Charters and Documents Relating To the City of Glasgow 1175-1649 Part 2. Originally published by Scottish Burgh Records Society, Glasgow, 1894.
This free content was digitised by double rekeying. All rights reserved.
LXXIII. Letter by King James VI., under his Privy Seal, confirming to the University the grant of the customs of the trone, conveyed in No. LXXIII, notwithstanding all acts and statutes to the contrary. Dalkeith, 17 June 1581.
James, be the grace of God, King of Scottis, To all and syndrie oure liegis and subdittis quhome it efferis quhais knawlege thir oure lettres salcum, greting, wit ye ws to haue ratifeit, apprevit, and be thir oure lettres ratifeis apprevis, and for ws and oure successouris perpetuallie confermeis, the letter of vnioun, annexatioun, and mortificatioun maid be James, archbischop of Glasgow and chancellar of the Vniuersitie thairof, with consent and assent of the channonis and chaptour of the Metrapolitane kirk of Glasgow, to the College, maisteris and regentes thairof, present and to cum, off all and haill the custwmeis of the Trone of Glasgow, greit and small custwmes, fair or mercat custwmes, or of met, measour or wecht pertenying to the said Archbischop within the said cietie of Glasgow, with all pertinentis thairof, and all emolimentis, fructis, proffitis, anniuersareis and vther commoditeis quhatsemevir belanging thairto. To be halden of the said Archbischop and his successouris, Archbischoppis of Glasgw for evir. As at mair lenth is contenit in the said lettre of the dait at Glasgow the twentie aucht day of Maij the yeir of God jm vc four scoir ane yeiris present, and all and syndrie pointis, articlis, claussis and conditiounis mentionat and contenit thairin. Attoure we will and grantis and for ws and oure successouris decernis and ordanis, that the said lettres of vnioun and annexatioun with this oure confirmatioun thairvpoun is and salbe as effectuall rychtis and tyttillis to the said College maisteris and regentis thairof, present and to cum, for brouking and joising of the saidis custwmes abouewritten, and thair pertinentis, as and thai had obtenit this oure confirmatioun thairvpoun, at the day and date thairof, notwithstanding ony oure actis or statutis maid or to be maid in the contrare. Anent the quhilkis and all faltis and inconvenientis that may result thairvpoun, we dispenss be thir oure lettres. Gevin vnder oure privie seill at Dalkeith, the sevintene day of Junij, the yeir of God jm vc four scoir ane yeiris, and of our regime the fouretene yeir.
Per signaturam manibus S. D. N. Regis ac dominorum suj secretj consilij subscriptam.