Close Rolls, April 1255

Close Rolls, April 1255

De quadam assisa ultime presentacionis atterminata ad Bancum.—Mandatum est magistro Simoni de Walton' et Willelmo Trussel quod in assisa ultime presentacionis, quam Egidius de Erdinton' arramiavit coram eis per preceptum regis versus priorem de Neuporth de advocacione ecclesie de Gerdele, non procedant, set predictam assisam atterminent coram justiciariis regis de banco a die Pasche in tres septimanas, prefigentes partibus eundem diem quod tunc sint ibi audituri recognicionem illius assise. Teste rege apud Merton' primo die Aprilis. Per Radulfum filium Nicholai et Bertramum de Crioll'.

De quodam imprisonando.—Mandatum est custodi gaole regis de Flet' quod Willelmum de Shelford', quem Nicholaus de Hadlo ei liberabit per preceptum regis, salvo custodiat, donec aliud a rege inde habuerit in mandatis. Teste ut supra.

De pannis ad aurum.—Mandatum est Philippo Lovel, thesaurario, et Edwardo de Westmonasterio quod sine dilacione perquirant ad opus regis v. pannos pulchros ad aurum et eos insimul attachiari faciant et in circuitu eorundem aliquam pulcram borduram cum scutis de armis regis apponi, ita quod rex habeat eos promptos in proximo adventu regis London', offerendos apud Westmonasterium pro Katerina filia regis, sicut pro singulis liberis suis prius facere consuevit. Teste rege apud Merton' ij. die Aprilis.

Pro abbate de Tham'.—Rex invenit in rotulis garderobe sue quod abbas de Tham' respexit regi de c. solidis in auxilium transfretacionis regis in Wasconiam ante passagium suum et eos solvit in garderoba regis per testimonium Petri de Winton', clerici ejusdem garderobe. Et mandatum est baronibus de scaccario quod ipsum quietum inde esse faciant. Teste ut supra.

De turribulis argenteis.—Mandatum est Edwardo de Westmonasterio quod sine dilacione fieri faciat duo turribilia argentea deaurata quorum utrumque sit ponderis xl. solidorum et unum chaufepeynum consimile illi quod est apud Westmonasterium, ad opus regis et illa regi mittant. Teste ut supra.

Pro abbate Westmonasterii.—Mandatum est justiciariis de banco quod loquelam que est coram eis per breve regis in (sic) abbatem Westmonasterii petentem et magistrum hospitalis Sancti Jacobi extra London' deforciantem de c. acris terre et xl. acris bosci cum pertinenciis in Hamsted' ponant in respectum ut de die in diem in eodem statu in quo nunc est usque a die Pasche proximo preterito in unum mensem. Teste ut supra. Per ipsum regem.

De capis estivalibus datis.—Mandatum est Rogero le Taylur et Bonacio Lumb' quod faciant habere Philippo de Vallibus et Petro Everardi, marscallis hospicii regis, capas estivales hac vice de gracia regis speciali. Teste ut supra.

Pro Willelmo de Bello Campo de Eton'.—Quia rex accepit per inquisicionem quam per abbatem de Persor' et Elyam de Hertford', escaetores regis, quod Reginaldus de Bathon' nullam terram tenuit de rege in capite nisi quandam terram de quadam exscaeta regis, per quod nichil juris vendicare rex sibi poterit in custodia terre quam tenuit de aliis, mandatum est predictis abbati et Elye quod custodiam terre quam predictus Reginaldus tenuit de Willelmo de Bello Campo de Eton' in Wiboldeston', et quam occasione mortis ejusdem Reginaldi ceperunt in manum regis, eidem Willelmo deliberari faciant. Teste ut supra.
Per ipsum regem et consilium suum.

Pro Henrico de Penbrugg'.—Eodem modo mandatum est eisdem exscaetoribus pro Henrico de Penbrugg' de custodia manerii de Redewell' quod fuit predicti Reginaldi de Bathon'.

De quodam exscaetore constituendo.—Rex loco Ade de la Wyk, quondam excaetoris regis in comitatu Wigorn', qui mortuus est ut dicitur, constituit Ricardum Pauncefot excaetorem in comitatu predicto quamdiu regi placuerit. Et mandatum est vicecomiti Wigorn' quod, accepto ab eo sacramento fidelitatis in comitatu predicto, prout moris est, ipsum ad hoc intendere faciat. Teste ut supra.
Mandatum est eidem Ricardo quod, prestito sacramento fidelitatis coram vicecomite Wigorn', intendat officio excaetarie in comitatu predicto. Teste ut supra.

De quadam capa de rubeo samito et tribus pannis ad aurum.— Mandatum est Philippo Lovel, thesaurario regis, quod visis litteris faciat habere regi unam capam de rubeo samito cum quodam lato aurifrigio, quam rex possit offerre apud Merton', et tres pannos ad aurum ad offerendum pro rege apud Certeseye: et pannos illos et capam regi usque Merton' sine ulla dilacione privatim mittat. Teste rege apud Merton' iiij. die Aprilis.

