Charters and Documents Relating To the City of Glasgow 1175-1649 Part 2. Originally published by Scottish Burgh Records Society, Glasgow, 1894.
This free content was digitised by double rekeying. All rights reserved.
LXXXII. Act of Parliament granting commission to certain persons to remove the bear and malt market to the head of the Greyfriars Wynd, and to remove the salt market thence to the old station. Edinburgh, 8 June 1594.
Oure Souerane Lord and estaitis of this present parliament vnderstanding be supplicatioun gevin in to thame of befoir (be) the inhabitantis fremen induellaris abone the grayfreir wynd of the Citie of Glasgow, anent the establisching of ane mercat at the wynd heid thereof, for the support and releif of thame, thair wyffis, famelies, and bairnis, and vphalding of thair houss and landis, the saymn being the maist commodious and cheif pairt of the said citie for the recept of his bienes and his court quhen occasioun offeris of the repairing in the cuntrie now altogidder becum rwinous and almaist decayed be ressone of the removing of the clergie, sen the reformatioun of religioun that sustenit and vpheld the samyn of befoir: And als the haill mercattis aught not to be placit at ane part of the said citie but suld be sett at dyuers partis thereof, for the commoun commoditie of the haill inhabitants thereof, sen at all occasionis of stentis, taxationis, and vtheris impositionis, thay beir equall burding, commissioun wes gevin and grantit to vmqle Robert Lord Boyid, Walter Priour of Blantire, the Provest and Baillies of the said Citie for the maist pairt thereof, for establisching of the beir marcat or salt marcat abone the wynd heid: Quha thaireftir placit the salt marcat thair, quhilk was altogidder incommodious be reasone the same wes far distant fra the brig and watter of the said citie, quhair the salt is maist usit, and pat the merchandis and fischeris quha bocht the same to greit expenses of cariage, and transporting thairof fra the said wynd heid to the brig, be the space of ane myle and mair, lyk as the sellaris of the salt vpoun that occasioun removit thame selflfis to the auld place narrer the said brig, quhair the same wes sauld of befoir, and the saidis commissioners wer myndit to haue placit the beir and malt marcat abone the said wynd heid, in place of the said salt marcat gif be deceise of the said vmqle Robert Lord Boyd, the said commissioun had nocht expyrit: For remeid quhair of oure said souerane lord with auise of his saidis estaitis, be thir presentis, gevis, and grantis full pouer and commissioun to his trustie counsellor Walter Priour of Blantyre, lord Privie Seill, Robert Boyd of Badinhaith, Dauid Foirsyth of Dykis, the ordiner ministeris of Glasgw, the Provest and Baillies thereof, or the maist pairt of thame, to raise and lift the beir and malt marcat, and establische the same above the wynd heid of the said citie, to the effect abouewritten, at ony pairt or place thairof maist commodious as thai sall think expedient, and to remove the said salt marcat to the auld statioun quhair it stude, for the commoun benefite of the haill inhabitantis: And generallie all and sundrie vther thingis to do that to the execution of this present commissioun, apertenis, fferme, and stable, etc.