Charters and Documents Relating To the City of Glasgow 1175-1649 Part 2. Originally published by Scottish Burgh Records Society, Glasgow, 1894.
This free content was digitised by double rekeying. All rights reserved.
LXVI. Letters by the Regent Morton discharing the community of the City of Glasgow from passing upon assizes or inquests in any actions, crimes, and causes, before any judges, except in actions and crimes done in the City or three miles outwith the same. Dalkeith, 1 April 1576.
Rex. We, and oure richt traist cousing James erll of Mortoun lord of Dalkeith, Regent to ws, oure realme and liegis, vnderstanding that diuers of the inhabitantis of the citie of Glasgow ar sindre tymes chargit and trublit to compeir and pas vpoun assissis and inqueistis large space of the said cietie, in diuers actiouns and caussis, to thair large expenssis and hinder of thair lefull besines, be the tennour heirof with auise of oure said cousing and regent, and for vtheris ressonabill caussis and consideratiouns moving ws, exemis and dischargis the baillies, inhabitantis, and haill communite of the said citie fra ony compeirance or passing vpoun assissis or inqueistis in quhatsumeuir actionis, crymes, and caussis, befoir our justice, schereffis, stewartis, or vtheris judges within our realme in tyme cuming, except in actionis and crymes done and committit within or thre myles outwith the said citie; and will and grantis that thay nor nane of thame sall be callit or accusit thairfore criminalie nor ciuilie be ony maner of way in tyme cuming, nor sall incur na scaith, pane, cryme, or danger thairthrow in thair persones, priuilegis, landis, guidis, or geir, nochtwithstanding ony actis, statutis, letteres, proclamationis, or charges, speciall or generall, maid or to be maid in the contrair, or ony panis contenit thairin, anent the quhilkis we dispens, discharging all and sundrie our jugis, ministeris of our lawes, vtheris our officiaris, leigis, and subditis off all calling, accusing, vnlawing or onywais proceding aganis the saidis baillies, inhabitantis, and communite of the said citie or ony of thame for the said caus, poinding, trubling, or onywyse intrometting with thame or ony of thame thairfore and of thair offices in that pairt. Gevin vnder our signet and subscriuit be our said cousing and regent at Dalkeith, the first day of Aprile, and of oure reignne the nynt year, 1576.
(L.S.) James, Regent.