De navibus carcatis vinis arestatis et ducendis usque Lond'.— Mandatum est baronibus et ballivis regis de Sandwic' quod in fide regi tenentur (sic) illas duas naves carcatas vinis, quas Walterus le Flemmeng de Suhampton' arestari fecit ad opus regis apud Suhampton', et que nuper venerunt in portum suum, cum omni celeritate venire faciant usque London' una cum aliis quatuor navibus de primis bonis vinis, que venture sunt in portum predictum, prout Hugo serviens Johannis de Gisorz eis ex parte regis injunxerit. Et hoc sicut honorem regis diligunt non omittant, ne in instanti parliamento regis defectum bonorum vinorum rex patiatur propter quod ad ipsos graviter capere debeat. Teste ut supra.

De quodam prisone salvo custodiendo in gaiola de Flet'.—Quia rex accepit per inquisicionem nuper factam quod Willelmus filius Johannis de Shelford', quem rex nuper commisit custodiendum per breve suum in gaiola de Flet', culpabilis est de morte predicti Johannis patris sui nequiter interfecti, mandatum est custodi gaiole de Flet' quod, sicut corpus suum et omnia que habet diligit, ipsum ita salvo custodiri faciat et in tam forti carcere detineri quod ipse regi de corpore suo respondere possit ad mandatum regis. Teste ut supra.

De ponendo per ballium.—Jacobus de Dytton, Ricardus Kaym et Ascelina uxor Willelmi Yngelond, capti et detenti in prisona regis de Estwode pro morte Roberti de Oteringeden' unde rettati sunt, habent breve vicecomiti Essex' quod ponantur per ballium. Teste ut supra.

Pro abbate de Flexlegh'.—Quia quedam forma proloquta est inter regem et abbatem de Flexlegh' super sustentacione quam exigit in foresta regis de Dene ad forgiam suam ejusdem foreste, et forma illa nondum plene completa est, et rex propter peccatum non vult quod sustentacio illa ei interim penitus subtrahatur, mandatum est Jacobo Fresel, constabulario suo de Sancto Briavell', quod eidem abbati in dicta foresta ad sustentacionem predicte forgie duas de siccioribus quercubus et minus folia portantibus singulis septimanis habere faciat, ubi ad minus dampnum ejusdem foreste capi poterunt, quousque dicta forma ad effectum perducatur et aliud inde a rege receperit in mandatis. Teste ut supra.

De uno lapide precioso emendo.—Mandatum est Eduuardo de Westmonasterio quod, si invenerit aliquem lapidem preciosum venalem London', lapidem illum emat et reservari faciat ad feretrum Sancti Eduuardi.
Et mandatum est Philippo Luvel, thesaurario regis, quod lapidem illum aquietare faciat. Teste rege apud Merton'. v. die Aprilis.

De uno dolio vini dato.—Mandatum est Johanni de Gisorc', camerario regis, quod faciat habere priori de Merton' unum dolium vini de dono regis. Teste ut supra.

De ponendo per ballium.—Willelmus Pascal et Willelmus le Helyun, capti et detenti in prisona castri regis de Sancto Briavello pro transgressione foreste, habent breve quod ponantur per ballium usque ad adventum justiciariorum regis ad placita foreste in comitatu Gloucestr'. Teste rege apud Merton' vj. die Aprilis.

De denariis levandis et liberandis ad operaciones regis Gloucestr'.—Mandatum est Philippo Luvel, thesaurario, quod, si ille xxx. libre sterlingorum, per quas Galfridus de Derhurst, quondam clericus vicecomitis Glouc', finem fecit pro transgressione coram justiciariis regis qui ultimo itineraverunt in comitatu Glouc', nondum solute fuerunt ad scaccarium regis, tunc eas sine dilacione levari et assignari faciat ad operaciones castri regis Gloucestr' inde faciendas. Teste ut supra.

Pro hominibus de Ware.—Homines de Ware solverunt in garderoba regis per preceptum regis Petro de Warderoba, clerico regis, xl. s. ad quos amerciati fuerunt per ballivos regis de mercato pro falsis mensuris suis. Et mandatum est vicecomiti Hertford' quod districtionem quam eis facit pro amerciamento predicto relaxet eisdem. Teste ut supra.

Pro priore et hominibus de Dunstapl'.—Eodem modo mandatum est eidem vicecomiti pro priore de Dunstapl' et hominibus de Dunstapl' pro decem marcis argenti, ad quas similiter amerciati fuerunt per eosdem ballivos pro transgressione mensurarum, pro quibus quidem decem marcis solverunt unam marcam auri in garderoba regis apud Windes'.

[m. 13.]

Pro Radulfo filio Nicholai.—Quia constat regi per inspectionem rotulorum cancellarie sue quod ultimo, quando rex fecit dominica sua per Angliam talliari habuerit Radulfus filius Nicholai breve regis de habendo racionabile tallagium de tenentibus suis in manerio suo de Pinchelecumb', si aliquando fuerit dominicum regis vel predecessorum suorum regum Anglie et talliari consueverit, mandatum est vicecomiti Glouc' quod eidem Radulfo de tenentibus suis in predicto manerio de Pichelecumb' racionabile tallagium suum habere faciat, si idem manerium aliquando fuerit dominicum regis vel predecessorum suorum regum Anglie et huc usque talliari consueverit, quia rex predicta dominica sua ad presens facit talliari. Teste rege apud Windes' viij. die Aprilis.
Idem mandatum est vicecomiti Notingh' pro eodem Radulfo de manerio suo de Dunham.

