad instanciam magistri Simonis de Rupe Cauardi cingulo militari in instanti festo Natalis Domini rex decorabit, faciant habere de garderoba regis sine dilacione ea que ad miliciam suam pertinent, de dono regis, sicut rex aliis novis militibus invenire consuevit. Teste ut supra.

De bremiis et luciis capiendis ad opus regis.—Mandatum est Stephano Fromund', ballivo de Merleberge quod in vivario regis de Merleberge capi faciat ad opus regis l^ta. vel lx^ta. bremias et v. vel vj. grossos lucio (sic) si inveniantur, et eos regi mittat usque Wintoniam contra instans festum Natalis Domini; capiat eciam sine dilacione in vivario predicto xviij. bremias regi mittendas usque Clarendon', ita quod ex eis rex habeat ibidem vj. hac die Veneris ante festum Beati Thome apostoli, et vj. die Sabati sequente, et residuas vj. bremias die Lune proximo sequente ibidem. Et cum rex sciverit custum, illud ei faciet allocari. Teste ut supra.

De estoverio ad domos regis apud Luttegar' emendas.—Mandatum est Avicie de Columbar' quod, per visum et testimonium viridariorum et forestariorum predicte foreste, faciat habere Stephano Fromund', ballivo de Lutegarsal', racionabilia estoveria in predicta foresta ad domos regis de Lutegars' sustentandas et reparandas, prout necesse fuerit. Teste ut supra.

Pro Ernaldo de Beyvyle.—Quia Ernaldus de Beyvill' nullam habet exhibucionem ab aliquo in regno regis nisi a rege tantum, mandatum est Rogero Scissori et Hugoni de Turri quod faciant ei et socio suo habere robas suas contra instans festum Natalis Domini sicut eas habere consueverunt. Teste rege apud Clarendon' xvij. die Decembris.

[m. 18.]

De quercubus datis.—Mandatum est Hugoni de Goldingham, custodi foreste inter pontes Stanford' et Oxonie, quod in foresta de Salseto faciat habere Petro de Wintonia, persone ecclesie de Craule, septem bonas quercus ad maeremium, cum omnibus escaetis suis, de dono regis, ubi commodius ad opus suum capi poterunt in eadem foresta. Teste ut supra.

Pro exequtoribus testamenti Rogeri de Coteleg'.—Mandatum est vicecomiti Dors' quod accepta sufficiente securitate ab executoribus testamenti Rogeri de Cotelegh', quondam escaetoris regis in comitatu suo, de qua respondere voluerit de debitis regi reddendis, si que idem Rogerus regi debuit die quo obiit de tempore quo fuit escaetor regis in comitatu predicto vel aliunde, eosdem executores habere permittat liberam administracionem de bonis et catallis ejusdem defuncti ad execucionem testamenti sui inde faciendam. Teste rege apud Clarendon' xviij. die Decembris. Et nomina plegiorum regi scire faciat sub sigillo suo.

De ponendo per ballium.—Willelmus Sweting', Johannes Oric et alii nominati in inquisicione, capti et detenti in prisona regis de Ivelcestr' pro morte Ade, filii Hugonis de Chedeseye, unde apellati sunt, habent litteras vicecomiti Sumers' quod ponantur per ballium. Teste ut supra.

De quercubus datis.—Mandatum est Willelmo Heyrun, custodi foreste ultra Trentam, quod in foresta de Shirewode faciat habere Willelmo de Grey xx. bonas quercus ad maeremium cum omnibus escaetis suis de dono regis. Teste ut supra.

De denariis solutis in garderoba.—Walterus Ballard et Simon Cusin, agistatores foreste de Clarendon', liberaverunt in garderoba regis Artaldo de Sancto Romano, custodi ejusdem garderobe, die Sabati proxima post festum Sancte Lucie Virginis, anno etc. xl. apud Clarendon' ix. libras viij. solidos v. denarios de pannagio bosci de Pauncet ejusdem anni. Et mandatum est baronibus de Scaccario quod ipsos agistatores de predictis ix. libris viij. solidis et v. denariis quietos esse faciant. Teste rege apud Clarendon' ut supra.

De quercubus datis.—Mandatum est custodi foreste de Gillingham quod in eadem foresta faciat habere fratribus predicatoribus Wylton' xv. quercus ad maeremium cum omnibus escaetis suis, ad domos suas de Wylton' inde faciendas, de dono regis. Teste ut supra.

De braemiis datis.—Mandatum est Stephano Fromund' quod in vivario de Merleberge faciat habere magistro Paulino de Bampton', emptori regis, tres matrices bremias de dono regis. Teste ut supra.

