The Historical Collections of A Citizen of London in the Fifteenth Century. Originally published by Camden Society, London, 1876.
This free content was digitised by double rekeying. All rights reserved.
Here folowythe the namys of the Baylyes and Sheryfys (fn. 1) of London in the cytte of Kynge Richarde the Fryste aftyr the Conqueste of Englonde that was crownyde the thyrde daye of Septembre the yere of owre Lorde Ml c iiijxx and ix. Ande that yere be ganne the ordyr of Sent Tonyes of Prews, the yere of oure Lorde ut supra Ml c iiijxx x. The namys of the Baylyes and Sherevys:—
|Henricus Cornyll||Anno primo.|
|Johannes Harlyon||Anno secundo.|
|Wyllelmus Haveryll||Anno tercio.|
And that yere Kyng Richarde made a grette ffeste ande a solempne at Londyn, whithe grete justys and turnementys whythe alle the chevalrye of Englonde and of othir londys. Also that yere he wente ovyr see yn to the Hooly Londe, and he toke the grete cytte of Acrys and slowe many Sarezenys. Ande that yere the Byschoppe of Covyntre put owte the Pryer of monkys, and put ther on secular chanons.
|Nycholaus Dukette||Anno quarto.|
|Rogerus Duke||Anno quinto.|
|Richardus fiz Aldyne|
|Wyllelmus fiz Isabell||Anno sexto.|
Ande that yere Kynge Richarde come home warde yn to Englonde fro the Hooly Londe ande was take prysener by the Duke of Ostriche & ladde to the Emperoure and raunsomyde. Ande his raunsum drewe to so moche that every chyrche yn Englonde gave every othyr chalys. Ande monkys ande othyr howsys of relygyon solde hyr bokys to paye hys raunsome.
In that yere, the yere of oure Lorde Ml c iiijxx xviij be ganne the Ordyr of the Trenyte. Ande the same yere was Wylliam with the Longe Berde hangyde ande drawe for erresy. And that same yere, aftyr [th]e Puryfycacyon of oure Lady, the kynge toke the castelle of Notyngham and deseretyde John hyse brothyr. Ande that yere Kynge Rycharde was crownyde at zenne at Wynchester.
Ande in that yere the kynge come homewarde, ande at the Castelle Gaylerde in Normandy he was schottyn thorowe the hedde whythe a quarelle ande loste ther hys lyffe. But yet or he dyde he wan the castelle. And his body ys beryd at Pount Ebraunt, (fn. 2) in Normandy, by hys fadyr. The obyte of the same Kynge Rycharde ys the syxtye (fn. 3) daye of Aprylle, the yere of oure Lorde Ml c iiijxx & xix.
|Robetus Deserte||Anno secundo.|
|Jacobus fiz Barthyn|
|Wyllelmus fiz Alysie||Anno tercio.|
|Symon de Aldermanburye|
And that yere were grete tempestys of wedyr ande raynys, thoundyr and lyghtenynge, and hayle stonys the grettenys of eggys fylle downe a monge the rayne, where of treys and vynys, cornys, ande alle maner of frute were gretely dystryde. Al so there were sene fowlys ande bryddys fleynge in the ayre, berynge fyre on ther mouthys that brente many howsys; thys was the yere of oure Lorde Ml cc & ij. Ande the same yere Englonde was enterdytyd, and other yerys be forne ande aftyr, viij yere durynge, for the kyngys trespas.
And that yere of oure Lorde Ml cc iiij be gan the ordyr of Fryer Prechourys; and that yere was a fulle stronge wynter ande sharpe, and that enduryd fro Newe yere ys day tylle the Annuncyacyon of oure Lady nexte sewynge. Ande that yere were the plays holdyn and motyde at the Towre of London. Ande that yere were sene two fulle monys in the fyrmament.
|Johannes Holylonde||Anno viij°.|
|Edmundus fiz Gerardi|
|Serle, Mercer||Anno ix°.|
|Henricus de Sancto Albano|
|Rogerus Wynchester||Anno x°.|
Ande the nexte yere aftyr by one Serle Mercer, and Wylliam Aldnan the moste parte the yere of oure Lorde Ml cc x. And that yere a man of Ambigensis was brent. And that yere was Castylle Baynard destryde.
Ande the same yere was a grete devysyon in [th]is londe by twyne John. the kynge ande his lordys. And Lowes the kyngys sone of Fraunce was wagyd with many Fraynysche men, and they dyd moche harme in thys londe. And Kyng John fledde to Berandowne. Alle so the towne of Sowtheworke and London Brygge and a grete party of London was brente uppon the day of Syn Lenarde the Translacyon, &c.
|Rogerus fiz Aleyne, Mayre of London||Martyn fiz Alesye||A° xv.|
|Serle, Mercer, Mayre of London||Salman Basynge||Anno xvj°.|
|Willelmus Ardelle, Mayre of London||John Travers||A° xvij°.|
Ande this yere uppon the vygylle of the Puryfycacyon of oure Lady the kyng passyd ovyr the see into Pycardy. Also the same yere, the x day of May, the baronys entryd in to London, and that (fn. 4) was on a Sonday. And thenne be ganne the warre that was i-callyd Barownys warre. And thenne was the Mayre putt downe by the Baronys, and made Serle Mercer Mayre viij dayes. And thys warre duryd alle the yere of Johnne Travers and Androwe Newlond with ynne wrytynne. Ande the same yere nexte be sayde by fore the yere of our Lorde Ml cc xiiij be ganne the ordyr of Freer Menourys. And the xvij yere of the regyne of the kyng, the sayde Kyng John (fn. 5) dyde, and ys berryd at Worsester.