Pro abbate de Clyve.—Idem mandatum est vicecomiti Devon' pro abbate de Clyve de manerio suo de Braunton', quod aliquando fuit dominicum regis.

De operacionibus castri regis Windes'.—Mandatum est Godefrido de Lyston', custodi foreste regis de Windes', quod in eadem foresta faciat habere Eymoni Thurbert, constabulario et custodi operacionum castri regis Windes', xv. quercus ad maeremium ad easdem operaciones inde faciendas et baculos quantum necesse fuerit ad vineam gardini nostri de Windes' supportandam. Teste ut supra.

Pro Johanne filio Galfridi.—Mandatum est constabulario regis Divisarum quod in foresta regis de Chippeham faciat habere Johanni filio Galfridi x. quercus de dono regis. Teste ut supra.
Mandatum est Johanni filio Nigelli, custodi foreste sue de Bernewode, quod in bosco regis de Pauncehale faciat habere Johanni filio Galfridi x. quercus de dono regis. Teste ut supra.

Pro Radulfo de Bakepuz.—Mandatum est Willelmo de Plesset', custodi foreste regis de Menedep', quod permittat Radulfum de Bakepuz habere liberum chiminagium ad xv. quercus, quas W. Bathoniensis et Wellensis episcopus et alii infra predictam forestam ei dederunt, cariandas quo voluerit, si eas dare possint sine licencia regis. Teste rege apud Windes' ix. die Aprilis.

De uno calice emendo.—Mandatum est Eduuardo de Westmonasterio quod de iiii^or. marcis, quas rex ei mittit, fieri faciat quendam decentem calicem et bene deauratum et capellanis ministrantibus in capella regis de Windes' ad usus ejusdem capelle liberari faciat. Teste ut supra.

Pro priorissa de Ankerwyk'.—Quia priorissa et moniales de Ankerwik' nullam beneficiorum ecclesiasticorum habent spiritualitatem, ut rex audivit, mandatum est Norwicensi episcopo quod demandam, quam eis facit occasione decime regis per dominum papam concesse, ponat in respectum donec aliud a rege inde habuerit in mandatis et aliter de eadem decima fuerit ordinatum. Teste ut supra.
Et mandatum est decano de Burnham quod demande quam facit eisdem priorisse et monialibus de decima predicta supersedeat quousque a predicto episcopo aliud habuerit in mandatis. Teste etc.

De una roba data.—Mandatum est Rogero Cissori quod Laurencio capellano, custodi operacionum regis Windes', faciat habere quandam robam ei convenientem de dono regis. Teste ut supra.

Pro abbate et conventu Westm'.—Mandatum est baronibus de Scaccario quod cartas quas rex concessit abbati et conventui Westm' (fn. 1) in rotulis de scaccario inrotulari et articulos in eisdem cartis contentos eis firmiter observari faciant. Teste ut supra.

Pro heredibus Galfridi de Baggeset'.—Rex reddidit heredibus Galfridi de Bagset' totam terram que fuit ipsius Galfridi in Bagset' et Fremesham, quam nuper rex cepit in manum suam, excepta serjantia quam de rege tenuit. Et mandatum est abbati de Persor' et Elye de Hertford', excaetoribus regis, quod de eisdem terris heredibus ipsius Galfridi seisinam suam habere faciant. Teste etc.

Pro episcopo Herefordensi.—Quia P. Herefordensis episcopus est in servicio regis in partibus transmarinis, mandatum est custodi haye regis de Hereford' quod eidem episcopo in predicta haya habere faciat hoc anno virgas et maremium ad instantes nundinas suas Heref' sicut aliis annis habere consuevit. Teste rege apud Windes' x. die Aprilis.

De una roba data.—Mandatum est Philippo Luvel, thesaurario regis, quod Reymundo Guillelmi, capellano, nuncio abbatis de Sordua, faciat habere unam robam cum furura ad supertunicam de scurellis vel bonis cuniculis de dono regis. Teste ut supra.

Pro heredibus Galfridi de Baggeset'.—Mandatum est Godefrido de Lyston', custodi foreste regis de Windes', quod de serjantya, quam Galfridus de Bagset' tenuit de rege infra predictam forestam et quam cepit in manum regis post mortem ipsius Galfridi, heredibus ejusdem Galfridi (fn. 2) sine dilacione plenam seisinam habere faciat, accepta prius ab eis securitate quod nichil vendent nec alienabunt de terra predicta per quod rex vel heredes sui a warda vel relevio seu servicio inde regi debito elongentur. Teste ut supra.

De ponendo per ballium.—Agatha de Welle, capta et detenta in prisona regis Winton' pro morte Gilberti de Chenne unde rettata est, habet breve vicecomiti Suhampt' quod ponatur per ballium. Teste ut supra.

Pro Johanna de Bruere.—Quia constat regi per inspeccionem rotulorum cancellarie sue quod alias, quando rex dominica sua per Angliam talliari fecit, habuit Johanna Bruere breve regis de habendo racionabili tallagio de tenentibus suis in manerio suo de Melverton', si aliquando fuerit dominicum regis vel predecessorum suorum regum Anglie et talliari consueverit, mandatum est vicecomiti Somerset' quod eidem Johanne de tenentibus suis in predicto manerio suo de Melverton' habere faciat, si aliquando fuerit dominicum regis vel predecessorum suorum regum Anglie et hucusque talliari consueverit, quia rex predicta dominica sua ad presens facit talliari. Teste ut supra.
Idem mandatum est vicecomiti Derb' pro eadem Johanna de manerio suo de Chestrefeld'. Teste ut supra.