De denariis solutis in garderoba.—Thomas de Neweton' et Johannes del Eschaler', agistatores foreste regis de Melcet', liberaverunt in garderoba regis Artaldo de Sancto Romano, custodi ejusdem garderobe, Dominica proxima post festum Sancte Luce (sic) virginis, anno etc. xl°., xxix. solidos et vij. denarios de exitibus pannagii ejusdem foreste anni predicti. Et mandatum est baronibus de Scaccario quod ipsos agistatores de predictis xxix. solidis et vij. denariis quietos esse faciant. Teste rege apud Clarendon' xx. die Decembris.

Pro magistro Johanne Maunsell'.—Mandatum est Rogero le Taylur quod magistro Johanni Maunsell' faciat habere robam suam integram, videlicet, tunicam, supertunicam, et pallium cum minutis variis, contra Natale, sicut aliis specialibus clericis regis. Teste ut supra.

De roboribus datis.—Mandatum est Roberto de Stopham, ballivo de Clarendon', quod in foresta regis de Graveling' faciat habere fratribus minoribus Sarr' decem bona robora ad focum suum de dono regis. Teste rege apud Clarendon' xxij. die Decembris.

De bremiis datis.—Mandatum est custodi manerii de Feckenham quod in vivario regis ibidem faciat habere Stephano Bauzan xx. matrices braemias de dono regis. Teste ut supra.

De capellanis regis de Corf'.—Mandatum est vicecomiti Sumers' et Dors' quod, a tempore quo recepit custodiam predictorum comitatuum, faciat habere capellano ministranti in capella castri regis de Corf', et alii capellano ministranti in capella Sancti Edwardi, et tercio capellano ministranti in capella Sancti Nicholai, stipendia sua, sicut ea temporibus aliorum vicecomitum regis habere consueverunt. Et rex ea sibi faciet allocari. Teste ut supra.

Pro Willelmo Pynnok.—Mandatum est Falkesio, captori vinorum suorum apud Suhampton', quod de vinis regis de prisa que sunt in custodia sua ibidem faciat habere Willelmo Pinnok', civi Novarum Sarr', unum dolium vini pro uno dolio vini quod rex ab eo capi fecit ad opus suum (fn. 3) quando rex ultimo fuit apud Clarendon'. Teste ut supra.

De ponendo per ballium.—Walterus de Radenhurst, captus et detentus in prisona regis Sarr' pro morte Johannis filii Johannis de Vernun unde rettatus est, habet breve vicecomiti Wiltes' quod ponatur per ballium. Teste.
Hugo Brabban, captus et detentus in prisona regis Oxonie pro morte Edmundi Cappe unde rettatus est, habet breve vicecomiti Oxon' quod ponatur per ballium. Teste ut supra.

De roba data.—Mandatum est Rogero Cissori et Hugoni de Turri quod in proximo adventu suo London' faciant habere Ernaldo Guillelmi, burgensi de Saltu, unam robam sibi convenientem de dono regis. Teste.

De quercubus datis.—Mandatum est custodi foreste regis de Cett' quod in eadem foresta faciat habere abbatisse de Werewell' xv. quercus ad fabricam ecclesie sue de dono regis.

De ponendo per ballium.—Elyas filius Elye, Eustachius de Herleston', Henricus filius Elye Grunte, Gilbertus Revesun, Johannes frater ejus, Radulfus le Muner, Elyas Sunteshun', Willelmus le Lu, Henricus Braz, Stephanus de Thony, Alanus Ballard, Simon le Charpenter, Henricus Brun, Michael de Lutlewell', Remundus le Charpenter, Johannes le Mouner, Alanus Bryan, Ricardus de Serut, Elyas filius Susanne et Willelmus le Smith', capti et detenti in prisona regis Cantebr' pro morte Willelmi de Witherfeld' unde rettati sunt, habent breve vicecomiti Cant' quod ponantur per ballium. Teste rege apud Wintoniam xxiiij. die Decembris.

Pro magistro Simone de Wauton',—Quia constat regi quod rex confirmavit magistro Simoni de Wauton' dimissionem, quam Thomas, quondam abbas de Evesham, et ejusdem loci conventus fecerunt ei de manerio de Baddeby usque ad certum terminum, mandatum est fratri Roberti de Manneby, custodi abbacie predicte, quod, si occasione vacacionis predicte abbacie ceperit idem manerium in manum regis, idem manerium predicto Simoni restituat. Teste rege apud Wintoniam xxvj. die Decembris.

De bissis datis.—Mandatum est Godefrido de Liston', custodi foreste regis Windes', quod in eadem foresta faciat habere Bertramo de Crioll' duas bissas de dono regis. Teste ut supra.

De roboribus datis.—Mandatum est Ricardo de Muntfichet quod in foresta regis de Havering' faciat habere fratribus predicatoribus London' decem robora ad focum suum, ubi commodius ad opus ipsorum fieri poterit propter cariagium, de dono regis. Teste ut supra.

