Charters and Documents Relating To the City of Glasgow 1175-1649 Part 2. Originally published by Scottish Burgh Records Society, Glasgow, 1894.
This free content was digitised by double rekeying. All rights reserved.
LVI. Bond of Maintenance by James, Duke of Chatelherault, to the Archbishop and Chapter of Glasgow, undertaking to protect the see in all its rights and privileges. Edinburgh, 6 February 1557–8.
Be it kend till all men be thir present letteris, ws, James Duke of Chatelrault erle of Arrane Lord Hamiltoune, for sa meikil as ane maist reverend fader in God James Archbischop of Glasgow hes maid and constitut ws and our aires, with avyce and consent of his cheptour, his bailzes of all and syndry his landis of baronry and regalitie of Glasgow for the space of nyntene zeris, as thair letteris thairupon under his and his forsaid cheptouris commoun seil beris, and thairfor for singular favoris we bere to the Metropolitane Kirk of Glasgow our moder quhair diverse of our forbearis lyis quhilkis brukit the said office of bailzerie for thair tyme, and als havand consideratioune of this perillous and dangerous tyme quhair detestabil heresies ryses and increasis in the diocy of Glasgow, beand of gud mynde and purpos God willing to repress thaim eftir our power, and thairfor to be bundin and obliged and be thir presentis letteris bindis and obligis ws and our airis, be the faith and truth in our bodies, to the said maist reverend fader, his successours and cheptour, to mantayne, supplye, and fortifie and tak afald part and syde with our friendis and all othiris that will take our part quen neid beis, we beand requirit tharto, with thame in all thair gude honest and lefull matteris actionis and querellis belangand to thaim, and sall defend him and tham thair privilegis of thair kirk of Glasgow, thair landis, servandis and tenentis as ony otheris his or thair bailzes hes done to him or thame or thair predecessoris, archbischopis and cheptour of Glasgow, in ony tyme bygane, aganis quhatsumevir person or personis within this realme, except the Queenis grace presentlie or Kingis grace authorities for the tyme allanerlie, and sall nocht tholl the said maist reverend fader, his successouris or cheptour, thair privilegis, kirklandis, tennentis nor servands be put down, wrangit, injurit, troublit nor molestit be na person or personis withis this realme, except the supreme auctoritie as said is, nor sall nocht put down, injure, troubil nor molest him nor thame ourself our airis nor nane otheris that we may gudlie stop, bot in case that ony wald pretend the samyne sall syde, mantene, supply, fortifie and tak afald part with him and tham at our uttir power as said is, and speciallie sall assist and concur with him and tham in expelling of hereseis within the diocy of Glasgow and punishing of heretykis beand within the samyne, with all our frendis and partakeris eftir our uttir power how oft and quhat tyme we be requirit be the said maist reverend fadir and his successoris to do the samyne, without any excusatioune or delay, to the honour of God and our patron St Mungo. In witnes of the quhilk thing to thir our present letteris of maintenance, subscrivit with our hand, our proper seal of armis is hingin at Edinburgh the sext day of Februare the yeire of God MDLVII.