Pro Maria de Curtennay.—Idem mandatum est vicecomiti Devon' pro Maria de Curtenay de manerio suo de Shafteber'. Teste ut supra.

Pro abbate de Stanlegh'.—Eodem modo mandatum est vicecomiti Warr' pro abbate de Stanleg' pro manerio de Stanlegh'. Teste ut supra.

De ponendo per ballium.—Willelmus de Lumbey, captus et detentus in prisona regis Eboraci pro morte Thome le Parker unde rettatus est, habet breve vicecomiti Ebor' quod ponatur per ballium. Teste ut supra.

Pro Willelmo de Walenc'.—Mandatum est Henrico de la Mare, custodi foreste regis de Savernak', quod in eadem foresta faciat habere Willelmo de Valenc' xx. cheverones de dono regis. Teste ut supra.
Mandatum est Willelmo de Langele, custodi foreste regis de Wychewode, quod in bosco regis de Cornebyr' faciat habere eidem Willelmo v. quercus ad maeremium de dono regis. Teste ut supra.

De coronatore eligendo.—Quia rex concessit per litteras suas patentes Roberto Ingrami quod non sit coronator regis contra voluntatem suam, mandatum est vicecomiti Ebor' quod in pleno comitatu suo et per assensum ejusdem comitatus eligi faciat quendam alium coronatorem de legalioribus et discretioribus militibus ejusdem comitatus, qui, prestito prius sacramento fidelitatis sicut fieri debet, ex tunc faciat et conservet etc.

Pro Radulfo filio Nicholai.—Quia rex talliari facit dominica sua per Angliam, mandatum est vicecomiti Oxon' quod Radulfo filio Nicholai faciat habere racionabile tallagium suum de tenentibus suis in manerio suo de Dodynton', si aliquando fuerit dominicum regis vel predecessorum suorum regum Anglie et hucusque talliari consueverit. Teste rege apud Windes' xiij. die Aprilis.
Eodem modo mandatum est vicecomiti Suth' pro eodem Radulfo de manerio suo de Suthrop'.

Pro Nicholao filio Alani de Wudestok'.—Quia Nicholaus filius Alani de Wudestok est in servicio Beatricis filie regis, rex quietavit ipsum hac vice de duobus solidis ad quos nuper talliatus fuit in assessione tallagii ville sue de Wudestok'. Et mandatum est ballivis et probis hominibus regis de Wudestok' quod ipsum Nicholaum de predictis duobus solidis quietum esse et eos super alios homines ejusdem ville assideri faciant, ita quod dictum tallagium regis non decrescat. Teste ibidem xiiij. die Aprilis.

Pro Galfrido de Lezignan.—Quia constat regi per inspectionem rotulorum cancellarie sue quod ultimo, quando dominica sua per Angliam fecit talliari, habuit Ebulo de Montibus breve regis de habendo racionabili tallagio suo de tenentibus in maneriis de Waleton' et Ewelle, que tunc fuerunt in manu ipsius Ebulonis, si aliquando fuerint dominica regis vel predecessorum suorum regum Anglie et talliari consueverint, mandatum est vicecomiti Surr' quod Galfrido de Lezygnan, fratri regis, in cujus custodia predicta maneria modo sunt, racionabile tallagium suum habere faciat de tenentibus suis in maneriis predictis si aliquando fuerint dominica regis vel predecessorum suorum regum Anglie et hucusque talliari consueverint, quia rex dominica sua per Angliam ad presens facit talliare (sic). Teste ut supra.

Mandatum est Hugoni de Goldingham, custodi foreste regis inter pontes Staunford' et Oxon', quod, si de decem quercubus quas dum rex fuit in Wasconia dedit Ade de Cestreton' per breve suum de sigillo suo Wasconie inde directum Ernaldo de Bosco, tunc justiciario regis foreste, nondum habuit idem Adam nisi quinque quercus in foresta regis de Clyve, tunc de residuis quinque quercubus in eadem foresta regis dicto Ade faciat habere tres bonas quercus cum omnibus excaetis suis ad presens de dono regis. Teste rege apud Windes' xiiij. die Aprilis. (In margin) Aliter inferius.

Pro priore Sancti Thome de Tikehull'.—Mandatum est Galfrido de Langele, custodi terrarum que fuerunt comitisse Augi, quod faciat habere priori Sancti Thome de Tykehull' xxx. solidos de termino Pasche proximo preteriti de annuo redditu lx. solidorum quem dicta comitissa eidem priori concessit de elemosina sua constituta. Teste ut supra.

Pro abbate de Gresteyn.—Quia constat regi per inspeccionem rotulorum garderobe sue quod abbas de Gresteyn solvit in garderoba predicta die Sabbati in festo Cathedre Sancti Petri anno etc. xxxvii. P. Chacep', tunc custodi ejusdem garderobe, unam marcam auri, per quam finem fecit cum rege quod quietus sit de communibus summonitionibus (fn. 3) justiciariis itinerantibus ad communia placita et coram justiciariis foreste per quatuor annos a predicto festo Sancti Petri (fn. 3) mandatum est baronibus de scaccario quod ipsum abbatem de predicta marca auri quietum esse faciant. Teste ut supra.