De venacione carianda.—Mandatum est vicecomiti Norhamt' quod totam venacionem, quam Robertus de Mares cepit in forestis regis in balliva sua et ei per preceptum regis liberavit, cariari faciat usque Westmonasterium contra instans festum Sancti Eduuardi, ita quod sit ibi in vigilia festi predicti ad tardius, liberanda custodi lardarii regis. Et custum cariagii illius, cum rex illud sciverit, ei faciet allocari. Teste.
Eodem modo mandatum est vicecomiti Somerset' et Dorset' de venacione quam Willelmus Luvel et socius suus, venatores regis, ceperunt in forestis regis in balliva sua, et ei per preceptum regis etc. Et custum etc. faciet allocari etc. Teste rege apud Wintoniam xxviij. die Septembris (sic).

De damis datis.—Mandatum est Waltero de Everle, custodi foreste regis de Pember', quod in eadem foresta faciat habere Radulfo filio Nicholai iij. damas de dono regis. Teste.

De roba data.—Mandatum est Rogero Cissori et Hugoni de Turri quod Willelmo Belet, qui est in custodia regis, faciat habere unam robam de dono regis. Teste.

De damis datis.—Mandatum est custodi foreste regis de Melkesham quod in eadem foresta faciat habere Stephano Lungesp' tres damas de dono regis. Teste ut supra.
Mandatum est Ade de Periton', custodi foreste regis de Braden', quod in eadem foresta faciat habere Mathie Bethill' iij. damas de dono regis.
Mandatum est constabulario regis de Sancto Bravello quod in foresta regis de Den' faciat habere magistro Jacobo, thesaurario regine, vel ejus certo attornato, sex damas, de dono regis. Teste.

Pro Petro de Sabaudia.—Mandatum est vicecomiti Sussex' quod permittat ballivos Petri de Sabaudia de Pevense facere summoniciones et districciones infra mileare in quo situm est castrum de Pevense, sicut hactenus temporibus aliorum vicecomitum regis Sussex' facere consueverunt. Et similiter, si returnum brevium regis habere consueverint temporibus predictis, illud eis habere faciat, ne iteratus clamor ad regem inde perveniat Teste.

De roboribus datis.—Mandatum est custodi foreste regis de la Bere quod in eadem foresta faciat habere uxori Roberti Walerand iiij^or. robora ad ardendum de dono regis. Teste rege apud Wintoniam xxviij. die Decembris.

Pro Johanne filio Philippi.—Quia Johannes filius Philippi habet manerium de Claverleye de ballo (sic) regis, quod vicecomes Salop' cepit in manum regis, ut dicitur, mandatum est eidem vicecomiti quod illud ei sine dilacione restituat, tenendum sicut rex illud ei commisit, donec rex aliud inde preceperit. Teste rege apud Wintoniam, xxviij. die Decembris.

De damis datis.—Mandatum est custodi foreste regis de. Bernewode quod in eadem foresta faciat habere Stephano Baucean iij. damas de dono regis. Teste.
Mandatum est Willelmo Herun, justiciario foreste regis ultra Trentam, quod in foresta regis de Galtriz faciat habere J. priori de Novo Burgo, capellano regis, iij. damos vivos et xij. damas vivas, de dono regis, ad quendam parcum suum instaurandum. Teste.
Mandatum est custodi foreste regis de Savernak' quod in eadem foresta faciat habere Waltero de Ryvere x. damas de dono regis. Teste.

Pro Eduuardo filio regis.—Rex baronibus suis de Scaccario, salutem. Cum concesserimus Eduuardo, filio nostro et heredi, Novam Forestam nostram cum omnibus exitibus suis, habendam usque ad finem x. annorum, una cum aliis terris quas ei dedimus, vobis mandamus quod forestarios de feodo et alios ballivos predicte foreste, qui annuum redditum reddere consueverunt ad Scaccarium nostrum de ballivis suis in eadem foresta, faciatis reddere per manus suas redditum illum ad scaccarium prefati filii nostri apud Bristoll' durante termino predicto, sicut tempore concessionis nostre predicte reddere consueverunt ad scaccarium nostrum. Teste ut supra apud Wintoniam xxvij. die Decembris.

De quercubus datis.—Mandatum est Johanni filio Nigelli, custodi foreste de Bernewod', quod in bosco regis de Pauncehal', qui est in custodia sua, faciat habere Waltero de Langeleg' sex quercus de dono regis. Teste ut supra.

De dolio vini dato.—Mandatum est Johanni de Gisorc', camerario regis London', quod faciat habere Willelmo filio Herberti, servienti regis, unum dolium vini, de vinis regis que habet in custodia sua, de dono regis. Teste ut supra.

