Extracts From the Records of the Burgh of Edinburgh, 1573-1589. Originally published by Scottish Burgh Records Society, Edinburgh, 1882.
This free content was digitised by double rekeying. All rights reserved.
The provest, baillies, and counsall vnderstanding that the wrychtis and masonis of thair pretendit maner had stoppit certan masonis, vnfremen, to big ane cone in Grayes clois becaus the baxteris wald nocht geve thame sic exhorbitant prices as thay desyrit, for remeid quhairof the provest, baillies, and counsall foirsaidis hes statute and ordanit that the saidis vnfre masones, conforme to the act of parliament, sall compleit and end the said wark and nane vtheris, and commandis this ordour to be kepit in all tymes cuming quhen wrychtis or masonis becomis vnresonabill on thair prices.