Pro magistro et fratribus de Monasterio Cornuto.—Quia rex talliari facit dominica sua per Angliam, mandatum est vicecomiti Kanc' quod fratribus de Monasterio Cornuto racionabile tallagium suum habere faciat de tenentibus suis in manerio suo de Chiselhurst', si aliquando fuerit dominicum regis vel predecessorum suorum regum Anglie et hucusque talliari consueverit. Teste rege apud Windes' xv. die Aprilis.
Eodem modo mandatum est vicecomiti Essex' pro eisdem fratribus de tenentibus suis in manerio de Haveryng'. Teste ut supra.

De roba data.—Mandatum est Rogero Cissori quod faciat habere magistro Gilberto, carpentario regis de Wynds', unam robam de dono regis de instanti termino Pentechostes. Teste rege apud Certes' xvii. die Aprilis.

De quercubus datis.—Mandatum est Hugoni de Goldingham, custodi foreste regis de Clyve, quod in eadem foresta faciat habere Ade de Cestreton' tres bonas quercus cum omnibus excaetis suis de dono regis. Teste ut supra.

Pro Londoniensi episcopo.—Quia rex talliari facit dominica sua per Angliam, mandatum est vicecomiti Wyltes' quod Fulconi Londoniensi episcopo faciat habere racionabile tallagium suum de tenentibus suis in maneriis suis de Wotton', Berewyk, et Mereden', si aliquando fuerunt dominica regis vel predecessorum, regum Anglie, et huc usque talliari consueverint. Teste rege apud Westm' xviij. die Aprilis.
Eodem modo mandatum est vicecomiti Oxon' pro eodem episcopo de manerio suo de Kirtlyngton'. Teste ut supra.
Eodem modo mandatum est vicecomiti Surr' et Sussex' pro eodem episcopo de tenentibus suis in maneriis suis de Stokes et Loddeswurth'. Teste ut supra.

De uno dolio vini dato.—Mandatum est Johanni de Gysorc', camerario regis London', quod visis litteris cum festinacione faciat habere Galfrido de Lezignan, fratri regis, unum dolium vini de dono regis. Teste ut supra.

De illo mesuagio quod fuit Mokke Judei in Hereford.—Rex, propter transgressionem quam Willelmus de Sancta Ermina nuper fecit in parco regis de Wyndes', non vult rex quod illud mesuagium cum pertinenciis, quod fuit Mokke Judei in Hereford et quod rex dederat prefato Willelmo, diucius remaneat eidem Willelmo; immo rex vult quod R. comes Cornubie mesuagium illud habeat in convencione sua de Judeis regis. Et mandatum est eidem comiti quod illud mesuagium capiat in manum suam et commodum suum inde faciat prout magis viderit expedire. Teste ut supra.

De ponendo per ballium.—Willelmus filius Willelmi de Pagrave, captus et detentus in prisona regis de Norwico pro morte Richardi filii Isolde unde rettatus est, habet breve vicecomiti Norf' quod ponatur per ballium. Teste ut supra.
Simon le Fraunceys, captus et detentus in prisona regis Wigorn' pro morte Willelmi le Chaluner unde rettatus est, habet breve vicecomiti Wigorn' quod ponatur per ballium. Teste ut supra.

De fine pro licenia maritandi.—Rex, per finem quem Isabella que fuit uxor Radulfi de Haya fecit cum rege, concessit ei quod se maritare possit cui voluerit in regno regis. Et mandatum est vicecomiti Sussex' quod omnes terras eiusdem Isabelle in balliva sua captas in manum regis, eo quod dicebatur ipsam maritatam esse Thome de Audenham sine licencia regis, eidem Isabelle sine dilacione restituat, una cum omnibus inde perceptis a tempore captionis earundem terrarum in manum regis; et terras ejusdem Thome, occasione predicta captas in manum regis, eidem Thome similiter restituat cum omnibus inde perceptis a tempore captionis predicte. Teste rege apud Westm' xxij. die Aprilis.
Eodem modo mandatum est vicecomitibus Lincoln' et Somersett'.
Eodem modo mandatum est vicecomiti Kanc' de terris Thome de Audeham captis in manum regis eo quod dicebatur ipsum duxisse in uxorem predictam Isabellam sine licencia regis. Teste ut supra.

Pro Elyensi electo.—Quia rex talliari facit dominica sua per Angliam, mandatum est vicecomiti Suff' quod W. electo Elyensi faciat habere racionabile tallagium de tenentibus suis in manerio suo de Brunford, si idem manerium fuerit antiquum dominicum regis vel predecessorum suorum regum Anglie et hucusque talliari consueverit. Teste rege apud Westmonasterium xxiij. die Aprilis.

De escaetore substituto.—Rex amovit Walterum de Eylesford' ab officio escaeterie in comitatu Hereford' et loco suo substituit Simonem de Burle. Et mandatum est vicecomiti Hereford' quod ipsum Simonem loco ipsius Walteri substituat et quod recipiat ab eo sacramentum fidelitatis, quod prefato officio diligenter et providenter intendat, sicut alii escaetores prius ad hoc intendere consueverunt. Teste.