Pro Guidone de Rupe Forti.—Mandatum est custodi foreste regis de Whichewode quod in eadem foresta faciat habere Guidoni de Rupe Forti iiij^or. quercus et x. carettatas clausture de dono regis. Teste.

Pro Bonacio Lumbardi.—Mandatum est Rogero le Taylur et Hugoni de Turri quod Bonacio Lumbardi faciant habere robas suas tamquam uni de clericis regis, sicut eas prius habere consuevit. Teste.

Pro Eduuardo filio regis.—Cum Gilbertus de Segrave, qui de rege tenuit in capite, diem clauserit extremum, per quod custodia omnium terrarum et tenementorum que fuerunt ejusdem Gilberti ad regem pertinet, de quibuscumque ea tenuerit, et rex eandem custodiam concesserit Eduuardo, primogenito filio suo et heredi, habendam usque ad legalem etatem heredis ipsius Gilberti cum omnibus ad terras illas et tenementa pertinentibus, mandatum est maiori et ballivis regis Norhamt' quod totum redditum qui fuit ipsius Gilberti in Norhampt' die quo obiit capiant in manum regis, et Alexandro de Hampden', ballivo predicti Eduuardi, de predicto redditu cum pertinenciis plenam seisinam habere faciant una cum arreragiis ejusdem redditus post mortem predicti Gilberti et una cum denariis provenientibus de exitibus nundinarum Norhampt' post mortem ejusdem Gilberti, quos ipse in vita sua de eisdem exitibus percipere consuevit. Teste rege apud Wintoniam xxviij. die Decembris.

De ponendo per ballium.—Willelmus Knappe, captus et detentus in prisona regis Exon' pro morte Galfridi filii Roberti de Molendino unde appellatus est, habet breve vicecomiti Devon' quod ponatur per ballium. Teste ut supra.
Warinus de Hallersett', captus et detentus in prisona regis de Guldeford' pro transgressione foreste regis de Windes', habet breve vicecomiti Surr' quod ponatur per ballium etc. Teste ut supra.

De terris extendendis.—Mandatum est vicecomiti Suff' quod, assumpto secum excaetore regis in comitatu predicto, per sacramentum proborum et legalium hominum extendi faciat terras et tenementa que Willelmus Hervy, qui mortuus est, ut dicitur, tenuit de rege in capite in balliva sua, videlicet, quantum valeant in dominicis, redditibus et omnibus aliis exitibus per annum; et extentam illam sub sigillo suo et sigillis eorum per quos facta fuerit, regi mittat, et hoc breve: et custodiam terrarum et tenementorum predictorum et heredis predicti Willelmi, una cum maritagio ejusdem, dilecto fratri et fideli etc. Guidoni de Lezignan sine dilacione habere faciat, cui custodiam illam rex dedit et concessit. Teste rege apud Wintoniam xxix. die Decembris. Postea mandatum fuit idem predicto escaetori.

De ponendo per ballium.—Ricardus de Fisseriston', captus et detentus in prisona regis Exon' pro morte Johannis le Vyleyn unde appellatus est, habet breve vicecomiti Devon' quod ponatur per ballium. Teste ut supra.

De venacione carianda.—Mandatum est ballivis regis de Wodestok' quod totam venacionem, quam Robertus de Mares cepit in parco regis de Wodestok' et eis per preceptum regis liberavit, sine dilacione cariari faciant usque Westmonasterium, ita quod sit ibi in vigilia instantis festi Sancti Eduuardi ad tardius, liberanda custodi lardarii regis. Et custum cariagii illius, cum rex illud sciverit, eis faciet allocari. Teste ut supra.

De roboribus datis.—Mandatum est Roberto de Stopham, ballivo regis de Clarendon', quod in foresta regis de Clarendon' faciat habere priori de Monasterio Ederoso duo robora ad focum (fn. 4) cum escaetis earum (sic), de dono regis. Teste ut supra.

De anno emendo.—Mandatum est Johanni de Wyvyle, justiciario ad custodiam Judeorum assignato, quod omnes denarios quos perquisivit de Judaismo regis sine dilacione liberari faciat Willelmo de Glouc', ad aurum inde emendum ad opus regis et liberandum in garderoba regis. Teste ut supra.

De ponendo per ballium.—Johannes Totwyt et Willelmus Spyrewit, capti et detenti in prisona regis Sarr' pro morte Rogeri le Messer unde rettati sunt, habent breve vicecomiti Wiltes' quod ponantur per ballium. Teste ut supra.
Johannes filius Eve, captus et detentus in prisona regis Sarr' pro morte Johannis filii Thome unde rettatus est, habet breve vicecomiti Wiltes' quod ponatur per ballium. Teste ut supra.