|Jamys Aldyrman a parte||Mayrys of London.|
|Salamon Basyng a parte|
|Ricardus Sumpturer||Anno primo.|
|Wyllelmus Blome Travers|
|Serle, Mercer, Mayre of London two yere||Thomas Bukrelle||Anno ij°|
|John Vyele||Anno iij°.|
|Serle, Mayre of London, Mercer||Rycardus Wynbyldene||Anno iiij°.|
|Ricardus Renger||Anno v°.|
|John le Joswe|
Custace Menke (fn. 6) the cros of Broumholme, and that yere the plees of the crowne were motyde at the Towre of London. Ande the same yere was [th]e Castelle of Bedforde besegyd, and that duryd fro the Assencyon of owre Lorde to the Assumpcyon of oure Lady nexte aftyr; and that day by grete crafte and stronge sawte hit was i-wonne and dystryde and nevyr bylde more, be cause hyt was rebylle a yenste the kynge. Al so that yere the ordyr of the Freer Carmys be ganne, the yere of oure Lorde Ml cc and xx. Al soo the same yere a Syn Lukys eve or day, ther blewe a grete wynde owt of the northe est, and that wynde caste downe many howsys, styplys, turretys, and chyrchys, and treys. Ande the same tyme were sene in the ayre fyre dragons and wyckyd spyrytys a grete nombre.
Ande that yere the kyng had purposyd hym to have do kaste downe the wallys of London. Ande the same yere the ordyr of Fryer Menours came fryste in to Inglonde, and a man (fn. 7) that faynyd hym selfe Cryste at Oxynforde, he was cursyde at Aldermanbery at London the yere of oure Lorde Ml cc xxij.
|Ricardus Ronger, Mayre of London||John Travers||Anno viij°.|
|Rogerus Duke||Anno ix°.|
|Martyn fiz Wylliam|
|Rycardus Ronger, Mayre of London||Rogerus Duke||Anno x°.|
|Rogerus Duke, Mayre of London||Stephanus Bukler||Anno xj°.|
Ande the same yere the Sheryvs of London ande of Myddelsex late to ferme the Shervys (fn. 8) of London for iij c pounde (fn. 9) by yere, and that was grauntyd the xviij day of Feverer the yere a fore sayde. Ande [th]e same yere hit was grauntyd by the kynge and hys consayle, that alle the werys that stode in Temys sholde be dystroyed and nevyr more aftyr stonde in Temys. Alle so the same yere the kyng grauntyd to the cytsynnys of London that they shulde (fn. 10) in alle the kyngys londe, as welle be yende the see as on thys syde the see; yf any man toke any of (fn. 11) the Shervys of London shulde take stresse of hem of the same countres were they myght be founde in any place of London. Alle so the xvj day of Auguste the same yere was i-grauntyd to the cytsyns of London wareyne.
Al so that yere, the vij day of Junij, the lyberteys and the franches of London were radyfyde. Alle so the kyng grauntyd that every Sheryffe sholde have two clerkys and two othyr servauntys and no moo for that offyces. Alle so that yere was ordaynyd [th]at the towne sholde have a comyn sele, and tha shulde be yn kepynge of two aldermen and two comeners of the same cytte; and that hit shulde not be wernyd nor denyde to poore men, nothyr to comyners of the sayde cytte whenne they had nede ther too yf hyt be resonabylle axyde, and that nought be take for the sayde sele.
|Roger Duke, Mayre of London||Walterus Wyncester||Anno xiij°.|
|Roberte fiz John|
|Roger Duke, Mayre||Ricardus fiz William||Anno xiiij°.|
Ande the same yere was i-geve a decre by the Mayre and Aldermen of London, with the counselle and comynne assent of alle the cytte, and sworne on the Evengely or Gospelle, that fro thens forwarde they shulde nevyr suffer Shrevys to abyde in here offyce but oone yere aftyr that day.
Ande that same yere the sayde Roger was putt downe of hys offysse. And that same yere was dyscorde by twyne the kynge and Hew de Burgo. And that same Hew was takyn at Brent woode and brought unto the Towre of London and put in preson.
|The same Androwe, Maire iiij yere sewynge||Raffe Asshewy||Anno xviij°.|
|Bernardus Batte||Anno xix°.|
|Ricardus Roger, Mayre of London||Henricus Cobham||Anno xx°.|
|John Tesalano||Anno xxj°.|
|Wyllelmus Joynor, Mayre of London||John Wylhale||Anno xxij°.|
|Remond Bughey||Anno xxiij°.|
|Gerarde Batte, Mayre of London||John Gysors||Anno xxiiij°.|
|Remonde Bounghey, Mayre of London||John Vyalle||A° xxv°.|
|The same Remonde, Marye (fn. 12) of London||John fiz John||Anno xxvj°.|
And that yere the kyng com home from Bordowys a yenne. And that yere the plees of the Crowne were holdyn at the Towre of London. Ande Wylliam of Yorke, Rychard Paslewe, Herry Bas, and Geron of Gayton, were justysys.
Ande the same yere Michell Tony and Nicholaus Batte were convycte in a perjury be fore the kynge on the Sacramentys in presens be fore alle the Aldyrmen, werefore the same Michell was put downe of his mayrelte and the sayde Nicholas of his sheryvehode.
|John Gysors, Mayre of London||Robertus Cornill||Anno xxix°.|
|Symon fiz Marie||Anno xxx°.|
Ande that yere was translatyd Saynt Edmounde of Pounteney, and a newme (fn. 13) of blode was put in Saynt Thomas of Acris tylle the feste of Saynt Edmounde next sewynge. Ande that day the kyng whithe a ryalle processyon hit was brought to Westmyster.