Pro R. comite Cornubie.—Mandatum est Petro de Neuvyle, custodi foreste regis Roteland', quod permittat ballivos R. comitis Cornubie prosternere et cariare ad opus ipsius comitis totum maeremium quod nuper emit in predicta foresta a venditoribus boscorum regis in comitatu Roteland'. Teste ut supra.

De auro emendo.—Mandatum est thesaurario et camerariis quod liberari faciant Willelmo de Glouc' omnes denarios provenientes de Judaismo ad scaccarium regis ad aurum inde emendum ad opus regis, salvis denariis assignatis ad solucionem civium Burd'. Et, cum rex sciverit summam, faciet eis habere breve suum de Liberate. Teste rege apud Westmonasterium xxv. die Aprilis.

Pro abbate de Cyrencestr'.—Quia constat regi per inspeccionem rotulorum cancellarie sue quod alias, quando dominica sua per Angliam fecit talliari, habuit abbas de Cyrencestr' breve regis de habendo racionabili tallagio suo de tenentibus suis in manerio suo de Cyrencestr', si aliquando fuerit dominicum regis vel predecessorum suorum regum Anglie et talliari consueverit; mandatum est vicecomiti Glouc' quod eidem abbati de tenentibus suis in eodem manerio racionabile tallagium habere faciat si aliquando fuerit dominicum regis vel predecessorum suorum regum Anglie et huc usque talliari consueverit. Teste ut supra.

Pro Johanne de Baylloll'.—Quia rex talliari facit dominica sua, mandatum est vicecomiti Suff' quod faciat habere Johanni de Bayllol racionabile tallagium suum de tenentibus suis in manerio suo de Luthinglaund quod aliquando fuerit dominicum regis, si hucusque talliari consueverit. Teste ut supra.
Eodem modo mandatum est vicecomiti Lincoln' pro eodem Johanne de manerio suo de Thorkes'. Teste ut supra.

De ponendo per ballium.—Rogerus filius David, Johannes filius Thome de Cnarebure et Adam filius Line, capti et detenti in prisona regis Eboraci pro morte Willelmi Suyft unde rettati sunt, habent breve regis vicecomiti Ebor' quod ponantur per ballium. Teste rege apud Westmonasterium xxv. die Aprilis.

Pro Symone de Bello Campo.—Quia rex facit talliare dominica sua per Angliam, mandatum est vicecomiti Dereb' quod faciat habere Simoni de Bello Campo racionabile tallagium suum de tenentibus suis in manerio suo de Cestrefeld, si aliquando fuerit dominicum regis vel predecessorum suorum regum Anglie et hucusque talliari consueverit. Teste ut supra.

De prioratu de Bykenacr' capto in manum regis.—Quia prioratus de Bykenacr', cuius patronus rex est, vacat per cessionem prioris eiusdem domus, mandatum est abbati de Persor' et Elye de Hertford', exscaetoribus regis, quod prioratum illum cum omnibus terris et tenementis ad ipsum pertinentibus capiant in manum regis, et ea ad utilitatem predicte domus, que pauper est, salvo custodiant, donec rex aliud inde preceperit. Teste ut supra.

[m 12.]

De escaelore substituto.—Rex amovit Walterum Giffard ab officio exscaeterie sue in comitatu Devon', et loco suo substituit Willelmum de Punchardun excaetorem suum in eodem comitatu quamdiu regi placuerit. Et mandatum est vicecomiti Devon' quod, accepto ab eodem sacramento fidelitatis, ipsum intendere faciat officio exscaeterie regis in comitatu predicto sicut predictum est. Teste rege apud Westmonasterium xxvij. die Aprilis.
Eodem modo mandatum est de Nicholao Menerel substituendo exscaetore regis in comitatu Staff' loco Hugonis de Weston' quondam excaetoris in eodem comitatu. Teste ut supra.

De roboribus datis.—Mandatum est Roberto de Stopham, ballivo regis de Clarendon', quod in foresta regis de Clarendon faciat habere magistro Roberto de Clarevyle, thesaurario Sar', ubi comodius et propinquius fieri possit, tria bona et magna robora cum omnibus escaetis suis ad focum suum, de dono regis. Teste ut supra.

Mandatum est vicecomiti Norf' quod faciat habere Willemo le Marscal racionabile tallagium suum de tenentibus suis in manerio suo de Hengham, si aliquando fuerit dominicum regis vel predecessorum suorum regum Anglie et hucusque talliari consueverit. Teste ut supra. Aliter inferius (and in margin) Non habuit.

Pro Guidone de Lezignan'.—Quia constat regi per inspeccionem rotulorum cancellarie sue quod alias, quando dominica sua per Angliam talliari fecit, habuit Guido de Lezignan breve regis de habendo racionabili tallagio suo de tenentibus suis in manerio de Osewaldebek, quod est in custodia ipsius Guidonis, mandatum est vicecomiti Not' quod eidem Guidoni de tenentibus suis in manerio predicto racionabile tallagium suum habere faciat, si hucusque talliari consueverit. Teste.

Pro hominibus Suthampt'.—Probi homines regis de Suthampton' solverunt per preceptum regis die Mercurii proxima ante festum apostolorum Philippi et Jacobi apud Westmonasterium xl. libras Elye Maunsel et Ricardo constabulario, custodibus operacionum regis de Guldeford', ad easdem operaciones faciendas, de ultimo tallagio regis super eos assesso. Et mandatum est baronibus de scaccario quod ipsos homines de predictis xl. libris quietos esse faciant. Teste rege apud Westmonasterium xxviij. die Aprilis.

De vinis capiendis ad opus regis.—Mandatum est Johanni de Gysorc', camerario regis London', quod de primis vinis venientibus apud London' capiat ad opus regis vj. dolia vini et ea liberet vicecomitibus London' carianda quo rex injunxit. Teste.

De vinis cariandis.—Mandatum est Rogero le Flemmeng', custodi prise regis apud Suthampton', quod xx. dolia vini de recta prisa, que sunt in custodia sua et que per ballivos regis Suthampt' rex acquietari precepit, liberet eisdem ballivis carianda quo rex eis injunxit. Teste ut supra.

Mandatum est baronibus de scaccario quod demandas quas faciunt Engeramo de Fennes per summonicionem scaccarii regis de omnibus claris et non claris debitis que regi debet, excepto auxilio ad primogenitum filium regis militem faciendum, ponant in respectum usque ad quindenam Sancti Michaelis anno etc. xxxix.; et, si aliquid eiusdem auxilii ab ipso Engeramo exacti fuerit contenciosum, eidem Engeramo respectum predictum inde habere faciant. Teste rege apud Westmonasterium xxviij. die Aprilis. (Margin) Aliter inferius.

De cervis capiendis.—Rex mittit usque ad forestam de Menedep' venatores suos ad capiendum in ea x. cervos contra festum Pentecostes; et mandatum est custodi predicte foreste quod ipsos ad hoc admittat et ad ipsos capiendos consilium et auxilium eis impendat. Teste ut supra.

De capriolis capiendis.—Rex mittit similiter usque ad forestam suam de Cett' venatores suos ad capiendum capriolos contra idem festum; et mandatum est Alicie (sic) de Columbar', custodi ejusdem foreste, quod ipsos ad hoc admittat. Teste ut supra.

Pro Willelmo de Neuvyle.—Quia rex dominica sua per Angliam facit talliari, mandatum est vicecomiti Linc' quod faciat habere Willelmo de Neuvyle racionabile tallagium suum de tenentibus suis in maneriis suis de Kerynton' et Hauburg', si aliquando fuerint dominica regis vel predecessorum suorum regum Anglie et hucusque talliari consueverint. Teste ut supra.
Et sciendum quod invenitur in fine rotuli clausarum anni xxxvj. quod idem Willelmus alias habuit tallagium suum de eisdem maneriis.

Pro Willelmo de Sancta Ermina.—Cum rex concesserit Willelmo de Sancta Ermina custodiam terrarum quas Alicia Wak' tenuit de rege in capite in Wardon', mandatum est abbati de Persor' et Elye de Hertford', escaetoribus regis ultra Trentam, quod omnia exitus et proventus inde perceptos a tempore captionis earundem terrarum in manum regis eidem Willelmo habere faciant. Teste ut supra.

De dote assignanda.—Mandatum est Roberto de Stopham, ballivo regis de Clarendon, quod de omnibus terris et tenementis que fuerunt Jacobi de Pytton in balliva sua, et que occasione mortis ejusdem Jacobi capta sunt in manum regis, Hawisie que fuit uxor ejusdem Jacobi racionabilem dotem sine dilacione assignari faciat, accepta ab ea securitate quod non maritabit se sine licencia regis. Teste ut supra.

Pro Guidone de Quercu et Petro Bernardi.—Mandatum est Rogero Cissori quod faciat habere Guidoni de Quercu et Petro Bernardi, quibus ad instanciam Willelmi de Valenc', fratris regis, arma militaria ad hoc festum Pentecostes rex daturus est, faciat habere ea que eis necessaria sunt de garderoba regis ad miliciam suam, sicut aliis novis militibus suis invenire consuevit. Teste ut supra.

Pro Engeramo de Fennes.—Rex dedit respectum Engeramo de Fennes de omnibus debitis que regi debet et que ab eo exiguntur per summonicionem scaccarii regis, excepto auxilio ad primogenitum filium regis militem faciendum, usque a die Sancti Michaelis in xv. dies anno etc. xxxix. Et mandatum est baronibus de scaccario quod eidem Engeramo respectum predictum habere faciant. Teste ut supra.

Mandatum est Matheo Bezylles quod ponderari faciat Edmundum filium regis et pondus suum in pane et carnibus errogari pauperibus faciat. Teste ut supra. (In margin) Redditum fuit breve.

Pro Rogero de Somery.—Quia constat regi per inspeccionem rotulorum cancellarie sue quod ultimo, quando dominica sua per Angliam fecit talliari, habuit Rogerus de Somery breve regis de habendo racionabili tallagio de tenentibus suis in maneriis de Clent, Suyneford et Mere, que tenet de rege ad feodi firmam, et que fuerunt dominica predecessorum, regum Anglie, mandatum est vicecomiti Staff' quod eidem Rogero faciat habere racionabile tallagium suum de tenentibus suis in eisdem maneriis si hucusque talliari consueverint, quia rex dominica sua per Angliam ad presens facit talliari. Teste ut supra.

Pro Ricardo de Forda.—Quia rex accepit per inquisicionem quam per Thomam de Staunford', exscaetorem suum ultra Trentam, fieri precepit quod homagium et servicium Odenelli de Ford' assignata fuerunt Willelmo de Huntercumbe et Isabelle uxori ejus, filie et uni heredum Roberti de Muschamp', in parte ejusdem Isabelle de terris que fuerunt predicti Roberti, per assensum coheredum ejusdem Roberti, mandatum est predicto escaetori quod de omnibus terris et tenement is in balliva sua, de quibus Isabella de Forda heres predicti Odenelli fuit seisita in dominico suo ut de feodo de hereditate predicti Odenelli, avi sui, de (sic) quo obiit, et que occasione mortis ejusdem Isabelle capta sunt in manum regis, Ricardo de Ford' avunculo et heredi predicte Isabelle cujus homagium predictus Willelmus inde cepit, plenam seisinam sine dilacione habere faciat. Teste ut supra.

De terris que fuerunt Gilberti de Segrave capiendis in manum regis.—Quia custodia omnium terrarum et tenementorum que fuerunt Gilberti de Segrave die quo obiit, de quocumque ea tenuit, ad regem pertinet, eo quod idem Gilbertus tenuit de rege in capite per servicium militare, mandatum est vicecomiti Buk' quod omnes terras et tenementa que fuerunt ejusdem Gilberti in la Penne capiat in manum regis et ea salvo custodiat, donec rex aliud inde preceperit. Teste ut supra.
Eodem modo mandatum est vicecomiti Leyc' et Warr' de terris et tenementis que fuerunt ejusdem Gilberti in Syleby, Westan', Munsorel, Thirneb' et Brinkelawe. Teste ut supra.

De custodia earundem terrarum concessa Edwardo filio regis.— Et rex concessit Eduuardo filio suo custodiam earundem terrarum et tenementorum, habendam una cum ceteris terris que fuerunt predicti Gilberti usque ad legitimam etatem heredis ejusdem Gilberti; et mandatum est vicecomiti Buk' quod ballivis prefati Eduuardi de custodia predictarum terrarum et tenementorum ad opus ejusdem Eduuardi plenam seisinam habere faciat, una cum omnibus inde perceptis a tempore capcionis earundem terrarum in manum regis. Teste ut supra.
Eodem modo mandatum est vicecomiti Leyc' et Warr, de custodia terrarum et tenementorum que fuerunt predicti Gilberti in Syleby, Westan', Muntsorel, Thirneb' et Brinkelawe. Teste ut supra.

Pro civibus Eboraci.—Cives Eboraci liberaverunt per preceptum regis Bono Runcino, mercatori, de tallagio super eos ultimo assesso c. libras sterlingorum de termino Pasche anno etc. xxxix. in partem solucionis debitorum que rex eidem mercatori debuit, et Peregrino de Luk' et sociis suis, mercatoribus, c. marcas sterlingorum de eodem termino similiter in partem solucionis debitorum que rex eis debuit. Et mandatum est baronibus de scaccario quod ipsos cives de predictis ccl. marcis quietos esse faciant. Teste ut supra.

Pro Galfrido de Lezignan.—Mandatum est Rogero de Ros quod faciat habere Galfrido de Lezignan, fratri regis, robas suas contra instans festum Pentecostes se quarto militum, sicut alias contra idem festum habere consuevit: et similiter Willelmo de Chavynny se tercio militum robas contra idem festum de dono regis. Teste rege apud Westmonasterium xxx. die Aprilis.

De escaetore substituto.—Rex amovit Hugonem de Boby ab officio escaetoris in comitatu Leyc' et loco suo substituit Willelmum de Kileby escaetorem suum in eodem comitatu quamdiu regi placuerit. Et mandatum est vicecomiti Leic' quod accepto ab eodem Willelmo sacramento fidelitatis ipsum ad hoc intendere faciat, sicut predictum est. Teste ut supra.

Pro Cassalensi electo.—David Cassalensis electus venit ad regem infra tempus sibi assignatum et fecit regi fidelitatem prout debuit pro temporalibus archiepiscopatus sui; et mandatum est justiciario Hibernie quod fidejussores quos regi invenit de predicta fidelitate regi facienda quietos de predicta fidejussione esse permittat, et litteram obligatoriam, quam idem electus ei super hoc fecit, eidem electo restituat. Teste ut supra.

De pannis contra assisam.—Mandatum est majori et ballivis regis Norhampt' quod pannos contra assisam, quos Johannes de Strafford cepit in nundinis Norhampt' et eis liberavit custodiendos ad opus regis, eidem Johanni sine dilacione liberent, et, si pannos illos vendiderint sine precepto regis, tunc sint coram rege in crastino Sancte Trinitatis responsuri regi de transgressione illa: et hoc sicut seipsos diligunt non omittant. Teste ut supra.

Pro Elya de Rouecestr'.—Rex concessit Elye de Rouecestr', marescallo suo, illos tres obolos diurnos quos Henricus de Notingham, jam defunctus, consuevit percipere per manum vicecomitis Essex' de elemosina regis constituta: et mandatum est baronibus de scaccario quod illos tres obolos diurnos eidem Elye habere faciant. Teste ut supra.